Мазмұнға өту

Жаңа

Әр азамат орындауға міндетті заңдылық

А.ж. 28 қыркүйекте Ақмола облысы бойынша   мемлекеттік қызмет істері департаментінің бас маманы С. Беккажанова тілдерді дамыту басқармасында «Сыбайлас жемқорлыққа қарсы мәдениетті қалыптастыру» тақырыбында дөңгелек үстел өткізді.

Кездесу барысында Департаменттің өкілі  кәсіби мемлекеттік аппарат, қолжетімді әрі есеп бере алатын мемлекет құрудағы мемлекеттік қызметшілердің алатын орнының ерекше екенін атап өтті, сонымен қатар,

Департаменттің қоғамда сыбайлас жемқорлыққа қарсы мәдениетті қалыптастыру бағытындағы атқарлған қызметімен таныстырып өтті.

Басқарманың қызметкерлеріне сыбайлас жемқорлықтың алдын алу тақырыбындағы бейнероликтер көрсетілді, сонымен қатар, іс-шараның соңында олар департамент тарапынан жүргізіліп отырған іс-шаралардың маңыздылығы туралы сұрақтар қойылған сауалнамаларды толтырды.,

Қойылған сұрақтарға  нақты жауаптар мен түсініктемелер  берілді.

Департамент госслужбы

0
0
360

Мақтаралда «Маусымашар-2016» фестивальі өтті

«Қазақстан КВН Одағы» РЖҚБ Мақтарал ауданы филиалының ұйымдастыруымен Қ.Жандарбеков атындағы Жетісай драма театрында Мақтарал ауданы бойынша жайдарман ойындарының «Маусымашар-2016» фестивальі өтті.

Мақтарал жайдарманы 9 лигадан тұрады. Атап айтсақ, 6 «Аймақтық лига», 2 «Орталық лига», 1 «Жоғары лига». Былтырғы жылы осы лигалардың чемпиондары мен арнайы жобалардың жүлдегерлері атанған 16 команда «Маусымашар-2016» фестивальіне қатысып отыр. Аудан бойынша биыл 117 команда құрылып додалы бәсекеде бақтарын сынамақшы. 2015-2016 оқу жылында 45 ойын өтсе, 2016-2017 оқу жылында 50 ойын жоспарлануда.

Айта кетейік, Мақтарал ауданының жайдарман ойындарын ұйымдастыру үшін 4 семинар өткізілді және ойынның басты демеушісі аудандық Білім бөлімі.

 

#Тәуелсіздікке25жыл
#25летнезваисимости


(с) Мақтарал ауданы әкімінің баспасөз қызметі

 
0
0
711

«Made in Әже» көрме-жәрмеңкесі өтті

Зымыраған сағат тілінің шексіз тықылдап соғуына мән бермеген біз уақыттың қалай жылдам өтіп кеткенін сезбей қалыппыз. Енді міне, алдымызда 1- қазан қарттар күні мерекесі жақындап қалды. Неткен шіркін уақыт десеңші, осылайша ортамызда жүрген қарияларымыздың бір кезде елі, халқы, келешек ұрпағы үшін жасаған игі істері ерекше орын алады. Қазіргі кезде біздің мемлекетімізде қарттарға үлкен мән беріп, көңіл аударып, жан- жақты үкімет тарапынан қамқорлық жасалуда.

Қазақстанның өсіп- өркендеуіне, еліміздің бейбітшілік тыныш өмір кешуіне өз үлестерін қосқан осы ардақты да аяулы қарттарымыздың арқасы деп есептейміз. Міне, енді қарттар күні саналы ғұмырларын Отан деп, тынымсыз еңбектерімен мемлекетіміздің негізін салуға жол ашқан алдыңғы буын аға- апаларымыздың төл мерекесі. Олардың өмір жолдары бүгінгі ұрпаққа табылмас қазына.

1 қазан - Дүниежүзілік қарттар күні Мерекеге орай 30 қыркүйек күні  Павлодар облысының жастар саясаты мәселелері жөніндегі басқармасының «Жастар бастамаларын дамыту орталығында » «Made in Әже» көрме-жәрмеңкесі ұйымдастырылды.

Аталмыш шарада әжелеріміз жастарға өздерінің сүйікті істерінің тәжірибесімен  бөлісіп, мастер-класстарын көрсетті.Оған қоса әжелеріміз  қолөнер бұйымдары, ғасырлар бойы сақталған аспаздық құпия, үлгілі ана, табысты әйел болудың қыр-сырын айтып берді.

