Мазмұнға өту

Жаңа

Археология мұражайы

1973 жылы Әлкей Марғұлан, Ақай Нүсіпбеков сынды белгілі қазақстандық ғалымдардың қатысумен құрылған археология мұражайы - бүгінде әлемдік тарихи және ғылыми маңызы бар сирек кездесетін жәдігерлер топтамасы қойылған ерекше орын болып саналады. Толығырақ: http://el.kz/bm2574

0
0
752

Қаржы полициясы прокуратура қызметкеріне пара беруге әрекет жасаған шенеунік пен кәсіпкерлерді қылмыстық жауапқа тартуда

Атырау облысы бойынша қаржы полициясы департаменті Атырау қалалық тұрғын комиссиясының инспекторы А.Байқұтовқа және бірнеше мердігерлік кәсіпорындардың басшыларына қатысты ірі көлемде пара беру фактісі бойынша қылмыстық іс қозғады.

2011-2012 жылдар аралығында тұрғын үй-коммнуналдық шаруашылықты модернизациялауға бөлінген бюджет қаражатының мақсатты жұмсалуын тексеру нәтижесінде Атырау қаласының прокуратурасы қалалық тұрғын комиссиясы мен бірнеше мердігер ұйымдардың тарапынан орын алған құрылыс материалдарының сметалық құжаттамаға сәйкес келмеуі сипатындағы бұзушылықтарды анықтады.

Осыдан кейін Атырау қалалық тұрғын комиссиясының инспекторы Байқұтов тергеуге дейінгі тексерісті өз пайдасына және «ЕвроАзияКұрылыс», «ӨмірСерікҚұрылыс», «КаспийЛифт» және «Верцхли» кәсіпорындарының пайдасына шешу үшін Атырау қаласы прокурорының көмекшісіне бірнеше рет пара ұсынған.

2013 жылғы 17 маусымда жедел-іздестіру шараларын өткізу барысында Атырау облысы қаржы полициясы департаментінің қызметкерлері Атырау қаласы прокурорының көмекшісіне 2 млн.теңге пара беру үстінде қалалық прокуратура ғимаратында Байқұтовты ұстады.

Ағымдағы жылғы 18 маусымда Байқұтовқа қатысты ірі көлемде пара беру фактісі бойынша қылмыстық іс қозғалды.

20 маусымда «ЕвроАзияКурылыс» ЖШС директоры  Хайруллинге, «ӨмірСерікҚұрылыс» ЖШС директоры Сарсешовке, «КаспийЛифт» ЖШС директоры Мұратбаевқа және «Верцхли» ЖШС директоры Эпиташвилиге қатысты алдын ала сөз байласып адамдар тобы болып пара беру фактісі бойынша қылмыстық іс қозғалды.

Қылмыстық істер тергелуде, өзге ақпарат тергеу мүддесіне байлансыты жарияланбайды.

0
0
343

Тас жолдағы аламанда топжарғандар

 

Велоспорттан Талдықорғанда ұйымдастырылғын Қазақстан чемпионаты аяқталды. Демалыс күндері аламан бәйгелер өткізіліп, туымыз түстес көк жейдеге қол жеткізген жеңімпаздар анықталды.

Жүлде қоры 10 мың АҚШ долларын құраған ел чемпионатына шетелдерде жүрген велоспортшыларымыздың барлығы дерлік келді.

Тек «Тур де Франс» көпкүндігіне қатысатын велошабандоздарымыз дайындықтарын жүйелі түрде пысықтап жатқандықтан, ел чемпионатына келе алмады.

Ерлер арасындағы 185 шақырымға созылған аламан бәйгеде Александр Дьяченко ел чемпионы атанды. Оның уақыты – 4 сағат 41 минут 24 секунд.

 

Көмбеге онымен үзеңгі қағыстыра жеткен Сергей Ренев екінші орынға ие болып, олардан қалыспаған Майдос Тілеген үшінші орынды еншіледі.

Валентин Иглинский төртінші орынмен шектеліп, Даниил Фоминых және Александр Шушемоин сынды жастарымыз үздік алтылыққа ілікті.

Ал тәжірибелі Максим Иглинский 10-орынды қанағат тұтып, Мақсат Аязбаев 16-орынды қалып қойды.

Жасөспірімдер арасындағы 130 шақырымдық аламанда Ерлан Пернебеков топ жарды. Юрий Щербинин күміс жүлдегер, ал Сергей Шемякин қола жүлдегер атанды.


 
0
0
562

Бір күнде екі алтын!

