Мазмұнға өту

Жаңа

Сыбайлас жемқорлыққа қарсы мәдениетті қалыптастырудағы әдеп жөніндегі уәкілдердің рөлі

2016 жылғы 04 қазан күні Қазақстан Республикасы Мемлекеттік қызмет істері Ақмола облысы бойынша Департаментімен Көкшетау қаласында қоғамда сыбайлас жемқорлыққа қарсы мәдениетті қалыптастыруға бағытталған қызметті ұйымдастыру бойынша 2016 жылға Кешенді жоспарының 11 тармағын орындау мақсатында Ақмола облысының Әдеп жөніндегі кеңес мүшелерінің, Ақмола облысы әкімінің аппаратының әдеп жөніндегі уәкілдің және жергілікті және аумақтық атқару органдарының кадр қызметінің өкілдерінің қатысуымен қатысуымен «Сыбайлас жемқорлыққа қарсы мәдениетті қалыптастырудағы әдеп жөніндегі уәкілдердің рөлі» тақырыбында семинар – кеңес өткізілді.

Семинар-кеңестің басты мақсаты әдеп жөніндегі уәкілдің  мемлекеттік қызметте қызметтік этика ережелерін сақтау мен сыбайлас жемқорлықтың алдын алу бойынша негізгі функцияларын түсіндіру.

Сонымен қатар, семинар-кеңес барысында мемлекеттік қызметшілерге қызметтік этика ережелерін қолдану, мемлекеттік қызметшілердің құқықтары мен мүдделерін қорғау мәселелері және ұжымда адамгершілік-психологиялық ахуалды қалыптастыру бойынша   консультациялар беру бойынша өзекті мәселелері талқыға салынды.

0
0
346

«Жастар.Павлодар.kz» жастар форумы өтті

2016 жылдың 3 қазанында, Павлодар облысында Қазақстан Республикасының Тәуелсіздігінің 25 жылдығына арналған облыстық «Жастар.Павлодар.kz»жастар Форумы өтті. Форумға студенттер, жұмысшы жастар, жас мұғалімдер, дәрігерлер, полицейлер, спортшылар, елордамыз бен еліміздің басқа облыстарынан келген қонақтар, барлығы 900-дей адам қатысты. Форум аясында облысымыздың дамуына үлес қосқан 32 дарынды, белсенді жастар марапатталды.

Іс-шараға «Молодежь» консалтингтік басқармасының басшысы  Людмила Георгиевна  Бурлаченко, «Нұр сұңқар» сыйлығының «Ең үздік блогер» номинациясының жеңімпазы, блогер, медиажаттықтырушы Яков Иванович Федоров, «Зерде» жобалар  холдингінің басшысы, Жастар кадірлік резервінің түлегі Қуат Нұрланбекұлы Сағадиев, «Қазақстан Скауттері қозғалысы ұйымы» ҚҰ-ның президенті Ильдар Загедерейевич Катенов, «Ұлттық еріктілер желісі» ЗТБ-ның төрағасы Вера  Александровна Ким, Павлодар облысының Кәсіпкерлер палатасының бизнес-жаттықтырушысы  Қуаныш Жақпарұлы Досмағұлов шақырылды.

Форум қорытындысы бойынша Павлодар жастары облыс әкімі Болат Бақауовқа Тәуелсіз Қазақстанның құрдастары, облыстың дамуына үлес қосып, үлкен жетістіктерге қол жеткізген 25 жастағы адамдар туралы кітап-альбом табыстады. Альбом беттерінде 50 тәуелсіздік құрдастарының суреттері мен олардың жеткен жетістіктері көрсетілген.

Форум қорытындысы бойынша жастардың бос уақытын қамтуға арналған Портал мен мобилдік қосымшаның (kino.kz сайтының үлгісінде) тұсаукесері өткізілді. Бұл жаңашылдық арқылы қай уақытта, қай жерде қандай іс-шаралар өткізілізетіндігін, олардың қайсысы тегін немесе ақылы екендігін білуге болады. Бұл жастардың бос уақытын тиімді өткізуге септігін тигізетін жаңа өнертабыс.

Бұдан бөлек, Павлодар облысы «Ұлы дала скауттары» жаңаша оқыту скауттық бағдарламасының жобасын жүзеге асыруын алғашқы болып сынақтан өткізеді. Аталмыш бағдарлама жүздеген жас өспірімдерге азаматтық тәрбие беріп, бірлескен еріктілер қозғалысын дамытады.

