Мазмұнға өту

Жаңа

Қазақстан Женевада ядролық қарусыздану саласындағы бастамаларын ұсынды

БҰҰ қарусыздандыру бойынша конференциясының жалпы отырысында Женевадағы ҚР тұрақты өкілі Жанар Айтжанова ядролық қарусыздану және қауіпсіздік саласында Қазақстанның соңғы бастамалары туралы сөз сөйледі, деп хабарлайды ҚР СІМ.

Отырыстың қатысушылары ағымдағы жылдың 29 тамызында  «Ядролық қарудан азат әлемді құру» атты халықаралық конференцияда қабалданған Astana Vision Декларациясының негізгі жағдайымен танысты. Аталмыш құжат Конференцияның ресми құжаты ретінде енді. Отырыс барысында Қазақстан Президенті Нұрсұлтан Назарбаев халықаралық қауымдастықты ядролық қауіпсіздік негіздерін қалыптастыратын халықаралық шарттар мен институттарды нығайту үшін міндеттерді қабылдауға шақырғандығы айтылды. Сонымен қатар,  сөз барысынджа Ж.Айтжанова 2017-2018 жылдар аралығында Қазақстанның БҰҰ Қауіпсіздік кеңесінің тұрақты емес мүшесі болып жұмыс атқаруы барысында халықаралық бейбітшілік пен қауіпсіздікті қамтамасыз етуге бағытталатындығын айтып өтті.

Ж.Айтжанова қатысушыларға ядролық қарусыздану және қауіпсіздікті қамтамасыз етуге қосқан үлесі үшін Нұрсұлтан Назарбаевтың халықаралық сыйлығының бастамасын мәлімдеп өтті. Марапаттау 2016 жылдың қараша айында Бірінші дүниежүзілік Астана саммиті барысында алғаш рет ұсынылатын болады және ол жерге мемлекет басшылары мен үкімет шақыртылады.

Ақпарат көзі: strategy2050.kz

0
0
404

Халықаралық комиссия ЭКСПО-ның үздік тәжірибелерінің павильоны үшін 17 жобаны іріктеп алды

«Үздік тәжірибелер аймағында» - ЭКСПО-2017 көрмесіндегі ең қызықты павильондар таңдалып алынып, әлем бойынша өнімнің жаңа түрлері мен технологиялары жинақталады. Халықаралық комиссия ЭКСПО-ның үздік тәжірибелерінің павильоны үшін 17 жобаны іріктеп алды. Тағы да бесеуі павильоннан тыс қала ішіне шоғырландырылады.

«Біз таныстыратын бірқатар идеяларды анықтады, сондықтан көрме ұйымдастырушылары  қажетті өтінішті іздеу үшін  өңірлерге шығып, компаниялар өкілдері, сарапшылармен  кездесті. Біз бүгін олардың ең үздіктерін іріктеп алдық. Бұл шешімдердің барлығы бірауыздан болған жоқ, сарапшылармен дебаттар да болды, қорытындысында біз  тағы екі елде қайта таныстыруға болатын үздік жобаларды таңдап алдық. Ең басты талап: тиімділік, жаңашылдық пен инновация», - деді Нобель сыйлығының лауреаты, Халықаралық іріктеу комиссиясының мүшесі Джордж Смут.

Ол айтып өткендей, бүгінде ең үздік тәжірибелер павильоны  үшін 17 жоба таңдалып алынды.

«Біз үздік тәжірибелер павильонына қойылатын 17 жобаны таңдап алдық. Сондай-ақ, 4-5 жоба  павильон сыртында немесе  қалада орналастырылады. Біз ең үздік, тиімді деген жобаларды таңдап алдық», - деді ол.

Айта кетерлігі, Халықаралық іріктеу комиссиясының мүшелері: Халықаралық тәжірибелік термоядролық реакторының бас директоры Бернар Биго, Энергетика және пайдалы қазбалар бағытының директоры  Чарльз Файнстайн, Энергия және ресурстар институтының бас директоры Раджендра Пачаури және т.б.

Ақпарат көзі: strategy2050.kz

0
0
387

В.Лоссерталес: ЭКСПО-2017 қатысушы елдері қазан айында Астанадағы көрме павильонын толтыра бастайды

ЭКСПО-2017 қатысушы елдері қазан айында Астанадағы көрме павильонын толтыра бастайды, деді Халықаралық көрмелер бюросының хатшысы Висенте Лоссерталес.