Мерекелік іс-шараға  жиналған серпіндік студенттер, еріктілер белсенділік танытып, қарияларымыздың көңілдерін бір көтеріп тастады. Жәрме-көрмесінен кейін жастар жиналған асыл қазыналарымызбен шәй ішіп, әңгіме дүкен құрды. Қарияларымызға арнайы Жастар бастамаларын дамыту орталығының дайындалған концертімен жалғасты.

     
0
0
669

Бас Прокурордың Ақтөбе қаласында үздік оқушылармен және студенттермен кездесуі туралы баспасөз ақпараты (Ақтөбе қаласы, 2016 жылғы 30 қыркүйек)

Ақтөбе облысына жұмыс сапары аясында Бас Прокурор Жақып Асанов үздік оқушылармен және студент жастармен кездесті. Кездесуге сондай-ақ облыс әкімі Бердібек Сапарбаев қатысты.

http://prokuror.gov.kz/kaz/baspasoz/akparaty/bas-prokurordyn-aktobe-kalasynda-uzdik-okushylarmen-zhne-studenttermen-kezdesui


0
0
528

Ғалымжан Молданазардың концерті қалай өтті?

Кеше Алматы қаласының əлемде тараған "Hard Rock Cafe" атты клубында синти-поп жанрында өнер көрсетіп жүрген Ғалымжан Молданазардың кеші өтті. Халық көп жиналды. Əншінің өнерін көруге оның өнерде жүрген достары Медет Шаяхметов, Қанат Бейсекеев, Азамат Дулатов, Диас Аблаев, Гульназ Жоланова, Малик Зенгер жəне т.б да келіпті. Кеш 8-де емес, қазақтардың əдетімен бір сағатқа кеш басталды. Қайтеміз? Қазақпыз ғой, халықтың бəрі жиналсын деп күтеміз.

Молданазар кешті жақында ғана шыққан бейнебаяны, көбісінің жүрегіне түрткі болған "Өзің ғана" əнімен бастады. Ең қызығы - бұл əнді əнші тек қана өзінің тобы емес, сол бейнебаянда баян ойнап түскен атамен шырқады. Бəрі қуанып, ұялы телефондарын шығарып, түсіре бастады. 21-шы ғасырға сай жəйт қой. :)

Концерттен бұрын Ғалымжан "instagram" əлеуметтік желісінде байқау жарияланған еді. Байқаудың талабы: Молданазардың кез-келген əніне кавер нұсқа түсіру болды. Осы кеште сол байқаудың жеңімпазы Ербол Нариман атты жас жігітпен "Ұмытшы мені тез" əнін бірге орындады. Одан бөлек "Жауап бар ма" əнін американдық əнші қыз Грейс Гарретпен бірге шырқады.

Бұл кеште он шақты жанға жағымды əн естіп, биледік. Мен деген кейбір əннің сөзін дұрыс білмей жатқанымда қасымда айтып тұрған қыздан да естіп бірге айтқаным болды. Негізі Ғалымжан Молданазардың əндерін кешке келгендердің көбісі жатқа біледі екен. Бір қыз инста парақшасында жазғандай "хор болып əн шырқадық". Концертте əншінің атын шығарған, киноларға саундтрек болып жүрген "сағым", "ақпен бірге", "кім ол" жəне көбінің сүйікті əніне айналған "алыстама", "менікі емес" атты туындылары шырқалды.

Кештің соңына таман халықтың қалауымен Молданазар бірнеше əнін екі рет те орындады. Сөйтіп концерт те аяқталды. Концертке келген адамдар риза. Өз басым жақсы эмоция алып қайттым. Соңғы сөзім: "Молданазар билегенде орысша айтқанда "вообще няшка" ғой." :D Оны көру керек. Бұл концертке келе алмай қалғандарға айтарым, осы жексенбі күні Ғалымжан Молданазар Алматыда тағы кешін өткізбек. Caffe del teatro деген мейрамханада болады. Билеттер бұдан қарағанда қымбаттырақ, бірақ ішіне кешкі ас кіреді дейді. Жанды дауыста айтылған əн естіп, жақсы əсер алғыларыңыз келсе, барыңыздар. ;))

Ал енді маған баспалдақтан түсіруге күзетші рұқсат бермеді. Сол үшін fancam видеоларды қабыл алыңыздар.

