Мазмұнға өту

Жаңа

10 мыңнан астам еліміздің азаматтары әлеуметтік және еңбек мәселелері бойынша мәлімет алды

ҚР ДСӘДМ жергілікті атқарушы органдармен бірлесе ұйымдастырған ақпараттық-түсіндіру жұмыстары аясында еліміздің 10261 азаматтары әлеуметтік қорғау және жұмыспен қамту саласындағы заңнамалардың негізгі өзгерістері туралы кеңестер алды.

ҚР ДСӘДМ Еңбек, әлеуметтік қорғау және көші-қон комитетінің аумақтық департаменттерінің, өңірлердегі жұмыспен қамту және әлеуметтік бағдарламалар басқармалары мен жұмыспен қамту орталықтарының қызметкерлері ағымдағы жылғы наурыз айынан бастап елді мекендердің 2659 тұрғындарымен және 987 кәсіпорындар мен ұйымдардың  қызметкерлерімен  кездесулер өткізді.

10261 ақпараттық-түсіндіру жұмыстарымен қамтылған азаматтардың ішінде  6850-і жұмыспен қамту және «Өрлеу» жобасының жүзеге асырылуы туралы, 811-і зейнетақымен қамсыздандыру туралы, 666-сі мүгедектерді әлеуметтік қорғау және 912-сі басқа да әлеуметтік-еңбек саласы бойынша кеңестер алды.

26-27 мамырда ҚР Денсаулық сақтау және әлеуметтік даму министрлігінде ҚР ДСӘДМ аймақтық комитеттерінің, өңірлердегі жұмыспен қамтуды үйлестіру және әлеуметтік бағдарламалар басқармаларының және ведомствоға бағынысты ұйымдардың өкілдері үшін денсаулық сақтау және әлеуметтік-еңбек салаларындағы мемлекеттік саясаттың негізгі бағыттары бойынша оқыту семинарлары өткенін естеріңізге сала кетейік.

Семинар қатысушыларына халық арасында әлеуметтік көмек, әлеуметтік қамсыздандыру, жұмыспен қамту және денсаулық сақтау салаларындағы заңнамалардағы негізгі өзгерістер туралы ақпараттық-түсіндіру жұмыстарын өткізу бойынша ұсынымдар берілді.

 
0
0
457

«Адал жол – Честный путь» марафоны аясында диалог алаңы өтті

А.ж. 7 шілдеде «Нұр Отан» партиясының Ерейментау аудандық филиалында  ҚР Мемлекеттік қызмет істері министрлігі Ақмола облысы бойынша департаментінің бастамашылық етуімен «Адал жол – Честный путь» марафоны аясында  «Адал болу -  заман талабы» тақырыбындағы диалог алаңы өтті.

Іс-шараға жас мамандар мен мемлекеттік қызметтің ардагерлері қатысты.

Әңгіме барысында  сыбайлас  жемқорлыққа қарсы мәдениетті, сыбайлас жемқорлыққа «мүлдем төзбеушілік» қағидатын қалыптастыруға және мемлекеттік қызмет имиджін арттыруға аса назар аударылды.

0
0
373

«Адал жол – Честный путь» сыбайлас жемқорлыққа қарсы марафоны Ерейментау ауданында

А.ж. 4 шілдеде Елбасының бес институттық реформасын жүзеге асыру жөніндегі 100 нақты қадамды» орындау – сыбайлас жемқорлыққа қарсы күресті күшейту бағыты бойынша Степногорск қаласының өкілдері «Адал жол – Честный путь»  сыбайлас жемқорлыққа қарсы марафонының эстафетасын  Ерейментау ауданына салтанатты түрде табыс етті.

Эстафетаны  салтанатты түрде қабылдағаннан кейін аудан әкімі аппаратының мәжіліс залында  аудан әкімі Е. Нұғмановтың төрағалық етуімен келесі күн тәртібі бойынша кеңес өткізілді:

  1. Облыстық  «Адал жол – Честный путь»  сыбайлас жемқорлыққа қарсы марафонының  Ерейментау ауданында жүзеге асырылуы туралы.

Кеңесті қорытындылай келе, аудан әкімі Е. Нұғманов қала әкіміне және аудандық қызметтердің басшыларына тапсырмалар берді.

