Жаңа

Талдықорған қаласында Қазақстан Республикасы Ішкі істер министрлігінің ұйымдастыруымен жауынгерлік қарудан ату бойынша екі күндік республикалық чемпионат өтті.

Алакөл жағалауында полиция қызметкерлері бір сағатқа жетер-жетпес уақыт ішінде адасып кеткен сегіз жасар баланы тауып, анасына аман-есен табыстады.Демалыс кезінде бала анасына жағалауда қалып қойған аяқ киімін алып келетінін айтып, өздігінен кетіп қалған. Алайда арада біраз уақыт өтсе де қайтып оралмаған. Бағдарынан жаңылған ол басқа елдімекенге қарай кетіп қалған.

Ішкі істер министрлігі бағалы металдардың заңсыз айналымына қарсы іс-қимылды, оларды заңсыз өндіру фактілерінің жолын кесуге, сондай-ақ жер қойнауын пайдалану саласындағы қылмыстық схемаларды анықтауға бағытталған іс-шаралар кешенін тұрақты негізде жүзеге асырып келеді.Жүргізіліп жатқан жұмыстар аясында Шығыс Қазақстан облысының аумағында полиция қызметкерлері жауапкершілігі шектеулі серіктестіктердің бірінің заңды қызметін бүркемелей отырып, құрамында алтыны бар шикізатты заңсыз өндіру мен өңдеуді ұйымдастырған адамдар тобының заңсыз әрекетінің жолын кесті.

Алматыда оқу жылының қорытындысы бойынша негізгі мектепті (9-сыныпты) 30 380 оқушы сәтті аяқтады. Олар үшін бұл белес алғашқы күрделі жеңіс болды. Жылдар бойы ерекше ынта-жігер танытқан түлектер бөлек құрметке лайық: Алматының 2 168 мектеп оқушысы 9-сыныпты үздік бітіргені туралы аттестат алды.11-сынып түлектері үшін мектеп өмірінің соңғы аккорды соғылды. Биыл Алматыда орта мектепті 20 803 түлек бітірді. Қаланың білім беру жүйесінің мақтанышына айналған «Алтын белгі» иегерлерінің саны да көңіл қуантады - биыл барлық пәндер бойынша үздік білімдерін дәлелдеген 790 түлек мектептің ең жоғары марапатына ие болды.

Қоғамның тыныштығы мен қауіпсіздігі, мемлекеттің тұрақты дамуы ең алдымен заңның үстемдігіне байланысты. Заң мен тәртіпті сақтау – тек құқық қорғау органдарының ғана емес, әрбір азаматтың міндеті. Өйткені заңға құрметпен қараған қоғамда тұрақтылық, әділдік және өзара сенім қалыптасады.

Қазіргі таңда жастардың құқықтық мәдениетін қалыптастыру мәселесі қоғам үшін аса өзекті болып отыр. Себебі заңды білу, өз құқығы мен міндетін түсіну, құқық бұзушылықтың салдарын сезіну – азаматтық жауапкершіліктің негізгі көрсеткіштері. Сарапшылардың пікірінше, құқықтық сауатты ұрпақ қана әділетті қоғам құруға үлес қоса алады.

Мәжілісте Қазақстан мен Еуропадағы Қауіпсіздік және Ынтымақтастық Ұйымы өкілдерімен ынтымақтастық мәселелері талқыланды.Мәжілістегі Заңнама және сот-құқықтық реформа комитетінің төрағасы Снежанна Имашева мен депутат Магеррам Магеррамов Еуропадағы Қауіпсіздік және Ынтымақтастық Ұйымы Демократиялық институттар және адам құқықтары жөніндегі бюросының Сайлау департаменті директорының орынбасары Ульви Ахундлумен кездесті.

Алматы 2026 жылғы жазғы маусымның қарқынын нық сеніммен айқындап отыр. Жаздың алғашқы аптасы-ақ мыңдаған көрерменді жинаған бірнеше ірі мәдени іс-шарамен есте қалды.Маусымның алғашқы ірі оқиғаларының бірі халықаралық шаңғы трамплиндері кешені «Сұңқар» аумағында өткен Beu Fest Almaty фестивалі болды. Биыл фестиваль өзінің бес жылдық мерейтойын атап өтті. Сахнада Ninety One, Қайрат Нұртас, Shiza, Ulukmanapo, Мырбек Атабеков және басқа да танымал әншілер өнер көрсетті.Жазғы маусымның жаңа жобасы ретінде «Алатау» дәстүрлі өнер театры алаңында ашық аспан астында өткен ALMATY SUMMER FEST фестивалі ұйымдастырылды. Бұл бастама қала тұрғындары үшін музыкалық бағдарламалар мен интерактивті іс-шараларды біріктірді. Ашылу салтанатында көрермендер алдында Қайрат Нұртас, Луина, Айдана Меденова, ALFA то…

Астанада Мәжіліс Спикері, «AMANAT» партиясының Төрағасы Ерлан Қошановтың төрағалығымен партиясы Саяси кеңесінің отырысы өтті. Оның қорытындысы бойынша мемлекеттегі барлық прогрессивті қоғамдық-саяси күштерді Әділетті және Прогрессивті Қазақстанды құру жолында күш біріктіріп, жұмыла жұмыс істеуге шақырған мәлімдеме қабылданды. Отырысқа Саяси кеңес пен партия Бюросының мүшелері, Орталық аппараттың басшылығы, өңірлік филиалдардың төрағалары мен атқарушы хатшылары қатысты.

Қазақта «Көрші ақысы – Тәңір ақысы» деген нақыл сөз бар. Бұл халқымыздың ежелден көршімен қарым-қатынасқа ерекше мән бергенін көрсетеді. Қазақ қоғамында көрші тек жанында тұратын адам емес, қиындықта қолдау көрсететін, қуанышта бірге болатын жақын жандардың бірі саналған. Сондықтан көршімен тату болу, бір-біріне көмектесу және сыйластық сақтау ұлттық құндылықтардың ажырамас бөлігі.