Мазмұнға өту

Жаңа

Қазақстанда ауыл шаруашылығы өнімінің жалпы көлемі 3,4 пайызға ұлғайды

Қазақстанда ауыл шаруашылығы өнімінің жалпы көлемі 3,4 пайызға ұлғайып, 3,3 трлн теңгені құрады, деді ҚР Премьер-Министрінің орынбасары – ҚР Ауыл шаруашылығы министрі А. Мырзахметовтің қоғам өкілдерімен есептік кездесуі барысында.

Кездесу барысында Асқар Мырзахметов Қазақстанның агроөнеркәсіптік кешенінің 2015 жылға арналған негізгі даму бағыттары мен мекеменің ағымдағы жылға арналған міндеттерін баяндап, сонымен қатар қатысушылардың сұрақтарына жауап берді.

«Оның есептік ақпаратына сәйкес былтырғы жыл агроөнеркәсіптік кешен үшін жақсы көрсеткіштермен аяқталған. 2015 жылдың қорытындысы бойынша ауыл шаруашылығы өнімінің жалпы көлемі 3,4 пайызға ұлғайып, 3,3 трлн. теңгені құрады. Бұл ретте республикалық өндіріс көлемінде ең үлкен үлестік салмақ Алматы, Оңтүстік Қазақстан, Солтүстік Қазақстан, Шығыс Қазақстан облыстарына тиесілі», – деді А.Мырзахметов.

Министрдің айтуынша, аграрлық сектор бизнеске тартымды болып, ауыл шаруашылығы тауарын өндірушілердің (АШТӨ) агроөнеркәсіптік кешендегі (АӨК) мемлекеттік саясатқа деген сенімдері артып келеді. Атап айтқанда, бағыттың болашағы бар екеніне ауыл шаруашылығына құйылып жатқан инвестициялар, оның ішінде АШТӨ-нің өз қаржысының 80%-ды құрауы дәлел.

Өсімдік шаруашылығын әртараптандыру бойынша жұмыстар атқарылды. Нәтижесінде, бидайға деген ұсыныс пен сұраныс көлемі теңгерімделіп, ол ауыспалы егісті енгізуге, жемдік астық, майлы, жемшөптік дақылдар мен жалпы бақша дақылдары аумақтарын кеңейтуге мүмкіндік берді. Алайда, егін науқанының қорытындысы бойынша 2016 жылы бірқатар облыстарда меморандумдардың индикативті көрсеткіштеріне қол жеткізілмей қалуы күтілуде. Осыған байланысты А. Мырзахметов әкімдіктерді Меморандумдарда қарастырылған жоспарлық көрсеткіштерді орындау жұмысын жандандыруға шақырды.

Министр жылдың аяғына дейін субсидияға қатысты ескі қағидалардың күші жойылмайтынын айта кетті. Субсидиялардың тиімсіз түрлерінен тиімді түрлеріне көшу бойынша ұсыныстар әзірлеу мақсатында Министрлік Мәжіліс депутаттары, бизнес, ғылым, қоғамдық ұйымдар өкілдерінің, сондай-ақ әкімдіктер мен басқа да мемлекеттік органдардың қатысуымен Жұмыс тобын құрды.

Айта кетейік, кездесуге ауыл шаруашылығы тауарын өндірушілер, салалық одақтар мен қауымдастықтар, барлық деңгейдегі қоғамдық кеңес мүшелері, партиялық және кәсіподақ ұйымдары, орталық және жергілікті атқарушы органдар қатысты. Атап айтқанда, есепті 350 қатысушы залда, 1700-ден аса қатысушы бейне конференция байланыс арқылы тыңдады. Соған қоса, Министрліктің ресми сайты (mgov.kz) мен «Bnews.kz» АА тікелей эфир ұйымдастырылды.

 
0
0
601

АШМ: 2015 жылы бюджеттік субсидия көлемі 2,6 млрд теңгені құрады

2015 жылы бюджеттік субсидия көлемі 2,6 млрд теңгені құрады, деді ҚР Премьер-Министрінің орынбасары – ҚР Ауыл шаруашылығы министрі А. Мырзахметовтің қоғам өкілдерімен есептік кездесуі барысында.

«Ішкі нарықты негізгі азық-түлік тауарларымен қамтамасыз ету жағдайын талдау 2015 жылдың қорытындысы бойынша 80%-ды құрайды. Бұл ретте, күріш, қой еті, тауық жұмыртқалары, бидай ұны, нан бойынша қамтамасыз ету 100%-ды құрайды. Сонымен бірге, ішкі тұтынымдағы отандық өнімнің үлесі жекелеген тауарлар бойынша әлі күнге төмен деңгейде қалып отыр», – деді ол.

Министрдің айтуынша, өзін-өзі қамтамасыз ету жөніндегі міндеттер өңдеуші кәсіпорындардың қант, құрғақ сүт, сары май мен қатты ірімшік өндіру үшін ауыл шаруашылығы өнімдерін сатып алуға кеткен шығындарын өтеу арқылы шешіліп отыр. Мәселен, 2015 жылы бюджеттік субсидиялар көлемі шамамен 2,6 млрд. теңгені құрады.

