Мазмұнға өту

Жаңа

Мәжіліс медициналық сақтандыруды енгізу мерзімін ауыстыру туралы заң жобасын қабылдады

ҚР Парламенті Мәжілісінің депутаттары пленарлық отырыс барысында «ҚР кейбір заңнамалық актілеріне міндетті әлеуметтік медициналық сақтандыру мәселелері бойынша өзгерістер мен толықтырулар енгізу туралы» заң жобасын екінші оқылымда мақұлдады.

Заң жобасы Әлеуметтік медициналық сақтандыру қорына төленетін аударымдар мен жарналарды төлеу мерзімін өзгертуді, осыған байланысты міндетті әлеуметтік медициналық сақтандыру жүйесінің барлық процестерінің іске қосылу мерзімін өзгертуді қарастырады.

«ҚР заң жобасы 2016 жылғы 9 қарашада Парламент Мәжілісінің пленарлық отырысында мақұлданды. Заң жобасын екінші оқылымға дайындау барысында комитет ҚР Бюджет кодексінің 53-бабы 1-тармағының 5-ші тармақшасына өзгеріс енгізуді ұсынды. Түзетулер ҚР Үкіметіне қорытынды алу үшін жолданды», – деді депутат Зәуреш Аманжолова.

Осылайша, мемлекеттің қорға аударатын жарнасының мерзімін 2017 жылғы 1 шілдеден 2018 жылдың 1 қаңтарына ауыстыру ұсынылып отыр.

Азаматтық-құқықтық сипаттағы шарттар бойынша табыс алатын жұмыс берушілердің, жеке кәсіпкерлердің, жеке нотариустардың, жеке сот орындаушыларының, адвокаттардың, кәсіби медиаторлардың, жеке тұлғалардың Қорға төлейтін аударымдары мен жарналарының мерзімін 2017 жылғы 1 қаңтардан 2017 жылғы 1 шілдеге ауыстыру жоспарлануда.

МӘМС жүйесінде медициналық көмек көрсету үшін Қордан төленетін ақы 2018 жылғы 1 қаңтардан басталады. Сондай-ақ, МӘМС жүйесіндегі жеке тұлғалардың «Міндетті әлеуметтік медициналық сақтандыру туралы» ҚР Заңының 5,6, және 7 баптарында қарастырылған медициналық көмек алу мен денсаулық сақтау ұйымын таңдау құқықтары 2018 жылғы 1 қаңтардан бастап жүзеге асырыла бастайды.

Сонымен қатар, аталған заң жобасында «Білім туралы» ҚР Заңына интернат санатына жатпайтын орта білім беру ұйымдарындағы оқушыларға медициналық қызмет көрсетуді білім беру жүйесінен денсаулық сақтау, яғни, емханаларға беру бөлігінде өзгерістер мен толықтырулар енгізу қарастырылады.

Еске сала кетейік, 2015 жылғы 16 қарашада ҚР Президенті «Міндетті әлеуметтік медициналық сақтандыру туралы» ҚР Заңына қол қойған болатын.

Ақпарат көзі: strategy2050.kz

0
0
523

Қ.Тоқаев және А.Гутерриш БҰҰ-ның келешегін талқылады

Сенат Төрағасы Қасым-Жомарт Тоқаев Біріккен Ұлттар Ұймының жаңадан сайланған Бас хатшысы Антониу Гутерришпен кездесті.

Қ.Тоқаев португал саясаткерін БҰҰ басшысы лауазымына сайлануымен құттықтады және тәжірибелі дипломат, саясаткер әрі басқарушы ретінде оның Ұйымға қосымша серпін беретініне сенім білдірді, - деп хабарлады Сенаттың баспасөз қызметі.

Сенат Төрағасы А.Гутерриштің штаб-пәтері Женевада орналасқан БҰҰ Босқындар жөніндегі Жоғарғы комиссары лауазымындағы тиімді қызметін атап өтті.

Қ.Тоқаевтың пікірінше, А.Гутерриш босқындар саны адам айтқысыз (60 миллионға дейін) ұлғаюына әкеліп соққан халықаралық дағдарыстар мен қақтығыстардың барлық қатеріне табысты түрде қарсы тұрды.

