Yvision.kzYvision.kz
ru
QazAgym
QazAgym
432 жазбалар44 тіркелуші
  • 0
    03:16, 22 ақпан 2024

    Тоқаев Путинге тағы да қазақша сөйледі. Бірақ бұл жолы ешкім құлаққап іздемеді

    Қазақстан Президенті Қасым-Жомарт Тоқаев Ресейдің Қазан қаласында кеше басталған "Болашақтың ойындары" халықаралық турнирінің қатысушыларына сәттілік тіледі. Ол көрші ел президенті Владимир Путинге қарата қазақша сөйледі.

    Blog post image

    "Құрметті Владимир Владимирович, ең алдымен, Сізге зор ризашылық білдіргім келеді. Бұл – бірегей ойын. Дүниежүзінде мұндай ойынның баламасы жоқ. Баршаңызға сәттілік тілеймін. Келесі ойынды Қазақстанда өткізейік", – деді Қасым-Жомарт Тоқаев.
    Сондай-ақ турнирдің ашылу рәсімінде Беларусь, Қырғызстан, Тәжікстан және Өзбекстан президенттері киберспортшыларға ізгі тілектерін жолдады. Содан соң жарысқа қатысушы мемлекеттер туларының шеруі өтті.
    Бұл ойындарға 107 елден 250 команда қатысады делінген. Жүлде қоры - 10 млн АҚШ доллары.

    Айта кетейік, өткен жылы қараша айында Тоқаев Путиннің Астанаға сапары барысында да қазақша сөйлеп, ресейлік делегация президентінен бастап сасқалақтап қалған еді. Мұндайды күтпеген олар түгел құлаққаптарын іздей бастады.

    Ал Қазанда ешкім құлаққап іздеген жоқ. Өйткені біздің президент өз сөзін орысшаға өзі аударып берді.

    Видеоны мына жерден көре аласыздар.

    0
    338
    0
  • 0
    08:10, 20 ақпан 2024

    Оңтүстіктен солтүстікке көшіру бағдарламасынан ойдағыдай нәтиже шықпады

    Халықты оңтүстіктен солтүстікке көшіру бағдарламасы нәтиже берген жоқ. Үкімет сағатында Сенат төрағасы Мәулен Әшімбаев осындай сын айтты.

    Blog post image

    Фотоколлаж: turanews.kz
    Мәулен Әшімбаевтың сөзінше, бүгінде оңтүстік, батыс аймақтарда және мегаполистерде халық саны өсіп келеді. Ал солтүстік аймақтарда керісінше азаю үрдісі байқалады.
    Соңғы жылдары халық саны Солтүстік Қазақстан облысында - 22, Павлодарда - 6  және Қостанай облысында 8 пайызға азайған.

    Айта кетейік, оңтүстіктен солтүстікке қоныс аудару бағдарламасы 2017 жылдан бері жүзеге асырылып келеді.

    @qazaqstantv

    0
  • 0
    12:47, 22 қыркүйек 2021

    Тоқаев Қалжыр өзенінің тағдырына қатысты облыс әкімі мен министрге тапсырма берді

    «Айқын» газетінің бүгінгі нөмірінде «Қалжырды кім ластап жатыр?» деген мақала жарияланды. Онда Шығыс Қазақстан облысындағы Қалжыр өзенін заңсыз алтын өндірушілер қатты ластап жатқаны туралы өте өзекті мәселе көтерілген. Осыған байланысты Мемлекет басшысы Қасым-Жомарт Тоқаев Экология, геология және табиғи ресурстар министрлігі мен Шығыс Қазақстан облысының әкімдігіне аталған проблеманы егжей-тегжейлі тексеріп, кінәлілерді жауапкершілікке тарту туралы тапсырма берді. Бұл туралы ҚР Президентінің баспасөз хатшысы Берік Уәли хабарлады.

