Мазмұнға өту

Жаңа

САБАҚ РЕФЛЕКСИЯСЫ (Жинақ. «Жеті модульді ықпалдастыра оқыту» сериясынан)

Естеліктің түрі көп, біреуге фото естелік, біреуге сазды әуен естелік, біреуге арналған жыр естелік, біреуге әдемі сыйлық естелік, біреуге құнды құжат естелік, айта берсең көп. Бұл жинақ  2016 жылдың 28 наурызы мен 28 мамыры аралығында деңгейлі курс оқыған 3-топ тыңдаушыларының курс барысындағы тәжірибесінен естелік ретінде дайындалған. Курс мерзімінде бірге жүріп, бірге тұрған, бірге оқып, бірге қуанған мұғалімдер өмірінен естелік. Олардың тренерден, «Мұғалімге арналған нұсқаулықтан» ғана емес, бір-бірлерінен үйренген күндерінен естелік. Бір аудиторияда бетпе-бет отырып, бір-бірінің келбетін ғана емес, сенімі мен мақсатын, мінезі мен талғамын, қылығы мен көзқарасын,  іскерлігі мен ұқыптылығын көрген, бірін-бірі толықтырған күндерінен естелік. Әріптестерінің мектептегі тәжірибе кезеңінде видеоға түсіріп әкелген сабақтарын көріп, таңданған кездерінен естелік. Таныстырылым жасалып бітпей жатқан, емтиханға дайындық жетпей жатқан қарбалас күндерінен естелік. Алғашқы келген күннен бастап, сертификат алған күнге дейінгі аралықтағы қызықтары мен қуаныштарынан, толқулары мен қобалжуларынан естелік. Бұл жинаққа ҚР педагог қызметкерлерінің біліктілігін арттыру курстары деңгейлі бағдарламасы бойынша білімдерін жетілдіріп, өз тәжірибелерін өткізген мұғалімдердің алғашқы сабақтарының барысы мен өзіндік ой толғаулары, курс кезінде жазған күнделіктерінен үзінділер енгізілген. Жинақ материалдары үлгі ретінде емес, деңгейлі бағдарлама бойынша білім алған мұғалімдер үшін тәжірибе алмасу, оқып жүрген, сондай-ақ, оқуға ниет білдіріп жүрген ұстаздар қауымы үшін қосымша ақпарат алу, тәжірибе ұштау құралы ретінде ұсынылып отыр.

Біліктілікті арттырудың деңгейлі курсынан өткен, 3-топта оқыған әр тыңдаушымның мен үшін орны бөлек. Тыңдаушылардың күнделіктерін оқыған кезде Сағынай мен Гаухардың  ойды жүйелеп баяндау, түйіндеу қабілеттерінің күшті екендіктерін байқадым. Оқи отырып риза болдым. Назгүлдің ұқыптылығына таң қалдым. Үнемі күлімдеп жүретін Сағынай мен Назгүлді, азаматтық ұстанымдары күшті Бану мен Ажарды, сабақта қоянның көжектері құсап отыратын Сымбат пен Толқынды, өзгеше бір әлем болып жүретін  Табиғат пен Алмагүлді, шынайылығымен көпшілікті баурап алған Олжасты, бар ойы да, көңіл-күйі де көзінен көрініп тұратын Әйгерімді, курстың соңына дейін салмақты қалыптарынан бір айнымаған  Күлшат пен Назираны, курста оқи жүріп конференцияға қатысып, оқушысының жұмысын конкурсқа ұсынып, ауылына Алғыс хатпен қайтқан аса белсенді Бақытгүлді,  алысқа сапар шексең еш ойланбастан ертіп кетуге болатын Динаны, бір іс бастасаң оң қолың болуға лайық Гүлімді, өзі әнші, өзі биші, өзі суретші,  өзі ақылды Маржангүлді, емтиханда оқ бойы озып шығып, топтың туын биіктеткен Гаухарды... бәрін-бәрін сағынатыным анық. Ажар мен Назираға серпін, Бигүлге денсаулық, Маржан мен Назгүлге батылдық, Рита мен Алмагүлге көтеріңкі көңіл-күй, Гүлімге әйел нәзіктігін, Набираға сенімділік, Ақмаралға дарынды перзент, Олжас пен Алтынға адал серік тілеймін!  Өмірде жолдарың болсын! Армандарыңа арман жалғаңдар!

