Жаңа

Мемлекет басшысы Қасым-Жомарт Тоқаев Жоғары Еуразиялық экономикалық кеңестің (ЖЕЭК) шағын форматта өткен отырысына қатысты.

ЖЕЭК саммитіне Қазақстан Президентімен қатар, Армения Премьер-министрі – ЖЕЭК төрағасы Никол Пашинян, Ресей Президенті Владимир Путин, Беларусь Президенті Александр Лукашенко, Қырғызстан Президенті Садыр Жапаров, сондай-ақ Еуразиялық экономикалық комиссия алқасының төрағасы Бақытжан Сағынтаев келді.

Мемлекеттер басшылары Еуразиялық экономикалық одақ аясындағы ықпалдастықтың маңызды міндеттері мен негізгі бағыттарын талқылады. Сондай-ақ ЕАЭО қызметінің жекелеген аспектілері жөнінде пікір алмасты.

t.me/aqorda_resmi

Қайғылы оқиға Алматы-Көкпек-Көктал жолының 41-шақырымында болды.  
Mitsubishi Lancer-дің жүргізушісі тізгінге ие бола алмай қарсы бағытқа шығып кетеді. Сөйтіп, Nissan Cefiro-мен бетпе-бет соқтығысқан. Бұл көлік қатты соққының әсерімен барып жол жиегінде тұрған Mitsubishi Pajero Sport пен BMW X5-ті соғады.

Жол апаты салдарынан Nissan Cefiro-ның жүргізушісі, Mitsubishi Lancer-дің жүргізушісі мен жолаушысы қаза тапты.

Оқиға бойынша қылмыстық іс қозғалып, сараптамалар белгіленді.

Көптеген көлік жүргізушілері осы Құлжа тас жолының өте қауіпті екенін айтады. Ал полиция жұртты абайлап жүруге шақырып отыр.      

Бұған әншінің ол үйді енді күтіп ұстауға жағдайы жетпейтіні себеп екен.  Әлеуметтік желіде жарияланған бейнежазбада Қазақстанның Халық әртісі Мақпал Жүнісова 2005 қаза тапқан күйеуі Заманбек Нұрқаділовтен кешірім сұрап, одан қалған үйді енді сатпасқа амал жоқ екенін мәлім етті.  «Мен шаршадым. Сенің дүниеңді сақтап отырғаныма 20 жыл болады екен. Кешір мені. Егер де үкімет сенің дүниеңді алып кетпейтін болса, туған-туысқандардың бәріне таратып, мына үйді сатамын. Маған оңай болмай тұр. Мен сол үшін тойға барып жүрмін. Ай сайын жүз мың теңге керек сіздің үйіңізді сақтау үшін. Бұл жерде біз шомылмаймыз да, саунаға да түспейміз. Ешқандай затыңызды пайдаланған жоқпыз. Зәке, сен соны ойламапсың ғой. Айына мен 20 жыл бойы екі үйге 200 мың теңгеден төлеп келе жатырмын. Екі үйге де газ ж…

Түркістан облысындағы «Шымкент-Самара» автожолында "Газель" өртенді.

16 оқушы мен бір жүргізуші болған шағын автобусты қызыл жалын толығымен шарпыған. Олар Қызылорда облысынан Түркістанға экскурсияға бара жатыпты.

Құдай сақтап, "Газельде" болғандардың бәрі одан түсіп үлгерген.

"Шақырылған сәттен бастап өрт сөндірушілер өртті 37 минутта сөндірді. Зардап шеккендер жоқ. Оттың тұтану себебі анықталуда", - деп жазады t.me/qr_tjm.

Ол өзін қуғандарға қарсылық білдіріп, оқ атқан.

Мамырдың 7-сінен 8-іне қараған түні жауынгер 41433 әскери бөлімінен қару мен оқ-дәрілерді алып қашып кетті.  

Ұстауға талпынған кезде ол оқ атқан. Осыдан кейін әскери бөлім қызметкерлері мен полицейлердің «Арлан» арнайы бөлмшесі мен ҰҚК-ні көмекке шақыруына тура келген.

Ақмола облысынан осы жылы 18 сәуірде шақырылған бұл жауынгер өзімен бірге АК-74 автоматы мен 120 оқ-дәрі алып кетіпті.

