Мазмұнға өту

Жаңа

«31 арна» журналистері жоғары бағаға ие болды

Мінсіз дәлелдерді алға тарту, фактілерді байланыстыра білу, қоғамның өзекті мәселелерінің шешілуіне септігін тигізу, көкейкесті тақырыптарды көтеру нағыз журналистің міндеті. «31 арнаның» еншісінде осы қасиеттерге ие болғандардың саны аз емес. Оған дәлел кәсіби мереке қарсаңында алған сан түрлі сыйлықтар мен марапаттар.

26 маусым күні Қазақстан журналистер одағы Республикалық шығармашылық конкурсының қорытындысын шығарып, үздік жұмыстарды анықтады. БАҚ жұмыскерлерінің арасындағы биылғы жылдың үздіктеріне Қазақстан журналистер одағының лауреаты атағы берілді. Жеңіске жеткендердің арасынан «31 арнаның» қатарынан екі журналист табылды.

Үздік «Журналистік зерттеу» номимнациясы бойынша маңызды тақырыптарға зерттеу жасап жүрген «Сөздің шыны керек» бағдарламасының редакторы Ирина Алимжанова мен «Честно говоря» бағдарламасының редакторы Полина Шиманская ие болды.

«31 арнаның» қанжығасына «Час Бендицкого» бағдарламасының авторы, отандық журналистиканың майталманы Геннадий Бендицкий «Қазақстан полициясына 20 жыл» деген медальмен  майлады. Сыбайлас жемқорлыққа қарсы алғашқы медиа орталық Асқар Мендібаев пен Ирина Советжанқызының жұмысына оң баға берді. Олар «Үздік тележүргізуші» мен « Үздік тележурналист» атағына ие болды.

Аймақтық қызметкерлер мен операторлар да назардан тыс қалмады. Сыбайлас жемқорлыққа қарсы алғашқы медиа орталық «Үздік оператор» деп Сүлейменов Думанды таныса, Мәжіліс парламентінің спикері Нұрлан Нығматулин Астана қаласындағы корпунктің операторы Арман Бөкеевтың жұмысын ерекше атап өтті. «Үздік аймақтық корреспондент» атағын Қызылорда қаласындағы тілші Тілеген Бекарстанов  алды.

Бағдат Қожахметов, «31 арнаның» Бас директоры:


«Шығармашылықта жүрген кез келген адамға, әсіресе әлеуметтік мәселелердің шешімін табуға септігін тигізіп жүрген журналистқа сол қоғамның мойындағаны кез-келген марапаттан артық. Журналистің мамандығы оның мойнына біраз жүкті іледі. Ең бастысы жауапкершілік және әділдікті сезіне білу. Біздің журналистеріміз марапатқа ие болғанына қуаныштымын. Бұл үлкен ұжымның еңбегінің жемісі.

Өткен жылдың аяғында біз қоғамдағы көкейкесті мәселелерді көтеретін, қарапайым қоғамның күйін көрсететін ақпараттық бағдарламаларды күшейттік. Еңбек жемісті болып, қоғам мен билік оңтайлы өзгерістерді назарсыз қалдырмады. Барлық әріптестеріме шығармашылық ізденісте табыс, ой бұлағының сарқылмауын тілеймін».

1
0
1742

Әлем чемпионы Геннадий Головкин өзінің кезекті жекпе-жегін қазан айына дейін өткізеді

 

Қазақстандық былғары қолғап шебері, WBA нұсқасы бойынша әлем чемпионы Геннадий Головкин өзінің кезекті жекпе-жегін тамыз немесе қыркүйек айларында өткізеді.

Бұл туралы Г.Головкин британдық Мэттью Маклинді үшінші раунда нокаутпен жеңгеннен кейін өткен баспасөз мәслихатында қазақстандық спортшының промоутері Том Леффер мәлім етті. Бұл туралы Vesti.kz хабарлады.