    Еске салайық, бұған дейін белгілі журналист Мақсат Толықбай Шығыс Қазақстан облысындағы Күршім ауылының тұрғындары май араласқан лай суды тұтынып отырғанын айтып, Күршім өзенінің қазіргі жағдайын көрсетіп, жергілікті жұрттың жанайқайын жеткізген еді.

    Дереккөз

    0
    224
    0
  • 0
    12:46, 22 қыркүйек 2021

    Қазақстандық полицейлер 12 миллион тұратын кроссоверлерге міне бастады

    Қазақстандық полицейлер құны 12 млн-нан асатын кроссоверлерге міне бастады.

    Мемлекеттік сатып алу порталында көрсетілген мәліметке жүгінер болсақ, Ақтөбе облысының полиция департаменті 147 млн 480 мың теңгеге 12 автокөлік сатып алып жатыр. Әрқайсысың құны – 12 млн 290 мың теңге.

    Техникалық ерекшеліктеріне сүйенер болсақ, бұл полицейлер мініп жүрген Hyundai Tucson көлігінің үшінші буыны емес – жаңа, төртінші буыны. Комплектациясы ең қарапайымы таңдалыпты. Орындығы жылытылмайды, былғары түрі емес, қорабы – механика, төрт дөңгелегі бірдей қозғалады, қозғалтқыш көлемі – 2 л.

    0
    216
    0
  • 0
    12:44, 22 қыркүйек 2021

    Қытай инвесторлары Қазақстанда зауыттар салып жатыр

    Жыл соңына дейін Қазақстанда 230 млн долларға қытайлық жаңа жобалар ашу жоспарланып отыр.

    Ұлттық компания бірлескен жобалар тізіміне 24,6 млрд долларға 56 ұсыныс кіретінін нақтылады, атап айтқанда, 15 жоба іске асырылып жатыр, ал 13-і пысықталуда, тоғызы – пассивті сатыда. Қытай инвесторлары биылдың өзінде төрт өндіріс ашқысы келеді. Жалпы құны – 230 млн доллар.

    Kazakh Invest мәліметі бойынша, Алматыда үлкен диаметрлі болат құбырлар шығаратын зауыт іске қосылады деп күтіліп отыр. Инвестиция көлемі – 100 млн доллар. Қазақстан-Қытай кәсіпорнында 300 жұмыс орны құрылады.

    Маңғыстау облысында су тұщыландыратын зауыт салынып, іске қосылады, 53 адам жұмыспен қамтылады. Жоба құны 60 млн доллар. Ал Жамбыл облысында металлургия өндірісінің мырыш-қорғасын қалдықтарын қайта өңдеуді жолға қояды. Жоба құны 20 млн доллар болатын нысанда 250 адам жұмыс істейді.

    Қостанай облысында Қытай инвесторларының қатысуымен Жасыл станция ашылады. Өңірде құны 50 млн доллар болатын жел электр станциясы ашылады, 15 адам жұмыспен қамтылады.

    Қазақстанда 2015 жылдан бастап жалпы сомасы 4,3 млрд доллар болатын 19 жоба іске қосылды. Ал биыл Қытай инвесторлары 200 млн доллар болатын екі өндірісті ашты.

    Дереккөз

    0
    153
    0
  • 0
    12:43, 22 қыркүйек 2021

    Хайп, аудитория, жарнама: Қазақстандағы антиваксерлердің артында кімдер тұр?

    Қазақстанда коронавирусқа қарсы вакциналау науқаны басталмай жатып көпшілік арасында «бүкіләлемдік қастандық теориясы», яғни, коронавирус адамзатты чиптеу үшін ойлап табылғанына сенушілер көп болды. Әлі күнге дейін мектептердегі дезинфекция жұмыстарын «оқушыларды улау» деп қабылдап, «тікұшақпен вирус сепкізетін билікке» қарсы антиваксерлер әлеуметтік желіде вакцинаға қарсы үгіт-насихат жұмыстарын жалғастыруда.