 

Кеше Азия чемпионы атанып, алтын тұғырға көтерілдім. Әрине, қуанышымда шек жоқ. Бірақ мен бұл нәиижемен тоқталып қалмаймын. Алда – әлем чемпионаты. 2013 жылы Польшада, 2014 жылы Астанадағы жарыстарда жүлде алсам деймін. Одан кейін Рио-де-Жанейро Олимпиадасы жайында сөз қозғауға болады.

Ауыр атлетикадан Астанада өтіп жатқан Азия чемпионатының төртінші күні Қазақстанның Әнұраны екі мәрте шырқалды. Алғашқы алтынды Анна Нұрмұхамбетова олжалады. 75 келі салмақ дәрежесінде бақ сынаған ол барлық қарсыластарын қапы қалдырып, жеңіс тұғырының ең биік сатысына көтерілді.

Бұл чемпионатты тамашалау үшін Халықаралық ауыр атлетика федерациясының президенті Тамаш Аян мен Азиялық қауымдастықтыңбасшысы Мохаммед Йосеф Аль-Мана Астанаға арнайы ат терлетіп келген екен.

Жергілікті БАҚ өкілдерімен кездескен мәртебелі меймандар чемпионаттыңдеңгейіне аса жоғары баға берді:

– Сарықұрлықтың басты додасының жалауы Қазақстанда бұған дейін екі мәрте желбіреген болатын. Олардың барлығы да аса жоғары бағаға ие болды. Ал Астанадағы жарыс тіптен керемет өтіп жатыр. Осы орайда мемлекетті басқарып отырған азаматтардың спортқа, оның ішінде ауыр атлетикаға деген ерекше қамқорлығы байқалады.

Президенттен бастап, осы саланың басы-қасында жүрген мамандар, «ҚазМұнайГаз» сынды бірқатар алпауыт компаниялар сіздердіқолдайтынын жақсы білемін. Осындай қамқорлықтың арқасында Қазақстан спорты бүгінгі таңда өрлеу кезеңін басынан кешіруде.

Оған дәлел – Лондон Олимпиадасындағы орасан зор табыстарыңыз. Әсіресе, ауыр атлеттердің даңқы дүркіреп тұр. Осы жеңісті жол ертеңгі күні де жалғастыны анық. Енді 2014 жылы Астана әлем чемпионатын қабылдайды. Бұл жарыстың да деңгейі аса жоғары болатынына еш күмәнім жоқ, – дейдіАян мырза.

Әлемдік ауыр атлетиканың тізгінін ұстаған азаматтардың алдында біздің қыз жасындай жарқырады. Шыны керек, әу баста Анна Нұрмұхамбетованыңалтын алатынына аса сеніңкіремеген едік. Өйткені, Ким Ун Жудың қарқыны тым күшті.

Оның өте қарымды спортшы екенін бұрыннан білеміз. Солтүстік Кореяның өкілі бірден жұлқып көтеруде 113 келі, серпе көтеруде 152 келіге тапсырыс берді. Сол сәтте «Ким бұл жарыста шашасына шаң жұқтыра қоймас» деген ой келді.

Бірақ бұл жорамал жоққа шықты. Ол алғашқы сынақтан өте алмады. Өзінің үш бірдей мүмкіндігін тиімді пайдалана алмаған солтүстікореялық зілтемірші Азия біріншілігін мерзімінен бұрын аяқтауға мәжбүр болды.

Ал Анна болса, жергілікті жанкүйерлердің көңілін кәдімгідей серпілтіп тастады. Жұлқып көтеру жаттығуы бойынша ол алғашында 110 келіні еңсерсе, іле-шала тағы төрт келі салмақ қосты.

Зіл батпан темірді көтеру барысында Нұрмұхамбетова қолын жарақаттап алғанына қарамастан діттеген мақсатына қол жеткізді. Серпе көтеруде де Анна алдына жан салмады.

Қоссайыстың қорытындысы бойынша 249 (114+135) келіні тік көтергенқандасымыз Азия чемпионы атанды.

Күміс және қола медальді тайпейлік Яа Чжен Ванг пен қытайлық Тингтинг Лин иеленсе, Қазақстанның тағы бір өкілі Анастасия Швабауэр бесінші орынға табан тіреді.

Тағы бір айта кетерлігі, сол күні Олимпиада ойындарының жеңімпазы, әлемніңекі дүркін чемпионы Светлана Подобедова «Сарыарқа» спорт кешеніне арнайы келіп, өзінің командалық әріптесі Анна Нұрмұхамбетоваға қолдау көрсетті.

