Мазмұнға өту

Жаңа

Жоғарғы Сотта Қазақстан мен Германия судьяларының кездесуі өтті

Жоғарғы Сотта өткен Қазақстан мен Германия судьяларының кездесуінде зияткерлік меншік объектілерін құрумен және қолданумен байланысты істерді сотта қарау мәселелері бойынша тәжірибе алмасты.

Кездесуге Қазақстан Жоғарғы Сотының судьялары Ирина Калашникова, Ғалымжан Мырзаке, Жанна Ермағамбетова, Лариса Шепелева, Тыныштық Молдахметова, Герман Федеральдік Жоғарғы Сотының судьясы Клаус Бахер және Мюнхеннің жергілікті сотының судьясы Оливер Шён қатысты.  Осы өзекті тақырыпты талқылауға Астана қаласының зияткерлік меншік саласындағы дауларды қарауға маманданған судьялары мен Қазақстанның Әділет министрлігінің өкілдері де қатысты.

Кездесуде сөйлеген сөзінде И.Калашникова зияткерлік меншік саласындағы құқық қолдануды жаһандану дәуіріндегі маңызды салалардың бірі деп атап өтті.

«Зияткерлік меншік құқықтарын қорғау республиканың экономикалық өсімінің тұрақты дамуын қамтамасыз етудің маңызды шарттарының бірі және Қазақстанның ДСҰ-ға кіруі тұрғысынан аса өзекті болып табылады. Елімізде зияткерлік меншікті қорғаудың тиімді жүйесінің болуы аталған халықаралық ұйымға кіру шарттарының бірі болды», - деді судья Н.Калашникова.

Н.Калашникова: «Әділет министрлігі мен «ЕуроОдақтың құқық үстемдігі тұғырнамасы – Орталық Азия» жобасының бастамасымен ұйымдастырылған бұл кездес у зияткерлік меншік саласындағы дауларды қарау бойынша судьялардың дағдыларын жетілдіруге ықпал ететін болады», - деді.

Кездесуде К.Бахер қазақстандық судьялардың сот төрелігін жүзеге асырудың жоғарғы сапасын атап өтті.

Кездесу барысында тараптар зияткерлік меншік саласындағы өздерінің тәжірибесімен алмасты. Кездесуге қатысушылар алынған нәтижелер барлық қатысушыларға пайдалы болып, ұсынылған ұсынымдар практикалық қызметте қолданылатындығына сенім білдірді.

http://sud.gov.kz/kaz/news/zhogargy-sotta-kazakstan-men-germaniya-sudyalarynyn-kezdesui-otti

0
0
711

Жоғарғы Сот банкке қойған талап арызын қанағаттандырудан бас тартып, банктік келісімдердің талаптарын оларға қол қойылғанға дейін зерделеу қажеттілігіне назар аударды

Азамат А. жауапкерлер «Kaspi Bank» АҚ-ға, «Kaspi Сақтандыру» АҚ-ға банктік қарыз шартының тармақтарын, ерікті сақтандыру шартын жарамсыз деп тану және бастапқы қалпына келтіру туралы талап арызбен сотқа жүгінген.

Банктің және сақтандыру компаниясының өтінішхатын зерделеу барысында сот талап қоюшының талаптары шарттың 1.14- тармағының талаптарына қайшы келетіндігі жөнінде тұжырымға келді. Келісімге сәйкес қарыз алушы АҚ-нің 388 - бабының тәртібімен тараптардың арасындағы қатынасты реттейтін, банктік қарыз шартының ажырамас бөлігі болып табылатын Басты талаппен банкте жеке өзінің қатысуымен танысып және келісетінін бекіткен.

Кешенді банктік қызмет көрсету келісімнің 1-бөлігінің 3) тармақшасында тараптардың банктік қызмет көрсету үшін банкке комиссия төлеудің талаптары көзделген.

Талап қоюшы қарыз шартының және банктік қызмет көрсету шартының жасалғаны жөніндегі мән-жайды дауламаған.

Сот азаматтар және заңды тұлғалар шарт жасасуға ерiктi, шарт жасасуға мәжбүр етуге жол берiлмейтінін ескеріп, талап қоюшының талаптарын негізсіз деп тапты.

Сот талап қоюшының ерікті сақтандыру шартын жарамсыз деп тану туралы талабын зерделей келе, шартқа банк және клиент қол қойғандықтан, банк клиентті дауланып отырған шартты жасауға мәжбүр ете алмайды деген тұжырымға келді.

Бұдан бөлек, сақтандыру шарты ерікті болып табылады, клиенттің қалауы бойынша ғана жасалады.

Еріктілік шарттың белгісі ретінде оның талаптарында да бекітілген, өйткені клиент кез  келген уақытта сақтандыру шартын біржақты тәртіппен бұзуға және сақтандыру сыйақысын қайтарып алуға құқылы.

