Мазмұнға өту

Жаңа

Ресейлік сарапшы Қазақстан фермерлеріне бизнесті енгізу негізін жеткізді

Ресейлік сарапшы академик Эрнст атындағы Жалпыресейлік ғылыми-зерттеу институты директорының орынбасары Николай Стрекозов Strategy2050.kz АА берген эксклюзивті сұхбатында Қазақстан фермерлерімен бизнесті енгізу негізімен бөлісті.

«Сүтті мал шаруашылығында бизнес бастау үшін жер болуы керек, бұл бағыт аймақ немесе бизнесті қажет ететін сала», - деді ол.

Сарапшының айтуынша, екіншіден, қолда бар еңбек ресурсына анықталған бір ферма құру, үшіншіден, мал шаруашылығымен айналысудың жеке қызығушылығы.

Сарапшы айтқандай, мемлекеттік қолдау көрсету де өте маңызды болып саналады.

«Мал шаруашылығында бағалық паритет әзірленуі керек, баға әрбір нарық қатысушысының шығынына қатысты қойылады: өндіруші, өңдеуші және сауда. Ресейлік есеп бойынша, айырмашылық өнім өндірушілерінің  үлесіне жазылуы керек,  олай болмаса, өндірушісі кедергіге ұшырап, кейін саудада негізгі соманың бағасы өзгеріске ұшырайды», - деді сарапшы.

Сарапшы айтқандай, бағаны осылай реттеу өнімді  ұтымды шығаруға мүмкіндік береді.

ҚР Президенті Нұрсұлтан Назарбаевтың «100 нақты қадам» ұлт жоспары шеңберінде агроөнеркәсіп кешені ел экономикасының маңызды бөлігі болып табылатынын еске сала кетейік, ол ауыл шаруашылығы өнімін өндіру және оны өңдеу және тұтынушыға жеткізу салаларын қамтиды, сондай-ақ ауыл шаруашылығын және өңдеу өнеркәсібін өндіріс құралдарымен қамтамасыз етеді. Сондай-ақ, АӨК халық шаруашылығының маңызды бөлігі болып табылады, бұл жөнінде Президентіміздің Жолдауында айтылған. Онда ауыл шаруашылығы АӨК басты бөлімі болып табылатын агроөнеркәсіп кешеніндегі өнімділікті кемінде екі есе арттыру қажет делінген.  Ол оның негізгі өндірістік қорларының 70%-ға жуығына шоғырлана отырып, Қазақстан аумағындағы АӨК барлық өнімінің жартысынан астамын береді.

Ақпарат көзі: strategy2050.kz

0
0
285

Қазақстан мен Сауд Арабиясы жалпы құны 60 млрд теңгеден асатын 10 келісімге қол қойды

Қазақстан Президенті Сауд Арабиясы Корольдігіне ресми сапарының қорытындысы бойынша БАҚ өкілдері үшін баспасөз брифингін өткізді, деп хабарлады Ақорданың баспасөз қызметі.

Брифингте Нұрсұлтан Назарбаев Сауд Арабиясына жасаған сапарын қорытындылады.

«Сапар аясында энергетика, тау-кен саласы, ауыл шаруашылығы, сауда-саттыққа қатысты жалпы құны 60 млрд теңгеден асатын 10 келісімге қол қойылды. Атап айтқанда, олардың арасында Оңтүстік Қазақстан облысындағы құс фабрикасы, Ақмола облысындағы азық-түлік өндірісі жөніндегі келісімдер бар. Қазіргі таңда Қазақстанда Сауд Арабиясының қатысуымен 17 кәсіпорын жұмыс жүргізуде», – деді Мемлекет басшысы.

Қазақстан Президенті тауар айналымын ұлғайтуға логистикалық қиындықтар кедергі келтіріп келгенін атап өтті.