Еске сала кетейік, Маклинді тізе бүктірген Головкиннің қоржынында 27 кездесудегі 27 жеңіс бар. Оның ішінде қазақстандық өз қарсыластарын 24 рет нокаутқа жіберген. Маклинді жеңгені үшін отандасымыз 350 мың АҚШ долларына ие болды.


 
0
0
413

«Астана» велошабандозы «Тур де Франс» кезеңінде 7-ші орынға тұрақтады

 

«Астана» қазақстандық командасының италияндық шабандозы Франческо Гавацци маусымның ең беделді көпкүндігі «Тур де Франстың» екінші кезеңінің қорытындысы бойынша жетінші сатыға тұрақтады.

Бұл туралы Vesti.kz жазып отыр.

Гавацци жарыс сапындағы өзге велошабандоздар секілді жеңімпаз — Ян Бакелантсқа бір минутқа есе жіберді. Белгиялық мәре сызығына бірнеше шақырым қалғанда топ жарып, оған жетіп алу мүмкін болмады. Атап өткен абзал, мәре сызығын кесіп өткен алғашқы 40 шабандоздың арасында Гаваццидан басқа «Астана» құрамасының өкілдері болмады.

Екінші орын словакиялық Петер Саганға бұйыртса, үштікті поляк Михал Квятковский түйіндеді.

Велошабандоздар 1 шілде күні Аяччо мен Кальви қалаларының арасындағы 145,5 шақырымды бағындыратын болады. Үшінші орташа тау кезеңі пелотон үшін Корсиктегі соңғы жарыс болып табылады. Одан кейін спортшылар Ниццаға аттанады. Онда жеке сөре бойынша командалық жарыс өтпек.


 
0
0
403

Лашын Аймағамбетов Астана футбол федерациясының президенті болып сайланды

 

Лашын Аймағамбетов Астана футбол федерациясының президенті болып сайланды, деп хабарлады Қазақстан футбол федерациясы.

Өткен аптаның соңында өткен кезектен тыс есептік-сайлау алды конференция барысында Астана қалалық футбол федерациясының жауапты хатшысы Ернар Үсенбаев өткен жылғы жұмыс қорытындылары туралы есеп берді.

Сондай-ақ, конференцияда Астана футбол федерациясының жаңа президенті болып Аймағамбетов Лашын Ерқараұлының сайланғаны туралы айтылды. Ол бұғанға дейін Қазақстан футбол федерациясы президентінің кеңесшісі және «Астана» футбол клубының президенті болған.


 
0
0
608

Шетелде білім алу: China University of Petroleum, Beijing

24 жастағы Аслан Жанзаков Ақтөбе облысы Қандыағаш қаласында туылған. Қазірде Бейжіңдегі Қытай университетінде магистрлік дәрежесін алуда. Сондай-ақ Аслан осы жылы Қытайдың 18 мың студент арасынан «Жыл студенті» атанды. Бұл марапатқа қалай ие болғанын және де Қытайда білім ерекшеліктерін Асланның өзінен сұрап көрелік.



— Сәлем, Аслан! Алдымен өзің жайлы қысқаша айтып өтсең?

— Сәлем, Айжан! Менiң толық есiмiм Жанзаков Аслан, 1989 жылы туылдым. Отбасымда менi қосып санағанда төрт адам. Әкем Жаңажол мұнай кен орнында жұмыс жасайды, анам дәрiгер, 19 жастағы қарындасым Алматы университеттерiнiң бiрiнде 2 курс студентi. Қандыағаш қалалық №1 орта қазақ мектебiнде оқыдым. Ең сүйiп оқитын пәндерiм математика, физика және Қазақстан тарихы болды. Тарих пәнi бойынша бiрнеше рет пәндiк олимпиадаларына қатысып, жүлделi орындарға қол жеткiздiм.

— Не себепті мұнай саласын таңдадың? Әрі Қытайға оқуға түсуге не себеп болды?

