Yvision.kz
ru
jan.123
jan.123

jan.123

Сайтта 20 қараша 2023

1003

рейтинг

488

жазбалар

0

пікірлер

3

тіркелуші

40

жазылымдар

  • 0
    12:06, 29 мамыр 2024

    Елімізде бүйректі айқас трансплантациялау отасы алғаш рет жасалды

    Қазақстанда тұңғыш рет А.Н. Сызғанов атындағы Ұлттық ғылыми хирургия орталығының базасында басқарма төрағасы, профессор Болатбек Баймахановтың жетекшілігімен ересек пациенттерге бүйректі айқас трансплантациялау жүргізілді.

    undefined

    Айқас трансплантация – бұл кем дегенде екі сәйкес келмейтін жұптан, айқастыру арқылы ағзаны қондыру. Бұл операция донорларды алмастыру қағидаты бойынша орындалады: егер туысқан донор реципиентке медициналық көрсетілімдер бойынша сәйкес келмесе, сондай проблемасы бар басқа донор таңдалады.

    Дүние жүзіндегі, атап айтқанда, біздің еліміздегі донорлық ағзалардың тапшылығы жағдайында альтруистік донорлық, АВО-сәйкес келмейтін, бүйректі айқас трансплантациялау балама болып табылады.

    Қазір біздің республикамызда да осындай операциялар практикаға енгізілді. Айқас трансплантация екі жұптың - қан тобы бойынша өзара сәйкес келмеген күйеуі-әйелі және қызы мен анасының арасында жасалды. Бұл пациенттер ұзақ жылдар бойы бағдарламалық гемодиализде болды.

    Өкінішке орай, науқастар ұзақ уақыт гемодиализде бола алмайды, өйткені уақыт өте келе олардың жағдайы біртіндеп нашарлайды, өйткені гемодиализ донорлық ағзаға балама болып табылмайды.

    Бұл жағдайда ең орынды шешім осы жұптардың арасында бүйректі айқас трансплантация жүргізу болды. Мұқият зерттеп-қараудан, үйлесімділікті бағалаудан және пациенттердің арасындағы барлық келісімдерді рәсімдегеннен кейін екі күннің ішінде екі бүйректі трансплантациялау сәтті орындалды, екі бүйрек те сіңісе бастады.

    Екі пациенттің де денсаулық көрсеткіштері тез жақсаруда және ауруханадан шығаруға дайындалуда.

    0
  • 0
    08:45, 29 мамыр 2024

    Былтыр Грузияда кісі қолынан қаза тапқан қазақстандық журналистің жылдық асы берілді

    undefined

    Осыдан бір жыл бұрын досым, әріптесіміз Жанбота Төлеген Грузияда жауыздың қолынан қаза тапқан еді. Ойламаған жерден төбемізге жай түскендей бұл жағдай тек жақындарына емес, Жанботаны танитын барша жұртқа өте ауыр соққы болды.

    Бір жыл көзді ашып-жұмғанша өте шықты. Бұл уақыт ішінде Жанботаны өлтірген қылмыскер Грузия азаматы Габриэл Хохобашвили ұсталып, соты да өтті. Ол бар болғаны 11 жылға сотталды. Бұл жауыздықпен қаза тапқан Жанбота өлімі үшін әділ жаза болмады, әрине. Өйткені қылмыскердің Жанботаны қасақана алдына ала ойластырып, ақшасын алу мақсатында өлтіргені дәлелденген жоқ. Дегенмен, Құдайдың алдында жауап беретіні белгілі.

    Өткен жексенбіде Жанботаның рухына арнап туыстары Астанада асын берді. Қабыл болсын. Артында қалған жалғыз туған сіңлісі Ботагөз Төлеген шырылдап жүріп, қолынан келгенін жасап жатыр. Әпкесінің денесін Грузиядан жеткізу, Грузияға барып адвокаттармен кездесу, сотқа дайындық оңайға соқпады. Жанботаның басына зиратын тұрғызып, асын да берді. Алла разы болсын!

    Жанбота Төлеген Астана маңында Қоянды ауылында жерленді. Жаны жәннатта болсын! Бұл дүниеден таппаған бақыт о дүниеде бұйырсын!

