Мазмұнға өту

Жаңа

ШҚО мен ҚХР ШҰАА Ынтымақтастық жол картасының 8 бағытын талқылады

Шығыс Қазақстан делегациясы Даниал Ахметовтың төрағалығымен Үрімшіде өтіп жатқан «China-Eurasia Expo 2016» халықаралық көрмесіне қатысты. Шара аясында ҚХР ШҰАА бизнес қоғамының өкілдері және Халықтың Үкімет жетекшілігімен келіссөздер өткізілді.

ШҚО ақпараттық  орталығының мәліметінше, «Сhina-Eurasia Expo 2016» көрмесі ҚХР Шыңжан-Ұйғыр автономдық ауданы  Үрімші қаласында  «Жібек Жолы: мүмкіндіктер мен болашақ»  тақырыбында өтіп жатыр. Аталмыш шараны өткізу, ұйымдастырушылардың  айтуынша, Қытай мен Азия, Еуропа елдерімен экономикалық ынтымақтастықты  дамытуға мүмкіндік береді.

«Сhina-Eurasia Expo» халықаралық көрмесінің қатысушылары  азық-түлік өндірісі бойынша экспозицияларын таныстырды, оның ішінде ауыл шаруашылығы, логистика,  ақпараттандыру, автоиндустрия бар. Қытай тарапы 14 бағытты таныстырды.

ШҚО әкімі Даниал Ахметов «Сhina-Eurasia Expo» мен ғылыми-техникалық ынтымақтастық форумында   Шығыс Қазақстан  «Еуразия тоғысында» орналасқандықтан  «Жібек Жол» экономикалық белдеуінің жүзеге асуына ерекше мән беретінін айтты.

Ақпарат көзі: strategy2050.kz

0
0
577

Ю. Стрельчук: Семей полигонының аймағы адам денсаулығына қауіпті емес

Зерттеулер айқындағандай, Семей полигонының көп бөлігі ластанудан арылған және адам денсаулығына ешқандай қауіп төндірмейді. Бұл туралы Strategy2050.kz АА берген сұхбатында ҚР Ұлттық ядролық орталығы радиациялық қауіпсіздік институтының оқыту-ақпараттық орталығының жетекшісі Юрий Стрельчук мәлімдеді.

«Қазақстан Республикасының Ұлттық ядролық орталығы республикалық мемлекеттік кәсіпорны 1992 жылғы 15 мамырда құрылды. Оның негізгі бағыты Қазақстан Республикасында атом энергетикасын дамыту бағдарламасын қолдаудағы ғылыми-зерттеу және тәжірибелік-конструкторлық жұмыстар, нақты аймақтарда атом станцияларын салуды техника-экономикалық негіздеу, атом энергетикасы мен термоядролық энергетика қауіпсіздігі, ғарыштық ядролық энергетикалық қондырғылар, қатты дененің радиациялық физикасы және реакторлық материалтану. 2009 жылдан бастап  орталық полигон  жерлерін ауыл шаруашылығы мақсатында қолдану үшін кешенді экологиялық зерттеулер жүргізе бастады», - деді ол.

Оның айтуынша, осыған дейін өткізілген зерттеулер  аймақтың көп бөлігі ластанудан арылғанын және  адам денсаулығына ешқандай зиян келтірмейтінін дәлелдеді.

«Алдын ала зерттеулер бойынша  аймақтың 80 пайызын ласталмаған аймаққа жатқызуға болады. Ал, 20 пайызы – ластанған, ядролық сынақтың әсерінен айықпаған жерлерді  ауыл шаруашылығы мақсатында қолдануға тыйым салынды», - деді ол.

Сарапшының айтуынша, Семей полигоны аймағында адамның денсаулығына қандай  да бір әсер бермейді.

«Біздің қызметкерлер айлап полигонда жұмыс істеді. Кейін ешқандай салдары әсер етпеді. Біз ондай аймақтарға рекультивация жасап, ластанудан айықтыруды көздеп отырмыз», - деді ол.