Сонымен қатар, 5 шілде күні «Адал жол – Честный путь»    марафоны аясында аудандық мәслихат депутаттарының, дербес бөлімдердің, жеке кәсіпкерлердің қатысуымен баскетболдан   жастар арасындағы турнир өтті.

Турнирдің жеңімпаздары грамоталармен және бағалы сыйлықтармен марапатталды.

 

0
0
467

Қазақстанның үш облысының ауылдық аудандарының және Алматы қаласының тұрғындары «Денсаулық жолы – 2016» акциясы шеңберінде тегін медициналық көмек алуда

Маңғыстау, Батыс Қазақстан және Шығыс Қазақстан облыстарының ауылдық аудандарының және Алматы қаласының тұрғындары өңірлердің денсаулық сақтау басқармалары мен ҚР ДСӘДМ Салауатты өмір салтын қалыптастыру проблемалары ұлттық орталығының ұйымдастыруымен «Денсаулық жолы – 2016» кең көлемді акциясы шеңберінде тегін медициналық көмек алуда.

Батыс Қазақстан облысының Федоровка және Еңбек ауылдарының тұрғындары үшін ағымдағы жылдың 4 шілдесінен бастап құрамында терапевт, педиатр, хирург, акушер-гинеколог, онколог-маммолог, стоматолог, ультрадыбыстық зерттеудің және клиникалық зертхананың мамандары бар дәрігерлер бригадаларының шығуы ұйымдастырылуда. Өңірде акция 20 шілдеге дейін жалғасады. Сондай-ақ, Чапаев, Еңбек, Жалпактал және Бөрлі ауылдарына 20 маусымнан 20 шілдеге дейін флюорографикалық қондырғылардың шығуы ұйымдастырылады.

Шілденің 7-нен 27-не дейін акция шеңберінде Алматы қаласының медицина ұйымдарының мамандарымен «Барлык», «Болашак», «Казына», «Кенжехан», «Сәлем», «Рахат» және «Ялянь» әмбебап базарларында  қала тұрғындары үшін консультациялар және лабораториялық-диагностикалық зерттеулер өткізіледі.

Маңғыстау облысында 11 шілдеден бастап жылжымалы медициналық кешеңдер Маңғыстау ауданының шалғайдағы ауылдық округтеріне барады,  олардың тұрғындары 17 шілдеге дейін тегін скринингтік тексерулерден өтіп, сондай-ақ әлеуметтік аурулар бойынша медициналық көмек алады. Мобильдік топтардың шығуы окулист, офтальмолог, терапевт, пульмонолог, педиатр және кардиологтың қатысуымен ұйымдастырылады.

Одан басқа, 11 шілдеде мамандардың Шығыс Қазақстан облысының Көкпекті ауылына баруы да жоспарлануда.

Ағымдағы жылғы 1 шілде мен 31 тамыз аралығында республика бойынша  «Денсаулық жолы – 2016» кең көлемді акциясы өтетіндігін естеріңізге сала кетейік. Оның мақсаты - салауатты өмір салтын  қалыптастыру және көптеген аурулардың алдын алу мәселелері бойынша ауыл тұрғындарына ақпараттық білім беру және практикалық көмек көрсету.

 
0
0
357

Жители сельских районов трех областей Казахстана и г. Алматы получают бесплатную медпомощь в рамках акции «Денсаулық жолы – 2016»

Жители сельских районов Мангистауской, Западно-Казахстанской, Восточно-Казахстанской областей, а также г. Алматы получают бесплатную медицинскую помощь в рамках широкомасштабной акции «Денсаулық жолы – 2016», организованной управлениями здравоохранения регионов совместно Национальным центром формирования здорового образа жизни МЗСР РК.

Для жителей поселков Федоровка и Енбек Западно-Казахстанской области с 4 июля т. г. организован  выезд бригады врачей, в составе которой терапевт, педиатр, хирург, акушер-гинеколог, онколог-маммолог, стоматолог, специалисты ультразвукового исследования и клинической лаборатории. Акция в регионе продлится до 20 июля. Также с 20 июня по 20 июля организованы выезды флюорографических установок в поселки Чапаево, Енбек, Жалпактал и Бөрлі.

С 7 по 27 июля в рамках акции специалистами медицинских организаций г. Алматы будут проведены консультации и лабораторно-диагностические обследования горожан на универсальных рынках: «Барлык», «Болашак», «Казына», «Кенжехан», «Сәлем», «Рахат» и «Ялянь».

