Жаңа

Жетісу ауданында бұрынғы «Рахат» базарының орнында жаңа қоғамдық кеңістік салынып жатыр. Жоба толықтай демеушілік қаражат есебінен жүзеге асырылуда.

Алматылықтар президенттің жолдауын талқылауға атсалыстыӨңірлік коммуникациялар қызметінде мемлекет басшысы Қасым-Жомарт Тоқаевтың «Қазақстанның жаңа тарихи кезеңіндегі өзекті міндеттер» атты жолдауына арналған сараптамалық талқылау өтті. Кездесуге қатысқандар онда мемлекеттік саясаттың негізгі басымдықтарын, білім мен ғылымды дамыту, жасанды интеллектіні енгізу, сондай-ақ «Заң мен тәртіп» қағидатын нығайту мәселесін талқылады.

Ауыл халқының тұрмыс сапасын арттыру, өңірлердің экономикалық әлеуетін күшейту және тұрғындарға қолайлы өмір сүру ортасын қалыптастыру – мемлекет дамуының маңызды міндеттерінің бірі. Мемлекет басшысы Қасым-Жомарт Тоқаев 28 қазанда жариялаған «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауында осы мәселелерге ерекше назар аударды. Президент ауыл-аймақтарды дамыту және халықтың әл-ауқатын жақсарту мемлекеттік саясаттың назарында қала беретінін атап өтті.

Алматы қаласы Наурызбай ауданының Шұғыла шағынауданында Республика күніне орай отбасылық демалысқа арналған жаңа қоғамдық кеңістік ашылды.Аумағы 1 гектарды құрайтын сквер қалалық инфрақұрылымның маңызды бөлігіне айналды. Шұғыла шағын ауданы – Наурызбай ауданының әкімшілік орталығы. Мұнда тұрғын үй құрылысы қарқынды дамып, әлеуметтік нысандар да орналасқан. Алайда бұған дейін тұрғындардың серуендеп, демалуына арналған мұндай ауқымды абаттандырылған аумақ болмаған.

15-16 қазанда Алматыда BE WOMAN ASIA 2026 Халықаралық форумы өтті. Шараға 25 елден 3 мыңнан астам қатысушы, 100 халықаралық спикер және 60 ментор жиналды. Биылғы форумның негізгі тақырыбы – «Этикалық күш»: технология мен қоғам өзгеріп жатқан кезеңде көшбасшылық пен жауапкершіліктің маңызы деп хабарлайды Yvision.kz.

Гүлхая қазақ тілін аудиокітап тыңдағанының арқасында жақсы меңгерген. Туғанынан көзі көрмейтін ол өзбек мектебінде білім алып, мектепті анасының көмегімен ауызша бітірген. 2008 жылы Шымкентке келгенде арнайы кітапхана барын біліп, аудиокітаптармен танысады. Алғаш тыңдаған шығармаларының қатарында Мұхтар Әуезовтің «Абай жолы» романы мен Абайдың қара сөздері болған. Кейін кітапхана оның білім алуына, Брайль қарпін меңгеруіне және кәсіби жолын табуына ықпал етті. Бүгінде Гүлхаяның өзі де кітапхана саласында еңбек етіп жүр.Шымкент қалалық зағип және нашар көретін азаматтарға арналған кітапхананың тифлология бөлімінің меңгерушісі Ербек Мейрамбайұлы да бұл мекемеге кезінде оқырман болып келген. Кейін клубтың жетекшісі атанып, 15 жыл ішінде 200 түрлі мәдени кеш ұйымдастырған.

Өңірлік коммунгикациялар қызметіндегі брифингте аудан әкімі Еркебұлан Оразалин тау бөктеріндегі көшкіннің алдын алу мен көшкіннен келетін оқыс жағдайды азайту мақсатында қолға алынған осы жұмыс жөнінде айтып берді.

Әуезов ауданында қазан айының соңына дейін 11 көп қабатты тұрғын үйдің қасбетін жөндеп, 10 аулаға күрделі жөндеу жүргізіп, жаңа Qadam саябағын ашу жоспарланып отыр. Сонымен қатар ауданда тұрғын үй қорын жаңарту жұмысы да жалғасын тауып, Жұбанов көшесінде қоғамдық кеңістікті абаттандыру жұмысы аяқталды. Өңірлік коммуникациялар қызметінде аудан әкімі Абзал Егембердиев осы жұмыстың аяқ алысы туралы айтып берді.Ауданда 1 917 көп қабатты тұрғын үй бар. Оның 797-сі 1960–1970 жылы салынған. Аудан басшысының айтуынша, қазір Абай даңғылының бойындағы 11 үйдің қасбеті қоса жөнделіп жатыр екен.«2023–2029 жылға арналған тұрғын үй-коммуналдық инфрақұрылымды дамыту тұжырымдамасы аясында 2026 жылға 40 көпқабатты тұрғын үйдің шатыры мен инженерлік желісіне күрделі жөндеу жүргізу мәселесі пысықталды. Тағы…

26-27 қыркүйек күндері «Қазанат» ипподромының автотұрағында өткен күзгі берекенің көрінісіндей болған ауыл шаруашылығы жәрмеңкесі елорда тұрғындарын бір алаңға жинады.Қала тұрғындары үшін ұйымдастырылған жәрмеңкеде ине шаншар орын болмады. Себебі, мұнда бау-бақшада өсірілген құнарлы өнімдер мен ауыл шаруашылығы тауарларының түр-түрі ұсынылды.

Алатау ауданы санитарлық тазалап, жасыл аумақтарды күтіп ұстауға көңіл бөліп, қоғамдық кеңістікті абаттандырып жатыр. Ауданда 730 көше бар. «Таза Қазақстан» экологиялық акциясы аясында шағын аудандарды тазалау, ағаштарды қырқу, балалар алаңын сырлау мен қоғамдық аумақтарды қалпына келтіру жұмысы күшейтілді. Өңірлік коммуникациялар қызметінде аудан әкімі қалалық ортаны күтіп ұстау бойынша атқарылып жатқан жұмыс пен алға қойған міндет туралы айтты.