Мазмұнға өту

Жаңа

Павлодар жағажайында Астана күні өтті!

Астана күніне орай, дәлірек айтқанда, дәл осы жексенбі күні Жастар бастамаларын дамыту орталығы ұйымдастырған бірқатар шаралар арқасында, Павлодар қаласының қонақтары мен тұрғындары «Астана Кубогіне» таласты да, автокөлік моторының гүрілін де, жазғы тамаша көңіл-күйді де көріп қана қоймай, сезіне алды.

Спорт алаңдарында жағажай футболы мен волейбол жарыстары өткізілді. Қатысушылардың айтуынша, әдеттегі футболдан жағажай футболын ойнау әлдеқайда қиын көрінеді. Дегенмен, жеңімпаз атануға біршама үміткерлер жиналды. «Астана Кубогіне» бала кезінен допқа құмар ұлдармен қатар, «Жасыл ел» құрамасынын атынан қыздар қауымы да бағын сынап көрді.

Футболмен қатар, жағажай волейболының қатысушылары да қарсыласының қақпасына гол кіргізуді көздеді.

Жағажай Чемпионатының нәтижесінде, орындар келесідей бөлінді: «Sunrise» командасы «Астана Кубогін» жеңіп алды, 2 орынға «Барыс» командасы иеленсе, 3 орынды «Барс» және «Жасыл ел - girls»командалары бөлісті.

Жағажай волейболы бойынша «Ұлан» командасы жеңіске жетті, 2 орынға «Радуга» командасы, 3 орынға «Сансей» командасы жайғасты.

Сонымен қатар, Астана күніне орай, Жастар бастамаларын дамыту орталығы «Ритм» шығармашыл жастар бөлімімен бірлесе отырып, мерекелік автожарыс ұйымдастырды. Павлодар қаласының көшелерімен түрлі автожарыстың жеңімпаздары атанған 13 спорт көліктері жүріп өтті.

Мерекелік кортеждің бір бағыттық нысаны дәл осы Орталық Жағажай болды. Бұл жер бірден автокөлік көрмесіне айналды. Көпшілік ерекше автокөліктермен суретке түсуді бастады.

1
0
1226

Электронды сот құжаттарының түпнұсқасы QR-код арқылы расталатын болады

Баршамызға мәлім, кейбір азаматтар онлайн-қызметтерді тұтынуға әлі күнге дейін күмәнмен қарайды. Дей тұрғанмен, «Сот кабинеті» сервисі тұтынушыларының саны күн өткен сайын артып келеді және қазіргі таңда республиканың сот органдарына 809 мыңнан астам талап арыздар, өтініштер мен өзге де құжаттар электронды нұсқада келіп түскен. Электронды сот төрелігін одан әрі дамыту мақсатында ҚР Жоғарғы Сотының жанындағы Соттардың қызметін қамтамасыз ету департаменті тұтынушылар үшін сот құжаттарының, соның ішінде электронды сот актілерінің легитимділігін тексеруге бағытталған арнайы сервисті іске қосты.

Бұдан былай азаматтар мен заңды тұлғалардың өкілдері QR-код (екі өлшемді штрих-код) арқылы электронды құжаттардың легитимділігін анықтай алады. QR-кодты тексеру үшін Мобильді Сот кабинетінің соңғы нұсқасын орнату қажет және арнайы функция арқылы орналастырылған қағаз нұсқадағы сот актісінің QR-кодын сканерлеуге болады. Бұдан кейін смартфонның экранына Жоғарғы Соттың сервері арқылы қорғалған, қажетті барлық атрибуттары бар, электронды цифрлық қолтаңба қойылған электронды құжат шығады. Бұл құжаттың сот органдарының деректер базасынан алынғандығын, яғни легитимділігін растайды.

Аталған шаралар сот төрелігінің айқындығын одан әрі арттыруға ықпал етеді және электронды сот төрелігіне кезең-кезеңмен көшудің келесі қадамы болып табылады.

Жоғарғы Сот өз тарапынан барлық тұтынушыларды сот жүйесіне енгізіліп жатқан ақпараттық технологияларды кеңінен қолдануға шақырады, сондай-ақ азаматтардан «Сот кабинеті» сервисін (www.office.sud.kz) жетілдіру бойынша ұсыныстар күтеді.

http://sud.gov.kz/kaz/news/elektrondy-sot-kuzhattarynyn-tupnuskasy-qr-kod-arkyly-rastalatyn-bolady

0
0
451

БҚО-да Әдеп жөніндегі кеңестің кезекті отырысы өткізілді

ҚР Мемлекеттік қызмет істері министрлігінің БҚО-дағы Әдеп жөніндегі кеңесінің 2016 жылдың 30 маусымында өткен кезекті отырысында Жаңақала және Бөрлі аудандарының    мемлекеттік қызметшілеріне қатысты тәртіптік істер қаралды.