«Жылдың қорытындысы бойынша ауыл шаруашылығы жануарларының саны көбейді. Генофонның біртіндеп жақсаруы мен жануар өнімділігінің артуы байқалуда. Нәтижесінде, 2015 жылы 16 мың тоннадан астам ет пен ет өнімдері, оның ішінде 6,4 мың тонна тоңазытылған сиыр еті экспортталды», – деді А.Мырзахметов.

Кооперацияны дамыту шеңберінде сүт өндіру мен өңдеуді жоғарылату үшін 700 сүт қабылдау пунктін құру жоспарлануда. Бұл ауыл тұрғындарын айтарлықтай көлемде жұмыспен қамтуға мүмкіндік береді.

 
0
0
675

2016 жылы АӨК-ні мемлекеттік қолдау көлемі 182,7 млрд. теңге деңгейінде жоспарлануда – МШМ

2016 жылы АӨК-ні мемлекеттік қолдау көлемі 182,7 млрд. теңге деңгейінде жоспарлануда. Бұл туралы республиканың аудандық және облыстық әкімдіктерін бейне конференция барысында ҚР Премьер-Министрінің орынбасары – ҚР Ауыл шаруашылығы министрі А. Мырзахметов айтты.

««Агробизнес-2020» бағдарламасы аясында жыл сайын АӨК-ні мемлекеттік қолдау көлемі ұлғаюда. 2015 жылы АӨК-ні субсидиялау көлемі 173,3 млрд. теңгені құрады, бұл 2014 жылға қарағанда 18,1%-ға көп. 2016 жылы АӨК-ні мемлекеттік қолдау көлемі 182,7 млрд. теңге деңгейінде жоспарлануда»,-деп атап өтті министр.

Агроөнеркәсіптік кешенге жұмсалатын шығындардың едәуір бөлігі, атап айтқанда, 2011 жылғы 32 млрд. теңгеден 2016 жылы 155,2 млрд. теңгеге дейінгі немесе 4,9 еселік көлем жергілікті атқарушы органдарға берілгендігін атап өткен жөн.

«Ішкі нарықты негізгі азық-түлік тауарларымен қамтамасыз ету жағдайын талдау 2015 жылдың қорытындысы бойынша 80%-ды құрайды. Бұл ретте, күріш, қой еті, тауық жұмыртқалары, бидай ұны, нан бойынша қамтамасыз ету 100%-ды құрайды.

Сонымен бірге, ішкі тұтынымдағы отандық өнімнің үлесі жекелеген тауарлар бойынша әлі күнге төмен деңгейде қалып отыр»,-деді А.Мырзахметов.

Министрдің айтуынша, өзін-өзі қамтамасыз ету жөніндегі міндеттер өңдеуші кәсіпорындардың қант, құрғақ сүт, сары май мен қатты ірімшік өндіру үшін ауыл шаруашылығы өнімдерін сатып алуға кеткен шығындарын өтеу арқылы шешіліп отыр. Мәселен, 2015 жылы бюджеттік субсидиялар көлемі шамамен 2,6 млрд. теңгені құрады.
Жылдың қорытындысы бойынша ауыл шаруашылығы жануарларының саны көбейді. Генофонның біртіндеп жақсаруы мен жануар өнімділігінің артуы байқалуда. Нәтижесінде, 2015 жылы 16 мың тоннадан астам ет пен ет өнімдері, оның ішінде 6,4 мың тонна тоңазытылған сиыр еті экспортталды.

 
0
0
688

Қызылорда облысы әкімінің жүлдесіне арналған дәстүрлі ХХІ спартакиадада қызылордалық сақшылар үздік нәтиже көрсетуде

Ағымдағы жылдың 22 маусымында мемлекеттік және ведоство қызметкерлері арасында Қызылорда облысы әкімінің жүлдесіне арналған дәстүрлі ХХІ спартакиада салтанатты түрде өз шымылдырығын түрді.

22 маусым – 7 шілде аралығында өткізіліп жатқан спорттық бәсекеге арнайы құқық қорғау құрылымдарымен қатар облыс әкімдігінің басқармалары қатысып, спорттың 9 түрінен бас сынасуда. Бұл байрақты бәсекеден Қызылорда облысының Ішкі істер департаменті де қалыс қалмай, алғашқы күні-ақ тыңғылықты дайындықпен келгендіктерін көрсетіп, әр спорт түрінен үздік нәтижелер көрсетуде.

Мәселен, жарыстың бірінші күнінде өткізілген арқан тарту сайысында қарсыластарын айқын басымдықпен жеңген департаменттің құрама командасы, І орынды қанжығаларына байласа, екінші күні де волейбол турнирінің ақтық ойынында Төтенше жағдайлар департаментінің құрама командасын жеңіп, І орын иегерлері атанды.

Ал шахматтан өткен жарыста  ІІІ орын үшін таласта ОІІД командасы Ұлттық қауіпсіздік комитетінің Қызылорда облысы бойынша департаментінің командасымен кездесіп, есе жіберіп алды. Нәтижесінде VI орынға тұрақтады.

Тағы бір сайыс – пневматикалық мылтықтан атудан Қызылорда ОІІД-нің қызметкерлері алдарына жансалмайтынын дәлелдеп, қарсыластарын сыпыра жеңіп, І орынды қанжығаларына байлады.