«Мен ЭКСПО-2017 көрмесі  нысандарының құрылысынан үлкен әсер алдым. Барлық жұмыстар аяқталуға жақын екен: қатысушы елдер  мен Қазақстанның павильондары. ЭКСПО-2017 қатысушы елдері қазан айында Астанадағы көрме павильонын толтыра бастайды», - деді В.Лоссерталес көрменің дайындығына арналған баспасөз мәслихатында.

Ол айтып өткендей, халықаралық қатысушыларды тарту бойынша барлық мақсат орындалды. Өз қатысуын 103 ел растады. Бұл тізім әлі бірқатар елмен толығады деп күтілуде.

Ақпарат көзі: strategy2050.kz

0
0
356

ҚР ҚК әскери полигондарының инфрақұрылымын дамыту оң нәтижелер беруде

ҚР Қарулы Күштерінде ірі әскери полигондардың инфрақұрылымын дамыту мен жөндеу және әскери нысандарды қайта құру жөнінде белсенді жұмыс жүргізілуде, деп хабарлады Қорғаныс министрлігінің баспасөз қызметі.

Биылғы жылы Қазақстан аумағында алғаш рет өткен Армия халықаралық ойныдарына дайындалу шеңберінде ең алдымен, жұмыс инфрақұрылымды қалпына келтіруге бағытталды.

Электр қуатының үздіксіз берілуі, трансформаторларды орната отырып, екінші резервтік тораптың салынуы қамтамасыз етілді, ауылдық елді мекенде, облыстық маңызы бар жолда орташа күрделі жөндеу, республикалық маңызы бар жолда ағымдағы жөндеу жұмыстары жүргізілді Гвардейск кентінде 10 мың шаршы метр асфальт төселді.

Ойындардың өткізілуі жүздеген адамды жұмыспен қамтып қана қоймай, сонымен бірге, өңірдің әлеуметтік-экономикалық дамуына елеулі қарқын берді. Құрылыс жұмыстарына 50 бірлік арнайы техника және 800-ден аса жұмысшы тартылды.

Гвардейск қалашығында барлығы дерлік инженерлік желілер ауыстырылды, қаланың жарықтандырылуының күрделі жөндеу жұмысы атқарылды, казармалардың, асханалардың, қонақ үй мен хауыздың (бассейннің) жөнделуі жүргізілді.

Тікелей сайыс өткізілген полигон аумағында біршама жұмыс атқарылды. Жаңа ғимарат тұрғызылды, вип-мінбер жөнделді, көрермендерге арналған 2 мыңнан аса отыратын орын орнатылды, сондай-ақ, жарыстарға арналған екі тас жол салынды. Бұл 2 шақырымға созылды және мәре мен сәре сызықтары секілді элементтерді, «Змейка» кедергісін, төбешік, сорап көпірі, мина-жарылғыш қоршаулар, танк оқшашарынан оқ ату учаскелері және т.б. қамтиды.

Тас жолдар толық жабдықталып, тегістеліп, қиыршық тас төселді. Одан басқа, осы жылы қайта құрастыру Қазақстан Қарулы Күштерінің оқу-жаттығу орталықтарында жүргізіледі. Онда ұдайы негізде республикалық және халықаралық деңгейдегі ірі ауқымды іс-шаралар өткізіледі. «Спасск» оқу-жаттығу орталығында танк айлағы,  тактикалық алаң, әскери жарақтандыру пункттері, бақылау-өткізу пункті, казармалар, сондай-ақ, әскери қызметшілердің тұрмысына қажетті нысандар ауқымды жөндеу жұмысынан өтеді.

Сондай-ақ, Астана маңында орналасқан 68665 әскери бөлімінде барлық аумақ пен әкімшілік-казармалық аймақ нысандары абаттандырылады.  Қазіргі уақытта 120 пәтерлі екі түрғын үйдің құрылысы жүргізілуде. Одан өзге, бөлім аумағында палаткалы лагерьге арналған аймақ қарастырылған. Онда далалық шығулар мен практикалық сабақтар кезінде әскери қызметшілерді орналастыру жоспарлануда. Бір сөзбен айтқанда, лагерь қазіргі заманғы талаптарға сай болады.

Алайда, жағдай жауынгерлікке барынша жақындатылады. Бұдан басқа, жақын арада Алматы қаласындағы Құрлық әскерлері Әскери институты оқу полигонының объектілері қалпына келтіріледі. Инфрақұрылымның ірі жөндеуден өтуі «Кадекс» халықаралық көрмесі қарсаңында Астана маңындағы авиациялық базада жүргізілгенін естеріңізге сала кетейік. Әлемдік стандарттарға сәйкес демонстрациялық алаң жасау үшін бұл іс-шараға орай авиабазада арнайы қайта жаңғырту жүргізілді.

