Мазмұнға өту

Жаңа

21-ғасырдың мұғалімі қандай болуы керек?

Кешегі алған білім бүгін ескіріп жатқан әлемдегі қарқынды өзгерістер еліміздегі білім беру жүйесін қайта қарау қажет екендігін талап етіп отыр.

Кеңес өкіметі орнаған алғашқы жылдарда білім берудегі басты мақсат сауат ашу болса, 20 ғасырдың екінші жартысынан бастап Кеңестік білім беру жүйесі Диалектикалық материализммен «қаруланған» «Коммунизм құрылысшысын» дайындауға ден қойды.

КСРО ыдыраған соң біз біраз жыл бағдарды жоғалтып алдық.

Тәуелсіздік алғалы, бері еліміздің білім саласына бірнеше рет реформа жасауға әрекеттер жасалды. Бірақ ол әрекеттердің бәрі сөз жүзінде қалды.

Жасыратыны жоқ, дайын білім беруге негізделген дәстүрлі оқытудан алынған механикалық түрде есте сақталған мәліметтерді емтихан кездерінде ұтымды пайдалануға болады. Бірақ мән-мағынасы терең меңгерілмей, жай ғана жатталғандықтан, тақырыпты оқыту аяқталған соң немесе емтихан біткен соң керексіз болып қалатын және оқушы оны өмірде тиімді пайдалана алмайтын.

Ал, ХХІ ғасырдағы білім берудің  мақсаты – оқушының пәнді терең түсіну қабілетін дамыту, алған білімдерін мектептен тыс жерде, кез келген жағдайда тиімді пайдалана білуін қамтамасыз ету, өмірімізге  дендеп енген сандық технологияларды терең меңгерту.

Дегенмен, «Ештен кеш жақсы» дегендей бүгінгі күні  «ХХІ ғасырда нені оқыту керек?», «Мұғалімдер оқушыларды ХХІ ғасырға қалай дайындайды?» - деген мәселелер бойынша жұмыс жасау керек екенін түсіндік.

Осы екі мәселені шешетін мұғалім қандай болуы керек?

Бұл тұрғыда Стэнфорд университетінің құрметті профессоры, білім саласындағы бірнеше сыйлықтың лауреаты, педагогика, психология, медицина және математика саласындағы оқыту мен оқуды бағалауды зерделеуге баға жетпес үлес қосқан көрнекті ғалым Л. Шульманның мұғалімнің «үш көмекшісі» (бас, қол, жүрек) атты теориясы  -  мұғалімнің білімі, білігі мен тәжірибесі ғана маңызды емес, оның жан дүниесінің тазалығы мен рухани байлығының сай болуына баса назар аудартады.

Дүние жүзіне танымал педагаг-психолог А.Пажарес деген ғұламаның айтуынша, қазіргі заманда білім беру процесінде балаларға мұғалімнің білімінен гөрі, ұстанымы (принципі) күштірек ықпал етеді.

Баланы жыл он екі ай алдау мүмкін емес. Жаныңыз таза болмаса, сездіріп аласыз. Абыройды ешкім де сатып ала алмайды. Ол әр адамның өзіне байланысты. Алдымен адам өзін сыйлауы керек. Сонда ғана оны өзгелер құрметтейді.

Қазақта «балажан» деген сөз бар. Өз баласын әркім де жақсы көреді. Ал, барлық баланы «бала» деп қабылдау көп адамның қолынан келе бермейді. Егер, мұғалім баланы жақсы көрмесе, онда оның ертерек мектептен кеткені жөн. Бала жақсы көргенді де, жек көргенді де сезіп тұрады.

Жалпы, мұғалім үшін ең жоғары баға – шәкірттерінің өз мұғаліміне еліктеуі, ұқсауға тырысуы!

Ал мұғалім  абыройлы болу үшін не істеу керек?

Сауатты қазақ саусақпен санарлық өткен ғасырдың басында "Алты алаштың басы қосылса, төр мұғалімдікі" - деген дәуірден өттік.

Бәсекелестік қызған бүгінгі күні мұғалім М. Әуезов айтқандай "Өзі отырған жерді төр етуге" өзі ұмтылуы қажет.

Қиындығы да, қызығы да жетерлік мұғалім мамандығын таңдаған екенсің, ұстаз атына сай бол!

Бүгінгі жаңалық ертең ескіріп, технология жылдам дамып жатыр.

Сондықтан өмір бойы үздіксіз білім алатын заман туды. Мұғалім ертеңгі сабаққа дайындалу барысында, сабаққа қатысты  оқушылар тарапынан  қойылуы мүмкін тіпті жанама  сұрақтардың өзіне дайын болуы шарт.  Мұғалімнің бір міндеті тәрбие беру екенін ескерсек, мұғалім  өз пәні мен педагогикадан  өзге диалектика, метафизика, философия, психология, риторика, социология және т.б. ғылымдарды меңгерген интеллектуал болуға міндетті.

Ал жан дүниесі таза, рухани бай және жан-жақты білімді – интеллектуал маманды мектепке қалай әкелеміз?

Өз бағасын білетін адам 60-70 мың жалақыға жұмыс істеуге көнеді ме?

Осыдан бірер жыл бұрын Шымкент қаласындағы ең беделді  ЖОО-ң Мемлекеттік Аттестациялау Комиссиясына (МАК) мүше болдым. Болашақ тарихшы мен археологтар алдымыздан өтті. Сонда бір аңғарғаным, «Тарих пәнінің мұғалімі» деген мамандыққа ылғи мектепті сүйретіліп әзер бітірген аутсайдерлер түседі екен. Олармен салыстырғанда, «Археология» мамандығын бітірушілердің білімі ғана емес, жалпы өмірге, дүниеге деген көзқарасы мүлдем өзгеше!

Бүгінгі күні «Педагогика» мамандығын кім таңдайтынын өздеріңіз жақсы білесіздер.

Ал ауылды жерлердегі жағдай тіпті, сорақы. Мектеп тұрақты жалақы беретін  жалғыз жұмыс орны болғандықтан, кешегі агроном да, веттехник те, қолына біраз қаражат жинаған тракторшы да ЖОО-н сырттай бітіріп алып мектептерде мұғалім болып жүр. Сырттай оқудың жайы өздеріңізге белгілі.