Қ.Тоқаев Қазақстан дипломатиясы БҰҰ Қауіпсіздік кеңесінің тұрақты емес мүшесінің күрделі миссиясын абыроймен атқарады деп сенеді. БҰҰ Қауіпсіздік Кеңесіндегі біздің еліміздің қызметі бейбітшілікті қамтамасыз ету, орнықты даму және адам құқықтарын қорғау жолындағы осы жаһандық ұйымның әлеуетін нығайтуға ықпал етеді.

«Қазақстан террормен күрес, қақтығыстарды реттеу, орнықты дамуды қамтамсыз ету және қазіргі замандағы көптеген мәселелерді БҰҰ жүйесінің үйлесімді жұмысын және барлық мүше мемлекеттердің бірлескен күш-жігерін талап етеді. Сондықтан біздің еліміз БҰҰ-ның жаңа Бас Хатшысы А.Гутерриштің қызметін қолдайтын болады», - делінген хабарламада.

Бас Хатшысы лауазымына кірісер қарсаңында А.Гутерриш БҰҰ Қауіпсіздік Кеңесіне тұрақты мүше бес елдің астаналарына және Астанаға сапарлап отыр. «Қазақстан БҰҰ Қауіпсіздік Кеңесінің тағы бір жай тұрақты емес мүшесі болып қана қоймайтыны анық. Сіздің еліңіздің бітістірушілдік пен диалог орнатуда үлкен дәстүрі бар. Қазақстан халықаралық аренада ынтымақ көпірін орнатуда маңызды рөл атқарады. Бүгінде әлемдегі ірі елдерде, сондай-ақ, аймақтық державалар арасында бірі-біріне өзара сенімсіздік басым болып тұрған кезде, бұл Біріккен Ұлттар Ұйымы үшін ерекше мәнге ие», - деп атап өтті А.Гутерриш.

Жаңа сайланған Біріккен Ұлттар Ұйымының Бас хатшысының айтуынша, Қазақстан халықаралық шиеленісті азайтуда және қажетті шешімдерге қол жеткізуде көмектесе алады. А.Гутерриш Қазақстан мен Біріккен Ұлттар Ұйымының бірлескен іс-қимылының негізгі бағыттары қарусыздану, лаңкестікке қарсы күрес, діндер арасындағы диалог, экономикалық даму, тағы басқа да мәселелер болуы тиіс деп санайды.

Сондықтан, Астанаға сапары аясында, жаңа Бас хатшы Қазақстанмен ынтымақтастықтың жұмыс алаңын құруға ниетті.

Ақпарат көзі: strategy2050.kz

0
0
455

Қазақстанда 2 357,6 млрд теңге жария етілді – ҚР ҚМ

Қазақстанның мемлекеттік кірістер органдары 2 357,6 млрд теңге сомасына ақша жария етті, деп хабарлады ҚР Қаржы министрлігі.

Ағымдағы күнге барлығы 3 806,1 млрд тенге сомасында 132 031  өтініш (декларациялар) түсті, оның ішінде жария етілгені  3 430,6 млрд. тенге.

Мүліктерді жария ету жөніндегі  ҚР аумағында мүлікті жария ету бойынша жергілікті атқарушы органдардың жанындағы комиссияға жалпы сомасы  1 372,6 млрд тг құрайтын жылжымайтын мүлікті жария етуі үшін 124 310 өтініш (декларациялар) түсті, соның ішінде сомасы 1 013,4 млрд. теңгеге 102 489 тұрғын үй объекті, сомасы 312,3 млрд теңгеге 55 086 тұрғын үй емес объект. Бұдан бөлек, 11  464 млрд теңгеге 209,2 коммерциялық объект, сомасы 20,3 млрд теңгеге заңды тұлғалардың 108 қатысу үлесі, сомасы 26,7 млрд теңгеге бағалы қағаздар келіп түсті. 118 764 объект, бағалы қағаздар және ақша сомасы  1 062,0 млрд теңгеге жария етілді.

