Өмiр Шыныбекұлы

Желіде әлдебіреулер бір шетелдік кәсіпкердің шотын шауып Зауытбек Тұрысбековтің есімін жалаулатып жатыр ғой...Мен Зәкеңді өмірімде көрген емеспін.Бірақ Закеңді дұрыс азамат деп ойлаймын.Украина жерінде жоғалып кеткен 102 атқыштар дивизиясын зерттеп жүргенімді 2012 ж. желтоқсан айында украиналық тарихшылардан естіген Закең уақыт созбай Оңтүстік Қазақстан облысы әкімінің сол кездегі идеология жөніндегі орынбасары Әли Бектаевқа хабарласып "Өмір Шыныбекұлы деген тарихшы мұғалімді тауып қолдарыңнан келген көмекті жасаңдар" - деп өтініпті. Әли мырза мені өзіне шақырып, біраз сөйлестік. Әлекеңнің менің есімім мен жасап жүрген жұмысымды Қазақстанның Украинадағы елшісінен естігеніне қысылыңқырап тұрғанын да сездім. Көзімше Білім Басқармасы мен Ішкі саясат Басқармасы басшыларына хабарласып тапсырма…

Жалпы білім беретін мектептерге арналған қазақ тіліндегі оқулықтардың сапасы туралы айтылған сындардан халық жақсы құлағдар. Олардың көпшілігі орыс тілінен орашолақ аударылған немесе орыс тілді азаматтар қазақша жазғаны көзге ұрып тұрады. Ал, негіздердің негізі - мектепке арналған оқулықтардың жайы осылай болса, Адам және азамат құқықтарын қазақ тілінде түсіндіретін оқулықтар, нұсқаулықтар мен дидактикалық материалдар мүлдем жоқ деуге болады. Бірен-саран жарыққа шыққаны қазақ тілді аудиторияның талаптарын қанағаттандыра алмайды. Азаматтарымыздың үлкен бөлігі өз құқықтарын білмейді. Бірен-саран білетіндері түрлі психологиялық және басқа да кедергілердің әсерінен өз құқығын талап ете алмайды. Осы мәселеге байланысты, қазан айының 8-10 жұлдызында (2016 ж.) Алматы қаласында «Халықаралық құқық…

18-ғасырда басталған Ресей отаршылығы 1928 ж. қазақтарды күштеп отырықшыландырып, өмір салтын мүлдем басқа арнаға түсіруді аяқтады.Қазақ халқы Тәуелсіздікті отырықшы ұлт ретінде алғанымен, өзге отырықшы ұлттарға тән көптеген қасиеттерге ие болуға коммунистердің жоспарлы экономика саясаты мұрша бермеген еді.Тәуелсіздікті алып, қаласа да, қаламаса да нарықтық қатынастарға көшкен қандастарымыз бизнес жүргізуді ақша жасау, ақша жасауды бизнес жүргізу деп түсінді.Сананы тұрмыс билейтінімен келіссеңіздер, ұлттың ділі де өзгеріске түскенін мойындауымыз керек. Оның айқын көрінісі - қолы жеткендер қазына мен халықтың қалтасына түсуді ар көрмейтін болды. Жетім-жесірдің аузындағысын жырып жеп жатқандарға назар да аудармайтын болдық. Яғни, "Малым жаным үшін, Жаным арым үшін!" - дейтін қазақтың ділі м…

1975 жылдары мықыны жоқ, балағы 35-40 см "Кала-кала" деген шалбар шыққан. 7 класты бітірген жылы алғаш рет класс болып бешір жасайтын болдық.Ондайды әкеме айту өмірге қауіпті :-) Апама қыңқылдап жүріп, сондай бір шалбар тіктіргем. Сөздің ашығы, сол бешірден кейін оны ауылда киіп баратын да жер жоқ. Ылғи қыршаңқылар тұратын біздің ауылда көшеге жаңа киім киіп шықсаң,-Жетім қыздың байындай боп, қайда шықтың? - дегенді тілі шыққан баладан, кемпір-шалға дейін айтып, өміріңді өксітіп жіберер еді :-)1980 жылы болуы керек, шибарқытты көлденең тіккен қуықтай шалбар мен бөз көйлек моды болды.Ол заманда қарт кісілердің жаназасында ру-әулеттердің қарияларына атап, шапан деп шибарқыт мата беретін. Әр кемпірдің боқшасында нафталин сасып жатқан шибарқыт әп-сәтте қасқалдақтың қанындай боп шыға келді. Ол…

Кешегі алған білім бүгін ескіріп жатқан әлемдегі қарқынды өзгерістер еліміздегі білім беру жүйесін қайта қарау қажет екендігін талап етіп отыр.Кеңес өкіметі орнаған алғашқы жылдарда білім берудегі басты мақсат сауат ашу болса, 20 ғасырдың екінші жартысынан бастап Кеңестік білім беру жүйесі Диалектикалық материализммен «қаруланған» «Коммунизм құрылысшысын» дайындауға ден қойды.КСРО ыдыраған соң біз біраз жыл бағдарды жоғалтып алдық.Тәуелсіздік алғалы, бері еліміздің білім саласына бірнеше рет реформа жасауға әрекеттер жасалды. Бірақ ол әрекеттердің бәрі сөз жүзінде қалды.Жасыратыны жоқ, дайын білім беруге негізделген дәстүрлі оқытудан алынған механикалық түрде есте сақталған мәліметтерді емтихан кездерінде ұтымды пайдалануға болады. Бірақ мән-мағынасы терең меңгерілмей, жай ғана жатталғанд…