    АНТИВАКСЕРЛЕРДІҢ ТӨРТ ҚАУЫМДАСТЫҒЫ

    Factcheck.kz ресурсының редакторы Павл Банник журналист Мария Сероваға берген сұхбатында Қазақстандағы антиваксерлердің артында кім тұрғанына қатысты жүргізген зерттеуіне сүйене отырып, антиваксерлердің төрт тобы туралы айтқан.

    «Зерттеу барысында біз бірнеше қоғамдастықты анықтадық. Бірінші кезекте бұл топ бізге Ресейден келген және олар өздерін «Саналы қазақстандықтар» бірлестігі деп атайды. Қауымдастық қатысушылары ант қабылдап, бұдан кейін өздерін әлемдердің алғашқы жаратушысының қолына беретіндігі туралы құжаттарға қол қойып, тек соның заңымен өмір сүреді. Өздері тұратын аумақ заңымен өмір сүруден бас тартады және ол аймақтың бәрін бүкіл адамзаттікі деп жариялайды. Ресейлік конспиралогиялық Ұлт-азаттық қозғалысы (НОД) Ресейді Батыс жаулап алған, ондағы билік қуыршақ деп ойлайды. Екінші – «Саналы қазақстандықтар» бірлестігі, олар да «бүкіләлемдік қастандық теориясына» сенеді. Үшінші топ – Шіркеу саентологтары, олардың өз мүддесі бар және олар антиваксерлік пропаганданы белсенді таратпайды. Төртінші топ – Денсаулық кодексінен бастап, Отбасылық-тұрмыстық зорлық-зомбылыққа қарсы іс-қимыл туралы заңды енгізуге қарсы болған блогерлер тобы. Қазір олар ата-аналар одағын құрып, сондағы жиындарға белсенді қатысып жүр. Бұл топ та екпе алуға қарсы және  көңілге күмән ұялататын ұйымдар, тұлғалармен жұмыс істейді. Ұйымдарға келсек, онда ол халықаралық болып кеткен испандық CitizenGO. Бұл петиция платформасын жамылған ультрақозғалыс. Олардың өкілдері алғаш жұмысын Еуропада, кейіннен Ресейде жүргізді, аяғы бізге де келді. Денсаулық кодексіне, вакцинаға қатысты петицияларды қарасаңыз, плакаттарда CitizenGO логотиптері бар», - дейді Павл Банник.

    Былтыр «Балаларды қорғауға қатысты» қабылданбақ болған заңға қарсы шыққан белсенді топ өкілдері Павл айтқан антиваксерлердің төртінші тобын толықтыруда.

    Дереккөз

    0
    198
    0
  • 0
    12:40, 22 қыркүйек 2021

    Мемлекеттік органдардың сайттары жұмыс істемей қалды

    Еліміздегі мемлекеттік органдардың сайттары жұмыс істемей қалды. «Ұлттық ақпараттық технологиялар» АҚ осындай ақпарат таратты.

    Иә, білдік, бір сағаттай жұмыс істемейді. Техникалық ақаулар, – деді «ҰАТ» АҚ баспасөз қызметі

    Әкімдіктердің веб-сайтын ашар кезде, «Тілдерді жүктеу» жазуы пайда болады. Дәл осындай жағдай облыс әкімдіктері мен министрліктердің сайттарына да қатысты.

    Дереккөз

    0
    164
    0
  • 0
    12:38, 22 қыркүйек 2021

    Қазақстандықтардың қарызы 8,6 трлн теңгеге жеткен

    2021 жылғы бірінші жартыжылдықта Қазақстанда жеке тұлғалардың кредиті 8,6 трлн теңгеге жетті (шамамен 20 млрд доллар). Бұл өткен жылмен салыстырғанда 26% артық.

