Жаңа

Ал жаңа жылдың алғашқы күндерінде еліміздің патрульдік полицейлері 6 мыңнан астам көлікке жол бастап жүрді. Бұл туралы POLISIA.KZ телеграм-арнасында хабарланды.Қолайсыз ауа райы кезінде қауіпсіздік үшін ІІМ қозғалысты тоқтатуды, сондай-ақ жолда көліктерге жол көрсетіп, автокөлікпен ілесіп жүруді қамтамасыз етеді. Тәулік сайын қала сыртындағы жолдарда мыңнан астам патрульдік полицей қызмет атқарды. Олар 250-ден астамы патрульдік маршрутқа қызмет көрсетеді.Өткен жылдың 28 желтоқсанынан жаңа жылдың 3 қаңтарына дейін 42 мың автокөлікті алып жүру ұйымдастырылды. Ал жаңа жыл түні мен 2024 жылдың алғашқы күндерінде патрульдік экипаждар 6 мыңнан астам көлік пен 15 мың азаматты ашық жолға дейін алып жүрді.Сондай-ақ, жолды жабу туралы талаптарға бағынбаған 8 жүргізуші әкімшілік жауапкершілікке тарт…

Ғаламторда Ичкерия Чешен республикасының бұрынғы мәдениет министрі Ахмед Закаевтың кезінде КСРО құрамында болған елдерге қатысты ойын айтқан видеосы тарады.Онда Закаев қазіргі тәуелсіз мемлекеттер жайында пікір білдіре келіп, КСРО-ның, ресми түрде болмаса да, осы уақытқа дейін өмір сүріп келгенін жеткізеді.«Біз 20 жылдан астам уақыт бойы егемен, тәуелсіз мемлекеттер деп айтуға дағдыландық. Бірақ олардың қайсысы егемен әрі тәуелсіз? Украина тәуелсіз болды ма? Болған жоқ. Ресми түрде ғана болды. Грузия егемен болды ма? Болған жоқ. Азиядағы республикалар да тәуелді болған жоқ. Еркіндік алып, Еуропа Одағы мен НАТО-ға мүше болып кірген үш республикадан (Эстония, Латвия және Литваны айтып отырса керек – автор) басқаларының бәрі негізінен әлгі кеңестік, жаңа, псевдодемократиялық Ресей империясын…

Бүгін мемлекет басшысы «Егемен Қазақстан» газетіне берген сұхбатында ең өткір сұрақтарға жауап берді. Соның ішінде Қасым-Жомарт Тоқаев президент болғаннан кейін қосарланған билік жайлы әңгіме шыққанына қатысты сауал қойылған еді.«Сіз 2019 жылы Президент лауазымына сайланғаннан кейін елімізде қосар­ланған билік жүйесі қалыптасты-мыс деген сөз тарады. Кейбіреулер біздің саяси жүйемізді Иранның, Сингапурдың жүйесімен салыстырды. Шынымен де, сол кезде елімізде екі билік орталығы орнағандай көрінді. Расымен солай болды ма?» – деп сұрады журналист Дихан Қамзабекұлы.Бұл сұраққа тура жауап берген президент қосарланған билік жүйесін орнату әрекетін әлдебіреулердің әдейі әрі мұқият ұйымдастырғанын айтты.«Билік транзиті» кезіндегі ахуалды саясаттағы айлакерлер өз мүддесіне пайдаланып, қосамжарланған…

Жылда осы. Адамдардың аузы күймейді екен. Олар отшашуды дұрыс пайдаланбай, оқыс жағдайға тап болып жатады.

Әлеуметтік желіде оғаш отшашудың видеосы (https://www.instagram.com/p/C1j2CpnKD9o/ ) тарады. Оқиға Астанадағы саябақта болған. Бейнекадрден фейерверктердің сәтсіз жағдайда жарылып жатқаны байқалады.

Елорданың полиция департаментіндегілер бұл жайтқа қатысты түсініктеме берді. Олардың айтуынша, тәртіп бұзушының кім екені анықталған.

«Полиция қызметкерлері аталған дерек бойынша тексеру жүргізіп, пиротехникалық заттарды арнайы белгіленбеген жерде қолданған адамның кім екенін анықтады. ҚР Әкімшілік құқық бұзушылық туралы кодексінің 436-бабы 2-бөлігі бойынша әкімшілік іс қозғалды», – делінген Астана қаласы ПД хабарламасында.

Іс сотқа жіберілген.

Жапонияның Исикава префектурасында болған жойқын жер сілкінісінің зардабы уақыт өткен сайын молайып жатыр. Онда 100 мыңдай тұрғын өз үйлерін тастап қашуға мәжбүр болған.

Соңғы мәліметтер бойынша Жапонияның орталығындағы зілзала салдарынан 48 адам қаза тауып, ондаған адам зардап шеккен. Бұл көрсеткіш әлі де өсіп жатыр. Ал болуы мүмкін делінген цунами қаупі сейіліпті.

Естеріңізге сала кетсек, кеше күншығыс елінде 7,6 балдық жер сілкінісі болған еді. Жапония премьер-министрі Фумио Кисиданың айтуынша, батыс жағалау аймағы көп зардап шеккен. Құтқарушылар үйінді астында қалғандарды шығарып алуға тырысып жатыр.

Метеорологтардың мәліметі бойынша, кеше таңертеңнен бері түрлі деңгейде 155 жер сілкінісі тіркеліпті. Табиғаттың бұл құбылысы осы апта бойы қайталанып отырады деген болжам бар.