- Алдымен, Әдеп жөніндегі кеңес отырысында, Жаңақала ауданы әкімінің орынбасары Д.Закариннің, Жаңақала ауданының кәсіпкерлік бөлімінің басшысы Е.Мендіханның және Жаңақала ауданының мәдениет, тілдерді дамыту, дене шынықтыру және спорт бөлімінің басшысы Б.Қарағойшиннің, ауданда құрылған қоғамдық қордың қызметіне құқыққа сыйымсыз араласу мәселесіне қатысты Жаңақала аудандық прокуратурасының ұсынысы қаралып, талқылау қорытындысы бойынша Әдеп жөніндегі кеңесімен Қазақстан Республикасының мемлекеттік қызметі туралы Заңының 50-бабының 1-тармағының 1- тармақшасында көзделген мемлекеттік қызметке кір келтiретін тәртіптік теріс қылық жасауға жол бергендері үшін, аталған тұлғаларға қызметтеріне толық сәйкес еместігі жөніндегі ескерту түріндегі тәртіптік жазалар қолдану туралы аудан әкіміне ұсыныс беру жөнінде шешім қабылданды.

Келесі, Бөрлі ауданының экономика және қаржы бөлімінің басшысы Г.Шамгонованың, Успенов ауылдық округінің әкімі Г.Зайнуллиннің, Приуральный ауылдық округінің әкімі Т.Раимкуловтың, Қарағанды ауылдық округінің әкімі Д.Акмамбетовтың, Ақсай қаласының әкімі Ж.Ермукановтың, Бөрлі ауылдық округінің әкімі В.Баштовенконың, Березов ауылдық округінің әкімі Ж.Хайруллиннің атқарылмаған қызмет түрі бойынша жасақталған жалған актіге қол қойып, толық есеп айырысу мәселесіне қатысты Сыбайлас жемқорлыққа қарсы іс-қимыл Ұлттық бюросының БҚО бойынша Департаментінің Бөрлі аймағы бойынша ауданаралық басқармасының ұсынысы қаралып, нәтижесінде Әдеп жөніндегі кеңесімен Қазақстан Республикасының мемлекеттік қызметі туралы Заңының 50-бабының 1-тармағының 4, 5-тармақшаларында көзделген мемлекеттік қызметке кір келтiретін тәртіптік теріс қылық жасауға жол бергендері үшін қызметтеріне толық сәйкес еместігі жөнінде ескерту түріндегі тәртіптік жаза қолдану туралы Бөрлі ауданы әкіміне ұсыныс беру жөнінде шешім қабылданды.

 
0
0
526

Қош келдің Рамазан!

Рамазан – ерекше ай. Ол Тәңірдің адамзатқа берген айрықша сыйы. Отыз күн жұмаққа беттелген отыз қадамдай жанды баурап алатын қасиетті уақытта жүрек дүрсілі жиілейді.

Дін күрделі дүние. Қай тараптан да нұр таратқан ислам дінін бүгінде мазаққа айналдырғысы келіп жүрген қалталы ұйымдар көп. Дегенмен, бұл көзі ашық, көкрегі ояу, иманы мықты пендені тура жолдан тайдыра қоймайды. Себебі ислам қашан да мейрімділікті үндейді. Елімізде және күллі әлемде болып жатқан дін төңірегіндегі оқиғаларды көріп таң қалудан қалдық. Миссионерлердің құрбаны болып жатқан жастар бұл қадамға екі мәселе бойынша барады. Біріншісі, өзара қомақты қаражат уәделеседі. Қазір теледидар, ғаламтор байлықты жиі насихаттайды. Көп функционалды қалта сымтетіктерін, зәулім үйлерді, қос-қос мәшіне, саяхаттарды көріп, ауызы ашылып жүрген жастардың ақшаға деген құмарлығы ұлғаяды, қанағат дегенді ұмытады. Екіншісі, олардың діни сауаты төмен болғандықтан, кейде тіпті мүлдем жоқтықтан барады. Исламтану пәндерін бір оқу орындарында өтсе, бірінде өтпейді. Бала түгілі кәлимә келтіруді білмейтін ата-аналар да көп кездеседі. Бұл өкінішті жайт. Үлкен проблема. Ел боламыз десек діни сауатымыз, тәлім-тәрбиеміз, біліміміз зор болуы тиіс.