Жоғарғы Сот екінші сатыдағы соттың қаулысының күшін жойып және бірінші сатыдағы соттың шешімін заңды деп танып, талапкердің талабын қанағаттандырудан бас тартты.

http://sud.gov.kz/kaz/news/zhogargy-sot-bankke-koygan-talap-aryzyn-kanagattandyrudan-bas-tartyp-banktik-kelisimderdin

0
0
781

БҚО-да Сыбайлас жемқорлықпен халықаралық күрес күнін атап өтті

2016 жылдың 9 желтоқсанда Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл Агенттігінің Батыс Қазақстан облысы бойынша Департаментімен сыбайлас жемқорлықпен халықаралық күрес күніне орай дөңгелек үстел өткізілді.

Шараға жергілікті атқарушы және аумақтық мемлекеттік органдардың басшылары, құқық қорғау қызметінің, үкіметтік емес ұйымдардың, БАҚ өкілдері және «Адал ұрпақ» ерікті мектеп клубтарының қатысушылары қатысты.

Департамент басшысы, Әдеп жөніндегі кеңес төрағасы Исақов Б.Ә. өз сөзінде Қазақстан ТМД елдерінің ішінде сыбайлас жемқорлықтың қауіптілігін алғашқы болып түсінгендігін және онымен күресті мақсатты және жүйелі түрде бастағандығын атап өтті. Сыбайлас жемқорлыққа қарсы іс-қимыл мәселелері біздің еліміздегі ұлттық саясаттың негізгі бағыты болып табылады. Сондай-ақ, ол Қазақстан алғашқы болып «Сыбайлас жемқорлыққа қарсы күрес» Заңын қабылдағандығын және 2001 жылдан бастап сыбайлас жемқорлыққа қарсы түрлі мемлекеттік бағдарламалар жүзеге асырылып жатырғандығын атап өтті. Жылдың басынан бері қолданыстағы «Мемлекеттік қызмет туралы» Заңы мен «Мемлекеттік қызметшілердің этикалық Кодексі» «100 нақты қадам» Ұлт жоспарында көрсетілгендей, Қазақстанда кәсіби мемлекеттік аппарат құруға негіз бола білді.

Департамент басшысы дөңгелек үстелге қатысушылардың назарын уәкілетті мемлекеттік қызмет істері және сыбайлас жемқорлыққа қарсы іс-қимыл органдарының сыбайлас жемқорлықты ескертуге және оның алдын-алуға бағытталған жұмысына аудартты.

Дөңгелек үстелде «Сыбайлас жемқорлыққа қарсы іс-қимылдың жаңа тәсілдері» тақырыбында Департамент басшысының орынбасары А.Жұбаныш баяндама жасады. Ол өз баяндамасында еліміздің сыбайлас жемқорлыққа қарсы саясатын жүзеге асырудың басымдықтары мен келешегі жөнінде сөз қозғады. Сондай-ақ, ол соңғы жылдары азаматтардың құқықтық және сыбайлас жемқорлыққа қарсы мәдениеті деңгейінің көтеріліп келе жатырғандығын және мемлекет пен азаматтық қоғам институттарының арасында сындарлы диалог құрылғандығын атап өтті.

Сыбайлас жемқорлыққа қарсы Ұлттық бюросының БҚО бойынша Департаментінің басқарма басшысы Д.Қабанов «Батыс Қазақстан облысындағы сыбайлас жемқорлықтың алдын алу бойынша жүргізілген жұмыстар туралы» тақырыбындағы баяндамасында лауазымды тұлғалар сыбайлас жемқорлық қылмыстарын жасағаны үшін олардың жауапкершілігін қамтамасыз ету жөнінде айтты.

Содан, дөңгелек үстелде жиналғандардың алдында «2015-2025 жылдарға арналған сыбайлас жемқорлыққа қарсы Стратегиясын» жүзеге асырудың негізгі бағыттары бойынша БҚО «Азаматтық Альянс» заңды тұлғалар бірлестігінің өкілі Г.Сатыбалдина, БҚО «Жастар Қауымдастығы» заңды тұлғалар бірлестігінің төрағасы Е.Мұқамбетқалиев және облыстық білім басқармасы басшысының орынбасары З.Ғұмаровалар баяндама жасады.

Дөңгелек үстел соңында Департамент басшысы Б.Исақов қоғамда сыбайлас жемқорлыққа қарсы мәдениет қалыптастыруда белсенді жұмыстары мен Департаментпен тұрақты қарым-қатынастағы колледждер мен мектеп директорларын, қоғамдық бірлестіктер және бұқаралық ақпарат құралдары өкілдерін алғыс хаттар мен естелік сыйлықтарымен марапаттады.

Сондай-ақ, Б.Исақов қабылданып жатырған шаралардың тиімділігі, ең алдымен, азаматтық қоғамның, мемлекеттік билік институттарының белсенділігіне, табысты өзара әрекеттестіккебайланысты екендігін атап өтті.

     
0
0
438

«Ең сенімді жауынгер» Иманғали 60 жасқа толды

"Нұрсұлтанның ең сенімді серігі", "Қазақстанның үздік кризис менеджері", "Өнер жанашыры" және тағы да көптеген жақсы теңеулердің иесі, халық "Имекең" деп еркелетіп-сыйласқан Иманғали Тасмағанбетов бүгін 60 жасқа толып отыр.