– Мен бірталай ірі халықаралық жарыстарда бақ сынадым. 2011 жылы жастар арасында әлем біріншілігінің күміс жүлдегері атанғанда қаттықуандым. Бұл – менің үлкен аренадағы тырнақалды жеңісім еді. 2012 жылы Олимпиада ойындарында бақ сынау құрметіне бөлендім. Лондонда өзімненәлдеқайда тәжірибелі спортшылармен иық тіресіп, нәтижесінде бесінші орынға табан тіредім. Ол да бір ұмытылмас күндер.

Ал бүгін Азия чемпионы атанып, алтын тұғырға көтерілдім. Әрине,қуанышымда шек жоқ. Бірақ мен бұл нәиижемен тоқталып қалмаймын. Алда – әлем чемпионаты. 2013 жылы Польшада, 2014 жылы Астанадағы жарыстарда жүлде алсам деймін. Ал одан кейін Рио-де-Жанейрода алауы тұтантын Олимпиада ойындары жайында сөз қозғауға болады, – деп Анна Нұрмұхамбетова ағынан жарылды.

Кешкі бағдарламада 94 келі салмақ дәрежесіндегі сайыпқырандар өнер көрсетті. Мамандар негізі бәсекелестік қытайлық Шенгуоо Жанг, ирандық Яссин Багери және қазақстандық Александр Зайчиковтың арасында өтетінін алдын-ала айтты.

Қырағы бапкерлер қаталеспеген екен. Алғашқы жаттығуда айтулы зілтеміршілерөзгелерден қара үзіп кетті. Десек те басты бәсекелестеріне қарағанда Зайчиковтың көрсеткіші әлдеқайда жоғары болды.

Ол 175 келі салмақты аспанға атты. Қытай спортшысы одан 7 келі кем көтерсе, Иран атлеті 161 келіге келіп тоқтады.

Серпе көтеруде Багеридің мықты екенін білеміз. Бірақ бұл кеште Александрды тоқтату мүмкін болмады. Багери де, басқалары да біздің жігіттің мықтылғын мойындады.

Отандасымыз 210 келілік межеге жетіп, бас жүлдені олжаласа, Жанг пен Багерри Зайчиковтан әжептеуір қалып қойды.

Сөйтіп, бір күнде екі алтын алған Қазақстан құрамасы жарыс кестесіндегі жағдайын едәуір жақсартты. Алда тағы бір сайыс күні бар.

Енді біз аса ауыр салмақ дәрежесінде бақ сынайтын жасөспірімдер мен жастар арасындағы әлем чемпионы Ибрагим Берсанов пен әйелдер арасындағы Азия чемпионатының үш дүркін жүлдегері Александра Аборневаның тілеуін тілейміз.


 
0
0
418

Қостанайда хоккей жұлдыздарының қатысуымен матч өтеді

 

Қостанайда Әлем, Еуропа және Олимпиада чемпиондарының қатысуымен хоккей матчы өтеді, деп хабарлайды BNews.kz тілшісі. Бұл туралы Қостанай қаласының әкімі Г.Нұрмұхамбетов хабарлады.

«Өткен жылы «Орталық» стадионында өткен Қостанай футболының ардагерлері мен мәскеулік «Спартак» клубының ардагерлері арасында өткен жолдастық кездесу көпшіліктің көңілінен шыққан болатын.

Биылғы жылы шайбалы хоккейден осындай кездесу өткізуді ұйғардық. 16-шы тамызда өтетін матчта бірнеше дүркін әлем чемпиондары, Еуропа және Олимпиада ойындарының жеңімпаздары, атап айтқанда Сергей Макаров, Александр Якушев, Александр Мальцев, Владимир Мышкин, Юрий Ляпкин, Сергей Бабинов, Александр Голиков және басқалары қатысады»,-деп атап өтті ол.


 
0
0
243

«Отар» 40-шы әскери базасында Құрлық әскерлері жауынгерлерінің жарысы басталды

Бүгін Жамбыл облысындағы «Отар» 40-шы әскери базасында Құрлық әскерлері жауынгерлерінің жыл сайын өткізілетін кәсіби сынақтары басталды. Оған  400-ден астам әртүрлі мамандықтағы әскери қызметшілер: мотоатқыштар, танкистер,  десантшылар, теңіз жаяу әскерлері, артиллеристер, мергендер, гранатометшілер қатысуда.

 

Сынақ тапсыру барысында жарысқа қатысушылар өз взводының,  бригадасының, өңірлік қолбасшылығының жеңіске жетуі үшін қолдарынан келгенше жақсы қырларын көрсетуге тырысып бағады.