«Бұл ретте біз болашақта жемісті ынтымақтастық орнату үшін Жол картасын жасап, екіжақты үкіметаралық комиссия, экономиканың жекелеген салалары бойынша жұмыс топтарын құру туралы келісімге келдік. Біздің елде ортақ жобаларды қаржыландыру үшін бірлескен инвестициялық қор құру туралы уағдаластыққа қол жеткізілді. Сондай-ақ  мен саудтық серіктестерімізді инвестициялық-инновациялық жобаларға, «Нұрлы жол» бағдарламасына атсалысуға шақырдым. Бұл Қазақстанның пайдасы үшін ынтымақтастық орнатуға өте жақсы негіз болады», – деп атап өтті Нұрсұлтан Назарбаев.

Бұдан бөлек, Мемлекет басшысы Корольдікпен өзара іс-қимылдың перспективалы бағыттарына назар аударды.

«Саудтық серіктестеріміздің күн мен жел энергетикасын пайдалану тәжірибесі бар. Сауд Арабиясы энергетика саласындағы өздерінің жаңа әзірлемелерімен Астанада өтетін «ЭКСПО-2017» халықаралық көрмесіне белсене қатысатын болады. Сондай-ақ келіссөздер барысында біз мұнай мен газ саласындағы жүргізіліп отырған саясатты талқыладық. Жалпы, біз осы өңірдегі маңызды бұл елде өте пайдалы әрі аса қажетті кездесулер өткіздік деп санаймын», – деді Қазақстан Президенті.

Ақпарат көзі: strategy2050.kz

0
0
393

Жамбыл облысында соңғы екі жылда 32 тауарлы-сүт фермасы пайдалануға берілді

Жамбыл облысында 2014-2015 жылдары 32 сүт тауарлы фермасы пайдалануға берілді. Оның 12-сі «Батыс Еуропа-Батыс Қытай» автодәлізінің бойында орналасқан, деп хабарлады облыс әкімдігі.

Биыл  тағы 7 шағын ферманың құрылысы басталған. Бүгінгі күні өңірде сүтті тереңдете өңдеу ісімен 20 кәсіпорын айналысады. Бұл кәсіпорындардың жүктелімі 38 %  құрайды.  Аталған көрсеткіш аймақтағы мал басының артуымен тікелей байланысты.

Жамбыл облысында мал басы 1991 жылмен салыстырғанда мүйізді ірі қара – 4,3 , жылқы 2,0 пайызға артты. 2011 жылдан бастап облыста «Ірі қара мал етінің экспорттық әлеуетін арттыру» жобасы жүзеге асырылуда. Жоба басталғалы 23 400 бас сиыр әкелінсе, 2014 жылдан бастап жүзеге асырыла бастаған «Алтын асық» бағдарламасы бойынша 64 300  қой, «Құлан» бағдарламасы - 4 500  жылқы сатып алынды.

Мемлекеттік қолдау мен асылдандыру жұмыстарын дұрыс жолға қоюдың нәтижесінде  асыл тұқымды малдың саны артты. Облыста асыл тұқымды МІҚ малының жалпы табындағы үлес салмағы – 21,8 % (республикалық көрсеткіш – 9,7%), қой – 28,4%, (республикалық көрсеткіш – 17,0%), жылқы 24,2 % (республикалық көрсеткіш – 7,1%) құрап отыр.
2012-2015 жылдары асыл тұқымды МІҚ малының сапасын арттыру мақсатында шет елдерден 4100 бас асыл тұқымды мал әкелінді және 7 асыл тұқымды шаруашылық-репродуктор құрылды. Соңғы жылдары бұл шаруашылықтарда 1 мың бас асыл тұқымды бұзау өткерілді.

Облыста соңғы бес жылда 20 мың мал бордақылайтын 23 алаң іске қосылды.Бүгінде малайзиялық кәсіпкерлермен бірге Меркі ауданында «Агростан» ЖШС тарапынан жаңазеландиялық жоба негізінде бордақылау кешенінің құрылысы жүргізілуде. Алдағы уақытта мұнда 3 мың басқа дейін мал әкелінетін болады.