Екінші мәселе, Алматы мен Астанадағы ЖОО-ң педагогикалық факультеттерінің түлектері қайда кетіп жатыр?

Мен 13 жылдан бері жұмыс жасап жатқан ұжымға, осы 13 жылда орталықтағы ЖОО-н бітірген бірде бір маман келген емес. Келген мамандардың барлығы көшедегі толып жатқан ашық-шашық ЖОО-ң түлектері. Соңғы оншақты  жылда ЖОО-ы тіпті студенттерін іс-тәжірибеден өтуге мектептерге жібермейтін де болған. Айналып келгенде тағы сол әдіскер–ұстаздарға төленетін қаражат мәселесінен қиналады.

Оның үстіне мектеп мұғалімдерін сайлау, санақ, мерекелерде алаңға шығу, концерттерге зорлап билет сату, зорлап газет-журналдарға жаздыру, сенбілік секілді артық шаруаларға жегіп қоятынымыз тағы бар.

Бұл туралы қоғамымыз бен билік тұтқасын ұстаған азаматтарымыз  ойлануы тиіс. Әйгілі Отто Бисмарктің «Мектепке қаражат аяған мемлекет, түрмелер салуға мәжбүр болады» деген  қанатты сөзін естен шығаруға болмайды.

Бүгінгі күні еліміздің білім саласына жаңа бағдарлама енгізіліп жатыр. Мұғалім ретінде, айтсам, бағдарламаның бірер бабынан басқасы көңілімнен шықты. (Тек ескеретін бір жәйт, бағдарламаның іске асырылуы тек мектеп пен мұғалімге ғана байланысты емес. Мектептің материалдық-техникалық базасын жасақтайтын шенеуніктерге де үлкен жауапкершілік жүктеліп отыр).

Биылдан бастап, мектеп табалдырығын аттаған балақайларымыз 3 тілде білім алады. Осы жерде көңілімізде аздап күдік бар.

Ия, неше тіл білсең де артық емес.

Бірақ заңмен бекітілген Мемлекеттік тілді шын мәніндегі мемлекеттік ете алмай тұрған біздің жағдайымызда оны абайлап іске асыру керек.

Бастауыш сыныптарда баланы ана тілінде оқытқан жөн. Осы сыныптарда баланың ақыл-ойы мен дүниетанымының негізі қаланады.

Үштілділік енген жағдайда ана тілі бұрын екінші планда болса, енді үшінші планға сырғиды. Ата-ана алдымен шет тіліне көбірек назар аударатын болады.

Балаларын қазақ мектебіне беру арқылы өздері де қазақ тілін үйрене бастаған орыстілді қазақтар тіл үйренуден бас тартуға мәжбүр болады. Енді олар баласы үшін ағылшын тілін басты назарда ұстайтын болады. Қазақ тілімен тереңірек айналысуға уақыты бола бермеуі мүмкін. Ең бастысы енді оларда қазақ тілін үйренуге деген мотивация қалмайды.

Қазақ тілінің ары қарайғы тағдыры не болады?

Үштілдік туралы айта отырып, жоғары да айтып өткен мамандар мәселесіне қайта оралуға мәжбүр боламыз.

Ағылшын тілін үйрете алатын дәрежеде білетін маман 50-60 мың теңге жалақысы бар мектепке барады ма?

Ауыл мектебінің жайы қалай болады?

Мұғалімге сыйлық беру немесе  мұғалімнің сияпат (пара) дәмету жайына тоқтала кетейік!

Жалпы, сыйлық беру - алу жақсы нәрсе, бірақ, ол  туыс-бауыр, дос-жаран, құда-жекжат, көрші-көлем арасында болса ғана!

Ал, мұғалімге сыйлық ұсынудың  ар жағында «Мен саған, сен маған» деген «тауарлы-ақша  қатынасы»  «құлағын қылтитып»  тұрады!

Кейбір ата-аналардың, мұғалімді «жолдан тайдырудың»  ешқандай әдісінен жиіркенбейтіні жасырын емес. Былай шыға, бар мұғалімді қаралап «аттандап» шыға келетіндер де солар!

Мұғалім де адам баласы, қоғамның бір мүшесі!

Оның да басқалар сияқты толып жатқан «материалдық» проблемалары жетерлік. Жасыратыны жоқ, ұстаздардың арасында да  ара-кідік  өз нәпсісін тежей алмай  «Алтын көріп, жолдан тайып кететін, періштелер» кездесіп қалады. Ежелгі гректер "педагог" деп бала күтуші құлдарды атаған.

Балаңыздың мұғаліміне шынымен жаныңыз ашыса, итке сүйек тастағандай мереке кезінде сыйлық ұсынбаңыз.

Балаңыздың болашағы ойландырса, үкіметтен педагогтерге жағдай жасауды талап етіңіз.

Баспана, жалақы және тағы басқа әлеуметтік проблемалардан өзге, сайлау, санақ, сенбілік секілді мұғалімнің тікелей міндетіне кірмейтін шаруалардан азат етуге ат салысыңыз.

"Құл құлды ғана тәрбиелейді"

Осы орайда өз басымнан өткен бір жағдай еске түсіп отыр.

Мектепке жұмысқа алғаш келген жылы 7- сыныптарды берді.

23-ақпанда бір оқушы қыз иіссу сыйлады.

Алмайын десем, 25 баланың алдында жасөспірім қыздың сағы сынатын түрі бар. Оның үстіне мінезді қыз бала еді.

Алуға тура келді.

Рахметімді айттым да, бүкіл сыныпқа қарата

- Мен сендерді оқытқаным үшін мемлекеттен жалақы аламын!

Ол аз ба, көп пе - менің жеке проблемам!

Сондықтан, маған сыйлық жасаудың алды да, арты да осы болсын!

Келесі жолы сыйлық әкелсеңдер, сыйлығыңды терезеден атам, өздеріңе "2" қоямын! - дедім, дауысымды қатайтып.

Мектепте де "сымсыз телефон" жақсы жұмыс істейді. Ол "телефонның" хабары жылдан жылға ауысып отырады.