— Мектептi бiтiрместен бұрын болашақта қандай маман боламын деп көп ойланбадым. Туған жерiм Ақтөбе облысы мұнай және газ шикiзаттарына бай өңiрлердiң бiрi болғандықтан, Мұнай және газ iсi мамандығын оқимын деп бiрден шешiм қабылдадым. Шынымды айтсам, Қытайға мен аяқ-астынан түсiп кеттiм. 11-шi сыныпта оқып жүрген кезiмде досымнан АҚ «АқтөбеМұнайГаз» компаниясының оқу грантына құжат қабылдау басталды дегендi естiдiм, содан асыға құжаттарымды жинап тапсырып жiбердiм. Ол стипендия жайлы бұрын естiп көрмегесiн, көп үмiт күтпедiм және бiраз уақыттан соң ұмытып кеттiм.

— Ол университетке түсу үшін қандай кезеңдерден өттің? (құжат, емтихан, т.б.)
— Бiрыңғай Ұлттық Тестілеудi сәттi тапсырғаннан кейiн жоғарғы оқу орнына құжат тапсыру үшiн Алматы қаласына қарай жол жүремiн деп жолға дайындала бастадым, поезға билет те алып қойдым. Поезға 1-2 күн қалғанда компаниядан үйге телефон соғып сынаққа (физика, математика және ағылшын пәнiнен) шақырды. Поездiң билетiн тапсырып жiберiп, Ақтөбе қаласына жөнелдiм. Сынақтан өткеннен кейiн бетпе-бет әңгiмелесуге шақырды. Бiр-екi күннен соң компанияның адамдары грантты иеленген талапкерлердi жариялады, солай мен Қытайға оқуға келдiм.

— Бакалаврдан кейін магистратураға түсу процесі қалай өтті?

— 2011 жылы оқуымды бiтiрместен бұрын, университеттiң мұғалiмдерi, ҚХР Бiлiм Министрлiгi үздiк оқу бiтiрушi шетел студенттерiне арналған оқу стипендиясы жайлы маған айтып, қалай және қандай құжаттар жинау керек екенiн көрсетiп жiбердi. Қажет құжаттар: негiздемелiк өтiнiш хаты, оқу орнынан анықтама, оқу үлгерiмi табелi, екi профессор мұғалiмнiң ұсыным хаты, медициналық анықтама, және мақтау қағаздары мен сертификаттар (егер болса). Сол жылдың маусым айында қызыл дипломымды алып, Қазақстанға оралып келгеннен екі-үш жетiден кейiн, университеттiң мұғалiмi маған телефон шалып оқу грантын иеленгенiммен құттықтады.

— Ондағы оқу жүйесі несімен ерекше? Қандай кемшіліктері бар?

— Бакалавр программасының оқу жүйесi жалпы Қазақстанның оқу жүйесiмен бiрдей. Ал магистратура шамалы ерекшелеу, техникалық мамандықтарда оқитын студенттердiң оқу мерзiмi үш жыл, гуманитарлық мамандықтарда оқитындарда — 2 жыл. Оқудың бiрiншi жылы магистратура студенттерi сабақтарға қатысады, сабақтардың мазмұны бакалаврда оқитын сабақтардан бiршама күрделi. Мұғалiмдер сабақ уақытының тек 30-40 пайызында тақырып түсiндiредi, ал сабақтың қалған уақыты студенттер пiкiрталасына немесе презентацияға арналған. Магистратураның 2 және 3 жылы студенттер ғылыми жетекшi профессормен бiрге түрлi ғылыми жобаларға қатысады және магистрлiк диссертациялық жұмысымен айналысады.

— Тіл оқуда қиындық туындаған жоқ па? Қытай тілін қанша уақытта меңгердің?