3-топ тренері Ләзат Дүйсембекова

0
0
1422

Шымкент билігі Англия астанасының тәжірибесін зерттеуде.

Лондонда  сауда-экономикалық, ғылыми-техникалық және мәдени серіктестік бойынша қазақстандық-британдық үкіметаралық комиссияның ІІІ отырысы өтіп жатыр. Оның жұмысына Шымкент қаласының әкімі Габидулла Абдрахимов қатысуда. Бұл туралы өзінің Facebook парақшасында қала әкімі аппаратының басшысы Рашид Аюпов хабарлайды.

Ұлыбритания Қазақстан экономикасына инвестиция көлемі бойынша бесінші орынды иеленеді, оның үлесіне тікелей шетелдік инвестицияның 14% келеді. Сауда көлемі бойынша Ұлыбритания Қазақстанның Еуропадағы үшінші сауда серіктесі болып табылады.

Шымкент әкімдігінің өкілдері қаладағы көлік инфрақұрылымы мен туризмді, ауыл шаруашылығы мен өңдеуші өнеркәсіпті дамыту және білім және ғылым саласындағы серіктестікті дамытуға мүдделі екендіктерін білдірді.

Шымкент қаласының әкімдігінің өкілдері айтып кеткендей Лондон тәжірибесі қала инфрақұрылымын дамыту идеялары мен шешімдерін жүзеге асыруға жақсы мүмкіндік болар еді, оларды болашақта Шымкент қаласын дамыту тұжырымдамасында қолдануға болады. Осы бағыттағы жұмыстар басталып кетті – қалада білім беру мен қала көлігі саласындағы смарт технологияларды енгізу жобалары жүзеге асырылып, «Shymkent City» құрылысын бастау, «саналы қала» ұғымын жүзеге асыру қолға алынған. Оларға қатысу көптеген британдық инвесторларды қызықтыруы мүмкін деп есептейді сарапшылар.

Комиссия жұмыстарының қорытындысы бойынша достық қатынастарды дамыту туралы келісімдер мен меморандумдарға қол қою күтілуде, сонымен қатар, бірлескен инвестициялық жобалар құру қарастырылған. Шымкент билігі AECOM  ірі британдық компаниясының инвестициясына сенім артып отыр.

Дерек көзіне сілтеме: http://shymkent.gov.kz/

   
0
0
271

Коммуналдық қызмет Шымкент қаласын қардан тазартуда

Қаланың коммуналдық қызметтері Шымкент қаласын қардан тазарту бойынша белсенді жұмыстар жүргізіп отыр. Бүгінгі таңда тазалық жұмыстарын жүргізетін төрт компания 82 бірлік техника мен 660 адамды жұмысқа жұмылдырған. 156 көшеде тазалық жұмыстары 18 бағыт бойынша жүргізіледі. Қазіргі сәтте 1344 текше метр тазартылған. Автобустар өз бағыттары бойынша жұмыс жасауда.

«ЛТД ТУРМЫС», «ЮгДорСервис», «Байтерек ЛБ» және «СМД Құрылыс» компанияларының балансында небары 90 бірлік техника бар екенін естеріңізге саламыз, мұнда 1200 артық адам жұмыс жасайды. Коммуналдық қызмет қорында қармен және көктайғақпен күресуге арналған барлық қажетті материалдар бар, оның ішінде, 24 мың текше метрден артық құм, 3770 тонна техникалық тұз, 44 мың литр дизельдік отын және 50 мың литр бензин.

Қыс мезгілінде жұмыскерлерге барлық жағдайлар жасалғанын айта кету керек. Олардың жұмысқа қажетті барлық құрылғылары бар, автокөлік дөңгелектері қысқы түріне ауыстырылған, көлік құралдарындағы пештер толықтай іске жарамды. Сонымен қатар, компания аумағында демалысқа арналған бөлмелер мен тәулік бойы жұмыс жасайтын асхана бар.

