Мазмұнға өту

Жаңа

Инстаграмдағы жас аналар

Соңғы кезде смартфоны бар қазақстандықтардың басым бөлігі Instagram желісін пайдалануда. Заманауи студенттер, аналар, бизнесмендер, дизайнер, фотограф, журналист, әнші, маркетолог және т.б. мамандық иелері бұл mobile app арқылы суреттерімен бөлісіп, инстаграмсыз күн көре алмайды. Ал бүгінгі материалымыз ерекше, себебі осы жазбада жас аналардың инстаграмына шолу жасадық, декреттік демалыста болса да, белсенді инста-мамалармен танысайық.

Санди Рахимбаева

"Екпінде" осыған дейін йога жаттықтырушысы ретінде аты аталған бұл жас ана Инстаграмда қазірде lovesanfrancisco нигімен белгілі. Санди әрқашан салауатты өмір салтын жүргізуге талпынады. Әрі өмірінде жас нәресте пайда болғанда да дұрыс тамақтану мен спортын тастаған емес. Баласын кішкентайынан жүзу сабақтарына апарып, қайырымдылық марафонын қалдырмай қатысатын жас ана өзінің бар білгені мен тәжірибесін өзі сияқты екі жас анамен қосылып жүргізетін journeyof3.tumblr.com блогында белсенді түрде жазып жүреді.

Марина Шарипова

Келесі біздің үлгі аларлық жас аналарымыздың қатарында maricherie нигімен белгілі - Марина. Ол өзінің жеке ibagyou.tumblr.com блогы мен Cosmopolitan Kazakhstan сайтында фэшн блогын жүргізіп, look.tm, dress-me.kz, facelook.kz, pandaland.kz сайттарына материалдар жазып тұрады. Сондай-ақ Марина шебер аспаз ретінде де интернетте танымал. Онлайн шоппингті жақсы көреді. Сөмкелер мен сәнді, ас үй мен отбасын әрдайым бірге алып жүретін қазақ аруына таң қалмасқа болмайды.

Нұргүл Алдабергенова

Massaget.kz сайтында қыз-келіншектерге арналған "Бастаңғы" бөліміне материал жазады, блогын жүргізеді. Нұргүл сондай-ақ хэндмэйд жағалар мен асүйде тәтті тағамдар жасап, отбасымен саяхаттағанды ұнатады. Сүйікті Искандері мен aldabergenovan нигімен сурет жариялайтын жас ананың біраз суреттері:

Әйгерім Галабир

Қазнеттің үздік кулинар-блогшысы Yvision.kz сайтында рецептерімен бөлісіп, әдемі фото түсірумен қатар, ана, әйел болудың қыр-сырларымен де бөлісіп тұрады. Әйгерімнің ерекшелігі - кішкентай ұлдың анасы болуымен қатар, журналист ретінде де, блогшы ретінде де, кулинар ретінде де өзін таныта алуында. Инстаграмында да өте белсенді.

Гауһар VerryBerry

Гауһар "Екпін" оқырмандарына бұрыннан таныс. Осыдан бірнеше жыл бұрын Гауһар фэшн-блогын жүргізіп, біраз оқырманға ие болған. Дәл қазір ана атанып, инстаграмында өзінің бос уақыты туралы жазып тұрады: кулинария, сән және кішкентайының суреттері.

Жанель Бектемісова

Жанель отбасымен Лондонда тұрады. Туған жерінен алыс болса да қазақстандық оқырмандары үшін блог пен инстаграмын үнемі жүргізіп тұрады. Блогында өзінің өмірі, кішкентай ұлы мен спорт, дұрыс тамақтану, рецепттерді жазып отырады. Мысалы, әр дүйсенбіде Жанель етсіз тамақ дайындаудың түрлерімен бөліседі.

Материалды дайындаған: Айжан Кәрібаева

Әлия Сембай

Ұқсас материал:

Инстаграмдағы қазақ дизайнерлері

Instagram: Шетелде оқитын қазақ студенттері

9
6
2944

Әділбек Жақсыбеков «Airbus Military» компаниясының президентімен кездесті

Бүгін Астанада Қазақстанның Қорғаныс министрі Әділбек Жақсыбеков «Airbus Military» компаниясының президенті Доминго Уренья-Расоспен кездесті.