Ақпарат көзі: strategy2050.kz

0
0
464

Қазақстанның әскери қызметшілері «Бейбіт миссия – 2016» оқу-жаттығуына қатысу үшін Қырғыз Республикасына келді

Қырғыз Республикасы Қарулы Күштері Бас штабының Балықшы қаласындағы «Эдельвейс» полигонында Шанхай Ынтымақтастық Ұйымы мүше мемлекеттерінің «Бейбіт миссия – 2016» бірлескен әскери лаңкестікке қарсы командалық-штабтық оқу-жаттығуының ресми ашылуы өтті, деп хабарлады Қорғаныс министрлігі.

Салтанатты іс-шараға бес елдің, яғни, Қазақстан Республикасы, Қырғыз Республикасы, Қытай Халық Республикасы, Ресей Федерациясы, Тәжікстан Республикасы Қарулы Күштерінің әскери контингенттері қатысты.

Жалпы алғанда, оқу-жаттығуға 2 мыңға жуық әскери қызметші, шамамен 300 бірлік әскери техника, олардың біршамасы жаңғыртылған және заманауи қондырғымен жабдықталған, сондай-ақ, жерүсті әскерлердің іс-қимылын қалқалауды қамтамасыз етуге арналған 40-қа жуық бірлік жауынгерлік авиация тартылды.

«Мұндай оқу-жаттығулардың өткізілуі қазіргі заманның шынайылығымен қабылданған және ШЫҰ жауапкершілік өңірінде және жалпы әлемде қалыптасқан халықаралық жағдай негізінде өзінің өзектілігі мен маңыздылығын бірнеше мәрте дәлелдеп те қойған», - деп «Бейбіт миссия – 2016» бірлескен оқу-жаттығуының жетекшісі полковник Р. Мұқамбетов атап өтті.

«Оқу-жаттығудың қойылған мақсаттарына қол жеткізу үшін барлығымыз бірге барынша күш-жігерімізді салатынымызға сенімдімін. Себебі, қазіргі оқу-жаттығулар өзінің арналуынан, «жауыздықтың үш күшімен», яғни, лаңкестік, экстремизм және сепаратизммен күресуден басқа, мемлекеттеріміздің қарулы күштерінің анағұрлым тығыз әскери ынтымақтастығына ықпал етеді», - деп ол сөзін жалғады.  Қазақстаннан оқу-жаттығуға ҚР ҚК Аэроұтқыр әскерлерінің әскери қызметшілері қатысуда.

Ақпарат көзі: strategy2050.kz

0
0
741

Халықаралық көрмелер бюросының бас хатшысын ЭКСПО-2017 кешенінің сәулеті тамсандырды – СІМ

Қазақстан Республикасының Сыртқы істер министрі Ерлан Ыдырысов Астанадағы«ЭКСПО-2017» көрмесіне дайындық барысын инспекциялау үшін келген Халықаралық көрмелер бюросының бас хатшысы Висенте Лоссерталеспен кездесті, деп хабарлады ведомство.

Кездесу барысында Е. Ыдырысов көрменің халықаралық қатысушыларын тарту бойынша жұмыстың қорытындылары туралы айтты. Бүгінгі күнде 103 мемлекет және 17 халықаралық ұйым «ЭКСПО-2017» көрмесіне өз қатысуларын растады, ұлттық секциялардың 92 комиссарлары тағайындалды, шет елдермен 71 қатысу шарттарына қол қойылды.

«Тараптар көрмеге қатысушы елдердің ұлттық күндерін өткізуге дайындық  шеңберінде жүргізілген табысты жұмысты атап өтті. Қазіргі таңда осындай іс-шараларды ұйымдастыруға 61 өтінім келіп түсті», - делінген хабарламада.

Е. Ыдырысов «ЭКСПО-2017» көрмесінің шетелдік қонақтары үшін қолайлы жағдай жасау тұрғысында Қазақстан шет елдермен визасыз режимді құру жұмысын жандандырудаекенін атап өтті. Қазіргі таңда біздің елімізге 20 дамыған елдердің азаматтары визасыз келе алады, ал 2017 жылдың басынан бастап Экономикалық ынтымақтастық және даму ұйымына мүше барлық мемлекеттердің, сондай-ақ Малайзия, Монако, Біріккен Араб Әмірліктері мен Сингапур азаматтары үшін (30 күнге дейін) визасыз режим күшіне енеді.

«ЭКСПО-2017» көрмесіне қатысушы елдерді тарту бойынша жұмыс барысын жоғары бағалай келе, В. Лоссерталес Қазақстан Үкіметі мен Халықаралық көрме бюросының арасында қол қойылған жеңілдіктер мен артықшылықтар туралы келісімнің аса маңыздылығын басып айтты.