— Қытай тiлi әлемдегi ең күрделi тiлдердiң бiрi. Шетелдiк студенттер Қытайға келiп мамандықта оқудан бұрын қытай тiлiн оқуы қажет және тiлдiк емтиханды HSK (Hanyu Shuiping Kaoshi, Chinese Proficiency Test) өтулерi мiндетті, бұл емтиханды өтпегендер мамандыққа түсе алмайды. Мен Қытайға келерден бұрын ағылшын тiлiн жақсы меңгерген болатынмын, содан жаңа шетел тiлiн үйрену ондай қиынға түскен жоқ және жасым 17де болғасын зерек болып, мұғалiм айтқан затты тез қағып алып отырдым. Ең қиыны, ол иероглифтердi жаттау едi, күнде-күнде өзiңдi жаттықтырып жаза бермесең, ұмытып қаласың. Қытай тiлi курсында 1 жыл оқыдым, бiрақ бұл қытайлықтармен еркiн сөйлесуге жеткiлiктi емес едi, мамандықта оқып жүрген кезiмде жаңа сөздер үйренуге және қытайлармен көбiрек араласып сөйлесiп жүруге тырысып жүрдiм.

— Жалпы онда күнделікті оқу процесі қалай өтеді?

— Қазiргi менiң оқуым жұмыспен тепе-тең деп санауға болады, бастығым — ғылыми жетекшiм. Офисте өзiмнiң арнайы орным бар, соған дүйсенбiден жұмаға дейін келуiм керек, жұмыс уақыты таңертеңгi 8.00-ден кешкi 5-ке дейiн. Офисте мұғалiм бөлiп берген түрлi тапсырмалармен айналысып отырамын, кей-кездерi сол тапсырмалармен байланысты кiтаптар мен техникалық мақалалар оқу қажет болады, анда-санда лабораторияға барып зерттеу жұмыстарын жасаймыз.



— Өзіңнің ең ерекше мұғалімдерің жайлы айтып берсең?

— Ерекше қадiр тұтатын мұғалiмдер қазiргi ғылыми жетекшiм — Профессор Хан Гуоцин және орта мектептегi сынып жетекшiм Жұмағазина Ильмира Көбейсинқызы. Осы мұғалiмдерге маған берген оқу және өмiрлiк ақыл-кеңестерi үшін үлкен алғыс айтамын.


— Зерттеу тақырыбың қандай? Қазірде қандай жобалар бойынша жұмыс жасап жатырсың?

— Жарты жыл бұрын ғылыми жетекшiммен ақылдаса отырып болашақта потенциалы үлкен газ өндiру бағытымен байланысты жобаны зерттеуге шешiм қабылдағанмын. Магистрлiк диссертациялық жобамның аты — «Теңiз газ ұңғымаларының түбiнен сұйықтықты көбiк көмегiмен айдап шығару». Жақында Қытайдың мемлекеттiк мұнай компаниясы CNOOC (China National Offshore Oil Corporation) бiздiң ғылыми-зерттеу тобымызға бiр үлкен жоба бөлдi. Ол жобаның басты мақсаты Қытайдың Бохай шығанағында бiрнеше мұнай және газ ұңғымалары мiне екi-үш жылдан берi түптерiне сұйықтық жиналудың себебiнен тоқтап тұр. Ендi сол ұңғымаларды қалай қайта қалыпты iске келтiруге болады деген үлкен сұрақ туындады. Соңғы бiр-екi ай тек осы жобамен шұғылданудамын. Келер жылы, Алла бұйырса, егер магистрлiк диссертациямды сәттi қорғасам, Қазақстанның алып теңiз мұнай және газ кен орны Қашағанның игеруiне өз үлесiмдi қосамын деген үмiттемiн.

— Жалпы шетелде оқитын студенттер біраз қиындықтарға тап болып жатады. Сен үшін Қытайда оқу мен тұрудың қандай қиын тұстары болды?

— Ең бiрiншi жылы әлемнiң ең үлкен қалаларының бiрi Бейжiңге келгенiмде ең үлкен қиындық — үйдi сағыну болды. Себебi, мен кiшкене қалашықта туып өскем, бұрын алыс жерге жалғыз өзiм шығып көрмегем, қоршаған ортада тым көп адам болғанға және Қытайдың тамағына үйренбегем. Әлбетте, екi-үш ай өте келе, өзiммен қатар жаңа достар тауып, жаңа студенттiк өмiрге сүңгiп кеттiм.

