Мазмұнға өту

Жаңа

«Отандасыңды оқы!» жобасының аясындағы рецензиялар байқауы

Алматы Ашық Әдеби Мекебі (ААӘМ) мен «Полифония» әдеби фестивалі Алматы қаласының Мәдениет басқармасының қолдауымен, «Отандасыңды оқы!» жобасының аясында рецензиялар* байқауын жариялайды.

Байқау ережелері:

1. Байқауға 300-ден 1000 сөзге дейінгі көлемде, қазақ немесе орыс тілдерінде жазылған рецензиялар мен пікірлер қабылданады.

2. Рецензиялар мен пікірлер қазақстандық автордың кітабына не туындысына жазылуы тиіс.

3. Байқауда 1991-2016 жж. жазылған кітаптарға, яғни заманауи әдебиеттерге басымдылық беріледі. Бағыт ретінде Bookmate электронды кітапханасындағы «Отандасыңды оқы!» кітаптар сөресіне енген кітаптарды алуға болады. Алайда қазақ әдебиетінің классиктерінің шығармаларына жаңа көзқарасыңызды білдіргіңіз келсе, шек қойылмайды.

Жариялау шарттары:

1. Рецензияны 2016 жылдың 25 қарашасына дейін [email protected] электронды поштасына жіберу қажет. Ілеспе хатта рецензия авторының аты-жөнін және байланыс телефонын, сондай-ақ рецензия жазылған кітап атауы мен авторының аты-жөнін келтіру керек.

2. Сондай-ақ байқауға рецензияны Facebook әлеуметтік желісі арқылы жариялауға болады. Ол үшін «Полифония» немесе ААӘМ жеке парақшаларындағы байқау хабарландыруына репост жасап, сипаттамасына рецензияның немесе пікірдің мәтінін енгізу қажет. Сондай-ақ #отандасыңдыоқы және #читайказахстанское хэштегтерін белгілеу керек.

3. Электронды поштаға жіберілген барлық рецензиялар мен пікірлер де «Полифония» әдеби фестивалінің Facebook әлеуметтік желісіндегі жеке парақшасында #отандасыңдыоқы және #читайказахстанское хэштегтерімен жарияланады.

Бағалау және қорытынды:

1. Жұмыстар 2016 жылдың 25 қарашасына дейін қабылданады.

2. Байқау қортындысы 2016 жылдың 2 желтоқсанында жарияланады.

3. Байқау финалистерінің барлығы Букмейт электронды кітапханасына (www.bookmate.com) бір жылдық тегін жазылымға ие болады, сондай-ақ Алматы қаласында 2016 жылдың желтоқсан айында өтетін әдеби сын жөніндегі семинарға шақыру алады (өкінішке орай жоба ұйымдастырушылары өзге қала тұрғындарының жол жүруі мен жатып-тұруын ақшалай қамтамасыз ете алмайды). Байқаудың екі жеңімпазына бас жүлде – Samsung планшеттері.

Байқау әділқазыларының қатарында қазақстандық және шетелдік әдеби сыншылар болады.

*Рецензия – белгілі-бір шығарма, спектакль, фильм жайлы пікір (С.И. Ожегов түсіндірме сөздігі)

 
1
2
1014

Қазақстан экономикасы үшін ең ауыр кезең артта қалды – Бишімбаев

ҚР ұлттық экономика министрі Қуандық Бишімбаев ҚР Үкіметі отырысының қорытындылары бойынша баспасөз конференциясы барысында Қазақстан экономикасының өсуіне ықпал еткен факторлар туралы айтып берді.

«Біз Қазақстан экономикасы үшін ең ауыр кезең артта қалды деп санаймыз. Біздің бағалауымыз бойынша, ол ағымдағы жылдың бірінші тоқсанында өтті, сол кезеңде мұнай бағалары өте төмен болды. Кейін 2015 жылғы қыркүйек – қазанда толық аяқталған еркін құбылмалы валюта бағамына көшу салдары көріне бастады. Әрине, ол кәсіпорындар, ұлттық компаниялар, шағын және орта бизнес тарапынан бейімделуді талап етті. Ағымдағы жылғы маусымнан бастап экономика біртіндеп өсіп келеді», – деді министр.