Ақпаратқа сілтеме :http://shymkent.gov.kz/

 
0
0
526

Шымкентте «Ұлы дала елі – тәуелсіздіктің 25 негізі» акциясы шеңберінде әскери-патриоттық сайыстары болып өтті

Шымкентте «Ұлы дала елі – тәуелсіздіктің 25 негізі» акциясы шеңберінде қала мектептері арасында «Айбын», «Мен – өз Отанымның батыл қорғаушысымын» әскери-патриоттық сайыстары болып өтті. Саттар Ерубаев атындағы № 24 мектеп-лицейдің спорт залында 200 жоғары сынып оқушылары автомат қаруын құрастыру мен бөлшектеу, пневматикалық винтовкадан ату, арқан тарту, белтемірге тартылу, кіртасын көтеру бойынша сайысқа түсті. Сайыс қорытындысы бойынша жеңіске № 133 орта мектеп оқушылары қол жеткізді. Екінші орынды № 7 мектеп-лицей және № 104 ОМ оқушылары бөлісті. Үшінші орынды № 52 мектеп-гимназияның жас Отан қорғаушылары қанағат тұтты.

Жеңімпаздарға салтанатты түрде кубоктар мен құрмет грамоталары тапсырылды.

Шымкент қ. Ішкі саясат бөлімінің ақпараты бойынша.


 
0
0
491

Астанада отандық және шетелдік медициналық ЖОО стратегиялық серіктестік мәселелері талқыланды

Бүгін Астана қаласында ҚР Денсаулық сақтау және әлеуметтік даму министрі Тамара Дүйсенованың, отандық және шетелдік медициналық ЖОО басшыларының және т.б. қатысуымен «Жетекші шетелдік университеттері мен медициналық ЖОО арасындағы стратегиялық серіктестіктің бірінші кезеңінің қорытындылары туралы» халықаралық конференция өз жұмысын бастады.

Конференцияда сөз сөйлеген Тамара Дүйсенова медициналық білімнің ары қарай жетілдірілуі клиникалық тәжірибе, медициналық білім мен ғылыми қызметтің үшбірлігінің негізінде  отандық медициналық ЖОО-ның әлеуетін нығайтуды қарастыратынын атап өтті.

Медициналық кадрларды дайындау саласында үздік халықаралық тәжірибені енгізу қазақстандық медицина университеттерінің шетелдік ЖОО-мен стратегиялық серіктестік негізінде жүзеге асырылады. Бұл ішкі және сыртқы нарықта отандық медициналық ЖОО-ның позицияларын нығайтуға, білім процесінің сапасын қамтамасыз етуге, ғылыми-зерттеу және  оқу-методикалық қызметті дамытуға мүмкіндік береді.

«Стратегиялық әріптестіктің бірінші кезеңінде ағымдағы жылы әрбір медициналық ЖОО    стратегиялық серіктестігін анықтап, келіссөздер жүргізді, меморандумдарға және келісімдерге қол қойды, ЖОО - дың қазіргі жағдайларының басым бағыттары бойынша стратегиялық серіктестермен бірлесе талдау жүргізген, жақсарту бойынша ұсыныстар берілген. Стратегиялық серіктестікті іске асыру бойынша негізгі шаралар 2017-2019 жылдарға белгіленген, соның ішінде, Дүниежүзілік даму банкі және ҚР Денсаулық сақтау және әлеуметтік даму министрлігі қоса қаржаландырған жоба аясында. Серіктестің негізгі нысаны консалтинг, менторлық, бірлесіп және сенiмгерлiк басқару болуы қажет» - деді Тамара Дүйсенова.

Конференция барысында С.Ж. Асфендияров атындағы Қазақ ұлттық медициналық университеті және Дюк университеті (АҚШ), Батыс-Қазақстан мемлекеттік медициналық университеті және К. Марцинков атындағы Познан медициналық университеті (Польша), Оңтүстік Қазақстан мемлекеттік фармацевтикалық академиясы және Гдан медициналық университеті (Польша), Қарағанды мемлекеттік медициналық университеті және Лунд университеті (Швеция), Семей қаласының мемлекеттік медицина университеті және Сент-Луис университеті (АҚШ), Астана медицина университеті және Ла Сапиенца университеттерінің (Италия) стратегиялық әріптестіктің 2016 жылға жұмысын қорытындылады. 2017-2018 жылдарға арналған ЖОО-ның стратегиялық серіктестіктерінің мақсаттарымен міндеттері, сонымен қатар Қазақстандағы медициналық білімді реформалаудың негізгі кезеңдері  талқыланды.

