Мазмұнға өту

Жаңа

Халықаралық бейбітшілік бюросының Конгресіне қатысушылар ҚР-ның ядроға қарсы саясатын қолдады

ҚР Сыртқы істер министрлігінің Ерекше тапсырмалар жөніндегі елшісі Ерболат Сембаев Берлиндегі «Бейбітшілік пен табиғатты сақтау үшін қарусыздандыру» тақырыбына өткен Халықаралық бейбітшілік бюросының (IPB) Дүниежүзілік конгресінің жұмысына қатысты», деп хабарлады ҚР СІМ.

Пленарлық сессия барысында Е. Сембаев Қазақстан Республикасының Президенті Нұрсұлтан Назарбаевтың ядролық таратпау және қарусыздандыру саласындағы, соның ішінде әскери бюджеттердің 1%-ын тұрақты даму мақсаттарына бөлу жөніндегі бастамаларына арналған ҚР Сыртқы істер министрінің сәлемхатын оқыды. Кездесуге қатысушылар арасында SIPRI Дүниежүзі проблемалары Стокгольм халықаралық институтының осы мәселесі  бойынша шолу баяндамасы таратылды.

Сондай-ақ, ведомствоның ақпараты бойынша, конгресс алаңдарында қазақстандық дипломат IPB тең төрағасы Райнер Браунмен, IPU парламентаралық одағының президенті Сабер Чаудуримен, БҰҰ-ның қарусыздандыру мәселелері жөніндегі бұрынғы жоғарғы өкілі Ангела Кейнмен, ЮНЕСКО-ның бұрынғы бас хатшысы Фредерико Майор-Сарагосамен, SIPRI Стокгольм дүниежүзі проблемаларын зерттеу институты бағдарламаларының директоры Оди Флеранмен, сондай-ақ бірқатар өзге ядроға қарсы ұйымдар мен қоғамдық қозғалыстардың өкілдерімен кездесулер өткізді. Сондай-ақ, ведомствоның ақпараты бойынша, конгресс алаңдарында қазақстандық дипломат тең төрағамен кездесулер өткізді. Кездесулер барысында Е. Сембаев сұхбаттастарын Қазақстанның сыртқы саясатының өзекті қырларымен және басымдықтарымен, соның ішінде 2017-2018 жылдары еліміздің БҰҰ Қауіпсіздік кеңесіндегі алдағы мүшелік етуінің мәнмәтінінде таныстырып өтті. Нью-Йорк қаласында өткен БҰҰ Бас Ассамблеясының 70-ші сессиясы барысында айтылған мемлекет Басшымыздың бастамаларына, «Әлем. ХХІ ғасыр» манифестінің ережелеріне негізгі көңіл бөлінді.

Конгреске қатысушылардың жалпы пікірі бойынша, біздің планетамыздың болашағы мемлекеттердің ядроға қарсы сәтті саясатынсыз мүмкін емес және әлемдегі 4-ші ядролық арсеналдан ерікті түрде бас тартқан және әлем алаңында ядроға қарсы бастамаларды белсенді түрде ілгері жылжытып жүрген Қазақстанның мысалы көптеген елдер үшін жақсы үлгі болып табылады.

Ақпарат көзі: strategy2050.kz

0
0
915

Қазақстанда ауылдық жастарды оқытуға 7 млрд теңге бөлінеді

Қазақстанда ауылдық жастарды оқытуға 7 млрд теңге бөлінеді. Бұл туралы Білім және ғылым министрлігі Жастар істері жөніндегі комитет төрағасы Ғабидолла Оспанқұлов Астанада өткен «Жастар саясатын жүзеге асыру мен қалыптастырудың ерекшеліктері» халықаралық ғылыми-конференциясы барысында айтты. «Дүниежүзілік банкпен серіктестік аясында Қазақстанда  7 млрд теңге  ауылдық жастарды оқытуға бағытталады. Бұл жоба биыл және келесі жылы жүзеге асырылады. Қазір басқарушы ұжымды қалыпастыру бойынша жұмыстар жүргізілуде», - деді ол.

Аталмыш топ  БҒМ арқылы ауылдық елді мекендерге жастармен жұмыс істеу үшін модельденеді.