— Жатақханада тұрасың ба? Ай сайынғы стипендияң өмір сүруге жеткілікті бола ма?

— Иә, университетiмiздiң шетел студенттерi жатақханасында тұрамын. Қытай Бiлiм Министрлiгiнiң оқу гранты оқу пұлын (шамамен жылына 750 000 теңге), жатақханада тұру пұлын, жыл сайын қажет кiтап-материалдарды сатып алуынан босатады. Университет маған ай сайын стипендия берiп тұрады (шамамен 40 000 теңге). Ұзақ уақыт бойы Бейжiңде тұрып жатқан соң, мен әлдеқашан қарапайым Бейжiңдiктiң өмiрiне үйрендiм, университеттiң стипендиясы өзiме жетедi.

— «Жыл студенті» атану үшін белсенді де болу керек екен, университеттің қандай қоғамдық жұмысына қатыстың?

— Жақсы оқумен қатар көптеген қоғамдық және спорттық шараларға қатыстым. Студенттiк Мұнай Инженерлерi Қоғамының мүшесiмiн, бiрнеше рет университетiмiзде болған форумдар мен бiлiм сайыстарын ұйымдастыру жұмыстарына қатысқанмын. Жыл сайын университет ұйымдастыратын футбол және баскетбол сайыстарында бiрнеше рет Мұнай және газ iсi департаментi командасы құрамында топ жарғанмын.

— 18 мың студенттің арасынан дараланып шығуың ненің арқасында деп ойлайсың?

— Қытай Мұнай Университетi «Жыл студентi» атағы оқу үлгерімі бойынша жоғары көрсеткішке жеткен, қоғамдық және спорттық шараларға белсене қатысқан және үздік ғылыми зерттеу жұмыстарын жасаған студенттерге жыл сайын берiледi. Менiң ойымша, осы құрметтi атақты алуымның басты себебi, бұйырса, осы қыркүйек айында АҚШ Нью-Орлеан қаласында өтетiн жас ғалымдар конференциясында ғылыми жобамды қорғау мүмкiндiгiн иеленуiм.




— Қытай жастары қандай? Қазақ жастарынан қандай айырмашылықтары бар?

— Қытай мен қазақ жастарының арасында бірқатар айырмашылық бар. Олар да біз секілді бір бағытта дамиды: балабақша, мектеп, университет және т.б. Яғни, болашақта көздеген мақсаты, жоспарлары бір. Жақсы білім алу, қатардан қалмай жақсы қызметке орналасу, отбасын құру, балалы-шағалы болу дегендей.
Қытай жастары бізге қарағанда тынымсыз. Олардың көпшілігі бос уақыттарын тиімді пайдалануды жақсы біледі. Қолдары қалт етсе болды, спортпен шұғылданып, саябаққа барып серуендеп, тауға шығып, әр түрлі спорт секцияларына қатысу сияқты пайдалы шаруалармен айналысуға құмар. Біздің жастар секілді теледидардан көз алмай немесе қазіргі заманның «ауруы» болып саналатын «агент», «В контакте», «Мой мир» деген интернеттің әлеуметтік жүйелерін қызықтайтындардың саны аздау.



— Оқуыңды бітіргеннен кейін қандай жоспарларың бар? Жалпы өзіңді болашақта қандай мамандық иесі ретінде көресің?

— Сырт елде біраз жыл болдым. Алла бұйырса, оқуымды бiтiргеннен кейiн елге оралып, шетелде жинаған тәжірибемді өз елімнің игілігіне жаратсам деймін. Қазақстанның мұнай және газ өнеркәсiбiн жаңа жоғары технологиялық сатыға көтеруге ат салысатын жоспарым бар.

— Оқудан бос уақытта немен айналысасың?

— Бос уақытымда тарихи киноларды қарауды және кампустың спорт алаңында достарыммен футбол ойнауды ұнатамын.

— Сүйікті кітаптарың туралы айтып берсең?

