Мазмұнға өту

Жаңа

Шымкент. «Көл».

Шымкенттің қақ ортасындағы атақты "Көл".. Дәлірек айтсақ көлдің орны.

1960-80 жылдарда қалаға келген ауыл тұрғындарының осы "Көл" маңындағы Қырғы базарға соқпайтыны болмайтын.. Қалаға алғаш келген ауыл жастары өздерінің ауылдас немесе сыныптастарына кездесуді осы көл жағасына белгілейтін.
Көл маңында Шымкенттің атақты салқын сырасы, орыстың квасы бөшкелермен сатылса, қазақтың бидай көжесін апа-жеңгелеріміз милициядан қашып жүріп сататын. 
Жаздың аптап ыстықтары мен қапырықтарында көлден жанға жайлы салқын самал есіп тұратын. Көл суына бала-шаға ғана емес, ересектер де шомылып жататын. Көл ортасындағы жағамен ағаш көпір арқылы жалғасқан аралшадағы 4-5 түп ағаштың саясында көлеңкелеп отыруға болатын. Қаласаңыз су велосипедін жалға алып су бетінде қалқи беріңіз ..

Осы әдемі суретті 1990 жылдары өмірімізге еніп келіп, арты жанталасқан әлемтапырық жанбағысқа ұласқан нарық заманы тас-талқан етті. Алдымен көл суы тартылып іші қоқысқа толды. Артынан бір іскер азаматтар көл түбіне тас төсеп, базарға айналдырып жіберді.

Көлден біржола айрылдық қой дегенде, облысқа әкім болып келген Өмірзақ Шөкеев үмітімізді қайта оятты. Көл маңындағы сауда орындарын иелерінің ата-даңқы мен әке-көкесіне қарамай, бульдозермен сүріп қала сыртына шығарып, көл маңын абаттандыруға кірісті. Нәтижесінде гүлденген Шәмші аллеясы мен ақшаңқан Неке сарайы пайда болды. Көлдің іші-сырты да жөнделді...
Өкінішке қарай, су оралмады..
Ө.Шөкеев кеткен соң ұмыт қалды ма, әлде басқа жағдай ма - ол жағы біз үшін белгісіз..
Бірақ осы көлге су толса, қаланың жаздың аптап күндерінде қаламыздың микроклиматына әсер етері сөзсіз еді.

Суретте: Шәмші аллеясы


Шәмші ескерткішіНеке сарайы

0
0
2618

Еліміздегі үш тұғырлы тіл саясаты жас ұрпақ үшін өте маңызды.

Жуырда ҚР Білім және ғылым министрі Ерлан Сағадиев үштілділік оқыту жайында  өз ойын білдірді. Мәлімдемеге сәйкес химия, физика, биология, информатика пәндерін үш тілде оқыту жоспарланбақ, сонымен қатар қазақ тілінде де жаңа әдістемемен оқыту көзделіп отыр. Жаңа бастамаға сәйкес, осы жылдан бастап 73 мың мектеп мұғалімі әдістемеге сай дайындықтан өтті. Аталған реформаны іске асыру үшін, 2016 жылы еліміздегі 2,5 мың мектеп интернет желісіне қосылады. Осыдан кейін, жаратылыстану пәндерін ағылшын тілінде оқыту бастау алмақ. Жаңа реформаның келесі бір негізгі мақсаты - орысша білім алатын оқушылардың қазақ тілінде сөйлеу қабілеттерін арттыру.  Бұл мақсатқа жету жолында ғылыми-зерттеу институттарының қатысуымен  қазақ тілін меңгерудің жаңа әдістемесі әзірленуде. Өз кезегінде, бұл қазақ тілін алты айда толық меңгеріп шығуға мүмкіндік береді. Аталған жаңа реформалардың жас ұрпақтың саналы да салиқалы болып өсуіне тигізер септігі мол екеніне сенеміз.

 
-1
0
476

Еліміздегі үш тұғырлы тіл саясаты жас ұрпақ үшін өте маңызды.

