Мазмұнға өту

Жаңа

Сүт өнімінен ашытқылар мен ішек таяқшалары табылды!

«Алексеевский молочноконсервный комбинаты» ЖАҚ (РФ, Белгород облысы, Алексеевка қаласы) өндірген қант қосылған «Алексеевское» қоюлатылған сүт өнімінде және «Садовое» сүт кәсіпорнының (Ақмола облысы, Садовое ауылы) «Барские продукты» сүтінде ішек таяқшасы тобының бактериялары анықталды, ал Карагач сүт зауыты (РФ, Кабардин-Балкар Республикасы Карагач ауылы) өндірген «Домик на Хуторе» қаймағы өнімнің таңбалануында көрсетілген жазылған майлылығына сәйкес келмеді, бұл тұтынушыларды алдау болып табылады.

Техникалық регламенттер талаптары бұзылуының анықталу  фактілері бойынша Комитет сауда субъектілеріне қатысты іс-шаралар, оның ішінде қауіпті өнімді алып қою бойынша іс-шаралар жүргізуде.

Аталған сәйкес келмейтін қауіпті өнім жөнінде «Атамекен» Ұлттық кәсіпкерлер палатасына хабарланды, өндірушілерге қауіпті өнімді өткізуге жол бермеу және бұзушылықтарды жою туралы хабарлама берілді.

http://kzpp.gov.kz/kaz/presscentr/news/?cid=0&rid=5834

0
0
321

Қызылордада алаяқтық қылмыстары 40,6%-ға төмендеген

Қылмыстың бір түрі алаяқтық екені белгілі. Осы санаттағы қылмыстардың тіркелуі 2016 жылдың 9 айында 641-ді құраса, 2015 жылдың 9 айында 1080-ді құрап, өткен жылмен салыстырғанда 40,6 пайызға төмендегенін көрсетіп отыр.

Сөзіміздің айғағы ретінде бір дерекке мысал келтіре кетсек, өткен жылдың қараша айында 1985 жылы туылған азаматша алаяқтық ниетпен бөтен мүлікті аса ірі мөлшерде жымқыру мақсатында, Қызылорда қаласының 2 тұрғынының сеніміне кіріп, «қала орталығынан пәтер алып беремін» деген айламен бірінің 900000 теңгесін, енді бірінің 800000 теңгесін иемденгені анықталды.

Аталған факт бойынша Қазақстан Республикасы Қылмыстық кодексінің 190-бабы 1-бөлігімен қылмыстық іс қозғалып, жан-жақты тергеп-тексеру амалдары жүргізілуде.

Дәл осындай дерек 2016 жылғы 17 қазан күні де тіркелген. 1982 жылы туылған И.А. есімді азаматша «мектепке жұмысқа тұрғызып беремін» деп қала тұрғынының 300000 теңгесін алаяқтық жолмен иемденіп, қайтармаған. Аталған дерек бойынша Қазақстан Республикасы Қылмыстық кодексінің 190-бабы 1-бөлігімен қылмыстық іс қозғалып, сотқа дейінгі тергеп-тексеру амалдары жүргізілуде.

Сөз соңында, облыс тұрғындарынан жылжымайтын мүлік сатып алу немесе басқа да мәселелер бойынша келісімшарттар жасамас бұрын, заңгерлермен және тиісті мекеме қызметкерлерімен кеңесіп, сақтық шараларына аса көңіл бөлулерін сұраймыз.

 

Қызылорда ОІІД баспасөз қызметі

   
0
0
566

БҚО-да ЖОО студенттері арасындағы «Брейн ринг»

Брейн ринг– бұл зияткерлік пен танымдық қабілеттіліктердің дамуын ынталантыратын және өзін-өзі тану мен өзін-өзі дамытуға жағдай жасайтын ойын.

2016 жылдың 25 қазанда Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл Агенттігінің Батыс Қазақстан облысы бойынша департаменті «Батыс-Қамқор» жастар қоғамдық бірлестігімен бірлесе «100 нақты қадам» Ұлт жоспарын жүзеге асыру шеңберінде мемлекеттік қызметтегі шектеулер мен тыйым салулар, мемлекеттік қызметшілердің құқықтық жағдайының өзекті мәселелерін көрсетуге бағытталған, жоғары оқу орындарының студенттері арасында «Брейн ринг» зияткерлік ойыны өткізілді.