Рамазан – айлардың сұлтаны. Игі істер молайатын маусым. Біз Аллаһ Таалаға барынша жақын болғанымыз абзал. Жаратушымызға бұрылып бір қадам жасасақ, Жаратушымыз бізге қос қадам жасайды. Бірлігіміз, барлығымыз үшін күні-түні сансыз мадақтар мен алғыс айтуымыз тиіс. Шүкіршілік етуіміз керек. Тек қанағат етпей, бұл сөздің мағынасын аңғаруымыз шарт. Бұл ай діннен алыс адамдарды жақындатады, рухтарын асқақтатады, жақсылық жасау ниетін одан әрі дамытады.

Қасиетті Рамазанда шын ықыласпен ораза тұту арқылы, пенде өзін Алланың қаһарынан, тозақ отынан, қабір азабынан, Дәджәлдің арбауынан, мүнәфиктіктен сақтайды. Адам жаратылысы алдында не күтіп тұрғанын білмейді. Сондықтан, Рамазан – ертеңгі күннің шуақтылығы үшін үлкен мүмкіндік, кепілдік, Алланың берген ерекше сыйы. Иман келтіргендер үшін ораза ұстау қиындық тудырмайды. Олар жыл сайын осы сәттерді қуана-қуана күтіп, бар ынтасымен ауыз бекітеді, ауыз ашар жасайды, садақа береді. Бар болғаны Аллаһ разылығы үшін. Аллаһ ұлық!

Ислам діні жанды түбімен балқытатын, жүректі жұмсартатын, рухты азықтыратын дін. Исламда жылы жүз таныту, күліп сөйлеудің өзі – сүннет. Ислам не үйретеді? Қашан да таза жүруді. Ашық-шашық киініп, жалаңаштанып көшеге шықпауды. Ар, намыс – 5 күндік фәнидегі барлық нәрседен жоғары тұратынын айтады. Мейлі жақын, мейлі бейтаныс болсын қолдан келіп жатса көмек беруді. Рақымдылық, ізгілік, адалдықты үйретеді. Бес уақыт намазды уақытылы әрі шын көңілмен оқуды парыз етеді.

Рамазан айында 83 жылдың сауабына пара-пар қасиетті Қадір түні бар. Бұл жамағат мешітке үйіліп, тәсбех тартып, құран оқып өткізетін түн. Сондай-ақ Рамазанда жасаған бар игі істер мен жақсылықтардың сауабы еселеніп жазылады. Міне, Жаратушы Алланың шексіз махаббаты, шапағаты, ұлылығы...

Әр бір батқан түн, атқан таң үшін Аллаға сансыз мадақтар болсын. Аллаһ ұлық, Мұхаммед Мұстафа (с.ә.у.) оның елшісі. Баршамызға Қасиетті ай мүбәрәк!  Рамазаннан рамазанға жете берейік! Еліміз тыныш, жұртымыз аман болсын! Сауапты іс жасаудан өзімізді аямайық, құрметті оқырман, жадыңыза тұтыңыз, бұл дүниедегі барлық нәрсе осында қалады, арғы дүниеге тек жақсы амалдар мен дұға-тілектерді алып кетеміз...

2
0
3145

Пікір

Алматыдағы «Астана» қонақ үйінде «Қазақтың тілі мен тарихы – ұлттың алтын қазығы» деген тақырыпта қоғамдық талқылауда академик Асқар Жұмаділдаев өте сауатты пікір білдірді.

– Біздің министр қазақ балаларының білімі төмен деп айтады. Бос сөз. Кешегі өткен ҰБТ-да ең жақсы нәтиже көрсеткен қазақ мектебінің балалары. Құдай біледі, «Болашақпен» шетелге оқуға кеткендердің 80 пайызы қазақ мектебін бітірген балалар. Қазақша мектепте оқу методикасы қалыптасты.

Қазақ тілінде бастауышке, орта мектепке лайық жеткілікті тіл бар. Біз қазақтың тілі бай дейміз. Сол бай тіліміз орта мектепке білім беруге жарамайтын болса, ол тілдің не керегі бар?! Министрліктің өкілдері «қазақ тарихын қазақ тілінде оқытатын болдық» деп жетістік ретінде айтып отыр. Бұл жетістік емес, күлкілі нәрсе. Бүкіл ғылымның барлығы ана тілінде оқытылуы керек.

