Мазмұнға өту

Жаңа

Тележурналистика курсына қабылдау жалғасуда

Алғашқы қазақстандық тәуелсіз Журналистика мектебі тележурналистика курсына қабылдаудың жалғасқандығы туралы хабарлайды.

MediaSchool – еліміздің шынайы медианарығына бейімделген журналистика және PR Мектебі.

Тележурналистика курсы тележурналист шеберлігін  меңгергісі келетіндерге, бірақ тележурналистика саласына қажетті тәжірибесі жоқ адамдарға арналған. Оқу қазақ тілінде жүргізіледі.

Оқу барысында студенттер Қазақстанның тележурналистикасы туралы жалпылама мәлімет алып, сюжеттер мен бағдарламалар құрылымын зерттеп, әр түрлі форматта сюжет, бейнематериал дайындауды, ақпарат көздерін тауып, экранға ақпаратты сәтті шығару әдістерімен танысып,    телевизиялық жаңалықтар сюжетін жасауды үйренеді.

Тележурналистика курсына қабылдау  2013 жылдың мамырының 1-не дейін жалғасады.  Сабақ  2013 жылдың  2 –мамырында басталады. Оқу ақысы айына – 25 000 теңге.

Курстың оқу мерзімі –2  ай. Дәріс сейсенбі және бейсенбі күндері кешкі уақытта жүреді.

Қосымша ақпаратты топ үйлестірушісінен ала аласыз: Рысгүл Рамазанова, +7 727 261 66 69, +7 778 907 16 08, [email protected]

     
0
1
793

Экипаж ұшақтың елді мекенге құламауы үшін батылдық пен ерлік танытты

Бүгін Қорғаныс министрлігінде  Қарағанды маңында  МиГ-31Б ұшағының апатқа ұшырауы деректеріне байланысты баспасөз конференциясы өткізілді. Бұрын хабарлағанымыздай. 2013 жылғы 23 сәуірде «Қарағанды» авиациялық базасында жоспарға сәйкес түнгі ұшулар жүргізілді. Экипаж парашютпен секіріп үлгерді, өкінішке орай экипаж командирі полковник Едігеев Марат Оразұлы (50185 әскери бөлімі) қайтыс болды, штурман майор Галимзянов Руслан Раифұлы орта жарақатпен госпиталда, оның өміріне қауіп жоқ.

«Борттық нөмірі 02 МиГ-31Б ұшағының экипажы жауынгерлік дайындық курсы жаттығуларына жататын жойғыш авиацияның алыс қашықтықтағы іс-қимылдары – «бағыт бойынша және кіші биіктік зонасында ұшу» тапсырмаларын орындап жүрген болатын. Аталған авиациялық база ауа райының кез келген жағдайында, күні-түні Астананың және мемлекеттің әуе кеңістігін әуеден бүркемелеу бойынша жауынгерлік кезекшілік жасайды. Ұшақтың бұл түрінің жауынгерлік радиус қимылы осындай тапсырмаларды орындауға мүмкіндігі жеткілікті»,-деді ҚР Қарулы Күштері Әуе қорғанысы күштерінің бас қолбасшысы авиация генерал-лейтенанты Александр Сорокин бүгін баспасөз конференциясында. Сорокиннің айтуы бойынша ұшулардың Жауынгерлік парадқа дайындық іс-шараларына қатысы жоқ. Жаттығулар ұшу құрамының жауынгерлік кезекшілікті жүргізу дайындығы жоспарына сәйкес орындалған болатын. Ұшқыштар кез келген ауа райы жағдайында, тәуліктің кез келген уақытында жауынгерлік тапсырмаларды орындауға дайын болуы керек. Экипаж кез келген метеожағдайға күні-түні ұшуға дағдыланған, олардың ұшу элементтерінің барлық жаттығуларын орындауға рұқсаттары бар,-деп атап өтті басқолбасшы .