Оның айтуы бойынша, экономиканың өсуіне конъюнктураның Қазақстанның негізгі экспорттық тауарларына өзгеруі әсер етті, олардың арасында мұнай және темір кені, сондай-ақ ауыл шаруашылығындағы осы жылы жиналған рекордтық астық көлемі бар.

«Сондай-ақ, Мемлекет басшысының бастамасы бойынша қабылданған «Нұрлы жол» инфрақұрылымды дамыту бағдарламасы және ҚР Үкіметі мен ҚР Ұлттық банкінің Дағдарысқа қарсы жоспары да үлкен әсер етті», – деп атап өтті министр.

Еске сала кетейік, ҚР Үкіметінің отырысы барысында Қ. Бішімбаев ағымдағы жылғы 9 ай қорытындылары бойынша Қазақстандағы ЖІӨ өсімі 0,4%-ды құрағанын хабарлады.

«Елдің сыртқы сауда айналымы  биылғы жылдың  8 айында 28 пайызға қысқарып, 38 млрд долларды құрады. Экспорт  23 млрд долларды құрады. Импорт – 15,4 млрд долларды құрады», - деді министр.

Оның айтуынша, экспорт көлемінің түсіміне  мұнай,  алюминий (8,9%-дан  1568,4 долл тоннаға дейін), темір рудасы (7,6%-дан  54,3 долл тоннасына), руда және мырыш  бағасының төмендеуі әсер етті.

Сондай-ақ, ол қыркүйек айының қорытындылары бойынша Ұлттық қордың валюта активтері 64,4 млрд долларды құрағанын айтты. Оның айтуы бойынша, еліміздің халықаралық қоры 2016 жылғы қыркүйек айының соңында 95,8 млрд долларды құраған.

«Қаржы нарығындағы жағдайдың жақсаруы, экономикада оң белгілердің пайда болуы және оң болжамдардың қалыптасуы қазан айының басында базалық мөлшерлемені 12,5%-ға дейін төмендету туралы шешім қабылдауға негіз болды. Тәуекелдердің төмендеуіне және тұрақтылықтың расталуына қарай, базалық мөлшерлеменің одан әрі де төмендетілуі мүмкін», - деді ол.

Ақпарат көзі: strategy2050.kz

0
0
596

Қазақстандық ғалымдар ғылыми-технологиялық мақсаттағы ғарыш жүйесін құру жобасына қатысуда

Қазғарыш тапсырмасымен «Ғалам» ЖШС қазақстандық-француздық бірлескен кәсіпорны «Surrey Satellite Technologies Limited» («SSTL», Ұлыбритания) еуропалық жетекші ғарыш компаниясымен бірігіп, ғылыми-технологиялық мақсаттағы ғарыш жүйесін (ҒТМ ҒЖ) құру жобасын жүзеге асырып отыр.

Қазғарыштың баспасөз қызметі хабарлағандай, «SSTL»  компаниясы өлшемдері жағынан ең кіші, ал тиімділігі мен бағасы жағынан ең жақсы болып шығатын ғарыш аппараттарын құрастыру бойынша әлемдік көшбасшы екендігін атап кету жөн.

Контракт шарттарына сәйкес, ҒТМ ҒЖ жобалау, жиынтықтауыштарды жасап шығару, құрастыру және сынау жұмыстары «Ғалам» ЖШС және «SSTL» компаниясы инженерлердің бірлескен командасымен атқарылуда. Нәтижесінде, Қазақстанға ең жаңа ғарыш технологиялар трансферті келуде.

Контракт бойынша бірлескен жобалау-құрастыру жұмыстар аясында жобаны жүзеге асыру кезінде «SSTL» компаниясының аса қызығушылығын тудырған қазақстандық ғалымдар мен инженерлердің перспективті жұмыстардың нәтижелері қолданылатын болады.

Мәселен, «SSTL» компаниясы «Ғалам» ЖШС-пен бірлескен команданы құруымен ғана шектелмей, сондай-ақ ҒТМ ҒЖ құру жобасы бойынша үлестік қатысуына да келісіп, технологиялық мақсаттағы ғарыш аппаратына пайдалы жүктемені өз  есебінен  қоюға уәде берді.