Аталмыш спорттық дода шілде айының 7-не дейін жалғасатын болады. Алғашқы күні-ақ Ішкі істер департаментінің құрама командасы үшін жеңісті басталған жарыс әрі қарай да жемісті болары сөзсіз.

 

Қызылорда ОІІД баспасөз қызметі

 
1
0
388

Ақын емеспін, әрине! Сүйікті командамның жеңісіне деген шексіз қуаныш!

Қайсарым мәңгі жасасын!

("Қайсар"-"Шаxтер-Болат" ойынынан кейінгі шабыт)

Әр ойыннан жеңіс күтіп шөлдеумен,
Жырға айналды шабыттанып өр кеудем.
Шын берілген жанкүйердің бірі мен,
"Қайсар", "Қайсар", өтер өмір сен деумен!

4 жыл бопты мен өзіңе сенгелі,
Жеңіс күтіп әр ойынға енгелі
Барса менен бірге тұрған "Қайсарым"!
Айтыңдаршы қай клубтан кенде еді?!

Қарсыласын ойсыратар  жай отындай,
Павинич қасқыр сынды кейіпте еді
Думан-Месси, Елжас-Неймар болатындай
Жақсы ойынның бола білді кейіпкері!

Саxалбаев, Керимжанов ағаларға
Теңдесе алмас бұл өмірде енді ешкім
Шаxтер-Болат ойынында гол көріп,
Эль-Класико көргендей боп күй кештім!

"Қайсар" салар голдарын тізіп құрап,
Кім екенін әлі де жүз ұқтырат!
Енді ешқашан берілмеңдер,мен сенемін
Ойын күтем бұдан да қызықтырақ.

Кедергі болмас Ордамыздың желі де,
Мақтан тұтам мен өзіңді керіле
Қасқыр болып, қайсарлылық көрсетсе,
Премьер-лига қайта алады төріне!

Жар болсыншы бәріңізге бір Аллам,
Қайсарымның жанкүйерінде не арман
Өркен жайып, өсіп-өніп әрқашан,
Сәттіліктер шыға берсін бізге алдан!

Фаризат Амангелді

1
0
926

Жангелді Бағдат: «Қыздарға көп алданып қала беремін!»

- Сыр еліне қош келдіңіз?
- Қош келдік, қош келдік! 

- Көңіл күйіңіз қалай? Гастрольдік сапарларыңыз қалай өтуде?
- Көңіл күйім өте керемет! 100 пайыз десем де болады. « Сыр елі-жыр елі », -дейді ғой! Сыр еліне келуіміз бірінші рет емес енді, осының алдында да келіп жүрміз. Жалпы, Сыр елі өзіме қатты ұнайды! Бұл жақтың желіне, күніне күйіп, керемет әсер алып қайтамын. Халқы да өте керемет. Ең бастысы, өзіме ұнайды. 

- Көңіл-күйіңіздің керемет болғанына бізде қуаныштымыз!
Cіздің әндеріңізді қазіргі жастар сүйіп тыңдайды, жатқа айтады десе де болады. Қоғамдық көліктерде, сауда орындарында, жалпы, халық көп жиналатын қоғамдық орындарда әндеріңізді жиі естіп қаламыз. Дегенмен, өзіңізден бұрын әніңіздің халыққа танылғандығы жақсы құбылыс деп ойлаймын. Қазіргі уақытта өзі танымал, әні белгісіз әншілер көп. Сізді бұл жағынан «бағы жанған әнші»,-деп айтуыма болатын шығар! Әнші ретінде керемет әндерді халыққа сіз танытсаңыз, сізді халыққа таныту біздің, яғни журналистердің міндеті деп есептеймін.
Халықтың ерке баласына айналған сіздей жас әнші қай өңірде туып өсті? Қандай отбасы да дүниеге келдіңіз?
- Мен енді, 1994 жылы Қарағанды облысы, Қарқаралы ауданында дүниеге келдім. Қарапайым жанұяда туып өстім. Әкем-шахтер, анам-сатушы. Кішкентай кезімнен әнші болсам екен, менің әнімді бүкіл Қазақстан орындаса екен деп армандадым. «Түрімді танымаса, танымай-ақ қойсын, тек ғана әнімді білсе болды , сол жететін еді»,- деп, бірақ ол мүмкін емес деп ойлайтын едім. Алладан тілеп,сұрап, тілегім қабыл болдыма, әйтеуір кішкентай ғана тырнақтай бақ берді. Сіз айтып жатсыз ғой, әрине, менен бұрын әнім танымал болып кетті. Осыдан үш жыл бұрын, «Мені ұмыт» деген әнім хит болып, базарларда, машиналар да, кафелерде ойнап жататын. Содан барып, «осы әнді мен айтам ғой»-, десем, ешкім сенбейді. Біреулер бұл әнді Ернар Айдар айтады деді, біреулер Қайрат Нұртас айтады дейді. Сөйтіп, сенімсіздік болып жүрді. Ол кезде менде қаражат та аз болды. Шоу бизнесті білесіз ғой, үлкен қаражатты қажет етеді. Бірден жарқ етіп шығуыма қаражаттың болмауы кедергі болды. Әйтеуір , Алланың берген бағы, күндердің күнінде қазіргі продюсерім, Бөрібай деген ағаммен, бұрындары Асан Пердешовтың продюсері болған, сол кісімен концертте таныстым. Әлі есімде сол концерттің 100 билетін сатып беріп, осы концертке шығайыншы деп өтініп, «Мені ұмытты» айтып шықтым. Сол кезде, Бөрібай ағам: «мына өлеңді сен айтасың ба»,-деді. Сөйтіп ағаммен таныстым. Ағам: "Сен Қарағанды да не істеп жүрсің, саған Алматыға бару керек",-деп айтты. Содан, әке-шешемнің батасын алып, Алматыға алып кетті. Сол кезден бастап, 2-3 жылдай болып қалды, жұмыс жасап жатырмыз. Қазақстанның барлық өңірін, бүкіл облысты аралап келе жатқан жайымыз бар. Бір облысқа барсақ, мәселен, Қызылорда облысын айтатын болсам, ол жерде кішкентай-кішкентай ауылдар бар, үлкен-үлкен аудандар бар, мысалы, Шиелі, Қазалы, Арал, Байқоңыр бар. Солардың қасында қаншама кішкентай ауылдар бар. Ол жерлердегі тұрғындардың көбісі концерт көруге қалаға келе алмайды, теледидардан ғана көреді. Сөйтіп, бүкіл ауылдарды аралап шығамыз деп мақсат қойдық. Сол мақсатымызға жеттік. Екі жылдан бері, 500- ден астам концерт бердік. Бір күнде 2-3 концерт берген кездеріміз де болды. Енді Құдай қаласа, Ақтөбе, Ақтау, Атырау облыстары қалды. Сонымен Құдай қаласа, Қазақстан картасы да бітеді (күліп).

