Мазмұнға өту

Жаңа

ЕҚЫҰ Бағдарламалары офисімен арадағы жолға қойылған жұмыс тетігі жергілікті жерлерде ұйымның тиімділігін арттырады – Г.Әбдіқалықова

Қазақстан Республикасының Мемлекеттік хатшысы Гүлшара Әбдіқалықова Еуропадағы қауіпсіздік және ынтымақтастық ұйымының Астанадағы Бағдарламалар офисінің басшысы Дьердь Сабомен кездесті, деп хабарлады Ақорданың баспасөз қызметі.

Кездесу барысында тараптар Қазақстанның ЕҚЫҰ шеңберіндегі ынтымақтастығының жай-күйі мен перспективаларын талқылады. Мемлекеттік хатшы 2010 жылы Астанада өткен ЕҚЫҰ саммитінің қорытындысы бойынша қабылданған «Қауіпсіздік қоғамдастығы жолында» атты Астана декларациясын іске асыру Қазақстанның басты қызметінің бірі болып саналатынын атап өтті.

Г.Әбдіқалықова Астанадағы ЕҚЫҰ Бағдарламалары офисімен арадағы жолға қойылған жұмыс тетігі жергілікті жерлерде ұйымның тиімділігін арттырудың үлгісіне айналғанын айтты. Бұл ретте жобаларды әзірлеу, үкіметтік құрылымдармен бірлесіп жалпы жоспарлау және оны Сыртқы істер министрлігімен үйлестіру үдерісіне қанағаттанатынын білдірді. 2016 жылы Қазақстанның мүдделі мемлекеттік органдары ЕҚЫҰ-мен бірлескен 50 жобаны ойдағыдай жүзеге асыруда.

Мемлекеттік хатшы қазіргі заманғы қауіпсіздікке қатер төндіріп тұрған халықаралық, жергілікті және дінаралық қақтығыстардың алдын алу ісінде халықаралық құқықтың айқын үстемдігі арқылы қақтығыссыз әлем құруға шақыратын Қазақстан Президенті Нұрсұлтан Назарбаевтың «Әлем. XXI ғасыр» манифесінің айрықша өзектілігін атап өтті.

Сонымен бірге, Г.Әбдіқалықова мәртебелі мейманды Бес институционалдық реформаны іске асыру жөніндегі Ұлт жоспарының орындалу барысы және Қазақстан Республикасы Тәуелсіздігінің 25 жылдығын мерекелеу аясында өтетін іс-шаралар туралы хабардар етті. Ол тәуелсіздік жылдарында экономиканың нығайып, халықтың әл-ауқаты артқанын, Қазақстан қоғамы жалпыұлттық келісім мен қоғамдық тұрақтылықтың үлгісі ретінде қарастырылып отырғанын, ал еліміз жауапты әрі құрметті халықаралық серіктес ретінде танылғанын атап айтты.

ЕҚЫҰ-ның Астанадағы Бағдарламалар офисінің басшысы Қазақстан Республикасының Мемлекеттік хатшысына жылы шырайлы қабылдауы үшін алғыс айтып, ЕҚЫҰ-ның Қазақстанмен арадағы ынтымақтастығының алдағы уақытта да жемісті бола беретініне сенім білдірді.

Сондай-ақ, тараптар Астана ЭКСПО-2017 халықаралық көрмесіне ЕҚЫҰ-ның қатысу мәселесін талқылады.

Кездесу соңында Г.Әбдіқалықова Қазақстан мен ЕҚЫҰ арасындағы диалог пен өзара түсіністікті нығайту ісінде Д.Сабоға табыс тіледі.

Ақпарат көзі: strategy2050.kz

0
0
385

2016 жылы Шымкентте білім саласына бөлінген қаржының көлемі 8,7 млрд теңгеге өсті – әкімдік

Сапалы білім алу - еліміздегі әрбір азаматтың құқығы. Осыған орай ҚР Президенті білім саласына ерекше көңіл аударып, мектеп, балабақша және басқа да білім нысандарын көптеп салдыруда, деп хабарлады облыс әкімдігі.