Ақпарат көзі: strategy2050.kz

0
0
734

Қытай мен Литва ЭКСПО-2017 көрмесінде павильон жобаларын әрлеуге дайын

ЭКСПО-2017 халықаралық мамандандырылған көрмесінің ұйымдастырушылар кеңсесінде «Астана ЭКСПО-2017» ұлттық компаниясының Басқарма төрағасы Ахметжан Есімов ҚХР ұлттық павильонының комиссары Ван Цзиньчжэньмен кездесті, деп хабарлады Ұлттық компанияның баспасөз қызметі.

Басқосу барысында Ахметжан Есімов «Болашақ энергиясы» тақырыбында өткізілетін көрмеге дайындық бойынша атқарылып жатқан жұмыстарымен таныстырып кетті.

Сондай-ақ, ұлттық компания басшысы Қытайдың баламалы энергия көздерін пайдалану мәселесіне назар аударып жүргендігіне ерекше тоқталды. Айталық, мемлекет «жасыл энергетика» саласына 103 млрд. доллар бөлініп, әлем бойынша ең көп қаржыландырғандар қатарынан табылды.

Қытай ұлттық павильоны көрменің ең үлкен павильондарының бірінде орналасатын болады. Сонымен қатар, Қытай павильоны мейлінше қызықты павильондарының біріне айналатындығына еш күмән жоқ. Қазіргі таңда жақтар ұйымдастыру мәселелері бойынша тығыз жұмыс істеуде. Қытайлықтардың сұранысы бойынша ЭКСПО-қалашығында Қытай ұлттық павильон қызметкерлеріне 50 апартамент бөлінген.

«Көптеген қытайлық энергетикалық компаниялар көрмеге қатысуға үлкен қызығушылық білдіруде. Тіпті, олардың кейбірі ұсыным беріп те қойды», - деді өз сөзінде ҚХР ұлттық павильонын комиссары.

«Бүгінгі таңда құзыретті министрлік өкілдерінің қатарынан Қытай павильонының контентін жасау бойынша арнайы комиссия құрдық. Павильон жобасы дайын. Жақын арада іске кірісуге дайынбыз» - деді Ван Цзиньчжэнь.

«Астана ЭКСПО-2017» ұлттық компаниясы Басқарма төрағасы барлық павильондар қатысушы мемлекеттерге биылдың қазан айында берілетіндігін және сол уақыттан бастап Қытай павильонының ішкі жұмыстарына кірісіп кете алатындығын айтты.

Қытай павильонының комиссарының сөзінше ЭКСПО-2017 халықаралық көрмесі аясында Қытай мемлекетінің ұлттық күнін жобамен 5-6 шілдеде өткізіледі.

Сонымен қатар, «Астана ЭКСПО-2017» ұлттық компаниясы Басқарма төрағасы Ахметжан Есімов Литва делегациясымен кездесті.

«Бүгін біздің көріп отырғанымыз, яғни атқарылып жатқан жұмыс сапасы, жоғарғы деңгейдегі ұйымдастырушылық мәселелер көңіл қуантады. Өз кезегімізде көрме барысында абыройлы болу үшін біздің ұлттық павильонның ішкі мазмұны бойынша белсенді жұмыс жасап жатырмыз», - деді Қазақстан Республикасындағы Литва Республикасының елшісі  Др.Витаутас Наудужас.

Сондай-ақ, литвалықтар виза мәселлесі бойынша қолдау көрсетуді сұрады. Өйткені, Литвадан көрмеге көптеген келушілер болады деп күтілуде.

Ұлттық компанияның Басқарма басшысы барынша жан-жақты қолдау көрсетуге дайын екендігін жеткізді. Оған қоса, Литва павильоны мейлінше мазмұнды болатындығына сенім білдірді. Себебі, Литва баламалы энергия көздерін пайдаланудағы үлесін 60 пайызға жеткізу бойынша қарқынды жұмыс атқарып жатыр.