Мүліктерді жария ету бойынша салық органдарына ҚР аумағынан тысқары, сомасы 11,8 млрд теңге құрайтын 275 тұрғын үй объектісін жария ету бойынша  өтініш (декларация) келіп түсті, оның ішінде  сомасы 8 497,4 млн тг құрайтын 240 тұрғын үй объекті, сомасы 64,2 млн. тг құрайтын  15 тұрғын үй емес объекті, оның ішінде 45,8 млн тг құрайтын 7 коммерциялық обьекті, сомасы  275,0 млн тг құрайтын, 27 заңды тұлғалардың  қатысу үлесі, 2 928,4 млн. тг сомасында бағалы қағаздар, сомасы 11,0 млрд теңгеге 254 объект  және бағалы қағаздар жария етілді.

ҚР ҰБ есеп деректері бойынша жалпы сомасы 2 566,1 млрд теңге ақшаны жария етуге 6 810 жинақ шот ашылды, (оның ішінде шетелден аударылған 345,9 млрд теңге) (соның ішінде ішінде шоттан шешілгені  2 518,3 млрд теңге).

Сонымен қатар, мемлекеттік кірістер органына шот ашпау арқылы ақшаны жария ету бойынша 7 544,6 млн. теңге көлемінде 96 декларация түсті.

Қаржы министрлігінде атап өткендей, «Мүлікті жария ету үшін алым» 206110  коды бойынша бюджетке іс жүзінде 5,1 млрд теңге түсті, оның 3,1 млрд теңге қайтарылған ескі Заң ережесі бойынша мерзімнен бұрын түсірілген жария етілген ақша.

Ақпарат көзі: strategy2050.kz

0
0
445

Алматы-1-Шу екінші жолының бірінші өткізу кешені құрылысы аяқталып келеді – ҚТЖ

Алматы-1-Шу учаскесінде екінші жолдың бірінші өткізу кешенінің құрылысы аяқталып келеді, деді «ҚТЖ» ҰК» АҚ филиалы- «Темір жол желілері құрылысы дирекциясының» басқарма бастығы Рүстем Молдағұлов «Қазақстан темір жолы» ҰК» АҚ жетекшісі Қанат Алпысбаевтың төрағалығымен өткен Алматы-1- Шу екінші темір жол желісі құрылысы барысымен танысу қорытындылары бойынша кеңес барысында.

21 қарашада «Қазақстан темір жолы» ҰК» АҚ жетекшісі Қанат Алпысбаев Алматы-1- Шу екінші темір жол желісі құрылысы барысымен танысты.
Қ. Алпысбаев бірінші өткізу кешені нысандарын аралаған соң, Отар станциясында кеңес өткізіп, «Нұрлы жол» бағдарламасына кіретін жобаның маңызына тоқталды.
«ҚТЖ» ҰК» АҚ филиалы- «Темір жол желілері құрылысы дирекциясының» басқарма бастығы Рүстем Молдағұлов барлық жоспарланған жұмыстардың толғымен аяқталғанын хабарлады. Оның айтуынша, топырақ қабаты төселген, жасанды имараттар-көпірлер, су өткізу құбырлары тұрғызылған. Рельс торкөздері төселген. Бірінші өткізу кешенінің электрмен қамту, белгі беру және байланыс құрылғылары орнатылған. Мұнда тұңғыш рет отандық өнім Ақтөбе рельс арқауы зауытының рельстері төселді.

Қ. Алпысбаев өз кезегінде құрылысшыларға бірінші өткізу кешені нысандарын белгіленген кестеден қалдырмай орындауды тапсырды. Соңғы шақырымдары аяқталып қалған бірінші өткізу кешенінің ұзындығы 52 шақырым болады.
Алматы-1-Шу екінші темір жол желісі іске қосылған кезде өткізу мүмкіндігі 3,2 есеге артады. Тәулігіне 68 жұп пойызды өткізуге болады. Жүк пойыздарының жылдамдығы екі есеге дейін өседі.

«Қазақстан темір жолы» ҰК» АҚ көп салалы қызмет көрсету орталығын ашты. «Қазақстан темір жолы» ҰК» АҚ ғимаратында «Көп салалы қызмет көрсету орталығының» (КСҚКО) салтанатты ашылуы өтті.

«Қазақстан темір жолы» ҰК» АҚ ақпараты бойынша, КСҚКО негізгі мақсаты – бухгалтерлік, салықтық және кадр қызметін ықпалдастыра отырып оны тиімді, жедел жүргізуді көздейді. Ол арқылы ұйымдастыру шараларына кететін шығындарды оңтайландырып, есепшілік және HR- менеджерінің бизнестік іскерлік шешім қабылдауын қолдайды.