Мәселен, 2015 жылы Шымкентте 84 қоғамдық балабақша, 208 жеке және 35 шағын орталық, 127 мектептер мен 327 балабақша ел игілігі үшін пайдалануға берілген.

Ағымдағы жылы бұл көрсеткіш мемлекеттің қолдауымен айтарлықтай өсті. «Ұлттық қор»,  облыстық және қалалық бюджеттерден «Балапан» бағдарламасы аясында 2 мектеп, 4 мемлекеттік және 39 жекеменшік балабақша салынды. Жалпы осы жылы білім беру саласын дамыту үшін 40,3 млрд теңге бөлініп, өткен жылмен салыстырғанда 8,7 млрд теңгеге артты.

Шымкент қаласы бойынша орташа балл 82,6 болып, ( 2015 жылы  - 81,8 б) «Алтын белгі» белгісіне үміткерлер  саны өткен жылғыдан артқан. Ұлттық бірыңғай тестілеуге қатысқандар саны 16 278 -ге дейін өсті.  Ал, осы жылы "Алтын белгі" иеленендер саны 94 болды.

Білім мекемелеріндегі  жөндеу жұмыстары күн тәртібіндегі маңызды мәселелердің бірі болып табылады. Осы орайда тұрғындар жаңа жұмыс орындары мен тұрақты жұмыс жасау бағытына ие болды.

2015 жылдың 8 айында жұмыспен қамту бойынша 11 523 азамат өтініш білдірсе, нақты 7899 азамат жұмыспен қамтылды. Яғни 68,5 пайызды құрап отыр. Ал, 2016 жылдың 8 айында жұмыспен қамту бойынша 16 557 азамат өтініш білдіріп, нақты 12 415 азамат жұмыспен қамтылды. Яғни 75 пайызды құрап отыр.

Өткен жылы «Жұмыспен қамту жол картасы-2020» бағдарламасы аясында Шымкентте 510 жаңа жұмыс орындары берілсе, қазірдің өзінде бұл көрсеткіш 1522-ге өсті. Оған еңбек қабілетіне белсенді және мүмкіндігі шектеулі азаматтар қатысты. Өткен жылы мүмкіндігі шектеулі 350 адам жұмыспен қамтылып, 424 өтініш жолданды.

Сонымен қатар, Шымкентте 2015 жылы 387 жұмыс орны ашылып, соңғы 7 айда шағын және орта бизнес жобаларын іске асыру белсенді жүргізілуде. Ал сол кезеңде бұл 448 жаңа жұмыс орындарын қамтамасыз етті.

Ақпарат көзі: strategy2050.kz

0
0
377

БҰҰ жол қауіпсіздігін қамтамасыз ету бойынша арнайы елшісі Қазақстанға сапармен келеді

БҰҰ жол қауіпсіздігін қамтамасыз ету бойынша арнайы елшісі Жан Тодт Қазақстанға сапармен келеді, деп хабарлады Инвестициялар және даму министрлігінің баспасөз қызметі.

2016 жылғы 14 - 17 қыркүйекте Қазақстанға БҰҰ Арнайы елшісі келеді. Оның келу мақсаты – жоғары деңгейде жол-көлік оқиғаларын төмендету мәселелерін талқылау және мемлекеттік органдар, бизнес-қауымдастықтар және үкіметтік емес ұйымдар арасында стратегиялық байланыс орнату, сонымен бірге Онжылдық Бағдарламаны орындау бойынша жолдарда қауіпсіздікті қамтамасыз ету бойынша ұлттық бағдарламаларды қабылдауда көмектесу.

Қазақстан БҰҰ шеңберіндегі қызметтің белсенді қатысушысы болып, жол жүрісі қауіпсіздігі деңгейін көтеруге елеулі мән береді және мемлекеттік саясаттың келесі дамуында, құқықтық негіз және осы салада басқаруда қажеттілікті мойындайды. Жол қауіпсіздігі саласында заңнаманы нығайту, ұлттық бағдарламаларды әзірлеу бойынша бірқатар шаралар қабылданды.