Содан бері, маған оқушы да, ата-ана да сыйлық ұсынған емес

Жыл сайын кейбір ата-аналар

- Баламды ҰБТ-ге дайындаңыз!

Сұрағаныңызды береміз! - деп өтініш жасап жатады.

- Балаңызды жұрттан бөліп дайындаудың қажеті шамалы. Сабақта айтқанымды орындаса болды.

Үй тапсырмасын орындауды сіз қадағалаңыз. Нәтиже жаман болмайтынына мен кепіл! - деп бас тартамын.

Жалпы, меніңше мұғалім мен оқушының арасында тауарлы-ақша қатынасы болуы мүмкін емес.

Шәкіртінен пара дәмету өз балаңды баққаныңа ақы сұраумен бірдей.

Сондықтан, қылмыстық заңға өзгеріс енгізіп, пара-сыйлық алған оқытушыны өмір бақи педагогикалық қызметпен айналысуға тиым салынуы тиіс. (Тағдырдың жазуы шығар. Маған алғашқы және соңғы рет сыйлық жасаған шәкірт қыз, ұлымның 11 жыл бір партада отырған ең жақын досына күйеуге шығып, өзіме келін болды).

Өкінішке қарай, біз жоғарыда суреттегендей мұғалім некен-саяқ. Сондықтан, бала тәрбиесі үшін басты жауапкершілік аата-ананың мойнында. Бірақ, бүгінгі ата-аналардың үлкен бөлігінің бала тәрбиесіндегі рөлі, баласына жатар орын, ішер тамақ, киер киім әперумен шектеліп отыр. Қалған шаруаның барлығын мектепке артып қойды. Ата-аналардың үлкен бөлігінің санасында баламның қарны тоқ, көйлегі көк болса, қалғанына мектеп жауапты деген ұғым берік қалыптасты.Түннің бір уағында «Баламды тауып бер!» - деп баласының сынып жетекшісі немесе мектеп басшыларына қоңырау шалатын ата-аналарды көріп жүрміз. Бала оқыс жағдайға ұшыраса немесе бірдеңе бүлдірсе, алдымен кінәлі мектеп болып шығатынын өздеріңіз де көріп отырсыздар. «Қызым үйде, қылығы түзде» деген халық даналығын көпшілік ата-ана әлдеқашан ұмытқан.

Қалай болғанда да, баласының болашағы үшін ең алдымен ата-ананың жаны ауыруы керектігі өресі бар адамға айтпаса да түсінікті.

Ал біздің ата-аналар білім берумен қатар тәрбие, оқулық және т.б. мәселелерді мемлекеттің мойнына арта салды. Тіпті тоқсанда бір болатын ата-аналар жиналысына бас сұғуды қойды. Бар болғаны 5-6 ата-ана келуі мүмкін, одан артығын жалынып келтіре алмайсың. Сөйткен ата-ана, баласының бойындағы құдай берген қарым-қабілетін елеп-екшемей, «білім мен мен дипломды» сатып әпергісі келеді, мектеп бітірген соң жоғары мектепке сүйрейді!

Беретіні өтпей қалса, мектепті жамандап шыға келеді...

Яғни, қолданыстағы заңға өзгерістер енгізіп, ата-ананың жауапкершілігін арттыру қажет.

ӨМІР ШЫНЫБЕКҰЛЫ  - А.С.Макаренко атындағы № 41 мектеп-лицейінің тарих және құқықтану пәнінің мұғалімі, жоғары санатты ұстаз, 1-деңгей сертификатының иегері (Шымкент қаласы).

0
0
11920

ҚР-дағы спутниктік навигация 229,9 млн теңгенің ақпаратын ұсынды

Дәлдігі жоғары спутниктік навигация жүйесінің ақпараттар мен қызметтерді ұсынудан түскен табысы шамамен 300 млн. теңгені құрады, деп хабарлады Қазғарыштың баспасөз қызметі.

Қазақстан Республикасының Дәлдігі жоғары спутниктік навигация жүйесін (ҚР ДЖСНЖ) пайдалануға енгізу геодезия, картография, жерді пайдалану, ауыл шаруашылығы, ірі ғимараттар құрылысы, қорғаныс, ұлттық қауіпсіздік, сондай-ақ навигациялық аппаратураның метрологиялық қауіпсіздігін қамтамасыз ету және тағы басқа міндеттерді шешуде пайдаланушыларға дәлдігі жоғары координаттар мен соңғы уақытты айқындауға мүмкіндік берді.

2013-2015 жылдар аралығында ақпарат таратудан және қызметтерді іске асырудан 229,9 млн. теңге сомасында кіріс кіргенін атап өткен жөн.

Еске салсақ, Дәлдігі жоғары спутниктік навигация жүйесі Қазақстан Республикасының аумағында Жаһандық навигациялық спутниктік жүйенің (ЖНСЖ) ақпараттарын тұтынушылардың сапалы әрі кепілдендірілген координаттық-уақыттық және навигациялық қызметтерді алуға бағытталған.

ҚР ДЖСНЖ жобасын ҚР ИДМ Аэроғарыш комитетінің «Қазақстан Ғарыш Сапары» ҰК» АҚ навигациялық жабдықтарды өндіру бойынша жобалық, тәжірибелік-конструкторлық жұмыстарды жүргізу үшін негізінен қазақстандық кәсіпорындарды тарта отырып іске асыруда.

ҚР ДЖСНЖ-ның құрамына 60 дифференциалдық станциядан (ДС) мыналар кірді: дифференциалдық түзету мен мониторинг орталығы (ДТМО); теңіз локальді дифференциалдық станциясы (ТЛДС); мобильдік дифференциалдық станциясы (МДС); сәйкестікті бағалау зертханасы; навигациялық жабдықтарды тәжірибелік өндіру.