Экипаж командирі авиациялық базаның командирі екінші класты ұшқыш полковник Марат Едігеев Ю.А. Гагарин атындағы әскери-әуе академиясының түлегі, әуеде жалпы ұшу уақыты 1600 сағатты құрайды. Оның ішінде ұшақтың осы түрінде – 450 сағат. Ұшқыш барлық метеожағдайда, тәуліктің кез келген уақытында ұшуға бейімделген.

Оқиға болған жерге ҚР Қорғаныс министрлігінің комиссиясы келіп жетті. Іздестіру-құтқару қызметі апат болған жерге дер кезінде әрі жедел жетті.

Қазіргі уақытта экипаждың ерлік пен қаһармандық көрсетіп, машинаны соңына дейін сақтап қалуға тырысқаны және ұшақтың оқиға орын алған аудандағы «Просторное» елді мекеніне құлауының алдын алғаны белгілі болып  отыр.

– Ұшқыш Руслан Галимзяновтың айтуы бойынша, бұрылысты орындағаннан кейін 3000 метр биіктікте көлденеңінен ұшу кезінде ұшақ сол жаққа қарай айнала бастап шиыршық атады.Э кипаж командирі құлап бара жатқан ұшақтың бағытын төменде жақын маңда орналасқан елді мекеннен әрірек әкетуге тырысып бағады. Жерге 1000 метр жақындаған сәтте парашютпен секіруге шешім қабылдайды. Бірінші болып майор Галимзянов Руслан одан кейін 0,4 секундтан соң полковник Едігеев Мұрат ұшақты тастап сыртқа секіреді. Құлдилау жылдамдығының ерекше жоғарылығынан ұшқыш Едігеев Мараттың парашютінің ашылуына биіктік таршылық етті,- деді Александр  Сорокин.

Бұрын хабарланғанындай Ұшар алдында авиациялық техникада ақау болмаған. Ұшақ 2012 жылы желтоқсанда күрделі жөндеуден өтіп «Қарағанды» ұшақжайына жеткізілген болатын. Жөндеу Ресей Федерациясының Ржев қаласындағы 514-ші авиажөндеу зауытында  жүргізілді. 514-ші авиа жөндеу зауытының өкілдері кепіл мерзімінде  «Қарағанды» ұшақжайында (екі жыл) болды.

Ұшақ күрделі жөндеу жұмыстарынан кейін 42 сағат ұшу жаттығуларын орындады. Аталмыш ұшу ауысымында төрт рет ұшу тапсырмасын орындады, бұл бесінші рет ұшуы еді.

Қазіргі кезде Қазақстан Республикасы Қорғаныс министрінің бұйрығымен мемлекеттік комиссия құрылды. МиГ-31 ұшағына күрделі жөндеу жасаған Ржев қаласындағы авиажөндеу зауытының мамандары, Ресей Федерациясы ұшу қауіпсіздігі қызметінің мамандары және Ресей Федерациясы авиация өнеркәсібі министрлігінің өкілдері шақырылды. Олар біздің мемлекеттік комиссиямен бірлесіп авиациялық апаттың себеп салдарын тексереді. Комиссия жұмысының нәтижелері туралы  апаттың себептері жайлы қосымша хабарланады.

Тиісті Заңнамаға сәйкес қайтыс болған экипаж командирі ұшқыш Марат Едігеевтің отбасына бес жылдық ақшалай үлес мөлшерінде біржолғы өтемақы төленетін болады.

Батылдық пен ерлік танытқаны үшін экипажды мемлекеттік наградамен марапаттау туралы ұсыныс бар.

 

ҚР ҚМ Баспасөз қызметі

0
0
702

Алматы көшелері: Серәлі Қожамқұлов

Бүгінгі «Алматы көшелеріне саяхат» айдарында танымал актер, ұлттық кәсіби театр өнерінің негізін салушылардың бірі Серке Қожамқұловтың құрметіне аты берілген көшеге саяхаттаймыз.