«Агрофирма Түрікпен» ЖШС-ның 5 мың бас мүйізді ірі қара мал шаруашылық репродуктор жобасының құрылысы жүзеге асырылуда. Жобаның құны – 500 млн теңге. Осы жобаны іске асыру мақсатында 3 мың бас мүйізді ірі қара малы мен 1560 бас жылқы сатып алынды. Жыл аяғына дейін қосымша 1400 бас сиыр сатып алу жоспарлануда.
Жайылымдарды суландыру бағдарламасы қарқынды жүргізіліп, соңғы екі жылда 60 құдық және ұңғы пайдалануға берілді. Жыл сайын негізгі ауыл шаруашылығы өнімдерінің өндірісі артып келеді. 2012 жылмен салыстырғанда ет өндіру – 19,2, сүт өндіру 8 % артты.

2012 жылы союға өткізілген бір бас мүйізді ірі қара малының орташа сойыс салмағы 277 кг құраса, биыл бұл көрсеткіш 322 кг дейін өсті. Ал союға өткізілген қойдың салмағы – 32-ден 37 кг жетіп, 15-16 %  артты. Сүт өндіруде бір бас сауын сиырдан сауылған сүт көлемі  2589-дан 2655 кг жетіп, 2,5  %  ұлғайды.

Кооперативтерге шағын шаруашылықтарды біріктіру мақсатында жаңазеландиялық «Fonterra» және даниялық «Arla» бағдарламалары бойынша Меркі ауданында құрамына 42 шаруашылық біріккен «Меркі өнімдері» өндірістік кооперативі құрылды. Нәтижесінде  сүт бағытындағы 1000 бас асыл тұқымды мүйізді ірі қара малын cатып алуды қаржыландыратын шағын несие мекемесі құрылды.

Былтыр ауыл шаруашылығы саласында 18,6 млрд теңгені құрайтын 155 инвестициялық жоба іске асырылып, 765 жаңа жұмыс орны ашылса, биылғы жылы 17 млрд теңгені құрайтын инвестициялық жоба жүзеге асырылып, 700 жаңа жұмыс орны құрылады.

Ақпарат көзі: strategy2050.kz

0
0
447

Ақтөбе облысында құны 22 млрд теңге болатын 90 әлеуметтік жоба жүзеге асырылады

Ақтөбе облысының әкімдігінде өңір басшысы Бердібек Сапарбаевтың төрағалығымен тексеру комиссиясының қызметі, сондай-ақ, жаңа құрылысқа ЖСҚ мемлекеттік сараптамасын жасау мәселелері бойынша жиын өтті, деп хабарлады «Ақтөбе ақпарат» ақпараттық орталығы.

Тексеру комиссиясының басшысы Сағат Еңсегенұлы 2016 жылдың 9 айындағы аудиторлық іс-шаралардың қорытындысын баяндады. Оның айтуынша,  мемлекеттік аудиттің 107 нысанында 13 аудиторлық іс-шаралар өткізілген.

Баяндаманы тыңдаған өңір басшысы Бердібек Сапарбаев тексеру комиссиясының тиімді қызметі үшін, орын алған кемшіліктерге ғана назар аударып қоймай, сонымен қатар оларды жою мен алдын- алу бойынша өз ұсыныстарын енгізуі қажет екендіктерін атап өтті.

«Сіздер анықталған бұзушылықтардың қайталанбауы үшін  талдау жасауларыңыз керек. Бұдан өзге, тексеру комиссиясы –бюджетті қадағалау үшін құрылған комиссия. Сіздің баяндамаңызға сай, негізінде мемлекеттік бағдарламалар аудитінде «Бизнестің жол картасы 2020» бағдарламасын жүзеге асыру қарастырылған, алайда бұдан өзге де бағдарламалар бар емес пе. Тексеру комиссиясы олардың қолданылуын да бақылауы тиіс»,-деді Бердібек Сапарбаев.

Облыс әкімі тексеру комиссиясы тапқан бұзушылықтарды қатаң жазалау керектігін атап өтті.

Соңғы жылдары өңір билігі жаңа құрылыс үшін жобалық-сметалық құжаттаманың алдын-ала дайындалуына баса назар аударуда.

Себебі жасалған  ЖСҚ болашақ жылдарға арналған бюджетті қаржыландырудың барлық көздерін салу үшін инвестиция тартуға мүмкіндік болып табылады.