ҒТМ ҒЖ құру жобасының жүзеге асуы оның ұшу тарихын да алуға мүмкіндік береді. Бұл өз кезегінде ғарыш аппараттарының коммерциялық үлгілерін өндіруіне өту үшін қажетті кезеңі болып табылады және болашақ қазақстандық ғарыш аппараттарының өндіріс құнын айтарлықтай төмендетуге мүмкіндік береді.

ҒТМ ғарыш аппараты Жерді қашықтықтан зондтау ғарыш жүйесін құру және Астана қаласында Ғарыш аппараттарын құрастыру-сынау кешенін құру жобалары аясында «EADS Astrium» (Франция және Ұлыбритания) стратегиялық серіктестің аумағында тәжірибелік стажировкадан сәтті өткен қазақстандық құрастырушы мамандары мен сынаушыларының еңбегімен жасалынатын алғашқы аппараты болып табылады.

Ақпарат көзі: strategy2050.kz

0
0
430

ҚР Энергетика министрлігі: Қазақстанда жыл соңына дейін 44 млрд текше метр газ өндіру жоспарлануда

Жедел деректер бойынша газ өндіру жыл соңына дейін жоспардағы 44 млрд текше метрдің орнына 33,5 млрд текше метрді құрады, деді энергетика вице-министрі Мағзұм Мырзағалиев ҚР Үкіметінің отырысы барысында.

«Жедел деректер бойынша газ өндіру 33,5 млрд текше метрді құрады – бұл 2016 жылғы жоспардың 117%-ы, осы жылға арналған жоспар 44 млрд текше метрді құрайды. 1,9 млн тонна сұйытылған газ өндірілген, бұл өткен жылдың ұқсас кезеңімен салыстырғанда 103%-ды құрайды. 2016 жылға арналған жоспар - 2,6 млн тонна. Тауар газының өндірісі 18 млрд құрады – бұл 2015 жылғы ұқсас кезеңнің 102%-ына жуық, 2016 жылдың соңына дейін біз 26 млрд текше метр өндіруді жоспарлап отырмыз», - деп хабарлады вице-министр.

Сонымен бірге, М. Мырзағалиев мұнай мен конденсат өндіру көлемі 56,8 млн тоннаны құрағанын атап өтті, бұл 2016 жылғы жоспардың 101,6%-ы. Осы ретте 2016 жылға арналған жоспар 75 млн тоннаны құрайды.

«Сонымен бірге, Министрлік жыл соңында 75 млн тонна көлемінде мұнай өндіру деңгейіне қол жеткізу үшін барынша күш салады. Мұнай өңдеу көлемі 10,72 млн тоннаны құрады, бұл 2016 жылғы жоспардың 100,2%-ы. 2016 жылға арналған жоспар 14,15 млн тонна», - деп қосты М. Мырзағалиев.

Оның айтуы бойынша, автобензин өндірісі – 2,193 млн тоннаны, әуе керосині өндірісі 213 мың тоннаны құраған.

Сонымен қатар, Министр Қазақстанда жанар-жағармай тапшылығы байқалмайтындығын атап өтті.

«Барлық көрсеткіштер көңілден шығады. Көктемгі дала жұмыстарын өткізуге 322,2 мың тонна және күзгі дала жұмыстарын өткізуге 360,7 мың тонна жанар-жағармай материалдары тиелді. Ауыл шаруашылығы тауар өндірушілеріне дизель отыны уақытылы жіберілді.Сондай-ақ елдегі жанар-жағармай бағасының тұрақты екенін де атап өтті. Айтуынша, бензиннің АИ-92, АИ-93 түрінің бір литрі елімізде 125-128 теңге аралығында, ал дизель отыны 129 теңге көлемінде сатылып жатыр», - деді М.Мырзағалиев.

Тапшылық мәселесі жоқ. Жақында қосымша 90 мың тонна дизель әкелінді.

«Сондай-ақ мұнай базасында қосымша 130 мың тонна АИ-92, АИ-93 бензині, 126 тонна дизель отыны сақталып тұр», - деді министр.