Қожамқұлов көшесі Мұратбаев пен Мұқанов көшелерінің аралығында
орналасқан. 1981 жылға дейін Қастек көшесі деп аталынған көше Райымбек даңғылынан басталып Құрманғазы көшесіне дейін созылып жатыр. Мақатаев, Гоголь, Әйтеке би, Қазыбек би, Төле би, Бөгенбай батыр, Қарасай батыр, Қабанбай батыр, Жамбыл, Шевченко көшелерін қиып өтеді.

Серке Қожамқұлов 1896 жылдың мамыр айының 5-жұлдызында Қостанай облысының Қарабалық ауданында дүниеге келген. Азан шақырып қойған есімі Серәлі. Әкесінен ерте айырылған Серкенің өнерге деген құштарлығын жақындары: жездесі Жүсіп Темірбеков пен жазушы Бейімбет Майлин оятқан.

Серке 1913-1916 жылдар аралығында Троицкінің «Уазифа» медресесінде білім алған. 1919 жылы Азамат соғысы кезінде Әліби Жангелдин басқарған қызыл әскер тобында жауынгер болған.

1920 жылдары «Қызыл керуен» труппасының құрамында жүргенде Серке өнерге деген қабілеті барын көпшілікке байқайтты. Сол жылы Орынбор қаласындағы Татар халық ағарту институтына түседі. Орынборда жүргенінде де өнерге құштар Серке сахнаны ұмытпайды. 1922 жылы оқуын бітіргенге дейін сол жақтағы көркемөнерпаздар үйірмесіне қатысып жүреді.

Оқу жылдары қазақ әдебиетінің көрнекті өкілдері Сәкен Сейфуллин, Сәбит Мұқанов, Ғабит Мүсірепов және сахна саңлағы Қапан Бадыровпен танысып, олармен тығыз шығармашылық қарым-қатынаста болады. 1922 жылы болашақ әртіс Серке Ғабит Мүсіреповпен бірге Мұхтар Әуезовтың «Еңілік-Кебек» тра­геди­ясының сахналануына қатысып, қойылымда Ес­пембет рөлін ой­нап шығады.

Серке 1923 жылы сот тергеушісі болып жұмысқа орналасады. Алайда оның сахнаға деген қызуғышылығын байқаған басшылық 1925 жылы Қызылордада құрылған тұңғыш қазақ театрының бірінші режиссері етіп тағайындайды. Сол жылдары ол Иса Байзақов, Құрманбек Жандарбеков, Әміре Қашаубаев, Қалыбек Қуанышбаев, Елубай Өмірзақов, Жұмат Шанин сынды сахна саңылақтарымен қызметтес болған.

1928 жылы Қазақ драма театрының құрамымен Алматы қаласына келеді. 1926-1932 жылдар аралығында Мұхтар Әуезовтің «Бәйбіше — тоқал», Бейімбет Май­линнің «Шан­шар мол­да», «Ел мек­тебі», «Қал­пе», Өмірбек Ос­па­нов­тың «Зарлық», «Сеңсең бөрік», Н.В. Го­гольдің «Үй­ле­ну» пьеса­ларын қой­ған.

Серке Қожамқұлов театрда тек режиссер ғана болып қоймай сахнада Майлиннің "Талтаңбайдың тәртібі" мен «Майданында» Талтаңбай, Көдебай, Гогольдің "Үйленуі" мен "Ревизорында» Яичница, Земляника, Мүсіреповтің "Амангелдісінде", "Қозы Көрпеш -Баян сұлуы" мен "Ақан сері - Ақтоқтысында" Тымақбай, Қарабай, Қоңқай, Әлжаппар Әбішевтің "Достықпен махаббатында" шахтер Тайман, Әуезовтің "Еңлік - Кебегі", "Қара қыпшақ Қобыландысы" мен «Абайында» Еспембет, Көбікті хан, Майбасар, Қалтай Мұхамеджановтың «Бөлтірік бөрік астындасында» Бекен, Шекспирдің «Асауға тұсауында» Слай, Педант, А.Я.Каплердің «Ленин 1918 жылында» Коробов сынды образдарды сомдаған.