 
0
0
553

Бізде тәуелсіздік алғалы бері 18 министр ауысыпты

Сонда оқу-ағартудан кеткен кемшілікті, олқылықты кімнен сұраймыз? Ешкім де жауап бермейді. Бәрін бүлдіріп алады да, Сағадиев те кетеді ертең. Кінәнің бәрін өзіне арқалатады да, қоя береді. Әрқайсысы бір-бір реформамен келеді. Мектепте үш тілде оқыту – балалардың басын шіріту. Бізге ұлтты жоюдың программасын жасап бергендей біреулер. Соны біртіндеп іске асырып келе жатырмыз. Мектептеріміз Сәбет одағынан кейін керемет дамып кетті деп айта алмаймыз. Сол кездегі ғылымды сақтай алдық па? Баяғы Ғылым академиясы қайда?

Қабдеш ЖҰМАДІЛОВ, жазушы

“Қазақтың тілі мен тарихы – ұлттың алтын қазығы”

деген тақырыпта өткен қоғамдық талқылауда сөйлеген сөзінен үзінді.

 
0
1
658

Cыни тұрғыдан ойлау (critical thinking) сiздiң қолыңыздан келе ме?

Қайырлы күн, бiлiмге құмар жастар!

Егер Сiз iзденiмпаз, прогресшiл және динамикалық интроверт болсаңыз менiң блогыма дәл түстiңiз!

Бүгiнгi талқыға салынатын тақырып "сыни тұрғыдан ойлау" (critical thinking) болмақ. Бұл сөз тiркесiмен алғаш рет Ұлыбританияның Рединг Университетiнде оқып жүргенiмде таныстым. Мағынасына қарағанда,  оқып шыққан мәлiметтi сынап, терiстеп шығу керек екен деп түсiнуге болады. Алайда, қателескен екенмiн, одан берi 2 жыл Британдық оқу жүйесi арқасында қисынды тұрғыдан ойлауды әбден жаттықтырып үлгердiм деп ойлаймын және сiздермен бөлiспекпiн. Осы жерде ескере кететiн жай, әрбiр Британдық оқу орыны сiзден қисынды тұрғыдан оқып, ойлай бiлудi талап ететiн болады. Сонымен қисынды ойлау дегенiмiз не?

1. Алған мәлiметiңiзге сұрақ қоя бiлуiңiз (Question assumptions). Оқыған ақпаратыңызға "неге?" және "қалай?" деген сұрақтар қойсаңыз болады. Қарапайым мысал: егер сiзге Қазақстандық жоғарғы оқу орындарының бiрi ең үздiк деген мәлiмет келсе, неге? қандай рейтинг бойынша? Түлектерiнiң жұмысқа тұру пайызын және басқа да әсер етушi факторларды қарап шығыңыз. Себебi, Университеттiң ортақ көрсеткiшi жоғары болса да, дәл сiздiң мамандығыңыз бойынша мықтылардың қатарында болмауы да мүмкiн. Өздерiңiзге белгiлi University of Oxford пен Cambridge Ұлыбритания университеттерi арасында топ жарып тұрса да, Инженерия мамандығы бойынша Imperial College of London көш бастап тұр.

2. Әр мәселеге, болған жағдайларға жан-жақты көзқараспен қарауыңыз (Adopt different perspectives). Университеттiк өмiрден мысал келтiрейiн: сiз өзiңiздiң жазба жұмысыңызда бiр терминге анықтама беруiңiз керек деп санайық, осы кезекте қисынды тұрғыда жазу үшiн, ең бiрiншi сол терминдi басқа ғалымдар қалай анықтағанын қарап шығасыз, бiр-бiрiмен салыстырып айырмашылықтары мен ұқсастықтары неде екенiн анықтайсыз, келесi кезекте дәл сiздiң қарастырып отырған тақырып үшiн қайсысы қолайлы екенiн тауып, неге дәл сол анықтаманы таңдағаныңызды жазып шығасыз. Алғашқы алған жоғарғы бiлiмiм математиканың әсерi болар шамасы, маған қойылған әр сұраққа "иә" немесе "жоқ" деп жауап беретiн мен, менеджмент саласында барлығы ақ пен қара болып бөлiнбей, сұр түстiң бар екенiн түсiндiм. Ойдың түйiнi, сiздiң ой әрдәйым дұрыс және қате болып бөлiнбейдi, дұрыс бұрыстығы басқа көптеген шарттарға байланысты болуы мүмкiн.