В Мангистауской области с 11 июля передвижные медицинские комплексы выедут в отдаленные сельские округа Мангыстауского района, жители которых до 17 июля смогут бесплатно пройти скрининговые осмотры, а также получить медицинскую помощь по социально-значимым заболеваниям. Выезд мобильных групп будет организован с участием окулиста, офтальмолога, терапевта, пульмонолога, педиатра и кардиолога.

Кроме того, 11 июля также планируется выезд специалистов в поселок Кокпекты Восточно-Казахстанской области.

Напомним, с 1 июля по 31 августа текущего года по всей республике проходит широкомасштабная акция «Денсаулық жолы – 2016», целью которой является оказание информационно-образовательной и практической помощи сельскому населению в вопросах формирования здорового образа жизни и профилактики различных заболеваний.

 
0
0
302

Атырау облысында браконьерлерден 842 кг балық алынды

ПРЕСС-РЕЛИЗ

lovlia-foreli

07.07.2016 ж.                                               Астана қ.

2016 жылдың 6 шілдесінде Атырау облысындағы Көктоғай елді мекенінің жанында аумақтық орман шаруашылығы және жануарлар дүниесі инспекциясы мен облыстық табиғатты қорғау прокуратурасының қызметкерлері бірлескен түрде Батыс Қазақстан облысының «Газель» маркалы автокөлігіндегі екі тұрғынын ұстады.
Транспорт құралын тексеру барысында ілеспе құжаттарынсыз жалпы салмағы 842 кг балық анықталды және алынды.
Аталған факт бойынша материалдар Атырау облыстық табиғатты қорғау прокуратурасына жолданды.

ҚР АШМ баспасөз қызметі
+7 (7172) 555-765
[email protected]
www.minagri.gov.kz

0
0
776

Тағы да сыбайлас жемқорлыққа қарсы мәдениеттті тәрбиелеу негіздері туралы...

Ағымдағы жылдың 5 шілдесінде ҚР Мемлекеттік қызмет істері министрлігі Ақмола облысы бойынша департаментінің (бұдан әрі - Департамент) қызметкері сыбайлас жемқорлық мәдениетін қалыптастыру  жөніндегі оқыту курстары бағдарламасының шеңберінде «ҚР АШМ Орман шаруашылығы және жануарлар дүниесі комитеті Ақмола облыстық орман шаруашылығы және жануарлар дүниесі аумақтық инспекциясы» РММ аудандық инспекторларға арнап ұйымдастырған жұмыс кеңесіне қатысты.

Іс-шараның негізгі мақсаты – Сыбайлас жемқорлыққа қарсы стратегияның негізгі бағыттары бойынша түсініктеме жұмысын жүргізу, сыбайлас жемқорлыққа қарсы мәдениет деңгейін, барлық құқық бұзушылық түрлеріне «мүлдем төзбеушілік» қағидатын қалыптастыру.

Департаменттің сыбайлас жемқорлықтың алдын алу басқармасының қызметкері М.Ахметқалиев өз баяндамасында қазіргі уақыттағы сыбайлас жемқорлыққа қарсы заңнаманың сыбайлас жемқорлық құқық бұзушылықтың алғы шарттарын, оны тудыратын себептер мен жағдайларды түбегейлі жоюға, оның деңгейін барынша азайтуға, қоғамда тәртіпсіздікке және ұсақ құқық бұзушылықтарға «мүлдем төзбеушілікті» қалыптастыруға бағытталған мәселелерін ашты, іс-шараға қатысушыларды «Адал жол – Честный путь» облыстық марафонына қатысуға шақырды.

Кездесуді қорытындылай келе, іс-шараға қатысушылар  қоғамда тәртіпсіздікке және ұсақ құқық бұзушылықтарға «мүлдем төзбеушілікті» қалыптастыру қағидаты азаматтардың отансүйгіштік сана-сезімін қалыптастыру ісіндегі ең негізгі факторлардың бірі болып табылады деген бірыңғай пікірге келді, ал, жануарлар дүниесі мен аңшылық шаруашылығы бөлімінің басшысы А.  Лисовский аңшылық билеттерін беру  функцияларын «бір терезе» қағидаты бойынша ХҚКО беру мәселесін қарастырудың қажеттілігі туралы ұсыныс берді.

Іс- шараға 23 шақты адам қатысты.