Site: about.me/kmolya

YouTube Chanel: KMOLYA

Blog: molya_shine.yvision.kz/

Instagram: instagram.com/kmolya/

Twitter: twitter.com/kmolya/

Facebook: facebook.com/molya.akh

Vkontake: vk.com/molya_shine

 
4
1
1632

Ұстазға құрмет – адамзатқа міндет.

«Адамның адамшылығы - жақсы ұстаздан» деп ұлы Абай айтқандай, мұғалім тәрбиесі мен өнегесі оқушының болашақ азығы.

Мен Балқаш қаласы №7 мектеп-гимназиясында білім нәрінен сусындадым! Ұстаздарымды әркез ілтипатпен еске алып жүрем! Дүниедегі мамандық атаулының төресі – ұстаздық. Әсілі, мұғалім  барлық  мамандық   иесін  тәрбиелейтін,  оқытып  үйрететін айрықша абзал  жандар.

 

Ұстаз  берген  тәрбие әрбір  жанның  өміріне  жол  сілтер  шамшырақ  секілді. Қай заманда болсын, ұстаздарға құрмет жоғары болған. Бүгіннен немесе кешеден ғана ұлы мамандық иелеріне құрмет көрсетіліп келе жатқан жоқ, ықылым заманнан бері ұстаздықтың шоқтығы биік тұр. Ұстазды сыйлау – өмірдегі бір борышың. Ұстазға құрмет – адамзатқа міндет.

Құрметті Ұстаздар мерекелеріңіз құтты болсын !!!

 
0
0
798

С. Ли: Бір жеке сот орындаушысы республиканың 13 мың тұрғынына қызмет көрсетеді

Қазіргі таңда жеке сот орындаушыларының портфелінде 1 млн 560 мың орындалуы қажет құжат бар, оның ішінде 60 мыңы әлеуметтік маңызды санат бойынша алиментті төлету және еңбекақы қарызын өтеуге бағытталған құжаттар. Бұл туралы Жеке сот орындаушыларының республикалық палатасының басқарма төрағасы Сергей Ли Астанада жеке сот орындаушыларының мәселесіне қатысты өткен халықаралық конференция барысында айтты.

«Мемлекет басшысы  «Ұлт жоспары – қазақстандық арманға бастайтын жол»  мақаласында  сот жүйесі реформасының аясында  бірқатар институционалдық шешімдер жұмыс істейтінін айтты, оның бірі жеке сот орындаушыларының институтын дамыту болып табылады. Аталмыш институт  2010 жылы  «Атқарушы өндіріс және сот орындаушыларының мәртебесі туралы» Заң  бойынша енді. Алғашқы жеке сот орындаушылары мен  өңірлік және республикалық ұжымдар  өз жұмыстарын 2011 жылдың қыркүйегінде бастаған болатын. Сондықтан қызметке 5 жыл толып отыр», - деді С. Ли.

Ол айтып өткендей, өткен жылы Қазақстан Парламенті  жеке сот орындаушылық жүйені кеңейтетін  заң қабылдады.

«2016 жылдың 1 қаңтарынан бастап  ЖСО құзырына   орындаушы құжаттардың барлық санаты тапсырылды, тек мемлекетке 1000 АЕК көрсеткішінде түсім салатын істер мен баспана, жер теліміне  қатысты мәселелер берілмейтін болды. Қазіргі таңда  жеке сот орындаушыларының  портфелінде 1 млн 560 мың орындалуы қажет құжат бар, оның ішінде 60 мыңы әлеуметтік маңызды санат бойынша алиментті төлету  және  еңбекақы  қарызын өтеуге бағытталған құжаттар», - деді С. Ли.

Оның айтуынша, жыл басынан бері Республикалық палата  Әділет министрлігімен бірігіп  ЖСО санын көтеру бойынша  шаралар қабылдап,  облыс аудандарын қызметпен қамту мәселесі қарады.

«Палата ірі қалаларда олардың санының көбеюі институт жұмысына кері әсер етуі де мүмкін деп есептейді. Себебі, қазірдің өзінде бірқатар аудандарда мамандардың біліктілігіне әсер етіп отыр», - деді ол.

Орташа есеппен алғанда бір сот орындаушысы 13 мың тұрғынға қызмет етеді.

Айта кетейік,  Ұлт жоспарының 27 қадамы аясында  жеке сот орындаушыларының институтын одан әрі дамытып,  сот орындаушы мемлекеттік қызметін кезеңмен қысқарту қарастырылған.