Ақпарат көзі: strategy2050.kz

0
0
613

Жыл басынан бері мүлік пен ақша қаражатын жария ету 2,8 трлн теңгені құрады - Сұлтанов

Жыл басынан бері мүлік пен ақша қаражатын жария ету 2,8 трлн теңгені, соның ішінде ақшалай 2 трлн теңгені құраған, деп хабарлады ҚР қаржы министрі Бахыт Сұлтанов «2016 жылғы 9 ай ішінде мемлекеттік бюджетті атқару қорытындылары туралы» мәселесі бойынша ҚР Үкіметінің отырысында.

«Мемлекеттік сатып алу туралы жаңа заңның нормалары бәсекелестікті дамыту үшін жағдайлар жасады. Қазір бір конкурсқа орта есеппен 5 қатысушыдан келеді. 9 ай ішінде 20 мың тапсырыс беруші және 90 мыңнан астам өнім беруші тіркелген. Осы жылы мемлекеттік аудит басымдығы адал өнім берушілерді қорғау болып табылады. 2016 жылғы 9 ай ішінде 375 млрд теңге сомасына дұрыс жарияланбаған мемлекеттік сатып алу анықталған – олардың барлығы түзетілген және тең қолжетімділік қамтамасыз етілген», - деді Б. Сұлтанов.

Сонымен бірге, министр жекешелендіру мен жария ету бойынша жүргізіліп жатқан жұмыс туралы хабарлады.

«Ағымдағы жылы 7,6 млрд теңге сомасына 86 объект жекешелендірілген, осылайша, іске асырудың жалпы саны 86 млрд теңге сомасына 333 объектіге жеткен. Ведомстволық бағынышты ұйымдарды түгендеу бойынша жұмыс жүргізілуде. Нәтижесінде, жекешелендірілетін кәсіпорындар тізімі кеңейтіледі. Жария ету бойынша акция аяқталып келеді және үшінші тоқсанның өзінде ғана ақшаның орташа айлық сомасы 40 есе өскен. Ағымдағы жылғы 24 қазанда барлығы 2,8 трлн теңге жария етілген, соның ішінде ақшалай 2 трлн теңге. Бюджетті атқару барысында қабылданған барлық шаралар экономиканың өсуіне қолдау берді», - деп хабарлады Б. Сұлтанов.

«Нұрлы жол» бағдарламасы бойынша ағымдағы жылғы 9 ай ішінде жылдық көлемнің 70%-ға жуығы пайдаланылған. «Нұрлы жол» бюджет бөлігінің қаражатын игеру динамикасы жақсы. Әкімшілер Астана халықаралық әуежайы, Жезқазған – Бейнеу теміржол желісі және Алматы – Шу теміржол учаскесі, Құрық портындағы паром кешені, ҰИМТ АЭА инфрақұрылымы сияқты ірі инфрақұрылымдық жобаларды іске асыруға арналған қаражатты толық көлемде аударған. Осы жобалар болашақта мультипликативті әсер береді», - деді Б. Сұлтанов.

Ведомство басшысы атап өткендей, тұрғын үй құрылысына және ТКШ, білім беру инфрақұрылымын дамытуға бағытталған қаражат та өңірлерге уақтылы аударылған.

«Жергілікті органдар 161,6 млрд теңгені немесе алынған қаражаттың 97,1%-ын игерген. 3,7 млрд теңге игерілмеген. Жалпы, игеру оңтайлы кесте бойынша орын алуда, қалған қаражат жыл соңына дейін тең бөлінді», - деп қосты Б. Сұлтанов.

Ақпарат көзі: strategy2050.kz

0
0
370

Б.Сұлтанов: 9 айдың ішінде мемлекеттік бюджетке түскен кіріс мөлшерден 1 трлн теңгеге асып түсті

9 айдың ішінде мемлекеттік бюджетке түскен кіріс мөлшерден 1 трлн теңгеге асып түсті, деді Қаржы министрі Бақыт Сұлтанов Үкіметтің отырысында.

