Жексенбілік дастархан: Сүзбе қосылған қатпарлы бәліш

Алия November 9, 2012
8582
9
35
0

Аспаздық айдарынның бүгінгі санында сіздермен қатпарлы бәліш немесе ватрушка жасаудың әдіс-тәсілімен бөліскіміз келеді. Қатпарлы ватрушка кәдімгі ватрушкаға қарағанда жеңіл тағам. Сонымен қатар, оны..

Аспаздық айдарынның бүгінгі санында сіздермен қатпарлы бәліш немесе ватрушка жасаудың әдіс-тәсілімен бөліскіміз келеді. Қатпарлы ватрушка кәдімгі ватрушкаға қарағанда жеңіл тағам. Сонымен қатар, оны дайындау әдісі оңай әрі тез.

Бізге қажетті заттар:

  1. Сүзбе
  2. Қант
  3. Ванилин ұнтағы
  4. Қатпарлы қамыр:
  • 200 г. - маргарин.
  • 2 стақан - ұн
  • 1/2 стақан - су
  • 1 шәй қасық - қант
  • 1/4 шәй қасық - тұз

Қатпарлы қамырды жасау үшін: бірінші, ұнға маргаринді бөлшектеп саламыз. Екінші, суық суға қант пен тұзды салып, толық ерігенше араластырамыз. Үшінші, дайын болған суық суды май салынған ұнға құйып, тез илеп қоямыз.

Иленген қамырдың үстін майлықпен жауып, тоңазытқышқа 2-3 сағатқа (1 түнге қойып қойса да болады) қойып қоямыз. Артынша қамырды тоңазытқыштан алып жаямыз. Жайылған қамырдан қатпарлы қамыр шығуы үшін бірнеше қатпар қылып, бүктей отырып, қайта илейміз.

Дайын қатпарлы қамырды бірнеше бөлікке бөліп, домалақтап, майланған қаңылтыр табаға саламыз.

Домалақ қамырдың барлығын сүзбе салғанға ыңғайлаймыз.

Сүзбені қамырға салмас бұрын қантпен араластырып аламыз.

Дайын сүзбені әрбір бәлішке салып шығамыз.

Бәліштерімізге әдемі рең беру үшін үстінен жұмыртқаның сарысын жағамыз.

Артынан 280 градусқа дейін қызған пешке салып, қызарғанша пісіреміз.

Піскен бәліштердің үстінен ванилин ұнтағын себеміз. Сүзбе қосылған тәтті қатпарлы бәліш дайын.

Астарыңыз дәмді болсын!

Асханада болған Айнұр Ракишева

Оцените пост

34

Комментарии

1
қарап отырып қарным ашып кетті
1
Сәлем Айнұр, осы тәтті бәлішті өзіңіз дайындадыңыз ба?
0
Сәлем! Әрине өзім :)
1
Mekteptin as beretin jerinde, kezinde kop jegenbiz, ote damdi, raxmet!
Показать комментарии