«Қазір жастар арасында өзекті мәселелер өте көп.  Оның ішінде Қазақстандағы жастар саясаты үш ірі бағыт бойынша жалғасып жатыр. Бұл жастардың өзін-өзі дамытуларына жағдай жасау, яғни төртінші бағытты қосу болып табылады. Бұл жас ұрпақтың денсаулығын қорғау, білім беру сапасы,  жастар арасында жұмыс орындары мен өз кәсібін ашуға ынталандыру, қолжетімді баспанамен қамту болып табылады. Бұл төрт бағыт бойынша мемлекет жағдай жасайды», - деді ол.

Екінші ірі бағыт – қауіптерді сейілту, оның ішінде экстремизм, терроризм, қылмыс, компьютерлік тәуелділік бар.

«Бұл қауіптер өзге министрліктермен бірге әзірленіп, аталмыш қауіптерді түсіру бойынша шаралар қабылданады, үшінші бағыт – «Мәңгілік ел»  жобасы бойынша  патриоттық тәрбиелеу жұмысы», - деді ол.

Алдын-ала ұйымдастырылған сауалнамалардан кейін көптеген ауыл жастарының білім алуға, қызметке тұруға және баспана алуға мүмкіндік беретін мемлекеттік бағдарламалардың бар екенін білмейтіні анықталды. Жастардың осындай бағдарламалар туралы сауалдарына жауап қайтаратын және ақпарат беретін арнайы кеңес орталықтары ұйымдастырылған. Мәселен, жас азаматтың жеке басына қатысты мәселелері бар болып, оған арнайы маманның көмегі қажет болған жағдайда, кеңес орталығына бірлесе қызмет жасауға шақырылған психолог мамандар олардың мәселелерін тыңдап, кеңес беруге  әрқашан дайын.

Сондай-ақ, Г.Оспанқұлов атап өткендей, аталмыш бағдарлама аясында ауылдық жерде  8,5 мың жас пен 2,5 мың жас жобалар іріктеледі.

Ақпарат көзі: strategy2050.kz

0
0
543

Ерғали Бөлегенов: Қазақстан Тәуелсіздіктің 25 жылында нақты сыртқы саяси басымдылықтарды қалыптастырды

Қазақстан Тәуелсіздіктің 25 жылында жоспарлау саясаты мен ұзақмерзімді даму және экономикалық өсімді, нақты сыртқы саяси басымдылықтарды қалыптастырды.Бұл туралы Strategy2050.kz АА берген сұхбатында Беларусь Республикасындағы Қазақстанның Төтенше және Өкілетті елшісі Ерғали Бөлегенов мәлімдеді.

«Қазақстан Тәуелсіздіктің 25 жылында  жоспарлау саясаты  мен ұзақмерзімді  даму және экономикалық өсімді, нақты сыртқы саяси басымдылықтарды  қалыптастырды. Жыл санап елдің мәртебесі әлемдік алаңда  нығая түсті,  мемлекетаралық қарым-қатынас та дами бастады», - деді Е.Бөлегенов.

Дипломат айтып өткендей, Қазақстан мен Беларусь елі халықтарының жаңа қарым-қатынасы  1991 жылдан кейін басталды.

«Қазақстан мен Беларусь Республикасының арасындағы дипломатиялық қарым-қатынастар  1992 жылдың 16 қыркүйегінде орнатылды. Елдер арасындағы ынтымақтастық  өзара сенім мен достық негізінде дамып жатыр. Екі елдің ұстанымы өңірлік және өңіраралық салада бірдей толқынға ие болып жатады. Бұл байланыстың екіжақты және көпжақты форматын нығайтып отыр», - деді ол.

Қазақстан – Беларусь ынтымақтастығының  құқықтық-келісім ынтымақтастығы  70 келісім мен келісімшартты құрайды.  Оның ішінде,  достық пен ынтымақтастық келісімі және 2009-2016 жылдарға арналған ұзақмерзімді экономикалық  ынтымақтастық келісімі бар. Оның ішінде,  достық пен ынтымақтастық келісімі және 2009-2016 жылдарға арналған ұзақмерзімді экономикалық  ынтымақтастық келісімі бар.