Ақпарат көзі: strategy2050.kz

0
0
655

Алматыда ірі агроөнеркәсіптік кешен салынады

Алматыда Наурызбай ауданында «Look at the future» инвестициялық форумы өтті, деп хабарлады қала әкімдігінде.

Шара барысында аудан әкімі Сайран Сайфеденов жаңадан қосылған облыстың инвестициялық әлеуеті туралы әңгімелеп берді.

«Қазіргі күні Наурызбай ауданы 6967 га жер алқабы бар алаң және ол әкімшілік ғимараттар, әлеуметтік және өнеркәсіптік кәсіпорындардың құрылысына арналған. Сонымен қатар, ауданда 700-ден астам жер учаскелері бар, ал ол ауыл шаруашылығын  дамытуға арналған – жылжай құрылысы, агроөнеркәсіптік кешен, алма бақшаларын салу және тағы басқалар»,-деді Наурызбай ауданының әкімі.

Сайран Сайфеденов ауданның инфрақұрылымын дамыту және инвестициялық ахуалын жақсарту туралы айта келе, бүгінгі күні 1200 орынға арналған мектеп пен ауысымда 500 келушіге арналған емхана салу бойынша жұмыстар жүргізіліп жатқандығын айтты.

Сонымен қатар, 2014 жылдан 2016 жылға дейін ауданда 50 шақырым болатын 70 көшенің автокөлік жолдарына жөндеу жұмыстары жүргізілген. Жаңа арық желілері салынуда, 20 шақырым болатын 8 магистралдық көшелерге сыртқы жарықтандыру желісі салынатын болады.

«Инвестициялық тартымдылықты, сондай-ақ қазақстандық және шетелдік инвесторлардың қызығушылығы көрсетеді. Осылайша, ауданда аквапарк салу жоспарлануда. Сонымен қатар, инвесторлар көпқабатты тұрғын үй кешенін салуға ниетті, сондай-ақ ірі агроөнеркәсіптік кешен тұрғызуға ниетті және олар көліктік-логистикалық орталықтың қызметін атқаратын болады»,-деді С. Сайфеденов.

Аудан әкімі негізгі капиталға инвестицияның көлемі аудан бойынша 6,5 млрд теңгені құрағандығын айтты және ол өткен жылғымен салыстырғанда 3,5 есеге өсетін болады. 2016 жылы негізгі капиталға салынған сыртқы инвестиция көлемі 23,6 млн теңгені құрады.

Ақпарат көзі: strategy2050.kz

0
0
397

Павлодарлық аграрлық қызметкерлер Астанадағы жәрмеңкеге 700 тонна ауыл шаруашылық өнімдерін әкеледі

Павлодарлық аграрлық қызметкерлер Астанадағы жәрмеңкеге 200 млн. тоннадан астам қаржыға 700 тонна ауылшаруашылық өнімдерін әкеледі, деді ҚР Президенті жанындағы ОКҚ-да Павлодар облысы әкімінің орынбасары Бауыржан Қасенов.

ҚР АКМ Орталық коммуникациялар қызметінде Астанадағы Павлодар облысының күндеріне арналған баспасөз конференциясы өтті. Іс-шара кезінде Павлодар облысы әкімінің орынбасары Бауыржан Қасенов атап өткендей, 24-25 қыркүйекте астаналықтар ҚР Тәуелсіздігінің 25 жылдығына бағытталған «Қуатты өңір - қуатты Қазақстан» акциясы шеңберінде Павлодар облысының жетістіктерімен таныса алады.

«Павлодар облысы Қазақстанның өнеркәсіптік өңірлерінің бірі болып табылады.   Агроөнеркәсіптік кешенінің үлес салмағы жалпы ішкі өнімнің 4,9%-ын құрайды. Жыл басынан бері облыстың ауыл шаруашылығына 10 млрд теңгеден астам қаржы салынды, 310 жұмыс орнының ашылуымен 15 инвестициялық жлба жүзеге асырылды», - деп мәлімдеді Б. Қасенов.