— Осы жақында бiр өте қызық кiтапты оқып бiтiргенмiн, аты «The Prize: The Epic Quest for Oil, Money & Power», авторы Даниель Ергин. Әлемде мұнай және газ өндiру қашан және қай жерде басталғанын, екi дүниежүзiлiк соғысында мұнайдың маңызды рөлi, Каспий өңiрiнiң кен орындарын Нобель ағайындылары қалай игере бастағанын және т.б қызықты деректердi жақсы суреттеп берген. 1992 жылы осы кiтап АҚШ жазушыларының арасында даңқы ең жоғары Пулитцер сыйымен марапатталған.

— Қазіргі таңда басты арманың қандай?

— Қазiргi арманым келер жылы оқуымды аяқтап, елге қайту.

— Шетелге оқуға түскісі келетін (әсіресе Қытайға) талапкерлер үшін қандай кеңес айтар едің?

— Ең бастысы, еңбекқорлықты үйренуі керек. Азаннан кешке дейін аянбай еңбек ету — өте мықты қасиет, әсiресе қытай тiлiн оқу барысында. Бос уақыт болған кезде шама келгенше Қытайлармен араласып, олардың мәдениетi мен ұлттық дәстүрлерiн меңгерiп алған жөн болады.

Сұхбаттасқан: Айжан Кәрібаева

Фото: Асланның жеке архивінен


«Шетелде білім алу» айдарында жарияланған басқа материалдар:

Nagasaki University

University of Cambridge

University of Cádiz

University of Wollongong in Dubai

Central Saint Martins College of Art and Design/CSM

Robert Gordon University

University of Warwick

Gazi Üniversitesi

University of Windsor

Мәскеу мемлекеттік техникалық университеті

Université de Basse Normandie

Carl von Ossietzky Universität Oldenburg

Universität Greifswald

Шетелде ғылыми тәжірибеден өту: University of L'Aquila

Шетелде ғылыми тәжірибеден өту: Humboldt-Universität zu Berlin

Шетелде білім алу: İstanbul Üniversitesi


Редакцияның рұқсатынсыз материалды өзге сайттарға көшіруге жол берілмейді

6
0
2924

Астанада дзюдодан әскери қызметшілердің арасындағы әлем чемпионаты басталады

Астанада «Дәулет» спорт кешенінің базасында 2013 жылғы 1-5 шілде кезеңінде ҚР ҚМ Армия орталық спорт клубының ұйымдастыруымен Бүкіләлемдік армия спорты кеңесінің және Қазақстан дзюдо федерациясының қолдауымен дзюдодан әскери қызметшілер арасындағы 35-әлем чемпионаты өтеді. Армияшылар арасындағы дзюдодан әлем чемпионатына қатысу үшін 30-ға жуық мемлекет өтінім берген.

300-ге жуық қатысушы әскери қызметшілер арасындағы ең мықты дзюдошы атағы үшін күресетін болады. Қазақстандық армияшылар құрамасында еліміздің осы спорт түріндегі бірқатар мықты спортшылары бар: 2011 жылғы 5-бүкілармиялық ойындардың қола жүлдегері кіші сержант Тен Алина, 2013 жылғы жастар арасындағы әлем кубогының иегері қатардағы жауынгер Баймаханбетов Мейірлан, 2013 жылғы Азия чемпионатының қола жүлдегері, ТМД-ға қатысушы мемлекеттер достас армияларының ІХ спартакиадасының жеңімпазы Жұмақан Елдос, 2011 жылғы әлем кубогының жүлдегері, Қазақстанның екі дүркін чемпионы кіші сержант Файзоланова Зәмзәгүл.

Чемпионаттың алғашқы күні ашылу рәсімі және командалық жарыстар, одан кейінгі күндері 60, 66, 73, 81, 90, 100 кг дейінгі және 100 кг жоғары салмақ дәрежелері бойынша жеке сайыстар өтеді.

Сонымен бірге Қазақстан әскери қызметшілер арасындағы дзюдодан әлем чемпионатын ТМД елдері ішінде тұңғыш рет өткізгелі отырған ел екенін атап өткен жөн.