Дәлдігі жоғары спутниктік навигациясының түзетілетін ақпараттарын пайдалану негізінде бірқатар салалық міндеттер шешілуде. Олар: ғарыш түсірілімдерінің нақты координаттық байламы; топографикалық жоспарларды құру, елдімекендердің, цифрлық кадастрлық карталардың (жоспарлардың) жан-жақты цифрлық үлгісі; жобалау және зерттеу жұмыстар, орындалатын түсірілімдер; жер иелену түсірілімдері, жерасты және жерүсті коммуникациялары; желілік құрылыстардың (ЭБЖ, құбырлар) сыртына шығару; ғимараттар мен құрылыстардың бұрыштарын үйлестіру; жол-құрылыс жұмыстары; ұлттық спутниктік геодезиялық желін орнату және координаттардың ұлттық жүйесін жасау; ауыл шаруашылығы саласында «нақты жер шаруашылығы» технологиясын жүргізу; аса маңызды және қауіпті жүктерді тасымалдау, орналасқан жерін, жылдамдығын бақылау; жолаушылар мен жүктерді аймақтық және аймақаралық тасымалдауды үйлестіру; бөгеттердің бұзылуы мен жылжымалылығын мониторингілеу; теңіз көлігінің метрлік дәлдікті навигациясын және қазақстандық порттардың акваториясында өткелдер мен бұрылыстар кезінде кемелердің жүзу қауіпсіздігін қамтамасыз ету.

Ақпарат көзі: strategy2050.kz

0
0
448

Астанада 120 жас ғалым жаңа пәтер кілтін алды

Мұғалімдер күні қарсаңында С. Сейфуллин атындағы қазақ агротехникалық университеттің жас ғалымдарына, докторанттары мен магистранттарына жаңа баспананың кілтін табыстау салтанаты өтті.

Шараға Астана қаласы әкімінің орынбасары Андрей Лукин, «С.Сейфуллин атындағы Қазақ АТУ» АҚ Басқарма төрағасы Ақылбек Күрішбаев қатысты.

Елорда әкімінің орынбасары Андрей Лукин өз сөзінде Мемлекет басшысы халықты баспанамен қамтуға баса назар аударатынын атап өтті. Бүгінгі таңда Астанада тұрғын үймен қамтамасыз ету бір адамға шаққанда 29 шаршы м жуықтады, жыл сайын 2 млн шаршы м жуық тұрғын үй тапсырылады.

«Баспаналы болғандарды құттықтаймын, Қазақ агротехникалық университетінде осындай дәстүр қалыптасқан, бұл еліміздегі үздік жоғары оқу орындарының бірі. Мердігерлеріміз рекордты қысқа уақыттың ішінде – 10 айда әдемі үйлер салып бітірді. 120 адам қоныс тойын тойлайды. Бұл қаланың орталық бөліктерінің бірі. Мұнда баланың сыңғырлаған күлкісі естіліп, ақсақалдарымыз демалады, ал ең бастысы, бұл ғылыммен, шығармашылықпен, жастарымызды тәрбиелеумен айналысуды жалғастыруға ынталандырады. Баршаңызға бақыт пен көтеріңкі көңіл күй тілеймін», - деді А. Лукин.

Елорда әкімдігінің қолдауымен университеттің жас оқытушылары, докторанттары мен магистранттары үшін Есіл өзенінің сол жағалауында 120 пәтерлік үш бес қабатты үй бой көтерді. Академиялық мобильділік бағдарламасы аясында шетелде тағылымдамадан өткен жас оқытушыларға және «Болашақ» халықаралық бағдарламасының стипендиаттарына пәтер кілті табысталды.

Баспана алғандардың бірі Ветеринария және мал шаруашылығы технологиялары факультетінің екінші курс докторанты Қанат Тұрсынов билік пен университет басшыларына алғыс айтып, өз қуанышымен бөлісті.

«Мен Ақмола облысынанмын, бұған дейін жұбайыммен университеттің жатақханасында тұрып келдік, енді баспаналы болдық, өте қуаныштымын. Осы университетте бакалавриатты, магистратураны бітірдім, енді докторантурада оқып жүрмін», - деді ол.

Ақылбек Күрішбаевтың айтуынша, аумақта қалған бос орынға профессорларға арналған баспана салынады.

«30 жылда біздің университетке  алғашқы рет біздің университетке қызметтік баспана салынды. Университетіміз ҚР Президентінің тапсырмасымен  оқыту бағдарламаларын жүзеге асыруға кірісті, осы орайда оқытушыларға қолдау көрсету қажет.Осыған дейін баспана мәселесі өршіп тұрған еді. 2 жыл бұрын мен Елбасының жеке қабылдауында болдым.  Нұрсұлтан Назарбаев Үкіметке  қаражат бөліп, 120 пәтерлік қызметтік тұрғын салуға тапсырма берді», - деді А.Күрішбаев.

Оның айтуынша, пәтер беруге іріктеуде жас оқытушыларға басымдылық берілді.

Ақпарат көзі: strategy2050.kz

0
0
629

Ж.Асанов Ақтөбе облысының әлеуметтік проблемаларын шешуге арналған басты бағыттарды атады

Бас Прокурор Жақып Асанов Ақтөбе облысына жұмыс сапарымен келді. Осы сапар аясында Мемлекет басшысының тапсырмасына сәйкес аймақтың әлеуметтік-экономикалық проблемаларын шешу жобасы басталатын болады.

Облыс жұртшылығы алдында сөз сөйлеген Ж. Асанов алдағы іс-шаралардың негізгі бағыттары туралы айтып берді. Олар - түсіндіру жұмыстары, бизнесті дамытуға, азаматтардың әлеуметтік проблемаларын шешуге көмек көрсету, дін  мәселелері, азаматтар мен құқық қорғау органдары қызметкерлерін террористік қауіп кезінде әрекет етуге үйрету. Нақты іс-қимыл жоспары бар. Әр бағытқа вице-министр немесе орталық мемлекеттік орган басшысының орынбасары басшылық етуде.

Ж.Асанов атап өткендей, бұл жергілікті қызметтерге тексеріс жүргізу емес, нақты проблемаларды бірігіп шешу. Оның пікірінше, кешенді шараларды қабылдау азаматтардың мемлекет қамқорын сезінуі үшін мемлекеттік органдардың нәтижеге бағытталған жұмыс жасауына үйретеді.

Бір ай ішінде еліміздің мемлекеттік органдары мен мемлекеттік емес ұйымдарының үздік мамандары облыс тұрғындарына әлеуметтік, қаржылай, медициналық, идеологиялық және басқа да маңызды мәселелер бойынша көмек көрсетеді, деп хабарлады ведомствоның баспасөз қызметі.