Сауда-экономикалық ынтымақтастық  өндіріс және ауыл шаруашылығы, машина жасау, жол-құрылыс материалдары мен арнайы техниканы өндіру  саласында дамып жатыр.

«2016 жылдың алғашқы жартысында тауар айналымы 145.8 млн долларды құрады, ол 2015 жылмен салыстырғанда 46,4 пайызға төмен. Тауар айналымының азаюы әлемдік экономикадағы дағдарыспен түсіндіріледі», - деді Е.Бөлегенов.

Елшінің айтуынша, Қазақстан-Беларусь елдерінің қазіргі ынтымақтастығы өз дамуында стратегиялық серіктестік пен толық түсінушілікке ие болды.

Ақпарат көзі: strategy2050.kz

0
0
582

Р.Жақудина: Судьялардың VII съезінің негізгі мәселесі Этикалық кодекстің жаңа редакцияда қабылдануы болады

Судьялардың алдағы VII съезіндегі негізгі мәселе Этикалық кодекстің жаңа редакцияда қабылдануы болады, деп хабарлады ҚР Жоғарғы сотының судьясы Роза Жақудина өзінің Strategy2050.kz АА берген сұхбатында.

«Судьялардың алдағы VII съезінде қаралатын негізгі мәселе Этикалық кодекстің жаңа редакцияда қабылдануы болады. Судьяларға қойылатын талаптар жыл сайын ұлғаюда, оларға жүктелетін жауапкершілік артуда. Судьялар да барлық адамдар тәрізді қателеседі, бірақ күрделі теріс әрекеттерді жасау олардың қызметтік өкілеттіктерін одан әрі орындауына мүмкіндік бермейді», - деді Р. Жақудина.

Судьяның айтуы бойынша, Қазақстанда судьялардың қызметін этикалық реттеудің өз тарихы бар.

«Сот этикасының бірінші кодексін Судьялар одағының Бірінші съезі 1996 жылғы 19 желтоқсанда қабылдаған. Кодекс не бары 7 баптар тұрып, судьялардың этикалық тәртібінің көптеген қырларын қамтымады. Соның нәтижесінде Судьялардың үшінші съезінде Кодекске толықтырулар мен өзгерістер енгізілді. Қазір қолданыстағы кодекс 2009 жылы Судьялардың бесінші съезінде қабылданған, онда судья тұлғасына қойылатын адамгершілік талаптар, судьяның кәсіптік қызметін және қызметтен тыс қызметін жүзеге асыру қағидалары, сондай-ақ судьяның көрсетілген талаптарды бұзғаны үшін жауапкершілігі айтылады», - деп қосты Р. Жақудина.

Анағұрлым жоғары жаңа талаптарды қанағаттандыратын Этикалық кодексті қабылдау туралы шешім «100 нақты қадам» Ұлт жоспарында бекітілгені белгілі.

Р. Жақудинаның ақпараты бойынша, кодекс жобасы Судьялардың тәртібінің бангалор қағидаттары негізінде әзірленген және оны Жоғарғы сот жанындағы Халықаралық кеңес пен Еуропа кеңесінің Венециандық комиссиясы мақұлдаған.

Сонымен, Судьялардың тәртібі бангалор қағидаттары келесі негізгі айқындауларды қамтиды:

– тәуелсіздік құқықтық тәртіпті қамтамасыз етудің алғышарты мен істің сотта әділ қаралуының негізгі кепілі ретінде;

– әділдік азаматтардың судьяға және жалпы сот ісін жүргізу жүйесіне сенімінің шарты ретінде;

– адалдық және тұрақтылық судьялардың өз міндеттерін тиісінше орындау шарты ретінде;

– этикалық нормалардың сақталуы судьяның кәсіптік қызметінің және оның қызметтен тыс саладағы тәртібінің ажырамас компоненті ретінде;

– процеске қатысатын тараптардың теңдігін қамтамасыз ету істің сотта әділ және бейтарап қаралуының шарты ретінде;

– біліктілік және ынталылық судьяның тікелей жеке қасиеттеріне бағытталған талаптар бекітілетін шарттар ретінде.