Чемпионаттың ашылу рәсіміне Қорғаныс министрі Әділбек Жақсыбеков қатысады.

Чемпионат кестесі

1 шілде    11.00 –Баспасөз мәслихаты
12.00 – Турнирдің ашылу салтанаты

Командалық жарыстар

2 шілде    Демалыс күні.
3 шілде    Жеке жарыстар (60, 66 кг)
4 шілде    Жеке жарыстар (73, 81 кг)
5 шілде    Жеке жарыстар (90, 100, +100 кг)
жеңімпаздарды наградтау, чемпионаттың жабылу салтанаты.

 

ҚР ҚМ Баспасөз қызметі

0
0
233

Айбек Нұғымаров – 2013 жылғы Қазақстан Барысы

 

Ақтық сын ұзаққа созылмай, Ержан Шынкеев пен Айбек Нұғымаровтың белдесуінде жеңіс «Шығыс барысына» бұйырды.

Бірінші айналым:

«Қазақстан барысының» алғашқы жекпе-жегі «Шығыс барысы» Айбек Нұғымаровтың таза жеңісімен аяқталды. Оның қарсыласы – павлодарлық Дархан Жоламанов.

Бозкілемдегі астаналық Асхат Уәлиев пен атыраулық Сұңғат Закарияев шыққан екінші белдесуде мұнайлы өлке палуанының мерейі үстем болды.

Алматылық Айдос Қаңлыбаев Маңғыстау жерінен келген Балтабек Төтеновтен басым түсті.

Қостанайлық Мұрат Кеңтонов Батыс Қазақстан палуаны Сұңғат Махамбетовпен белдесуде жеңіске жетті.

Қарағандылық Олжас Шынкеев солтүстікқазақстандық Рүстем Жұмаевтан басым түсті.

Ақтөбе жерінің тумасы Шыңғыс Шоқпытов «Жамбыл барысы» Айдос Теңгебаевқа есе жіберіп алды.

Турнирдегі салмағы ең ауыр палуан – 160 келілік Оңтүстік Қазақстан өңірініңалыбы Жұманазар Ерсұлтанов «Көкшетаудың сабалағы» Айтуар Абдуловты жықты.

Ақмолалық Нұрлан Жамалов шығысқазақстандық Мұхит Тұрсыновқа төтеп бере алмады.

Қызылордалық палуан Ұлан Рысқұл Атыраудың мықтысы Қайрат Өтегенмен белдесуде жеңіске жетті.

Павлодарлық Самир Мамедовпен белдескен ақтөбелік Дархан Темірхановтан мерейі үстем болды.

Батыс Қазақстан тумасы Ринат Ибрагимов қостанайлық Максим Герберден басым түсті.

«Оңтүстік Қазақстан барысы» Сабыржан Әбділдаұлы алматылық АрсланӘбдамитпен күресіп, күшінің басым екенін көрсетті.

Астана қаласының мықтысы Ғани Сейділдаевтың турнирдің ең жас палуаны – Маңғыстау тумасы Мейрамбек Жаңабаймен өткен белдесуі аса тартысты өтіп, астаналық «барыстың» бағы жанды.

Жетісулық Жігер Сәкенұлымен кездескен қарағандылық палуан Ержан Шынкеевұпай есебімен таза жеңіске жетті.

Екінші айналым:

Айбек Нұғымаров – Сұңғат Закарияев

Айдос Қаңлыбаев – Марат Кеңтонов

Виктор Демьяненко – Олжас Шынкеев

Жұманазар Ерсұлтанов – Айдос Теңгебаев

Бейбіт Ыстыбаев – Мұхит Тұрсынов

Сабыржан Әбілдаұлы – Ринат Ибрагимов

Ұлан Рысқұл – Дархан Темірханов

Ержан Шынкеев – Ғани Сейділдаев

Ширек финал:

Айбек Нұғымаров – Айдос Қаңлыбаев

Жұманазар Ерсұлтанов – Виктор Демьяненко

Бейбіт Ыстыбаев – Сабыржан Әбілдаұлы

Ержан Шынкеев – Ұлан Рысқұл

Жартылай финал:

Жартылай финалдағы алғашқы белдесу кезінде Айбек Нұғымаров пен Жұманазар Ерсұлтановтың арасындағы күресте «Шығыс барысының» айласы асып түсті.