Қазақстан комсомолдар ұйымының жетектішісі, Президент көмекшісі (1993), одан кейін үш рет Премьер-министрдің орынбасары (1995, 2000, 2016 ж.) қызметін атқарған. Сонымен қатар, Атырау облысы, Алматы мен Астана қаласының әкімдктерін, Қорғаныс (2014-2016 ж.), білім және мәдениет министріліктерін басқарған.

Ел аузында Иманғалидің айтқандары да көптеп таралған. Солардың бірі Астана қаласының халқына есеп беру кезінде орыс кемпірінің "Мешіттегі айқайлаған азан күніне 5 рет мазамды алады, бұл не сұмдық?!" - деп шағымданыпты. Сонда Иманғали "Егер де 6-рет айқайласа маған айта қойыңыз, шара қолданамыз!" - деп жауап берген екен.

Имекеңнің әншілігі де елдің үлкен назарына ілікті. Ютубтағы мына бір видео 55 мыңға жуық қаралымға ие болды.

Иманғали Нұрғалиұлының ешбір әкім бұзбаған рекорды бар. 2013 жылы Астана қаласы әкімі қызметінде жүрген кезінде Орталық коммуникациялар қызметінде 120 журналист, 65 түрлі БАҚ өкілдері алдында 2 сағат 10 минутқа (130 минут) созылған брифингте сөз сөйледі. Журналистердің бірде-бір сұрағына мүдірместен жауап берді дейді қатысқандар.

Иманғали жастарға кеңесін аямайды. Ақыл-кеңесі мен өмірлік тәжірибесімен де бөліседі.

Кезінде студент кезімізде оқығанда бізге жатақхана тимейтін, тимеген кезде біздер сол жатахқананың подвалында жататынбыз. Осыны қазіргі жастарға айтсан күлеп мырс етіп, бір аңыз сияқты, ойдан шығарып алынған аңыз сияқты сезіледі


Желтоқсанның 1 күні өткен Республикалық жастар форумында Премьер-министрдің орынбасарымен кездесуге мүмкіндік алды жастар. Қазіргі жастар қандай болу керек деген сұраққа былай жауап берді:

«Какими навыками должны владеть молодые люди, чтобы соответствовать динамично меняющемуся миру? Первое, на мой взгляд, это практическое мышление, второе — навыки коммуникации, умение работать в команде. Третье — творческий подход. Четвертый — самый важный, на мой взгляд, навык поведения в цифровой среде. Пятое — это полиязычность. Если, на мой взгляд, этими навыками будете обладать, то, безусловно, будете востребованы. Все те революционные требования, которые будут происходить в стране и мире, будут вам по душе, и вы будете естественно вплетены в этот процесс и будете успешными людьми»

Ауыл балаларымыз деп барлығымыз шіренеміз. Кішкентай болса да, әрбір жетістігімізді ауылымызбен байланыстырамыз. Алайда, ауылдан шығып, халықтың баласына айналған Иманғалидей азаматтар кемде-кем.

Иманғали ауыл балаларына үлгі, Новобогат ауылында туылып, еліміздің ең үлкен қызметтерін атқарған еңбегімен.

Иманғали жастарға үлгі, комсомолдық ұйымының жетекшісі атанып, үш рет Премьер-министр орынбасары қызметіне дейінгі жасаған жолымен.

Иманғали әрбір қазаққа үлгі, қазақтың тарихын, дәстүрін, музейлері мен мұражайларына көрсеткен қамқорлығы мен қолдауымен.

4
1
1149

Очерк о путешествии: Өзге елді араламас бұрын, қазақ жерін шарлап біт..!

В Юви много постов о путешествии по городам других стран, но мало истории об автопутешествии по нашей стране. Надеюсь, вы знаете казахский?

Папкаларды тазартып отырғанымда, екінші курста "Әдеби сын" пәнінен тапсырма ретінде жазған "очеркімді" тауып алдым. Бұл - менің ең алғаш қолыма қалам алып, очерк жазған тәжірибем еді. Оған "Киелі Маңғыстауға саяхат" деген атау қойдым. Ал, кеттік...

2012-ның жазында жанұямызбен көптен бері дайындалып жүрген сапарымызға «аттандық». Бұл жолы аспанды шарлап, бұлтты бұзып, үш сағатта жеткізетін ақ қанатты ұшаққа емес, өмір жайлы толық ойланып-толғануға мұрша беретін үш күндік поезға да емес, өзіміздің төрт дөңгелекті көлігімізге саяхатымызды сеніп тапсырдық. Бұл шешімді әкем қабылдаған еді. Ал бізді көндіру мақсатында былай деді:

– Не істейміз поезда үш күн пысынап, одан да мәшінмен, солтүстіктегі қалаларды аралап, табиғатты тамашалап бармаймыз ба? Ал самолет ол не? Зу етіп апарады, дым қызығы да жоқ. Уақыт бар, отпускімізді алдық, боспыз. Сүйтпедік пе, ә?

Бұған біз үшеуіміз де қарсы болмадық. Тек сіңлім Дина көзі мөлдіреп:

– Бәрін ойластырыпсыңдар, ал менің мысығым ше? Оны қайда қалдырмақсыңдар? – деді.

– Менің құрбым осы жазды үйінде өткізеді. Соған тапсырамыз, уайымдама, – дедім. Бұны жөн көргенімен Дина сонда да қабағын шытып, біраз отырды. Мысығын жанындай жақсы көреді ғой, қайтсін.