«Мұндай орталықтың ашылуы негізінен Компанияның шығынын азайтудан туындады. Бухгалтерлік тіркеу, құқықтық және кадрлық қызмет көрсетуге қыруар уақыт кететін болса, енді бір орталықтан орындалу мерзімін де үнемдеуге болады», - деді «ҚТЖ» ҰК» АҚ қаржы жөніндегі вице-президенті Мақсат Қабашев.

Белгіленген бағыттар бойынша сараптамалық жұмыстар жасалып, КСҚКО тұжырымдамасы түзіліп, Астананы қосқанда, Магистральдық желі орналасқан 12 өңірде аймақтық орталықтар ашылмақ.

Аталмыш жоба «Самұрық-Қазына» ҰӘҚ» АҚ-ның басқарудың жаңа жетілген түрін өндіріске енгізудің стратегиясы негізінде жүзеге асырылады. Осылайша, «ҚТЖ» ҰК» АҚ Бизнесті трансформациялау бағдарламасы жобасын жүзеге асырудың алғашқы нәтижесі шығарылды.

Атап өтерлігі, ҚТЖ осы қадамы арқылы компаниядағы бизнесті трансформациялау бағдарламасын кешенді түрде ықпалдасқан бизнес шешімдермен жүзеге асырады.

Ақпарат көзі: strategy2050.kz

0
0
612

Ақтөбе облысы ЕАЭО елдеріне 274 млн долларға тауар экспорттады

2016 жылғы қаңтар-қыркүйекте Ақтөбе облысынан ЕАЭО елдеріне 274 млн долларға тауар экспорттады, деп хабарлады өңірдің статистика департаменті.

«2016 жылғы қаңтар-қыркүйекте  Ақтөбе облысының ЕАЭО елдерімен өзара саудасы 601,6 млн АҚШ  долларын құрады, оның ішінде экспорт – 274 млн АҚШ  долларын, импорт 327,6 млн АҚШ  долларын құрады», - делінген хабарламада.

Ақтөбе облысы экспортының құрылымында басым бөлігін пайдалы қазбалар алады, олардың экспорттың жалпы көлеміндегі үлес салмағы 91% құраса, мал шаруашылығы мен өсімдік шаруашылығы өнімдері, дайын азық-түлік тауарлары 2% құрады.

Ресей Федерациясы мен Беларусь Республикасынан, негізінен, мал шаруашылығы мен өсімдік шаруашылығы өнімдері, дайын азық-түлік тауарлары ЕАЭО елдерінен келетін импорттың жалпы көлемінен 18% құрайды, пайдалы қазбалар және одан жасалған бұйымдар (шыны және одан жасалған бұйымдарды қоса алғанда) - 15%, химиялық өнеркәсіп өнімдері 26% әкелінеді.

Сонымен қатар, Ақтөбе облысы аудан орталықтарының 715 мың тұрғыны газбен қамтамасыз етілді. Ақтөбе облысында барлық аудан орталықтары газдандырылды және ұзындығы 316,8 шм құрайтын тағы 12 жоба іске асырылады, деп хабарлады облыс әкімдігі. Мемлекет басшысының тапсырмаларын орындау шеңберінде Ақтөбе облысында халықтың әл-ауқатын жақсарту, атап айтқанда, елді мекендерді газдандыру бойынша шаралар қабылданып жатыр. Қазіргі уақытта облыс әкімдігі «ҚазТрансГаз» АҚ-мен жасаған меморандумның арқасында өңірде барлық аудан орталықтары газдандырылды, 715 мың тұрғын көгілдір отынмен қамтамасыз етілді.

Меморандумға сәйкес, құны 14,3 млрд теңгені құрайтын 12 жоба іске асырылады.

Халықтың 92%-ы газбен қамтамасыз етілді. Осы инвестициялық жобаны іске асыруға компания 6 млрд теңгеден астам қаражат бөлді. Тапсырылған объектілер 6 мыңнан астам аудан тұрғындарын, 1300 жеке тұрғын үйді және 59 коммуналдық-тұрмыстық және әлеуметтік нысанды үздіксіз газбен қамтамасыз етуге мүмкіндік береді.