0
0
459

Биыл Ақмола облысында «ЖҚЖК 2020» бағдарламасы шеңберінде 33 әлеуметтік нысан жөнделеді

2016 жылы Ақмола облысында «Жұмыспен қамтудың 2020 жол картасы» (бұдан әрі - «ЖҚЖК 2020») бағдарламасының жұмыспен қамтуды инфрақұрылымды және тұрмыстық-коммуналдық шаруашылықты дамыту арқылы қарастыратын бірінші бағытын іске асыруға республикалық бюджеттен 1,9 млрд. теңге бөлінді. Осы қаражат есебінен 33 инфрақұрылымдық нысанды жөндеу жоспарлануда, оның 27-де күрделі жөндеу, 6-да ағымдағы жөндеу жұмыстары жүргізіледі.

Жөнделетін ғимараттардың 13-і – білім беру, 11 – денсаулық сақтау, 5 – әлеуметтік қорғау, 4 - мәдениет нысаны.

Инфрақұрылымдық жобалардың іске асырылуы 766 жұмыс орнын құруға мүмкіндік береді, оның ішінде 387 адам жұмыспен қамту орталықтары арқылы орналастырылады.

Бүгінгі күні 14 жобаның іске асырылуы басталды, оның шеңберінде 228 адам жұмысқа тұрды, олардың ішіндегі 153 адам - «ЖҚЖК 2020» бағдарламасына қатысушылар.

2015 жылы «ЖҚЖК 2020» бағдарламасының бірінші бағытын іске асыруға 13,7 млрд. теңге бөлінгенін, жалпы республика бойынша 588 инфрақұрылымдық жобалар жүзеге асырылып, 8,6 мың адам жұмысқа орналастырылғанын естеріңізге саламыз. 2016 жылы «ЖҚЖК 2020» бағдарламасының бірінші бағытын іске асыруға 80,1 млрд. теңге бөлінді. Бұл қаражат жобалардың саны ескеріле отырып, жергілікті атқарушы органдардың тапсырыстары негізінде өңірлер арасында бөлінеді.

 
0
0
289

Еуропа қазақ қыпшақтары тарихынан

Еуропаның қақ ортасында  орналасқан Мажарстанда (орысша "Венгрия") Құдайдың құтты жылында өтетін Құрылтайға  әлемнің төрт тарабынан құтты қонақтар шақырылады. Сонғы жылдары ғана қазақтын тойына ұқсап, ойын-сауық пен «ішіп-жеу», құрсақ мейрамына айналып кеткендей, ал бұрын Құрылтай шеңберінде Тарихи конференциялар да өтетін. Оған төрткүл түрік әлемінен атышулы зиялылар келетін. Қайсыбір жылы осындай конференцияға Жапониядан атақты профессор Хидео Мацумото, Индиядан доктор Саши, Италиядан белгілі ғұндардың тарихын зерттеуші профессор Гугиельмино Розальбо, Моңғолиядан доктор Ерденебатор, Қазақстаннан професор Ерден Қажыбек, академик Болат Көмеков, т.т. шақырылған-ды. Менің ойымша бұндай шақыру географиясы кездейсоқ емес. Жиырмасыншы ғасырдың басында мажар ғылымы мен саясаттануында «Тұран теориясы» қалыптасып еді.

Аталған теория бойынша қасиетті Тұран алқабына Орал мен Алтай, Орталық Азия мен Моңғолия ғана емес, Жапония, тіпті, Индия мен Тибет те кіреді екен. Сондықтан болар,  мажар шығыстануының ең жарық жұлдызы Шандор Корочи Чома өмірінің соңғы кезеңін Тибеттегі Зангла ғибадатханасында өткізіп, сөздік жазып, тибеттіктердің мажарлармен байланысын зерттеген екен.

Аталған конференцияда «Мандоки феномены» атты менің танымдық сөзімнен кейін мұхиттың арғы жағынан келген американдық мадиар, профессор Ковач Имре Барна келіп, баяндамамды сұрап алды. Ол Америкада Тұран мен ғұндарға байланысты,  олардың тағам мен киімдерінен бастап әдет-ғұрпы мен тарихын қамтитын жорнал шығарады екен. «Ғұндардың ұрпақтарына қатысты кез- келген деректер мен үшін құнды, маңызды» деді ол. Жалпы «Ғұн», «Тұран» деген ұғымдарды мажарлар (өздері "мадиармыз" дейді) қайтсе де бізден өзгеше, белгілі бір пафоспен түсінеді. Олар үшін бұлар киелі ұғымдар. Құрылтайға шақырылған қазақ мадиары Міржақып Дулаттың немересі Гүлнәр ханымды ертіп жүрген Алманияда тұратын мажар корольдарының тұқымы Янош төре «ғұн» деген елесіммен сақалардан (орысша "якут") бастап қазақтар мен башқұрттарды, солтүстік қапқаздылықтарды да атайды екен. «Біз бәріміз - ғұн, ата -бабамыз бір» дейді ол.