Қашқын ұсталып, оған қатысты қылмыстық іс қозғалды.

t.me/guwonline

Кеше Ресей президентінің инаугурациясы өтті. Ал президент сайлауы бұл елде биыл 15-17 наурыз аралығында (үш күн бойы!) болған еді.

Сол кешегі инаугурациядан кейін Путинге діни жоралғы жасаған Орыс православ шіркеуінің басшысы, Мәскеу және бүкіл Русь патриархы Кирилл оған ғасыр соңына дейін президент болып қалуды тіледі.

«Біз «ғасыр аяқталғанша» дейміз ғой. Батыл түрде айтайын, Құдай қалап, ғасыр соңы сіздің билікте болуыңыздың соңын білдірсін. Сізде отанға деген ұлы қызметті ұзақ және жемісті атқаруға керек нәрсенің бәрі бар», – деді патриарх.

Қазір дүние жүзі осы сөзді түсінбей дал болып отыр. Біз де ұқпай қалдық. Сонда Путин ғасыр соңына дейін өмір сүретін болғаны ма?  

Зарина Дияс Фукуока (Жапония) ITF W 75 турнирінің екінші айналымына өтті.

Қазақстандық теннисші бастапқы кездесуін әлемнің 388-ракеткасы, үндістандық Рутуя Бхосалемен өткізді.
Зарина Дияс сағат жарымға жуық уақытқа созылған матчта қарсыласын 7:5, 6:3 есебімен тізе бүктірді.
Зарина 2022 жылдың 18 қаңтарынан бері кортқа шықпаған еді. Сол күні Дияс Аустралия ашық чемпионатының бірінші айналымында Елена Рыбакинадан 7:6 (7:3), 6:7 (3:7), 1:6 есебімен ұтылған еді. Содан кейі жарақатына байланысты жарыс жолынан шығып қалған болатын.
Осылайша, 2 жыл 3 айдан кейін Зарина алғашқы жеңісіне қол жеткізді.
Зарина Дияс ширек финалға шығу үшін әлемнің 286-ракеткасы, оңтүстіккореялық Су Джон Чан немесе рейтингіде 358-сатыдағы аустралиялық Лизетт Кабрераның қай жеңгенімен таласады.

t.me/RRaketkasi

Президент Қасым-Жомарт Тоқаев «Отан Ана» монументіне гүл шоғын қойды.

Мемлекет басшысы елордадағы «Отан Ана» монументіне гүл шоғын қойып, Ұлы Отан соғысы жылдарында қаза тапқан жауынгерлердің рухына тағзым етті. 

Содан кейін Президенттік оркестр Мемлекеттік әнұранды орындап, Құрмет қарауылының ротасы шараға қатысушылар алдынан сап түзеп өтті.

Қасым-Жомарт Тоқаев гүл қою рәсіміне жиналған жұртшылықпен жүздесіп, ардагерлерді Жеңіс күнімен құттықтады.

t.me/aqorda_resmi

Оқиға кеше кешкісін болған. Әйел шақалақтың денесін Шымкенттегі №2 принаталдық орталыққа қорапқа салып әкеп, ғимарат ішіне тастап кетіпті.

Қорапқа бір тілім қағазға жазылған хат та болған. Бірақ онда не айтылғаны белгісіз.

Дәрігерлердің айтуынша, іштегі шақалақ төрт айлық кезеңге сай келеді.

Олар келіншек оны ерте толғақ келтіретін дәрі ішіп туған болуы мүмкін деп отыр.   

Ақтауда нөсер жауын болып, шаһарды су алып кетті. Коммуналшылар су сору ісіне түннен бастап кіріскен.

Қала әкімі Ұлықбек Тінәлиевтың айтуынша, жұмыстар жеті жерде жүргізіліпті.

"20 мотопомпа, 7 вакуум және 40 шақты маман тартылды. Жүйелі жұмысты ұйымдастырып жатырмыз. Қалада қажетті техника жеткілікті", - дейді ол.

Шаһар тұрғындары болса, су басқан көшелердің бейнежазбаларын әлеуметтік желіде таратып, тіпті бұны қалжыңға айналдыруда.

"Еркектердің мерекесінде осындай жағдай болып қалғанына біз кінәлі емеспіз. Жігіттер, кешіріңдер", - деп күледі көлікте кетіп бара жатқан қыз.

Ескерту: видеода боғауыз сөздер бар