Қазақстан эстрада жұлдызы Ринат Малцагов пен облыстың үздік жас шығармашыл ұжымдары Павлодар жастарын құттықтап, үлкен концерт өткізді.

 
0
0
797

Мемлекеттік қызметшілерінің әдеп кодексінің талаптары түсіндірілді

А.ж. 3 қазан күні Мемлекеттік қызмет істері Ақмола облысы бойынша департаментінің Мемлекеттік қызмет саласындағы бақылау басқармасының қызметкері Е. Сүлейменов Ақмола облыстық жердi пайдалану мен қорғалуын бақылау басқармасының қызметкерлеріне «Қазақстан Республикасы мемлекеттік қызметшілердің Әдеп кодексінің негізгі аспектілері туралы» тақырыбы бойынша дәріс оқыды.

Дәріс барысында Е. Сүлейменов Кодексте мемлекеттік қызметшілердің моральдық-әдептілік бейнесіне қойылатын негізгі талаптардың,  сондай-ақ олардың мінез-құлқының негізгі стандарттары айқындалғанын, қызметтен тыс уақыттағы және көпшілік алдында, оның ішінде бұқаралық ақпарат құралдарында сөйлеумен байланысты мінез-құлық стандарттары белгіленгені туралы,  сонымен қатар, мемлекеттік қызметшілердің  қызметтен тыс уақытта жалпы қабылданған моральдық-әдептілік нормаларын ұстануға тиіс екенін атап өтті.

Іс-шараға 12 мемлекеттік қызметші қатысты.

0
0
514

Құрманғазы күйлерін орындаудың бірыңғай күні

Қазақ халқы – ән мен күйге бай халық. Орыс этнографы және саяхатшы Потанин айтқандай, қазақта қанша түс болса, сонша ән мен күй бар. Бүгін Қазақстан Республикасы Тәуелсіздігінің   25 жылдығына арналған «Құрманғазы күйлерін орындаудың бірыңғай күні» музыкалық флеш-мобы өтті. Павлодар облысының жастар саясаты мәселелері жөніндегі басқармасының «Жастар бастамаларын дамыту орталығының» ұйымдастыруымен өткен бүгінгі флеш-мобқа музыкалық мектептер, №1 мектеп оқушылары және музыкалық колледж студенттері қатысты.

Қазан төңкерісіне дейін біздің халқымыз еркіндік, бақыт, бейбіт әрі жасампаз еңбек жайлы армандады. Халық ол арманды ән түрінде көрсетті. Ол жарқын болашақ үшін, бақытты өмір үшін күресті жырлаған, музыкалық шығармаларды дүниеге әкелген ұлдары мен қыздарын әрдайым мақтан тұтты.

Құрманғазы Сағырбайұлы  - атақты композитор – күйші, домбыраға арналған көптеген тамаша туындылардың авторы және оларды үздік орындаушы. Композитордың 80-ге жуық туындысы бар. Құрманғазы Сағырбайұлының бірнеше туындылары осы флеш-мобта орындалды.

Құрманғазының көрнекті шығармаларының бірі – «Кішкентай» күйі. Ұлы күйшінің шәкірттері мен ізбасарларының ойынша, бұл күй Исатай Тайманұлының көтерілісіне арналған. Құрманғазы қандай тақырыпта күй жазса да, онда адам сезімінің барлық түрі – махаббат та, мейірімділік те, жақсылық та, рақымдылық та болды. Оның өзіне тән орындаушылық стилі болатын, өзінің ұлттық домбыра мектебі де болды. Бүгінгі флеш-мобтың ерекшелігі Павлодар облысының аудандары мен қалалары онлайн түрінде қатысып, Құрманғазының шығармаларын орындады.

Қатысушылар флеш-мобты «Сарыарқа» күйімен аяқтады. «Сарыарқа» күйі Құрманғазы шығармашылығының биік шыңы, қазақтың дәстүрлі музыкасының шыңында тұрған шығармалардың бірі болып табылады. Ұлттық өнерімізді әлемге танытқан бұл күй ұлы күйшінің туған жеріне, қазақтың кең даласына деген махаббатынан туған туынды, халықтың, даланың өзі сияқты кең, өзі сияқты шексіздігін танытатын дауысы. Қуғын-сүргінге ұшырап жүрген шағында жазылған Құрманғазының «Сарыарқасы» бүкіл қазақ халқының еркіндікке, азаттыққа деген құлшынысының көрінісіндей.