Қазақ мадиары Міржақып Дулат.

ХХ ғасырдың басында Мұстафа Кемал Ататүрік жаңа Түрік мемлекетін құра бастағанда, мадиарлар бейтарап отырмады. Атақты лингвист Кунаш Игнац, ұлы композитор Барток Беладан басқа көптеген зиялылар осман Түрік Жұмұһуриятының әлеуметтік және мәдениет салаларының қалыптасуына  көп еңбек етті. Мысалы,  мадиар Лайош Фекете жаңа түрік дипломатиясының атасы болды, мұсылман мадиар Ибрагим Мюттеферрик латиницадағы алғашқы түрік кітабын шығарды, Имре Карачон түрік мұрағаттануының (архивистикасының) негізін қалады, Оскар Ашбот түрік авиациясын құрды, Ференц Тот түрік әскери артиллериясын қалыптастырды. Тіпті, Стамбулдағы алғашқы өрт сөндіру мекемесін ұйымдастырған мажар Эжен Сеченьи болды. Егер жиырмасыншы жылдары біз де азаттық алып, Мұстафа Шоқай, Ахмет Байтұрсын, Әлихан Бөкейхандар дербес Алаш мемлекетін құрғанда, «осындай көмекті мадиар бауырлар алыста болсақ бізден де аямас еді-ау» деп болжауға болады. Өйткені, мадиарлардың Орталық Азияға деген көңілі Түркияға деген ниеттен де басым. ХХ ғасырдың басында Қазақстан мен Қырғызстанды көп шарлаған, дарынды қазақ-қырғыз жас ақын Тұрған Бекжанды өзінің Янтарь Сарайында көп жылдар бағып-қағып күткен граф Жадан Дьерд Алмаши: “Көптеген ғасырлар бойы мадиарлар Орта Азиядағы туыс халықты тауып, онымен кiндiк байланыстарын жалғастыруды армандайды” деп жазған.

Эксклюзивтік сурет. Дьерд Алмашидің балалары Янош пен Ласло, ортада - Бекжан Турғын. Оң жақтағы тұрған Ласло - XX ғасырдын 30-жылдары атышулы ұшқыш, жедел авто жүргізушы, әйгілі "Ағылшын пациенті" кітабы мен фильмнің бас кейіпкері. Тұрғыннын тағдыры маған беймәлім.

Тек мадиарлар ғана Шығысты аңсамай, қазақтар (қыпшақтар) да оқтын-оқтын Батысқа, «күн астына күңіреніп жортып» отырған. Солардың үлкен бір легі ХІІІ ғасырда Көтен хан бастап барған қыпшақтар болды. Бұл оқиғаға байланысты Қазақстанның Мажарстандағы бұрынғы елшісі Сағынбек Тұрсынов былай деген: „Біз мажар бауырларымызды Еуропаның дәл кіндігінде орын тепкен Ұлы Даланың ұлдары деп білеміз. Осы күнге дейін Венгрия мен Қазақстанның арасында ана мен баланың арасындағыдай үзілмес кіндік байланыс сақталған.  Меңзеп отырғаным, осыдан 250 жыл бұрын Дунай жағалауынан қоныс теуіп, Мажар мемлекетінің әрі қарай гүлденуіне әсер еткен аса ірі дала этносы қыпшақтар».

Қыпшақтарды бейнелейтін мажардың ортағасырлық миниатюрасы

„Қазақтың балама тарихының” авторы Қалибек Данияров «Венгр корольдігінде екі ғасыр бойы мемлекеттік тіл қыпшақ тілі болғанын» айтады  (кітабында көрсетілген А.А. Куниканың „О тюркских народах-печенегах и половцах по мадьярским источникам...” атты Ресей Императорлық Ғылым Академиясының қорының 1855 жылғы II және III бөлімдердегі 3, 5 томдарда сақталған еңбегіне сүйенсе керек).