0
0
423

«Тәуелсіздік жолында» атты облыстық ақындар айтысы өтті

Ақсу қаласы жастар бастамаларын дамыту орталығының ұйымдастыруымен өткен айтыс ел Тәуелсіздігінің 25 жылдығына, Тұңғыш Президент күніне және Ақсу қаласының 55 жылдығына арналды. Сөз аламанына Павлодар облысы Жастар бастамаларын дамыту орталығының жанынан ашылған «Алдаспан» ақындар клубынан сегіз ақын қатысып, төрт ақын финалға өтті. Олар – Абзал Қабдраш пен Алтынбек Мақсатхан және Нұрбек Бәкір мен Мизам Жұмаәлі.

Қазылар алқасының шешімі бойынша бірінші орынды Pavlodarnews.kz ақпараттық агенттігінің бұрынғы тілшісі Абзал Қабдраш жеңіп алса, екінші орын ПМПИ-дің студенті Алтынбек Мақсатханға бұйырды. Ал, №12 орта мектептің оқушысы Нұрбек Бәкір үшінші орынды қанағат тұтты.

- Айтыс шымылдығын Абзал Қабдраш пен Мәрес Байрон ашты. Олар сахнаға бірінші болып шықса да, сөзден тосылып қалған жоқ. Берілген тақырыпты ойдағыдай ашып, көрерменге рухани күш сыйлай алды. Екінші жұптасқан жас таланттар Нұрбек Бәкір мен Архат Әлібектің айтысы да қызықты өрбіді. Олар мектеп оқушысы болса да, өздерінің ерекшеліктерін, сөз тапқырлықтарын сахнада көрсете білді. Жалпы, айтыстың деңгейі жақсы болды, - дейді Павлодар облыстық жастар бастамаларын дамыту орталығының ақпараттық техникалық бөлім инспекторы Замира Солтанова.

Pavlodarnews.kz тілшісіТілеуберді Сахаба

 
0
0
1504

Сайрауық барқан

Қазақстанның Оңтүстік‑Шығысы — бүкіл әлем туристері үшін ең әдемі және кеңінен танымал өңірлердің бірі болып табылады. ҚазГео өз жазылушыларымен еліміз бойынша үздік саяхат бағдарларды таңдап, оған жетіп бару жолдары туралы ақпараттармен бөліседі. Бүгін біз сайрауық барқан жайлы айтып бермекпіз.

поющий бархан

Ерекше барқанның пайда болу себептеріне сайрауық құмдарды жатқызуға болады. Аңыз бойынша, жергілікті тұрғындардың ойынша, барқан астында Шайтан ұйықтап жатыр және оны оятайын дегенде ол күрсінеді дейді.  Тағы бір пікір бойынша бұл сол жерде орналасқан Шыңғысханның және оның сарбаздарының моласымен байланысты. Құмдардан шыққан дыбыстарды ұлы ерлік туралы баяндап жатқан қолбасшының әңгімелеріне теңейді.

Сайрауық барқан әлемнің жеті жаңа ғажаптарының тізіміне енгізілген. Физик В. Арабаджидің ғылыми түсіндіруі бойынша, құм қиыршықтарының бір‑бірімен үйкелісіп жылжудың себебінен дыбыс пайда болады. Дыбыстың үндестілігі шиқылдан гүрсілге дейін өзгешеленеді. Сонымен бірге, барқан құрғақ ауа‑райы кезінде ғана дыбыс шығарады.

Саяхатқа дайындалу қажеттілігіне лайықты назар аударуды ҚазГео ескертеді. Өздеріңізбен бірге жеткілікті мөлшерде су мен азық-түлікті салып алыңыздар. Егер Алтынемелдің басқа да көрікті жерлерін көрем деп жоспарласаңыздар, онда сол аймақтың тағы 500 шақырымын жүріп өту қажет. Жанармай қоры кем дегенде 700 шақырымдық жүріске жететіндей болу керек. Соның өзінде паркті аралауға бир күннен артық уақыттарыңыз кетеді. Өздеріңізбен бірге шатырларды, түнемел қаптар мен жылы киімдерді алып шығыңыздар.