- Жалпы, «Өнер жолы-ауыр жол» дегенді көп естиміз. Сіз соған дайын болып келдіңіз бе?
- Өнер жолының ауыр жол екенін ол кезде білмедік ғой. Ол кезде оңай сияқты көрінетін. Бәрі жылтыр, әншілердің бәрі бай болады деп есептейтін едік. Сөйтіп, өнер жолына келгелі бері, өнер жолының ауыр екенін білдім. Аяқтан шалу, көреалмаушылық көп болады. Бұл жерде бәсекелестік басым.

- Әрине, сөзіңізге келісемін! «Өнердегі бәсекелестік» дегенді қалай түсінесіз? Сізге кім бәсекелес деп ойлайсыз?
- (күліп) Енді, анау- мынау деп айта алмаймын, бірақ көп қой енді. Әншілердің арасында біреу хит ән шығарып қалса, «анау мынандай ән шығарып қойыпты, біз неге мұндай ән шығармаймыз, бір әнші концерт беріп жатыр екен, біз неге жатырмыз»,-деп барынша аяғыңнан шалуға тырысады. Соның бәріне шыдай білу керек, құлаған кезде, "біссіміллә",- деп қайтадан тұрып, алға кете беру керек. Өнерде талап етілетін үш-ақ зат бар. Ол: біріншіден-шаршамау керек,екіншіден- еңбек, үшіншіден-тағы да еңбек. Сонда ғана өнеріңді халық бағалайды. Бірден жұлдыз болып жарқ ете қалу мүмкін емес. Кез-келген әншінің бес жыл, алты жылсыз халыққа кеңінен танылуы мүмкін емес. Бір күнде Москвада құрылмаған ғой. Сол себептен, осындай ауылдардан бастап, концерт қойып келе жатырмыз. Үлкен қалаларға да қойып жатырмыз. Бірақ, концертті, ешкімді қинап өткізіп жатқан жоқпыз. Естіп жатасың, билетті анда беріпті, қинап мында беріпті дегенді. Қинап өткізген болмайды. Төрт адам болса да, он адам болсада концерт қойып жатырмыp. Ең бастысы, шынымен мені көргісі келіп, мені тыңдағысы келіп жүрген көрермендер келеді. Қазір ауылдық жерлерге әншілер көптеп келеді. Бірақ , халық әншіні өзі таңдайды. Біреуге ұнаған әнші, енді біреуге ұнамауы мүмкін. Әркімнің өзінің талғамы бар. Мысалы, сіз өзіңізге ұнамайтын тамақты жемейсіз ғой, бұл да сол сияқты. Менің де өз тыңдармандарым бар. Әр нәрсе өз ретімен болады, Алла қаласа!

- Жангелді, ең алғаш әніңіздің хит болғанын білгенде, көп жерден естіп жүргенде, қандай сезімде болдыңыз?