Еліміздегі үш тұғырлы тіл саясаты жас ұрпақ үшін өте маңызды. Жаhандану заманында тілдің атқарар орны ерекше екені бәріне мәлім. Көп тілді білген сайын, адам алдындағы ашылар есіктер саны еселене түседі. Тілдік қабілеттерді арттыру тек қызметтік мансапта пайдасын алып келіп қоймады. Бұл, сонымен қатар, адамның тұлға ретінде өсуіне септік тигізеді. Өйткені, тіл - ақпаратты оқу, айту, есту, түсіну, бөлісу құралы. Тіл - дамудың қайнар көзі. Еліміздің алға қойған асқақ мақсаттарының бірі - дамыған отыз елдің қатарында орын алу. Осы мақсатқа жету үшін, Қазақстан Республикасының әр азаматы барынша көп тілді меңгеруі тиіс. Қазіргі таңда жүргізіліп отырған үш тілдік саясат дәл осы мақсатты көздейді. Үш тілді игеру арқылы, біз болашақ іргесін мықты ете аламыз.

-1
0
994

Әдеп жөніндегі кеңестің кезекті отырысы өтті

Әдеп жөніндегі кеңестің кезекті отырысы өтті

2016 жылғы 29 шілдеде Қазақстан Республикасы Мемлекеттік қызмет істері министрлігінің Ақмола облысы бойынша департаментінің басшысы- Әдеп жөніндегі кеңес төрағасы Қ.А.Жапақовтың төрағалығымен Әдеп жөніндегі кеңестің кезекті отырысы өтті, онда мемлекеттік қызметке кір келтіретін тәртіптік теріс қылық жасағаны үшін мемлекеттік қызметшілерге қатысты тәртіптік істер қаралды.

Есіл ауданы әкімінің орынбасары Ғ.Н. Сағнаевқа қатысты тәртіптік іс қаралды, ол мемлекеттік қабылдау комиссияның төрағасы ретінде сансыз көп кемшіліктер мен ақаулықтары бар аудандық Мәдениет үйін тапсыру туралы заңсыз шешім қабылдап, «Қазақстан Республикасының мемлекеттік қызметі туралы» Заңының 50-бабы 1-тармағының 4) тармақшаның талаптарын бұзды.

Әдеп жөніндегі кеңес Есіл ауданының әкіміне Есіл ауданы әкімінің орынбасары Ғ.Н. Сағнаевқа «қызметке толық сәйкес еместігі туралы ескерту» түрінде тәртіптік жаза салуды ұсынды.

Одан басқа, «Қорғалжын ауданының жер қатынастары бөлімі» ММ-нің басшысы Б.М. Бөгембаевке қатысты тәртіптік іс қаралды, ол жеке тұрғын үй құрылысына арналған жер учаскелерін бөлу кезінде заңсыз артықшылық көрсетіп, «Қазақстан Республикасының мемлекеттік қызметі туралы» Заңының 50-бабы 1-тармағының 4) және 11) тармақшалардың талаптарын бұзды.

Әдеп жөніндегі кеңес Қорғалжын ауданының әкіміне «Қорғалжын ауданының жер қатынастары бөілімі» Б.М. Бөгембаевке «қызметке толық сәйкес еместігі туралы ескерту» түрінде тәртіптік жаза салуды ұсынды.

0
0
475

«Адал жол – Честный путь» марафоны шеруін жалғастыруда

А.ж. 28 шілдеде  Аршалы ауданының шекарасында аудан әкімінің орынбасары М. Маусынбаева «Адал жол – Честный путь» эстафетасын Целиноград ауданы әкімінің орынбасары А. Айткужиноваға тапсырды. Эстафета аясында  «Адал жол – Честный путь» баннері мен альбомы да тапсырылды.

Аталған марафон аясында Аршалы ауданында 18 шілдеден 28 шілдеге дейінгі кезеңде 3 мыңнан астам адамның қатысуымен түрлі форматтағы 18 іс-шара өткізілді.