Ақпарат көзі: strategy2050.kz

0
0
500

Ұлыбританияның инвесторлары Қызылорда облысында қара тақтатас өңдеуге 125 млн доллар салмақ

Қызылорда облысының әкімі Қырымбек Көшербаев Лондонда сауда-экономикалық, ғылыми-техникалық, мәдени ынтымақтастық жөніндегі Қазақстан-Британ үкіметаралық комиссиясының отырысына қатысты.

Комиссия отырысында Қызылорда облысындағы «Баласауысқандық» кен орнында  «Қара тақтатасты автоклавты қайта өңдеу» инвестициялық жобасын жүзеге асыру жөніндегі келісімге қол қойылды.

Нәтижесінде жобаның ІІ және ІІІ кезеңдерін 125 млн. АҚШ доллары көлемінде инвестормен қаржыландыру туралы шешім қабылданды.

Аталмыш жобаны іске асыру үшін Қазақстан Республикасының қолданыстағы заңы аясында, Қазақстан Республикасының заңнамасында бекітілген талаптарға сай келгенде инвестициялық преференциялар беру мүмкіндіктері қарастырылады.

Қазіргі уақытта құрылтайшысы «Ferro-Alloy Resources Limited» компаниясы болып табылатын «Фирма Балауса» ЖШС Шиелі ауданындағы Баласауысқандық кен орнында құрамында ваннадий бар кварцтарды өндіру және қайта өңдеу бойынша жұмыстар жүргізуде.

Бүгінде кәсіпорын құрылысында 150 адам жұмыс істейді. Ал зауыт пайдалануға берілген кезде 650 адам жұмыспен қамтылатын болады.

Өндіріске отандық ғалымдардың посткеңестік кеңістікте  ғана емес, алыс шетелдерде де жоғары бағаланған жаңа зерттемелері  енгізілді. Бұл жаңа технология бойынша 13 патент алынды.

Қазақстандық аммоний метаванадаты, «қызыл сүзінді», феррованадийдің алғашқы тонналары алынды. Аммоний метаванадатының алғашқы партиясы АҚШ, Тайвань және Ресейге жіберілді.

Үкіметаралық комиссия отырысы аясында ЕҚДБ Президенті Сума Чакрабартимен Қызылорда қаласының жылумен жабдықтау жүйесін қайта жаңғырту және құрылысын қаржыландыру, Қызылорда облысының электрмен жабдықтау жүйелерін қайта жаңғырту мәселелері бойынша келіссөздер жүргізілді.

Сондай-ақ осы күні IPC компаниясы басшылығымен қуаттылығы 50 және 30 мВт екі газ турбиналық станцияның құрылысы мәселелері бойынша кездесу өтті.

Келіссөздер нәтижесінде IPC жобаны 100 пайыз қаржыландыруға және жобаны қысқа мерзімде  жүзеге асыруға дайын екендіктерін жеткізді.

Ақпарат көзі: strategy2050.kz

0
0
427

Қазақстанның инвестициялар тарту саласындағы тәжірибесі ЭЫДҰ елдерінің ерекше қызығушылығын туғызды

Қазақстанның инвестициялар тарту саласындағы тәжірибесі ЭЫДҰ елдерінің ерекше қызығушылығын туғызды, бұл жөнінде Ұйымның Бас хатшысының төрағалығымен Париждегі штаб-пәтерде өткен Экономикалық ынтымақтастық және даму ұйымының (ЭЫДҰ) Еуразия аптасы барысында белгілі болды.

Бұл жыл сайынғы іс-шараның мақсаты – әлемдік қоғамның назарын еуразиялық континенттің жаһандық маңыздылығына аударту және Еуразия елдерінің ЭЫДҰ мемлекеттерімен нәтижелі ынтымақтастығы үшін жағдайлар жасау. Жыл сайын осы алаң негізгі елдердің жоғары өкілдерін бір үстелдің басына жинайды. Биылғы жылы ЭЫДҰ Еуразия аптасына Польшаның Премьер-Министрінің орынбасары – Мәдениет және ұлттық мұра министрі П. Глинский, Қырғызстанның вице Премьер-Министрі О. Панкратов, Украина, Чехия, Монғолия және басқа елдердің министрлері қатысты.