«Биылғы жылдың  9 айында мемлекеттік бюджетті орындау  сапалы көрсеткіштерге ие болды. Кіріс  қатары  жоспардан артығымен орындалды, салық өткен жылдың көлеміндей жиналды. Шығындар игерілді,  қазіргі кезде шарықтау шегіне жетіп отыр.  Шығындардың жартысы  әлеуметтік қалғаны экономикалық өсімге бағытталды.  Өңірлік экономика  экономикалық тұрақтылыққа бағытталған трансфертпен қолданды. Жалпы, бюджетте оңтайлы өсім бар», - деді Б.Сұлтанов.

Министрдің айтуынша, салықтық-бюджет саясатының оңтайлы орындалуы экономикалық жағдайға оң әсер береді.

«Кірістер  1 трлн теңгеге артық жиналды. Бұл макроэкономикалық ортаның жақсарғанын көрсетеді. Мәселен,  белсенді төлеушілер қатары  7,3 пайызға көбейіп,  85 мың кәсіпорынды құрады.  Кірістердің  жоспардан асып кетуі  бюджетті нақтылауға себеп болды.  Осылайша, экономиканы қолдау  қосымша салықтарды жинауға әсер етті, ал салықтар бюджет арқылы  қайта экономикаға айналып келеді. Жалпы,  мембюджет кірісі  126 пайызға орындалды, оның ішінде республикалық бюджет 131 пайызға, ал жергілікті бюджет  115 пайызға жүзеге асты», - деді ол.

«Мемлекеттік бюджет шығыстарының көлемі 13%-ға өсіп, 7 трлн теңгеге жетті. Бюджет қызметкерлерінің жалақылары және тауарларды, жұмыстар мен көрсетілетін қызметтерді сатып алуға арналған тапсырыстар ұлғайтылды, бұл жалпы тұтынушылар сұранысын арттырды. Мысалы, бюджет саласының қызметкерлеріне жалақы төлеуге жұмсалған жиынтық шығыстар 18%-ға өсіп, 1 трлн теңгені құраған. Тағы 1,7 трлн теңге экономикалық өсуді ынталандыратын инвестициялық шығыстарға бағытталған», - деп хабарлады ол.

Ведомствоның деректері бойынша, барлық шығыстардың жартысынан астамы немесе 3,6 трлн теңге әлеуметтік салаға бағытталған. Соның ішінде 1 трлн теңге зейнетақы төлеуге жұмсалған.

«Жалпы мемлекеттік бюджет шығыстары 98,6%-ға орындалған, соның ішінде республикалық бюджет - 99,4%-ға және жергілікті бюджеттер 97,9%-ға орындалған. Орталық деңгейдегі игеру жақсарған. Алайда, өңірлердің бюджеттері игеру пайызы бойынша бұрынғысынша республикалық бюджеттен артта қалуда. Сондықтан, орталық органдар мен әкімдіктер бюджет қаражатын игеру үшін қажетті барлық кезеңдер мен іс-шараларды қадағалайтын арнайы портал әзірленді», - деп қосты министр.

Ақпарат көзі: strategy2050.kz

0
0
377

Қазақстанның ЖІӨ-сі 2016 жылғы 9 ай ішінде 0,4%-ға өсті

2016 жылғы 9 ай ішінде ЖІӨ өсімі 2015 жылғы сәйкес кезеңмен салыстырғанда 0,4%-ды құрады. Тауарлар өндірісі - 0,2%-ға, көрсетілетін қызметтер өндірісі 0,4%-ға ұлғайды. Бұл жөнінде Қазақстан Республикасы ұлттық экономика министрі Қуандық Бішімбаев ҚР Үкіметінің отырысы барысында хабарлады.

«Инфляция жыл басынан бері - 5,6%-ды, жылдық көріністе 16,6%-ды құрады. Айлық инфляциялар ағымдағы жылғы қыркүйекте және тамызда 0,2%-ды құрады. Жыл басынан бері инфляциялық процестердің бәсеңдеуі аясында ҚР ҰБ базалық мөлшерлемені ақпандағы 17%-дан қазан айының басындағы 12,5%-ға дейін біртіндеп төмендетті», - деп мәлімдеді министр.

Осылайша, 2016 жылғы 9 ай ішінде ЖІӨ өсімі 2015 жылғы сәйкес кезеңмен салыстырғанда 0,4%-ды құрады. Тауарлар өндірісі - 0,2%-ға, көрсетілетін қызметтер өндірісі 0,4%-ға ұлғайған.