Құрлық әскерлерінің әскери қызметшілері алты күн бойы барлық штаттық қару-жарақтан атудан өз қабілеттерін сынайды, ал взвод командирлері жағдайдың тез өзгеруіне байланысты бөлімшелерде атысты басқаруға дағдыланады.

Дене тәрбиесінен әскери нормативтер бойынша сынақ тапсыруға айырықша назар аударылады. Біл темірден тартылу, кір тасын көтеру сияқты кешенді жаттығуларды орындап болған соң бөлімше толық киім-кешекпен, қару-жарақпен 5 шақырымдық марш жасайды.

Құрлық әскерлерінің оқу-жаттығу қызметінде мұндай шара Қорғаныс министрінің нұсқауы бойынша 2011 жылдан жаңа жауынгерлік әзірлік бағдарламасын қабылдағаннан бастап қолданылып келеді. Соның нәтижесінде жыл сайын барлық мамандықтар бойынша жауынгерлердің кәсібилігі жетілдірілуде. Сайыс өңірлік қолбасшылықтардағы, әскер түрлері мен тектеріндегі, бөлімдердегі жауынгерлік әзірліктің нақты көрінісін айқындап бермек.

Жарыс аяқталысымен комиссия бүгінгі таңда кімнің әскери ғылымды терең меңгергендігін, және ауыспалы кубокке кімнің ие болатындығын анықтап береді. Ерекше көзге түскен бөлімшелер мен жауынгерлер Бас қолбасшының қолынан грамоталар мен сый-сыяпаттар алу құрметіне ие болады.

ҚР ҚМ Баспасөз қызметі

0
0
475

Президент кубогының жеңімпаздары

 

Бүгін Павлодарда волейболдан әйелдер арасындағы «Қазақстан Президенті Н.Ә.Назарбаев кубогы» халықаралық турнирі басталды. Осымен 20-рет жалауын көтергелі отырған додаға алты команда қатысады.

Бүгін Павлодарда волейболдан әйелдер арасындағы «Қазақстан Президенті Н.Ә.Назарбаев кубогы» халықаралық турнирі басталды. Осымен 20-рет жалауын көтергелі отырған додаға алты команда қатысады.

Әзірше дәстүрлі доданың бұған дейін қай қалаларымызда өткеніне, сондай-ақ қай жылы қандай команда жеңімпаз атанғанына тоқтала кетсек деп едік.

Волейболдан әйелдер арасындағы 1994 жылдан бері өткізіліп келеді. 2005 жылға дейін әр елдің азулы клубтары қатысып, 2006 жылдан бері, негізінен, ұлттықкомандалар қатысып, Елбасы кубогының көрігін қыздырып жүр.

1994 жыл: Павлодарда өтті, «Базис-АДК» (Қазақстан) жеңімпаз болды;

1995 жыл: Павлодар – «Уралочка» (Ресей);

1996 жыл: Павлодар – «Уралочка» (Ресей);

1997 жыл: Павлодар – China (Қытай);

1998 жыл: Павлодар – China (Қытай);

1999 жыл: Алматы – «МГФСО» (Ресей);

2000 жыл: Алматы – «Рахат» (Қазақстан);

2001 жыл: Атырау – «Корея-Тобакко» (Корея)

2002 жыл: Орал – «Рахат» (Қазақстан);

2003 жыл: Астана – «Рахат» (Қазақстан);

2004 жыл: Атырау – «Рахат» (Қазақстан);

2005 жыл: Теміртау – «Рахат» (Қазақстан);

2006 жыл: Алматы – «Джиганг» (Қытай);

2007 жыл: Астана – «Рахат» (Қазақстан);

2008 жыл: Алматы – «Сичуань» (Қытай);

2009 жыл: Өскемен – Қазақстан құрамасы;

2010 жыл: Алматы – Қазақстан құрамасы;

2012 жыл: Алматы – Таиланд құрамасы.

2011 жылы әйелдер арасындағы Қазақстан құрамасы «Әлемдік Гран-при» додасына қатысты.


