Мазмұнға өту

Жаңа

ЖРВИ-дің және тұмаудың алдын алудың өзекті мәселелері

ЖРВИ және тұмау дегеніміз не?

ЖРВИ – әртүрлі қоздырғыштарымен, соның ішінен парагрипп, аденовирустар, риновирустар, метапневмовирустар, бокавирустар және басқалар және олардың 300 астам түрлерінен пайда болатын әлемде ең көп таралған тобы.

Тұмау - тұмау вирусымен пайда болатын, тығыз қарым-қатынаста болған кезде адамнан адамға тез таралатын тыныс алу жолдарының жіті инфекциялық ауруы. Тұмау кезінде инкубациялық кезең 1 күннен 4 күнге дейін ауытқиды (әдетте 2-3 күн). Қазіргі танда тұмау вирусының А, В және С тобына жататын бір бірінен антигендік құрылымы бойынша айырмашылығы бар 2000 астам варианттары анықталды.

Тұмау қалай таралады?

Тұмау вирустары негізінен жөтелген және түшкірген кезде ауа тамшы жолымен таралады. Бұл инфекция жұқтырған адам жөтелген немесе түшкірген кезде пайда болатын бөлінді тамшылары ауа бойынша беріледі және жанындағы адамдардың аузына немесе мұрнына түседі. Тұмау вирустарын сондай-ақ адам басқа адамның денесіндегі немесе қандай да бір заттағы осындай тамшы бөліндісіне қолын тигізіп, одан кейін қолын жумай қолымен аузын немесе мұрнын ұстаған кезде жұқтыруы мүмкін. Арнайы қадағалау адамның қолы күніне 300 рет мұрыннан немесе көзден бөлінетін бөлінділермен байланыста болатынын көрсетті.

ЖРВИ-дің және тұмаудың негізгі симптомдары қандай?

ЖРВИ кезінде ауру біртіндеп және көп жағдайда шаршағыштықпен, мұрынның бітелуімен басталады, одан кейін ауру асқынған кезде құрғақ жөтел пайда болады.

Тұмауға температураның күрт көтерілуі (жекелеген жағдайларда 40,5 градусқа дейін), жарыққа сезімталдығының жоғары болуы, бүкіл организмнің сырқырауы, сондай-ақ басының және бұлшықеттерінің ауыруы тән. Тұмаумен аурудың алғашқы тәулігінде Сіз мұрынның бітелуінен қорғанышта боласыз, бұл осы вирусқа ғана тән. Тұмаудың едәуір белсенді фазасы аурудың үшінші-бесінші күндерінде байқалады, ал түпкілікті сауығу 8-10 күндерде байқалады.

Әсіресе вирусты аурулар тәуекел тобы деп аталатын кішкентай балаларда, жүкті әйелдерде және қарт адамдарда ауыр өтеді.

ЖРВИ-мен және тұмаумен аурудың қаупі қандай?

Тұмау – көп адамдар мұны зиянсыз ауру, әрбір адам ауыратын және қорқынышты ештеңе жоқ деп түсінеді. Бірақ шын мәнінде тұмау – бұл ең көп асқынулары бар ауру!

Тұмаудың кең тараған асқынуы өкпенің қабынуы– пневмония болып табылады. Құрама инфекциялар – вирусты және бактериялық пневмония сирек кездеседі. Тұмаудан кейін жиі пайда болатын басқа да қайталанатын бактериялы инфекциялар: отит (құлақтың қабынуы), фронтит, гайморит және басқалар.

Тұмау жүрек-қантамыр жүйесінің жұмысына үлкен әсер етеді. Жүрек аурулары бар адамдарда миокардит (жүрек бұлшықетінің қабынуы) және перикардит (жүрек қабықшасының қабынуы) дамуы мүмкін, бұл өз кезегінде жүректің жетіспеушілігіне әкелуі мүмкін. Тұмау кезінде асқынулар өлім жағдайына алып келеді.

Жүйке жүйесінің әртүрлі зақымдануы да тұмаудың салдары болуы мүмкін. Олар полиневрит, радикулит, невралгия сияқты аурулар түрінде пайда болады.