Жақып Асанов жоба аясында азаматтарға көрсетілетін жекелеген көмек түрлерін айтып өтті. Солардың ішінде азаматтарға жұмысқа, мекетептерге, балабақшаларға орналасуға жәрдемдесу. Құжаттарды қалпына келтіру, зейнетақы мен жәрдемақы рәсімдеу, мүлікті тіркеу кезінде көмек көрсету.

Қаржы секторының мамандары микробизнес түрлері, мемлекеттік қолдау шаралары туралы түсінікті түрде ақпарат беріп, өз ісін ашуға көмек көрсетеді. Сонымен қатар бухгалтерлік, кедендік және салық қызметтерін көрсету түрінде қаржылай емес қолдау көрсетілмек.

Ауыл әкімдеріне бизнес-идеялар туралы ақпарат беріліп, оларды оқытатын болады. Отбасылық бизнес түрлері, оларды жүргізу құпиялары, сондай-ақ бизнестің қарапайым есеп-қисабы қамтылған әртүрлі әдістемелік құралдар мен пайдалы ақпараттық материалдар таратылады.

Тұрғындардың денсаулығы да назардан тыс қалмайды. Республикалық клиникалардың дәрігерлері аймақта азаматтарға қабылдау жүргізіп, оларға кеңес береді, күрделі оталар жасайтын болады. Жергілікті дәрігерлерге тексеру мен емдеудің үздік әдістерін үйретеді. Заманауи медициналық техникамен жабдықталған «Саламатты Қазақстан» пойызы елді-мекендерде адамдарды қарап,тексеретін болады.

Облысқа еліміздің жан-жақты дайындалған діни мамандар келіп, дін мәселелері бойынша семинарлар мен дәрістер өткізетін болады.

Аймақтағы соңғы трагедиялық оқиғаларды ескере отырып, терорристік қауіпке қарсы күрес бойынша ең ауқымды жұмыс жүргізілетін болады.

Тұрғындарға теракт болу қаупі немесе оның іске асуы кезінде өзін және жақындарын қорғау бойынша негізгі ережелер түсіндіріледі. Мектептер, вокзалдар, ауруханалар қызметкерлерімен жаттығу іс-шаралары жүргізіледі.

Ұлтаралық келісім мен халық бірлігі тақырыптары бойынша жаппай мәдени, спорттық және басқа да іс-шаралар өтеді.

Жұмыс сапары аясында Бас Прокурордың облыс кәсіпкерлерімен, үздік оқушылармен және студенттермен, құқық қорғау органдары қызметкерлерімен және ардагерлерімен кездесулері, сонымен қатар аймақтың бизнес қауымдастығы өкілдерін жеке қабылдауы жоспарланған.

Бұл іс-шараға мәдениет және спорт, ұлттық экономика, денсаулық сақтау және әлеуметтік даму, ақпарат және коммуникациялар, қаржы, ауыл шаруашылығы, білім және ғылым, инвестициялар және даму, ішкі істер, әділет, дін және азаматтық қоғам жөніндегі министрліктер, Ұлттық қауіпсіздік комитеті, Терорризмге қарсы Республикалық Орталық, Мемлекеттік қызмет істері және сыбайлас жемқорлыққа қарсы іс-қимыл агенттігі, Қазақстан халқының Ассамблеясы, Қазақстан мұсылмандарының діни басқармасы, Ақтөбе облысының әкімдігі, «Атамекен» ҰКП, «Үкімет - азаматтар үшін» мемлекеттік корпорациясы, «Бәйтерек», «ҚазАгро» холдингтері мен үкіметтік емес ұйымдар тартылған.

Ақпарат көзі: strategy2050.kz

0
0
515

Сербия премьер-министрі Қазақстанға ресми сапармен келуге ниетті – СІМ

Белградта елші Нұрбах Рүстемов Сербия премьер-министрі Александр Вучич және премьер-министрдің бірінші орынбасары – сыртқы істер министрі Гораном Кнежевичпен кездесу өткізді.

Кездесу барысында Александр Вучич 23-25 тамызда Қазақстан Президентінің  Сербияға жасаған  ресми сапарының маңыздылығын атап өтті. Оның айтуынша, аталмыш сапар Қазақстан мен Сербия арасындағы  өзара ынтымақтастықтың тереңдеуіне негіз болды. Сербиялық үкіметтің басшысы  Қазақстан көшбасшысымен өткен  келіссөз  оң әсер қалдырғанын  айтты. Сербиялық премьер-министр  жақын арада Қазақстанға ресми сапармен келетінін айтты, деп хабарлады СІМ.

ҚР Президентінің тапсырмасымен үкіметтің қабылдаған бағдарламалық құжаттарымен танысқан А.Вуич  олардың жүзеге асырылуы ұлттық экономиканы нығайтып,  жаңа экономикалық перспективаларды Қазақстан үшін ғана емес, өңір үшін қамтамасыз ететінін айтты.

СІМ басшысымен кездесуде тараптар  екіжақты ынтымақтастықтың барлық бағытын қарастырды. Кездесу барысында экономика министрі мен тараптар Қазақстан мен Сербия  арасындағы ынтымақтастықтың үкіметаралық  комиссиясының  1-ші отырысында   келісілген сауда-экономикалық қарым-қатынасты елдер арасында белсенділету мәселелерін талқылады.

Парламент Сенаты «Қазақстан Республикасының Үкіметі мен Сербия Республикасының Үкіметі арасындағы Табыс пен капиталға салынатын салықтарға қатысты қосарланған салық салуды болдырмау және салық салудан жалтаруға жол бермеу туралы конвенцияны және оған Хаттаманы ратификациялау туралы» заңын қабылдады.

Астана қаласында 2015 жылдың 28 тамыз айында қол қойылған Конвенция мен Хаттама инвестициялар үшін қолайлы жағдай жасау арқылы  Қазақстан мен Сербия арасында экономикалық ынтымақтастықты нығайтуға және кеңейтуге бағытталған, деп хабарлады палатаның баспасөз қызметі.