"Қыпшақ" Ласло IV мажар патшасы.

Қыпшақтардың мажар жеріндегі тарихы - әлі жөнді зерттелмеген қызыққа толы дүние. Олардың шығу тегі шығыс түріктерімен, олардың ішінде қазақтармен тығыз байланыста екенінде күмән жоқ. Бүл жөніңдегі әдеби, жазба деректер аздық қылса, ру-тайпа, жер-су атаулары аталған байланысты айғақтап береді. Мажар кундарының (қыпшақтарының) құрамы өзі бір жатқан кішкентай түрік әлемі! Әйгілі шығыстанушы,  "мажар қазағы" аталған Іштуан Қоңыр Мандокидің «Кундардың Ұлаш (Алаш) тайпасы» атты еңбегінде берілген мажар қыпшақтарының тайпалары мыналар: Тоқсоба, Қоңырұлы, Жалаир, Ұлаш (Алаш), Шортан,  Керей, Төртуыл, ал рулары - Арғын, Маңғыт, Қанлы, Қатаған, Найман, Барлас, Қырғыз, Түркмен, Торыайғыр, Байсын т.б. Осыған қарағанда қазіргі қазақтың құрамына енген және басқа Дешті Қыпшақ  тайпаларының Батысқа деген жөңкілі он үшінші ғасырдағы Көтен ханмен басталып және онымен аяқталмаған сияқты...


Қазіргі Мажарстандағы қыпшақтардың рухани байлығы - олардың атам заманнан бері сақталып келе жатқан жер-су атаулары: Tazlar, Bodoglar, «-ла, -ле» жалғауларымен аяқталатын Kargala, Csengelе, Ugule, Korkole және Bezther, Kalas, Ketelegaska, Orgowan, Zomokzalassa; Нодькуншактағы (Ұлы Қыпшақ Елі) көне қалалар мен елдімекен аттары, оның ішінде Karcag, Kolbazszek. Осы атаулардың этимологиясын ХІХ ғасырға дейін, түркітану дамығанша, мажарлардың өздері де түсіндіре алмаған. Бұларды дәйекті түрде  көне қыпшақ атаулары екенін дәлелдеген  ең алғашқы ғалым ХХ ғасырдың бірінше ширегінде өмір сүрген Ласло Рашоньи болды.

Бірақ, Куншақ елінің жер-су атауларының, адам есімдерін зерттеуде ең елеулі еңбек атқарған сол Қоңыр Мандоки болды. Оның 1993 жылы жарық көрген әйгілі «Мажар тілінде куман тілінің белгілері» (шартты аударма) еңбегінде көптеген ескерілмеген және көзге ілінбеген атауларды атап, олардың шығу тегін бұлжытпай дәлелдеп берді. Басқа мажар зерттеушілерден Қоңырдың ерекшілігі – ол түрік тілдерін дерлік бәрін, оның ішінде қазақ тілін өте жетік білген. Және жергілікті кумандар да Қоңырды жерлесі ретінде ашық қабылдап, оның ізденістеріне барынша көмек берген. Осындай еңбектің арқасында Atkar, Bajandor, Csivag, Erbuga, Katoncsa, Koncser, Pecsenye, Nyogercse, Talla, Torta атаулары өздерінің толық шешімдерін тапты.  Мен қазақ және (орыс) тіл маманы болғандықтан, Мажарстанға  барғанда көп нәрсеге бірден назар аудардым. Кейбір атаулар көзге бірден оттай басылады. Мысалы, король жарлықтарында 1577 жылдан (Мандоки,1993, 133 б.) бастап ауызға алынатын Алач (Алаш) этнонимының, Құлан топонимының (соңғысы Қарсақ аймағында осы күнге дейін  жер межелерінің белгісі ретінде де пайдаланылады) мағыналары мен үшін айдан анық.  Нодькуншактың оңтүстігінде Тазлар деген үлкен елдімекен (село) бар. Бұл атау 1429 жылғы жарлық-грамотада кездеседі. Қазақстанда шежіре жүзінде кездесетін есімдерді тек қана аңызға балап мойындамай жүрген ғалымдарымыз бар. Ал бұл есімдер ортағасырлық еуропалык, дәлірек айтканда, Нодькуншак пен Кишкуншакка (Кіші Қыпшақ Елі) байланысты Мажар королінің жарлықтарында ХІІІ-ХІV ғасырлардан бастап аталады. Демек, әрбір қазаққа белгілі киелі Алаш есімі, жұртқа танымал Құлан (Құлан-Қыпшақ) және Таз атауларының Мажарстанда белгілі этнотопонимдерге айналуы аталған тарихи тұлғалардың 13 ғасырға дейін өмір сүргендерін дәлелдесе керек.