Қазақстан Еуразия апталарына 2012 жылдан бері белсенді қатысып келеді. Биылғы жылы қазақстандық делегацияны сыртқы істер министрі Ерлан Ыдырысов басқарды. Оның құрамына ұлттық экономика; инвестициялар және даму; энергетика; денсаулық сақтау және әлеуметтік даму министрліктерінің; «Бәйтерек» холдингінің, «Астана-ЭКСПО 2017» компаниясының, Астана халықаралық қаржы орталығының және қазақстандық даму институттарының басшылары кірді.

Еуразия аптасының ашылу рәсімінде Қазақстанның Премьер-Министрі Б. Сағынтаев қатысушыларға бейнеүндеу жолдады. Үкімет басшысы ЭЫДҰ-мен өзара іс-қимылды дамытудың маңыздылығын атап өтті.

Министр Ерлан Ыдырысов ашылу рәсімінде және министрлік сессиясында сөз сөйлей отырып, еуразиялық кеңістіктегі орталық қатысушылардың бірі ретінде біздің еліміздің даму бағыттарын толық айтып берді.

Пікірталас барысында біздің еліміздің инвестициялар тарту және экономиканы әртараптандыру саласындағы тәжірибесі ерекше қызығушылық туғызды.

Еуразия аптасының ашылу рәсімінде сөз сөйлей отырып, ЭЫДҰ басшысы Қазақстанның Ұйыммен өзара іс-қимылдың барлық бағыттары бойынша едәуір нәтижелерге қол жеткізгенін атап өтті.

ЭЫДҰ Еуразия аптасы өз жұмысын 24 қарашаға дейін жалғастырады. Қазақстандық делегацияның мүшелері бизнес форумға және әр түрлі тақырыптық сессияларға қатысады.

Ақпарат көзі: strategy2050.kz

0
0
538

Қарағанды облысының ЕАЭО елдерімен тауар айналымы 963,5 млн долларды құрады

Қарағанды облысының Еуразиялық экономикалық одақ елдерімен (ЕАЭО) өзара сауда көлемі 963,5 млн АҚШ долларын құрады, деп хабарлады облыстың статистика департаменті.

2016 жылғы қаңтар-қыркүйекте Қарағанды облысының Еуразиялық экономикалық одағы елдерімен (ЕАЭО) өзара сауда көлемі 963,5 млн. АҚШ долларын құрады, оның ішінде экспорт – 499,4 млн. АҚШ доллар, импорт – 464,1 млн. АҚШ доллары.

Ресей Федерациясымен өзара сауда көлемі 894,1 млн. АҚШ доллар (өзара сауда көлемінің 92,8%-ы) сомасында қалыптасты, Қырғызстан Республикасымен – 45 млн. АҚШ доллар (4,7%), Беларусь Республикасымен – 24,1 млн. АҚШ доллар (2,5%), Армения Республикасымен – 312 мың АҚШ доллар (0,03%).

Еуразиялық экономикалық одақ елдеріне экспорттың жалпы көлемінде 89,6% – Ресей Федерациясына, 8,8% – Қырғызстан Республикасына, 1,6% Беларусь Республикасына келеді.

«Экспорт құрылымында айтарлықтай үлесті – 64,2% тегіс илек құрады. Тас көмір, шымтезек, шекемтас және тас көмірден алынған қатты отынның ұқсас түрлері – 10%-ды, мырыш кендерi мен қойыртпалары 6%-ды құрады», - делінген хабарламада.

Ресей Федерациясынан импорт Еуразиялық экономикалық одақ елдерінен импорттың жалпы көлемінен 96,3%-ды, Беларусь Республикасынан – 3,4%-ды, Қырғызстан Республикасынан – 0,2%-ды, Армения Республикасынан импорт 0,1%-ды құрады.

Еуразиялық экономикалық одақ елдерінен облысқа кең ауқымды тауарлар әкелінеді. Ағымдағы жылғы қаңтар-қыркүйекте импорт құрылымында қара металдан жасалған бұйымдар басым болды, ол әкелінген тауарлардың жалпы көлемінен 6,5%-ды құрады, тегіс илек – 6%, пластмассалар және олардан жасалған бұйымдар – 5,7%.

Ал Петропавл қаласының өнеркәсіптік кәсіпорындары 98,5 млрд теңгеге өнім өндірген. Облыстағы өнеркәсіп өндірісінің жалпы көлемінде қала үлесі 2016 жылғы қаңтар-қазанда 66,3% құрады.