Қазіргі таңда облыста жалпы  құны 40,3 млрд. теңге болатын 127 жоба бойынша жасалған жобалық-сметалық құжаттама бар. Олардың қатарына білім, денсаулық, коммуналдық шаруашылық, спорт, мәдениет, ауыл шаруашылығы, МЖС саласына қатысты жобалар да кіреді. Бүгінде 90 жобаны жүзеге асыру үшін 22 млрд. теңге  бөлу мақұлданған. Өңірдегі ЖСҚ құнын арзандату үшін 300, 600 және 900 орынға арналған орта мектептердің, 9, 5 және 1 қабатты тұрғын үйлер құрылысының типтік жобалары қолданылуда, сонымен қатар, 250, 320 орындық балабақшалар мен мектептерді қайта пайдалану жобалары да бар. Бұдан өзге жалпы құны 59,3 млрд. теңге болатын 131 жобаның жобалық-сметалық құжаттамасы жасалуда.

Жиналыс барысында аймақтарды дамыту бағдарламасы аясында 2017-2020 жылдары 300-350 нысанның құрылысы жоспарланатыны айтылды, соған байланысты бағдарлама әкімшілеріне осы жылы бюджеттік тапсырыстарды салалық министрліктар мен ведомстволарға  уақытында беру мақсатында ЖСҚ-ны жасау үшін қаражат қарастыру ұсынылды.

Сонымен қатар, аталмыш саланың проблемалық сұрақтары қаралып, оларды шешу жолдары сөз етілді. Олардың қатарына ЖСҚ-ны жасауға қажет құжаттаманы тапсыру мерзімі, бюджеттік бағдарлама әкімшілерінің кейбір тапсырмаларды белгіленген мерзімде  орындамауы және жобаларды қаржыландыруға қатысты сұрақтарды пысықтамауы сияқты мәселелер кіреді.

Жиын соңында аймақ басшысы бірқатар тапсырмалар берді. Олардың қатарында ЖСҚ-ны жасау мерзімін жеделдету, оның ішінде пешпен жылытылатын мектептерді жоюға бағытталған жобалар, суармалы жерлер аумағын кеңейту, инженерлік-коммуникациялық инфрақұрылымдардың құрылысы бар.

Ақпарат көзі: strategy2050.kz

0
0
503

Мәжіліс салық салу және кедендік әкімшілендіру заң жобасына енген өзгертулерді мақұлдады

Мәжілістің бірінші оқылымында «ҚР кейбір заңнамалық актілеріне салық салу және кедендік әкімшілендіру мәселелері бойынша өзгерістер мен толықтырулар енгізу туралы» Заң жобасы мақұлданды.

Айта кетейік, заң жобасы салық саясатын жетілдіру және тұрақты әлеуметтік-экономикалық дамытуды, бизнес-ахуалды арттыру үшін әзірленді.

«Салық саясатының заң жобасы 2017 жылға дейін салық бағасының  үстінен минималды қосындыны ұстап тұру үшін (30 000 АЕК), 2020 жылға қарай 15 000 АЕК-ге  төмендету қарастырылған. 2018-2020 жылдары  166 972,0 млн теңгеге жеткізу көзделген», - деді Ұлттық экономика министрі Қуандық Бишімбаев.

«Заң жобасы арқылы Салық кодексіне 234 түзету енгізіледі. Оның 27-сі салық саясатына, 207-сі салықтық және кедендік әкімшілендіруге қатысты болмақ. Заң жобасы бизнестің, соның ішінде агроөнеркәсіп кешенінің іскерлік белсенділігін сақтауға, қоғамдағы әлеуметтік және экономикалық тұрақтылықты жақсартуға, жұмыс істемейтін несиелер деңгейін төмендетуге және банктердің Қазақстан экономикасындағы үлесін арттыруға бағытталған», -дейді Қ.Бишімбаев.

Министр акциз салығын көбейту және қосылған құн салығы бойынша төменгі шекті кезең-кезеңмен төмендетуден түсетін қосымша түсімдер 237 млрд теңге көлемінде болады деп отыр.