    Халықтың тұтынушылық кредиті шамамен 5 трлн теңге (немесе 11,7 млрд доллар) болды, бір жылда плюс 19,4%.  Жеке тұлғалар қарызының орташа көлемі (кредиттің барлық түрлерін қоса алғанда, оның ішінде ипотекалық қарыз да бар) жұмыспен қамтылған бір адамға 2,28 мың доллар. Жұмыспен қамтылған қазақстандыққа тікелей тұтынушылық қарыздың көлемі 1,32 мың доллар. Қазақстан осы көрсеткіш бойынша басқа елдерден айтарлықтай артта қалып отыр.

    Trading Economics сарапшыларының дерегінше, әлемнің 45 ірі экономикасының ішінде Қазақстан жұмыспен қамтылған бір азаматқа қарыз беру көлемі бойынша 41-орында тұр. Аталған рейтингте көптеген елдің тек тұтынушылық кредиті ғана ескерілді. Мысалы, Қазақстан мен Ресейді қоса алғанда, халықтың барлық қарызының, оның ішінде ипотекалық және өзге де бөлшек сауда кредитінің жалпы көлемі есепке алынған.

    Елімізде жұмыспен қамтылған тұрғынға кредит беру көлемі Швейцария (202,3 мың доллар), Австралия (170,3 мың доллар), Норвегия (160,2 мың доллар), Франция (65,9 мың доллар) сынды қуатты кредит нарығы бар дамыған елдерге қарағанда айтарлықтай төмен. Сонымен қатар Қазақстан Қытай (10,1 мың доллар), Ресей,  (4,1 мың доллар), және Армениядан (2,3 мың доллар) да едәуір артта қалып отыр.

    Сондай-ақ жұмыс істейтін адамға берілетін кредит көлемінен гөрі қарызды төлеу мүмкіндігі де маңызды болып саналады. Бұл ең алдымен ел тұрғындарының орташа жалақысымен (ОЖ) кредиттің арақатынасына байланысты.  Жоғарыдағы көрсеткіш бойынша Қазақстан экономикасы әлемнің көптеген мемлекетімен салыстырғанда төмен. Жеке тұлғалардың кредитінің барлық түрін ескерсек, еліміз 29-орында тұр.

    Бұл жағдайда жұмыспен қамтылған тұрғын үшін бөлшек кредиттің орташа мөлшері 4 орташа жалақымен жабылады. Егер тек тұтынушылық қарыз алатын болса, онда жұмыспен қамтылған адамға орташа чек 2,3 ОЖ-ға тең. Мысалы, Ресейде аталған көрсеткіш – 5,4 ОЖ, Арменияда – 5,8 ОЖ, Қытайда – 8,1 ОЖ, ал ең жоғары көрсеткіштер Австралия (41,3 ОЖ), Швейцария (29,1 ОЖ), Норвегия (28,2 ОЖ) және Португалияға (21,4 ОЖ) тиесілі.

    Айта кетейік, дамушы елдер үшін бөлшек кредит беру экономиканың өсуіне, тұтастай алғанда қаржы секторының және банк нарығының кеңеюіне ықпал етеді. Бұл елде азаматтардың төлем қабілетінің артуына, ал кредит портфельдердің сапасы сақталса, табиғи және қолайлы құбылыс болып саналады.

    Қазақстандағы жағдай осыған ұқсас. 2021 жылғы бірінші тоқсанда елімізде төлем қабілеті бір жылда 10,4% өсті, ал ақшалай мәнде орташа жалақы бір жылда 18,6% артқан.

    Дереккөз

    0
    152
    0
  • 0
    12:35, 22 қыркүйек 2021

    Елімізде алдағы жылы үй бағасы тағы аспандайды

    Қазіргі уақытта 2 миллионнан астам қазақстандық баспанаға мұқтаж. Оның 1 миллион 700 мыңы Отбасы банкінің салымшылары. Ал 500 мың қазақстандық әкімдікте үй кезегінде тұр. Нарықта 11 миллион шаршы метр тұрғын үй, яғни 172 мың пәтер сатылымда. Осыдан қарап-ақ, сұраныстың жоғары екенін аңғаруға болады. Сұраныс келесі жылы да артып, баға тағы өсейін деп тұр.