Шараның мақсаты қоғамда сыбайлас жемқорлыққа қарсы мәдениетті қалыптастыру, «Мемлекеттік қызмет туралы», «Сыбайлас жемқорлыққа қарсы іс-қимыл» заңдарының, 2015-2025 жылдарға арналған ҚР-да сыбайлас жемқорлыққа қарсы стратегиясының негізгі басымдықтарын түсіндіру мен насихаттау болып табылады.

Департаменттің Сыбайлас жемқорлық профилактикасы басқармасының басшысы Б.Хайруллин шараны ашып, өз сөзінде бұл ойын кез-келген адамның ойлау қабілетінің дамуына әсерін тигізетіндігін атап өтті. Сондай-ақ, ол ойынның мақсаты мен сайыстың шарттарын түсіндірді.

Ойын үш кезеңнен тұрды. 1 кезең Қазақстанның тарихы мен Конституциясы; 2 кезең – ҚР «Мемлекеттік қызмет туралы» Заңы; 3 кезең -  сыбайлас жемқорлыққа қарсы іс-қимыл аясындағы заңдар мен нормативтік-құқықтық актілері сұрақтарынан құралды.

Ойынға облыстағы ЖОО студенттерінен құралған 4 команда қатысты. Ұйымдастырушылардың қуанышына орай, сайысқа қатысушылар ойынның тақырыбы бойынша сенімді және нақты жауап беру арқылы білімдерін жақсы көрсетті. Сайыстың қорытындысы бойынша лайықты ойын көрсетіп, жүлделі бірінші орынды КазИИТУ студенттерінен құралған «Құзіретті тұлғалар» командасы жеңіп алды. Жүлделі орын иеленген командалар дипломдар мен бағалы сыйлықтармен марапатталды.

Ұйымдастырушылардың сөздеріне сүйенсек, бұндай шаралардың маңыздылығын ескере отырып, осындай ойынды жиі өткізу жөнінде шешім қабылданып отыр, өйткені, брейн ринг жоғары деңгейдегі білім мен білімділікті көрсетеді, сондай-ақ, студенттер арасында өзара байланысты жақсартуға үлесін қосады.

   
0
0
924

ЖРВИ және тұмау ауруы бойынша эпидемиологиялық жағдай және алдын алу шаралары туралы ақпарат

Қазақстан Республикасы Ұлттық экономика министрлігінің Тұтынушылардың құқықтарын қорғау комитеті 2016 жылғы 22 қазандағы жағдай бойынша республикадағы тұмау бойынша эпидемиологиялық жағдай туралы хабардар етеді.

Республикада ЖРВИ сырқаттанудың бақылау деңгейлерінің асып түсуісіз маусымдық деңгейде тіркелуде. Эпидемиологиялық маусымның басынан (2016 жылғы 1 қазаннан) бастап ЖРВИ-дің 45 мыңнан астам жағдайы тіркелген, ауырған адамдардың негізгі үлесін (68,0%) 14 жасқа дейінгі балалар құрайды. Тұмаумен ауыру жағдайы тіркелген жоқ. анықталған жоқ.

21 қазандағы жағдай бойынша республика бойынша тұмауға қарсы барлығы 1 млн.-нан астам адам егілді, оның ішінде 900 мыңнан астамы мемлекеттік бюджет қаражаты есебінен және 110 000-нан астам адам жұмыс берушінің және тұрғын өз қаражаты есебінен егілді.

Егілгендердің 34,0%-ын 14 жасқа дейінгі балалар құрайды.

Вакцинация тұмау профилактикасының едәуір тиімді ерекше әдісі болып табылады.

Мемлекеттік бюджет қаражаты есебінен халықтың неғұрлым осал топтары (созылмалы өкпе, жүрек-тамыр аурулары, иммунитеттің жетіспеушілігі бар балалар, әлсіз және жиі ауыратын балалар, медицина жұмыскерлері және жүкті әйелдер) егіледі.

Бұдан басқа вакцинация жұмыс берушінің және тұрғындардың өз қаражаты есебінен өткізіледі. Тұмауға қарсы ақылы вакцинация аумақтық санитариялық-эпидемиологиялық қадағалау органдардың рұқсаты бар жеке медицина орталықтарында және тұрғылықты мекенжайы бойынша емханалардың екпе кабинеттерінде жүргізіледі.