«Республикалық бюджет комиссиясының қарауына ұсынылған 2015-2019 жылдарға арналған бюджет пен Ұлттық қор шығындары 176 705,1 млн теңгені құрап отыр. Сонымен қатар акциздер мөлшерлемесін ұлғайтудан және қосылған құн салығының төменгі шегін кезең-кезеңмен төмендетуден 237 001,1 млрд теңге қосымша түсім түседі», - дейді Қуандық Уәлиxанұлы.

Министрдің айтуынша, қазіргі кезде 1 литр алькоголь өнімінің қолданыстағы акциз құны 1380 теңге болса, 2017 жылы бұл көрсеткіш 2000 теңгеге өседі. Ал 2018 жылы 2275 теңгеге, 2019 жылы 2550 теңгеге дейін жетеді. Темекінің 1000 данасына салынатын акциз салығы 2017 жылы 5000-нан 6200 теңгеге дейін артады. Ал 2017 жылы 7500 теңгеге, 2018 жылы 8700 теңгеге дейін жетпек.

Ақпарат көзі: strategy2050.kz

0
0
443

«Нұрлы жер» бағдарламасы бойынша тұрғын үй құрылысының бағалары қолжетімді болады – Жайымбетов

«Нұрлы жер» бағдарламасы бойынша бағалар мемлекеттік бағдарламалар бойынша пәтерлердің бағаларына ұқсас болады деп ойлаймыз, деді ҚР ҰЭМ Құрылыс істері және тұрғын үй-коммуналдық шаруашылық комитетінің төрағасы Мархабат Жайымбетов ОКҚ баспасөз конференциясы барысында.

Қазақстандағы тұрғын үй құрылысының ағымдағы бағалары туралы айта отыра, Мархабат Жайымбетов мемлекеттік бағдарламалар бойынша салынып жатқан пәтерлер халықтың әлеуметтік осал топтарына көбірек бағдарланған барабар бағамен ерекшеленетініне назар аударды.

«Бәйтерек» салып жатқан тұрғын үйлердің бағалары барабар, несиелік тұрғын үй бойынша өңірлерде — бір шаршы метр үшін 140 мың теңге, Астана және Алматы қалаларында — бір шаршы метр үшін 180 мың теңге. Коммерциялық тұрғын үй — 240 мың және одан жоғары. Біз мемлекеттік құрылыс бойынша бағалар одан әрі де осы деңгейде болады деп санаймыз. «Нұрлы жер» бағдарламасы бойынша да осындай бағалар болады деп ойлаймыз. Құрылыс материалдарының  80-90%-ға жуығы Қазақстанда шығарылады, сондықтан бағалар серпілісі болмауы тиіс. Ал таңдаулы тұрғын үйде басқа жүйе», — деп хабарлады Мархабат Жайымбетов.

Бүгінгі таңда Қазақстан құрылысқа берілген рұқсаттардың саны бойынша бір жылға жетпейтін уақыт ішінде 70 тармаққа көтеріліп (2015 жыл қорытындылары бойынша 92-орын) 22-орынға ие болған Doing Business дүниежүзілік банк рейтингі жарияланғанын атап өту қажет. Жалпы, Қазақстан Doing Business рейтингінде 6 орынға көтерілген. Өткен жылы біздің еліміз 41-орынға ие болған, ал қазір 35-ші орынға дейін көтерілген.

«Нұрлы жер» бағдарламсының тұжырымдамасы тұрғын үй құрылысын тікелей қаржыландырудың орнына ипотекалық кредит беруді дамыту, жеке тұрғын үйлерді салуға ынталандыруға бағытталған», - деп атап өтті Жайымбетов.

Осы бағдарламаның негізгі міндеттері: салынып жатқан тұрғын үй үшін, оның ішінде жеке тұрғын үй құрылысына екінші деңгейлі банктер арқылы арзан ипотекалық қарыз беру арқылы сұранысты ынталандыруы; тұрғын үй салу үшін құрылыс компанияларына арзан несие беру арқылы ұсынысты ынталандыру; Тұрғын үй жинақ банкінің салымшылары үшін «револвьерлі» әдіс бойынша  кредиттік тұрғын үй салу көлемін ұлғайту; әлеуметтік әлжуаз топтарға және еңбек күшінің оңай көшіп қонуын қамтамасыз ету үшін, тұрғын үйдің өңірлік қорын құру; инженерлік коммуникациялық инфрақұрылым тарту арқылы жеке тұрғын үй құрылысын дамыту.