Сонымен бірге, елде ДСДҰ және БҰҰ ЕЭК ресми басылымдар материалдарымен расталатын жол жүрісі қауіпсіздігінің маңызды проблемасы бар.

БҰҰ Еуропалық экономикалық комиссияның Ішкі көлік жөніндегі комитеттің қолдауымен БҰҰ Арнайы елшісі сапары шеңберінде мүдделі министрліктер және ведомстволар, бизнес-қауымдастық және үкіметтік емес ұйымдардың қатысуымен жақтар жол қауіпсіздігі мәселелін талқылайды, пікір алысады және Қазақстанда жол-көлік оқиғаларды төмендету бойынша ұсынымдар жасап шығаратын «Жол жүрісі қауіпсіздігі. Ағымдағы жағдайы. Арттыру жолдары» тақырыбында дөңгелек үстел өткізіледі. Үкімет, Инвестициялар және даму министрлігі басшылығымен және Астана мен Алматы әкімдерімен, сонымен бірге Қазақстандық автомотоспорт федерациясымен кездесу жоспарланды. Орталық коммуникациялар қызметіндегі келуі нәтижесінде БҰҰ Арнайы елшісі және министрліктің өкілдерінің қатысуымен баспасөз-конференциясының өткізілуі жоспарлануда.

БҰҰ Арнайы елшісі Жан Тодттың келуі Қазақстанның жол жүрісі қауіпсіздігі деңгейін көтеруде ұмтылу кепілі болады.

Ақпарат көзі: strategy2050.kz

0
0
320

«TIKA» өкілі Әзірет Сұлтанда

«Әзірет Сұлтан» мемлекеттік тарихи-мәдени қорық музейіне Түркия Республикасы Үкіметінің «TIKA» Түрік ынтымақтастық және үйлестіру агенттігінің жаңадан сайланған Қазақстандағы өкілі доктор Али Ихсан Чаглар келіп, музей жұмысымен танысты. Бұдан бұрын музей территориясын жарықтандыру жұмыстары «TIKA» агенттігінің қолдауымен ұйымдастырылған. Али Ихсан Чаглардың айтуынша алдағы уақытта да бұл жұмыстар жалғасын табатынын жеткізді.

0
0
421

ҚР Премьер-Министрі Кәрім Мәсімов «Әзірет Сұлтан» қорық-музейінде

ҚР Премьер-Министрі Кәрім Мәсімов Оңтүстік Қазақстан облысына жұмыс сапары аясында «Әзірет Сұлтан» мемлекеттік тарихи-мәдени қорық музейіне келіп, өңірдің тарихи-мәдени нысандарының жағдайымен танысты. Қорық музейдің директоры Жандос Әубәкір экскурсия барысында Қожа Ахмет Ясауи кесенесі ЮНЕСКО-ның Дүниежүзілік мәдени мұра тізіміне енетінін және Қазақстан тарихында сәулеттің көрнекті ескерткіші, Түркістанның негізгі мәдени орындарының бірі саналатынын атап өтті.
Үкімет басшысына «Әзірет Сұлтан» мемлекеттік қорық музейінің құрамындағы Қылует, Жұма мешіті, Шығыс моншасы сынды тарихи мәдени ескерткіштері жайлы, көне Түркістан қаласының тарихы және музейдің болашақтағы жоспарлары жөнінде мәліметтер берілді.

1
0
387

Мемлекет басшысы Ақмола облысының аграрилерімен кездесті

Мемлекет басшысы Ақмола облысына жұмыс сапарымен барды, деп хабарлады Ақорданың баспасөз қызметі.

Сапар аясында Елбасы Шортанды ауданының ауыл шаруашылығы алқабында болып, онда «Жәкен-1» ЖШС механизаторларымен кездесті және жиын-терін науқанының барысымен танысты. Қазақстан Президентіне кәсіпорынның негізгі жұмыс бағыттары мен өңірдегі аграрлық секторды қолдау шаралары туралы баяндалды.