Комитеттің зертхана қызметі тұмау және басқа да тұмау емес инфекциялар вирустардың айналымына мониторингті жүзеге асырады. Бүгінгі күні тұмау жағдайлары анықталған жоқ, Жамбыл, Батыс Қазақстан, Қарағанды, Қостанай, Маңғыстау, Павлодар облыстарында және Астана қаласында (парагрипп, риновирусты инфекция, метапневмовирус және бокавирус) тұмау емес инфекциялардың қоздырғыштары айналымы байқалады.

http://kzpp.gov.kz/kaz/presscentr/sanepidem_obstanovka/?cid=0&rid=5830

0
0
882

Жастар арасында сыбайлас жемқорлыққа қарсы мәдениет қалыптастыру

2016 жылдың 24 қазанда «Жас Отан» жастар қанаты Батыс Қазақстан облыстық филиалының ұйымдастыруымен «Еркін пікір» дискуссиялық клубының «Жемқорлыққа қарсы мәдениетті қалыптастыру» тақырыбында кезекті отырысы өткізілді.

Шараның мақсаты жастар арасында сыбайлас жемқорлыққа қарсы тәрбие жұмыстарын жүргізу, құқықтық сауаттылығын арттыру және жастар арасында жемқорлықтың алдын алу жөнінде ақпарат беру.

Отырысқа Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл Агенттігінің БҚО бойынша департаментінің Сыбайлас жемқорлық профилактикасы басқармасының басшысы Б.Хайруллин, облыстық жастар қоғамдық бірлестіктерінің өкілдері, жастар істері комитеттерінің жетекшілері, ЖОО және арнаулы орта оқу орындарының студенттері қатысты.

Отырыс барысында өңіріміздегі сыбайлас жемқорлыққа қарсы жұмыстардың орындалуы және өткен жылмен салыстырғандағы сыбайлас жемқорлықтың пайыздық деңгейі жөнінде ақпараттар берілді. Шара соңында жастар тарапынан жемқорлықтың алдын-алу бағытында ұсыныстар жасалды.

 
0
0
896

Ақтау қаласы Ішкі істер Басқармасының құрылуы тарихы және алғашқы бастығы туралы

Ақтау қаласы Ішкі істер Басқармасының құрылуы тарихы және алғашқы бастығы туралы

25 Октября 2016 (17:54) | 121 | Автор: Нурганым Имашева

 

 

Облыс орталығындағы қоғамдық тәртіпті Ақтау қаласы ішкі істер басқармасының тәртіп сақшылары қамтамасыз ететіні белгілі. Шаһар тұрғындарының тыныш ұйқысы мен алаңсыз өміріне жауапты құқық қорғау органының құрылу тарихы, оның алғашқы басшысы жайлы не білеміз? Осы сауалға жауап іздеп, қалалық ІІБ-на бас сұқтық. Сол кезде мынадай мәліметтерге қанықтық.

Қазақ КСР құрамында Маңғышлақ және Жезқазған облыстарын құру туралы Қазақ КСР Жоғарғы Кеңесі Президиумының Жарлығы 1973 жылы наурыздың 20-шы жұлдызында қабылданды. Осы сәттен бастап Қазақ КСР құрамында Маңғышлақ облысы орталығы Шевченко қаласы болып өмір сүре бастады.

Маңғыстау ішкі істер басқармасы, 1973 жылы құрылды. Ішкі істер басқармасының алғашқы бастығы болып полковник Иван Никитович Брагин тағайындалды.

Ақтау қаласы ІІБ бастығының орынбасары полиция полковнигі Раушан Гайсина:

- Облыстың Ішкі істер департаменті Ақтау, Жаңаөзен қалалық, Бейнеу, Маңғыстау, Түпқараған, Қарақия, Мұнайлы ауданы ішкі істер бөлімдерінен тұрады. Департаментке сонымен қатар 35 дербес басқарма, бөлім, бөлімше, топтар қарасты.

Жалпы, облыс департаментінің штатында екі мыңға жуық әр түрлі ұлт өкілдерінен тұратын тәртіп сақшыларының құрамы қызмет етуде.

Ақтау қаласы ІІБ-ның бірінші бастығы полковник Қанаев Нәрекес Қадырұлы болған.

Қанаев Нәрекес Қадырұлы 1924 жылы 15 тамызда Гурьев қаласында туылған. Гурьев қаласындағы кешкі орта мектептің 10 сыныбын бітірген. 1961 жылы КСРО ІІМ жоғыры мектебін бітірген. Жалындаған жастық шағы Ұлы Отан соғысына тап келген ол Гурьев қаласындағы дайындау мекемесіне агент болып еңбек жолын бастаған. Ұлы Отан соғысы басталған кезде 1 жылдай Гурьев қаласындағы «Заготживсырьеда» агент жинақтаушы ретінде тылда қызмет еткен.