    Нәзира Дәрімбеттің жазбасы


    Айта кетейік, 2023 жылы 21 мамырда Грузияның Кахети қаласында қазақстандық журналист Жанбота Төлеген өлі табылды. Марқұмның туыстарының айтуынша, сол елдің азаматы Габриэл Хохобашвили оның ақшасын алдап алып, Тбилисиден Кахетиге баруға мәжбүрлеп, журналистің басынан кірпішпен ұрып өлтіріп, денесін өзенге лақтырып жіберген. Бірақ сотта "пайда табу мақсатында кісі өлтіру" деген айып дәлелденбепті.

    Биыл ақпан айында Грузия соты 50 жастағы Хохобашвилиді 11 жылға бас бостандығынан айырды. Оған жаза ретінде мұндай аз мерзім берілуіне айыпталушының өз кінәсін мойындауы мен балалары болуының ескерілгені де себеп екен.

    Жанбота Төлегеннің туыстары онда кемінде 40 мың доллар болды деп есептейді. Ал Грузия басылымдары Габриэл Хохобашвили қазақ журналисін оның 7,1 мың долларын алу үшін асқан қатігездікпен өлтіргені туралы жазған еді.

    Жанбота Төлеген «КТК» телеарнасында, «Казахстан Тудей» ақпараттық агенттігінде, басқа да ақпарат құралдарында жұмыс істеген. Соңғы кездері Foodindustry.kz сайтын ашып, тамақ өндірісі мен ауыл шаруашылығы жайлы сараптамалық және зерттеу материалдарын жазып жүрді. Ол қаза тапқан кезде 54 жаста еді.

    0
    238
    0
  • 0
    05:27, 29 мамыр 2024

    Астанада аурухананың жағдайы ауыр халде

    undefined

    "Бізге оқырмандарымыз елорданың №1 ауруханасынан осындай фотосуреттер жіберді. Төбесінен су ағып жатыр дейді. Қазір жауын салдары жойылуда. Күрделі жөндеуге дайындық жасау үшін тексеру жүргізіліп жатыр", - деп жазады Astanovka98.

    0
    179
    0
  • 0
    04:51, 29 мамыр 2024

    Шетелдік қылмыс әлемінің Қазақстанға ықпал ету әрекетіне тосқауыл қойылды

    Қазақстанның құқық қорғау органдары шетелдік криминалитеттің ықпал ету әрекеттерін тоқтатты.

    undefined

    Ірі транзиттік маршруттардың болуы және мемлекеттің тұрақты дамуы шетелдік инвесторларды ғана емес, шетелдік криминалитет өкілдерін де қызықтырады.

    Ішкі істер министрлігі ҰҚК және Бас прокуратурамен бірлесіп, қылмыстық ортада, оның ішінде Қазақстаннан тыс жерлерде болып жатқан процестерді тұрақты бақылау және қадағалау нәтижесінде шетелдік криминалитеттің кез келген әрекетіне уақтылы және жедел түрде тосқауыл қояды.

    Өткен жылы Қазақстан аумағына жақын шет елдерден кірмек болған қылмыс әлемінің төрт өкілінің әрекеті тоқтатылған.

    Ал биыл 19 мамырда Батыс Қазақстан облысы полиция департаменті ұйымдасқан қылмысқа қарсы күрес басқармасы және ҰҚКД жедел мәліметтер бойынша қылмыстық ортада “заңдағы ұры” атағына ие 1963 жылы туған іргелес мемлекет азаматының ел аумағына кіру фактісін анықтады. Бұл туралы ІІМ ұйымдасқан қылмысқа қарсы күрес департаментінің өкілі Қуандық Алпыс хабарлады.

    "Ол (ұсталған азамат - ред.) Орал қаласының полициясына жеткізілді. Қажетті тексеру іс-шараларын өткізгеннен кейін ер адам Қазақстан аумағынан Ресейге бағыт алып, оны көрші мемлекеттің құқық қорғау органдары құрықтады. Қолда бар мәліметтерге сәйкес Ресей Федерациясының сот органдары оған қатысты РФ Қылмыстық кодексінің 210.1-бабы “Қылмыстық иерархияда жоғары дәрежені иелену” бойынша іс қаралуда", – дейді Қуандық Алпыс.

