Мазмұнға өту

Жаңа

Құрметті дебютанттар би кеші кезіндегі әдеп жайлы білгендеріңіз артық болмас)))

 

Биге шақыру

Бірге билегіңіз келген бойжеткенді басынан аяғына дейін қарап шықпай, байқатпай таңдаған жөн. Алыста тұрып, қайсыбір белгі беріп, биге шақыруға әсте болмайды. Өзін-өзі құрметтейтін, әдептілік ережесімен таныс бикештің бас изеуге немесе көз қысуға ешқашанда келіспейтіні және шақыруды қабыл алмайтыны айқын.

Биге шақырғанда жігіт өзін жинақы ұстап, бойжеткенге жақын келеді де, сәл ғана бас иіп, оны биге шақыруға рұқсат сұрайды. Мұны тек бас иіп, үндемей де істеуге болады.

Ұсынысты қабылдау

Бойжеткен өзінің келіскенін жылы көзқараспен білдіреді. Мүсіркеген сыңаймен өркөкіректік немесе менсінбегендік түр көрсету кез келген жігіттің намысына тиеді, мұндайды тәрбиесі нашар қыз ғана істеуі мүмкін. Ең дұрысы – биден жайбарақат және қарапайым түрмен бас тарту. Биге шақырғанда ерекше қуаныш та білдірмеу керек. Сабырмен тұрып, өзін лайықты ұстаған жөн.

Егер бойжеткен бұл биді бірге билеуге басқа біреуге уәде етіп қойған болса, ол өзін биге шақырушыға ілтипатпен алғыс айтып: "Рақмет, бұл биді басқамен билеуге уәде етіп қойғанмын" немесе "Өкінішке орай, бұл биге уәде беріп те қойып едім" - дейді. Барша жұрт кіре беретін ашық кештерде танымайтын адамға себебін айтып жатпай-ақ, биден бас тартуға болады. Дегенмен бұлай істемегеніңіз жақсы.

Билеуден бас тартқанын естігеннен кейін жігіт ашуланбай, басын иеді де, кетіп қалады. Егер ол осы бикешпен міндетті түрде билегісі келсе, екінші рет шақырады. Екі рет бас тартылғаннан кейін, ол қайтып шақырудың жөні жоқ екенін түсінуі тиіс. Сонымен қатар, қыздар қауымына ерекше себебі болмаса, екі рет бас тартуға болмайды. Бас тартқан жауап алған еркектің өзінен бас тартқан бикештің жанында отырған қызды немесе әйелді биге шақырмағаны жөн.

Би алаңында билеушілер көп болса, аяқты байқап басу керек. Би кезінде денені әдепті ұстау керек. Билеуге жігіт басшылық етеді.

Би кезінде танысыңызды көрсеңіз, онымен жай бас изеп амандасыңыз. Бірден әңгімелесіп кету әдепсіздік болады.

Вальс билеген кезде...

Егер қыздың көйлегінің арқасы ашық болса, жігіт өз бикешінің бүйірінен ұстауға тиіс. Қолды ашық арқаға салуға болмайды. Жігіт өз серігінің көйлегін көтеріп, қисайтып жібермеуін және мыжғыламауын үнемі қадағалап жүруі керек. Сондай-ақ қолдың терлеп кетпеуін қадағалуы қажет. Үнсіз билеуге де болады, дегенмен де серігіне құрмет сезімін білдіріп, онымен азын-аулақ сөйлескен сыпайырақ көрінеді. Ескі ережелер бойынша, әңгімені әуелі жігіт бастайтын. Қазіргі кезде бұған аса мән берілмейді.

Әдемі билеу үшін барлық сәнді билерді бүге-шігесіне дейін білу міндет емес. Негізгі қимылдарын біліп алып, өзіңізді әдепті ұстай білсеңіз жеткілікті. Емін-еркін биленген биде қарапайым қимылдың өзі тартымды көрінеді.

БҰЛ ЖАЗЫЛҒАН КЕҢЕСТЕРГЕ ҚҰЛАҚ САЛАСЫЗДАР ДЕГЕН ОЙДАМЫН. АЗ ДА БОЛСА, БИЛЕУ ӘДЕБІН БІЛГЕНІМІЗ АРТЫҚ БОЛМАС ШЫҒАР)))ҚОСАР ҰСЫНЫСТАРЫҢЫЗ БОЛСА, ЖАЗЫҢЫЗДАР))) АҚБОТА

 
0
1
1502

Танго! Қанша тағдырды қосып, қаншасын айырдың сен?!

ТАНГО ТАРИХЫ

«Танго! Қанша тағдырды қосып, қаншасын айырдың сен?!». Белгілі орыс ақыны Марина Цветаева сезім сиқырына арбайтын Танго биін осылай жырлап өткен екен.  Тарихына үңілсек, бұл мереке «Танго патшасы», аргентиналық әнші Карлос Гарделяның туған күні құрметіне арналған.