Ақпарат көзі: strategy2050.kz

0
0
635

Сенат ҰОС қатысушыларына арналған кепілдіктер мен жеңілдіктерді өзара тану келісіміне енген өзгерістерді қабылдады

Бүгін Қазақстан Республикасы Парламенті Сенатының жалпы отырысында палата депутаттары «Ұлы Отан соғысының қатысушылары мен мүгедектеріне, басқа мемлекеттердің аумағындағы ұрыс қимылдарына қатысушыларға, қаза тапқан әскери қызметшілердің отбасыларына арналған жеңілдіктер мен кепілдіктерді өзара тану туралы 1994 жылғы 15 сәуірдегі келісімге өзгерістер мен толықтырулар енгізу туралы хаттаманы ратификациялау туралы» Қазақстан Республикасының Заңын қабылдады.

«Аталған Келісім 1994 жылғы 15 сәуірде ТМД мемлекеттері үкіметтерінің басшыларымен қол қойылған болатын.Келісімнің қабылданған сәтінен бастап ТМД мемлекеттерінің әлеуметтік-экономикалық саласында түбегейлі өзгерістер орын алып, ұлттық заңнамалары мен әлеуметтік қамсыздандыру жүйелері қалыптасты». - деді ол.

Осыған орай, ТМД үкімет басшыларының Душанбе қаласында 2015 жылғы 30 қазанда өткен отырысында Келісімге өзгерістер мен толықтырулар енгізу туралы Хаттамаға қол қойылды. Атап айтсақ, келісімнің нормалары:

Біріншіден, ұлттық заңнамаға сәйкес азаматтардың тұрып жатқан жеріне қарамастан заттай жеңілдіктерді немесе ақшалай төлемдерді алуға теңдей құқығын;

екіншіден, ТМД қатысушы–мемлекеттерінің аумағына уақытша келген ардагерлерге берілетін кепілдіктер тізімін өзектендіру. Бұл орайда олар:

-    уақытша келген мемлекеттің заңнамасына сәйкес ауырған, келеңсіз жағдайда, жарақат алғанда, улану және адам өміріне қауіп төндіретін басқа да жағдайларда медициналық ұйымдарда тегін жедел медициналық көмек алуға;

-    тұрмыстық, сауда-саттық, қоғамдық тамақтану орындарында, қоғамдық көлікте, тұрғын үй коммуналдық шаруашылығында, байланыс, мәдени-ағартушылық ұйымдарында уақытша келген мемлекеттің заңнамасына сәйкес кезектен тыс қызмет алу құқығы қарастырылды.

Үшіншіден, Хаттамамен бұрынғы Украина (КСР), Беларусь (КСР), Литва, Латвия, Эстония аумақтарындағы 1944 жылғы 1 қаңтар мен

1951 жылғы 31 желтоқсан аралығындағы кезеңде заңсыз құрылымдар мен топтарды (бандитизмді) жою жөніндегі ұрыс операцияларына тікелей қатысқан адамдарды қосу арқылы Келісімнің аясы кеңейді.

Тиісті құқық қорғау органдарының ақпаратына сәйкес, Қазақстан Республикасында аталған санатқа жататын 29 адам бар. Олардың барлығы Ұлы Отан соғысы қатысушысы ретінде арнаулы мемлекеттік жәрдемақы алады және тиісті әлеуметтік кепілдіктермен қолдануда.

Төртіншіден, бұрынғы Кеңес Одағының әскери қимылдарына қатысқан адамдардың санаттарын анықтау үшін бірдей әдістерді қолдану мақсатында Келісімді олардың қатысуымен ұрыс қимылдар жүргізілген мемлекеттердің, қалалардың, аумақтар мен кезеңдердің тізбесімен толықтыру ұсынылған.

Жалпы Хаттаманы ратификациялау Келісімде қарастырылған азаматтардың әлеуметтік кепілдіктері мен жеңілдіктеріне деген құқығын одан әрі тиімді жүзеге асыруға мүмкіндік береді.

Ақпарат көзі: strategy2050.kz

0
0
423

Т. Дүйсенова: Медициналық сақтандыру жүйесіне қатысуға барша азаматтар қызығушылық танытуы керек

ҚР Денсаулық сақтау және әлеуметтік даму Министрі Тамара Дүйсенова міндетті әлеуметтік медициналық сақтандыруды (әрі қарай – МӘМС) енгізу мәселелері бойынша аймақтық штаб мүшелері үшін қорытынды семинар өткізді. Селекторлық тәртіпте ҚР ДСӘДМ басшысы Жамбыл, Ақмола облыстарының, Астана және Алматы қалаларының өкілдерінің сұрақтарына толыққанды түсініктеме берді.