- Қорғаныс министрлігі мен «Airbus Military» компаниясының арасындағы қарқынды дамып отырған ынтымақтастық Қазақстан мен Испания мемлекет басшылары арасында қалыптасқан достық қарым-қатынастың нәтижесі болып табылады, - деп атап өтті Қорғаныс министрі Әділбек Жақсыбеков.
Қазақстан мен Испания арасындағы әскери-техникалық ынтымақтастықтың маңызды кезеңдерінің бірі С-295 әскери-көліктік ұшақтарымен жабдықтау туралы келісімшартқа қол қою болу табылады.
2013 жылдың қаңтар айында Қазақстан Қорғаныс министрлігі Әуе қорғанысы күштері үшін алғашқы екі С-295 ұшағын алған болатын. Қазақстандық ұшқыштар аталған авиациялық техниканың сипаттамасына жоғары баға беріп, ұшақтардың орнықтылығы мен басқаруға жеңілдігін ерекше атап отыр.
Қазақстан Қорғаныс министрлігі «Airbus Military» компаниясынан 2018 жылға дейін тағы алты С-295 ұшағын сатып алуды жоспарлап отыр.   Сондай-ақ, Қазақстан қорғаныс ведомствосы екі А-400М ұшағын сатып алу мәселесін және «Airbus Military» ұшақтарына қызмет көрсететін мекеме ашуды қарастыруда.
Әділбек Жақсыбеков «Airbus Military» компаниясына А-400М ұшағын көрсету үшін «KADEX-2014» қару-жарақ және әскери мүлік көрмесіне қатысуға ұсыныс жасады.
«Airbus Military» компаниясының президенті Доминго Уренья-Расос Қорғаныс министріне белсенді екіжақты ынтымақтастық үшін ризашылығын білдірді және компания жемісті ынтымақтастықты одан әрі дамытуға күш салатынын атап өтті. Сондай-ақ, «KADEX» көрмесі бүгінгі күні танымал халықаралық қазақстандық бренд болып табылатынын, олардың алдағы көрмеге қатысуы нәтижелі болатынын жеткізді.

ҚР ҚМ Баспасөз қызметі

0
0
284

«Жастар патриотизмі: мемлекетті нығайту факторы» тақырыбында «дөңгелек үстел» отырысын өткізді

Елбасы Н.Ә.Назарбаевтың «Жас Отан» Жастар қанатының ІІ съезінде берген тапсырмаларын жастарға насихаттау мақсатында «ХҚКО» РМК Жамбыл облысы бойынша филиалының барлық бөлімдерінде «Жастар патриотизмі: мемлекетті нығайту факторы» тақырыбында «дөңгелек үстел» отырысын өткізді.

 
1
0
851

«Жүректен жүрекке!» қайырымдылық акциясы

Қазақстанның жүрегі Астана қаласының 15 жылдық мерейтойына орай «ХҚКО» РМК-ның Жамбыл облысы бойынша филиалының ұйымдастыруымен «Жүректен жүрекке» атты қайырымдылық акциясы өтті. Акция барысында 50-ге жуық қызметкерлер өз еріктерімен қан тапсырды. Қан орталығының басшылығы тарапынан белсене қатысқан қызметкерлерге алғыс хаттар мен естелік сыйлықтар табыс етті.

 
1
0
1293

Жастары жалындаған елдің болашағы да жарқын!