ЖРВИ да көптеген пробламаларға әкеледі. Олар созылмалы ринит, синусит, тонзиллит, фарингит, бронхит, пневмония сияқты аурулардың пайда болуына немесе өршуіне әкеп соғады. Нәтижесінде бірін-бірі асқындыратын аурулардың үзілмейтін тізбегі пайда болады және уақыт өте келе олардың саны өсе түседі.

ЖРВИ-дің және тұмаудың алдын алудың қандай негізгі шаралары бар?

Тұмауға және ЖРВИ-ге қарсы алдын алу шаралары кешенінде вирусты аурулардың алдын алудың екі негізгі тәсілі пайдаланады: ерекше профилактика (вакцинация) және ерекше емес қорғаныш.

Дүниежүзілік денсаулық сақтау ұйымы ұсынған тұмаудың алдын алудың едәуір тиімді әдісі аталған эпидемиялық маусымда едәуір өзекті болып табылатын тұмау вирустарынан және олардың құрамына кіретін вирустардан қорғауды қамтамасыз ететін вакцинация болып табылады.

Вакцинация әсіресе тәуекел топтарындағы – балаларға, қарт адамдарға, жүкті әйелдерга, созылмалы жүрек және өкпе аурулары бар науқастарға, сондай-ақ медицина қызметкерлеріне жасалады.

ЖРВИ-дің және тұмаудың ерекше емес профилактикасы:

Ауырған адамдармен (балалармен) қарым-қатынасты шектеу.

Бұл өте тиімді, бірақ ЖРВИ-дің және тұмаудың алдын алуды іске асырудың күрделі әдісі, өйткені адам күн сайын адамдар көп жиналатын орындарға – қоғамдық көлікке, дүкендерге және басқаларға, ал балалар – ойын-сауық мекемелеріне, алдағы уақытта өтетін жаңа жылдық таңертеңгіліктерге барады.

Ата-аналар егер балалары сирек және жеңіл түрде ауыратын болса, онда оларды шектемеуге де болатынын ескеруі керек. Бірақ бала жиі ауыратын болса және күзде бронхит, пневмониямен ауырса, баланың қоғамдық ойын-сауықтарға қатысуын барынша шектеу керек.

ЖРВИ-мен, тұмаумен ауырған науқас үйде ауыруы тиіс!

Жөтелген, түшкірген және сіңбірген кезде аузы мен мұрнын орамалмен жабуы керек, сілекейін шашыратпауы, құшақтаспауы және сүйіспеуі керек, өйткені сілекей мен қақырықтың тамшылары инфекцияны жұқтырудың негізгі көздері болып табылады.

Медициналық бетперделерді пайдалану.

Бұл ретте бетперделерді әрбір 3 сағат сайын ауыстыру ұсынылады, өйткені олар қақырықты өте тез сіңіреді және уақтылы ауыстырмаған кезде ол вирустың резервуары болады.

Үй-жайды жиі желдету керек, себебі ауа қарқынды алмасқан кезде ауада вирустардың шоғырлануы, тиісінше инфекцияны жұқтыру мүмкіндігі аз болады.

Витаминдер мен ақуызға бай, иммунитетті арттыратын тағамдарды (пияз, сарымсақ, шөптен, итмұрыннан және қарақаттан жасалған сусындарды және  ашытқан қырыққабат, мүгжидек, лимондар, киви, мандариндер, апельсиндер, грейпфрут сияқты құрамында С витамині көп басқа да өнімдерді) тұтыну керек.

http://kzpp.gov.kz/kaz/presscentr/san_prosveshenie/?cid=0&rid=6024

0
0
5996

Мектепке дейінгі білім беру саласындағы кәсіпкерлік

Индира Калекеева - талантты кәсіпкер. 2 жыл ішінде 3 (2 Зере және Нұр-Сәби) жекеменшік балабақша ашып, қазіргі уақытта үшіншісін тұрғызып жатыр. Балапан бағдарламасы бойынша 145 бала, жалпы балабақшаларда 200 бала тәрбиеленуде. 60-тан астам қызметкерлері бар. Мамандығы бойынша есепші. Аяулы жар және 2 баланың анасы.