- Әнім хит болғанда, мен Шымкентке жұмыс істеуге келдім. Сол кезде Қуаныш Жаманқұлов, өнердегі ең алғашқы ағам, ол кісіге мыңда бір рахмет айтамын. Ол кісі Қайрат Нұртастың барлық өлеңдерін жазды десем қателеспеймін, қазір де көптеген әншілердің хит әндерін жазып жүр. Ең алғаш сол кісінің әндерін орындап шықтым. Бар жиған-тергенімді алып, осы кісіге келіп, «маған ән беріңіз»,- дедім. Әне жазамыз, міне жазамыз деп жүріп, сол кісінің үйінде тұрдым. Бір күні Шымкентте тойда жүрген кезімде , «Мені ұмыт» деген әнді естідім. Жаңағы өлеңді тыңдап тұрсам, «меніі ұмыттттт» деп айтып жатты. «Қуаныш аға, мына өлең маған арналған сияқты, шығарсақ қалай болады»,- дедім. Бірақ, ол кісі:"Мен бұл өлеңді сатып қойғанмын",-деді.Мен: «бүкіл ақшамды алыңыз, бірақ мына өлеңді маған қалайда алып беріңіз»,- дедім. Сөйтіп, бір амалын тауып, алып берді. Бір айдан кейін, Шымкенттен бастап хит бола бастады. Таксиге отырсам, өлеңімді естимін. Достарым, таныстарым, туысқандарым хабарласып құттықтап жатты. Содан, Қарағандыға қайттым. Бірақ, ақша болмай, екі жылдай жүріп қалдым. Әрине, мұның бәрі Алланың қалауымен болады.

- Әндеріңіздің бағыты қандай? Сізбен сұхбаттаспастан бұрын, әндеріңізді тыңдап, сіздің шығармашылығыңызға зерттеу жасадым. Репертуарыңызда махаббат жайлы әндер басым екен. Әндеріңіздің сіздің тағдырыңызға қатысы бар ма?
- Тағдырыма қатысты. «Мені ұмыт» деген, дәл менің басымнан өткен оқиға. Негізіәндерімнің көбісі өміріме қатысты. 

- Халық, жалпы өздерінің сүйікті әншісінің жеке өмірі жайлы білгісі келеді. Осыншама әдемі ән туғызған жүрегіңіздің жартысы бар ма? Өзіңізді махаббатта жолы болған адам деп есептейсіз бе?
- Махаббатта жолым болмады(күліп). Маған жолыққан қыздардың бәрінің жігіті болады, көбінесе мені тастап кетеді. Менің аңқаулығым ба, менің ақкөңілдігім ба, әйтеуір қызға алданып қала беремін. Сол себептен, махаббатта бағым жанбады. Қазір басым бос (күліп). Қыздарға сенбеймін. Бірақ та, бес саусақ бірдей емес ғой. Құдай қаласа, қыздардың арасынан бір әдемі, ибалы қыз жолықса. Негізі қыздың әдемілігіне қарамаймын. Ең бастысы, менің әке-шешемді сыйласа болды. Қаланың қыздары маған керек емес. Ауылдан шыққан апа-жеңгелеріме ұқсайтын инабатты қыз іздеймін. 

- Әлеуметтік желілерді қаншалықты деңгейде пайдаланасыз?
- Әлеуметтік желілерді осы, бір жылдықтың көлемінде ғана пайдаландым. Оның алдында әлеуметтік желілерді білмейтін едім. Тек ғана «агентте » отыратын едім. Бәрі күлді. Достарым: «Агентте отырмасай, әншілер агентте отырмайды, вк ға кір, инстаграмға кір»,- деді. Сөйтіп инстаграм аштық. Бірінші инстаграм да адам көп еді. Отыз мыңнан астам адам болған. Ол инстаграмды біреулер қасақаналықпен бұзып тастады. Қазір жаңадан аштым, бес айдай болды. Он мыңнан аса оқырманым бар. Құдай қаласа жиналатын шығар деп ойлаймын. 

- Сіздің инстаграм парақшаңызға қарасам, сізге пікір білдіретіндердің басым бөлігі-жасөспірім қыздар екен. Дегенмен, көрермендер арасынан үлкенді де, кішіні де көрдік. Ел аралап жүріп, сізді қандай аудитория тыңдайтынын анықтай алдыңыз ба?
- Аудиториямды таптым деп ойлаймын. Негізі менің концертіме үлкен кісілер аз келеді. Сол, ары кетсе бірінші сыныптан-төртінші курсқа дейін ғой. Кішкентай балалар мамаларын, папаларын, ағаларын ертіп келеді. Сөйтіп, әндерім сол кісілерге де ұнап жатады.

. 

- Жасыратыны жоқ, ауылдық өңірлерге әншілер көп бет бұра бермейді. Ал, сіздің осындай кішкентай ауылдарға гастрольдік сапармен келуіңіздің себебі неде?
- Себебі, кішкентай кезімнен еліктеген әншім – Қайрат Нұртас. Оны мойындаймын. Қайрат- халық сүйетін жақсы адам. Оны мен барған жерімде айтып жүремін. Ондай мега хит адам әлі туылған жоқ. Қазақта ондай әнші жоқ, әлі. Әркімнің өзінің орны бөлек. Бірақ, ондай Қайратқа берілгендей бақ ешкімге берілген жоқ. Алайда, өзім, кішкене жүрегім сезеді, мағанда берілетін сияқты (жай күліп). Қайрат менің кішкентай кезімде ауылға келген еді. Ол кезде біздің ауылға ешқандай әнші келмеген. Есімде әлі, көрермендер жиырма бес адамдай ғана болды. Билеті- 70 теңгеден болған. Сол кезде бәріміз Қайраттың «Армаааннн» деген әнін білетін едік. Содан бергі арманым-әнші болып, Қайрат сияқты ауылдарды аралау. Мені өшіретін де, өсіретін де халық, яғни, ауылдың азаматтары, өзіммен жасты жастар қауымы, қыздар, апалар.Ертең мен теледидарға шығып жатсам, мені бір жерден көріп қалып жатса , менің тілеуімді тілеп, батасын беріп, «осы бала біздің ауылға келген еді»,- деп жатса, мен үшін соның өзі үлкен бақыт. 
Қазақстанда қаншама ауыл бар. Қарапайым халық көп, қалаға қарағанда. Сол қарапайым халықты мойындатып , сол кісілердің батасын алсаң, сен өстің деген сөз. Ол кісілерге жақпасаң, өштің деген сөз. (күліп) 