Қазіргі кезде Министрлік Бағдарламаның тұжырымдамасын мүдделі мемлекеттік органдар және түрлі ұйымдармен талқылап жатыр. Жобаны жұртшылыққа таныстырып, барлық пікірлерді елеп екшегенсоң Бағдарлама Қазақстан Республикасы Үкіметінің қарауына енгізілетін болады.

Ақпарат көзі: strategy2050.kz

0
0
580

«Нұрлы жер»: Тұрғын үй құрылысы саласындағы басты бес жаңашылдық

Құрылыс, тұрғын үй-коммуналдық шаруашылық істері комитетінің төрағасы Мархабат Жайымбетов Орталық коммуникациялар қызметінде «Тұрғын үй құрылысы - басымдықтары мен проблемалары» тақырыбында өткен мәслихатта тұрғын үй құрылысы саласындағы басты бес жаңашылдықты атады.

ҚР Ұлттық экономика министрлігі Құрылыс, тұрғын үй-коммуналдық шаруашылық істері комитетінің төрағасы Мархабат Жайымбетов атап өткендей, «Нұрлы жол» мемлекеттік бағдарламасы  арқылы 2020 жылға дейін 4,5 млн.ш.м тұрғын үй салу көзделген. Оның ішінде 1,7 млн. ш. м – жалға берілетін, 2 млн. ш. м  – кредиттік, 0,8 млн. ш. м  – коммерциялық тұрғын үй.

«Нұрлы жол» аясында баспана  құрылысына 444,0 млрд теңге мөлшерінде қаражат бөлінді.  Оны игеру  «КИК» АҚ, «Бәйтерек девелопмент» АҚ,  ЖАО және «Самырұқ-Қазына» АҚ-на жүктелген»,-деді Жайымбетов.

Оның айтуынша, биыл былтырғы жылмен салыстырған ел аумағында тұрғын үй құрылыс қарқыны артқан.

«Биыл 9 ай ішінде қолданысқа берілген тұрғын үй көлемі  былтырғы жылмен салыстырғанда 13,6% артық. Оның ішінде көпқабатты үйлер 24,8%  жеке  тұрғын үйлер көлемі 4,6%-ға  өскен»,- деді М.Жайымбетов.

Өсім бірінші кезекте, «Нұрлы жол» мемлекеттік бағдарламасы және Үкімет пен Ұлттық банктің дағдарысқа қарсы қабылданған шаралары арқасында мүмкін болды.         1 қыркүйектегі мәлімет бойынша баспана алауға ниеттілер саны шамамен 2,3 млн. адам.Оның ішінде 400 мың адам – кезекте тұрғандар, 700 мың адам – ҚТҚЖБ салымшылары және 10 сотық жер алуға кезекте тұрғандар – 1,2 млн. адам.

«Нұрлы жер» бағдарламсының тұжырымдамасы тұрғын үй құрылысын тікелей қаржыландырудың орнына ипотекалық кредит беруді дамыту, жеке тұрғын үйлерді салуға ынталандыруға бағытталған», - деп атап өтті Жайымбетов.

Осы бағдарламаның негізгі міндеттері: салынып жатқан тұрғын үй үшін, оның ішінде жеке тұрғын үй құрылысына екінші деңгейлі банктер арқылы арзан ипотекалық қарыз беру арқылы сұранысты ынталандыруы; тұрғын үй салу үшін құрылыс компанияларына арзан несие беру арқылы ұсынысты ынталандыру; Тұрғын үй жинақ банкінің салымшылары үшін «револвьерлі» әдіс бойынша  кредиттік тұрғын үй салу көлемін ұлғайту; әлеуметтік әлжуаз топтарға және еңбек күшінің оңай көшіп қонуын қамтамасыз ету үшін, тұрғын үйдің өңірлік қорын құру; инженерлік коммуникациялық инфрақұрылым тарту арқылы жеке тұрғын үй құрылысын дамыту.