           
0
0
411

«Quest-Pavlodar» ойыны өтті

Бүгін Тәуелсіздіктің  25 жылдығына орай Павлодар облысы Жастар бастамаларын дамыту орталығы жастарға қалай бойы «Quest-Pavlodar» ойының өткізді. Ойынға төрт команда қатысып, ой зеректіліктері мен шапшандылықтарын көрсетті.

Қатысқан командалар: «A», «HOME CREDIT PAVLODAR», «ЗООПАРК», «GIRLS». Орталық жағажайда қатысушыларға түрлі түсті жиделер таратылып, ойын шарттары түсіндірілді.

«Ойын ережесіне сәйкес қадағалау нүктелері орнатылған бағыттар бойынша жүріп өту керек. Әр нүктеде командаларға түрлі сипаттағы тапсырмалар берілді - шығармашылық, лигикалық, физикалық төзімділігіне қатысты және т.б. Ереже бойынша тиісті бағытты ең аз уақыт ішінде жүріп өткен және барлық тапсырманы дұрыс орындап шыққан команда жеңіске жетеді.

Квест-ойыны түріндегі жарыс қатысушылардың қала тарихы, Отан және басқа да қызық ақпарат жинауға деген қызығушылықтарын арттыруға мүмкіндік берді.

Мәреге «HOME CREDIT PAVLODAR» командасы бірінші болып жетіп, электронды планшеттің иегерлері атанды. ALTEL 4G роутеры екінші орынды ұтып алған «ЗООПАРК» командасының мүшелеріне табысталды. Ұялы телефондарды үшінші орынды ұтып алған «GIRLS» командасының жастары иеленді. «А» командасы болса тапсырмалардан сәл қиналып, мәреге соңғы болып жетті. Соңғы келген командаға флеш карта тарту етілді. Ұйымдастырушылардың айтуы бойынша осыған тектес ойындар алдағы уақытта өткізілетін болады.

0
0
2220

Тәуелсіз елдің құрдасы – Қазақстан полициясы сапында

Қазақ елі үшін бұл жыл тарихи сәттерге, мерейлі жаңалықтарға толы жыл болды. 25 жыл бұрын еңсесін енді тіктеп келе жатырған жас мемлекет өзін егемен ел деп жариялап, Тәуелсіздік жайлы заң қабылдаған болатын. Осы уақыт ішінде түрлі жаңарулардан өтіп, Мәңгілік ел болу жолында нұрлы қадамдар жасап, дамыған 50 елдің қатарынан бой көрсетіп, әлемге сыйлы әрі сенімді мемлекет ретінде танылды. Осындай жас әрі қарқынды дамушы мемлекетпен бірге азаттықтың ақ таңында дүниеге келген, балалық шағын ашық аспан астында өткізген Тәуелсіздің құрдастары да өсіп келеді. Солардың бірі – Пазылхан Даулет Алтынбекұлы. 1991 жылдың желтоқсанында дүниеге келген ол ата-анасына ғана емес, еліне үлкен сый жасаған болатын. Кішкентай кезінен қайсар рухты, айтқан сөзінен тайсалмайтын беріктігі, шыдамдылығы мен төзімділігі оның болашағынан үлкен үміт күттіретін. 25 жыл бойы ішкі істер органдарында қызмет атқарып, құрметті зейнеткерлікке шыққан атасының тәрбиесінде болған Дәулет кішкентай кезінен болашақта кім болатындығын шешіп қойған-ды. Атасының қасынан бір елі қалмай, қызмет барысында орын алған қызықтары мен шыжықтарын тыңдап, нағыз полиция қызметкері ұстануы қажет ақыл-кеңестерін санасына құйып өсті. Оқу орнын үздік бағамен тамамдап, 2010 жылы әскер қатарына шақырылып, Павлодар қаласындағы Ішкі әскер әскери бөлімінде азаматтық борышын өтеп келді. Ішкі істер органдары қатарында қызмет етіп келе жатырған тәтесі Абдамитова Сәуленің Отан алдындағы антына беріктігіне, өз ісіне деген жауапкершілігіне тамсанған ол отбасылық кәсіпті жалғап, бала кезгі арманын жүзеге асыру мақсатында ішкі істер органдарының қатарына жұмысқа қабылданды. Ең алғаш Отан алдында ант беру сәтінде қатты толқыныста болған ол, қандай жауапкершілік жүгін арқалағанын сезініп, өзіне де әрқашан адал болуға, азаматтардың құқығы мен бостандығын қорғау жолында барлық күш-жігерін жұмсауға ант берген еді. Полиция қатарындағы алғашқы қызметін Қалалық ішкі істер басқармасының жол патрульдік полиция қызметкері ретінде бастап, 2014 жылы Жедел басқару орталығының 102 операторына қызметке ауысады. Күн-түн демей азаматтардан келіп түскен хабарламаларды қабылдап, күн сайын олардың шағымын тыңдап, мәселелерінің дереу әрі оңтайлы шешілуін басты мақсаты етеді. Елбасымыз Нұрсұлтан Әбішұлы Назарбаевтың: «Еліңнің ұлы болсаң, Еліңе жаның ашыса, азаматтық намысың болса, қазақтың ұлттық, жалғыз мемлекетінің нығайып-көркеюі жолында жан теріңді сығып жүріп еңбек ет. Елдің де, жердің де иесі өзің екеніңді ұмытпа» деген сөзін өмірлік ұстанымы етіп, нысанды киіміне кір келтірмей, асқақ мұраттарға абыройлы қызмет етуді көздейді.