Сүйтіп, бензин, жол, ұйқы, демалыс, тамақ деген мәселелерді талқылап, әрқайсысын ойластырып, бүге-шігесіне дейін жоспарлап болған соң, «Магнумымызға» барып, анамның айтуынша «жын-жыпыр, бәле-бәтерлеріңді көп ала бермеңдер» дегенін елемей, шоколадтан бастап, картоп чипстерімен аяқтап, жүксалғышты толтырдық. Фотоаппаратымызды қуаттап, жылы көрпемізді жамылып, таңғы 5-те қаладан шықтық.

Алматының жер бедері біртіндеп, Сарыарқаға қарай жоталарға ауысып, аласара берді. Сүйтіп, міне, Балқашқа да жетіп қалдық. Қаланың қақ ортасында өскен бізге көкпеңбек көлді көрген бір өмірде бола бермейтін құбылыс секілденді. Терезеге жабысып қараймыз. Ал, Балқаш бітпейді. Әттең, алыстап барады. Жағасында кім, я не жүргенін көре алмайсың. Әкеміздің «қайтарда шомыламыз» деген уәдесіне көніп, терезеден түстік.

Қарағандыға дейін тоқтаусыз келеміз. Бұл сол ауылға тезірек жету мақсаты ғой. Қаладан алшақтап барып, демалыс, кідіріске арналған жерде тоқтадық. Әкем көлігімізді тексергенше, біз үйден қайнатып алған жұмыртқа, картоптарымызды шығарып, сусындарымызды мұздатқыштан алып, түскі тамақты дайындап жаттық. Тамақтанып, сергіп алғаннан кейін, дүниемізді жинап, қоқысымызды тастап, ары қарай жолға аттандық.

Солай Астанаға да жеттік. Түнімізді мұнда өткізбейміз деп шешіп, кідірмей кете бердік. Міне, енді нағыз табиғат сұлулығын көре алатын жерлер кездесті. Көкшетау. Жап-жасыл дала, әртүрлі пішіндегі таулар, керемет ауа – бәрі Көкшетаудың табиғаты. Біз мұндай сұлулықты алғаш көруіміз. Әбден суретке түсіріп, көзіміз тойған соң осы жерде түнейтін болып, қалаға кіріп, «Көкшетау» қонақүйінде орналастық. Кешкі асымызды ішіп алып, ұйықтап қалдық.

Қайтадан таңда ерте тұрып, көлігімізге отырып, Қостанай, Әулиекөлге жол жүрдік.

Солтүстік Қазақстанның Рузаевка деген елді мекенін басып өтіп, Қостанай облысына жақындай бастадық. Бұл екі облыстың өзіне тән бір керемет ерекшелігі бар, ол – орман. Қарағайлы қалың орман. Бізбен бірге тоқтап, мына тамаша табиғатты суретке түсіріп жатқандар да бар, жәй қарап, тамсанып тұрғандар да бар. Бұл орман қаптаған ағаш емес, бейне бір ғажап, сыры бар қасиетті жер сияқты. Өзіме бейтаныс сезім. Әр ағаштың қасында өзіндік аурасы бар. Оны ауыр, жеңіл деп кесіп айту мүмкін емес. Ол, расымен, бізге де, сізге де бейтаныс нәрсе, құбылыс. Бұл жердің тарихын білмегендіктен, бұл орман қалай, қандай жағдайда пайда болғаны бізге беймәлім. Бұл сол манағы аураны айырып-білуге бөгет болып тұрған себептің бірі, бірақ өзі емес. Бұл құпияны әзірше ешкім аша алмайды. Сонысы да дұрыс шығар. Бұл – осы жердің қасиеті, ерекшелігі.

Ары қарай жолды жалғастыру керектіктен, жиналып, Аманқарағаймен уақытша қоштасып, біз де кеттік. Солай қалаға да жетік. Тобылдан өтіп, Қостанаймен ішімнен қоштасып, облыстан шықтық. Хромтаудағы қонақүйге жайғастық. Денеміз тырысып қалғаны сонша, жүру қиынға соғып, жаттығу жасап жібергеннен кейін ғана денеміз сергіді. Жатқан бойда, ешбір философиясыз тез ұйықтап қалдым. Ертесіне қайтадан күнмен таласа тұрып, кідірмей, таңғы асымызды да күте алмай кетіп қалдық.

Ресеймен шекаралас жерде келе жатқандықтан, ұялы телефондарымызға «Ресейге қош келдіңіз!» деген хаттар келе бастады. Бұған әкем «Астапыралла» деп қана қойды.

Қарағанды жерінде бір қара құсты байқаған едім. Өзін суретке түсіруге мұрша бермей, біраз төбемізде самғап, ұшып кетті. Ақтөбе жерінде келе жатып терезеге қарап қалғанымда, қайтадан қара құсты көріп, таңдандым. Негізі, ол қазақта жақсы құстың қатарына жатпайды. Бірақ маған бұл қара құс бізді қолдап, қорғап, жолымыздың серігі болып келе жатқандай болды. Мүмкін, ата-бабамыздың құсы болар, кім біледі?