Танго (испан. tango) – еркін композициялы, екпінділігімен және ширақ ритмімен ерекшеленетін, жұппен биленетін аргентинаның ұлттық биі.

Тангоның алғаш танымал болып, қанат жайған жері – Аргентина.Кейіннен күллі әлем танитын, сүйсіне билейтін аса танымал биге айналып шыға келді.

Тангоның әуені мен би элементтері бірнеше би түрлерінің, гимнастиканың, конькимен мәнерлеп сырағанаудың, синхронды жүзудің әрекеттерімен аздап ұқсас келеді.

Танго биі Буэнос-Айрестегі африкандық көне билер қоғамдастығыныңарасында да асқан танымалдыққа ие. Өйткені, «танго» сөзі ибибо халқының тілінен шыққан деген пікірлер аз айтылмайды. Африкандықтар бұл бидің алғашында дауылпаз дыбысына сүйемелдеумен шығарылғандығын айтып, тангоны өздерінің билері деп есептейді.

Жалпы, «танго» сөзі 1890 жылдары кеңінен қолданыла бастады. Би алғашында көп бидің бір түрі ғана болғандығымен, біршама уақыттан кейін дараланып шығып, қоғамда жоғары мәртебеге ие болды.

ХХ ғасырдың алғашқы жылдарында Буэнос-Айрестің бишілері мен оркестрлері тангоның құдіретін паш ету үшін Еуропаға аттанады. Ең алғашқы таныстыру кеші Париж қаласында өткізіледі де, кейіннен Лондон, Берлин сынды көптеген астаналарда көңілді би кештері ұйымдастырылады. 1913 жылы АҚШ, Финляндия жерлерінде өткен көрсетілімдер танго тарихында алтын әріптермен жазылатын сәт еді.

Осы күннен бастап тангоның аты кең жайыла бастады. 1930-1950 жылдар тангоның «алтын ғасыры» деген атаққа ие болды. Бұл кезде Аннибал Тройло, Освальдо Пульезе, Астор Пьяццолла сынды тұлғалар негізін қалаған бірнеше ансамбльдер құрылды.МІНЕКИ, ТАНГО БИІНІҢ ТАРИХЫН ДА БІЛДІК.

Эстетикалық иірімі мен әсем ырғағы басым бұл би неге спорт түріне жатады? Себебі, би - көп энергия мен күшті талап етеді. Ал, біздің ДЕБЮТАНТТАР ТАНГО БИІНЕН ҚАНДАЙ ӘСЕР АЛУДА? ТАНГО ІШКІ МІНЕДЕРІҢІЗДІ АША БІЛДІ МЕ? ДОСТАР, ОЙЛАРЫҢЫЗБЕН БӨЛІСІҢІЗДЕР)))

 
0
4
2072

Аэроұтқыр әскерлерінің офицерлері көрсетілімдік роталық-тактикалық оқу-жаттығуларына қатысты

«Шошқалы» оқу орталығының базасында көрсетілімдік роталық-тактикалық оқу-жаттығулары өткізілді. Жиынның мақсаты кіші буындағы офицерлердің қызметін жандандыру, олардың дербес жауынгерлік бірлік ретіндегі бөлімшелердегі рөлін арттыру болып табылады.

Жиынға Аэроұтқыр әскерлеріне қарасты құрамалар мен бөлімдерден жетпістен астам офицерлер мен сержанттар қатысты. Көрсетілімдік роталық-тактикалық оқу-жаттығуларына «Қазбриг» бітімгерлік бөлімінің қолбасшылығы жетекшілік жасады.

Полигонда 12 оқу нүктесі жасақталып, әскери және техникалық мүлік  үлгілері қойылды. Бұл оқып үйренушілер үшін көрнекі құрал ретінде қызмет етсе, жетекшілерге оқу тақырыбын тиімді үлгіде түсіндіруге мүмкіндік берді.
Рота, взвод командирлері жаттығудың әртүрлі кезеңінде өздерінің қызметтік міндеттері туралы нұсқаулықтарды тыңдап, жауынгерлік қимылдардың жаңа тәсілдері және жеке құраммен жұмыс істеу әдістері туралы ақпарат алды.
– Жиынды өткізу барысында біз өзара іс-қимылды ұйымдастыру, жеке құрамның дайындығы, қару-жарақ пен әскери техниканы пайдалану мәселелерін пысықтауға барынша мән бердік, – деп атап өтті «Қазбригтің» командирі подполковник Қаныш Аубакиров. – Кіші буындағы командирлер жауынгерлік өкімді алған сәттен бастап, іс-қимыл алгоритмін дұрыс түсінуі қажет.
Көрсетілімдік роталық-тактикалық оқу-жаттығуларды өткізу жас офицерлерге аға буынның бай тәжірибесін қабылдауға мүмкіндік берді. Сонымен қатар, олар теориялық білімдерін жетілдіріп, қызметтік міндеттерін сапалы орындауға қажетті пайдалы ақпарат ала алды.
ҚР ҚМ Баспасөз қызметі

0
0
289