Қазақстан Телеарнасы

Бүгін Елбасы сондай-ақ Экономикалық қылмысқа және сыбайлас жемқорлыққа қарсы күрес агенттігінің төрағасы Рашид Түсіпбековті қабылдады. Түсіпбеков жемқорлық пен «көлеңкелі» экономикаға қарсы іс-қимылдар бойынша қаржы полициясы органдарының қызметі туралы баяндады. Жемқорлықпен және экономикалық қылмыспен күрес - қаржы полициясы органының алдына қойылған негізгі міндет. Мемлекеттік бағдарламаларды іске асыруға бөлінген қаражатты бақылауды күшейту керек. «Сондай-ақ, шағын және орта кәсіпкерлік субъектілерінің құқығын қорғап, жемқорлық пен «көлеңкелі» экономикаға қарсы күресті жалғастыру қажет» деді Елбасы. Нұрсұлтан Назарбаев, ҚР Президенті:8 мың тексерілген қылмыстың 5 мың жарымы - экономика, бизнес. Бұл нені айтады? Коррупцияны, шенеуніктердің, мемлекеттік қызметкерлердің арасындағы алуды,…

Биліктің барлық құрылымы Жолдауды іске асыру жөніндегі алда тұрған жұмысқа жұмыла кірісуі тиіс. Бүгін Премьер-министр Кәрім Мәсімовті қабылдаған мемлекет басшысы Нұрсұлтан Назарбаев осылай деді.

Үкімет өз жоспарын әзірлеп, әрекет етуі қажет. Барлық іс-шараларды қаржыландыру көздерін табу керек. Әкімдер еліміздің алдында тұрған жаңа міндеттерді халыққа түсіндірулері тиіс.

«Сосын жұмыстың қорытындысы бойынша Үкіметтің кеңейтілген отырысын өткізу қажет» деді Елбасы. Премьер-министр өз кезегінде Президентке келесі аптадан бастап «Үкіметтің әрбір отырысы Жолдауда көрсетілген жалпыұлттық іс-шаралар жоспарын орындауға арналады. Сіздің Үкімет отырысында айтқан барлық сын-ескертулеріңіз түзетіледі» деді Мәсімов.

Ақпанның адуынды аязы күшіне мініп тұр. Сүйектен өтетін суық кей облыстарда 40 градусқа жеткен. Сол себепті сегіз облыста күре жолдар жабылды. Қостанайда қаларалық қатынас шектелді. Сынап бағанасы бұл аймақта 40 градусқа жеткен. Температураның тым төмендігінен техникалар істен шығып, қоғамдық көлік қозғалысы қиындады. Білім ошақтарында сабақтар толығымен тоқтатылған. Аймақтағы төтенше жағдай қызметі қосымша кезекші топтар құрып жатыр. Өйткені ауа райын болжаушылар аяз күші келер аптаға дейін сақталатындығын айтып отыр. Айнұр Юсупова, Қостанай облыстық ауа райын болжау орталығының қызметкері: Осы күндері ауа температурасы түнде 33-38 градусқа дейін, кейбір жерлерде 40 градусқа дейін жетеді. Күндіз 25-30 градус. Демалыс күндерде ауаның температурасы жоғарылайды. Түнде 20-25, кейбір жерлерде…

Неге бөгдеге пұл беріп, қымбат көлік сатып ала береміз. Отандық вагон құрастыру шаруасын да қолға алатын уақыт жетті. Ол үшін өндірісті өңірлерде вагон құрастыратын зауыттарды іске қосу қажет. Кем дегенде 3 зауыт салынса, өз жыртығымызды өзіміз жамауға шама жетеді. Бүгін Көлік және коммуникация министрлігінің алқа мәжілісіне қатысқан Премьер-министрдің бірінші орынбасары Серік Ахметов осылай деді. Өзімен бірге еліміздің байланыс қызметін қоса ала барған Көлік және коммуникация министрлігінің жаңа басшысы жаңа бастамаларын тізіп шықты бүгін. Алқа мәжілісіне Премьер-министрдің бірінші орынбасары Серік Ахметов қатысты. Министр Асқар Жұмағалиев ең алдымен көліктік бақылау қызметінде әкімшілік кедергілерді жою мен жемқорлықты тыю үшін автокөлік құралдарын өлшеуді автоматтандырылған жүйеге көші…