3. Мүмкiндiктердi көре бiлу (See potential) маңызды. Тағы да студенттiк өмiрден алынған мысалмен келтiрейiн. Әрбiр жазған жұмысыңыздың шектеулерi болады, сiз қарастырып отырған теория Қазақстанда кеңiнен қолданыс тапса да, басқа елде дәл солай сәттi өтпеуi де мүмкiн. Сондықтан, әдетте, жасаған зерттеулерiмiздiң соңына, келесi дәл сiз қарастырған тақырыпты зерттеушiге өз ұсыныстарыңызды "recommendations" пен зерттеу шектеулерiн "limitations" көрсетiп кеткенiңiз де қисынды тұрғыдан ойлау болып саналады.

Қайнар көз:
Baldoni, J. (2010). How leaders should think critically. Harvard Business Review.

Алып қосарларыңыз болса, мархабат!

0
0
1075

Қоғамдағы стереотиптер

Сендерге біздің қоғамда қалыптасқан "стереотиптер" жайлы айтып өтейін.

Жалпы стереотип деген не? Стереотип – оқиғаларға, адамдарға қатысты халық арасында кеңінен қалыптасқан жалпы түсінік.

Сендер қолданып жүрген стереотиптерді айтып өтейін:
🔸Әкім, депутат болсам барлығының жағдайын жасаймын; 
🔸Мультфильмді тек балалар көреді; 
🔸Қымбат па? Онда сапасы жақсы; 
🔸Қыздар сән салонына барған соң әдемі болып кетеді; 
🔸Қыз ақылды болса көріксіз, көрікті болса ақылсыз; 
🔸Шымкенттіктер өте қу! 
🔸Кәрістің жігіттері мен қыздары өте сұлу! 
🔸Айфон смартфонын ұстаса бай, абыройлы болып кетеді(оны тағы кредитке алған); 
🔸Жігіт жыламауы керек; 
🔸Қыздың жолы жіңішке;
🔸Жігіт күтініп, әдемі киініп жүрсе, ол- гей болуы мүмкін. 
🔸Армияда болмасаң жігіт емессің! 
🔸Адал еңбекпен байып кету мүмкін емес; 
🔸Соңғы үлгідегі қымбат телефон ұстауың керексің! 
🔸Мен еркекпін сондықтан, есепті мен төлеймін;

Жарнамалардың барлығы стереотипке кіріп кетеді.

Осылар сияқты саналарына қатып қалған ойлармен өмір сүріп жатқандар өте көп екені айдан анық. Олай болмаса бұл ойлар қалыптаспас еді. 

Стереотипсіз өмір сүру санаңның еркіндігі. Бұл адамның жаңалықтарды өзіне қабылдауына кері әсерін тигезетінін ғалым болмай-ақ түсінуге болады! 

P.S. Сенің ойыңда қай қате тұжырым қалыптасып қалып еді? Ұялмай айта бер, тек осыдан соң қолданбасаң болғаны... 

P.S. Өмірімде бірде бір рет қолданбадым деп айтпашы😁

0
0
16818

Қайран қазағым-ау!!! Қайда жоғалып барасын?!

Ассалаумағалейкум Алаш жұрты. Арыстандай айбатты, жолбарыстай қайратты, қырандай күшті қанатты жалынды жастар!!! Бүгінгі күніміз не болып бара жатыр? Қазақи, өз туған халқымызға тән қасиеттеріміз қайда жоғалып бара жатыр? Қоғамымызбен не болып жатыр? Жаңалықтар тізімін оқып, қарап шықсан, шашын тік тұрады. Ал оның барлығысы ненің кесірінен?! Қандай себеп болып отыр? Қазақтың санасын, жүрегін, иманын кім уландырып жатыр? Қазақтың намысы қайда кетті? Отаным деп, елім-жерім деп жанын аямай, азатығымызды алу жолында құрбан болған, ата-әжелеріміз, аға-әпкелеріміз бекерден бекер күрескен болғаны ма?!

Ана тілім деп 20 жылдан аса шырылдап жүрсек те, нәтижесі қайда?! Кейбіреулер қазақ тілінің деңгейі әлдеқайда көтерілді деп те айтатын болар. Бұл ақпаратты шынымен, ешкім даттап тұрған емес, дегенмен осы мәселе өзінің деңгейінде шешілді ме?!

Тәуелсіздігімізді 25 жыл бұрын жариялап, оған жету жолы да ұзақ болған. Ал соның нәтижесінде, енді жерімізді біреулерге ұзақ жылдарға жалға бергеніміз дұрыс па?! Соңғы 10 жылда, елде қандай өндіріс саласында жетістіктерге жетік?! Соның бастамасын алатын жастар қайда?! Біліміміз бар ғой, неге әлі толық күш жігерімізді салып, ертеңгі күнімімізді өзгерте алмаймыз?!