Қ. Бішімбаев атап өткендей, халықтың жан басына шаққандағы орташа атаулы ақша кірістері 2016 жылғы қаңтар-тамыз аралығында 583 мың теңгені құрап, 2015 жылғы сәйкес кезеңмен салыстырғанда атаулы көріністе 8,8%-ға өскен. 2016 жылғы қаңтар-қыркүйек аралығындағы орташа айлық атаулы жалақы 139,4 мың теңгені құрап, атаулы көріністе 13,8%-ға ұлғайған. 2016 жылғы қыркүйекте жұмыссыздық деңгейі 5%-ды құраған.

«Биылғы жылдың мамыр мен маусым айында экономиканы несиелеу қайта жанданды.  Алайда, шілдеде  0,5 пайызға жинақталған несиенің көбеюі  тамызда 0,1 пайызға төмендеумен байқалды. 2016 жылдың  қаңтар-тамыз айында қайта берілген несие көлемі  8,3 пайызға көбейді.  Ол 2015 жылмен салыстырғанда   6,3 трлн теңгеге  өсті. Алайда, қысқамерзімді несиелердің өсімі байқалды. Есептік кезеңде қысқармерзімді несиенің берілуі  15,2 пайызды құрап, 4,1 трлн теңгеге шықты. Ал, ұзақмерзімді несиелеу  2,8 пайызға төмендеді», - деді ол.

Оның айтуынша, жаңа несиелер сауда мен өнеркәсіпке бағытталды.

«Құрылысқа  256 млрд теңге бағытталды, ауыл шаруашылығына – 188,1 млрд теңге, көлік саласына – 182 млрд теңге бағытталды», - деді ол.

Кәсіпкерлікті қолдау үшін жеңілдікті несие  беру үшін  мемлекеттік қаражат  бөлінді.

«Қолданылған шаралар  ШОБ субъектілерін несиелеуді ұлғайтуға мүмкіндік берді.  Жыл басынан бері  35,3 пайызға ұлғайып,  2,8 трлн теңгені құрады. Ұлттық банк инфляциялық күту негізінде  негізгі ставканы  17 пайыздан қазанда  12,5 пайызға түсірді», - деді ол.

Ақпарат көзі: strategy2050.kz

0
0
605

«Нұрлы жол» қаражаты жылдық көлемнен 70%-ға игерілген

«Нұрлы жол» бағдарламасы бойынша ағымдағы жылғы 9 ай ішінде жылдық көлемнің 70%-ға жуығы пайдаланылған, деді ҚР қаржы министрі Бахыт Сұлтанов «2016 жылғы 9 ай ішінде мемлекеттік бюджетті атқару қорытындылары туралы» мәселесі бойынша ҚР Үкіметінің отырысында.

«Нұрлы жол» бағдарламасы бойынша ағымдағы жылғы 9 ай ішінде жылдық көлемнің 70%-ға жуығы пайдаланылған. «Нұрлы жол» бюджет бөлігінің қаражатын игеру динамикасы жақсы. Әкімшілер Астана халықаралық әуежайы, Жезқазған – Бейнеу теміржол желісі және Алматы – Шу теміржол учаскесі, Құрық портындағы паром кешені, ҰИМТ АЭА инфрақұрылымы сияқты ірі инфрақұрылымдық жобаларды іске асыруға арналған қаражатты толық көлемде аударған. Осы жобалар болашақта мультипликативті әсер береді», - деді Б. Сұлтанов.

Ведомство басшысы атап өткендей, тұрғын үй құрылысына және ТКШ, білім беру инфрақұрылымын дамытуға бағытталған қаражат та өңірлерге уақтылы аударылған.

«Жергілікті органдар 161,6 млрд теңгені немесе алынған қаражаттың 97,1%-ын игерген. 3,7 млрд теңге игерілмеген. Жалпы, игеру оңтайлы кесте бойынша орын алуда, қалған қаражат жыл соңына дейін тең бөлінді», - деп қосты Б. Сұлтанов.