Кездесу қорытындысы бойынша тараптар Астанадағы «ЭКСПО-2017» көрмесін сәтті өткізу мақсатында тығыз байланыстарды жалғастыруға уағдаласты.

Ақпарат көзі: strategy2050.kz

0
0
397

Құқық негізі

2016 жылдың 13 қыркүйек күні «Заман» жастар қоғамдық бірлестігімен «Қоғамдағы тәртіпсіздік пен құқық бұзушылықтарға «мүлдем төзбеушілік» қағидатын қамтамасыз ету және құқықтық  сананы жағарылату мақсатында іс-шаралар ұйымдастыру жобасы аясында дөңгелек үстел оздырылды.

Шара барысында Департаменттің сыбайлас жемқорлық профилактикасы басқармасының өкілі білім беру бағдарламаларына енгізілген өзгерістердің мағынасы мен сыбайлас жемқорлыққа қарсы тұруға дайын тұлғаны тәрбиелеу бойынша баяндама жасады.

 
0
0
360

Қызылорда облысында 100-ден астам бала педагогикалық-психологиялық түзету орталығына жүгіне алады

Аймақ басшысы Қ.Көшербаев «Педагогикалық-психологиялық түзету кабинеті» коммуналдық мемлекеттік мекемесінің ашылу салтанатына қатысты, деп хабарлады облыс әкімдігі.

Мекеме облыс әкімінің қолдауымен облыстық білім басқармасы, «Дара» республикалық қайырымдылық Қоры мен «ҚОР» Мұнай компаниясының өзара меморандумы аясында ашылып отыр.

“Баршаңызды педагогикалық-психологиялық түзету кабинетінің ашылуымен шын жүректен құттықтаймын! Жалпы білім беретін мектепте даму мүмкіндігі шектеулі балаларға қолайлы жағдай жасау - біздің басты міндетіміз. Облыстағы мүмкіндігі шектеулі 5744 баланың 1775-і жалпы орта білім беру мектептерінде оқиды. Оқыту–тәрбиелеу, түзету, құқықтық кеңестер беру жұмыстарын жүргізу мақсатында 17 арнаулы білім беру ұйымдары жұмыс жасайды. Мәселен, 2014 жылы мүмкіндігі шектеулі балалар арнайы біліммен 29,2%, инклюзивтік біліммен 31% қамтылса, 2015 жылы арнайы біліммен 30,4%, инклюзивтік біліммен 46% қамтылды. Келер жылы арнайы біліммен қамтуды 35%-ға дейін жеткізу, ал инклюзивтік білім алуға жағдай жасаған білім беру ұйымдарын 23%-ға дейін дамыту көзделуде. Педагогикалық-психоголиялық түзету кабинетінің ашылуымен тағы да құттықтай отырып, бала саулығы мен оқыту жолындағы жұмыстарыңызға сәттілік тілеймін” - деді облыс әкімі Қ.Көшербаев.

Содан соң облыс әкімі ізгілікті істер басынан табылған «Дара» қайырымдылық қорының құрылтайшысы Гүлнәр Досаеваға және «Қор» Мұнай компаниясының бас директоры Марат Нұрпейісовке алғыс хат табыстады. Мекеменің жасақталған ЛФК залы, дефектолог, Монтессори, психолог, сурдопедагог және логопед кабинеттерінің жұмыстарымен танысты.

Айта кетейік, «Психологиялық-педагогикалық түзету кабинеті» жанынан инклюзивтік білім беру жағдайындағы ресурстық орталықтың жұмысын ұйымдастыру да жоспарлануда. Сондай-ақ орталық жыл сайын 100-ден астам дамуында ауытқушылығы бар балаларға қызмет көрсететін болады.

Ақпарат көзі: strategy2050.kz

0
0
563

Сыбайлас жемқорлыққа қарсы іс-қимыл – мемлекеттік саясаттың маңызды стратегиялық басымдығы

А.ж. 14 қыркүйекте Ақмола облысы бойынша тұтынушылардың құқықтарын қорғау Департаменті мен аумақтық басқармалардың ұжымымен «Қазақстан Республикасының 2015-2025 жылдарға арналған сыбайлас жемқорлыққа қарсы стратегиясында белгіленген сыбайлас жемқорлыққа қарсы іс-қимылдың негізгі бағыттары, әдістері және шаралары» тақырыбында семинар өтті. Семинарға Мемлекеттік қызмет істері министрлігі Ақмола облысы бойынша департаментінің (бұдан әрі - Департамент) қызметкері А.Жаналинов қатысты.