 
0
0
1026

«Жас Отан» ЖҚ Павлодар облыстық филиалының белсенділері және Универсиада 2017 еріктілері қарттар күні мерекесі аясында ардагерлерге барып қайтты

Жасотандықтар мен Универсиада 2017 еріктілері ардагерлерді құттықтай отыра, үй шаруасы бойынша көмек көрсетті. Айта кетерлігі, "ардагерлерді ардақтайық" партиялық жобасы шеңберінде белсенділер мен еріктілер әр жұма сайын Ұлы Отан Соғысы ардагерлеріне, тыл қызметкерлеріне және қарапайым қарттарға барып қайтуда. Жас көмекшілер үй жинастырып, есік алдын артық шөптен тазалап, дүкенге барып, қолдан келгенше көмектесуде.
"біз ардагерлерге өз еркімізбен барамыз, себебі, олар жас буынның қамқорлығын көру үшін талай еңбек сіңірді. Біз барған әр ардагердің жүзінен күлкі жалындарын байқаймын. Олар бізді әрдайым құшақ жая қарсы алады. Біз көп әңгімелесеміз, ардагерлер бастан өткізген қызықты жағдайларымен бөліседі. Ардагерлерге көмектесетін еріктілердің саны әлде қайда көбірек болғанын қалаймын"деді, Универсиада 2017 еріктілер қозғалысының аймақ бойынша координаторы Халикова Маxаббат.
Бүгінгі таңда Павлодар облысында 168 ҰОС Ардагерлері және 9025 тыл қызметкерлері тұрып жатыр.
Еске сала кетсек, "ардагерлерді ардақтайық" партиялық жобасы шеңберінде Павлодар облысында "как живешь ветеран?" акциясы өтуде.
Партиялықтар атқарушы органдармен, бастапқы партиялық ұйымдармен, сонымен қатар "Жас Отан" ЖҚ белсенділерімен бірігіп ардагерлердің тұрғылықты мекен-жайларына баруда. Акция мақсаты-ардагерлер мен тыл қызметкерлерінің әлеуметтік өміріне зерттеу жүргізу.

 
1
0
515

Сұлулық сыры

Әйел адамзаты үшін сұлулық қашан да маңызды. Ал сұлу болудың сыры  күтімде. Материалдық және психологиялық жағдайларға, жас пен дәрежеге қарамастан ол осыны ұмытпауы керек. Күтімге барлығы кіреді: сырт келбет, дене бітімінің және жан дүниенің күтімі.

Осылардың ішінде жан дүние күтімін ерекше атау қажет. Өзіңізді рухани тоқыраудан сақтаңыз. Ол үшін мұражайға, театрға жиі барыңыз, күнделікті кітап оқыңыз, жаныңызға жақын, сүйікті ісіңізбен(би, аспапта ойнау, ән айту, мәнерлеп оқу, сурет салу, т.б.) айналысыңыз. Осы аталғандар сіз үшін рухани азық болатын құнды дүниелер. Жан дүниеңіз жадырап, нұрланып тұрса, сіз де айналаңызға жылулық пен махаббатты  сыйлайтын боласыз.

Дегенмен адаммен танысып, сөйлеспейінше , оның жан дүниесін білмейсіз. Демек, оның сырт келбеті, дене бітімі, киіну стилі сізге бірінші әсер етіп, ол жайы пікір қалыптастыруда негізгі рөлді атқарады. Сондықтан да сырт келбетіңіздің күтіміне аса мән бергеніңіз жөн. Бұл орайда бет, шаш, тырнақ, қас күтімін басты назарда ұстау керек. Косметологтардың айтуы бойынша бетті иіс сабынмен жууға болмайды. Күнделікті бет күтіміне арналған гель қолданған дұрыс дейді мамандар. Сондай-ақ, бет теріңіздің типіне қарай түрлі скраб, маскаларды аптасына бір-екі  рет пайдалану қажет.