Сұрақтар өте көп, ал жауап жоқ... Ал егер де, осының барлығысына өзіміздің ішімізден іздеп көрсек ше?! Барлығымыз өзімізге өзіміз іштей сұрақ қойсақ, елімнің дамуы үшін, ана тілімнің жоғалып қаупінен сақтану үшін, өскелен ұрпақ қажетті тәрбие алатындай МЕН НЕ ЖАСАДЫМ?!

 

Қайран қыздарым ау, аналық махаббатарын, туған балаға деген сүйіспеншіліктерін қайда жоғалды екен? Елімізді 32 мыңнан аса ресми түрде тіркелген жетімдер бар. Одан бөлек, екі миллионнан астам 18 жасқа дейіңгі қыздар, бұл жалпы елдегі әйелдердің санын бесінші бөлігі болып есептеледі. Денсаулық сақтау және даму министірлігінің мәліметтеріне сүйене келе, соңғы 5 жыл аясында 33051 жасөспірімдер арасында жүктілік орын  алса, 15 пен 18 жас аралығындағы қыздар арасында 9906 жасанды түсік тіркелген. Пайыздық мөлшерде өзге Батыс Европа сияқты мемлекеттермен салыстыра қарастыратын болсақ, екі-үш есе асып кететінің ескере кету керек. Мәжіліс депутаттары бұл өзекті мәселені, жасөспірімдік жүктілікті біраз уақыт бойы Үкімет деңгейінде көтеріп келеді.( https://tengrinews.kz/kazakhstan_news/33-tyisyachi-sluchaev-beremennosti-sredi-podrostkov-295592/ )  Ең сорақысы соңғы жарты жыл аясында республикадан орын алған жайттар болып отыр. Даладағы дәретханаға (https://tengrinews.kz/events/mladentsa-vyibrosili-tualet-trasse-jambyilskoy-oblasti-286918/), тұрмыстық қоқыс жинайтын жәшіктерге сәбилерді тастау және (https://tengrinews.kz/events/vyibroshennogo-novorojdennogo-malchika-nashli-kostanayskoy-286439/ ) көлікпен келе жатып, жолға тастап жіберу сиқяты жайттар, жанымызды тербетіп жібереді. Сонда бұл қыздар 9 ай бойы туған нәрсетелері құрсауларында болып, дүниеге әкелгенге дейін, ата-аналары, мектептегі мұғалімдері мен басшылығы қайда қарады десейші?! Нәтижесінде, қалай оны ешкім байқамаған болар? Бәлкім, уақытылы жүктілікті байқағанда нәрестелер өмірге келіп, аяқтарына нық басқан болар... Құдайым-ау, еліміз бойынша қаншама отбасылар бала көтере алмай жүр. Ал кейбіреулерге үлкен өмірлік сый, қуанышты – бала ретінде әкелсе, басқа біреулері баланы керек қылмай, ойға сыймайтындай әрекеттер жасайды. Соңғы 5 жыл аясында елімізде қаншама осындай жайттар орын алған еді. Бірақ солардың ішінде аман қалған балалар қанша қалды десейші.

Одан бөлек, тиынның басқа жағын қарастыратын болсақ, жасөспірім жігіттер не ойлап жүрді?! Қыздардың жүктілігі ауадан бола қойған жоқ қой!!! Ол жігіттер, кез келген істі бастамастан бұрын, неге бастарымен, санасымен дұрыс ойланбайды?! Нәтижесі не болатынын, қалай еркектік намысымен жауап беретінің, көбісінде ойында да жоқ қой!!! Ерте замаңда, он үште – отау иесі деп айтқан еді. Ал қазір он үштегі баланың санасына қарасақ, түкте таба алмайсын. Әрине, бес саусақ бірдей емес, араларымызда санасы дұрыс қалыптасқан жасөспірімдер де бар. Бірақ, сорақысы шетелдік бағытта санасы қалыптасқан жасөспірімдерге кім әсер етті? Қандай себептен, олар теріс бағытқа ауысып кетті? Жалпы, осындай сұрақтарды сансыз қойып, шексіз жауаптар іздеп көруге болады. Өкініштісі, жай сұрақ қойып жағдайымыз түзілмейді.