1942 жылы тамыз айында Кеңес Армиясы қатарына шақыртылып, содан 1944 жылға дейін 45-ші атқыштар бригадасының құрамында әскери міндетін атқарған. 1944 жылдан 1 Украина фронтының 54-ші армиясының 929-шы полкі құрамында соғысқа қатысқан.

Ұлы Отан соғысы аяқталғаннан кейін Гурьев ауылшаруашылық банкінің аға инспекторы қызметінде еңбек жолын бастайды.

1947 жылдың қыркүйек айында Гурьев қалалық Партия комитетінің жолдамасымен облыстың ішкі істер бөліміне қызметке ауысады. Осы жылдардан бастап шұғыл уәкіл, аға тергеуші, анықтау бөлімшесінің бастығы, аудандық милиция бөлімшесінің бастығы ретінде көптеген жауапты қызметтерді атқарып, 1964 жылдың сәуір айынан 1973 жылға дейін Ақтау қалалық ІІБ-нің бастығы лауазымында болды, -деген Раушан Бекболатқызы әңгімесін одан әрі сабақтай түсті:.

- 1973 жылы Маңғыстау облысы құрылғаннан кейін, облыстық ішкі істер басқармасының қылмысты іздестіру бөлімінің бастығы қызметіне ауыстырылды.

Канаев Нәрекес Қадырұлының ел алдындағы, үкімет алдындағы еңбектері елеусіз қалған жоқ. Ұлы Отан соғысындағы ерлігі мен еңбегі үшін «Германиядағы Жеңіс үшін», «Ерлігі үшін» медальдарымен, ал ішкі істер органындағы үздіксіз және тынымсыз еңбегі үшін «Мінсіз қызметі үшін», «Үздік қызметі үшін», «Кеңес милициясына – 50 жыл» медальдарымен және «Еңбек Қызыл Ту» орденімен, сондай-ақ бірнеше мақтау қағаздары, Алғыс хаттарымен марапатталған. Еңбек сіңірген қызметкер.

Милиция полковнигі Қанаев Нәрекес Қадырұлының еңбек жолын қуып, үлгі алып, Ақтау қаласы Ішкі істер Басқармасының бастығы лауазымында қызметтерін полиция полковнигі А.Қабылов, полиция полковнигі Қ.Абугалиев, полиция полковнигі Қ.Сармашев, полиция полковнигі А.Досаханов, полиция полковнигі Д.Қойшыбаев атқарған, - деген мәліметтермен бөлісті.

Қазіргі таңда Ақтау қаласы Ішкі істер Басқармасын полиция полковнигі Ақшауов Болатбек Ысқақұлы басқаруда.

 
 
0
0
2917

БАҚ НАЗАРЫНА! АНОНС Шанхай ынтымақтастық ұйымына мүше мемлекеттердің Әділет министрлерінің төртінші отырысы

2016 жылғы 28 қазанда сағат 10:00-де Алматы облысы «Ақбұлақ» биік таулы шаңғы курортында Қазақстан Республикасының Әділет министрі М. Бекетаевтың төрағалымен Шанхай ынтымақтастық ұйымына мүше мемлекеттердің Әділет министрлерінің төртінші отырысы өтеді.
Отырысқа Қазақстан Республикасының, Қытай Халық Республикасының, Қырғыз Республикасының, Ресей Федерациясының, Тәжікстан Республикасының, Өзбекстан Республикасының Әділет министрлері, Ұйымның Бас хатышысының орынбасары, сондай-ақ бақылаушы мемлекеттердің Әділет министрлері қатысады.
Маңызды іс-шара 27 қазан күні «Шығыс-Батыс» атты ғылыми-практикалық конференциясынан басталады. Маңызды іс-шараға қатысушы мемлекеттердің сот сарапшылары қатысады. Мамандар сот сараптамасы саласындағы озық тәжірибесімен бөліседі. Шанхай ынтымақтастық ұйымы шеңберіндегі ынтымақтастық нәтижесінде жыл сайынғы Халықаралық заң форумы аясында диалог алаңы пайда болды, Қазақстан Республикасы Әділет министрлігінің ұйымдастыруымен жыл сайын сот сарапшылары үшін маңызды «Батыс-Шығыс» конференциясы бастау алды.
Жоспарланған отырыстың маңыздылығына орай БАҚ өкілдерін іс-шараға белсенді қатысуға шақырамыз.
Сот сарапшылараның бас қосуы – «Шығыс-Батыс» конференциясы 27 қазан күні сағат 10:00-де өтеді.
Басты іс-шара - Шанхай ынтымақтастық ұйымына мүше мемлекеттердің
Әділет министрлерінің төртінші отырысы 28 қазан күні сағат 10:00-де өткізіледі.
Өтетін орны – Алматы облысы, «Ақбұлақ» биік таулы шаңғы курорты.
Шақырушы жақ
журналистерді көлікпен қамтуға даяр.
Аккредитация мен қосымша
ақпаратты алу үшін
баспасөз қызметкерлеріне
қоңырау шалыңыз
Баспасөз қызметі:
Астана қ., тел: 8(7172) 74-06-01,
8(7172) 74-06-02,
Сандуғаш Сұлтан, Әділет министрлігінің
баспасөз хатшысы
Олжас Рамазанов, Әділет министрлігінің
ресми өкілі
Тел: 87784498938, 87479180184
Алматы қ., Әділет департаменті
тел.:8(727) 291- 85-08, 291-83-87
Әділжан Талғатұлы
Тел.: 87025500543
0
0
338