Қас – адамның мінез-құлқының көрсеткіші.  Дұрыс терілген қас сіздің бет пішініңізді  өзгертіп, жасартып көрсететін  қасиетке ие. Шашыңыздың түсі мен үлгісі дұрыс таңдалмаған болса ажарыңызды қашырады. Сол себепті, алғашында қас пен шашты ретке келтіруде сала мамандарына жүгінгеніңіз абзал. Тырнақты ретке келтіру өзіңіздің қолыңыздан келеді. Егер сенімсіз болсаңыз, сән салондарынан жасатуға болады. Бастысы, тырнақтар бір ұзындықта болып, күтімі көрініп тұрса, болғаны.

Дене бітіміңізді қалпында сақтау үшін спортпен шұғылданып, дұрыс тамақтаныңыз. Дұрыс тамақтанудың 50%-ын  таңғы ас құрайды. Ол күні бойы сергек,жігерлі жүруіңізді қамтамасыз етеді.  Диетологтардың кеңесіне жүгінсек,  белгілі бір уақытқа дейін тамақтың кез келген түрімен қоректенуге болады: көмірсуларды, қанты бар тағамдарды 12-ге дейін, нан өнімдері мен қуырылған тағамдарды түскі 3-ке дейін, картоп ,банан сияқты крахмалды өнімдерді кешкі 8-ге дейін ғана қабылдау керек. Және ұйықтар алдында кем дегенде 2 сағат бұрын тамақтанбаған абзал.

 
1
0
4780

Нағыз патриот

 

Франциялық журналистер "Телевизия монстры" деп баға берген Гүлмира апай қандай сұлу. Бірақ бүгін айтайын дегенім - бұл емес. Гүлмира апай - бар қазақ қызына үлгі боларлықтай-ақ тұлға. Өзім осы кісіні үлгі тұтамын. Осы кісінің инстаграмм желісіне тіркелгенмін.Бір байқағаным - әлемнің қай түкпірінде жүрсе де, қазақ оюымен өрнектелген көйлегін үстінен тастамайды. Нағыз патриот. Қазақ елін танытудың әдемі жолын тапқан. Еріксіз риза боласың.


0
0
488

Еуропалықтардан қазақ әйелі 40 есе бақытты

 

Әйелдің бақытты болуы үшін 40 түрлі себеп керек. Біз қазақ әйелдері бақытты болуымыз үшін бақытты жар болу жеткіліксіз. Біздің бақытымыздың өзі конфлекті болуы керек. Біз ана ретінде де, жар ретінде де, келін ретінде де, әпке ретінде де, сіңлі ретінде де, жеңге, нағашы ретінде де, жиен ретінде де, құдағай ретінде де, әже ретінде де, құдаша ретінде де, тағысын тағы толып жатқан туыстық байланыстардың бәрінде бақытты образында болуымыз керек. Тура Ләйлә Сұлтанқызының қолындағы қолшатыр сияқты түрлі-түсті бақыттың басы қосылғанда ғана біз бақытты бола аламыз. Қазақ әйелі қырық шырақты ғана емес, еуропалық әйелдерге қарағанда қырық есе бақытты.

1
0
991

Ақтөбе облысының 12 аудан орталығы жыл соңына дейін газдандырылады

2016 жылдың соңына дейін Ақтөбе облысының 12 аудан орталығы көгілдір отынға қол жеткізеді. Бұл туралы облыс әкімі Бердібек Сапарбаев Назарбаев Университетінде білім алып жатқан ақтөбелік студенттермен кездесу барысында мәлімдеді.

Облыс әкімі   студенттерге өңірдің экономикалық, мәдени және әлеуметтік  саласындағы жетістіктерін жеткізіп, Тәуелсіздік жылдары алынған белестерді алға  тартты. Атап айтсақ, әлемдік экономикалық дағдарыс жағдайындағы өңірдің  экономикалық ахуалы туралы сөз қозғалды. Сондай-ақ, мемлекеттік бағдарламалардың жүзеге асуы, әлеуметтік-қоғамдық жағдай мен жаңа өндірістердің құрылыстары тілге тиек болды.

Өңір тұрғындарын су, жылу, газ, электрмен қамту мәселесі бойынша Бердібек Сапарбаев  жақын айларда Ырғыз және Уіл ауылдары газбан қамтылады,  2016 жылдың соңына қарай облыстың 12 аудан орталығы газдандырылмақ.