Қазіргі кезде Министрлік Бағдарламаның тұжырымдамасын мүдделі мемлекеттік органдар және түрлі ұйымдармен талқылап жатыр. Жобаны жұртшылыққа таныстырып, барлық пікірлерді елеп екшегенсоң Бағдарлама Қазақстан Республикасы Үкіметінің қарауына енгізілетін болады.

Ақпарат көзі: strategy2050.kz

0
0
473

Қазақстан Doing Business рейтингі бойынша төртінші рет үздік реформатор атанды

Қазақстан Doing Business рейтингі бойынша төртінші рет үздік реформатор атанды, деді ҚР президенті жанындағы ОКҚ-да ҰЭМ кәсіпкерлікті дамыту департаментінің директоры Ғалия Жолдыбаева.

Дүниежүзілік Банк тобының жетекші басылымы «Doing Business 2017» баяндамасына сәйкес, Қазақстан әлемдік рейтингте 35-ші орынды иеленіп, «Doing Business 2016» көрсеткішіндегі 41-ші орынмен салыстырғанда 6 орынға жоғарлады.

«Аталған зерттеуде 10 индикатор бойынша 190 ел үшін деректерді салыстыруға мүмкіндік беретін бизнес-ахуалдың қолайлығы деңгейінің сандық көрсеткіштері қолданылып отыр.  Қазақстан рейтингте Бельгия (42), Италия (50), Израиль (52), Греция (61), Түркия (69) сияқты ЭЫДҰ-ның елдерінен басып озды. ЕАЭО Кеден одағы елдерінің арасында Қазақстан рейтингте Белоруссия (37), Армения (38), Ресей Федерациясы (40), Қырғызстан (75) елдерінен басып озды», - деді ол.

Дүниежүзілік Банк іскерлік ахуалды жақсартуға бағытталған қарқынды реформаларды жүргізіп отырған 10 елді атады. Онда  Қазақстан рейтингтің 7 индикаторы бойынша 2-ші позицияны иеленді. Сондай-ақ, Қазақстан соңғы 12 жылда төртінші рет үздік реформаторлар ретінде атап өтілді.

Казақстан рейтинг елдерінің бірінші үштігіне «Миноритарлы инвесторларды қорғау» индикаторы бойынша 3-орын алып енді.

«Келісімшарттарды орындау»  индикаторындағы 9 орынмен Қазақстан екінші жыл қатарынан он үздік елдер қатарынан орын алып отыр. «Меншікті тіркеу» индикаторы бойынша 18 орындағы Қазақстанның ұстанымы сақталды.

Рейтинг бойынша Қазақстан келесі көрсеткіштер бойынша жоғары серпінге ие: «Құрылысқа рұқсат алу» (22 орын), «Электр желілеріне қосылу»  (75- орын) индикаторлары.

««Төлем қабілетсіздігін шешу»  (37- орын) «Кәсіпорындарды тіркеу» (45- орын), «Салық салу» (60-орын), «Кредиттер алу» (75- орын),  «Халықаралық сауда» (119- орын) индикаторындағы Қазақстанның ұстанымы жарияланды.

Дүниежүзілік Банктің «Doing Business 2017»  рейтингі бойынша бизнесті жүргізу үшін ең қолайлы елдер Жаңа Зеландия (1), Сингапур (2), Дания (3), Гонконг (4) және Оңтүстік Корея (5)», - деді Ғ.Жолдыбаева.

Ақпарат көзі: strategy2050.kz

0
0
529

АШМ-де сүт қабылдау пункттері желісін 12 ауылдық округте ашу бойынша кеңес өтті

ҚР Ауыл шаруашылығы министрлігінде ҚР Ауыл шаруашылығы бірінші вице-министрі Қ. Айтуғановтың төрағалығымен Қарағанды облысының Нұра ауданындағы сүт бағыты бойынша кооперативтердің пилоттық үлгілерінің таныстырылымы болып өтті.