Оның айтуынша, облыстың агроөнеркәсіптік кешенінде инновациялық технологияларды енгізу, жоғары өнімді техника мен жабдық алу, өсірілген өнімді сақтау мен қайта өңдеу бойынша жүйелі жұмыс жүргізілуде.  Жаңа мал бордақылайтын алаңдар ашылып, қайта өңдеу кәсіпорындарының жаңа цехтарын іске қосу мен жаңарту жүргізілуде.

Жүргізіліп жатқан жұмыс жергілікті тауар өндірушілерге өндіріс көлемін арттыруға және республиканың басқа өңірлері мен таяу шетелге жеткізуді жүзеге асыруға мүмкіндік береді. «Павлодар, Ақтоғай, Железин аудандарының, Ақсу қаласының ауылдық жерінің көкөніс өсіруші шаруашылық алқабында өсірілген павлодарлық картоп, Павлодар ауданы Черноярск алабынан орамжапырақ,  Баянауыл өңірінен ет, қымыз – тек экологиялық таза өнімдер ғана емес, сонымен бірге әрдайым жоғары сұраныспен пайдаланатын жоғары дәмдік сапаға ие болып отыр», - деп атап өтті Б.Қасенов.

Павлодар облысы 24-25 қыркүйекте «Хан Шатыр» СОО маңындағы алаңда өткізілетін ауылшаруашылық жәрмеңкесіне қатысады. Елордаға облыстық барлық өңірінен 100-ден астам кәсіпорын мен ауылшаруашылық құрылымдары келеді. Ауылшаруашылық тауар өндірушілері 200 млн. теңгеден астам қаржыға облыста өндірілетін 700 тонна ауылшаруашылық өнімдерін әкеледі, оның ішінде 90 тоннадан астам ет пен ет өнімдері, 300 тонна картоп, 140 тонна көкөніс және 150 тоннадан астам ауылшаруашылық өнімдері бар.

«Павлодарлық ауылшаруашылық тауарларын өндірушілерінің өнімдері астаналықтардың үлкен сұранысына ие.  Әсіресе ет өнімдері, картоп пен көкөністер көп сатылады. Павлодар кәсіпорындары елорда тұрғындарына біршама қолайлы бағалар бойынша азық-түлік өнімдерінің кеңейтілген ассортиментін ұсынады», - деп сөзін толықтырды  Б. Қасенов.

