Мазмұнға өту

Жаңа

Велобәйгедегі джентельмендік қағида

 

Велоспортта жазылмаған бір заң бар. Ол – егер саған велошабандоздардың бірі кө­мек­те­сіп, қорытынды есептегі басты бәсе­ке­лес­теріңнен ұзап кетуге ықпал етсе, оған тура сон­дай жолмен «алғыс» білдіру.

Велоспорттан «Джиро д’Италия» көпкүндігінің қорытынды есебінде жеңіске жеткен Винченцо Нибали осы велододаның 14-кезеңдік бәйгесінде мәре сызығын екінші болып қиды.

Көмбеге бірінші болып жетуге мүмкіндігі де бар, күш-жігері де жеткілікті сияқты еді… Бірақ соңғы сәтте қарқынын бәсеңдеткендей болды? Онысы несі екен ә?

Осы сұрақ көкейімізден кетпей, есімізден шық­пай жүрген. Жақында Нибали Астана мен Ал­ма­тыға келгенде, Алатау бөктеріндегі Donatello қонақ үйініңдәлізіндегі кездесуде қазақстандық шағын ғана журналистер тобы осы сұрақты көлденең тарттық. Сонда Вин­чен­цо бір жымиып алды да:

– Велоспортта жазылмаған бір заң бар. Ол – егер саған велошабандоздардың бірі кө­мек­те­сіп, қорытынды есептегі басты бәсе­ке­лес­теріңнен ұзап кетуге ықпал етсе, оған тура сон­дай жолмен «алғыс» білдіру. 14-кезеңдік бәйгеде Мауро Сантаброджио жалпы есептегі ұпай үшін, орынүшін жанталаспаса да, мені­мен бірге болды. Биік таулы қиын жолдарда тізеқоса қимылдап, көп көмегі тиді.

Соның арқасында мен басты бәсекелестерімнен ұзап кете алдым.Сондықтан джентельмендік келі­сім­ді бұзбай, ер жігіттік мәрттікпен көмбеге тақағанда тізгінімді тарттым. Сөйтіп, Мауро Сантаброджио кезең жеңімпазы атанып, қуа­ныш­қа кенелді. Ал мен жалпы есептегі басты бәсекелестеріммен арадағы уақыт айыр­масын біраз ұзартып алдым, – деп жауап берді.

Міне, спортта осындай да қызықтар бар. Нағыз жігіттік қағида емес пе?!

Бірақ… бірақ маусым айының басында Vini Fantini клубының мүшесі, Италия вело­ша­бан­дозы Мауро Сантаброджио допинг құрығына ілікті. 4 мамыр күні Мауродан алынған допинг-сынақтың нәтижесі оның ағзасында (қанында) эритропоэтин бар екендігін білдірген.

Енді «В» сынағынан да оның допинг қолданғандығы анықталса, ол 14-кезеңдегі жеңісінен айырылуы мүмкін. Онда бұл кезеңдік бәйгедегі жеңіс те Нибалиге беріледі. Естеріңізге сала кетейік, Сантаброджио «Джиро-2013» көпкүндігініңқорытынды есебінде 9-орынға ие болған болатын.


 
0
0
465

Алматыда футболдан балалар турнирі өтеді

 

Алматыда ертең 2001, 2002, 2003 жылы туған балалар арасында «Шыңғысханның» кубогы үшін футболдан балалар турнирі өтеді. Бұл туралы турнирді ұйымдастырушылардың бірі Арман Ахмұханов BNews.kz тілшісіне берген сұхбатында хабарлады.

Турнирді «Шыңғысхан» журналы, Дүниежүзілік түркі конгресі мен «Еуразия халықтарының бірлігі» АҚ ұйымдастырды.

Жеңімпаздар кубок және грамотамен марапатталады, сонымен қатар футбол доптары мен Қазақстан тарихы туралы кітаптар алады.

Бұл жыл сайынғы турнир 2011 жылдан бері өткізіліп келеді. «Шыңғысханның» кубогы үшін өтетін биылғы турнирге тек Алматы облысының командалары қатысады.


 
0
0
361

Бейбіт Шүменов: WBA дәрежесіндегі «супер чемпионмен» кездесуге дайынмын

 

WBA дәрежесінде жартылай ауыр салмақта әлем чемпионы, қазақстандық 29 жасар боксшы Бейбіт Шүменов дәл осы дәрежедегі «суперчемпион» американдық Андре Уордпен кездескісі келеді, деп хабарлайды Vesti.kz.