- Қандай авторлармен жұмыс жасайсыз? Кімдермен шығармашылық байланыстасыз?
- Қазіргі таңда жас ақын Бақдәулет Арыстаннан көп ән алам. Ол көптеген хит әндердің авторы. Одан кейін Айжан Айдарова, Нұрислам Сәменқұлов. Ринат ағамыздан ән алатындай шамамыз жеткен жоқ. Әрине, өзімнің шамамды білем. Ол кісілеге бару үшін сәл аяққа нық тұрып алып бару керек. «Көрпеңе қарап көсіл » дейді ғой. Алдағы уақытта бәрі бола жатар. 

- Қазіргі эстрада жұлдыздары қырғыздың, өзбектің, түріктің әндерінен плагиат жасайды, яғни әнін ұрлайды. «Өнерде шекара жоқ»,- деп жатады ғой. Дегенмен, бұл қаншалықты дұрыс? Сіздің репертуарыңызда осындай әндер бар ма?
- Мен өзім негізі плагиатты дұрыс деп ойлаймын. Әркімнің ойы әрқалай ғой. Әдемі өлең болып тұрса, әуені әдемі болып тұрса, неге айтпасқа? Басқа елдің әні болса, оны қазақшалап, әдемі сөзбен аударып айтып жатса, бәлкім Қазақстанға да ұнайтын шығар. Мысалы, біздің әндерді де ұрлап айтып жатқан адамдарда бар. Рұқсат сұрап алсаң, ұрлағанға жатпайды, плагиат болсада. Мысалы, мұхит асып, Финляндияның әні болып жатса, енді ол кісіні, композиторын табу қиын болады. Бірақ көршілес жатқан Өзбекстан, Қырғыстаннан болса рұқсат сұрап алуға болады. Әдемі әндер болып жатса, плагиат дұрыс деп ойлаймын. Менің әндерімнің көбі плагиат. Мен оны жасырмаймын. «Мені ұмыт» та плагиат. Әні түріктікі, сөзі Қуаныш ағаныкі. Хит болған әндердің бәрі плагиат. «Ах, жаным» деген бар. Ол да плагиат, түріктің әні. Оны мен ұялмай айтамын. 

- Сыни пікірлерге мән берсек, сізді «тойдың гүлі» деп жатады. Оңтүстік өңірдің тойларына жиі қатысады екенсіз. Болашақта өзіңізді киелі сахнадан көп көресіз бе, әлде тойлардан ба?
- Сын-пікірлерге жақсы қараймын. Тойға шақырып жатса барамыз. Той болмаса тағы болмайды, өзіңізде білесіз. Көбінесе оңтүстік өңірлерде боламыз. Енді, өзімді тойдың әншісімін, сахнаның әншісімін деп бөлмеймін. Той туралы да өлеңдер айтамыз. «Той-халықтың қазынасы» Ал, концерт өз алдына. Екеуін бөліп-жарудың қажеті жоқ. Себебі, бізге мемлекеттен бөлініп жатқан ақша жоқ. Тойдан тиын-тебен өндірмесек қиындау болады. 

- Сіз халыққа енді танылып келе жатырсыз. Байқаймын, бірнеше бейне клипіңіз бар. Оған қаншама қаржы жұмсалғаны белгілі. Дегенмен, байқап қарасақ, клиптің сәніне,стиліне, түсірілу бағытына, түскен кейіпкерлеріне қарасақ, асығыс жасалған дүние сияқты. Қарапайым гримді де байқамаймыз. Сол клиптердің көрермендері сізге сын айтпайды ма?
- Бейне клиптерімде кемшіліктер бар екенін білемін. «Біткен іске сыншы көп». Алдағы уақытта керемет клип түсіргелі жатырмыз. Сол кезде бағасын беріп, саралайтын боласыздар. 

- Алдағы жоспарларыңызбен бөліссеңіз, қандай армандарыңыз бар?
- Арманым көп. Көптеген хит әндер шығарып, халықпен бірге болу.