Сұрақ: Индира Нурғалиқызы сіз неліктен өз уақытыңыз бен күшіңізді мектепке дейінгі білім беру саласын инвестициялау үшін жұмсауға шешім қабыладыңыз? 

Индира: Балабақшаларды инвестициялауымның басты себебі, балаларға деген махаббатымнан. Мен өмір бойы ірі ұйымдарда есепші болып қызмет атқардым. Балаларымыз барып жүрген балабақша кенеттен жабылып қалғандықтан, жұбайым екеуімізге жекеменшік балабақша ашу идеясы келді. Мектепке дейінгі білім беру саласынағы кәсіпкердің иғында үлкен жауапкершілік бар. Себебі, бизнес тек қаржылық инвестициялауды талап етпейді сонымен қатар, жұмысқа барынша берілуің керек. Жаңа балабақша ашу арқылы біз кем дегенде 20 жұмыс орнын құрамыз. Орталықтағы барлық сәбилер мен үшін туғанымдай және ата-аналары да бізге сенеді. Мысалы, осы жылы 4 мектеп алды даярлық топтарын аштық. Біздің бала бақшамызға бұрыннан келіп жүрген балаларды және олардың іні-қарындастарын ашылған топтарға орналастырдық.

Сұрақ: «Балапан» бағдарламасы жөнінде не ойлайсыз? Оған қандай баға бересіз? 

Индира: «Балапан» – жекеменшік балабақшаларда, толық құнын төлей алмайтын отбасылар үшін жақсы көмек көрсететін бағдарлама деп ойлаймын. Мысалы, біздің балабақшаларда «Балапан» бағдарламасы аясында бір бала үшін 30 000 теңге, оның 20000 теңгесін мемлекет төлейді. Бұл бағдарлама бойынша бізге көбінесе балалары мемлекеттік бала бақшаларда кезекте тұрған ата-аналар келеді. Мен кәсіпкер ретінде шағын және орта бизнесті қолдайтын осындай бағдарламалардың болғаны үшін мемлекетке ризамын. Әсіресе, бұл дағдарыс кезінде ерекше маңызды болып табылады.


Сұрақ: Жұмыс барысында кедергілер болды ма? Ондай кездерде Мемлекет тарапынан көмек көрсетілді ме? 

Индира: Біздің басты проблемамыз өз ғимараттарымыздың жоқтығы. Ғимараттарды жалға алуға тура келеді және бөлмелерге реттеу жұмыстарын жүргізу керек. Жұма күні жалға берілген орынның иесі келіп демалыс күндеріне дейін ғимартты босатуды сұраған кездерде болған. Заңды түрде дұрыс емес екенін білсек те, өзіміздің ғимарат болмағандықтан дауласудың еш мәні жоқ. Сенбі, жексенбі күндері басқа орынға көшіп, дүйсенбі күні жұмысқа дайын болуымыз керек. Себебі, көшу бұл ата-аналар мен балардың емес тек біздің проблемамыз ғой. 2 жылдық жұмыстан кейін, бірден өз ғимаратың үшін несие алу қажет екенін түсіндім. Биылғы жылы біз кәсіпкерлікті дамыту «Даму» АҚ қорының қолдауымен, төмен пайыздық мөлшермен несиеге жекеменшік ғимарат алдық. Бұл біздің төртінші балабақша болады. Біздің ауданда жекеменшік балабақшалар иелерінің арасында ешқандай бәсекелестік жоқ екенін ескергім келеді. Аудан әкімдігі үнемі жұмысымызды талқылау және өзіміздің жаңалықтарымызбен бөлісуге жиналысқа шақырып тұрады. Әкімдіктің көмегімен WhatsApp желісінде чат құрылған. Онда кәсіпкерлер жаңалықтарымен бөлісіп, кедергілер туындағанда оны шешу жолдарын қарастырамыз. Бір саладағы кәсіпкерлер ретінде достық қарым-қатынастамыз және бір-бірімізге көмек көрсетуге тырысамыз.