Жету жолдары:

1. Алматы қаласынан Қапшағай жоларнасымен солтүстік бағытта Талдықорған қаласына қарай жүріп отырамыз.
2. Шеңгелді ауылынан өткен соң, Архарлы асуымен көтерілеміз. Сарыөзек қаласына қарай жүре береміз.
3. Сарыөзектің алдында айналма жүрістің түйіскен жері болады. Сонда Жаркент жаққа жүретін жолды таңдаймыз. Айтпақшы, айналманың алдында Жанармай бекеті бар. Біздің жолымыздағы бұл соңғы бекет болғандықтан, толтырып құйып алыңыздар.
4. Алматыдан 217 шақырымда орналасқан Алтын — Емел асуына дейін барамыз.
5. Асудан түскен соң, 10 км жүргеннен кейін, оң жағымыздан Басши ауылы және Алтынемел бағы деген сілтеуіші бар жолды көреміз (Алматыдан 239 шақырым).
6. Сосын сілтеуіштерге қарап шамамен 2 шақырым жолды Алтынемел бағының әкімшілігіне дейін жүріп өтеміз.

0
0
2204

Мәжіліс депутаттары 2017-2019 жылдарға арналған республикалық бюджет туралы заң жобасына енгізілетін түзетулерді мақұлдады

ҚР Парламентінің Мәжілісі «2017-2019 жылдарға арналған республикалық бюджет туралы» заң жобасына ҚР Парламентінің Сенаты енгізген түзетулермен келісті.

«2017-2019 жылдарға арналған республикалық бюджет туралы» заң жобасы ағымдағы жылғы 17 қарашада ҚР Парламенті Сенатының пленарлық отырысында қаралды. Сенат 27 түзету енгізді, оның ішінде бір түзету Алматының бюджеттік алым көлемінің азаюына орай бюджеттің кіріс бөлігінің 1,8 млрд теңгеге азаюына қатысты, 13 түзету Үкіметтің резерв қаражатын қысқарту есебінен 26 млрд теңге жалпы сомасына 2017 жылға арналған республикалық бюджеттің кіріс бөлігін қайта бөлуге қатысты», - деді депутат Омархан Өксікбаев төменгі палатаның пленарлық отырысында.

Ол 13 түзету бөлінген қаражатты бюджеттік бағдарламалардың әкімшілері арасында қайта бөлумен, сондай-ақ заң жобасының мәтіндік бөлігіне енгізілетін өзгерістермен және толықтырулармен байланысты болғандықтан, 2017-2019 жылдарға арналған республикалық бюджеттің жалпы көлеміне әсер етпейтінін атап өтті.

«Осылайша, Сенатта осы заң жобасын қарау барысында 2017 жылға 26 млрд теңге сомасында қаражат қайта бөлінді. Бұл қаражат сумен жабдықтау және газбен жабдықтау нысандарын салу, жергілікті маңызы бар автомобиль жолдарын күрделі жөндеу, жаңа тұрғын үйлердің құрылысы үшін инфрақұрылым өткізу сияқты тағы басқа басым міндеттерді шешуге қайта бағытталды», - деп қосты О. Өксікбаев.

Мәжіліс депутаттары ҚР Парламенті Сенатының осы заң жобасына енгізген өзгерістерімен және толықтыруларымен бірауыздан келісті.

«Қарсы барлау қызметі туралы» Қазақстан Республикасы Заңының жобасы ҚР Қауіпсіздік Кеңесінің 2016 жылғы 10 маусымдағы отырыс хаттамасын орындау үшін әзірленді.

Жобада қарсы барлау қызметінің қағидаттары мен міндеттері, Қазақстан Республикасы Президентінің осы саладағы өкілеттіктері, қарсы барлау қызметін жүзеге асыратын органдардың тізбесі, олардың құқықтары мен міндеттері, сондай-ақ пайдаланылған негізгі түсініктер айқындалған.

«Бүгін біз бірқатар елдердегі тұрақсыздық пен дауларға, халықаралық терроризмге, алып державалар арасындағы сенімнің төмендеуіне байланысты көптеген сыртқы факторлардың ықпалын бастап кешіріп отырмыз. Осыған орай, қарсы барлау органдарына сыртқы қауіп-қатерлерді уақтылы анықтау және олардың алдын алу жөніндегі міндеттерді шешуге тура келеді. Осы заң жобасы қарсы барлау қызметін құқықтық реттеуді одан әрі жетілдіруге бағытталады», - деді ҚР Ұлттық қауіпсіздік комитеті төрағасының орынбасары Марат Қалқабаев заң жобасын таныстыру кезінде.