    Polisia.kz

    0
    116
    0
  • 0
    10:49, 28 мамыр 2024

    Қарағандыда инкассатор тонауға қатысты күдікті Алматы облысынан ұсталды

    Қарағанды полициясы​​ инкассаторларға шабуыл жасаған төртінші күдіктіні ұстады.

    undefined

    2020 жылдың мамыр айының соңында, пандемия уақытында Қарағанды қаласында болған шулы оқиға әлі де ел есінде. Облыс орталығында белгісіз біреулер алдын ала жасалған жоспар бойынша инкассаторлар мінген автокөлікке әдейі жол-көлік оқиғасын жасап, жол апатына түскен автокөліктен 70 миллион теңге ақша және қаруларын алып, оқиға орнынан іздерін жасырған болатын. Сол кезде криминалдық полиция қызметкерлері жүргізген кешенді жедел-іздестіру іс-шаралары барысында үш күдікті ұсталып, олардан 30 миллион теңге ақша тәркіленді. Ал төртінші күдікті қашып кеткен. Тергеу әрекеттері және сот отырысы барысында ұсталғандардың әрқайсысы өздерін ақтауға тырысып, барлық кінәні қашып кеткен күдіктіге жаппақ болды. Тергеу әрекеттері мен соттың отырысы нәтижесінде ұсталған күдіктілер 10 жылдан 11,3 жылға дейін сотталды. Полиция қызметкерлері қашып кеткен төртінші күдіктіні іздеуді үздіксіз жүргізді. Нәтижесінде Қарағанды қалалық полиция басқармасына қарасты Орталық полиция бөлімінің криминалдық полиция бөлімшесінің қызметкерлері Алматы облысынан халықаралық іздеуде жүрген 38 жастағы оңтүстік өңірдің тұрғынын ұстады. Енді күдікті 2020 жылдың мамыр айында жасаған қылмысы бойынша жауап беретін болады.

    Polisia.kz

    0
    230
    0
  • 0

    СҚО-да​ 240-тан аса заңсыз ветеринарлық анықтама берілген

    Солтүстік Қазақстан​ облысының прокурорлары ветеринария​​ қызметін тексеріп, көптеген заңбұзушылықтарды анықтады.

    undefined

    СҚО прокуратурасының мәліметінше, облыстың ветеринарлық қызметтері «Ветеринария туралы» Заңның талаптарына қайшы, ветеринариялық құжаттарды беру және жануарларды вакцинациялау тәртібін бұзып, ірі қара малға диагностикалық зерттеулерді толық жүргізбеген.
    Тексеру барысында ветеринарлардың 15 мың жағдайда ауыл шаруашылығы жануарларына қағаз жүзінде вакцина салғандығы анықталды.

    242 жағдайда белгіленген тәртіпті бұза отырып, жеке және заңды тұлғаларға ветеринариялық анықтамалар берілген.

    Ал жергілікті атқарушы органдар ветеринариялық ережелердің талаптарына қайшы сібір жарасы қорымдары мен мал қорымдарын тиісті деңгейде ұстауды қамтамасыз етпеген.

    Сою пункттері мен алаңдардың жеткіліксіздігінен жеке шаруашылықтар әлі де малды өздерінде союды тоқтатпаған.

    Прокурорлық қадағалау актісі бойынша 78 лауазымды тұлға тәртіптік жауапкершілікке тартылды, облыс әкімдігі заң бұзушылықтарды жоюға және осы саладағы жағдайды жақсартуға бағытталған кешенді жоспарды бекітті.

    Уәкiлеттi мемлекеттiк органдар арнайы жерлерде малдарды сойғандығы үшiн әкімшілік жауапкершілік барын ескертеді. Әкімшілік айыппұл 73 840 теңгеден 738 400 теңгеге дейін.

    0
    187
    0
  • 0
    06:07, 28 мамыр 2024

    Белгілі ақын әнші Төреғали Төреәліні сотқа беруді ойластырып жатқанын айтты

    undefined

    Фотоколлаж: t.me/qaz365kz

    "Қазақтың жылқылары" әнімді Төреғали ұрлап алып, айтып жүр

    Құрметті дос-жаран! Менің "ҚАЗАҚТЫҢ ЖЫЛҚЫЛАРЫ" өлеңіме жазылған Алтынбек Каресов екеуміздің әнімізге Төреғали Төреәлінің көзі түсіпті! Түскені құрысын, ұрлап алып, сөзін жоқ қылып, оның орнына Қ. Алакөзовке сөз жазғызып алып, бір қожалықтың әні қылып айтып жүр екен! Тик-токтан бір байқап қалып, ескерту жасадым. Жақсылықпен қоя қой, менің авторлық құқыма қолыңды сұқпа деп! Жоқ, бұл бала сөзді түсінбейтін болып тұр! Ютуб-арнасында, өзінің парағында осы ән тұр деп маған жігіттер хабарласып жатыр.