Сұрақ: Сіздердің бала бақшаларыңыздың ерекшелігі неде? Басқалардан несімен ерекшеленеді? 

Индира: Ең алдымен, біздің бала бақшада балалардың қауіпсіздігін қамтамасыз ету үшін видеобақылау орнатылған. Сонымен қатар, қазір вирустық инфекциялар өршіп тұрған кезде біз күн сайын балалардың мұрнына оксолин жақпа майын жағып, арнайы құралдармен тазалап отырамыз. 

Біздің екінші бір ерекшелігіміз - жыл бойына табиғи жеміс жидектерді қолдануымызда. Жылдың суық мезгілінде балаларды табиғи дәрумендермен қамту үшін жазда жергілікті жемістерді сақтап қоямыз. 
Сонымен бірге, балабақшаның оқу бағдарламасына кәсіби хореография, айкидо, сандық арифметика сияқты сабақтар кіреді. Осы жылы мұғалімдеріміз «жылдам оқу» техникасы бойынша арнайы білім алды. Енді олар «жылдам оқу» сабағын үлкен топтармен қатар кіші топтарға да жүргізуде.



Сұрақ: Енді ғана бала бақша ашқалы жүрген кәсіпкерлерге қандай кеңес бере аласыз? Қандай да бір кедергілердің алдын ала алады ма?

Индира: Несиеге алынған болса да, мектепке дейінгі білім беру орталығына сай құрылыс жасауға ыңғайлы өз ғимаратың болғаны дұрыс екенін түсіндім. Жас кәсіпкерлерге ешнәрседен қорықпаңыздар дегім келеді. Себебі, бізге Білім және Ғылым министрлігінің, әкімшіліктің және "Даму" АҚ қорының тарапынан барынша қолдау бар. Тәуекелге бел буып, тек қана алға жүру керек. 

Қызықты сұхбат пен қажетті кеңестер бергені үшін Индира Калекееваға алғыс білдіреміз. Балалармен жұмыс жасау барысында ары қарай жетістіктерге жете беруін, кәсібінің гүлденуін тілейміз! Ал, біз сіздерді жақын арада мектеп жасына дейінгі балаларды оқыту саласындағы басқа да кәсіпкерлермен таныстыратын боламыз. ҚР Білім және Ғылым министрлігінің ресми парақшасына ЖАЗЫЛЫҢЫЗДАР!


0
0
1770

Сыбайлас жемқорлыққа қарсы іс-қимылдағы жастар және жастар ұйымдарының, ғылыми және педагогикалық қызметкерлердің рөлі

А.ж. 11 қарашада Ш. Уәлиханов атындағы Көкшетау мемлекеттік университетінде «Сыбайлас жемқорлыққа қарсы іс-қимылдағы жастар және жастар ұйымдарының, ғылыми және педагогикалық қызметкерлердің  рөлі» тақырыбында диалог алаңы өтті.

Іс-шараның мақсаты – жастар арасында сыбайлас жемқорлыққа қарсы мәдениеттің қалыптасуын және сыбайлас жемқорлықтың көріністеріне шыдамау ахуалын қалыптастыру, білім мекемелерінде, сонымен қатар ғылыми зерттеу ұйымдарында сыбайлас жемқорлыққа қарсы оқыту және тәрбиелеу бойынша қызметті жандандыру.

Диалог алаңына Департамент басшысының орынбасары, облыстық  білім басқармасы басшысының орынбасары, жастар саясаты мәселелері басқармасының басшысы, өңірлік ЖОО-лардың ұйымдастыру-тәрбие жұмысы жөніндегі проректорлары, мемлекеттік қызметшілер, жастар ұйымдарының өкілдері, облыс орталығының колледждері мен орта мектептерінің директорлары, ғылыми және педагог қызметкерлер, БАҚ өкілдері қатысты.