«Мен Карл Фрочпен кездесер едім. Егер Фроч чемпионмен төбелескісі келсе, мен өз белбеуімді ортаға тастаймын, жеңген алсын. Миккель Кесслермен де кездесуге де болар еді, бірақ ол өткен кездесуінде ұтылып қалды. Егер Андре Уордтың салмағы жетсе, онымен де кездесуге болады», — дейдіі қазақстандық боксшы.

Сонымен қатар, «Бір жылдан бері рингке шықпағаныммен әлі бабымдамын. Мені дайындық залынан шықпаймын, үнемі денемді шынықтырып отырамын. Келесі аптада немесе екі аптаның ішінде келесі кездесуімді белгілейміз», — дейді Шүменов.

Естеріңізге саламыз, Шүменов кәсіби рингте 14 кездесу өткізіп, оның 13-інде жеңген. Ол 2012 жылы 2 маусымда өткізген соңғы кездесуінде мексикалық Энрике Орнеласты жеңіп, WBA белбеуін қорғаған болатын.


0
0
300

Қазақстан «Еуразиялық ватерполшылар лигасын» құру туралы бастама көтерді

Фото дереккөзі: 134.su

 

ТМД елдері арасындағы Дене шынықтыру және спорт жөніндегі кеңестің кезекті отырысында Қазақстан тарапы ТМД елдері ватерполшылар лигасын құруды ұсынды, деп хабарлайды BNews.kz тілшісі.

Бұл бастама ойдағыдай іске асса, онда «Еуразиялық ватерполшылар лигасы» құрылуы мүмкін.

«Бүгін Астанада ТМД елдері арасындағы дене шынықтыру және спорт саласындағы ынтымақтастық мәселесі талқыланып жатыр. Күн тәртібінде Қазақстан ТМД елдері ватерполшыларының лигасын құруды ұсынып отыр. Елбасы су полосы саласындағы спортшыларымыздың әлемдік жарыстарда оза шабуын қамтамасыз етуімізді тапсырған болатын. Сондықтан да осындай идея туындап отыр. Су полосы Олимпада ойындарындағы спорт түрлерінің бірі және ТМД елдерінің көбінде дамып келе жатқан спорт түрі. Егер ТМД елдері ватерполшыларының лигасын құрып алсақ, онда Еуразиялық ватерполшылар лигасын құруға болады. Бұл бастама да біздің тарапымыздан ұсынылып отыр», — дейді ҚР Спорт және дене шынықтыру істері агенттігі төрағасының орынбасары Елсияр Қанағатов.

Ал жалпы, су полосымен шұғылданатын спортшыларымыздың әлеуеті жайлы сұрағанда Е.Қанағатов: «Су полосында командалар ойнайды ғой. Бізде су полосынан қыздар мен ерлер арасындағы құрама командалар бар. Олар Олимпиада ойындарына қатысты. Таяуда Алматы қаласында дүниежүжізілік ватерполшылардың жиыны өтті. Жалпы, кез келген ойында бәсекелесіп ойнамаса болмайды. Жоғарыдағы лиганы құрудағы мақсатымыз да сол. Мысалы, Ресей, Беларусь елдерінің спортшылары жақсы ойнайды. Біздің командалар солармен бәсекелессе нәтиже шығады», — деп жауап берді.


 
0
0
426

ЖАҢАӨЗЕНДЕ кезекті Домбыра Party №6

Ассалаумағалейкүм жамағат.

Жаңаөзен қаласында кезекті Домбыра Party өтті. Бұл Домбыра Party өткендегілерге қараған біршама өзгеше болды. Халықта біраз жиналды, біраз домбырашыларымызда келді, қобызда келген болатын. Біршама суреттеріміз бар. Тамашалаңыздар.

Бұл біздің баннеріміз.

МАҢҒЫСТАУ. ЖАҢАӨЗЕН. ДОМБЫРА PARTY.

Басталар сәттен көрініс. Барлығы дайындалып,бұрауын келтіріп жатыр.

Бәрі дайын «бисмиллаһ» деп бастайын деп жатырмыз.