Жас­тар — бұл мемлекеттің негізгі тірегі бо­ла оты­рып, болашақта ел басқаратын ұрпақ өкілдері. Ке­нет­тен емес, БҰҰ Мыңжылдық да­му бағдарламасындағы негізгі шешуіші мәселе ретінде – жас­тар олардың қалыпты өмір сүруі, денсаулығы, тиімді еңбек етуі секілді мәселелер қозғалған.
Қазақстанда жас­тар жал­пы халықтың 30 пай­ы­зын құрайды. Жас­тар са­я­са­ты ту­ра­лы заң бой­ын­ша жас­тар- 14-29 жас аралығын қамтиды. Жас­тар са­я­са­ты­на берілген анықтама -мем­ле­кет жүзеге асы­ра­тын және жас­тар­ды қолдауға бағытталған әлеуметтiк-экономикалық, са­я­си, ұйымдастырушылық және құқықтық ша­ра­лар жүйесi қызметінің ая­сы.
Жал­пы алғанда, Қазақстан Республикасының жас­тар са­я­са­ты әлеуметтік саясаттың аса жас бағыты бо­лып отыр. Мәселен, «Қазақстан Респубикасының Жас­тар са­я­са­ты ту­ра­лы кон­цеп­ци­я­сы» 1999 жы­лы 28 та­мыз­да қабылданған, оның мағынасын кең түрде аша­тын, тұжырымдамалық- әдістік негізге сүйенетін 2004 жы­лы 7 шілдедегі «Жас­тар са­я­са­ты ту­ра­лы заң» бар. Алай­да, оның бап­та­ры не себепті толық орын­дал­май­ды ? Оның толық орын­дал­мауы эффективті норамативті-құқықтық ба­за­сы жеткілкіті қамтасмасыз етілмегендіктен бе, қаржылық жетіспеушіліктен бе, қадағалаудың аздығынан ба секілді түрлі қырлары бар.
Ел­ба­сы ай­ту­ын­ша, төрт базалық эле­мент – кәсіби жақсы білім, жақсы төленетін тұрақты жұмыс, от­ба­сы құруға арналған жек үйі, са­ла­у­ат­ты өмір сал­тын жүргізуге арналған мүмкіндіктің бо­луы жас­тар мәселесін шешудің қадамдарының бірі. Қазақстан жас­тар саясатының жеткілікті дәрежеде да­мы­мау себептері не­де екенін анықтау бұл мәселенің ба­ры­сын қарастыруға мүмкіндік береді:
Қаржыландыру- кез-кел­ген маңызды ша­ру­а­да қаржыландыру мәні аса жоғары. Алай­да ондағы мәселе, қалай тиімді және жеткілікті түрде қаржыландыруға бо­ла­ды. Гол­лан­ди­яда, Ис­па­ни­яда төменнен жоғарыға қарай, яғни жергілікті аймақтар өзіне қажетті ре­сур­стар­ды үкіметке жібереді, он­да талқыланып реттеуші шешім шығарылады.Фран­ци­яда аймақтар мен үкімет арасындағы ынтымақтасық және бай­ла­ныс негізінде реттеледі. Қазақстанға қаржыландыру кезінде аймақтардың мұқтажыдықтарын ба­рын­ша кең ес­ке­ру ке­рек.
Құрылым –әлем мемлекеттерінде жас­тар ісімен ай­на­лыс­та­ын тікелей құрылым бар. Қазақстанда Білім және ғылым министірлігі жас­тар са­я­са­ты департаменті, ҚР Президенті жанындағы Жас­тар кеңесі, Мәдениет министірлігі жанындағы комитеті секілді құрылымдар ай­на­лы­са­ды. Жас­тар са­я­са­ты жұмысын бір жүйеге келтіру арқылы біріктіру ке­рек. Бұл Қазақстанда Жас­тар са­я­са­ты жөніндегі агенттік құру арқылы бо­луы мүмкін. Жа­по­ния, Син­га­пур, Ма­ла­зия елдерінде жас­тар са­я­са­ты­мен құрылымдық-жүйелік түрде жұмыс істеу нәтижесінде туған.
Жас­тар ұйымдарының ор­ны. Жас­тар саясатындағы ба­с­ты орын­ды алушылардың бірі бо­ла оты­рып, жас­тар та­ра­пы­нан көтерілген мәселе лердің қыр-сы­рын білетін тікелей со­лар. Әлемдік тәжірбиеде олардың жас­тар са­я­са­тын орын­да­у­шы аса маңызды субъекті ор­нын ала­ды. Қазақстанда жас­тар ұйымдарыны тар­пы­нан мәселелер көтеріледі. Оларға тиісті құқықтар беріп тең ретінде қарстыру, пікірімен са­ан­су, жұмыстары көлеңкеде қалып кой­мауы бол­са бұл олар еңбегінің жемісі бо­лар еді.
Кешенді тәсіл – әлеуметтік, экономикалық, мәдени, са­я­си,құндылықтар мәселесін біртұтас жүйе ретінде қарастыру маңызды. Осын­дай тәсіл арқылы әрбір же­ке секторға көңіл бөлу негізінде ба­сым бо­лу міндет.
Билік құрылымдары жас­тар мәселесін оларға тең түрде қарау арқылы және олар­ды заң жо­ба­ла­рын тең түрде қатыстыру арқылы ше­ше ала­ды. Жас­тар –мем­ле­кет дамуының са­па­лы кепілі болғандықтан, олардың жай­ын бүгін қам же­ме­сек, еретең кеш бо­ла­ды. Еш­тен кеш жақсы демекші, жас­тар са­я­са­тын күн тәртібіне қойсақ, оған жас­тар­ды тең мүше ретінде қарастырсақ, бұл жұмысқа өз септігін тигізер. Жас­тар қоғам қараым-қатынасындағы келелі фак­тор.
Тұтастай әлемдік тәжірбиеде жас­тар са­я­са­тын жүзеге асы­ру­да екі мо­дель ба­сым еуропалық- он­да жас­тар са­я­са­ты са­ла­сын­да мем­ле­кет ба­сым, ан­гло-саксондық-жас­тар ұйымадары жұмыстарына мемлекеттің жүйелі түрде қатыспай оларға толықтай еркіндік бе­ру негізінде жасалған. Қазақстанға қай моделді таңдау ке­рек? Ең тиімдісі Жа­по­ния секілді екеуінде ұштастыра білу қажет. Еуропалық мемлекеттерінің ба­сым көпшілігінде (Гер­ма­ния, Ав­стрия, Ир­лан­дия, Ұлыбритания т.б) қаржыландыру аймақтық қажетіліктер бой­ын­ша орын­да­ла­ды. Оны Қазақстанда қолдану бой­ын­ша жас­тар әркелкі, мы­са­лы Ал­ма­ты, Ас­та­на секілді ірі қалаларда жас­тар көп шоғырланған оларға соған бай­ла­ны­с­ты қаржыландыру да ба­сым бо­лу ке­рек, ұйымдасыру сияқты әкімшіліктегі жас­тар са­я­са­ты ма­ман­да­ры да деңгейге сай бо­лу қажет.