Мемлекетіміз, жастарды қолдау бойынша, біраз әрекеттер де жасап отыр ғой. Білім ордаларында, қоғамдық шараларда байқауға болады. Одан туындайтын бір ғана сұрақ бар, бұл жеткілікті ме? Жанұяның өзі, алдын алу үшін, қандай әрекеттер жасады? «Отан – отбасынан басталады», -  деп бекер айтпаған. Ал, біз ата-ана болып, не жасаймыз? «Ойбай, баламыз басқа балалардан құр қалмасын», «көршінің баласына гаджет сатып алды, ал біз одан не кемшілігіміз бар» , - деп өз-өзімізді алдай саламыз. Әрине, қазіргі замаңға сай жаңа құрылғылар (гаджеттер) өмірімізді әлдеқайда жеңілдетіп шықты. Бірақ, біз оны дұрыс бағытта пайдаланып келеміз бе?!

Жалпы, БАҚ көз жүгіртсек, телеарналар бойынша – «Балапан» телеарнасынан бөлек, рухани, қазақтарға тән бағытта қандай арнамыз бар?! Ал баспалар ше, көбісі оқымайтын «Айгөлек» журналынан, баспаның көлемі мен оқылу деңгейі, теңіздегі бір тамшыдай қазақстандық кітаптардан басқа не бар?! Оның өзі, олардың сапасы мен мәнін қарамай, зертемеген жағдайда. Жастар мен жасөспірімдер арасында, үлкен сұранысқа ие интернет желісінде, отандық бағдарламалар немесе мультфильмдер мүлдем жоқ деп айтуға тура келеді. Сонда, қоғамымыз тура бағытта қалай өзгерер?!

Ал соңғы «қанды жексенбі», Ақтөбедегі болған оқиға ше?! Лаңкестік жасаған көбісі жастар ғой. Мен белгілі бір саяси сарапшы болмасам да, менің жекелей азаматтық көзқарасым діңнің дұрыс бағытынан ауытқып кеткендіктен болып отыр ғой. Сонда, дің мәселесін дұрыс бағытта насихаттай алмауында болып тұрған сияқты. Мешітке діңге қызуғушылық таңытып келген жастарды, имамдарымыз байқамай, ал теріс бағыт ұстанатындар бірден байқағандары ма, сонда?!

Жалпы қорытындылай келгенде, әр қашан намысшыл болған қазағым-ау, біреуді жамандағанша, мәселенің тамырын басқа жерде іздегенше, өзімізден бастайық ағайын! Менің ойымша, егер де әр азамат өзінен және өзінің отбасынан бастаса, ертеңгі күніміз шуақыт, әрі жарқын болар. Жанұямызда балаларға дұрыс тәрбие бере білейік (бұрын әкеміз жұмыстан келгенде, теледидардан атып тұрып, орын босатсақ, қазір әкенің өзі орынсыз қалып отыр). Жанұядағы әрбір мүшенің орны бөлек. Асқар таудай әке, махаббаты мол ана, кең пейілді әже, данышпан ата, батыл аға мен қамқор әпке, міне нағыз отбасы!!!

 
0
0
1796

Ессіз емес, ақылды болыңыздар!

Жақында бір танысыммен кездестім, мен жалдамалы жұмыскер болып істеген бұрынғы жұмыс орнынан бері танимын. Танысымды Арсен деп атайық. Екі сағаттық әңгімеде ол өзінің өміріне көңілі толмайтынын айтты. Ол өмірінің көп бөлігін алады деп жұмысын кінәлады. Ауыр жұмысты орындауға тапсыратын бастығын жамандады. Ағымдарды шығындарын ғана өтеуге жететін айлығының төмен екенін де айтып кетті.

 

Мен Арсеннің өмірін елестете бастадым...