«Этикалық кодекс жобасы 5 бөлімнен және 33 баптар тұрады. Онда «Судьяның тәртібінің этикалық қағидаттары», «Судьяның кәсіптік міндеттерін атқару кезіндегі тәртібінің этикалық қағидалары», «Судьяның отбасындағы және тұрмыстағы тәртібінің этикалық қағидалары» сияқты бөлімдер көзделген. Судьялардың қызметтен тыс жағдайдағы байланыстары назар аударуға лайықты»,  - деп ақпараттандырды Р. Жақудина.

Оның айтуы бойынша, жалпы Этикалық кодекс жобасы бүгінгі күні қоғамның судьяның тәртібі мен моральдық келбетіне қоятын талаптарына сәйкес келеді және сот билігінің беделін нығайтуға ықпал етеді.

Сондай-ақ, судьялардың VII съезінде 2013 жылғы қарашада өткен VI съезі өткізілген сәттен басталатын кезең ішіндегі әділеттілік пен сот жүйесінің жетістіктерін қорытындылау жоспарланып отырғаны туралы хабарланды. Ұлт жоспарының заң үстемдігін қамтамасыз ету бойынша қадамдарының орындалуы, Судьялар одағының жарғысын жетілдіру мәселелерін талқылау күтілуде.

Ақпарат көзі: strategy2050.kz

0
0
808

ҚР ИДМ теміржол көлігімен жолаушылар тасымалдаушыларын анықтау бойынша байқау өткізеді

Министрлік ағымдағы жылғы қазан айының соңында шығыстары бюджет қаражаты есебінен субсидиялануға жататын 60 әлеуметтік маңызы бар облысаралық қатынастар бойынша теміржол жолаушылар тасымалдауды жүзеге асыратын тасымалдаушыларды айқындау жөніндегі ашық тендер негізінде конкурс өткізуді жоспарлап отыр.

Инвестициялар және даму министрлігі хабарлағандай, конкурс нәтижесі бойынша субсидиялау туралы шарттар 20 жылға дейінгі мерзімде жасалатын болады. Аталған шарттың өзгешелігі оған жолаушылар вагон парктерін жандандыру бойынша міндетті талаптарды енгізу және мүмкіндігі шектеулі тұлғаларды тасымалдаудың шарттарын қамтамасыз ету болып саналады.

Сонымен қатар, жолаушыларды тасымалдауды субсидиялау туралы шарттар аясында қызмет көрсетілетін тасымалдаушылармен маршруттарды дамыту қарастырылады.Бұлар:жолаушылар пойыздарының поездық бригадаларымен жолаушыларды қамтамасыз ету стандартын енгізуге;жолаушыларды ақпараттандыру, шағымдар мен ұсыныстар үшін тегін «Call-center» енгізуге;пойыздардың 3 сағаттан артық кешігуі кезінде жолаушыларды хабарландыруды (естірту) енгізуге;барлық пойыздарды мүгедектік кресло-арбалармен жабдықтандыруға;пойыздардың басшыларын және жолсеріктерді клиенттерге (жолаушыларға) қызмет көрсету әдебі және сапасы бойынша оқытуға;жол жүру құжаттарына (билеттерге) динамикалық бағаның құрылуын енгізуге;пойызды бағалауды жүзеге асыру және жолаушылар үшін пікірлерін ұсыну мүмкіндігімен электрондық ресурстарда жол жүру құжаттарын (билеттерді) сатуды енгізуге;жол жүру құжаттарын сату көлемі және т.б. есебімен жеңілдік жүйесін құруға қатысты.

Жоғарыда көрсетілген шарттарды ескере отырып тендерлік ұсыныстарды бағалау негізінде әлеуметтік маңызы бар қатынастар бойынша жолаушылар тасымалын жүзеге асыратын тасымалдаушы анықталады.

Қолданылған шаралар жолаушылар поездарында сапаны және сервисті дамытуға және тасымалдаудағы қажеттілікті қанағаттандыруға мүмкіндік береді.

Еске сала кетейік, соңғы үш жылда жолаушылар пойыздарының физикалық тозу деңгейі 70%-дан 49%-ға дейін төмендеген. Тасымалдаудағы қажеттілікті қанағаттандыру үшін 500-ден аса жаңа жолаушылар вагондары сатып алынған және 10 жаңа жүрдек жолаушылар пойыздары жіберілген.