    Бұл әнші жігіт Алтынбекке (композиторға) хабарласып, әнді сұрапты. Алтынбек өзінің келісетінін айтқан, бірақ «Мұнайдар ағамнан рұқсат сұраңыз» депті. Ал Төреғали мені адам екен демеген, ағам екен демеген, өзім білемге салыпты. Ал осынысы дұрыс па? Менен сұраған да жоқ. Мен рұқсат бермейтін де едім. Сөзін өзгертпей айтса, онда ойланатын едім. Ол менің сөзімді жоқ қылған ғой. Ән өлеңіме бола туды, соған арнайы жазылды! Бірінші өлең туды, соған менің тапсырысыммен ән жазылды. Сонда бұл әннің авторы кім?

    Сотқа берсем ше? Менің әнімді рұқсатымсыз алғаны аздай, онымен өзіне жалған абырой жинап жүр. Мұғалжар жылқысы жайлы әндетіп, біреулерден ақша алып, мейманасы тасып тұрған болар. Осылай менің Қазақтың жылқыларына, яки ұлтымыздың, халқымыздың асыл жануарына арнаған әнімді тапап өтпекші, жоқ қылмақшы!

    Сіздермен ақылдасайын деп шештім. Төреғалиды сотқа берейін бе, жоқ па? Оныкі адамдыққа жата ма? Біраздан бері айтылып, тіпті бейнебаян да түсірілген әнді бұлай иемденіп алуына жол беріп қойып отыра берейін бе? Өзім соттасуды жаратпаймын. Бұл бірінші рет!

    "Құдайға телефон соққан бала" атты әңгімемді біреулер ұрлап, фильм түсіріп тастады. Оларды аяп, сотқа бермедім. Ал енді әніме шабуыл жасап отыр. Ашық күнде. Еш ұялмай, қысылмай.

    Бұл Төреғали атақты болсам, әумесер болсам, маған бәрі жарасады деп ойлай ма екен?

    Төреғали біздің "Қазақтың жылқылары" әнінен "Мұғалжар жылқылары" деген, бір аумақтың, шаруа қожалығының әнін шығарып алған. Сізге жалпы Қазағымның жылқылары қымбат па, әлде бір ғана Мұғалжар тұқымы ма?

    Адамның сотына бермей, Алланың сотына тапсырайын ба? Екіншісі өте ауыр. Ол қияметке кетеді. Менен кешірім сұрап, доғара қойса, мен кешірер едім. Олай істейтін арлы азаматты, ұятты адамды әзірге көрмедім.

    Мен әлі аяп отырмын. Түсінер, кешірім сұрар деп. "Ұлы даланың баласымын" деп кеудесін көтеруші еді, қайда сонысы? Ұлы даланың жылқыларына арнаған әнді жоқ қылып, оның орнына бір ғана тұқымды мақтаған, ақша үшін жазылған дүниесін күйттегені ұлтты қорлағандай болды!

    Ақын Мұнайдар Балмолданың жазбасы (27.05.2024 ж.)

    0
    167
    0
  • 0
    05:42, 28 мамыр 2024

    Бектенов тасқыннан келген шығынды бағалау ісін апта соңына дейін аяқтауды тапсырды

    Премьер-министр Олжас Бектеновтің төрағалығымен өткен Үкімет отырысында еліміздегі су тасқынының салдарын жою мәселесі күн тәртібінен тыс қаралды.

    undefined

    Үкімет басшысына вице-премьер Қанат Бозымбаев залалды өтеу алгоритміне сәйкес өңірлерде атқарылып жатқан іс-шаралар туралы баяндады.

    Биылғы 28 мамырдағы мәліметке сүйенсек, республика бойынша 30 мыңнан астам отбасы 100 АЕК мөлшерінде біржолғы төлем алды. Аталған бағыттағы жұмыс бақылауға алынып, қажетті шаралар қабылданып жатыр.

    15 мыңнан астам үй мен саяжай құрылыстары тексерілді, 11 134-і бойынша бағалау жүргізілді.

    Бұл ретте жекелеген өңірлерде сараптаманың төмен көрсеткіші байқалды. Мысалы, Батыс Қазақстан облысында су басқан 4 мың үйдің 2 176-і (54%) тексеріліп, 770 үйге бағалау жүргізілді. Ақтөбе облысында 3 679 үй тексеріліп (73%), 1673 үй бағаланды.

    Атырау, Ақмола, Қостанай және Солтүстік Қазақстан облыстарының әкімдіктері тасқыннан зақымданған үйлерді тексеру және бағалау жұмыстарын аяқтады.