Семинар барысында Департаменттің өкілі мемлекеттік мекеменің қызметкерлеріне сыбайлас жемқорлыққа қарсы стратегиясы туралы, оның алдағы он жылға есептелген басымды бағыттары мен негізгі тәсілдері жөнінде баяндады, сонымен қатар, ол қатысушыларды Департаменттің сыбайлас жемқорлықтың алдын алу бойынша атқарып отырған жұмысымен, соның ішінде сыбайлас жемқорлыққа қарсы мониторинг, сыбайлас жемқорлық тәуекелдерінің ішкі жіәне сыртқы талдауларын жүргізу тәртібімен таныстырды.

Кездесу соңында А.Жаналинов сыбайлас жемқорлыққа қарсы заңды қолдануға қатысты қойылған сұрақтарға жан-жақты жауап берді.

Іс шараға 50 шақты адам қатысты.

Департамент госслужбы

0
0
244

ЕҚЫҰ Бағдарламалары офисімен арадағы жолға қойылған жұмыс тетігі жергілікті жерлерде ұйымның тиімділігін арттырады – Г.Әбдіқалықова

Қазақстан Республикасының Мемлекеттік хатшысы Гүлшара Әбдіқалықова Еуропадағы қауіпсіздік және ынтымақтастық ұйымының Астанадағы Бағдарламалар офисінің басшысы Дьердь Сабомен кездесті, деп хабарлады Ақорданың баспасөз қызметі.

Кездесу барысында тараптар Қазақстанның ЕҚЫҰ шеңберіндегі ынтымақтастығының жай-күйі мен перспективаларын талқылады. Мемлекеттік хатшы 2010 жылы Астанада өткен ЕҚЫҰ саммитінің қорытындысы бойынша қабылданған «Қауіпсіздік қоғамдастығы жолында» атты Астана декларациясын іске асыру Қазақстанның басты қызметінің бірі болып саналатынын атап өтті.

Г.Әбдіқалықова Астанадағы ЕҚЫҰ Бағдарламалары офисімен арадағы жолға қойылған жұмыс тетігі жергілікті жерлерде ұйымның тиімділігін арттырудың үлгісіне айналғанын айтты. Бұл ретте жобаларды әзірлеу, үкіметтік құрылымдармен бірлесіп жалпы жоспарлау және оны Сыртқы істер министрлігімен үйлестіру үдерісіне қанағаттанатынын білдірді. 2016 жылы Қазақстанның мүдделі мемлекеттік органдары ЕҚЫҰ-мен бірлескен 50 жобаны ойдағыдай жүзеге асыруда.

Мемлекеттік хатшы қазіргі заманғы қауіпсіздікке қатер төндіріп тұрған халықаралық, жергілікті және дінаралық қақтығыстардың алдын алу ісінде халықаралық құқықтың айқын үстемдігі арқылы қақтығыссыз әлем құруға шақыратын Қазақстан Президенті Нұрсұлтан Назарбаевтың «Әлем. XXI ғасыр» манифесінің айрықша өзектілігін атап өтті.

Сонымен бірге, Г.Әбдіқалықова мәртебелі мейманды Бес институционалдық реформаны іске асыру жөніндегі Ұлт жоспарының орындалу барысы және Қазақстан Республикасы Тәуелсіздігінің 25 жылдығын мерекелеу аясында өтетін іс-шаралар туралы хабардар етті. Ол тәуелсіздік жылдарында экономиканың нығайып, халықтың әл-ауқаты артқанын, Қазақстан қоғамы жалпыұлттық келісім мен қоғамдық тұрақтылықтың үлгісі ретінде қарастырылып отырғанын, ал еліміз жауапты әрі құрметті халықаралық серіктес ретінде танылғанын атап айтты.

ЕҚЫҰ-ның Астанадағы Бағдарламалар офисінің басшысы Қазақстан Республикасының Мемлекеттік хатшысына жылы шырайлы қабылдауы үшін алғыс айтып, ЕҚЫҰ-ның Қазақстанмен арадағы ынтымақтастығының алдағы уақытта да жемісті бола беретініне сенім білдірді.

Сондай-ақ, тараптар Астана ЭКСПО-2017 халықаралық көрмесіне ЕҚЫҰ-ның қатысу мәселесін талқылады.

Кездесу соңында Г.Әбдіқалықова Қазақстан мен ЕҚЫҰ арасындағы диалог пен өзара түсіністікті нығайту ісінде Д.Сабоға табыс тіледі.

Ақпарат көзі: strategy2050.kz

0
0
385