Сыбайлас жемқорлыққа қарсы іс-қимыл бойынша жүргізіліп отырған жұмыс  туралы «Ақмола облысының білім беру жүйесіндегі сыбайлас жемқорлыққа қарсы іс-қимыл бойынша қолданатын шаралар туралы», «Сыбайлас жемқорлыққа қарсы іс-қимылдағы жастар және жастар ұйымдарының рөлі», «Студент жастардың арасында сыбайлас жемқорлыққа қарсы мәдениетті қалыптастыру» тақырыптарындағы баяндамалар тыңдалды.

Департамент азаматтардың құқықтық сауатын арттыру бойынша олардың жас, кәсіби және басқа ерекшеліктерін ескере отырып,  тұрғындар арасында ауқымды түсіндіру жұмысы   жүргізілетінін атап өту керек.

Іс-шара барысында қатысушылар арасында  сындарлы сұхбат өрбіді. Диалог алаңының қорытындылары бойынша бұдан әрі қарай бірлесіп, ынтымақтастықпен жұмыс жасау тетіктері айқындалды.
Департамент госслужбы

0
0
410

Сыбайлас жемқорлыққа қарсы іс-қимылдағы жастар және жастар ұйымдарының, ғылыми және педагогикалық қызметкерлердің рөлі.

2016 жылдың 11 қараша күні қоғамдағы сыбайлас жемқорлыққа қарсы мәдениетті қалыптастыру мәселесі бойынша ынтымақтастық туралы ашық келісім шеңберіндегі «Сыбайлас жемқорлыққа қарсы іс-қимылдағы жастар және жастар ұйымдарының, ғылыми және педагогикалық қызметкерлердің  рөлі» тақырыбындағы диалогтық алаң өткізілді.

Шараға Департамент басшысының орынбасары А.Жұбаныш пен бас маманы Е.Тулепкалиев, «Батыс Қазақстан облысытық Азаматтық Альянсы» ЗТБ президенті А.Салиева қатынасып, баяндама жасады.

Диалог алаңына қатысқандар жастар арасында сыбайлас жемқорлыққа қарсы мәдениеттің қалыптасуын және сыбайлас жемқорлықтың көріністеріне шыдамау ахуалын қалыптастыру, білім мекемелерінде, сонымен қатар ғылыми зерттеу ұйымдарында сыбайлас жемқорлыққа қарсы оқыту және тәрбиелеу мәселелері талқыланды.

 
0
0
311

Сандықтау ауданына «Адал жол — Честный путь» эстафетасын табыстау

А.ж. 9 қарашасында Сандықтау ауданына  «Адал жол - Честный путь» эстафетасын табыстау рәсімі өтті. Іс-шара басталар алдында марафонға қатысушылар Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Ақмола облысы бойынша департаменті басшысының орынбасары Е. Жайықбаевпен бейнебайланысқа  шықты .

Марафонға Атбасар ауданының әкімі А.Никишов, Атбасар аудандық мәслихат хатшысы Б. Борұмбаев, Сандықтау ауданы әкімінің орынбасары Г.Қадырова,  Атбасар ауданы әкімінің орынбасары К. Тажденова қатысты.

Сыбайлас жемқорлық кез-келген жаста, кез-келген мамандықта көрінеді. Эстафетаны беру рәсіміне Ж. Т. Рыскелдин (64 жаста), Ж. А. Сулейменов (30 жаста), Р. Сексенбаев (25 жаста), Б. Жұмабаев (26 жаста), С. Исин (10 жаста) шақырылды. Марафонға қатысушылар «Адал жол - Честный путь»  фотоальбомын бір-біріне  табыс етті. Ең кішкентай қатысушы Исин Рахат фотоальбомды Атбасар ауданының әкімі  А. Н. Никишовқа табыстады. Өз кезегінде аудан басшысы эстафетаны Сандықтау ауданы әкімінің орынбасары  Г. Е.Қадырова  табыс етті.

Марафон соңында қатысушылар «Атамекен» әнін орындады.
Департамент госслужбы

0
0
368

Сыбайлас жемқорлыққа қарсы «Адал жол – честный путь» марафоны аясында өткен концерт

А.ж.  9 қарашада Атбасар аудандық Мәдениет үйінде «Адал жол – честный путь» сыбайлас жемқорлыққа қарсы  марафоны аясында  концерт өтті.