«Мен  мемлекетіміздің Тәуелсіздік алған жылда жарық дүние есігін ашқанымды мақтаныш санаймын. «Армансыз адам – қанатсыз құспен тең» демекші, менің бала кездегі арманым орындалды, мен полиция қызметкері атандым, өз елімнің тыныштығын қорғап жүрмін. Болашақта Қазақстанның берік қалқаны болатыныма сенемін», - дейді өз мамандығын жақсы көретін және болашақта офицер болуды армандайтын Пазылхан Дәулет.

   

Қызылорда ОІІД баспасөз қызметі

 
0
0
1437

«Қауіпсіз жол» жедел профилактикалық шарасының 3 күнінде 39 қоғамдық көлік жүргізушілері әкімшілік жауапкершілікке тартылды

2016 жылдың 25-27 шілде аралығында қоғамдық тәртіпті сақтау, жол қозғалысы қауіпсіздігін қамтамасыз ету, жол-көлік оқиғаларын болдырмау, жол қозғалысы ережелерін өрескел бұзу деректерінің алдын алу мақсатында облыс көлемінде «Қауіпсіз жол» жедел-профилактикалық іс-шарасы жүргізілді.

Шараның 3 күнінде жол қозғалысы қауіпсіздігін бұзудың барлығы 1527 дерегі тіркелді. Оның ішінде, көлік құралын мас күйінде басқару бойынша (ҚР ӘҚБтК-нің 608-бабы бойынша) – 40, техникалық байқаудан өтпеген көлік құралын басқарғаны үшін (ҚР ӘҚБтК-нің 590-бабы, 9-бөлігі) – 30, көлік құралын басқару кезінде телефонды немесе радиостанцияны пайдалану бойынша (ҚР ӘҚБтК-нің 591-бабы) - 214, белгіленген жүру жылдамдығын арттыру бойынша (ҚР ӘҚБтК-нің 592-бабы) – 180, қауіпсіздік белдігін тақпау бойынша (ҚР ӘҚБтК-нің 593-бабы, 1-бөлігі) – 561, маневр жасау қағидаларын бұзу бойынша (ҚР ӘҚБтК-нің 595-бабы) – 76, жүргіншілерге немесе жол жүрісінің өзге де қатысушыларының жүруіне басымдық бермеу (ҚР ӘҚБтК-нің 600-бабы) – 40, жол жүрісі қағидаларын авариялық жағдай туғызуға әкеп соққан құқық бұзушылығы (ҚР ӘҚБтК-нің 606-бабы) – 10, басқару құқығы жоқ адамның көлік құралын басқаруы бойынша (ҚР ӘҚБтК-нің 612-бабы, 1-бөлігі) – 53, жаяу жүргіншілердің жол қозғалысы ережесін бұзуы бойынша (ҚР ӘҚБтК-нің 615-бабы) – 72 құқық бұзушылық анықталды.