Сондай-ақ, қарсы барлау қызметінің материалдарын пайдалану, оларды сақтау және жою тәртібі, халықаралық ынтымақтастық, қарсы барлау қызметін ақпараттық қамтамасыз ету және құжаттандыру мәселелері анықталды.

Ақпарат көзі: strategy2050.kz

0
0
694

Н.Назарбаев АӨК дамыту мәселелері жөнінде кеңес өткізді

Елбасы Нұрсұлтан Назарбаев Қазақстанның әлеуметтік-экономикалық даму мәселелері жөнінде кеңес өткізді, деп хабарлайды Ақорданың баспасөз қызметі.

Кеңеске Премьер-Министр Б.Сағынтаев, Президент Әкімшілігінің басшысы Ә.Жақсыбеков, Ұлттық банк төрағасы Д.Ақышев, Премьер-Министрдің бірінші орынбасары А.Мамин, Премьер-Министрдің орынбасары – Ауыл шаруашылығы министрі А.Мырзахметов, Премьер-Министрдің орынбасары И.Тасмағамбетов, Президенттің көмекшісі Ә.Смайылов, Денсаулық сақтау және әлеуметтік даму министрі Т.Дүйсенова, Қаржы министрі Б.Сұлтанов, Ұлттық экономика министрі Қ.Бишімбаев қатысты.

Іс-шара барысында маңызды бағдарламалық құжаттарға қатысты негізгі ұстанымдар қарастырылды.

Мемлекет басшысы жиналғандарға арнаған сөзінде биылғы қыркүйекте Үкіметтің кеңейтілген отырысында тиісті тапсырмалар берілгенін айтты.

Нұрсұлтан Назарбаев аграрлық сала мәселелері жан-жақты қарастыруды талап ететінін атап өтті. Өнім көлемін ұлғайту, өнімділікті арттыру, ауыл шаруашылығы өндірісін әртараптандыру, азық-түлік импортын азайту, өңделген өнім экспортын көбейту және ауыл шаруашылығы кооперациясын жетілдіру агроөнеркәсіп кешенін дамыту жөніндегі мемлекеттік бағдарламаның басымдығы бар бағыттары болып саналады.

"Біздің өңдеуші кәсіпорындарымыз 30-40% жүктемемен жұмыс жүргізуде. Олардың жұмысының толық қуаттылығына жетуін қамтамасыз ету үшін шикізат керек, оның жеткізілетін мөлшерін арттыру үшін ауыл шаруашылығы кооперациясын дамыту қажет", – деді Қазақстан Президенті.

Сондай-ақ, Елбасы өзін-өзі жұмыспен тиімсіз қамтып отырғандардың үлесі едәуір екенін атап өтті.

"Халықтың бұл санаты өзін-өзі жұмыспен тиімді түрде қамту үшін жүйелі шаралар қабылдау қажет. Жұмыссыздарды бос жұмыс орындары бар жерлерге тарту керек. Өңірлердегі азаматтар жұмыспен қамту бағдарламалары және бос орындар туралы білуге тиіс", – деді Мемлекет басшысы.

Сонымен бірге, Нұрсұлтан Назарбаев ауыл жастарын қайта даярлау және ауылдағы жұмыспен қамтылу деңгейін арттырудың маңыздылығына тоқталды.

Кеңес аясында Премьер-Министрдің орынбасары – Ауыл шаруашылығы министрі А.Мырзахметов, Денсаулық сақтау және әлеуметтік даму министрі Т.Дүйсенова және Ұлттық экономика министрі Қ.Бишімбаев баяндама жасады.

Кеңес қорытындысы бойынша Нұрсұлтан Назарбаев әзірленіп жатқан бағдарламалық құжаттардың тұжырымдық ұстанымдарын мақұлдап, барлық мәселені мүдделі тараптармен өзара келісіп, мұқият қарастыруды тапсырды.