Атбасар ауданының күміс көмей әншілері мен мың бұралған бишілері өздерінің өнерлерін паш етіп, жемқорлыққа түбегейлі қарсы екендерін көрсетті. Концертті тамашалауға еңбек  ардагерлері, мемлекеттік қызметшілер, зейнеткерлер, ұстаздар, студенттер, оқушылар шақырылды.

Сахнада «Алтын күн», «Арай», «Молодость» би ансамблдері, «Айдана», «Ақ ниет» вокалдық топтары өз өнерлерін паш етіп, келген қауымды өнер сусынымен сусындатты.

Осы концерт «Адал жол –Четный путь» сыбайлас жемқорлыққа қарсы марафонының қорытындысы болып табылды. Келесі эстафета Сандықтау ауданына тапсырылады.

Департамент госслужбы

0
0
478

Атбасар ауданы сыбайлас жемқорлықпен күресуге дайын

А.ж. 8 қарашада қаАтбасар қаласының орталық аланыңда жастар ресуртық орталығы АІІБ қызметкерлерімен бірлесіп «Адал жол-Честный путь» марафоны аясында «Жемқорлыққа жол жоқ!» акциясын өткізді. Аталмыш акцияның басты мақсаты- қоғамда жемқорлықты жою. Шара барысында АІІБ қызметкерлері ақпараттық буклеттер таратса, Жастар орлығының қызметкерлері қала тұрғындарына сыбайлас жемқорлыққа қарсы марафон жайлы түсініктеме жұмыстарын жүргізіп жатты.  Акция қатысушылары тұрғындардың көңілдері көреңкі болу үшін жемістер таратты.

Аталмыш шараға зейнеткерлер, оқушылар, мұғалімдер, студенттер белсене қатысты.

Қорытындылай келе, Атбасар ауданының тұрғындары жемқорлықпен күресудің жан-жақты жолдарымен таныс болды және онымен күресуге әбден дайын екенін атап өту керек.

Департамент госслужбы

0
0
292

Ақмола облысында «Адал және сатылмайтын еңбек бейнесі» тақырыбындағы суреттер көрмесі өтті

А.ж. қазан айында Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Ақмола облысы бойынша департаменті облыстың орта оқу орындарының  5-8 сынып оқушыларының арасында өткізілген «Адал және сатылмайтын еңбек бейнесі» тақырыбындағы суреттер байқауының қорытындыларын шығарды.

Басты мақсаттары азаматтардың құқықтары мен заңды мүдделерін қоғау, әкімшілік кедергілерді төмендету, Агенттік пен азаматтық қоғам институттарының өзара әрекеттестігін күшейту,  сыбайлас жемқорлықтың кез келген көріністеріне төзбеушілік жағдайын жасау және Қазақстанда сыбайлас жемқорлық деңгейін барынша азайту арқылы барлық қоғамды сыбайлас жемқорлыққа қарсы мәдениетті қалыптастыруға тарту, сыбайлас жемқорлық құқық бұзушылықтардың профилактикасы, қоғамда сыбайлас жемқорлыққа қарсы сана мен мәдениетті қалыптастыру,   азаматтық қоғамды мемлекеттің сыбайлас жемқорлыққа қарсы саясатын іске асыруға тарту болып табылатын Сыбайлас жемқорлықтың кез келген көріністеріне төзбеушілік жағдайын жасау және қоғамда сыбайлас жемқорлыққа қарсы мәдениетті қалыптастыру мәселелері бойынша ынтымақтастық туралы ашық келісімнің Іс-шаралар жоспарын жүзеге асыру шеңберінде  а.ж. 7-11 қараша аралығында М. Жұмабаев атындағы Ақмола облыстық ғылыми-әмбебап кітапханасында, Ш. Құсайынов атындағы Қазақ музыкалық драма театрында,  Көкшетау қ. тарихы музейінде, Мәлік Ғабдуллин музейінде, сондай-ақ, облыстық тарихи-өлкетану музейінде байқауға қатыстырылған суреттердің көрмесі өткізілді.