Ақпарат көзі: strategy2050.kz

0
0
514

«Мексика-Қазақстан» парламенттік достастық тобы Мексиканың депутаттар конгресінде құрылды

Мексика Құрама Штаттарының депутаттар Конгресінде (Мексика Парламентінің төменгі палатасы) Қазақстанның Мексикадағы Елшілігінің бастамасымен «Мексика-Қазақстан» парламенттік достастық тобы құрылды, деп хабарлады ҚР СІМ.

2016 жылғы 29 қыркүйекте мексикандық заң шығарушы органының ғимаратында Қазақстанның Мексикадағы Елшісі Андриан Елемесов және Елшілік дипломаттарының қатысуымен аталған топты құрудың ресми рәсімі болып өтті. Іс-шараға сондай-ақ Конгресс депутаттары - «Мексика-Қазақстан» тобының мүшелері, Мексиканың Сыртқы істер министрлігінің және бұқаралық ақпарат құралдарының өкілдері қатысты.

Салтанатты рәсімді «Мексика-Қазақстан» тобының төрағасы, мексикандық Парламенттің төменгі палатасының депутаты Хосе Рефухио Сандовал Родригес кіріспе баяндамасымен ашты. Өз сөзінде ол қазіргі Қазақстанды «Орталық Азияда ең дамыған мемлекеттердің бірі және әлемдегі ең тартымды инвестициялық орталықтардың бірі» деп атады. Қазақстанның стратегиясы халықтың әл-ауқатының негізін қалайтын және елдің индустриялдық даму базасына ықпал жасайтын бизнес-климат пен саяси тұрақтылықты дамытуға бағытталған. «Қазірде мемлекеттеріміздің алдында ынтымақтастықты дамыту үшін үлкен мүмкіндіктер тұрғанына байланысты, мексикандық Парламенттің төменгі палатасының депутаттары екіжақты қатынастарды одан әрі белсендіруге жағдай жасайтын қазақстан-мексикандық достастық тобын құру туралы шешім қабылдады», - деп баса айтты Хосе Родригес.

Елші А. Елемесов өз кезегінде Қазақстан Республикасының басты жетістіктері, еліміздің халықаралық қатынастардағы рөлі, бейбітшілікті сақтау мен қарусызданудағы негізгі бастамалары, сондай-ақ Қазақстанның инвестициялық климатты жақсарту бағытында қолға алып жатқан шаралары туралы баяндап, екіжақты экономикалық ынтымақтастықтың келешегін айқындады.

Іс-шараның соңында «Мексика-Қазақстан» парламенттік тобының ресми құрылғаны туралы жарияланып, оны растау ретінде тараптар Құрылтай актісіне қол қойды. А. Елемесов сондай-ақ Мексика Парламентінің құрметті қонақтарының кітабына естелік жазба жасады.

Ақпарат көзі: strategy2050.kz

0
0
567

Молодежный флешмоб — «Мемлекеттік қызмет – менің тандауым»

30 сентября т.г. в городе Кокшетау с участием студентов университета имени Абая Мырзахметова в рамках празднования 25-й годовщины Независимости Республики Казахстан состоялся молодежный флешмоб на тему: «Мемлекеттік қызмет – менің тандауым».

Мероприятие организовано Департаментом  по делам государственной службы  по Акмолинской области.

Основной целью данного мероприятия явилось повышение имиджа государственной службы, демонстрация равного доступа и продвижения граждан  на государственной службе в соответствии со способностями и профессиональной подготовкой.

В ходе флешмоб акции на площади университета Абая Мырзахметова участники выстроились в различные фигуры, символизирующие государственную независимость, дружбу, патриотизм, государственную службу.

В целом, в мероприятии приняли участие более 200 человек.