«Өңірлік экономикаларды ынтыландыру мақсатында   қаржылық әрекеттесу үшін жаңа әдістер  қолданылды. Биылғы жылы республикалық деңгейде жергілікті бюджетке  экономикалық тұрақтылық үшін трансферт бөлінді.  Жылдық сома  80 млрд теңгені құрады.  9 айдың ішінде  55 мылрд теңге игерілді. Бұл өңірлік бюджетті тұрақтандырды», - деді Б.Сұлтанов.

Барлық өңірлерге капиталдың ішкі нарығынан қарыз алуға рұқсат берілді.

«Жергілікті органдар  құрылыс үшін  38 млрд теңге құнды  құжаттарды шығарды.  Әзірше,  12 млрд теңге игерілді,  жыл соңына дейін  26 млрд теңгені игеру қарастырылған. Мақсатты трансферттер  мен несиелер есебінде республикалық бюджет пен жергілікті бюджет арқылы  362 мың км тұрғын үй пайдалануға берілді.  Жұмыспен қамтудың жол картасы бойынша,  150  мың адам жұмысқа орналасып, 6,4 мың адам  шағын несие алды», - деді министр.

Жалпы, өңірлер республикалық деңгейдегі трансферттен пен несиеден  1 трлн 146 млрд теңгеге ие болды.

«Бұл өткен жылғыдан 38 пайызға көп.  1 106 млрд теңге  969,6 пайыз игерілді.  40 млрд теңге игерілмеді, оның  38 млрд теңгесі игерілді, ол өткен жылғыдан екі есе жоғары», - деді ол.

Ақпарат көзі: strategy2050.kz

0
0
319

ҰЭМ: 2016 жылдың 9 айында шетелдік инвестициялар ағыны 4,1 пайызға өсті

2016 жылдың 9 айында шетелдік инвестициялар ағыны 4,1 пайызға көбейді, деді Ұлттық экономика министрі Қуандық Бишімбаев Үкімет отырысында.

«2016 жылдың  9 айында шетелдік инвестициялар ағыны  4,1  пайызға көбейіп,  5,1 трлн теңгені құрады. Бұл ең алдымен  «Нұрлы жол» бағдарламасының  инфрақұрылымдық  нысандарын жүзеге асырумен байланысты», - деді министр.

Ведомство басшысы айтып өткендей, аталмыш бағытта оң көрсеткіштер бар.

Оның айтуынша, инвестицияларды қаржыландырудың негізгі көзі  кәсіпорындардың өз қаражаттары болды – 3 трлн теңге, банк несиелері – 319 млрд теңге,  өзге қарыз қаражаты – 969,6 млрд теңгені құрады. 2016 жылдың  9 айында шетелдік инвестициялар ағыны  4,1 пайызға көбейіп,  5,1 трлн теңгені құрады.

«Алдын ала мәліметтер бойынша экономикалық өсім 9 айда 0,3 пайызға өскен. Ал қаңтар-тамыз айы аралығында 0,4 пайызға артты», – дейді Бишімбаев.

Оның айтуынша, елімізде инфляция қарқыны төмендеп, валюта нарығы тұрақтаған және бизнеске деген инвестициялық белсенділік артқан. Сондай-ақ ол жұмыссыздық төмен деңгейде сақталып отырғанын атап өтті.Экономикалық өсімнің негізгі үлесін құрылыс (6,9%), ауыл шаруашылығы (4,9%), көлік (4,0%), өңдеуші өнеркәсіп (0,6%) салалары құрап отыр.

«Елдің сыртқы сауда айналымы  биылғы жылдың  8 айында 28 пайызға қысқарып, 38 млрд долларды құрады. Экспорт  23 млрд долларды құрады. Импорт – 15,4 млрд долларды құрады», - деді министр.

Оның айтуынша, экспорт көлемінің түсіміне  мұнай,  алюминий (8,9%-дан  1568,4 долл тоннаға дейін), темір рудасы (7,6%-дан  54,3 долл тоннасына), руда және мырыш  бағасының төмендеуі әсер етті.

Сондай-ақ, ол қыркүйек айының қорытындылары бойынша Ұлттық қордың валюта активтері 64,4 млрд долларды құрағанын айтты. Оның айтуы бойынша, еліміздің халықаралық қоры 2016 жылғы қыркүйек айының соңында 95,8 млрд долларды құраған.