Мына қарындасқа дән ризамыз. Жарап тұр.

Осы Домбыра Partyді ақын, жайдарманшы Арғынбек Қалбаев ағамыз жүргізді.

Кірісіп кетті ағамыз. Астанадан келген бауырымыз екен. 8 жыл Домбыра тарқан екен.

Қыздарымызда жарап тұр. Жаңаөзенге қарасты Қызылсай ауылынан келген қыздар екен. Оларда үлестерін қосты.

Мына апалармыз дән риза. Зейін қойып тыңдап отыр.

Гитарашы және домбырашы бауырларымыз. Көрермен арасынан шықты.

Бұрыннан бері келіп жүрген Әбубәкір бауыр. Мықты жігіт. Біздің жұлдызымыз.

Қобызда болған. Гулбану есімді қызымыз. Оқушы екен.

Жиналған көптің қарасы. Нық толы адамдар.

Осымен осылай болды №6 мәрте өткізіліп отырған Домбыра Party. Жаңаөзенде өз дәрежесінде өтіп келеді.

2
7
2644

тақпақ

Би үстінде

Құс боп ұшып, берілдің бе көңілге,

Аққудай жүзе алдың ба сен көлде!?

Міне,міне самғап енді ұшарсың,

Көңіл-күйді тәуелді етсең сезімге.

 

Мың бұралу  аз екен бұл өнерде,

Балқу керек жан-дүниеңмен әуенге.

Бар сезімді көрерменге жеткізу,

Мақсат екен орындалған әр биде.

 

Бұл өнердің де тарихы бар өзіндік,

Білесің бе реформаны Новерлік?!

Ал Мария Тальони ше әйгілі,

Балеттің жұлдызы ғой әлемдік!

 

Әкеме

Өмірдің түзу жолын сен көрсеттің,

Саған бақыт  биік шыңға жеткенім.

Адал болғын,ақ ниетті көздеген,

Деп соғады, әке, сенің жүрегің.

 

Жан әке, асқар тауым сен менің,

Өрлігінен қуат алып келемін.

Мен –тал шыбық,сен – ормансың қорғаным,

Көкке бойлап өсу менің арманым.

 

Өзің барда қуаныш та, бақ та бар

Мен гүл болсам,сен –құнарым нәр алар.

Мендегі бар ізгіліктің ұшқыны

Әке, сенің тұнығыңнан басталар.

 

Жан ана

Өмір есігін паш ететін,

Періштем боп мәңгі өтетін.

Жалғыз адам сенсің, ана,

Жүрегімде сыр сезетін.

 

Дүниенің кереметін,

Бақыт қып көрсететін.

Жаныма жыр жылуын,

Жан ана сен ғой беретін.

 

Тербететін көңіл жырын,

Үйрететін өмір сырын.

Тағдырына ауыр тисе,

Аямайтын өз жылуын.

 

Рахмет саған, жан ана,

Мәпелеп мені баққанына.

Ризамын бұл өмірге,

Сендей анам болғанына!

 
0
0
5089

Әскерге шақыру жалғасуда

Астана қаласында жастарды кезекті әскерге шығарып салу рәсімі қалалық жиын пунктінде өткізілді. Жастарға  жылы лебіздерін  білдіруге олардың ата-аналары мен бірге Қорғаныс істері жөніндегі департаменттің, Астана қаласы әкімшілігінің өкілдері қатысты. Жиналғандарға қаланың музыкалық ұжымдары өз өнерлерін көрсетті.
 

«Көктем-2013» әскерге шақыру науқаны да  аяқталуға жақын. Сәуір айында басталған бұл шара бүгінгі күнге дейін жоспар бойынша жүзеге асырылды. Көктемгі  әскерге шақыру науқаны кезінде  армияға  15 мыңнан астам  бозбаланы  аттандыру  жоспарланған. Оның жеті мыңнан астамы Қазақстан Қарулы күштерінің қатарын толықтырды. Ал қалғандары басқа әскери құрылымдарға Республикалық Ұланға, ҚР Ішкі істер министрлігінің Ішкі әскерлеріне, Ұлттық қауіпсіздік комитеті Шекара әскерлеріне, Төтенше жағдайлар министрлігінің құрылымдарына жіберілді.