Таныстырылым барысында Қ.Айтуғанов «Жұмыспен қамту 2020 жол картасы» бағдарламасының қаржыландыру шараларының аясында ауыл шаруашылығы кооперативтерін ұйымдастыруға басымдық берілетінін хабарлады. Олардың кешенінде сүт қабылдау және мал бордақылау алаңдары құрылатын болады.

Бұған дейін аталған бағыттағы жұмысты жандандыру үшін үлгілік кооперативтерді құрудың пилоттық жобасын іске қосу туралы шешім қабылданған еді. Мұндағы басты мақсат – осы үдерістің барысында жинақталған тәжірибені еліміздің өзге де аймақтарына тарату. Өз кезегінде, Нұра ауданы да кездейсоқ таңдалмаған. Бұл ауданның аумағында мал шаруашылығымен айналысатын 3 200 ЖҚШ бар.

Сонымен бірге, жиын барысында жаңадан құрылып жатқан кооперативтерді қаржыландыру тетіктері сөз болды. Атап айтқанда, алғашқы жарнасыз сүт қабылдау пунктін іске қосу үшін қаржыландырудың жаңа механизмі таныстырылды. Сондай-ақ, ветеринарлық қауіпсіздікті қамтамасыз ету мәселесіне баса назар аударылды. Мысалы, жыл соңына дейін Республикалық ветеринарлық лабораторияның жергілікті жерлердегі эпизотикалық жағдайын бағалау үшін қан алу мен сүт өнімдерін талдау жұмыстары аяқталады.

Нұра ауданы әкімі Н.Омарханов өз ауданындағы кооперативтерді ұйымдастыру үшін қолға алынып жатқан шаралар тізбесін айтты. Оның айтуынша, сүт қабылдау пункттері желісін қалыптастыру үшін 12 ауылдық округ таңдалған. Сүт өндірісі әлеуеті жылына 4 200 тоннаны құрайды. Қазіргі таңда кооперативтер құрудың негіздерін түсіндіру және әлеуетті қарыз алушыларды іріктеу жұмыстары жүргізілуде.

Аталған жиынға қатысқан «Казмолторг», «Рен-Милк» ЖШС-лары өкілдері жаңадан құрылып жатқан кооперативтермен бірігіп жұмыс жасауға және олар өндірген сүтті сатып алуға әзір екендіктерін хабарлады.

Отырыс соңында аудан аумағында сүт бағыты бойынша 12 пилоттық кооператив құру бойынша біріккен іс-қимылдар жоспарына қол қойылды. Сонымен қатар, кооперативтерді ұйымдастыру жұмыстарының келер жылдың сәуірінде аяқталатыны хабарланды.

Ақпарат көзі: strategy2050.kz

0
0
596

Сүт зеңі!

Микробиологиялық  зерттеулермен Мәскеу облысының «Эрман» ЖШС өндірген  таңқурай  және шоколад  қосылған майлы «Эрмигурт» йогуртының және Ақмола облысының Есіл Сары май комбинатының «Снежок» қышқыл сүт өнімінің зең жұқтырғаны анықталды.

Тамақ өнімінде зеңнің болуы  үй-жайлардың  антисанитариялық жағдайын, жоғары ылғалдылығын, тоңазытқыш камераларының залалданғанын және т.б. жағдайларды көрсетеді.

Сүт өніміндегі зең тамақтан улануларды, сондай-ақ организмнің аллергиялық реакцияларын тудырады.

Техникалық регламенттер талаптары бұзылуының анықталу  фактілері бойынша Комитет сауда субъектілеріне қатысты іс-шаралар, оның ішінде қауіпті өнімді алып қою бойынша іс-шаралар жүргізуде.

Аталған сәйкес келмейтін қауіпті өнім жөнінде «Атамекен» Ұлттық кәсіпкерлер палатасына хабарланды, өндірушілерге қауіпті өнімді өткізуге жол бермеу және бұзушылықтарды жою туралы хабарлама берілді.

http://kzpp.gov.kz/kaz/presscentr/news/?cid=0&rid=5835

0
0
711