«Қаржы нарығындағы жағдайдың жақсаруы, экономикада оң белгілердің пайда болуы және оң болжамдардың қалыптасуы қазан айының басында базалық мөлшерлемені 12,5%-ға дейін төмендету туралы шешім қабылдауға негіз болды. Тәуекелдердің төмендеуіне және тұрақтылықтың расталуына қарай, базалық мөлшерлеменің одан әрі де төмендетілуі мүмкін», - деді ол.

Ақпарат көзі: strategy2050.kz

0
0
369

Д. Ақышев: ҚР Ұлттық банкінің алтын-валюта қоры жыл басынан бері 3,5 млрд долларға өсті

2016 жылғы қыркүйек айының қорытындылары бойынша Қазақстанда инфляция - 0,2% деңгейінде, ал жыл басынан бері 5,6% деңгейінде қалыптасқан, бұл дағдарысқа дейінгі кезеңнің көп жылдық мәндеріне сәйкес келеді, деп хабарлады ҚР Ұлттық банкінің төрағасы Данияр Ақышев Үкімет отырысы барысында.

«Жылдық инфляцияны 8% деңгейге дейін жеткізу қажет – бұл Ұлттық банктің негізгі басымдығы, онсыз инвестициялық белсенділікті жаңарту және ұлттық валютадағы реурстар бойынша мөлшерлемені төмендету мүмкін емес. 2016 жылғы қыркүйек айының қорытындылары бойынша инфляция - 0,2% деңгейінде, ал жыл басынан бері 5,6% деңгейінде қалыптасты, бұл дағдарысқа дейінгі кезеңнің көп жылдық мәндеріне сәйкес келеді. Жылдық инфляция бойынша нысаналы бағдарға алдағы үш-төрт айда қол жеткізу мүмкін деп санаймыз», — деді Д. Ақышев.

Ұлттық банк басшысының айтуы бойынша, көп жылдан бері алғаш рет бейрезиденттер тарапынан ноталарға сұраныс пайда болды, бұл ұлттық валюта бағамының тұрақтануы мен пайыздық мөлшерлемелердің баламалылығына қатысты сенімділікті көрсетеді. Ақышев ішкі валюта нарығындағы жағдайдың тұрақты екеніне назар аударды, қыркүйектің соңында теңгенің биржалық бағамы жыл басынан бері 1,3%-ға нығайып, АҚШ доллары үшін 335,46 теңгені құраған.

Қазіргі уақытта нарықта теңге бағамының күнделікті елеусіз өзгеруі байқалады, осы ретте Ұлттық банк сыртқы және ішкі факторлардың әсерімен қалыптасатын іргелі трендке кедергі жасамайды.

«Ұлттық банк 2016 жылғы қыркүйектен бастап валюта нарығына араласпайды, сәйкесінше, біздің қатысу үлесіміз 0%-ды құрайды. Теңге бағамы қазіргі уақытта оң динамикаға ие іргелі факторлардың әсерімен қалыптасады», — деп мәлімдеді Д. Ақышев.

Теңгенің өзгермелі бағамы саясаты, оның айтуы бойынша, қорларды біртіндеп қалпына келтіру үрдісін бастауға мүмкіндік берді. Ұлттық банктің алтын-валюта қорлары қыркүйек соңында 31,4 млрд долларды құрады, жыл басынан бері өсім 3,5 млрд долларды құраған. Алтын-валюта қорлары көлемдерінің ұлғаюы, негізінен, осы жылдың 9 айы ішінде 25%-ға өскен алтын бағасының өсуімен және ҚР Ұлттық банкі 2016 жылдың бірінші жартыжылдығында жүзеге асырған ішкі валюта нарығында шетелдік валютаны алумен қамтамасыз етілген.

Ұлттық қордың валюта активтері 64,4 млрд долларды құрайды, ел қорларының жалпы сомасы 95,8  млрд АҚШ долларына немесе ЖІӨ-нің 7%-ына жеткен.

Ақпарат көзі: strategy2050.kz

0
0
430