Конвенция екі жақты халықаралық келісім шарт болып табылады және қосарланған салық салуды жою мақсатымен жасалған. Тараптар салық төлеушіге салықты бір рет қана төлеуге мүмкіндік береді. Басқа мемлекет оларға төленген салық сомасының есебін ұсынады.

Құжатта ережелер қарастырылған және соған сәйкес, дивиденттер, пайыздар және роялтилер төмендетілген мөлшерлеме бойынша кіріс көзіне салық салуы мүмкін.

Ақпарат көзі: strategy2050.kz

0
0
534

Жекешелендірудің екінші» толқынының» барысы туралы» тақырыбында баспасөз – конференциясы өтті

ҚР Орталық коммуникациялар қызметінде «Жекешелендірудің екінші» толқынының» барысы туралы» атты тақырыпқа Қазақстан Республикасы Қаржы министрлігі Мемлекеттік мүлік және жекешелендіру комитетінің Төрағасы Э.К. Өтеповтің қатысуымен баспасөз-конференциясы өткізілді


ҚР Орталық коммуникациялар қызметінде «Жекешелендірудің екінші» толқынының» барысы туралы» атты тақырыпқа Қазақстан Республикасы Қаржы министрлігі Мемлекеттік мүлік және жекешелендіру комитетінің Төрағасы Э.К. Өтеповтің қатысуымен баспасөз-конференциясы өткізілді.

2014-2016 жылдарға арналған сату кестесіне сәйкес сатуға 622 объекті жоспарланған. 2014 жылдың маусымнан 2016 жылдың тамызға дейінгі кезеңде 523 объекті жекешелендіруге жоспарланған. 2016 жылдың 26 қыркүйектегі жағдай бойынша іс жүзінде саудаға 509 объект шығарылды, оның 314 объектісі сатылды, оның ішінде республикалық меншік бойынша – 19, коммуналдық меншік бойынша – 157, Әлеуметтік кәсіпкерлік корпорациялар бойынша – 81, холдингтер бойынша – 57.

Бұл ретте, сатудан түскен қаражат келесі түрде таратылды: республикалық бюджетке 7 млрд. теңге, облыстық бюджеттерге - 5,1 млрд. теңге, Холдингтерге – 68,1 млрд. теңге, Әлеуметтік кәсіпкерлік корпорацияларға – 6,4 млрд. теңге түсті.

Республикалық меншік бойынша

2014 жылдың маусымнан 2016 жылдың қыркүйекке дейінгі кезеңде сатуға 27 объекті жоспарланған. Ағымдағы жылдың 28 қыркүйектегі жағдайы бойынша сауда-саттыққа 27 объекті шығарылды, оның ішінде 19 объекті сатылды.

Коммуналдық меншік бойынша

2014 жылдың маусымнан 2016 жылдың қыркүйекке дейінгі кезеңде 273 объекті жекешелендіруге жатады. Іс жүзінде 28 қыркүйектегі жағдай бойынша 254 объекті саудаға шығарылды, оның ішінде 157 объекті сатылды.

Әлеуметтік-кәсіпкерлік корпарациялар бойынша

2014 жылдың маусымнан 2016 жылдың қыркүйекке дейінгі кезеңде 105 объекті жекешелендіруге жатады. Іс жүзінде 104 объекті сатуға қойылды, оның 81-і сатылды.

Ұлттық компаниялар мен холдингтер бойынша

Ағымдағы жылдың 28 қыркүйектегі жағдайы бойынша сатуға жоспарланған 136 объектінің 124 объектісі сауда-саттыққа шығарылды, оның ішінде 57 объекті сатылды.

ҚР Қаржы министрлігінің баспасөз қызметі

1
0
764

«Серпіннің серпілісі» саяхаты

Павлодар облысының жастар саясаты мәселелері жөніндегі басқармасының «Жастар бастамаларын дамыту орталығының» тағы бір жобасы «Серпін серпілісі». Осы жолғы саяхат «Серпін 2050» бағдарламасымен Павлодар облысында білім алып жүрген студенттеріне арналды.

2014 жылдан бастап Қазақстанда      «Серпін- 2050» «Мәңгілік ел жастары - индустрияға» мемлекеттік бағдарламасы жұмыс істейді.

• Бағдарламаның мақсаты –  еңбек ресурстарының артықшылығы бар   еліміздің оңтүстік өңірінің (Алматы, Оңтүстік Қазақстан, Жамбыл, Қызылорда, Маңғытау облыстары) жастарын, кадрлар жетіспей отырған аймақтарда - шығыс, батыс және солтүстік Қазақстанда оқытып, жұмысқа орналастыру.

• «Серпін-2050»  әлеуметтік  жобасы  Мемлекет басшысы Нұрсұлтан Назарбаевтың «Қазақстан-2050» стратегиясында айқындалған  басымдықтарды  жүзеге асыруға бағытталған іс-шаралардың қатарына кіреді. Стратегияға сәйкес дамыған 30 елдің қатарына қосылу үшін білікті мамандар даярлау мәселесі өзекті  болмақ.

• Осыған орай Қазақстан Республикасы Үкіметі жастар мәселесіне  арнап «Мәңгілік елжастары -индустрияға!» әлеуметтік жобасын ұсынған болатын. Бұл жоба  «Серпін-2050» деп аталады.

• «Серпін-2050» – жарқын болашақ бағдарламасы. Бұл бірегей бағдарлама мыңдаған жігіттер мен қыздарға Батыс, Шығыс және Солтүстік Қазақстанның колледждері мен ЖОО-да сапалы білім алуға мүмкіндік береді.

• Бағдарлама бойынша сыйақы төленеді, жатақхана беріледі, оқу орынын бітірген соң жұмысқа орналастыру қарастырылған.

• «Мәңгілік ел жастары - индустрияға!» жобасын табысты іске асыру үшін Мұрат Әбенов басшылық ететін Республикалық үйлестіру орталығы құрылды деседі.

 

Бүгінде Павлодар облысында 1000 аса студенттер білім алуда. Жастар бастамаларының ұйымдастыруымен серпіндік студенттер Павлодар облысының қалалары мен аудандарымен танысуға мүмкіндік алды. Осы жолғы саяхаттың бағыты Екібастұз қаласымен Баянауыл ауданы.