Ақпарат көзі: strategy2050.kz

0
0
706

Ақындар хақында

Қасиетті Құран-Кәрімнің «Шұғара» («Ақындар») сүресінде «Ақындарға азғындар ереді... Бірақ иман келтіріп, ізгі іс істегендер басқа» делінген. Осыдан-ақ ақындардың діндегі рөлі айқындалғандай. Ал бұны қолына қалам алғандардың өзі біле ме?! Сұрақ осында... Қазіргі таңда махаббатты жырлағыштар көп (оның ішінде өзім де бармын). «Адамды сүй, Алланың хикметін сез, не қызық бар өмірде онан басқа?» деп Абай атамыздың Алла мен адамға деген махаббатты қатар қоюының өзінде бір сыр бар екенін кеш аңғаратынымыз қандай өкінішті... Қазақтың бас ақыны «адамды есің кеткенше жақсы көр, өліп-өшіп сүй» деп емес, «адамды Алланың разылығы үшін жақсы көр» деген сияқты еді... Біз не істеп жүрміз?! Ардақты пайғамбарымыздың (с.ғ.с) айтуынша «Қиямет күні Алла былай деп бұйырады: Менің әміріме бойұсынып, бір-бірін жақсы көрген пенделерім қайда? Оларды Менің аршымның көлеңкесінен өзге сая табылмайтын осы күні өз көлеңкеме паналатайын». Адамды Алла разылығы үшін жақсы көру қос дүниеде де нұр сыйласа, пендені Алладан артық жақсы көру ешқашан жақсылыққа да, сол адамның өзіне де жеткізбейтінін білеміз. Ақындар жайлы неге сөз қозғады дейсіздер ғой... Күләш Ахметова апам маған «Айналайын, өлең жазғанда әр сөзіңе абай бол! Алланың әміріне, дінімізге қайшы келетін дүние жазба! Кейін өкінетіндей дүние шығарма!» деп ақылын айтып жүреді. Өзі де өлең жазғасын діндар адамның пікірін білгеннен соң ғана туындысын көпшілікке ұсынады. Қандай керемет?! Бүгінгінің ақын-жазушыларына үлгі болар әрекет... «Сыйынатын болса өмірде құдірет, Сыйынар ем ана деген тәңірге» деген көпшілікке мәлім «Ана туралы балладаның» бұл сөздерін де дұрыс түсінбей жатамыз. Кейбіреулер «сыйынатын осы өмірде құдірет, сыйынамын ана деген тәңірге» деп Исламдағы ең ауыр күнә – ширкке (Аллаға серік қосу) жол беріп жатады... Сонымен қатар осы «сыйыну», «табыну» сөздерін де («ұйқасса болды» деп) оңды-солды көз бен жүректі жұмып қойып қолданатынымыз бар. Қолдану керек, әрине... Тек Аллаға қатысты сөз айтқанда ғана... Соны ұмытпайық! «Жаратқан Иеміз сүйікті құлдарына ғана өнер береді». Неге береді? Ширкке шақырсын деп емес, ақиқатқа шақырсын, біреуге жақсы бірдеңе үйретсін деп береді... Ақыретте Алла берген өнерді қалай пайдаланғанымыз, не мақсатта жұмсағанымыз жайлы есеп беретінімізді де жадымызда ұстағанымыз жөн сияқты. «Қазақ поэзиясының Хан Тәңірі» атанған Мұқағали Мақатаевтың өлеңдерін зерттеу барысында ғалымдар бір де бір ширктің ізін байқамаған. Қанша ғашық болса да, кімге ғашық болса да, ол Алладан басқа ешкімге «сыйынбаған», өзге ешкімге «табынбаған». Ақындық деген – осы! Намазды оқуымыз мүмкін, ораза тұтуымыз мүмкін, өзгенің алдында мінсіз болып көрінуіміз мүмкін, бірақ жүрек бүлінсе, қиын... Жүрегімізге, сөзімізге ие болайық, адамзат!

0
0
967

Сыбайлас жемқорлыққа қарсы «Адал жол – Честный путь» марафоны аясындағы автошеру

А.ж. 21 қыркүйекте   Жарқайың ауданында сыбайлас жемқорлыққа қарсы «Адал жол – Честный путь» марафоны аясында   автошеру өткізілді.

Іс-шараны өткізу мақсаты сыбайлас жемқорлыққа  қарсы мінез-құлықты дәріптеу, жемқорлыққа қарсы ағарту және барша қоғамның сыбайлас жемқорлыққа қарсы мәдениетін қалыптастыру болып табылады.

Автошеруге ауданның 30-дан астам мемлекеттік мекемелерінің, ұйымдары мен аудан тұрғындарының автокөліктері қатысты.

Департамент госслужбы

0
0
615

«Жас кәсіпкер мектебі»

Баянауыл ауданында жастар кәсіпкерлігін дамыту мақсатында, Павлодар облысының жастар саясаты мәселелері жөніндегі басқармасының «Жастар бастамаларын дамыту орталығы» КММ-сі және «Жастар орталығы» КММ-мен бірлесе отырып, Баянауыл ауданының Аграрлық-техникалық коледжінің студенттері және аудан жастарының қатысуымен «Жас кәсіпкер мектебі» атты семинар ұйымдастырылды.

