Жаңа

Ниет қылсақ, Андағайлап Анадолы асып алысқа шаппасақ та, арыдағы Алакөл мен берідегі Ыстықкөлге бір барып қайтуға болады. Бірақ, жамалмаған жыртықтар тұрғанда төрт дүниесі түгел адам құсап, төрткүл дүниені түгендеп жүрсек, өзге түгілі өзім деген жанашырларым-ақ «осынікі не талтаң» дер еді. Ең тыныш туған жер. Бір шетінен балалық шағың өткен қасиетті топыраққа деген сағынышыңды басып, айызыңды қандырып, балаларыңа атамекенін тағы бір мәрте көрсетіп қайтасың. Содан не керек, тартып отырдық. Алғашында балакүнімізден бірге өсіп келе жатқан достарымызбен балалы-шағалы болып бардық. Келесіде кейін табысқан қалалық достармен салт барып, салт қайттық. 1-сапар.

Ақпарат көзі

Бір қызығы бұлардың ешқайсысы да филолог мамандар емес,-деп хабарлайды Күлімхан-Қизат. Ғылыми емес конференция күтпеген жерден басталды. Жырық Жұманның үйіне «черный кассаға» жиналған достар ет жеп болғаннан кейін, шай дастарханы дайын болғанға дейін әңгіме қылайық деп, әрқайсысы бір-бір жастық жастанып, теледидар тамға жантая кеткен. Дәл осы сәтте күнделікті жаңалықтар тізбегінің де уақыты болған екен. Жаңалық жаршысы күннің басты оқиғаларының бірі, "латын әліпбиінің нұсқасы таныстырылғанын" кеңінен толғап берді. Сол сол-ақ екен, жиылған қонақтар бірден осы тақырыпты талқылап ала жөнелді. "Латын қарпіне ауысқанымыз дұрыс па, әлде осы орыс әрібінде қала бергеніміз жөн бе?" деген сұрақ төңірегінде өз ойларын ортаға салды. - Ақыр оқып, жазып жатқанымыз чамалы, бізге бұның қатысы аздау,-деп,…

Мен де сол бірдеңеден үмітті адам ретінде ұсынылған нұсқаның жақсы жағын іздеп көрдім. Ақыры таптым. Біздің ауылда зәйбис деген бір сөз бар. Жақсы, өте жақсы, супер, керемет нәрселерді зәйбис екен дейміз. Ешалай машина алып келсе, ары-бері қарап тұрып, бағамыз бен ризашылығымызды бір ғана сөзбен жеткіземіз. Зәйбис екен дей саламыз. Чинанай-Ардаққа қалың қалай десең де «зәйбис» деп, қысқа қайыра салады. Енді мына ұсынылған нұсқаны таңдасақ, сауатсыздығымыз жойылады екен. Зәйбісіңізді қалай бар, солай жазып, солай оқиды екенбіз. Ә іріпін ае еріптерінің бірігуімен жазамыз. Зәйбис – Заебис. О, достар бұйыртса заебис болайын деп тұр ғой.

Ақпарат көзі

Мына бала-шаға сұрайды, Беке дейді, осы арқаға барып тоқтаған Нұр ағамыздың кемесінің қиссасы қайдан шықты дейді. Әлқисса, бұның баяны сонааау 1991 жылдан басталады. Ел егемендігін алып, етегін жапқаннан кейін Нұрағамыз Алатаудың өрінде, Алматының төрінде отырып, астананы көшірсем қалай болар екен деп ойлаған екен дейді. Алматыда жаман емес, былай қарасаң өзінің туған жері, өскен елі. Бірақ, оның терең мәні бар екен. Бірақ, оны сол сәтте ешкімге ашып айтпаса керек. Ел экономикасы еңсесін әлі тіктей қоймаған уақыт, жанындағылар бұ қалай болар екен деп ойлаған көрінеді. Содан не керек, алты жыл бойы кеме жасапты. Бір мың да тоғыз жүз тоқсан жетінші жылы болса керек, әр саланың бір-бір минситрлігін алып, үкіметін үкілеп, кемені қозғалтса керек. Барар бағыт арқа екен. Тараздың төрінен өтіп, Ш…

Алмагүлдің байы нағыз шөпкетышар. Күйеуінің арқасында жырғап отырған Нұргүл ақкөңіл адам. Мақтансүйгіштігі де жоқ емес. Оның сол қылығын Алмагүл жақсы меңгеріп алған. Күнде таңертеңгісін осы үйге келеді. Өздерінің сауып ішер сиыры жоқ болғасын, осы үйден сүт сұрайды. Сүт сұрауға бала жүгіртіп жіберсе де болады ғой. Жоқ, Алмагүл өйтпейді. Шәшкесін көтеріп өзі келеді. Және бір уақытта келеді. Өйтетін себебі сүт сұрай келіп, шәйға отырады. Нұргүл сиырын сауып болып, есіктің алдында бұрқылдап қайнап тұрған самауырды үйіне көтеріп кіргенде, артыша Алмагүл де сап ете қалады. Әңгіме мен өсекті қатар өрбітіп, сүт қатқан күрең шайдан жібереді-ай кеп. Дастарханда не жоқ дейсің. Өріктің, шиенің варениесі дейсіз бе, май, маңыз дейсіз бе, бәрі бар. «Бысчый сорт» ұнның нанына жақ та жей бер. Алмагүл сө…

sleepyti.me

Кейде кеш жатып, ерте тұрсақ, кейде ерте жатсақ та таңертең күнмен бірге күле алмаймыз. Енді sleepyti.me арқылы қазір ұйқыға кетсек, нешеде тұруымыз керек екенін, немесе 6:30-да тұратын болсақ, нешеде ұйқыға кетуіміз керек екенін біле аламыз. Сол көрсеткен уақыттан 14-15 меніт (минут) жату керекпіз уақытылы ұйқыға кету үшін.