27 қыркүйек сағат 08.00 де Жастар орталығынан 50 студенттер Екібастұз қаласына аттанды. Екібастұз қаласының Жастар бастамаларын дамыту орталығының директоры Садықова Раушан Зайкенқызы бастаған орталық ұжымы қарсы алып, қалалық "Достық үйін" аралаумен басталды. "Достық үйінің" ұжымы қонақжайлық танытып, қызықты мағлұматтармен бөлісті. Қалалық өлкетану мұражайында да студенттер өздеріңе керекті,тарихи мәліметтерді алды.

М. И. Глинка атындағы музыка мектебі серпіндіктерге таңдай қақтырды. Замаңға сай талаптарымен жабдықталған бұл мектепте 580 талантты бала оқып жатыр. Бес бөлмеде 52 педагог-музыкант он мамандық бойынша сабақ береді. Осындай қамқорлықтың нәтижесінде Екібастұзда жастардың мәдени және рухани дамуы үшін мүмкіндіктер кеңінен қарастырылған. Бұл музыка мектебін тұрғындар кіші консерватория деп атап кеткен. Студенттерге  "Қайнар" балалар шығармашылығын дамыту орталығының жұмыстары таныстырылды.

Серпіннің студенттерінің келесі аялдамасы Баянауыл ауданы болды. Кеш бата жеткен студенттер «Жас-дәурен» оқу-сауықтыру орталығына жайғасты. Екінші күні таңертең серпіндіктер Шәкен Айманов атындағы мектеппен танысып, Академик Қ.И.Сәтпаевтың мұражайында қонақ болды.

Түстен кейін  «Серпіннің серпілісі» саяхатын «Жастар орталығы» КММ мен Жас Отан «Жастар қанатының» төрағасы Рахимтаев Ержан Бақтыбайұлы Жасыбай демалыс орындарында саяхатты жалғай түсті. Екі күнге созылған саяхат өз мәресіңе жетіп, студенттер қимастықпен қоштасты.

«Ұйымдастырушыларға өзіміздің алғысымызды білдіреміз! Біздің басымызды біріктіріп, жағдайымызды жасап, естен кетпес саяхат ұйымдастырғандарыңызды біз ешқашан ұмытпай, қайда жүрсекте айтып жүретін боламыз! Серпіннің жағылған алауын өшірмей  жүреміз. Жаңа достармен танысқаныма қуаныштымын», дейді саяхат қатысушысы Сымбат Нартбаева.

Естеріңізде болса, "Тұлға жолы" жобасы аясында "Әлихан жолы" саяхатымен Павлодарлық жастар жарты қазақстанды аралағанды. Бүгінде серпіндіктердің басын қосып, Кереку өңірімен таныстыру мақсатында "Серпін серпілісі" саяхатын жүзеге асырып жүрген жоба жетекшісі Ғабит Хафиз.

- "Серпін 2050" бағдарламасымен оқып жүрген студенттер ертеңгі күні білім ордаларын бітірген соң, өңірімізде қызмет атқарып, тұрақтап қалу мәселесі мені алаңдатады. Сол себепті Керекудің әлеуметтік-экономикалық нысандарын, маңызды орындарын көрсетуді жөн көрдік. Бүгінгі серпіндіктер ертең қолдарына диплом алған соң, біз саяхаттаған жерлерде қызмет атқарулары әбден мүмкін",-дейді Жастар бастамаларын дамыту орталығының инспекторы  Ғабит Хафиз.

   
0
0
1783

Мейіржан Меңлібек пен Эльмира Алтай «2 жұлдыз» байқауының жеңімпаздары атанды

Кеше Қ.Жандарбеков атындағы Жетісай драма театрында «Жастар ресурстық орталығы» КММ-нің ұйымдастыруымен Мақтарал ауданының жастары арасында «2 жұлдыз» байқауы болып өтті. Бұған дейін 60 жұп (120 адам) қатысқан байқаудың іріктеуінен тек 9 жұп қана ақтық сынға өткен болатын.

«Мақтарал – жастардың мекені. 360 мыңға жуық тұрғынның 90 мыңын жастар құрайды. Дәл сол себепті, біздің аудан білімнің, өнердің, спорттың ордасына айналуы тиіс. Роза Әлқожа, Жұбаныш Жексенұлы, Гаухар Әлімбекова, Бақыт Шадаева т.б. көптеген өнер иелері шыққан мекеннен әлі де талай саңлақтар шығатынына мен сенемін. Бүгінгі байқаудың да мақсаты сол – Мақтарал жастарының арасынан жаңа жұлдыздарды табу» - дейді Мақтарал аудандық Ішкі саясат, мәдениет және тілдерді дамыту бөлімінің басшысы Пердеш Есенбеков.

Мақтарал ауданы Саз мектебінің вокал пәнінің мұғалімі Лаура Төренова, Эстрада жұлдызы, ақын, сазгер Асан Пердешов, Мақтарал аудандық шығармашылық орталығының көркемдік жетекшісі Алтыншаш Сейталиева, «Асан шақырады» атты ән байқауының жеңімпазы Абылайхан Қыдыралиев төрағалық еткен байқау «Туған жер, отан туралы патриоттық ән», «Еркін тақырып» атты екі кезеңнен тұрды. Вокалдық орындау шеберлігі, киім стилі, сахна мәдениеті, сахналық фон т.б. жан-жақты бағаланған байқаудың жеңімпаздары 4-ші нөмірлі Мейіржан Меңлібек мен Эльмира Алтай болды.