Семинар барысында «Жастар бастамаларын дамыту ортылығы» КММ-нің бизнес-тренеры Мамыканов Азат «Ауылды аймақта іске асырылатын Startup-идеялар байқауы» туралы масстер-класс өткізді.

Мастер-классқа қатысушылар өздерінің бизнес-жобаларын көрсетіп, потенциалды инвесторларымен танысуға мүмкіндік алды. Кездесу жастардың көңілінен шығып, өздерінің толықтырылмаған ақпараттарын сұрақтары арқылы толықтырып, көптеген пайдалы мәләмет алды.

«Жастар орталығы» КММ директоры Р.Ильдин

0
0
513

Мемлекеттік және жеке меншік әріптестігі аясындағы Қазақ-түрік форумы

Астана. 2016 жыл. 21-шы қыркүйек. ҚР Ұлттық экономика министрлігі «Қазақстандық мемлекеттік - жеке  меншік әріптестігі орталығы» АҚ мен  Istanbul PPP Cente rof Excellence (Түркия МЖМӘО) бірлесе отырып мемлекеттік және жеке меншік әріптестігі аясында жүзеге асатын инфрақұрылымдық жобалар бойынша қазақ-түрік форумын өткізді. Басқосуда Түркия мен Қазақстанның осы бағытта атқарған жұмыстарына сараптама жасалып, ол жобаларды қаржыландыру  және сапалы басқару  жағдайы талқыланды. Жиынның басты мақсаты, тиімді инфроқұрылымдық  жобаларды жүзеге асыруға қабілетті инвесторлармен тікелей келіссөз жүргізілді.

Мемлекет басшысы Н. Назарбаев отандық экономиканы дамытуда  өз елімізден және әсіересе шетелден  инвестор тарту мәселесіне ерекше ден қойып келеді. Осы орайда мемлекеттік және жеке меншік әріптестігі механизмі елбасының тапсырмасын орындауда екіжақты тиімді тетік екені сөзсіз. Егер инвестор белгілі бір әлеуметтік-экономикалық маңызы зор жобаға қаржы салған жағдайда мемлекет бұл ретте кепілдік береді. Осы арқылы бизнес мемлекет кепілдігімен салған қаржысына алаңдамай іске асыра алады, ал экономика бюжеттен тыс қаржыландырудың көзін табады. Ондай мысалға келтірер деректер мен дәйектер бүгінгі өткен форумда  көп  айтылды.

Сонымен қатар осы басқосуда Қазақстандағы мемлекеттік – жеке меншік әріптестіктің көкейкесті проблемалары да сөз талқысына түсті. Осы жағдайда көптеген жылдар бойы өзінің тиімділігін көрсетіп келген түркиялық механизмді  өндіріске енгізудің жолдары қарастырылды. Сонымен қатар форум барысында ҚР Ұлттық экономика министрлігі «Қазақстандық мемлекеттік - жеке  меншік әріптестігі орталығы» АҚ мен  Istanbul PPP Cente rof Excellence (Түркия МЖМӘ) орталығы арасында  ынтымақтастық жөніндегі Меморандумға қол қойылды. Келісімнің негізгі мақсаты мемлекеттік-жеке меншік әріптестіктің ықпалын бірлесе арттыра отырып, әлеуметтік маңызы бар МЖӘ жобаларының ең тиімді салаларына инвесторлардың қызығушылығын арттыруға ықпал етуге бағытталған.

Бизнесте сенімді серіктес болуға және экономикада ниеті бір әріптес табуға Астанада өткен форумға 10-нан астам Түркияның ірі инвестициялық компаниялары қатысты.   Оларға мемлекеттік – жеке меншік әріптестік аясында жүзеге асып жатқан жобалары таныстырылып, оны бірлесе іске асыруға қатысты нақты ұсыныстар айтылды.