Ал 1930 жылдан бастап киноға араласа бастайды. Сол жылы «Дала әні» фильмінде Батырақтың, 1938 жылы «Амангелді» фильмінде Бекет ұстаның, 1942 жылы «Ақ гүлде» қарт Жастардың, 1945 жылы «Абай әнінде» Баймағамбеттің, 1948 жылы «Алтын мүйізде» шопан Әділбектің, 1964 жылы «Алдар көседе» бидің, «Қанатты сыйлықта» Жапардың рөлінде ойнаған және «Біздің сүйікті дәрігер» музыкалық комедиясына түскен.

Қазақ үшін, қазақ өнері, мәдениеті үшін ұшан-теңіз еңбегін сіңірген тұлғалардың бірі әрі бірегейі Серке Қожамқұлов 1979 жылдың 25 желтоқсанында «Ана – Жер – Ана» спектаклінде ақырғы рет Ақсақал рөлін сомдап, алты күннен кейін дүниеден озады.

Серке Қожамқұлов есімімен бүгінгі күні Жезқазған музыкалық-драма театры мен Алматы қаласындағы көше аталынады. Алматы қаласында тұрған үйінде (Фурманов көшесі, 117 үй) мемориалдық тақта орнатылған.

Мәтін: Айнұр Ракишева

Фото: Айжан Кәрібаева

Бұл айдарда жарияланған материалдардың толық тізімі:

Малбағар Меңдіқұлов көшесі

Ораз Жандосов көшесі

Өмірбек Жолдасбеков көшесі

Абдолла Розыбакиев көшесі

Тайыр Жароков көшесі

Жұмағали Сайын көшесі

Досмұхамедов көшесі

Нұрмақов Нығмет көшесі

Бағаутдин Шағабутдинов

Ғани Мұратбаев көшесі

Зейін Шашкин көшесі

Сырбай Мәуленов көшесі

Мағазы Масанчи көшесі

Мұқан Төлебаев көшесі

4
1
3614

Жақсыбаев Сәкен — еліміздегі қымбат брендтердің бірі

Астана қаласы, Риксос қонақ үйінің салтанат залында Сәкен Жақсыбаевтың сән көрсетілімі басталғалы жатқан кез.


Сарт-сұрт суретке түсіру. Сән көрсетілімі әлі басталған жоқ.

Сән көрсетіліміне шақырылған қонақтар кешігіп жатыр. Қазақтар ма, басқа ұлттар ма, белгісіз.…

Сәкен Жақсыбаевтың керемет туындылары көрсетілуде.

Қыздар, қара мен қанық көк түс сәнде.

Сары түс те керемет көрінеді.

Бүгінгі керемет сән үлгісін көрсеткен дизайнер - Сәкен Жақсыбаев.

Осындай сәтті түсіріп алдық :) Байқадыңыздар ма, киімдер қара, қанық көк және сары түстерден ғана тұрады.

Мына көйлек ерекше әдемі. Көздің жауын алатын көйлек :) Көп адам осы көйлекке қызығушылық танытты.

Ұзын етекті, белін буған көйлектер сәнде. Қыздар, шалбарды тастап, көйлекке көшіңіздер! :)

Жақсыбаев Сәкен - еліміздегі қымбат брендтердің бірі.

Біздің бұл көрсетілімнің видеосын көріңіздер.