Жасотандықтар жемқорлыққа қарсы

А.ж. 24 қазанда «Адал жол – Честный путь» сыбайлас жемқорлыққа қарсы марафоны шеңберінде Жақсы ауданында ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Ақмола облысы бойынша департаментінің бастамашылық етуімен «Жастар сыбайлас жемқорлыққа қарсы» тақырыбындағы флешмоб өтті.

Іс-шараны «Жас Отан» жастар қанаты ұйымдастырды.

Шараның негізгі мақсаты – сыбайлас жемқорлыққа мүлдем төзбеушілік ахуалын қалыптастыру аясында  жастарды мемлекеттің сыбайлас жемқорлыққа қарсы саясатымен таныстыру.

Би флешмобына шамамен 60 шақты адам қатысты.

Департамент госслужбы

0
0
263

Мемлекет пен кәсіпкерліктің әріптестігі

А.ж. 21 қазанда «Адал  жол – Честный путь» сыбайлас жемқорлыққа қарсы марафоны шеңберінде Жақсы ауданының әкімдігінде «Шенеунік және кәсіпкер» тақырыбында дөңгелек үстел өтті. Шараға Жақсы ауданының кәсіпкерлері қатысты және сыбайлас жемқорлық мәселелері талқыланды. Сыбайлас жемқорлық құқық бұзушылық жағдайларының куәгері болған жағдайда хабарласу үшін аудан кәсіпкерлерінің назарына сенім телефонының нөмірі жеткізілді.

Кәсіпкерлік азаматтық-құқықтық  реттеу объектісі болып табылады. Азаматтық  құқықтық нормалары тек құқықтық қатынасты дұрыстау ғана емес, сонымен қатар, кәсіпкерлік саласында туындайтын мәселелерді, соның ішінде       кәсіпкерлердің заңды құқықтары мен мүдделерін   жемқорлықтан қорғауға бағытталған бірқатар нормаларды қамтиды.

Іс-шараға 17 адам қатысты.

Департамент госслужбы

0
0
574

Көріп тұрмын, мұңға толы көзіңді

Өлең авторы – Айгүл Сағымбайқызы

Әуен авторы – Мелодия души «Белгісіз»

Бейнематериал авторы – Алмаз Шаадаев «Сагынамын»

Өңдеген – Бақытжан Бекмұхаммедұлы

Вконтакте –

       

Еркелейсің, неге маған баладай?

Мынау көңілің, тым ерекше, толқындай.

Тұрғандайсың, бір өкпеңді, айта алмай,

Жұмбағыңды, тұрмын сенің, шеше алмай.

 

Неге мұңлы, қарақатты көздерің?

Мың сұрақты, маған қойып тұрғандай.

Әлде бар ма, айтшы жаным, сөздерің?

Айтылмаған, сырыңды ашып, бата алмай.

 

Тырысайын, сені тыңдап, түсініп,

Еркелетіп көрейін, мен өзіңді.

Кәні айтшы, тек тұрмашы күрсініп,

Көріп тұрмын, мұңға толы көзіңді.

 

Қайғы мұңда, біргеміз деп серт бердік,

Неге іркілді, кірпігіңде көз жасың?

Беріп тұр ғой, тағдыр бізге мүмкіндік,

Мейлі, мейлі, әйтеуір бір айтарсың.

 

https://www.youtube.com/watch?v=aZFB5SqxaNA

1
1
1915