Сағат таңғы 7, оятқыш дабыл беруде, осы дауысты қарғап, Арсен тұрып, ұйқыдан ісінген көздерін сүртеді. Ол күн ешқандай қызықты күттірмейді. Оған бүгін не болатынын алдын ала біледі. Жұмысқа сүйретіліп келеді, күнін өткізеді, ақыры кешкі сағат 6 болды! Үйге қайту керек! Бірақ үйде не бар? Жұмыстың көптігінен кешкі ас істеп үлгермеген әйелі бірінші қабаттағы дүкеннен жартылай фабрикатталған түшпараны әзірлеуде. Ол да ағымдағы жобалармен қатты жүктелген, сондықтан оның мақсаты балаларды тез тамақтандырып, үйді жинастырып, әйтеуір, ұйықтау. Тамақ ішуге ғана өз бөлмелерінен шығып, қайтадан өз аумақтарына қарай кетіп, виртуалды әлеммен табысатын балалар. Кешкі астан соң Арсен сүйікті диванына жатып, теледидарды қосады. Осы кезге жету үшін жалықтыратын күн өткені де шығар. Диван мен теледидар – Арсеннің басынан өтетін ең жағымды кезең, дәл осы кезді ол өмір деп атайды. Ертең не болады деген ой оның санасын сан рет шайқалтты, бірақ кешке қарай үйіне келіп, басқалардың өміріне қарап қызығып жатамын деген ойлар оның ойын жылытады. Саяхаттап жүрген, қызықты адамдармен, тұлғалармен танысып жүрген, өз бизнесін ашып, сол бизнесін, уақытын, ақшасын басқарып жүрген адамдарды қызықтайды. «Олар бақытты адамдар, олардың жолдары болған», - деп ойлайды Арсен...

Ол да солай өмір сүре алатындығы Арсеннің ойына кіріп те шықпайды. Ғаламшардағы басқа адамдар сияқты ол да тәулігіне 8 сағаттан 40 жыл бойы жұмыс істеуім керек деп ойлайды. Ол осының барлығын өзі емес, қоғам қойған бір ғана мақсатпен істейді – 63 жасында зейнетке шығу.

Бірақ статистика өзгермейді – зейнет жасына қарай 90 пайызы не қайтыс болады (әсіресе ер адамдар), не болмаса толықтай баз кешеді. Тек 9 пайызы ғана орташа деңгейде ешкімнің көмегінсіз өз-өзін қамтамасыз ете алады. Тек 1 пайызы ғана толықтай қамтылған. Қалай ойлайсыз, кедейлік пен тәуелділіктің теріс шеңберін бұзып шыққан 10 пайыз кімдер? Олар - өмірін өз уақытында басқаруды қолға алған адамдар. Өзіне және басқаларға деген жауапкершілікті алуға батылы жеткен. Басқа шешімдерге тәуелді болғысы келмегендер.

Білесіздер ме, өмірімнің бір бөлігінде мен де Арсендей өмір сүрдім. Бірнеше жерде жұмыс істедім, әр түрлі компанияларды көрдім. «Шығатын жол қайсы?» - деп сұрадым мен өзімнен. Сол кезде мектеп кезінен бері бизнес жасап, өзіме өзім жұмыс істеген күндерім есіме түсті, менің жұмысым маған ләззат, ақша әкелді, менің уақытымды босатты. Көптеген адамдар осы сөздерді оқи отырып, көк тиыным болмай тұрып, қалайша өз бизнесімді ашамын деген ойға келеді. Жауабы аздап пәлсападан тұрады,бірақ әсері бар: егер сіз қатты қалап, оның мүмкін екендігіне сенбейінше, сізден ешнәрсе шықпайды. Қалау - №1 қадам. Белгілер мен мүмкіндікті көре бастау - №2 қадам. Бүкіл әлем ғажап нәрсе жасайды және оны ғажапқа сенетін адамдарға ғана сыйлайды.

Бизнес – таңғажайып құбылыс. Ол мүмкіндікті іске асыратын жазық, сондықтан мен бизнеспен айналысамын. Мен достарыма бизнес-пікірлерімді айта бастасам, кейбір достарым: «Сенің есің дұрыс па, мұны кім сатып алады?» немесе «Бұл ойың іске аспайды» деп айтады. Бірақ олардың өз бизнестері болмай, осылай айтады.

Бірде мен ешнәрсеге сенбеуші достарыма төмендегі 4 сұраққа жауап беруін өтіндім:

Сіздердің табыстарың тәулігіне 24 сағат бойы түсіп жатыр ма? Менің достарым «Жоқ» деп жауап берді.

Өз уақыттарыңызды басқара аласыздар ма? Олар тағы да «Жоқ» деп жауап берді.

Табыстарыңды өздігінен басқара аласыңдар ма? Тағы да «Жоқ» деген жауап.

Осы жұмысты істей отырып, балаларыңа мирас қалдырасыңдар ма? «Жоқ».

Бизнесімнің арқасында мен кез келген сұраққа «Иә» деп жауап бере аламын.

жеке блог http://toskanbayev.kazamp.kz/

перевод Жанар Каралтаева https://vk.com/id221843371

#ToskanbayevArman #ТосканбаевАрман

#Казахстан #Kazakhstan

#Мотивация #Молодежь

#Бизнес #Business #Businesslife

#историяуспеха #successstory

 
0
0
1014