Tazlar, Bodoglar, Kaskantyi (мадьяр тілінде s - "ш" деген дыбысты білдіреді), Kistelek, т.б. жер-су атаулары...

Сонымен, Мажарстандағы Нодькуншақ және Кишкуншактағы жер-су атауларын түсіндіру және шығу тегін анықтаудағы ең конструктивтік жол, меніңше, олардың негізін, «арғы атасын» қазақ тілінде, қазақ этнотопономикасында іздеу қажет.

Мажарстандағы қыпшақтар жеті ғасыр бойы нені басынан кешпеді! Өрлік заманды да бастан кешірді, қуғын-сүргінді де көрді. Бірақ олар ешқашан кеудесінен басылып, бәз өмір кешпеді. Ғасырлар тоғысында жапон самурайлары іспеттес әскери кастаға айналып, ел тағдырын шешетін жағдайға жетті. Араларынан тек қару ұстап ел қорғайтын жаугерлер ғана емес, ел басқарған ұлы тұлғалар, үлкен жазушылар, әйгілі ғалымдар шықты. Олардың ішінде еуропалық түріктанудың "көкелері" Дъерфи Иштван, Немет Дьюланы, белгілі ертегі жазушы Иштван Чукашты ерекше атауға болады. Ұлт мақтанышы Шандор Петефи, жиырмасыншы ғасырдың бірінші жартысында Венгрияның «тәжсіз патшасы» аталған Миклош Хорти да Кіші Қыпшақ Елінің тумалары. Осындай жауынгер,  зиялы, аруақты әулеттің тұқымы ХХ ғасырдың ірі ғалымы, ата -жұртын аңсап өткен, қазаққа бауыр болып кеткен, тілегі қабыл болып мәңгілік бақилық орнын Кеңсайдан Баукең мен Шәмшінің жанынан тапқан Іштуан Қоңыр Мандоки болған.  Қоңырдың ата-жұртқа жолы оңай болған жоқ. Бұл бірақ басқа әңгіменің арқауы...

-3
2
5856

Көкшетауда Қазақстан Республикасының 2015-2025 жылдарға арналған сыбайлас жемқорлыққа қарсы стратегиясында белгіленген сыбайлас жемқорлыққа қарсы іс-қимылдың негізгі бағыттары, әдістері және шаралары жөнінде семинар өтті.

2016 ж. 5 шілдеде  Көкшетау қаласында,  Ақмола облысының жолаушылар көлігі және автомобиль жолдары басқармасының қызметкерлерімен «Қазақстан Республикасының 2015-2025 жылдарға арналған сыбайлас жемқорлыққа қарсы стратегиясында белгіленген сыбайлас жемқорлыққа қарсы іс-қимылдың негізгі бағыттары, әдістері және шаралары» тақырыбында семинар өтті. Семинарға Мемлекеттік қызмет істері министрлігі Ақмола облысы бойынша департаментінің (бұдан әрі - Департамент) бас маманы Қ. Х. Уажанов қатысты.

Семинар барысында сыбайлас жемқорлыққа қарсы қызметтің өкілі мемлекеттік мекеменің қызметкерлеріне  2015-2025 жылдарға арналған сыбайлас жемқорлыққа қарсы стратегиясы туралы, оның алдағы 10 жылға  есептелген басымды бағыттары мен негізгі  тәсілдері жөнінде баяндады, сонымен қатар, ол қатысушыларды Департаменттің сыбайлас жемқорлықтың алдын алу бойынша атқарып отырған жұмысымен, соның ішінде сыбайлас жемқорлыққа қарсы мониторинг, сыбайлас жемқорлық тәуекелдерінің ішкі жіәне сыртқы талдауларын  жүргізу тәртібімен таныстырды.

Кездесу соңында сыбайлас жемқорлыққа қарсы ведомствоның өкілі   сыбайлас жемқорлыққа қарсы заңды қолдануға қатысты қойылған сұрақтарға жан-жақты жауап берді.

0
0
409