Көрмелерді өткізудің мақсаты - өскелең ұрпақтың арасында жалпыға бірдей еңбек, адалдық және сатылмаушылық  идеяларын мінез-құлық нормасы болуы қажет деп түсінуін тарату.

Қоғамда сыбайлас жемқорлыққа қарсы мәдениетті қалыптастыру мәселелері бойынша ынтымақтастық туралы Ашық келісімді жүзеге асыру шеңберінде сыбайлас жемқорлыққа қарсы сауаттандыру және және қоғаммен ынтымақтастық  бойынша,  Ақмола облысының тұрғындары арасында сыбайлас жемқорлыққа қарсы мәдениет деңгейін  және  оның кез-келген түріне мүлдем төзбеушілікті  қалыптастыруға, құқықтық сауаттылықты арттыруға, жастарды қазақстандық патриотизм рухында тәрбиелеуге бағытталған жүйелі жұмыс жүргізіліп отырғандығын атап өту керек.

Департамент госслужбы

0
0
10601

Сыбайлас жемқорлыққа жол жоқ!

А.ж. 7 қарашада Атбасар ауданының Орталықтандырылған аудандық кітапханасында «Адал жол - Честный путь» сыбайлас жемқорлыққа қарсы марафоны аясында кітаптардың  ақпараттық көрмесі өтті.

«Сыбайлас жемқорлыққа жол жоқ» тақырыбымен ашылған көрмеге  сыбайлас жемқорлық тарихын ашатын, онымен күресу жолдары туралы әртүрлі кітаптар, газет-журналдағы мақалалар, заңдар қойылды. Аталмыш көрмеге колледж студенттері қатысты. Кітапханашы «Сыбайлас жемқорлық дегеніміз не?» тақырыбында дәріс оқыды. Сонымен қатар, студенттермен сыбайлас жемқорлыққа қатысты сөзден сөз табу арқылы қызықты ойын ойнатылды.

Көрме соңында кітапхана қызметкерлері сыбайлас жемқорлыққа қарсы буклеттер таратты. Қамтылған – 40 адам.

Департамент госслужбы

0
0
482

Мемлекеттік қызметтерді көрсету сапасымен қанағаттанушылық деңгейін арттыру

2016 жылдың 7 қарашасында Есіл қаласындағы аудандық мәдениет үйінде  Ақмола облысының әкімдігімен әрекеттесу мен ынтымақтастық шенберінде ҚР Мемлекеттік қызмет істері және сыбайлас жемқорлыққа қарсы іс-қимыл агенттігі Ақмола облысы бойынша департаментінің мемлекеттік қызмет көрсету басқармасының басшысы Ә.Қ. Мұхамеджановтың қатысуымен ХҚКО департаменті – Мемлекеттік корпорация филиалы мен жұртшылық өкілдерінің, Есіл, Жарқайың, Есіл  аудандарының басшылары үшін  «Мемлекеттік қызметтерді көрсету сапасымен қанағаттанушылық деңгейін арттыру» тақырыбына аймақтық семинар өткізілді.

Семинар барысында мемлекеттік қызметтерді көрсету кезінде туындайтын өзекті мәселелер, Мемлекеттік қызметшілердің әдеп кодексінің негізгі аспектілері, мемлекеттік қызметтерді көрсету сапасын мемлекеттік бақылау, мемлекеттік қызметтерді көрсету сапасымен тұрғындардың қанағаттанушылығы сонымен қатар  мемлекеттік қызметтерді алу кезінде аз мобильді топтар үшін қажетті шаралар жасау мәселелері талқыланды.

Семинар қорытындысы бойынша көрсетілетін қызметті берушілер алдында әкімшілік барьерлердің алдын алу мемлекеттік қызмет көрсету барысында сыбайлас тәуекелдерге жол бермеу мен әдептілікті сақтау сонымен қатар аз мобильді топтар үшін қажетті шаралар жасау арқылы мемлекеттік қызметтерді көрсету сапасын арттыру бойынша жаңа міндеттер қойылды.

Осындай іс-шаралардың өткізілуі Астрахан, Целиноград аудандарында және Степногорск қаласында жоспарланды.
Департамент госслужбы

0
0
332