Осы орайда өткізілген басқосуда Түркияның, Қазақстанның және халықаралық әріптестік ұйымдарының беделді сарапшылары мен білікті мамандары баяндама жасап, мұндай әріптестіктің келелі мәселесін, проблемасы мен болашағы хақында пікірлерін талқыға салады.

Форумды ұйымдастырушылар:

«Қазақстандық мемлекеттік – жеке меншік әріптестігі орталығы» АҚ  мен  Istanbul PPP Center of Excellence (Түркия МЖМӘ орталығы)

 

Анықтама үшін телефон: ҚР Ұлттық экономика министрлігі «Қазақстандық мемлекеттік - жеке  меншік әріптестігі орталығы» АҚ баспасөз қызметі

+7/ 7172/ 70-17-24  +77017013450

2
0
796

Дін істері ведомствасы жекелеген мешіттерде орыс тілінде уағыз жүргізу бойынша түсініктеме берді

Қазақстан Республикасы Дін істері және азаматтық қоғам министрлігі Дін істері комитеті бірқатар БАҚ беттерінде еліміздегі мешіттерде ресми уағыздардан кейін қосымша түрде оның орыс тілінде түсініктемесі айтылуы қажет деген мәселе төңірегінде туындаған талқылауларға қатысты түсіндірме беруді қажет деп есептейді. Бұл туралы ведомстваның баспасөз қызметі хабарлады.

Қазақстан Республикасы Парламенті Мәжілісінде өткен экстремизм мен терроризмнің алдын алу мәселелеріне арналған дөңгелек үстелде жекелеген мешіттерде уағыздардан кейін имамдардың орыс тілін пайдалануы туралы мәселе Министрлік тарапынан емес, осы шараға қатысушылардың бірімен көтерілген болатын. Сәйкесінше, ҚР Дін істері және азаматтық қоғам министрі аталған іс-шара барысында осы мәселе төңірегінде журналистер тарапынан сұрақтар қойылғаннан соң біршама түсініктеме берген болатын.

Министрлікке исламға қызығушылық танытып жүрген бірқатар діндарлардың мешіт имамдарының уағыздарын толық түсінбейтіні туралы ел азаматтарынан өтініштер түсіп отырады. Өтініштерде сондай діндарлардың осы себепті ислам туралы ақпаратты Қазақстан мұсылмандары діни басқармасының ресми көздерінен тыс жерлерден, оның ішінде теріс діни ағымдардың ұстанушыларынан алуға мәжбүрлік танытатыны туралы айтылады. Сәйкесінше, өтініш жасаушы азаматтар халықаралық тәжірибені ескере отырып мешіт имамдары ресми уағыздардан кейін қазақ тілін айтарлықтай меңгермеген азаматтар үшін орыс тілінде түсіндірме беруді ұсынады.

Осы ретте, аталған мәселе тұрғындарының құрамы көптеген ұлттардан тұратын елдімекендердегі жекелеген мешіттерге ғана қатысты екендігін айта кетуіміз керек.

Министрлік, өз кезегінде, азаматтардан түсіп отырған кез-келген өтініштерді қарастыруға және оларды талдап отыруға міндетті. Осы орайда Министрлік құзіретіне Қазақстан мұсылмандары діни басқармасының ішкі мәселелерінің шешімін табу кірмейтінін айта кеткіміз келеді. Сондықтан жоғарыда аталып отырған мәселе бойынша мешіттерге келушілердің пікірлерін ескере отырып шешім қабылдауы тиіс Қазақстан мұсылмандары діни басқармасына хабарласуды ұсынамыз.

ҚР Дін істері және азаматтық қоғам министрлігі Дін істері комитеті еліміздің Конституциясында кепілдік берілген сөз бостандығына құрметпен қарай отырып, отандық бұқаралық ақпарат құралдарын дін тәрізді өткір салада туындап отыратын мәселелер туралы екіұдай ақпарат беруге жол бермеуге және тұрғындарға шынайы ақпаратты дұрыс жеткізуге шақырады.

0
0
559