0
0
1781

«Мемлекеттік қызмет – менің тандауым» жастар флешмобы

А.ж. 30 қыркүйегінде Көкшетау қаласында Қазақстан Республикасы тәуелсіздігінің 25 жылдығын мерекелеу аясында  «Мемлекеттік қызмет – менің тандауым» тақырыбында Абай Мырзахметов атындағы университетінің студенттері қатысуымен жастар флешмобі өтті.   
Іс-шара Ақмола облысы бойынша мемлекеттік қызмет істер департаментімен ұйымдастырылды.

Нақты іс-шараның негізгі мақсаты - мемлекеттік қызметтің  имиджін жоғарлату, азаматтардың өздерінің қабілеттері мен кәсiби даярлығына сәйкес мемлекеттік қызметке тең қолжетімділіктігін  және  өсуін  көрсету болды.
Абай Мырзахметов университеті алаңында  өткізілген флешмоб  барысында қатысушылар мемлекеттік тәуелсіздікті, достық, отан сүйгіштік, мемлекеттік қызметті білдіретін әр түрлі тұлғалар көрсетіп сап түзеді.
Жалпы, аталған іс-шараға 200-ден астам адам қатысты.

0
0
2096

Қазақстанда тәуелсіздік жылдарында менингококк инфекциясымен сырқаттану 1,7 есеге азайды

Қазақстанда соңғы 25 жылда менингококк инфекциясымен сырқаттану көрсеткіші 1991 жылғы 100 мың тұрғынға шаққанда 743 жағдайдан (оның ішінде 14 жасқа дейінгі балалар арасында 611 жағдай) 2015 жылғы 424 жағдайға дейін (балалар арасында 273 жағдай) 1,75 есеге азайды.

Менингококк инфекциясы – клиникалық белгілері аурудың жеңіл түрі назофарингиттен бастап, менингит және сепсис түріндегі ауыр формаларында кездесетін жіті жұқпалы ауру. Менингококк инфекциясы көп жағдайда өлімге әкелуімен, қоршаған ортаға қарқынды әрі жылдам түрде таралуымен, ауыр асқынуларымен аса қауіпті.

Инфекцияны сырқаттанған адам мен менигококк тасымалдаушы таратады. Ауа тамшылары арқылы жұғады. Инкубациялық кезең 2 күннен 20 күнге дейін созылады, көбінесе 2-4 күн.

Сырқаттанудың 3 негізгітүрі бар: жіті назофарингит; менингококкті менингит, менингококцемия - менингококкті сепсис.

Жіті назофарингитпен сырқаттанған жағдайда дене қызуының 1-3 күнде жоғары көтерілуі, бастың ауыруы, жұтқыншақтың шырышты қыбғының қабынуы мен ісінуі, тамақтың жыбырлауы мен ауыруы, мұрынның бітеліп қалуы байқалады.

Менингитпен сырқаттану өте жіті басталады: жоғарғы дене қызуы, бастың қатты ауыруы, тамақтануға қатысы жоқ лоқсу.

Менингококцемиямен сырқаттану кезінже дене қызуының кенеттен көтеріледі, жұлдызша түріндегі дұрыс емес формадағы геморрагиялық бөртпелер, бөртпенің ірі элементтерінің ортасында некроздар пайда болып, тері мен шырышты қабатқа ірі қан құйылуы мүмкін. Тиісті емдік шаралар қолданбаған жағдайда менингококцемиямен сырқаттанған адамдар жұқпалы-уытты шоктан ауырудың 1-2 күндері өлім жағдайы болады.

Менингококкті менингитпен және менингококцемиямен сырқаттанған адамдар (сонымен бірге, аталған ауруларға күдік пайда болғанда) арнаулы бөлімдерге шұғыл түрде госпитализациялануы керек.

Менингококкті инфекциямен көбінесе (кездесетін жағдайдың 80%-ы) 14 жасқа дейінгі балалар сырқаттанады. әрбір 10-12 жылда аурудың өсуім байқалады. Бұл ұжымдық иммунитеттің төмендеуі мен қоздырғыштың ауысуына байланысты.

Тиімді емдеудің негізі – ауруды ерте кезеңде диагностикалау. Менингококкті инфекцияны алдын алу үшін эпидемиологиялық көрсеткіштер бойынша АИТВ статусына қарамастан аталған ауруға эндемиялы елдерге баруды жоспарлаған адамдарды вакциналайды.

 
0
0
270