    Баспана бағасының өсуіне импорттық құрылыс материалдарының қымбаттауы, доллардың өсуі, жұмысшылардың айлығын көбейту сияқты факторлар әрі қарай әсер ете бермек. Яғни, онсызда күрт қымбаттаған тұрғын үй бағасы тоқтаусыз өспесе, түспейтін болып тұр. Жыл соңына дейін тағы 5%-ға, ал келесі жылдың наурызында жаңа үйлер 10-15 пайызға қымбаттайды.

    Қазір құрылыс заттары 90 пайызға қымбаттады. Ал тұрғын үйдің бағасы 30-40 пайызға көтерілді. Шаршы метрдің де бағасы бір уақытта, бір айда қымбаттамайды. Ол 5-6 айға созылады, – дейді Қазақстан құрылысшылар одағының төрағасы Талғат Ерғалиев.

    Жаңа үйлердің бағасы аспандаса, қайталама нарықтағы жылжымайтын мүліктің де құны көтеріледі. Бұған мемлекеттік бағдарламамен банктен мақұлдама алғандардың сұранысы әсер етуде. Сұранысты жаңа жылдан кейін зейнетақы қорындағы шекті сомадан асатын қаражатын азаматтардың Отбасы банкіндегі депозитіне аудара алуы да арттыра түспек. Айта кетейік, мұндай мүмкіндікті 190 мың жас отбасы пайдалануға әзір екен. Мемлекеттік бағдарлама деген аты болғанымен, үй таңдауға келгенде азаматтар жеке компанияның пәтерлерін алуға мәжбүр.

    Құрылыс компаниялары бірігіп, мемлекеттік бағдарламалар арқылы салынатын үйлерге, объектілерге, басқасы бар “біз бітіре алмай қалдық, өйткені құрылыс материалдары қымбаттады” деп қосымша 270 миллиард теңге сұрап отыр. Бұл жағдайды пайданалып кеткісі келіп тұрған кәсіпкерлер де бар. Көбірек ақша алып алайық, көбірек бөлінсін деген сияқты. Тым созуға да болмайды. Созатын болса нысандар сол күйі қалып қалуы мүмкін, – дейді экономист Мақсат Халық.

    Ал құрылыс нысандарын дер кезінде салып тапсыра алмай жатқан компаниялардың тағы бір мәселесі – маман тапшылығы. Қазір бұл салаға 242 мың жұмысшы жетіспейді. Соның салдарынан жыл сайын компаниялар 500 миллиард теңге жоғалтады екен. Мәселені шешу үшін Қазақстанның құрылысшылар одағы өзге елдерден жұмысшыларды көптеп алдыру қажет деген ұсынысты Еңбек министрлігіне жеткіздік дейді. Бірақ құптау жоқ. Өйткені елімізде ресми 451 мың адам жұмыссыз ретінде тіркелген. Ал шығынға онсызда батқан компаниялар пәтер құнын ұстап тұрмайтыны түсінікті дейді сарапшылар.

    Дереккөз

    0
    162
    0
  • 0
    12:33, 22 қыркүйек 2021

    Маңғыстау облысында 600 ірі және 6 мыңға жуық үй қожалықтарына қаржылай қолдау көрсетілді

    Бұл туралы Қоғамдық коммуникация орталығында өткен брифингте Маңғыстау облысы Ауыл шаруашылығы басқармасының басшысы Серік Қалдығұл мәлім етті.

    Биыл Маңғыстау облысында қуаңшылықтан зардап шеккен шаруаларға қаржылай қолдау көрсету үшін Үкімет резервінен 1,9 млрд теңге бөлінді. Қайтарымсыз қаражат төрт түліктің аналық басы үшін мал азығына жұмсалған шығындарды ішінара өтеуге берілуде.