Екінші жұп: Ержан Шынкеев пен Бейбіт Ыстыбаевтың белдесуі дау-дамаймен аяқталды. Ержан өзінен салмағы ауыр Бейбітті кілемге аунатып, Айбектіңқарсыласы атанды.

 

ІІІ-орын үшін:

Үшінші орын үшін Бейбіт Ыстыбаев пен оңтүстікқазақстандық Жұманазар палуан шығуы тиіс еді. Бірақ, Бейбіт жолын қарсыласына беріп, кілемге шықпады.

Финал:

Ақтық сын ұзаққа созылмай, Ержан мен Айбек Нұғымаровтың белдесуінде жеңіс «Шығыс барысына» бұйырды.


 
0
0
2008

«KAZспорт» арнасының бағдарламасы

 

1 шілде күнгі «KAZспорт» телеарнасының бағдарламасы

11:00 - 11:00

Мемлекеттік уақыт қызметі: дәлме-дәл уақыт. Әнұран

 
  • 11:00 - 11:30

«Ақ жол, «KAZsport!». Эфирдің ашылуына арналған салтанатты кеш. Тікелей эфир. (қаз., рус.)

 
  • 11:30 - 11:35

Жаңалықтар

 
  • 11:35 - 11:40

Күнтізбе. Спорт тарихында болған елеулі оқиғалар. (қаз.)

 
  • 11:40 - 11:50

«Бодрость». Видеофильм. (рус.)

 

11:50 - 12:15

«Көк тудың желбіріген». Арнайы тележоба. (Қазақ спортының жеңістері туралы, Лондон-2012) (қаз.)

 
  • 12:15 - 12:30

«Жеке Бапкер». Нұрбақыт ТЕҢІЗБАЕВ (қаз.)

 
  • 12:30 - 12:35

Новости

 
  • 12:35 - 12:40

Календарь. Спортивные события этого дня (рус.)

 
  • 12:40 - 12:50

«Бодрость». Видеофильм. (рус.)

 
  • 12:50 - 17:50

Қазақша күрес. «Қазақстан Барысы» (қаз.)

 
  • 18:00 - 18:05

Жаңалықтар

 
  • 18:05 - 18:10

Күнтізбе. Спорт тарихында болған елеулі оқиғалар. (қаз.)

 
  • 18:10 - 18:25

«Личный тренер» Виталий Демьяненко (рус.)

 
  • 18:25 - 18:30

Дайджест. Новости зарубежного спорта (қаз., рус.)

 
  • 18:30 - 20:35

Велоспорт. «Тур Де Франс». Прямой эфир (каз., рус.)

 
  • 20:35 - 20:45

«Бодрость». Видеофильм. (рус.)

 
  • 20:45 - 21:20

«Ақ жол, «KAZsport!» Эфирдің ашылуына арналған салтанатты кеш (қаз., рус.)

 
  • 21:20 - 01:00

Бокс. Чемпионат Азии. Прямой эфир. (қаз., рус.)

 
  • 01:00 - 01:10

«Бодрость». Видеофильм. (рус.)

 
  • 01:10 - 01:15

Новости

 
  • 01:15 - 01:20

Календарь. Спортивные события этого дня (рус.)

 
  • 01:20 - 01:25

Дайджест. Новости зарубежного спорта (қаз., рус.)

 
  • 01:25 - 01:35

«Бодрость». Видеофильм. (рус.)

 
  • 01:35 - 03:50

Волейбол. «Кубок Президента РК». «Казахстан» — «Беларусь». (қаз.)

 
  • 03:50 - 04:00

«Бодрость». Видеофильм. (рус.)

 
  • 04:00 - 04:05


 
0
0
710