    Жалпы еліміз бойынша 9 мыңнан астам үй қалпына келтірілуге болатын құрылыс қатарына жатады. 4 315-і апатты жағдайда деп танылды.

    Өңірлер 1 847 үй мен пәтердің құрылысы басталды, қайталама нарықтан 3 417 тұрғын үй сатып алу жоспарланып отыр.

    Құрылыс маусымының қысқалығын ескере отырып, оқу жылының басына дейін зардап шеккен азаматтарға үйлер мен пәтерлер беру жоспарлануда.

    «Әкімдіктерге Өнеркәсіп министрлігімен бірге тұрғындардың баспаналары мен мүліктеріне келтірілген залалды бағалау жұмыстарын осы аптаның соңына дейін аяқтауды тапсырамын. Азаматтарымыздың қиын жағдайына түсіністікпен және жан-жақты мұқият қараңыздар. Жұмыстарды кешіктірмей, барынша тездету керек. Қанат Алдабергенұлы, қатаң бақылауда ұстаңыз», — деді Олжас Бектенов.

    0
    153
    0
  • 0
    10:41, 27 мамыр 2024

    Өзбекстанда әйелдердің көлік айдауына тыйым салынған ба?

    немесе таксидегі қызық оқиға

    undefined

    Фото: profi196.ru

    Жаңбыр құйып тұрған соң, амал жоқ, такси шақырдым. 1 минутта келеді деген такси 10 минуттан соң келді. Үлгерермін деп үндемедім. Құйғытып олай жүрді, бұлай жүрді, Шумахер санай ма өзін, ұқпадым, аварияға өзі тіленіп жүргендей.

    Үндемедім. Бір кезде:

    - Ә, бәсе, қатын екен ғой, үйінде отырмай ма тамағын істеп, байы бағады ғой! - деп қойып қалды. Бұл жолы шыдамадым да:

    - Күйеуі жоқ шығар? - дедім. Ары қарай "әйел затынан ала алмай жүрген өшіңіз бар ма?" деп жалғастырмақ болғам, оған жеткізбеді:

    - Онда таксиге мінсін!

    - Мынадай таксиге қалай мінеді, жолаушыны сыйламайды, жүрісі қауіпті, сосын жаңа ол емес, сіз ереже бұздыңыз, негізгі жолдағы көлікті өткізіп жіберуіңіз керек еді, - дедім салмақты үнмен, өзімше сабыр сақтап.

    Ұялып қалды-ай, кәдімгідей Сосын бір кезде:

    - Өзбекстан сияқты заң қабылдау керек! - деді. - Әйелдерге көлік айдауға тыйым салыпты ғой, бізде де тыйым салу керек!

    - Оны кім айтты?

    - Өзбекстаннан келген танысым.

    Осы кезде гуглдан фактчек жасап үлгіргем.

    - Аға, Өзбекстан ондай тыйым салмаған, тіпті бар ғой, жаңа жылдан бастап әйелдерге автобус пен жүк көлігін айдауға да рұқсат беріпті. Танысыңыз өтірік айтыпты.

    - А-а, солай ма екен, а-а...

    Ары қарай тып-тыныш жеткізіп салды...


    Халима Тәжіқұлдың жазбасы

    0
    211
    0
  • 0

    Алматы облысында 40-қа жуық адам отырған автобус аударылып қалды

    Алматы облысының Кеген ауданында туристер мінген автобус жол апатына ұшырады.
    undefined

    Фото: t.me/qaz365kz
    Оқыс оқиға бүгін сағат 10 жарымдар шамасында аталған ауданның Еңбекшіқазақ ауданымен шекаралас аумағында болған.
    Алматы облысы әкімдігі өкілдерінің алдын ала мәліметі бойынша, автобус «Қазавтожол» желісіне жататын Аласа асуындағы күрделі бұрылыста жолдан шығып кеткен.

    «Оқиға орнына дереу екі жедел жәрдем бригадасы барды. Автобуста 37 адам болған. Кеген аудандық ауруханасына 5 адам, Жалағаш аудандық ауруханасына 4 адам, Шелек ауылына 4 адам жеткізілді», - делінген әкімдік хабарламасында.
    Алдын ала мәлімет бойынша, жол апатынан қаза тапқандар жоқ. Оқиғаның нақты себебі әзірге белгісіз. Тергеу жүргізіліп жатыр.

    Зардап шеккендер дәрігерлердің бақылауына алынған. Олардың жағдайы тұрақты.

    0
    200
    0