    Қазіргі таңда бөлінген қаражаттың 57%-ы игерілді, яғни 5900 жеке қосалқы үй шаруа қожалықтарына 745 млн теңге және 575 шаруа қожалығына 395 млн теңге қаржылай мемлекеттік қолдау көрсетілді.

    Қазіргі уақытта шаруаларды жем-шөппен қамтамасыз етіп, мал азығы тапшылығын жою мақсатында бірқатар жұмыс жүргізіліп жатыр.

    1. Жергілікті бюджеттен 150 млн теңге бөлініп, «Каспий» ӘКК АҚ арқылы аталған қайтарымды қаржыға 15 шілдеден бері әр қала, аудандардан тағайындалған операторлар қажеттілікке қарай шөп тасымалдап жатыр. Бүгінгі күнге дейін 1350 тонна шөп сатып алынды. Бұл жұмыстар жыл аяғына дейін жалғасады.

    2. Жергілікті бюджеттен 54 млн теңге бөлініп, қайтарымды қаражатқа аудандардан тағайындалған операторлар Қостанай облысынан 950 тонна арпа жеткізді. Қазіргі таңда арпа түгел сатылып, айналымдағы қаржыға қосымша 1 мың тонна мал азығын сатып алу жұмыстары жүруде.

    3. Сонымен қатар 107 млн теңгеге 15 вагон 3-4 сортты бидай (бидай қалдығы) сатып алынды, жақын күндері өңірге жеткізіледі.

    Жалпы жыл басынан бері облысқа 41 500 тонна шөп тасымалданды. Соның 3500 тоннасы өзге өңірлерден көмек ретінде жеткізіліп, қуаңшылықтан зардап шеккен мал иелеріне тегін үлестірілді. Ал өңірге тасымалданған жем көлемі 24 мың тоннаны құрады.

    Спикерлер ауыл шаруашылығы жануарларын бірдейлендіру базасына тіркелмеген малға мемлекет тарапынан субсидия немесе қолдау көрсетілмейтінін айтты.

    Қазір өңірде 636 824 бас мал тіркелген. Оның ішінде өлгені - 1163 (жалпы санының 0,18%). Өлген малдың 194-і ғана ауыл шаруашылығы жануарларын бірдейлендіру дерекқорына тіркелген.

    Төтенше жағдайлар департаменті ауа ылғалдылығына тексеру жүргізді. Нәтижесі төтенше жағдай жариялау шарттарына сәйкес келген жоқ. Сондай-ақ жануарлар арасында улану мен жұқпалы ауруға шалдығу дерегі тіркелмеді және өсімдіктер зиянкестерден зақымданбаған, яғни төтенше жағдай жариялауға заңды негіз жоқ.

    Өңірде қысқы мал азығы қорын дайындау қызу жүруде

    2021 - 2022 жылдарға өңірдегі төрт түлікті қыстық мал азығымен қамтамасыз ету мақсатында Премьер-министр А.Маминнің тапсырмасына сәйкес, бюджеттен қайтарымды қаражат ретінде мал азығына 5,3 млрд теңге қаржы бөлінді. (1,9 млр. теңге – шөп, 3,4 млрд теңге – жем). Бұл қаржыға жыл соңына дейін 26 мың тонна шөп пен 34 мың тонна жем сатып алынады деп жоспарлануда.

    Қазір аталған қаржының 600 млн теңгесіне мал азығын тасымалдайтын операторлар тағайындалып, өзге өңірлерден шөп тасымалдау жұмыстары басталып кетті.

    Бұдан бөлек Атырау мен Ақтөбе облыстарының шабындық жерлерінен шөп шабуға 5 шаруа қожалығы аттанды. Олар өздеріне қор жинап, артығын өзге мал иелеріне сатады.

    Сонымен қатар бүгінгі күні жергілікті шабындықта 14 бригада шөп шауып жатыр. Олар жыл аяғына дейін 15 мың тонна шөп дайындамақ.

    Дереккөз

    0
    167
    0

Жүктеу...