Ақпарат көзі: strategy2050.kz

0
0
617

Алматыда халықтың әлеуметтік тұрғыдан әлсіз тобын қаржылық қолдауға 6,2 млрд теңге бағытталған

Алматыда жергілікті бюджетті үнемдеу есебінен халықтың әлеуметтік тұрғыдан әлсіз тобына қаржылық қолдау көрсетіледі, бұл жөнінде «Нұр Отан» партиясы Алматы қалалық филиалының ХIX есеп беру-сайлау конференциясы барысында Алматы әкімі Бауыржан Байбек айтты.

Ол өзінің сөзінде қала бюджетін оңтайландыру арқасында дәрігерлерге, мұғалімдерге, тәрбиешілерге, әлеуметтік сала қызметкерлеріне, халықтың әлеуметтік тұрғыдан әлсіз тобына сыйақы беру үшін қаржы бөлінгенін жеткізді. Алматыда 2016 жылы жергілікті бюджеттен 123 млрд. теңге үнемделген,яғни жолайрықтарын, құрылыс обьектілері мен Универсиаданы оңтайландыру барысында 60 млрд. теңге, МЖС аясындағы әлеуметтік обьектілер құрылыстары мен бизнестің әлеуметтік жауапкершілігі есебінен 56,5 млрд. теңге, мемлекеттік сатып алу есебінен 6,5 млрд. теңге.

Мемлекет басшысының тікелей тапсырмасы бойынша Қазақстан Республикасы Тәуелсіздігінің 25 жылдығына орай жергілікті бюджет есебінен Алматы қаласының әлеуметтік және бюджеттік сала қызметкерлері бір жалақы көлемінде, ал халықтың әлеуметтік тұрғыдан әлсіз тобындағы әр адамға 50 мың теңге көлемінде сыйақы беріледі.

«Өздеріңіз білесіздер, Мемлекет басшысы Н.Ә. Назарбаев қазақстандықтардың тұрмыстық жағдайын төмендетпеуді, жұмыс орындарын құруды және сақтауды, халықтың табысын ынталандыруды тапсырды. Елбасының бұл міндеттері қалада ойдағыдай жүзеге асуда. Мысалы, жыл басынан бері қарай мемлекеттік және әлеуметтік сала қызметкерлерінің жалақылары 30%-ға артты. Сонымен қатар, халықтың әлеуметтік әлсіз тобы үшін жергілікті бюджет есебінен жолақы тегін және мектеп оқушылары, студенттер, зейнеткерлер мен көп балалы аналар үшін жол жүру билеттері қалпына келтірілді. Көп балалы және жас отбасыларға қолдау көрсету мақсатында мемлекеттік бала бақшалардағы 2-5 жас аралығындағы балдырғандар үшін қаржы бөлінді.142 бала бақшалар, жеке коттедждер мен өзге нысандарда 5 мың орынды шағын орталықтар ашылды», - деді Б.Байбек.

Жалпы, сыйақы алатындар саны - 114,3 мың адам, қаржы көлемі – 6,2 млрд.теңге. Отбасының өзге де мүшелерін ескере отырып, сыйақы беруге 340 мың алматылық қамтылған: 1,2 топтағы 23,4 мың мүгедектерге берілетін сыйақы көлемі – 1,2 млрд.теңге; 4 мыңдай көпбалалы аналарға – 199,3 млн.теңге; мүгедек баланы тәрбиелеп отырған 4,9 мың отбасыларға – 243,7 млн.теңге; ҰОС кезінде аянбай еңбек еткен, ордендер және медальдармен мараптталған 19,2 мың адамға – 957,6 млн.теңге.

Қала басшысы мегаполис экономикасында оң динамика қалыптасқанын айтты. 2016 жылдың 9 айы ішінде Алматының ЖӨӨ 2,8%-ға көбейіп, бірінші жартыжылдықпен салыстырғанда 0,7%-ға артты. Жыл қорытындысы бойынша экономика 2%-ға өседі деп күтілуде. Қалада салық түсімі де біршама артып, 35,3 млрд. теңгеге немесе 114%-ға жетті (өткен жылдың осы кезеңімен салыстырғанда), бұған жеке ұйымдарда еңбек ақы қорының ұлғаюы арқасында (бірінші жартыжылдықта ғана – 92 млрд. теңге) қол жетті. Салықтың 80%-ын ЖТС және әлеуметтік салық құрайды.

Ақпарат көзі: strategy2050.kz

0
0
702