0
0
5677

ҚР Қорғаныс министрінің көңіл айтуы

Қазақстан Республикасының Қорғаныс министрі Әділбек Жақсыбеков МиГ-31 ұшағының апатқа ұшырауынан қайтыс болған полковник Едігеев Марат Оразұлының отбасына және туған-туыстарына көңіл айтты. «Қазақстан Қарулы Күштері әскери қызметшілерінің атынан және өз атымнан қызметтік міндетін атқару кезінде қайтыс болған Қазақстан Әскери әуе күштерінің ұшқышы полковник Марат Едігеевтің туыстары мен жақындарына қайғырып көңіл айтамын»-, деді Қазақстан Қорғаныс министрі.
ҚР Қарулы Күштері әскери қызметшілерінің көңіл айтуы
Қазақстан Республикасы Қорғаныс министрлігі басшы құрамы мен  әскери қызметшілері оқу-жаттығу тапсырмаларын орындау кезінде қайтыс болған полковник Марат Едігеевтің қазасына қайғырып көңіл айтатындықтарын білдірді.
– Біз Марат Едігеев отбасының орны толмас қайғысын бөлісеміз, және бұл трагедияны өзіміздің жеке басымыздың қайғысындай қабылдаймыз, себебі біз жауынгер жолдасымыздан, тәлімгер серігімізден, сенімді досымыздан айырылып отырмыз,- деді Қазақстан армиясының әскери қызметшілері.
ҚР ҚМ Баспасөз қызметі
0
0
552

Қазақстанның Бас Прокуроры Асхат Дауылбаев Швейцария Конфедерациясына сапары шеңберінде Женева кантонының Бас прокуроры Оливье Жорномен кездесті. Тараптар ынтымақтастықтың негізгі бағыттары мен болашағын талқылады.

А.Дауылбаев әңгімелесушісін прокуратура органдарының алдында тұрған басты міндеттер туралы ақпараттандыра отырып, халықаралық-құқықтық ынтымақтастық саласындағы екіжақты қарым-қатынастарды орнату және оны одан әрі нығайту қызметтің негізгі бағыттарының бірі болып табылатынын атап өтті.

Сұхбаттасушылар халықаралық және өңірлік қауіпсіздікті қамтамасыз ету бойынша стратегиялық міндеттер аясында қазіргі заманғы қыр көрсетулер мен қауіп-қатерлерге қарсы күрес жүргізу бойынша күш-жігерді біріктірудің өзектілігі объективті түрде артып отырғанын атап көрсетті. Сондай-ақ олар кең ауқымды құқықтық мәселелерге қатысты өзара тиімді ынтымақтастықты орнатуға және нығайтуға дайын екендіктерін білдірді.

 
0
0
1464

Бас Прокурор Асхат Дауылбаев Швейцария Конфедерациясына сапары барысында Әділет және полиция федералдық департаментінің Бас хатшысы Матиас Рамзауэрмен және Сыртқы істер министрлігі Статс-хатшысының орынбасары Артур Маттлимен кездесу өткізді.

Сұхбат барысында А.Дауылбаев әңгімелесушілерін прокуратура органдарының қадағалау және құқық қорғау қызметі саласында қол жеткізген нәтижелерімен таныстырып, Қазақстанның құқық қорғау жүйесін реформалау үдерісі туралы хабардар етті.

Еуропа Кеңесінің қылмыстық істерді жүргізу саласындағы негізгі төрт конвенциясына Қазақстанның қосылу барысы әңгіменің бөлек тақырыбы ретінде болды.

М.Рамзауэр Әділет және полиция федералдық департаменті Қазақстанның құқық қорғау жүйесін реформалау үдерісін қуаттайтынын, еуропалық конвенцияларға қосылу бойынша қазақстандық бастаманы қолдау мәселесін зерделеп, аталған мәселе бойынша мемлекет басшылығын тиісті жолмен ақпараттандыруға дайын екенін білдірді.

Тараптардың пікіріне сәйкес, орын алған кездесу екі елдің құқықтық жүйелерін әрі қарай нығайтуға байланысты кең ауқымды мәселелер бойынша ынтымақтастықты кеңейтуге және өзара пайдалы қарым-қатынастарды орнатуға елеулі серпін беруге тиіс.

0
0
405