 

Қазақстан Республикасының «Әскери қызмет және әскери қызметшілердің  мәртебесі» туралы Заңына сәйкес азаматтарды мерзімді әскери қызметке шақыру Қазақстан Республикасы Президентінің Жарлығы мен Қазақстан Республикасы Үкіметінің қаулысы негізінде жылына екі рет өткізіледі.

 

Мерзімді әскери қызметке шақырылуға он сегіз бен жиырма жеті жас аралығындағы әскерге шақырылудан босатылмаған Қарулы Күштердің қатарын толықтыруға қажетті азаматтар шақырылады.

 

ҚР ҚМ Баспасөз қызметі

0
0
485

Сенат жаңартылмалы энергияға қатысты заң жобасын қабылдады

Парламент Сенатының депутаттары «ҚР кейбір заңнамалық актілеріне жаңартылатын энергия көздерін пайдалануды қолдау мәселелері бойынша өзгерістер мен толықтырулар енгізу туралы» заң жобасын қабылдады, деп хабарлайды BNews.kz тілшісі.

http://www.eco.gov.kz/new2012/KK/2013/06/3125-72/

 
0
0
326

Қазақстан армиясы резервистермен толығады

«Шығыс» өңірлік қолбасшылығына қарасты Аягөз гарнизонында резервистер жиыны – солдаттар мен сержанттар құрамдарының қажетті мамандықтары бойынша қайта даярлау өткізуде.

Жиынға Шығыс Қазақстан облысының бірнеше аудандық қорғаныс істері жөніндегі бөлімінен 300-ге жуық адам шақырылған. Олардың арасында оқытушылар, жүргізушілер, механиктер және т.б мамандықтардың өкілдері бар.

Резервистер іс жүзінде атыс, саптық, дене, мемлекеттік-құқықтық және арнайы даярлық сабақтарында іс жүзінде дағдылануда. Олар әскери бөлімнің полигонындағы шатырлар лагерінде орналастырылған және белгіленген нормаларға сәйкес заттай мүлікпен (киім-кешекпен), тамақпен қамтамасыз етілген.

Әскери жиынға шақырылғандардың жұмыс орындары мен жалақысы сақталады.  Әскери оқытылған резервті даярлау және осы жиыннның жұмысын ұйымдастыру кезінде командирлерге Аягөз қорғаныс істері жөніндегі бөлімінің өкілдері үлкен көмек көрсетуде. Олар мемлекетіміздің жұмылдыру резервін даярлаудың оң нәтижелерін атап өтті.

-Жиынға шақырылған әскери міндеттілер – әрлүрлі мамандық иесі болып табылатын ересек адамдар әскери іске машықтануда орасан зор ынта-жігер көрсетуде және ұмытылыңқырап қалған ескіні еске түсіріп, жаңа техниканы, жаңа нормативтік және басшылық құжаттарды зерделеу үстінде. Олар жоғары орындаушылығымен ерекшеленеді және көпшілігі қазірдің өзінде келісімшарт бойынша әскери қызметке қабылдануға тілек білдіруде, - деп бөлім командирі подполковник Мерген Капашев атап өтті.

ҚР ҚМ Баспасөз қызметі

0
0
476

Алматыда «ИнтерСпорт – 2013» көрмесі ашылды

 

Алматыда 12-15 маусым аралығында Балуан Шолақ атындағы Спорт сарайында спорттық киім, құрал-жабдық, аяқ киім көрмесі өтеді, деп хабарлайды BNews.kz тілшісі.

Көрмеге жақын және алыс шет елдерден 40-тан астам компания қатысады. Олардың қатарында Technogym, Life Fitness, Maccaferri, JOMA, Bergans, MasterSki бар.

Көрме ҚР Спорт және дене шынықтыру істері агенттігі және Алматы қаласы әкімдігінің көмегімен ұйымдастырылды.

Қатысушылардың арасында құрамына «Астана» велокомандасы, «Астана» баскетбол және футбол клубы, «Барыс» хоккей клубы мен «Астана Арланс» бокс клубы кіретін «Астана» Президенттік кәсіби спорт клубы бар.

Көрмеде спорттық киім мен аяқ киім үлгілері, спорттық тағам, жаттығу залдарындағы құрал-жабдықтарды жеткізушілер, түрлі спорттық керек-жарақтар көрсетілді.


 
0
0
363