Yvision.kzYvision.kz
kk
Екпiн
Екпiн
Екпiн
431 постов3 подписчика
Дарынды жастар мен замандастарымыздың өмірлік тәжірибесі, мақсаттары, ойы, ұстанған қағидалары жайында сөз етеді. Фоторепортаж, шолу, тарихи маңыздылығы бар материалдармен бөліседі.
7
00:29, 13 января 2013

Жексенбілік аспаздық: үй торты

Blog post image

Менің ең сүйікті тортым «Наполеон». Алайда ол тортты осы уақытқа дейін жасап көрген емеспін, жасалу жолы қиын болғандықтан батылым жетер емес. Содан бір күні «Наполеонға» ұқсайтын, бірақ жасалу жолы оңай торт жасаудың әдісін ойлап, асханаға келдім. Сөйтіп торт жасауға арналған заттарды алып, торттың қамырын дайындадым.

— Май — 100 гр.
— Қант — 1 стақан
— Бал — 2 ас қасық
— Жұмыртқа — 2 дана
— Ұн — 400 гр.
— Сода

Blog post image

Алдымен баяу жанып тұрған отқа ыдыс қойып ішіне май, қант, бал, екі жұмыртқаны салып араластырамыз.

Blog post image

Әбден араластырып болғаннан кейін үстіне 200 гр. ұн саламыз.

Blog post image

Ұн мен қоймалжын қоспаны толықтай араластырамыз.

Blog post image

Үстінен қалған 200 гр. ұнды салып, қамыр илейміз.

Blog post image
Blog post image

Дайын қамырды бөліктерге бөлеміз.

Blog post image
Blog post image
Blog post image
Blog post image

Қамырды жайып, майланған табаға салып, піскен кезде қамыр үрленіп кетпес үшін қамырға тесіктер жасаймыз. Сөйтіп алдын ала қыздырып қойған духовкаға қамырды саламыз да, күйіп кетпес үшін қарап тұрамыз (бір қамыр небәрі 3-4 минут піседі).

Blog post image

Торттың кремі үшін:
— Қоюлатылған сүт — 1 банка
— Сары май — 200 гр.

Blog post image
Blog post image

Қоюлатылған сүт пен майды қосып, үлпілдеген крем шыққанша миксермен араластырамыз.

Blog post image
Blog post image

Кремді барлық нандарға жағып, дайын тортты 5-6 сағатқа тоңазытқышқа салып қоямыз.

Blog post image

Тоңазытқыштан алып, торттың үстіне кез-келген өзіңізге ұнайтындай етіп безендірсеңіз болады. Мен торттың үстіне шоколадты ерітіп, оның үстіне грек жаңғағының үгітіндісін септім.

Blog post image
Blog post image

Асыңыз дәмді болсын!

Торт пісірген: Айнұр Ракишева

Blog post image

Денсаулыққа пайдалы салаттар
Тұмауға қарсы шырын
Сүзбе қосылған қатпарлы бәліш
«Құмырсқа илеуі» торты
Қызыл шие бәліші
Sushi step by step
Банан балмұздағы
Шоколад құймақтары
Банан мен шоколад коктейлі
Бесбармақ
Мерекелік салат

7