Нұрсұлтан Назарбаев өңірде өсетін ауыл шаруашылығы өнімдері көрмесін аралады, онда жергілікті жағдайға бейімделген бидайдың жаңа түрі таныстырылды.

Мемлекет басшысы жиналғандарға арнаған сөзінде республиканың агроөнеркәсіп кешенінің өнімділігін арттыру үшін ауыл шаруашылығы университеттері базасында ғылыми-зерттеу институттарын құру қажеттігін атап өтті.

Бұдан бөлек, Қазақстан Президенті облыстың ауыл шаруашылығы тауарын өндірушілерімен кездесті, олар астық жинау барысы, мал шаруашылығы саласының даму қарқыны туралы айтып берді.

Әңгімелесу кезінде астық жинау науқанын табысты өткізу облыс шаруаларының алдында тұрған ең алдыңғы кезектегі міндеттің бірі болып саналатыны атап өтілді.

Нұрсұлтан Назарбаев Қытайға және Өзбекстанға таяудағы сапарлары аясында Қазақстан астығын, майлы дақылдар мен ет өнімін экспорттауға қатысты бірқатар маңызды келісімдерге қол жеткізілгеніне айрықша назар аударды.

Мемлекет басшысына шаруалар елдің ауыл шаруашылығы саласына ұдайы көңіл бөліп, қолдау көрсетіп отырғаны үшін алғыс айтты.

Көкшетау қаласының Красный Яр ауылында жаңа қазандықты пайдалануға берді, оның құрылысына «Нұрлы жол» бағдарламасы бойынша шамамен миллиард теңге бөлінді.

Сонымен қатар, мемлекеттік бағдарлама бойынша Қопа көлінің маңында жылу жолын жасады. Осы мақсаттардың бәріне 2,5 млрд теңге бөлінген.

ІСБ айтып өткендей, Көкшетау қаласының қазандық шаруашылығы алда болатын жылыту маусымына жақсы дайындалған.

ТМ2 жылу магистраліне қайта жөндеу жұмыстары жасалынды. Бұл магистральмен Көкшетаудың 40 пайыз тұтынушысы жылу энергиясын алады.

«Жылу маусымына дайындық кезінде білім беру, денсаулық сақтау және мәдениет нысандары жылдам жұмыс жасады»,-деп хабарламада айтылған.

Ақпарат көзі: strategy2050.kz

0
0
319

Адалдық рухындағы спорт

А.ж. 10 қыркүйекте № 2 Егіндікөл орта мектебінің спорт залында сыбайлас жемқорлыққа қарсы «Адал жол-Честный путь» марафоны аясында волейбол мен баскетболдан жарыстар өткізілді.  Жарыстың ашылу кезеңінде еліміздің болашағы - қазақстандық жас ұрпақ, болашақ азаматтық және мемлекеттік қызметшілер, жеке кәсіпкерлер  мен түрлі мамандық өкілдерінің мемлекеттілік, экономика, заманауи, адал және өркендеуші қоғам құрудың негізгі қағидаларын білетіні байқалды. Қатысушыларға «Біз жемқорлыққа қарсымыз» ұрандары бар «адал қоғамды» насихаттайтын парақшалар таратылды.  Жанкүйерлер  өз командаларын белсене қолдады.

Қорытындысында барлық қатысушылар денсаулық, сергектік қуаты мен жағымды эмоция алды.  Сыбайлас жемқорлық марафоны аясындағы жарыстар қорытындысы бойынша № 1 Егіндікөл орта мектебі волейбол мен баскетболдан жарыс чемпионы атанды. Жеңімпаз мен жүлдегер командалар грамоталармен және бағалы жүлделермен марапатталды, сондай-ақ үздік ойыншылар марапатталды.