Сонымен қатар, шара барысында жол жүрісі ережесін бұзған 39 қоғамдық автокөлік жүргізушілері әкімшілік жауапкершілікке тартылып, барлығы 56 автокөлік айып алаңына жеткізілді.

 

Қызылорда ОІІД баспасөз қызметі

 
0
0
821

Бас, бас, бас қамшыңды тоқтама!

Өзі тәтті-ақ. Жеп қойғың келеді. Ол кім?  Ол - қазақтың Төреші. Әндері күшті. Прямо жаны бар. Қайнар аға да өлтіріп жазып береді. Төреш те жүректерге жеткізеді ғой оны.

"Көңілім күз болып, күңіреніп кеткенде" де тыңдайтыным  осы - Төреш. "Жадырап күлгенде де"тыңдайтыным осы - Төреш.

"Жаным, қазақ! Барым - қазақ! Баянды болсын, Бағың қазақ!" дейтін Төреш қазір қазақтың жаны  болып тұр.

Елін сүйген халқына Ұлы дала баласының салған әні барған сайын жағып бара жатыр. "АЕҮҮЙ" деп сыр елінің мақамына салғанда, сыр сүлейлерін тыңдап өскен менің кәдімгідей арқам қозып кетеді. "ҮҮЙ" де "ШАП" дегенде ше?..

"Ұлы даласы мен болайын, менің ұлы қорғаным сіздерсіздер" дейді өзі. "Іздеме" десе де, іздейміз де отырамыз ғой. "Жазда, қыста, көктем, күзде де іздейміз.  Бұрын "Сөз мергенді" жүргізгенде, онша  іздемейтінбіз. Ұлы дала баласы басталғалы бұрынғадан бетер іздейтін болдық. Енді Ұлттық арна мен Ұлы дала баласы бұрын соңды болмаған жобаны жасады. Бұл жоба бәрінен өзгерек болып тұр. Осы өткен жексенбінің кешінде қойнауында қара алтыны қайнаған Қарағандыда болғанын көрсетті. Төреш залды жарды қой. Қарағандылықтар қолдары қызарғанша, қол соқты. Серік Сәпиев атындағы залда отырып, менің де тегін концерт көргім келіп кетті."Әсем ән мен тәтті күй, Көңілге түрлі ой салар" болды ғой ана жерде.

Өзім сияқты "сабақ" десе бармайтын, "вечер" (тегін концерт) десе қалмайтын студенттер жиналған екен. Мен енді ондай емеспін))) Менің замандастарым ғой сондай))) Бірақ, енді әлеуметтік желіге келгенде, замандастарымнан асып тұрған ештеңем жоқ. Түгін қоймай ақтарам ғой. Таңертең  8-ден бастап, түнгі 3-ке дейін тыным жоқ. Ауылдағы келіндер құсап 5 сағат ұйықтаймын)))

Сол әлеуметтік желіде тыным жоқ. Екі күннен бері тема Төреш болып жатыр. Ұлттық арнаның Ұлы дала баласы әңгіменің ұйытқысы. #Ұлыдалабаласы деп терсең болды, бәрі шығып тұр. Қызықтың түр-түрі болыпты ғой. Төреш күбі піскен ба? Майды өлтіріп алып жатыр. Шахтер болған ба? Мұнай қазған ба? Кондуктор болған ба? АҚ ТӨРЕШ кондуктор болған автобусқа болған автобусқа мінген адамда арман жоқ шығар)))

Короче, Ұлы дала баласы қызыыыыық болайын деп тұр. Әр жексенбінің кешінде әр қазақтың шаңырағында ұлттық арна қосулы болады енді. Ұлы дала баласын көреді ғой.

3
0
1065