1
0
1247

«Балалық шағымның аспаны». Отбасылық фильм. («Қазақфильм», 2011 ж.)

Оқиға Нұрсұлтан Әбішұлының шынайы өмір жолын баяндайтын шығармалар желісі негізінде түсірілген. Елбасымыздың кең тарапты өмір атты жолындағы алғашқы жеңістері мен көңілі қалған сәттерін, жүректегі үміт оты мен арманға толы жан-дүниесін әсерлі бейнелей отырып, Елбасының тұлға ретінде қалыптасуын баяндайтын көркем фильм өзінің әсемділігімен көз тартады. Бала кезінен Сұлтан деген есімге ие болған Нұрсұлтан Әбішұлы ұшқыш болуды армандаған екен. Мектепті бітірген шағында Киевтегі азаматтық авиация институтына оқуға түсуге мүмкіндік алады. Алайда, тағдыр оны мүлдем басқа арнаға бұрады...

0
0
1684

Бала құқықтарын қорғау — ел болашағы!

Бала құқығын қорғауда ювеналдық соттардың атқаратын рөлі орасан зор, дегенмен жалғыз өзі жеткіліксіз. Бұл себептен еліміздің жасөспірімдерге байланысы бар басқа да мемлекеттік құрылымдар мен органдар да өздеріне түсетін үлесті кәсіби атқарулары қажет. Соның ішінде ішкі істер бөліміндегі кәмелетке толмағандар жөніндегі инспекциясы жұмысын құқық бұзғаннан кейін ата анасына әкімшілік хаттама толтырмай, балалардың құқық бұзуларын алдын алумен көбірек айналысулары керек, білім беру бөліміндегі балалар мүддесін қадағалайтын орган кәсіби мамандардан құрылуы қажет. Прокуратура қызметкерлерінің ішінде де жасөспірімдер бөлімі немесе бала істері жөніндегі көмекшілердің белгіленуі мен бірге кәмелетке толмағандардың қатысуымен жасалған қылмыстарды сотта қарау барысында айыптау жағынан прокурорлардың қатысуының қаншалықты қажет екендігі де қарастырылу мүмкін.
Сонымен қатар ювеналдық сотта қызмет атқаратын судьяларға да қойылатын талап қатаң болу керек деп ойлаймын. Өйткені бала тағдырын шешу, баланың ата анасымен қатынасын сараптау, жасөспірімнің қылмыс жасаудағы себебін сот отырысы барысында анықтау үшін тек қана балалар мен отбасына байланысты құқықты білу жеткіліксіз. Ол үшін ең алдымен бала психологиясын ғылым ретінде жеке зерттеп, жасөспірімнің ішкі дүниесін түсіне білетін жағдайға жету керек. Неке және отбасы деген ұғымнан хабардар болмаса, шығарған шешімі заңды болғанмен әділдігі күмән туғызуы мүмкін. Сондықтан ювеналдық соттарға судья тағайындау барысында олардың ішінде құқық білімімен қосымша педогогикалық, писхологиялық білімі барлары немесе бала оқытуы және тәрбиесімен айналысқан мамандарды таңдаған дұрыс па деп ойлаймын. Ал ең бастысы ювеналдық судьяның өзі отбасы иесі болуы шарт, өйткені баланың қамын тек қана балалы біледі.