ҚР Денсаулық сақтау және әлеуметтік даму министрлігінің баспасөз қызметі хабарлағандай, өз сөзінде Тамара Дүйсенова мемлекеттің құрамына 17 миллион қазақстандықтарды вакциналау, әлеуметтік маңызы бар ауруларға көрсетілетін медициналық көмек және шұғыл медициналық көмек қызметтері кіретін тегін медициналық көмектің кепілдік берілген көлемі пакетінің аясында медициналық қызметтермен қамтамасыз ету бойынша қаржыландырудың бүгінгі таңдағы бар көлемін сақтап қалатынын атап айтты. Сақтандыру медицинасы жүзеге асырылған жағдайда мемлекет Медициналық сақтандыру қорына халықтың әлеуметтік тұрғыдағы осал тобының 10,1 млн. азаматы үшін жарнаны төлеу міндеттемесін өз мойнына алады.

Сонымен бірге, ҚР ДСӘДМ басшысы МӘМС жүйесіне қатысуға барша азаматтар қызығушылық танытуы керектігін айтты. МӘМС аясында көрсетілетін медициналық көмектің көлемі ӘМСҚ-ға төленетін жарна көлеміне тәуелді емес. Ең бастысы, жарна үнемі төленіп тұруы тиіс.

Тамара Дүйсенова МӘМС жүйесіне жұмыс берушілердің қатысуы жайында айта келіп, Медициналық сақтандыру қорының жарнасы корпоративтік табыс салығын (КТС-ті) есептеу кезінде шегерілетінін, кәсіпорындардың қызметкерлер ауырып қалған жағдайдағы шығыны Медициналық сақтандыру қорына төленетін аударым көлемінен артық болуы мүмкін екенін еске салды.

Тамара Дүйсенова Жамбыл облысы аймақтық штаб өкілдерінің МӘМС жүйесіндегі медициналық қызметкерлердің еңбекақысын арттыру тетіктері жайында сұрақтарына жауап бере келіп, әрбір медициналық ұйымның өз қызметкерлерінің еңбекақысын олардың біліктілігіне, жүктемесі мен көрсететін қызметтерінің сапасына қарай өзі реттейтінін хабарлады. Оның айтуынша, аталған тетік жеке медициналық ұйымдарда қолданылады. Бұл білікті мамандардың еңбегін шынайы бағалауға мүмкіндік береді.

МӘМС-ті енгізу барысында барлык медициналық ұйымдар жоғары санатты мамандарды шақыруға қызығушылық танытатын болады. Себебі, медициналық көмек көрсетудің сапасы – Медициналық сақтандыру қорының медициналық ұйымдардың қызметіне ақы төлеуі барысында басты критерий болмақ.

Сондай-ақ, Министр МӘМС жүйесінде пациенттердің бейресми төлемдері өзекті болмайтынын, себебі, сақтандырылған азаматтарға медициналық сақтандыру аясында барлық қызметтердің пакеті кепілдендірілетінін атап айтты.

Бұрындары хабарланғандай, ағымдағы жылғы 19 қыркүйекте Тамара Дүйсенова Батыс Қазақстан облыстары, 21 қыркүйекте Шығыс Қазақстан, Павлодар, Қарағанды, Маңғыстау облыстарының, 22 қыркүйекте Қызылорда, Оңтүстік Қазақстан, Қостанай және Солтүстік Қазақстан облыстарының, 27 қыркүйекте Ақтөбе, Алматы, Атырау облыстары аймақтық штабының мүшелері үшін семинар өткізді.

Оқыту шаралары аяқталған соң, аймақтық штаб мүшелері 1 қазаннан бастап халық арасында түсіндіру жұмыстарын бастайды. Олар жұмыс берушілермен, кәсіпорындар мен ұйымдардың еңбек ұжымдарымен, бюджеттік сала қызметкерлерімен, ҮЕҰ және кәсіподақ ұйымдарының өкілдерімен, сонымен қатар, ауылдық жерлердегі түрғындармен кездесулер өткізеді деп күтілуде.

Ақпарат көзі: strategy2050.kz

0
0
525