Департамент госслужбы

0
0
457

Жемқорлық туралы КВН

А.ж. 10 қыркүйекте Егіндікөл ауданында «Адал жол – Честный путь» марафонына орай мектеп оқушыларының КВН турнирі өтті. Шараға екі команда қатысты: Днепропетров орта мектебінің «Жастар КZ» және № 2 Егіндікөл орта мектебінің «Новое поколение» командалары қатысты.    Турнирге төрағалық ету мектеп қызметкерлеріне ұсынылды. Біз сол кештің қалай өткенін байқамай да қалдық. Қыздар ән салды, әзіл айтып, би биледі.«Жастар КZ»командасы команданың әр мүшесіне ерекше рөл беріп, өте қызықты өткізді. Оларда зиялы қауым, ботаник бала, Жемқор, және көптеген қызықты кейіпкерлер болды.

Қазылар алқасының шешімі бойынша «Новое поколение» командасы бірінші орын алды.

Департамент госслужбы

0
0
1401

Ж.Асанов Дубай қаласында өткен Халықаралық прокурорлар қауымдастығының конференциясына қатысты

Қазақстанның Бас Прокуроры Жақып Асанов «Прокурор және тергеуші» тақырыбында 2016 жылы 12-14 қыркүйек аралығында Дублин қаласында (Ирландия Республикасы) өткен Халықаралық прокурорлар қауымдастығының (ХПҚ) 21-ші жыл сайынғы конференциясы және жалпы отырысына қатысты. Форумда әлемнің 80-нен астам елдерінің жоғары қадағалау органдарының басшылары бас қосты, деп хабарлады ведомство.

Ашылу рәсімінде Ирландия Республикасы Мемлекеттік прокуратурасының басшысы Клэр Лофтус пен Халықаралық прокурорлар қауымдастығының Президенті Герхард Ярош сөз сөйледі.

Күн тәртібіндегі басты тақырыптар прокурорлар мен тергеушілер қарым-қатынасы, өзара құқықтық көмек туралы халықаралық шартардың рөлі, киберқылмыспен, сыбайлас жемқорлықпен, терроризммен және қылмыстың басқа да ұйымдасқан түрлерімен күресу, халықаралық қылмыстық сот төрелігі және дағдарыс жағдайындағы тұрмыстық мәселелер болды.

Форумға қатысушылар трансұлттық ұйымдасқан қымыстың алдын-алу, адам құқықтарының кепілін қамтамасыз ету, әділ сот, заң үстемдігі, қылмыстық жолмен табылған кірістер пен активтерді қайтару механизмдерін реттеу үшін прокуратура органдары арасындағы халықаралық ынтымақтастықты нығайту, тәжірибе және ақпарат алмасуды белсендендіру қажеттілігін атап өтті.

Қатысушылардың ортақ пікірі бойынша күн тәртібі мәселелерін талқылаудың өзектілігі халықаралық және аймақтық қауіпсіздікті қамтамасыз ету, қоғам және мемлекет мүдделерін қорғау бойынша әр түрлі елдердің қадағалаушы органдарының күштерін жұмылдыруға уағдалы.

Форум аясында Ж.Асановтың Дубай Әмірліктері, Ирландия Республикасы, Канада, Таиланд, Түркия, Чехия, Швейцария бас прокурорларымен, АҚШ, Сауд Арабиясы, Әзірбайжан бас прокурорларының орынбасарларымен, сондай-ақ ХПҚ басшылығымен келіссөздері өткізілді. Әріптестер халықаралық ұйымдасқан қылмыспен, есірткі саудасы,  экстремизм және лаңкестікпен күресу аясындағы ынтымақтастықтың маңызды мәселелері бойынша пікір алмасты. Сонымен қатар шарттық-құқықтық базаны кеңейту және күшейту, жедел ақпарат алмасу мәселелері қозғалды.

Келіссөздер барысында өзара ынтымақтастықтың өзекті мәселелері және болашағы талқыланды. Сұхбаттасушылар трансұлттық ұйымдасқан қылмыспен, экстремизм және терроризммен, есірткі саудасымен күресу бойынша өзара ықпалдастық, сонымен қатар адам құқықтарын қорғау, шарттық-құқықтық негізді нығайту, жедел ақпарат және жұмыс тәжірибесімен алмасуға қатысты пікір алмасты.

Ақпарат көзі: strategy2050.kz

0
0
392