Петропавл қаласының өнеркәсіп кәсіпорындарымен 2016  жылғы қаңтар-қазанда 98,5 млрд. теңгенің өнімі өндірілді (шағын кәсіпорындар, қосалқы өндіріс, үй шаруашылықтары секторын қоса).

Салалық құрылым келесідей қалыптасты: өңдеу өнеркәсібі – 64,5 %, электрмен жабдықтау, газ, бу беру және ауа баптау – 32,8%, сумен жабдықтау; кәріз жүйесі, қалдықтардың жиналуын, таратылуын бақылау – 2,7%.

Өңдеу өнеркәсібінде азық-түлік өнімдерін өндіруге 58,1% келеді (2015 жылы – 63,6%). Осы сала көлемінің 2015 жылғы қаңтар-қазанға қарағанда 7,8% өсуіне бидайдің ұсақ тартылған ұнның 51,6%, ұзақ сақталатын кондитерлік бұйымдардың – 6,7, сүт өнімдердің – 5,7, жаңа піскен нанның – 2,2% шығарылуын ұлғайту ықпалын тигізді.

Өңдеу өнеркәсібінде өсу азық-түлік өнімдерінен басқа  спиртті сусындарын өндіруде 3,6 есе, дайын тоқыма бұымдарды – 2,3 есе, лактарды –73,6%, пластмассадан жасалған есік пен терезеделерді-13, сэндвич-панелдерді – 9% байқалды.

Ақпарат көзі: strategy2050.kz

0
0
512

«Сыбайлас жемқорлыққа қарсы мониторинг және сыбайлас жемқорлық тәуекелдеріне талдау жүргізу мәселелері»

2016 жылдың 22 қарашада «Азаматтарға арналған үкімет» мемлекеттік корпорациясы» КЕ АҚ Батыс Қазақстан облысы бойынша филиалы – «Халыққа қызмет көрсету орталығы» департаменті қызметкерлерінің қатысуымен «Сыбайлас жемқорлыққа қарсы мониторинг және сыбайлас жемқорлық тәуекелдеріне талдау жүргізу мәселелері» тақырыбында семинар-кеңес оздырылды.

Семинар-кеңесте Қазақстан Республикасының мемлекеттік қызмет істері және сыбайлас жемқорлыққа қарсы іс-қимыл Агенттігінің Батыс Қазақстан облысы бойынша Департаментінің сыбайлас жемқорлық профилактикасы басқармасының өкілдері халыққа қызмет көрсету орталығының қызметкерлеріне еліміздегі сыбайлас жемқорлықтың алдын алудағы жұмыстармен таныстырып, сыбайлас жемқорлық тәуекелдеріне қалай талдау жүргізу жөнінде кеңінен түсіндірді.

Шара барысында бейнеролик көрсетіліп, сауалнама жүргізілді.

 
0
0
555

Режиссер Найобе Томпсонның (Канада) қатысуымен «Адамзаттың Ұлы саяхаты» фильмнің көрсетілімі өтеді

Адамзаттың Ұлы саяхаты

Алғаш рет қазақ тілінде! Алғаш рет Қазақстанда! "Адамзаттың Ұлы саяхаты" атты фильмі арқылы, 130 минут ішінде  әр адамды толғандыратын  ежелгі сұрақтарға қазақ тілінде жауап бермекпіз:


«Бір кездері ғаламшарымызда өмір сүрген адамзаттың басқа түрлері сияқты, хомосапиенс те қырылып қалатын еді. Құрып кетейін деген біз, қалай ғана аман қалдық? Тіл мен өнер қалай пайда болды? "адам ақыл-парасатының бесігі" деп ғалымдар нені айтады?»


Ғылыми-көпшілік деректі фильмнің билеттері Esentai Mall Kinopark холлында кино көрсетілім алдында әр адамға тегін беріледі. Орындар саны шектеулі! Ертерек келулеріңізді сұраймыз!


Өткізілетін жері: Esentai Mall – Kinopark (Алматы). Найобе Томпсонмен кездесу: қарашаның 28, 16:30. Кинокөрсетілім: карашаның 28, 18:00.

 


1
0
525