Ақтөбеге кешке жақын уақытта жеттік. Бұл қаланы «жастар қаласы» деп айтылып жүргенін естіген ем, бірақ Алматыдан кейін мұндайға сену қиындау. Расымен өте әдемі, әсем қала. Көшеде жастар топ-топпен жарысып бірдеңе айтып, күліп жүр. Үлкен кісілер қайда кеткен? Жол сұрап жіберетін таксистер де көрінбейді. Сүйтіп, «Е» деген нөмірлі көлікті көре салып, соның соңынан ердік. Олар бізбен Оралға дейін сапарлас болды. Бұл жақтағы атмосфера өзгеше. Алматыда қазақ-орыс аралас жүрсе, мұнда қазағың да, орысың да орысша сайрап жүр. Өздері мәдениетті. Шаршап, ызаланып жүрген адамды көрмейсің.

Бұл қалада түнеп қалайық деп шештік. Орал. Алғаш келуім мұнда. Тынымсыз мегаполистен шыққалы 2 күн болды. Содан бері өзге планетада жүргендеймін. Тек облыстардың, қала-ауылдардың тіршілігі ата-бабамның, қазақтың жерінде екенімді еске салып қояды.

Менің байқағаным, осы қалада уақыт Алматыдағыдай тез өте кетпейді. Әр минут, тіпті секунд өзіне берілген мүмкіндікті сәл ұзағырақ пайдаланатын секілді. Еш әбігерлік жоқ. Бұл мегаполистен кішірек қалалардың бәріне тән ерекшелік шығар. Осы қалада жүріп, мені «уақыт шектеулі, қашан бітетінін білмейсің» деген ой өзімді-өзіммен қалдырды.

Бұл күні таңертең күндегіден ерекше тез-тез жиналып (себебі бүгін ауылға жетеміз ғой), төртеуіміз көліктің төрт есігін жарысып ашып, жайғаса отырып, жүріп кеттік.

500 километрді терезеге қараумен өткіздім. Жол жаман, берекеңді кетіреді. Осындай әкемнің жолдан жалығып, шаршағанын байқағанда, анам екеуіміз алдын ала жазып алған СD-дискімізді қосып, әнге қосылып, шырқай бастаймыз. Бұл әкеміздің көзі ілініп кетпесін деген ниетпен ойлап тапқан идеямыз. Айгүл Қосанова, Ақылбек Жеменей, Музарт, Тамара Асарларға қосылып, дауысымыз жету-жетпеуінен хабарымыз жоқ, айта бердік, айта бердік.

Одан өзіміз де шаршаған соң, көлігімізді тоқтатып, бір асханаға тамақтануға кірдік. Осы үш күндік жолда алған сабағым: Солтүстік, Батыс облыстарда жүрсең, кафе-асханаларда лагман дегенге тапсырыс бермеу керек. Алдыңа езіліп кеткен спагеттиді сорпаға салып, әкеліп береді, одан «галина бланканың» жұпар иісі аңқып тұрады. Атырауға жақындап қалғандықтан, бұл жерде енді не жеу керек деп ойланып отырғанымда, бір қара домалақ қыз «манпардан басқа дым жоқ» деді. Бұл бойжеткеннің диалектілік акцентін естігенде өзім байқамай күлімсіреп отырып қалыппын. Ол сөзін қайталап, мені есімді жиюға шақырды. «Жақсы, шәймен әкеліңізші» деп шығарып салдым. Ауылымызға шамалы жақындап қалғанымызды сездірген осы даяшы қыз еді.

Тамақтан бәріміз біраз қуат жинап, Маңғыстауға беттедік. Атырауда көлігімізді жуып алайық, ұят болар деп, көзіміз түскен көлік жууға кірдік. 40 градусты ыстық ауалы далада отырғанымызда Атырауды-Атырау қылып жүрген масалар піскілеп, бізге «қош келдіңіз» айтты. Қанымыздың дәмі ұнаған болар, кеткенше талап тастады.

Көлігіміз тап-таза болып шығып, Атыраумен қоштасып, киелі жер Маңғыстауға кірдік. Соңғы 500 километрде барымызды салып ән салып, қуанып келдік. Туылғалы әке-шешем үйреткен «Бекет ата, қолдай көр!» деумен уақыт, километр санаумен отырдым.

Біздің ендігі бағытымыз – Сарға ауылы еді. Осыған дейін поезбен келгенде, марқұм Кәрім ағам күтіп алып, шыр айналып, үйге алып келетін. Тамақ үнемі әзір, апаларым, ағаларым, кішкентайлар бәріміз дастарқан басында жиналып отыратын едік. Бұл мен үшін ҮЛКЕН БАҚЫТ еді. Әлі күнге дейін солай. Маңғыстау жеріне барып, "жер столға" отыра кетіп, жеңеше-ағаларыммен шай ішіп отыру – баға жетпес бақыт. Бұл жолы біз көлікпен алғаш келіп тұрмыз. Үнемі алдымыздан ақ жигулиімен шығатын ағамыздың жоқтығы бұл жолы айқын білінді. Біраз адасып, түн жарымда Сарғаға да жеттік. Ауылға кірер жолда ақ жеңгем мен апам жылап көрісіп, қарсы алды. Бұл – ағаның жоқтығы үшін кешірім сұраған әрекеті секілденді. Апам-ау, алтын апам.