1
0
1045

«Ауылым Көктөбенің бөктерінде». Отбасылық фильм. («Қазақфильм», 1986 ж.)

Арманды әкесі қалада білім алу үшін интернатқа алып келеді. Алайда ол үшін қала өміріне үйрену қиынға соғады. Себебі жатса да, тұрса да ауылы ойдан шығар емес. Арман ауылға кетеді ме, әлде қалада оқуын жалғастырады ма? "Балапан" телеарнасынан 3 шілде, 22:10-да "Ауылым Көктөбенің бөктерінде" фильмін тамашалаңыздар

0
0
2392

Жамбыл облыстық пікірсайыс одағы «Еркін пікір» жастар қоғамдық бірлестігі

Жамбыл облыстық пікірсайыс одағы «Еркін пікір» жастар қоғамдық бірлестігі 2013 жылы өз жұмысын жаңа бастамалармен бастауда. Атап айтар болсақ, облыс әкімдінің жастар саясаты мәселелері басқармасының «Жастар арасында пікірсайыс ойындарын ұйымдастыры және өткізу» тақырыбындағы әлеуметтік маңызы бар жобасын ұтып алды.Жоба шеңбернде облыс көлемінде 2 оқушылар аралық, 2 студенттер аралық пікірсайыс турнирін өткізуды жоспарлап отыр. Сондай-ақ жастар арасында пікірсайыс ойынын насихаттау мақсатында кездесулер, семинар, тренинтнр мен оқыту курстарын өткізбек. Облыстың барлық аудандары мен Тараз қаласында шешедік өнерге баулы мақсатында семинарлар мен жергілікті іріктеу турнирлерін өткізеді. 
Сонымен қатар, Тараз қаласы әкімдігінің ішкі саясат бөлімінің «Жастар арасында пікірсайыс ойынын өткізу» тақырыбындағы әлеуметтік маңызы бар жобасы қала көлемінде бірлестік бірінші жыл ұйымдастырмақ. Аталмыш жоба шеңерінде оқушылар мен студенттер арасында «Тараз қаласы әкімінің кубогы» үшін қалалық пікірсайыс турнирін алғаш рет өткізу жоспарланған. Бірлестік қала жастарының саяси белсенділігін арттыру мақсатында түрлі іс-шаралар өткізу мүмкіндігіне ие болды. Оның ішінде жастар арасында спорттық ойындарға назар аудармақпыз. 
Жамбыл облыстық пікірсайыс одағы «Еркін пікір» жастар қоғамдық бірлестігі 2010 жылдан бері өзінің жұмысын жан-жақты дамытып келеді. Оның ішінде облыстық қоғамдық бірлестіктермен жұмыс атқаруын атап айтсақ болады. Мысалы «Нұр Отан» ХДП Тараз қалалық филиалы «Жас Отан» Жастар қанаты, «Жаңа-Ру» жастар коалициясы, «Тараз» студенттер Альянсы, «Дегерес» және «Қазақстан ауыл жастар одағы» жастар қоғадық бірлестіктерімен және «Жамбыл облысы Азаматтық альянсы» заңды тұлғалар бірлестіктерімен қоян қолтық жұмыстар атқарып келеміз. Атқарылған іс аз емес, бірге жалғастырайық жастар!

1
0
1200