1932-33 жылдардағы ашаршылықта қырғыз ағайындар ашыққан қазақ халқына өлшеусіз көмек көрсетті.
Қырғыз бауырлардың бөліскенінің талқан-шалабының арқасында аман қалған қазақтардың арасында сол кезде 5 жасар менің анам да болды. 
Аллаға мың да бір шүкір, сол аман қалған бүлдіршін қыздың ұрпақтары бүгінде үлкен әулетке айналды..
1986 ж. Желтоқсанда көтерілген қазақ жастарына көмекке алдымен ұмтылған қырғыз жастары еді.
Қазақ халқы қырғыз бауырлардың сол жақсылықтарын мәңгі ұмытпайды.
Сол әулеттің және еліміздің түкпір-түкпірінде қызмет атқарып жүрген өз шәкірттерімнің атынан бүгін қара жамылып, қайғыға батып отырған бауырлас қырғыз халқына көңіл айтамын!
Қайғыларыңызға ортақпыз бауырлар!
Қырғыз елі дамып, өсіп-өркендеп, жастары күнкөріс көзін шеттен іздемеуіне шын жүректен тілектеспін!

Жасы менімен қатарлас бір көршім бар. Бір күні аллеяда жолығып қалды. Таныстығымыз шамалы еді, аздап ұрттап алған екен. Содан болса керек, әңгімеге тарта бастады. Оны-мұныны сөз қылып біраз жүрдік.Бір кезде "бұйымтайының" шетін шығарды...- Өмеке, интернет дегеннен хабарыңыз бар екен. Жазбаларыңызды әйелім көрсетіп отырады.Мен өзі бала кезден бірдеңе оқуға жоқпын ғой. Жазғандарыңызды түсіне бермеймін... Менің бір өтінішім бар. Қиын болмаса орындасаңыз-деп қиылды. -Қолдан келіп жатса, орындайық,-дедім. -Онда азырақ әңгіме тыңдаңыз!-деп әңгімесін бастап кетті. Мектепте 8-класта өзінен бір класс кейін оқыған қызға ғашық болыпты. Әлгі қыз қыз біткеннің көріктісі екен. Бірақ, біздің кейіпкерде ондай сұлудан дәметерлік рең болмапты. Оның үстіне мінезі де қазіргідей емес, бала кезде ынжықтау екен…

КСРО тарқар алдында 5-6 жыл бұрын, біздің колхозда бір жас жігітті шабық шабатын әйелдер бригадасына бригадир етіп тағайындапты. Сол күннен бастап, бригаданың жұмыс көрсеткіші төмендей бастайды. Егістіктегі әйелдер топ-топ болып, атыз үстіне жайғасып, өсек айтып, жұмыс істеуді қояды. Жас бригадирдің сөзін "Қазір-қазір тұрамыз" деп құлаққа да ілмейді.. Шарасы таусылған жас жігіт зейнеткерлікке шыққан бұрынғы бригадирге барып, жағдайды айтады.- Оларды жұмыс істету оп-оңай! - деп қарт бригадир егістікке келеді де, отырған әйелдердің бірін шақырып алып, - Әй, келін сені ел жүргіш дейді ғой!?- дейді. - Кім айтып жүр оны? - Анау айтты! - деп отырған қатындардың бірін көрсетеді.- О, аузыңассейін,жүзіқара қаншық! Мен сенен өткен жәлеппін бе? деп келіншек әлгі қатынға тұра ұмтылады.Қырғын басталып…

Оңтүстік Қазақстан облысының әкімі Б.Атамқұловқа Жер мәселелері бойынша жұмысшы топтың мүшесі, Қазақстан Журналистер Одағының мүшесі Ө. Шыныбекұлынан ҰСЫНЫС-ХАТ Ералиев ауылындағы жанжал туралы түрлі дереккөзден там-тұмдап біраз материал жидық. Әлі анықтай түсетін ақпараттар да жеткілікті.. Бір анығы... Еліміздегі кез келген диаспора өкілінің автохтон ұлт - қазақ халқының өкіліне қарсы жасаған зорлық-зомбылығы мен тұрмыстық кикілжіңіне басқаша реңк беріп, ұлтаралық жанжалға айналдыруға немесе солай көрсетуге тырысатындар қашанда табылады. Әсіресе, мұндай жағдайлар экономикалық дағдарыс кездерінде қауіпті. 1. Сондай жағдайдың алдын алу үшін ҚХА, диаспоралардың мәдени орталықтары мен зиялы қауым өкілдері өз туғандарының санасына жердің иесі қазақ екенін жастайынан сіңіру керек. Қазақстанның…

АЛҒЫ СӨЗ «Қазыналы Оңтүстік» облыстық байқауын ұйымдастырушыларға алғысымызды айта отырып, «ШЕЖІРЕЛІ ОҢТҮСТІК» (Оңтүстіктің тарихы мен шежіресін, тарихи мұра, мәдени орындар, түрлі тарихи оқиғалар мен шайқастары өткен жерлер туралы үздік жазбалар) номинациясы бойынша байқауға қатысуға шешім қабылдадым. Жазбаларды бет алды тықпалай бермей, оқырманға түсінікті болу үшін уақыт кезеңдерін жүйелі түрде сақтай тырысып, сонау тас ғасырынан жаңа заманға дейінгі кезеңді қамтып, ел көзінен тасалау қалып келген өлкемізге қатысты тарихи оқиғалар мен аңыз-әңгімелерді назарларыңызға ұсынсам деген ниетім бар. Номинацияның шеңбері тар болғанымен, мен өзімнің азамат және ұстаз ретінде алдыма қойған мақсаттарым бар. Байқауды пайдаланып, өңіріміздің тарихы ғана емес, қолымнан келгенше, оқырмандарды өлкемізд…