Ертесіне ауылымыздың өзіне, Тұрышқа ағаларымның бірінің көлігімен кететін болдық. Оған дейін осы ауыл кісілерінің берген қонағасысын жеп, жолға шықтық.

Қазіргі Сам ауылы, Тұрыш ата ауылында әжем бар. Нағашыларым бар. Осы ауылыма жетіп, бәрімен амандасып болған соң, кідірмей ауыл шетіндегі қорымға, атамның басына беттедім. Кішкентай кезімде соңғы рет көзін көрген атаммен амандасып, басында біраз отырдым.

Солтүстік Қазақстан мен Батыс Қазақстан жерлері жап-жасыл табиғат. Орал жерінен Атырау облысына кірген соң жер қуаң тартып сала берді. Бірақ Атырау, Маңғыстау жерлері керемет бір жұмбақ қасиетке ие.

Асау-Барақ, Мұса қожа, Бекет ата, Дәулетбай сұпы, Бармақ әулиелерінің басына барғанымда, осы бабаларымның рухын сезгендей болдым. Бұл жерлерге адамдар емделуге келіп жатады. Түнеп, шырақ жағып, денсаулық тілеп жүреді. Алла оларға сұрағанын берсін.

362 әулиелі Маңғыстау – жер жаннаты болмағанымен, тарихи ескерткіштерге бай, жеті жұртқа мекен болған жер. Менің жүрегім өзін керемет сезінетін жер. Отаным десем де, туған жерім десем де артық айтпаймын. Болашақта балаларымды осы жермен таныстырамын, осы жердің бүкіл құдіретін, қасиетін көздеріне көрсетуге тырысамын.

Күз, 2012 жыл.

7
0
1576

Hit TV арнасы қазақ киносының тарихын насихаттамақ

Сүйінші!

Hit TV арнасы қазақ киносын насихаттайды! Отандық классикалық фильмдердің тарихы мен тағдыры жайлы не білесіз? Ал сүйікті кинокартинаңыз бен кейіпкеріңіздің кадр сыртындағы қыр сырын ше? Ескірмейтін және ешқашан өшпейтін шежірелі кинолента туралы "Алтын қор" бағдарламасы баяндайтын болады. Сенбі күні тұсауы кесілетін жаңа жобаның авторы кім, жанры қандай? Толығырақ сюжетте!

Hit TV – барша қазақстандықтарға қуаныш сыйлай білетін телеарна. Мұнда көптеген қызықты дүниелер туралы айтылады: саяхаттар, күтпеген, таңғаларлық жағдайлар, аспаздық, сән үлгілері, музыка, спорт және отандық жұлдыздардың өміріндегі жаңалықтар. Бізге жазыл, қызықты оқиғалардың куәсі бол!
INSTAGRAM: https://www.instagram.com/hittvkz
FACEBOOK: https://www.facebook.com/hittvkz
VKONTAKTE https://vk.com/hittvkz

0
0
534

Жоғарғы Сотта жеке санаттағы істер бойынша міндетті медиацияны енгізу жөнінде семинар өтті

Жоғарғы Сот судьясы Ұлбосын Сүлейменова және отставкадағы судья, тәуелсіз медиатор Манфред Штендер (ФГР) бейнебайланыс арқылы жеке санаттағы істер бойынша міндетті медиацияны енгізу жөніндегі семинар сабағын өзкізді.

Семинар жұмысына Қазақстан Республикасы Президентінің жанындағы «Қоғамдық келісім» РММ Қазақстан халқы Ассамблеясы медиацияның халықаралық ынтымақтастық хатшылығының сектор меңгерушісі Жанар Усипбекова және «Жанжалдарды шешу орталығы - Диалог» басшысы, «Озарение» ҚБ президенті Татьяна Савицкая қатысты.

Семинарды ашу рәсімінде Ұ.Сүлейменова Қазақстанда медиация институты белсенді дамып келе жатқандығын атап өтті. Жаңа АПК нормалары бітімгерлік рәсімдерін жан-жақты пайдалануға мүмкіндік береді. Халық арасында медиация институтын көпшілікке танытуда Қазақстан халқы Ассамблеясы да зор үлес қосты. Сонымен қатар, судья республика соттарының және облыс әкімдерінің аталған институттың қолданыс аясын кеңейту, дауларды сотқа дейін және соттан тыс реттеу саласындағы ынтымақтастықты нығайтуға бағытталған өзара Меморандумға қол қойғанын, оның толық және белсенді түрде іске асып жатқандығын атап өтті.

Сотқа дейін және соттан тыс дауларды реттеу институтын нығайту мақсатында республика соттарында мобильді топтар құрылғаны, жергілікті жерлердегі тұрғындармен және мекемелерде бітімгершілік рәсімдерін қолдану жөніндегі жұмыстың барысы атап өтілді. Республика соттарында өткізілетін барлық іс-шаралар медиация институтын нығайтуға, соттардың және құқық қорғау органдардың қатысуынсыз перспективті және баламалы түрде қақтығыстарды және дауларды шешуге, сондай-ақ алдын алу тәсілі ретінде қоғамдық және құқықтық дауларды сотқа дейін шешуге бағытталған.