Қазір «2024 ұлу жылы ма, айдаһар жылы ма?» деген сауал төңірегінде шамалы түсінбестік туындап отыр. Бұл жерде ұлу қазақтыкі, айдаһар қытайдыкі деп кесіп айта салуға да болар еді. Бірақ басқа да деректердің ұшы қылтиып тұр.Шымкенттік танымал тарихшы мұғалім Өмір Шыныбекұлы өзінің Facebook-тегі парақшасында ( https://www.facebook.com/omir.shynybekuly ) қызықты дерек жариялады. Онда кеңес археологы әрі этнографы Борис Куфтиннің (1892-1953 ж.ж.) «Этнографическое обозрение» журналында (1916 ж., №3-4) жарияланған «Календарь и первобытная астрономия киргиз-казацкого народа» атты еңбегі келтірілген.Орыс ғалымы бұл еңбегінің қазақтың 12 жыл атауына түсініктеме беретін тұсында ұлу жылын былай деп жазыпты: «луу – дракон».Жазбаға пікір қалдырғандардың бірі «луу» моңғол тілінен аударғанда «айдаһар» де…

Жаңа жылды әркім әртүрлі қарсы алып жатады. Жаңа жыл әркімге әртүрлі қуаныш сыйлайды. Ал мұндайда сәбилі болған тіпті керемет.

Сонымен, Қазақстанда жаңа жыл түнінде 191 бала дүние есігін ашыпты. Олардың 101-і ұл, 90-ы қыз екен.

Әйелдер ең көп босанған өңір – Түркістан облысы. Онда 38 нәресте дүниеге келді. Бала туудан екінші орын осы қасиетті өңірден алыс кетпеген. Шымкент қаласында 23 бала туылды. Ал үшінші орындағы Алматыда 22 сәби дүние есігін ашқан.

Енді Астананы ерекшелеп айтар болсақ, онда 10 бала дүниеге келді.

Елімізде бүгіннен, яғни 2024 жылдың 1 қаңтарынан бастап "Ұлттық қор – балаларға" жобасы іске қосылды.Президент Қасым-Жомарт Тоқаев Ұлттық қордан балаларға ақша бөлуді қарастыратын заңға өткен жылы 16 қарашада қол қойған болатын.Аталған жобаға сәйкес, еліміздегі кәмелет жасына дейінгі барлық балалардың есеп-шоттарына жыл сайын ұлттық қордың инвестициялық табысының 50 пайызы теңдей бөлініп аударылып отырады. Оны 18 жасқа толғанда шешіп алуға болады.Ақша есеп-шоттарға 2024 жылдың 1 ақпанынан түсе бастайды. Ал сол 1 ақпаннан кейін 18 жасқа толатын балалар бір жылдық төлемін шешіп ала алады.Ұлттық қорды басқару Ұлттық банктің құзырында болғанымен, «Ұлттық қор — балаларға» жобасының үйлестірушісі — Қаржы министрлігі.Ал операторы — Бірыңғай жинақтаушы зейнетақы қоры (БЖЗҚ).БЖЗҚ міндеті – нысанал…

Англия құрамасының шабуылшысы Гарри Кейн Бундеслигадағы жаңа рекорд орнатып, бомбардирлер жарысында Криштиану Роналдуды басып озды.Мюнхендік «Баварияның» 30 жастағы шабуылшысы Германия чемпионатының 15-ші турындағы «Штутгартқа» қарсы ойында (3:0) дубль жасап, бірегей рекордты жаңартты. Ағылшын 2023 жылы клуб пен ұлттық құрама үшін соққан голдар саны бойынша да бірінші орынды иеленді."Кейн Германия чемпионатындағы 19-шы және 20-шы голын соқты. Бұл үшін оған бар болғаны 14 матч қажет болды. Бундеслига тарихында ешбір ойыншы 20 голды тез соққан жоқ. Ағылшындық Уве Зелердің (Гамбург, 21 ойын) жетістігін басып озды. ).Боруссия Дортмундтың бұрынғы шабуылшысы Эрлинг Холанд тарихтағы ең көп ұпай саны бойынша үшінші орында – 22 матчта 20 гол.Сонымен қатар Кейн күнтізбелік жылдағы 51-голын соғып, Э…

Футзалдан Қазақстан құрамасы Голландияны жеңіп, 2024 жылғы әлем чемпионатына ерте жолдама алды.

Кездесу Астанада өтіп, 2:0 есебімен аяқталды. Голдарды Біржан Оразов (1-минут) пен Дуглас Джуниор (7-минут) соқты.

Осы табысының арқасында Қазақстан 15 ұпай жинап, А тобында бірінші орыннан әлем чемпионатының финалдық кезеңіне өтті.

Осылайша, 20 желтоқсанда Бухарестте өтетін Рикардо Кака шәкірттері мен Румыния арасындағы келесі кездесу бос формальдылыққа айналады.

Айта кетейік, элиталық раундтың бес тобының жеңімпаздары финалдық кезеңге тікелей өтеді, ал төрт үздік екінші орын иегерлері плей-офф кезеңінде ойнайды. Олардың жеребе тарту рәсімі 2024 жылдың 25 қаңтарында өтеді, ал әлем чемпионатындағы қалған екі орын үшін матчтар 8-17 сәуір аралығында өтеді.