Мен қазақ, қазақпын деп мақтанамын,

Ұранға «алаш» деген атты аламын.

Сүйгенім – қазақ өмірі, өзім – қазақ,

Мен неге қазақтықтан сақтанамын?!

Ерікті ен даланың құсынша ұшып,

Ер жеттім кеңшілікті сүтін ішіп.

... Алтай, Ертіс Сырдария, Есіл, Жайық,

Арасын қоныс қылдым ірге жайып.

Елім, жерім, қорғайтын ерім болып,

Ер жеттім ен далада лықа байып.

Ер Түрік ұрпағымын даңқы кеткен,

Бір кезде Еуропаңды тітіреткен.

Кіргені есік, шыққаны тесік болып,

Күнбатыс, Күншығысқа әмірі жеткен.

Мен қазақ, қазақпын деп мақтанамын,

Ұранға «алаш» деген атты аламын.

Сүйгенім – қазақ өмірі, өзім – қазақ,

Мен неге қазақтықтан сақтанамын!

Сұлтанмахмұт Торайғыров

Ұйықтапты бір арыстан айдалада, Тыныштықтық алу үшін сай-панада. Үстіне арыстанның ойнақтапты, Бір тышқан іннен шығып сол арада. Тышқан жүр сейіл құрып, ойнақ салып, Бір уақыт жүгіріпті басқа барып, Арыстан өлтіруге айналыпты, Басын басқан тышқанды ұстап алып. Жалынды сонда тышқан: «Өлтірме!» – деп, – Ағатай, маған зиян келтірме! – деп, – Бір қайтар менен-дағы бір жақсылық, Азат қыл, байқамадым, өлтірме!» – деп. Арыстан күліп айтты: «Сорлы тышқан! Не жақсылық қайтады сен байғұстан? Дүниеде саған қалған күнім құрыстан! Күшің кем жұдырықтай шымшық құстан. Жатасың қорыққаныңнан қазып жерді, Күлдірдің болмасты айтып мендей ерді. Күлдіріп көңіл ашқан ақың үшін Азат қылдым», – деді де, қоя берді. Бір күні арыстаным торға түсті, Үзем деп, ақырып, тулап, салды күшті, Оралып, шырматыылды, шықпаста…

- Қызым, тұр! Шай ішейік!Сені күтіп отырмын. Осы бір ерекше жұмсақ, жанға жақын дауыс тәп-тәтті ұйқымды қиып, көзімді еріксіз ашуға итермеледі. Таң баяғыда - ақ атқан. Ашық тұрған терезеден таңғы самал желдің лебі сезіледі. Көк шалгын секілді жасыл перде салқын соққан лептің әсерінен ерекше толқын секілді қозғалуда. Бірде асқақ арманына, биік шың басына ұмтылған қыран құсы сияқты жоғарыға көтерілсе, енді бірде сағы сынған, қанатынан айырылған, осы бір шың басынан құлаған әлгі қыран секілді екпінін басып, мамыражай күйге тусуде. Қайтадан жоғары, қайтадан төмен, қайтадан… Алдамшы соққан таңғы салқын самал жел, кейін күннің қатты ыситынын жасыра алмай тұрғаны анық көрініп тұр. Төсегімнен еріксіз басымды көтердім. Ұйқым шала, қанбаған.” Осы бір жазғы каникулда да ұйқы бермеді ғой!”- деп күңкі…

1-Серия Құрметті жолаушылар! Нөмері 52 Астана – Алматы жүрдек пойызы 2-ші жолға келіп тоқатады. Сақ болыңыздар. - Келдік! Қобалжып тұрған жүздерімізден үйге асыққан студенттер екеніміз анық көрініп тұр. Қасыңдағы жолаушылар жаныңы жақын тартар жандар болса, 19 сағатқа созылған алыс сапар да түкке тұрғысыз мардымсыз нәрсеге айналады. Бірақ ол әңгіменің тарихы мүлдем басқа, сыры өзгелерінен бөлек. Қызғылт тартқан “гламурный” чемоданымды сүйреп, перронға түстім. Аяғым жерге тиісімен, жылулықты сезіндім. Астананың қатал, суық ауа-райынан әлдеқайда жылы. Бұл термометр бойындағы сандармен өлшенетін жылулықтан өзге, ерекше. Ол жақын туысыңның жылуы, көп көрмеген достарыңның жылуы. Ол 6 жыл бұрын кездесіп, қайта қосылған естеліктердің жылуы. Ол құшағына әркімді де сыйдырар, қонақжай, сенің жылуың…