Бұл шаралар азаматтық істердің өсуіне жол берді, дауларды шешудің баламалы әдістерін пайдалану арқылы аяқталған дауларды шешу 1,7 есеге артқан (2015 жылы – 1313, 2016 жылы –  22375). Олардың соттар арқылы  шешілген үлесі – 5,9%. Соның ішінде 6180 (7875) азаматтық іс немесе 27,6% бітімгершілік келісімін жасасу арқылы шешімін тапқан, 15 808 (5261) немесе 70,7% - медиатордың қатысуымен, 387-сі және 1,7% - партисипативті түрде аяқталған.

http://sud.gov.kz/kaz/news/zhogargy-sotta-zheke-sanattagy-ister-boyynsha-mindetti-mediaciyany-engizu-zhoninde-seminar-otti

0
0
571

Жоғарғы Сот ЖШС-нің пайдасына көрсеткен қызметі үшін оған ақы төлеу бойынша берешекті өндіріп алу туралы аралық соттың шешімімен келісті

Жоғарғы Соттың азаматтық істер жөніндегі сот алқасы шартқа сәйкес көрсетілген қызмет үшін төлемақы ретінде бір жарым миллиардтан астам теңгені «Си Бу» Инженерная буровая компания» ЖШС-нің пайдасына «FIAL» БӨ-нен ақша өндіру бойынша аралық соттың шешімін бұзу туралы өтінішін қанағаттандырусыз қалдырып, бірінші сатыдағы соттың ұйғарымын күшінде қалдырған.

Төменгі сотта қарауға негіз болған екі ЖШС-нің дауы мынадан  тұрады.

«Си Бу» (Си Бу) инженерлік бұрғылау компаниясы және «FIAL» (Фиал) БӨ Ақтөбе облысының Восточный Мортук кен көзінде ұңғымаларды бұрғылауға қатысты шарт жасасқан.

Уақыт өте келе, шартта көрсетілген жұмыс көлемін орындап және өзіне тиесілі төлемақыны  алмаған соң, Си Бу  Фиалдан шарт бойынша қарызды өндіру туралы талап арызбен аралық сот -  Қазақстан Коммерциялық төрелігіне жүгінді.  Аралық сот  талап арызды қанағаттандырып, Фиалдан 49 715 442 теңге (төрелік алымды) және 316 091 009 теңге (өсімпұлды), 995 060 960 теңге (жауапкердің арызын қосқанда), 1 670 060 960 теңге (берешекті) өндіруді ұйғарды.

Сот шешімімен келіспеген Фиал сотқа бұл шешімді бұзу туралы өтінішхатпен жүгінген. Астана қаласының мамандандырлған ауданаралық экономикалық соты өтінішті қанағаттандырусыз қалдырған. Ал Астана қаласының соты ұйғарымның күшін жойып, өтінішхатты сол сотқа қайта қарауға жолдаған. Астана қаласының мамандандырлған ауданаралық экономикалық соты істі екінші рет қайта қарап, өтінішхатты қанағаттандырып, аралық соттың шешімін бұзған. Бұл шешіммен Астана қалалық соты келіскен.  Си Бу соттар материалдық және процестік құқық нормалары бұзылды деп бекітілген сот актілері бойынша жоғары сот органына шағымданған.

Бірінші сатыдағы соттың уәжі бойынша тараптар сот құрамы туралы келісімге келмеген, яғни аталған дау құзыретті сотқа жолданылуы тиіс. Заң  нормаларының бұзылуы аралық сот судьяларының тәуелсіз қағидаттарына қайшылық келетін сот құрамының қалыптасуына  әкеп соқты.

Алайда жоғары сот органы соттың бұл тұжырымдарын қате деп тапты, шағым жасалғн ұйғарымда аралық соттың шешімін бұзу үшін  қажетті негіз болатын  мән-жайлардың жоқтығын атап өтті.

Заңнамаға сәйкес аралық соттың шешімдеріне, егер  аралық соттың  шешімін бұзу туралы арызбен аралық соттың тарабы  осы соттың құрамы немесе аралық талқылау  заңнама талаптарына сәйкес келмегені жөнінде  дәлелдер ұсынған жағдайларда ғана шағымдана алады. Сондай-ақ  Заң нақты дауды шешу бойынша тараптардың келісімімен аралық соттарда құрамды қалыптастыруды регламенттейді.

Жоғарғы Сот мұндай мән-жайлар кезінде дауланып отырған сот ұйғарымдарының күшін жойып, бірінші саты сотының бастапқы ұйғарымын күшінде қалдырды.

Сот актілерін даулау кезінде арызданушы төлеген  мемлекеттік баж (10 млн.теңге көлемінде)  жауапкер «FIAL» БӨ-нен арызданушының пайдасына өндіріп алынды.

http://sud.gov.kz/kaz/news/zhogargy-sot-zhshs-nin-paydasyna-korsetken-kyzmeti-ushin-ogan-aky-toleu-boyynsha-bereshekti

0
0
719

Uber көмектесу үшін көмектеседі: Жаңа жыл қарсаңында Uber Астана мен Алматыда барлық тұтынушыларға қайырымды іс жасауға мүмкіндік береді

Алдағы демалыс күндері Uber барлық Астана мен Алматы тұрғындарына мұқтаж жандарға көмек көрсетуге мүмкіндік береді. Оны қосымша арқылы көлікке тапсырыс беру секілді оңай ғана жасауға болады.