- Жангелді, сұхбатыңызға көп-көп рахмет! Шығармашылығыңызға табыс тілеймін. Біздің оқырмандарымызға қандай тілегіңіз бар?
- Ал, енді сөз соңында тыңдармандарыма «мені тыңдап жүріңіздер, біз әрқашан біргеміз»,- дегім келеді(күліп). Сіздер басқа қалада болсаңыздар да, әрқашан жүрегіміз бірге. Бізбен, сіздерді жалғайтын әуезді әндер көп болсын. Мен сіздерге әндеріммен, өзімнің шынайы екенімді дәлелдеймін. Маған жақын болғыларыңыз келсе, менің әндерімді тыңдаңыздар. Сіздерге де  творчествалық табыс тілеймін. Көп-көп рахмет сіздерге!

-Сау болыңыз!
-Келесі де кездескенше!

 

Сұхбаттасқан: Фаризат Амангелді

1
0
2063

Тікелей байланыс

2016 жылдың 22 маусымда ҚР Мемлекеттік қызмет істері Министрлігінің Батыс Қазақстан облысы бойнша Депаратменті басшысының орынбасары, Әдеп жөніндегі кеңес атшылығының меңгерушісі Ж.Мұратов «Қазақстан-Орал» телеарнасының «Ел алдында» бағдарламасына қатысты.

 

0
0
367

Қайрат Мәми Ақтөбе облысының активі мен судьяларына облыстық соттың жаңа төрағасын таныстырды

Жоғарғы Сот Төрағасы Қайрат Мәми Ақтөбе облыстық сотындағы өңірдегі судьялардың кеңейтілген кеңесінің жұмысына қатысты.

Іс-шараға облыс әкімі Бердібек Сапарбаев, Ақтөбе және Солтүстік Қазақстан облыстық соттарының төрағалары Ерлан Айтжанов пен Мұратқали Әкетай қатысты. Бұған қоса, облыс активі, өңір судьялары, Судьялар одағы филиалы мен Соттар әкімшісінің басшылары қатысты.

Кеңесте Қ.Мәми заңға сәйкес Е.Айтжановтың облыстық сот төрағасы лауазымындағы бес жылдық мерзімінің аяқталғандығын және ағымдағы жылғы 20 маусымдағы Президент Жарлығымен Ақтөбе облыстық сотының төрағасы қызметіне Мұратқали Әкетайдың тағайындалғанын мәлімдеді.

Жоғары сот органының төрағасы жаңадан тағайындалған облыстық соттың төрағасын білікті заңгер әрі тиімді басшы ретінде таныстырды. М.Әкетайдың облыс прокурорының орынбасары, облыстық соттың алқа төрағасы және Солтүстік Қазақстан облыстық сотының төрағасы лауазымдарындағы жұмыстары аталып өтілді.

Қ.Мәми облыстың сот жүйесін дамытуға қосқан үлесі үшін Е.Айтжановқа алғыс білдірді. Мемлекет басшысының Жарлығымен ол Солтүстік Қазақстан облыстық сотының төрағасы болып тағайындалды.

Кеңес шеңберінде облыс соттары қызметінің, Сот әдебі жөніндегі комиссияның және Судьялар одағы филиалының ағымдағы жылғы 5 айдағы жұмысының қорытындылары талқыланды.

Жоғарғы Сот Төрағасы «100 нақты қадам» Ұлт Жоспарында көзделген шараларды іске асыру шеңберінде еліміздің сот жүйесіне енгізілген жаңашылдықтар туралы айтып өтті.

Атап айтқанда, сот төрелігі үш буынды жүйеге көшті. Жоғарғы Соттың жанында инвестициялық дауларды қарайтын мамандандырылған алқа мен Халықаралық кеңес құрылды. Азаматтық сот ісіне прокурордың қатысуы шектелді, тергеу судьяларының соттылығы кеңейді.

Біліктілік талаптары мен судьялық лауазымға кандидаттарды іріктеу механизмдері күшейтілді. Психологиялық тестілеудің рөлі күшейтілді, полиграфологиялық зерттеу енгізілді. Жоғары сот кеңесі дербес аппараты бар автономды мемлекеттік мекеме ретінде түбегейлі реформаланды, Жоғарғы Сот жанындағы Сот төрелігі академиясы өз жұмысын жаңа мәртебеде бастады.

Соттарда аудиобейнетіркеу жүйесін енгізу мен қолдану бойынша белсенді жұмыс жүргізілді. Айталық, ағымдағы жылдың 5 айында респубика бойынша 310 405 сот процесі тағайындалып, оның 84% АБТ жүйесін қолдану арқылы қаралды.

Қ.Мәми ағымдағы жылдың күзінде судьялардың съезінде қабылданады деп жоспарланып отырған жаңа Әдеп кодексі жобасының әзірленгендігін айтты.

Кодекс жобасы республиканың судьялар қауымдастығымен келісілді және Жоғарғы Сот жанындағы Халықаралық кеңестің отырысында мақұлданды. Ол бойынша Еуропалық Кеңестің Венециялық комиссиясы сарапшыларының қорытындысы алынды.

Жоғарғы Сот Төрағасы ағымдағы жылдың 5-6 маусымында Ақтөбеде өткен оқиғалармен байланысты ұлттық қауіпсіздікті қамтамасыз етуге бағытталған ел Президентінің бірқатар нақты тапсырмаларына назар аударды. Атап айтқанда, экстремизм мен терроризмге, сондай-ақ қару-жарақтың айналымына қарсы іс-қимылды күшейту бойынша заңнамалық және өзге де шараларды пысықтау үшін ведомствоаралық жұмыс тобы құрылды. Бұл шаралар көші-қон мен діни бірлестіктердің қызметін реттеу салаларына қатысты болып отыр. Жоғарғы Сот пен Ақтөбе облысының судьялары аталған мәселелер бойынша заңнаманы жетілдіруге белсенді қатысуы тиіс.