Бас жүлде
Мейіржан Меңлібек – Эльмира Алтай
І орын
Мақсат Ділманов – Балжан Тағантұрды 
ІІ орын
Ерболат Жүніс – Мадина Сатиева 
ІІІ орын
Ерсұлтан Смайлов – Малика Қалдыбай

 

 

(с) Мақтарал ауданы әкімінің баспасөз қызметі

 
0
0
908

Бас Прокурордың Ақтөбе облысына сапары туралы баспасөз ақпараты (Ақтөбе қ., 2016 жылғы 29 қыркүйек)

Бүгін Бас Прокурор Жақып Асанов Ақтөбе облысына жұмыс сапарымен келді. Осы сапар аясында Мемлекет басшысының тапсырмасына сәйкес аймақтың әлеуметтік-экономикалық проблемаларын шешу жобасы басталатын болады.

http://prokuror.gov.kz/kaz/baspasoz/akparaty/bas-prokurordyn-aktobe-oblysyna-sapary-turaly-baspasoz-akparaty-aktobe-k-2016

0
0
415

ҚР ДСӘДМ Ақтөбе облысы тұрғындарын «Өрлеу» жобасына тарту үшін белсенді шаралар қолданбақ

Алдағы айларда ҚР ДСӘДМ мамандары кірістері ең төмен айлық көрсеткіштен аз Ақтөбе облысының тұрғындарын «Өрлеу» жобасына тарту және жастарды жұмыспен қамтмасыз ету үшін кең көлемді жұмыстар жүргізеді. Бұл жөнінде бүгін Ақтөбе қаласында өткен брифингте ҚР Денсаулық сақтау және әлеуметтік даму вице-министрі Светлана Жақыпова мәлімдеді.

Ол 2014 жылдан бастап Ақмола, Шығыс Қазақстан және Жамбыл облыстарында аз қамтылған азаматтар үшін шартталған ақша қаражатын енгізу бойынша  пилоттық «Өрлеу» жобасы іске асырылып жатқанын атап өтті. Жоба атаулы қолдаудың шартсыз формасынан «өзара міндеттемелер» (әлеуметтік контракт жүйесі) принциптеріне өтуін қарастырады. 2015 жылғы 1 шілдеден бастап осындай өңірлік пилоттық жобалар жергілікті бюджет есебінен 38 аудан мен қалаларда іске асырыла бастады.

«Жобаның іске асырылуы оның қатысушыларының жан басына шаққан кірістерін жобаға қатысқанға дейін кезеңмен салыстырғанда 2,6 есе өсуіне мүмкіндік туғызды және 99,4% еңбекке жарамды қатысушылар жұмыспен қамтылды», деді Светлана Жақыпова.

2016 жылғы 1 қыркүйектегі жағдай бойынша «Өрлеу» жобасына 27,1 мың қазақстандықтар қатысты, олардың ішінде 666 адам Ақтөбе облысының тұрғындары немесе қатысушылардың жалпы санының 25%.

Вице – министр Ақтөбе облысында кірістері ең төмен айлық көрсеткіштен аз отбасылар (тұлғалар) анықталғанын, бір ай бойы олармен әңгімелесу, аулаларды аралау, қиын өмірлік жағдайдан шығу жеке бағдарламаларын әзірлеу, «Өрлеу» жобасы шеңберінде әлеуметтік контракт жасасу жұмыстары жүргізілетінін атап өтті.

Одан басқа, жастардың, бірінші кезекте оқу орындарына түсе алмаған, білімдері жоқ, бас бостандыған айыру орындарынан шыққандардың, жұмыссыздардың, экономиканың формалды емес секторында жұмыс істейтіндердің жұмыспен қамтамасыз етілуіне ерекше назар аударылады.

«Жастардың жұмыспен қамту мәселелерін шешу үшін ҚР ДСӘДМ «Жұмыспен қамту 2020 жол картасы» бағдарламасына (бұдан әрі – ЖҚЖК 2020) компьютерлік сауаттылыққа, ағылшын тілін жаппай оқытуды енгізуге, өз ісін ұйымдастыру үшін кәсіпкерліктің негіздеріне оқытуға; жастарды жұмыспен қамтуға, ең алдымен жастар практикасын, әлеуметтік жұмыс орындарын ұйымдастыруға және кәсіптік білім беруге бағытталған іс-шараларды қаржыландыруға қатысты бөлігіне өзгерістер мен толықтырулар енгізді. Алдағы айлық барысында облыста жастарды жұмыспен қамтамасыз ету үшін барлық қажетті шараларды практикада жүзеге асыруы қарастырылуда», деп мәлімдеді Светлана Жақыпова.

Сонымен қатар, азаматтардың еңбек құқығын қорғау бойынша жұмыс жүргізілетін болады, оның ішінде жаңа Еңбек кодексі қабылдануына байланысты ақпараттық-түсіндіру жұмыстары, жұмыс берушілердің қызметкерлердің еңбек құқығын сақтаудағы бақылауын күшейту, еңбек қауіпсіздігін қамтамасыз ету.

Жалақы төлеу бойынша, міндетті зейнеткерлік жарналар бойынша қарызы бар өнеркәсіптерге аса назар аударылатын болады.

Свелана Жақыпова Жұмыс тобымен әлеуметтік-еңбек саласындағы жаңа енгізулердің орындалуы бойынша түсіндіру кездесулерінен басқа, жұмысшылардың еңбек құқығын қорғаудағы нақты тәжірибелі көмек көрсетілу жоспарланғанын  атап өтті.

Сонымен қатар, ҚР ДСӘДМ-де Астана және Алматы қалаларының ғылыми орталықтары мен ғылыми-зерттеу институттарының мамандарынан тұратын топ құрылған, олар мамандандырылған және жоғары мамандандырылған медициналық көмектің қолжетімділігін жоғарылатуда өңірдегі адамдарға кеңестік-диагностикалық  қызметтер көрсететін болады.

«Жоғары мамандандырылған көмекті қажет ететін пациенттерге, бас медициналық орталықтардың мамандарының қатысуымен шеберлік-класс аясында медициналық көмек көрсетілетін болады. Жергілікті дәрігерлермен бірлесе отырып, оқушылар арасында  сауықтыруға арналған топ құру үшін және әртүрлі ауруларды ерте анықтау мақсатында профилактикалық тексерулер жүргізіледі» - деді вице-министр.

Халық арасында амбулаторлық-емханалық көмек, міндетті әлеуметтік медициналық сақтандыру, дәрімен қамтамасыз ету мәселелері, сонымен қатар әлеуметтік маңызы бар аурулар бойынша ақпараттық-түсіндіру жұмыстары жүргізілетін болады. Сәйкесінше өңірдегі медициналық қызметкерлерге шеберлік-кластар жүргізіледі.

 
0
0
506