 
0
0
407

«Астана-Арқау» түркі музыкасының фестивалі

3 – 5 шілде аралығында «Астана-Арқау» түркі музыкасының Фестивалі өтеді. Ашылуы – «Жастар» театрында, сағат 18.30-де басталады. Бес жыл қатарынан өткізіліп келе жатқан «Астана-Арқау» түркі музыкасының фестивалі түркі халықтарының мәдени интеграциясы үдерісінде өзіндік елеулі орны бар музыкалық шараға айналды. Осы жылдар ішінде фестивальге барлық  түркі халықтарының дерлік дәстүрлі музыка өкілдері – 400-ге тарта музыканттар мен ғалымдар қатысты.  Соның ішінде, Түркия, Әзірбайжан, Қырғызстан, Өзбекстан, Түркіменстан, сондай-ақ, Алтай, Башқұртстан, Гагаузия, Хакасия, Саха, Татарстан, Тыва, т.б. түркі ұлттық автономияларының әншілері мен ғалымдары, аспаптық орындаушылары – фестивальдың тұрақты қонақтары. Фестиваль сахнасында қазірде өз  дербес мемлекеттік территориялық құрылымы жоқ түркі халықтарының да музыканттары өнер көрсетті. Түркілердің музыкалық мұрасына арналған бұл сипатты мәдени шараның осынша ауқымда және тұрақты түрде Астанада ғана өткізілуі Елордамыздың біріктірушілік қуат – қарымын айқын танытса керек. «Астана-Арқау» фестивалінің бағдарламасы әу бастан-ақ қазіргі түркілер этномузыкасындағы әр алуандықпен қатар, өзара жақындастыра түсер ортақ сипаттарды айқындауға құрылған. Фестиваль қонақтары биыл да әр елден келген әншілер мен аспаптық орындаушылардың ғажайып музыкалық композицияларын тыңдап, көруге мүмкіндік алады. Бұл жылғы негізгі тақырыптардың бірі – фольклордағы ғұмыр. «Астана-Арқау» сахнасында «Хуун Хуур Ту» (Тыва), Вероника Лыткина (Якутия), «От-Эне» тобы (Таулы Шория), Радиф Бұхарбаев (Башқұртстан), Сердар Хайдаров (Түркіменстан), «Наво» тобы (Өзбекстан), Назира Тоқанова (Қырғызстан) және тағы басқа – түркі елдерінің көпшілігінен, сондай-ақ Қазақстаннан ұзын саны 100-ге тарта жеке орындаушылар мен ұжымдар өнер көрсетеді. Әр қилы жанрдағы – жеке аспаптық шығармалардан эпикалық туындыларға дейін орындалып, түркі музыкасының алуан қырлылығы мен байлығы айқын көрініс табатын болады. «Астана-Арқау» фестиваліне қатысқан өнерпаздар «Мыңжылдықтар тоғысындағы Астана» көшпенділер өркениеті фестивалінің сахнасына да шығады.

БАҚ үшін телефон: +7 701 100 3884, www.el.com.kz

 
0
0
613

Қаржы полициясы Қарағанды облысының жұмыспен қамту және әлеуметтік бағдарламалар басқармасының бастығын қамауға алды

2013 жылғы 18 маусымда Қарағанды облысы бойынша қаржы полициясы департаменті Қарағанды облысының жұмыспен қамту және әлеуметтік бағдарламалар басқармасының бастығы А.Ысқақбеков пен оның орынбасары Л.Кимге қатысты қызмет бабын асыра пайдалану фактісі бойынша қылмыстық іс қозғады.

Олар мемлекеттік сатып алу бойынша тендерді өткізу кезінде қызметтік лауазымдарын асыра пайдаланып, мемлекет және кәсіпкерлер мүдделеріне нұқсан келтірген.

Тергеуге сәйкес Ысқақбеков кейбір кәсіпкерлерге артықшылық беруді көздейтін мемлекеттік сатып алудың электрондық конкурсын өткізудің қылмыстық схемасын жасаған.

Ол мемлекеттік сатып алу арыздарын қарайтын комиссияның төрағасы болған өзінің орынбасары Ким арқылы конкурсқа қатысушылардың санын шектеу мақсатында кейбір арыздарды алып тастап отырған.

Конкурс ережелеріне сәйкес қатысушылар арыздардың электрондық нұсқаларын мемлекеттік сатып алу порталында орналастырады.

Ойнатылатын лоттардың санының көп болуына байланысты портал барлық арыздарды аралығы 5 сағат болатындай 2 кезеңге бөледі.

Қатысушыларға қатысты ақпаратты білетін Ысқақбеков пен Ким осы жағдайды пайдаланып, жеңіске жеткізу үшін өздерімен байланысты кәсіпкерлерге бағалық мәліметтерді жеткізіп отырған.

Нәтижесінде жалпы соммасы 16 млн.теңгені құрайтын жеке лоттар бойынша Ысқақбеков пен Кимге қатысты кәсіпкерлер жеңіске жеткен.

2013 жылғы 20 маусымда Ысқақбеков сот санкциясымен қамауға алынды.

Қылмыстық іс тергелуде, нәтижесі жұртшылыққа жеткізілетін болады.

0
0
695