Қ.Мәми барлық маңызды мемлекеттік мекемелерді қорғауды күшейтуге, оларды қараудың заманауи құралдарымен, сапалы бейнебақылау жүйесімен жарақтандыру қажеттігіне назар аударды. Осы ретте аталған шаралар азаматтар үшін ыңғайсыздық туғызбауы тиіс.

«Судьялар мен соттар аппараттары қызметкерлерінің арасында түсіндіру жұмысын жүргізу қажет. Әрине, мұндай жұмысты процеске қатысушылармен де жүргізу қажет. Осы бағыттағы ереже БАҚ-та кеңінен жарияланды. Оларды білу керек және құқық қорғау органдары мен арнайы қызмет қызметкерлерінің осы жағдайдағы талаптарына түсіністікпен қарау керек», - деді ол.

Жалпы алғанда, соттар жұмысы үшін қажетті барлық жағдайдың жасалғандығы, соған сәйкес жұмыста оң нәтижелердің бар екендігі аталып өтілді. Осы ретте Ақтөбе облысының судьялар қауымдастығының алдына сот төрелігін жүзеге асыру және тұрғындар үшін соттардың қолжетімділігін арттыру бойынша нақты міндеттер жүктелді.

Кеңес шеңберінде Ақтөбе облысының әкімі Б.Сапарбаев, жаңадан тағайындалған облыс соттарының төрағалары, өңірдегі актив пен судьялар қауымдастығының өкілдері сөз сөйледі.

http://sud.gov.kz/kaz/news/kayrat-mmi-aktobe-oblysynyn-aktivi-men-sudyalaryna-oblystyk-sottyn-zhana-toragasyn-tanystyrdy

0
0
453

Мемлекеттік қызметшілердің кәсіби мерекелері аталып өтті

2016 жылдың 23 маусымында Ақмола облыстық филармониясында Мемлекеттік қызметші күніне арналған салтанатты іс-шара өтті.

Іс-шара өмір жолдарындағы маңызды сәт Мемлекеттік қызметші күнімен сәйкес келген жас мемлекеттік қызметшілердің ант беруінен басталды.

Мерекеге қатысушыларды кәсіби мерекелерімен Ақмола облысы әкімінің орынбасары Н. Нұркенов, Мемлекеттік қызмет істері департаментінің басшысы Қ. Жапақов құттықтады.

Облыс өңірінің 20-дан астам мемлекеттік қызметшісі үлгілі мемлекеттік қызметі үшін Ақмола облысы әкімінің алғыс хатымен, департамент басшысының құрмет грамотасымен марапатталды.

Сонымен қатар, мол тәжірибе жинақтап, оны жас мемлекеттік қызметшілерге  дарытқан мемлекеттік қызметтің ардагерлеріне алғыс хаттар табысталды

500 шақты адам қатысқан іс-шара мерекелік концертпен аяқталды.

0
0
521

Жан-жануарлар спутниктен бақыланады

ҚР АШМ министрі ұлттық парктердің насихатталуы мен жаңа технологиялардың енгізілуі туралы айтты.

Қатаң күзетілетін табиғи аумақтарға фототұзақтар орнату мен жануарлар әлемін спутниктік шамшырақтар қолдану арқылы мониторингілеудің жаңа технологиясы ендірілуде, деді Алматы облысы аграриилерімен болып өткен есептік кездесуінде ҚР Ауыл шаруашылығы министрі Асқар Мырзахметов.

«Бірқатар орталықтар және ҚР БҒМ зоология институтымен ғылыми әріптестік аясында жануарларды бақылауға арналған автоматты камералардың көмегімен «Көлсай көлдері», «Ақсу Жабағылы», «Алматы» ұлттық парктерінде қар барыстары суретке түсірілді. Алдағы уақытта фототұзақтар құру арқылы тау барыстарының мекен ету аймағы мен санын анықтау жұмыстарының аясы кеңейтіледі», - деп ойын жалғады ол.

Сонымен қатар, министр жан жануарлар мен өсімдіктер әлеміне деген жанашырлық ұстанымды насихаттау үшін «Қазақстан» РТРК мен бірлескен түрде «Мәлім және беймәлім Қазақстан» айдарымен аса қатаң қорғаудағы табиғи орындар туралы бейнефильмдер топтамасының көрсетіліп жатқанын жеткізді

«Ол фильмдерге Қарқаралы, Бұйратау, Бурабай, Ерейментау сынды ұлттық парктер мен Барсакелмес, Қорғалжын сынды қорықтар, Ырғыз-Торғай тәрізді табиғи резерваттар кірген. Осы бастамаға орай Комитеттің қолдауымен «Неизведанный Казахстан» айдарымен «СТВ» арнасында да түсірілмдер жүргізілуде, - деп түйіндеді А.Мырзахметов.

   
0
0
745