« «Нұрлы жол» инфрақұрылымдық мемлекеттік даму бағдарламасы белсенді жүзеге асырылып жатыр,  бағдарлама аясында 580 мың шаршы метр тұрғын үй пайдалануға берілді.  Ақтөбе облысы тұрғындарының 27 пайызы жастардан тұрады. Біздің басты міндетіміз – оларды жұмыспен қамтып, тұлғалық дамуларына жағдай жасау», - деді әкім.

Оның айтуынша, өңірде әлеуметтік және спорттық мекемелердің санын көбейту бойынша шаралар жүзеге асырылып жатыр.

«Біз 2017-2018 жылдары  барлық аудан орталықтарында  жабық спорт нысандарын салу жауапкершілігін алдық.  Мемлекет басшысының  МЖС механизмдерін белсенді қолдану тапсырмасы жүзеге асырылуда.  Қазірде Ақтөбеде мемлекеттік жеке меншік серіктестік негізінде Жастар сарайы мен Күрес орталығы, музей салынып жатыр. Желтоқсанда  хоккей модулін енгізіп,  келесі жылы Мұз айданының құрылысын аяқтаймыз», - деді Бердібек Сапарбаев.

Айта кетейік, Астанада ақтөбелік 700 студент білім алуда,  оның ішінде 168-і Назарбаев университетінде оқиды.

Сонымен қатар, Ақтөбе облысына үкіметтік топ мемлекеттік және салалық бағдарламлаарды түсіндіру үшін ат басын бұрды. Сондай-ақ, олар әлеуметтік мәселелерге шешім табу үшін қолғабыс көрсетуде.

Ақпарат көзі: strategy2050.kz

0
0
864

Г.Әбдіқалықова: Қазақстанның қол жеткізген жетістіктерінің бірі – мемлекеттік қызметшілерді даярлау жүйесін қалыптастыруы

Қазақстан Республикасының Мемлекеттік хатшысы Гүлшара Әбдіқалықова «Қазақстанның саяси мемлекеттік қызметі: қалыптасу және даму кезеңдері» атты форумға қатысты, деп хабарлады Ақорданың баспасөз қызметі.

Қазақстан Тәуелсіздігінің 25 жылдығына және Ұлттық жоғары мемлекеттік басқару мектебі (ҰЖМБМ) алғашқы түлектерінің 20 жылдығына арналған форумды ұйымдастыруға ҰЖМБМ түлектері қауымдастығы, Мемлекеттік қызметтің өңірлік хабы, Францияның Қазақстан Республикасындағы елшілігі, Астана қаласы әкімдігі және өзге де ұйымдар атсалысты.

Іс-шараның мақсаты – Қазақстан қоғамының бірлігін қамтамасыз ету және тәуелсіз мемлекеттің дамуының стратегиялық мақсаттарына қол жеткізу үшін елдің саяси мемлекеттік қызметін жетілдірудің жаһандық трендтері мен жолдарын талқылау.

Форум жұмысына мемлекеттік органдардың және ұлттық компаниялардың басшылары, ҰЖМБМ түлектері, сондай-ақ Назарбаев университетінің және Қазақстан Республикасы Президентінің жанындағы Мемлекеттік басқару академиясының оқытушылары мен магистранттары қатысты.

Форумның ашылуында сөз сөйлеген Г.Әбдіқалықова Мемлекет басшысы ұсынған Бес институционалдық реформаның бірінші бағыты кәсіби мемлекеттік аппарат құру болып саналатынын атап өтті. Қазақстанның өз тәуелсіздігінің 25 жылында қол жеткізген жетістіктерінің бірі – мемлекеттік қызметшілерді даярлау жүйесін қалыптастыруы. Саяси кадрларды даярлаудың ұлттық моделін қалыптастыру ісіне жаңа формацияның 82 басқарушысын даярлаған ҰЖМБМ маңызды үлес қосты.

Сондай-ақ, форумда Мемлекеттік қызмет саласындағы өңірлік хабтың басқарушы комитетінің төрағасы Ә.Байменов, Францияның Қазақстандағы Төтенше және өкілетті елшісі Ф.Этьен, «Жасыл академия» ғылыми-білім беру орталығының директоры Б.Есекина сөз сөйледі.

Форум қорытындысы бойынша Қазақстанда саяси мемлекеттік қызметті жетілдіру және жаңа формация басқарушыларын даярлау жөніндегі тәжірибелік ұсынымдар әзірленді.

Ақпарат көзі: strategy2050.kz

0
0
447