 

10 желтоқсан күні 12.00-ден 20.00-ге дейін Астана мен Алматыдағы кез келген Uber қолданушысы UberGIVING көлігін шақыртып, жүргізушіге өзгелермен бөліскісі келген киімдерін беріп жібере алады. Бұл күні Uber жинаған барлық киімдер Шұғыла қайырымдылық қорына беріледі, олар өз кезегінде киімдердің жаңа иесіне жеткізілуін қамтамасыз етеді. UberGIVING жобасына қатысу барлық Uber қолданушылары үшін тегін.

 

“Адамдарды қайырымды іс жасауға не ынталандырады? Әр адамның өз себебі бар. ­Өкінішке орай, көп жағдайда адам басқаларға көмек беру идеясынан бас тартып жатады, оған қайырымдылықты неден бастау, қайда хабарласу керектігін білмеуі себеп. Алдағы демалыс күндері жаңа технологиялар әр адамның мұқтаж жандарға шынайы көмек беру мүмкіндігін сыйлайды: тек Uber қосымшасы арқылы көлікке тапсырыс беріп, киімдерді жүргізуші арқылы беріп жіберу керек.  Мен қазақстандықтар үшін мұндай мүмкіндіктің әсіресе Жаңа жыл қарсаңында пайда болғанына өте қуаныштымын, ” – деді ТМД елдеріндегі Uber-дің бас менеджері Алексей Стах.

 

Нarvard University зерттеулеріне сәйкес, мұқтаж жандарға бағытталған науқандар өте маңызды әлеуметтік әсерге ие: шағын болса да өткізілетін осындай қайырымдылық жобалар адамдардың айналасындағыларына көмек көрсету ықтималдылығын арттырады.

 

Осы жылы Астана мен Алматы осындай науқанға Еуропаның 70 қаласы және 30 мемлекетімен бірге алғаш рет қатысатын болады, онда Uber қажетсіз киімдерді түрлі қайырымдылық ұйымдары үшін жинайтын болады.

 

UberGIVING науқанына қалай қатысуға болады:

●       Қайырымдылыққа бергіңіз келген киімдерді жинаңыз.

●       10 желтоқсан сенбі күні сағат 12.00-ден 20.00-ге дейін Uber қосымшасын ашыңыз (әлі қосымшаны қолданбасаңыз, жүктеп алыңыз).

●       UberGIVING опциясын таңдаңыз, қажетті мекенжайға көлік шақыртыңыз.

●       Бірнеше минут ішінде сізге көлік келеді. Буып-түйілген киімдерді далаға алып шығып, жүргізушіге беріп жіберіңіз.

 

UberGIVING қайырымдылық науқанының өту шарттары:

●       Науқан 10 желтоқсанда жергілікті уақытпен 12.00 мен 20.00 аралығында Астана және Алматы қалаларының әкімшілік аумағында өткізіледі.

●       Науқан шеңберінде тек киім жиналады (UberGIVING опциясы арқылы жол жүруге болмайды).

●       UberGIVING арқылы тапсырыс бермес бұрын, киімдерді бөлек пакет немесе сөмкеге орап қою қажет, олар таза, киюге жарамды болуы тиіс. Бұл киімдер оларды әрі қарай тоздыратын жандарға беріледі.

●       UberGIVING науқаны аясында тек киімдер таратуға болады.

●       Жүргізушілер киімдерді тапсырыста көрсетілген мекенжайдан алып кетеді. Олардың көліктерін тастап кете алмауы себебінен, Uber буып-түйілген киімдерді көлікке апарып берулеріңізді өтінеді.

●       Астана мен Алматы тұрғындары үшін науқанға қатысу тегін.

#UberGIVINGAlmaty #UberGIVINGAstana  #UberGIVING

 
0
0
475

Тәуелсіздік. Жастар. Қазақстан.

Бүгін Шымкентте «Ұлы дала елі – тәуелсіздіктің 25 негізі» акциясы аясында PechaKucha үлгісінде – яғни құрылысы және ұзақтығы бойынша арнайы шектелген қысқаша баяндамаларды ұсыну әдістемесімен жастардың сөз сөйлеулері мен бейресми пікірталастары өтеді. Сөз сөйлеулер тақырыбы «Тәуелсіздік. Жастар. Қазақстан» деп анықталды.

Сонымен қатар облыс орталығында жергілікті тауар өндірушілері өз өнімдерін ұсынатын «Қазақстанда жасалған» өндірістік тауарлар көрмесі ашылады. Жүзден аса кәсіпорындар мен ұйымдар көрмеге қатысатыны туралы мәлімдеді. Олардың ішінде өз тауарларының сапасы мен сұранысы мойындалған және беделге ие болғандар да, сондай-ақ жаңа кәсіпорындар да бар.

Шаралар Республика Тәуелсіздігінің 25 жылдығына арналған.

 
0
0
321