Елбасы жарлығымен жарияланған Жаңаөзен қаласындағы төтенше жағдай 47-ші күн дегенде алынып тасталды. Шет жақтан келген әскерилер мен полицейлер елдеріне қайтып жатыр. Қаладағы қоғамдық қауіпсіздікті Ішкі істер басқармасының жеке құрамы бақылап жүр. Мемлекет басшысы Нұрсұлтан Назарбаев биылғы халыққа Жолдауында бұл шағын шаһардағы төтенше жағдайды ары қарай создырмау туралы шешім қабылдаған болатын. Президенттің шешіміне жергілікті халық қолдау көрсетіп жатыр. Расында қазір қаладағы қалыпты арнасына түсті. Жаңаөзенде құрылыс қарқын алып, коммуналды қызмет барынша жұмыс істеуде. Жергілікті әкімшілік ғимаратының сырты жөндеуден өтті. Президент Нұрсұлтан Назарбаевтың биылғы халыққа Жолдауын Жаңаөзен қаласының тұрғындары қолдайды. Себебі, Елбасы алға қойған мақсаттардың бірі - өңірлерді дамыту…

Шығыс Қазақстан облысында талайдың қорасын қаңыратып, екі мыңнан аса малды құрбан қылған аусыл ауруы Қытайдан шықты.

Зерттеу жұмыстарының қорытындылары бойынша осы өңірдің Үржар ауданында таралған індет Қытай елінің шекаралас аудандарынан келіпті. Бүгінгі күні Қытай Халық Республикасының ветеринариялық қызметіне төрт түлікке аса қауіп тудыратын аусыл жөнінде нақты ақпарат беру туралы хат жіберілді.

Бұл туралы Ауыл шаруашылығы министрлігі ветеринариялық бақылау және қадағалау комитетінің төрағасы Нығмет Жақыпбаев апталық брифингте мәлімдеді. Жұқпа ауру жабайы хайуандар және адамдар арқылы таралды деген болжам бар.

Бұқараның бағдарын айқындаған - 10 бағыт. Ел Президенті белгілеген даму жоспары әсіресе, халықты жұмыспен қамту мәселесі көпшіліктің көңілін жадыратты. «Қазақстандықтар үшін қолжетімді тұрғын үй бағдарламасы да баршаның ойынан шықты» дейді маңғыстаулық ардагерлер. Имамәди Айналиев, Маңғыстау облысы бойынша кәсіподақтар кеңесінің төрағасы: Менің көңілімге қонғаны әсіресе, Маңғыстау өлкесінің, Ақтаудың атын атап кетті. Ол мынадай мәселеде: жаңағы оралмандардың, жастардың осы жерде шоғырланған жері - Ақтау қаласы боп есептелінеді. Елбасы мұны атап өтті. Жолдауда атқарушы билікке жүктелген тағы бір міндет - қатерлі ісік ауруларын азайтып, өлім-жітімді шектеу. Қазір Маңғыстауда осы дертпен күрес шаралары қолға алынған. 100 төсектік облыстық онкология диспансерінің құрылысы биыл аяқталады деген…

Ұлттық спорттың «Жекпе-жек» түрінен Азия және Әлем чемпионатына аттанатын Қазақстан құрамасының спортшылары іріктелді. Еліміздің әр аймағынан жиналған 100-ден астам жекпе-жек шеберлері, Алатау баурайында 9 салмақ дәрежесі бойынша сынға түсіп, өзара мықтыны анықтады. Басты мақсат – Азия және Еуропа кубогі сайыстарында ел намысын қорғайтын спортшыларды іріктеу болғаннан кейін, жігіттер де бар өнерлерін ортаға салды. Әсіресе, жеңіл салмақтағы бәсекелер тартысты болды. 55 кг салмақ дәрежесінде Бақтияр Қуановтың қарқынына ешкім төтеп бере алмаса, 60 келіде Камиль Ишимов мықтылығын мойындатты. 65 пен 75 кг бойынша Бағлан Сәрекенов пен Хункир Османов чемпион атанған. Өскемендік Айбек Саметаевтың да мерейі үстемі болды. Жүлдеге ілінген спортшылар Қазақстан құрама командасының сапына алынды. Білек…

28 қаңтарда сағат 17.00-де Президенттік Мәдениет орталығында Қазақстан Республикасы Мәдениет және ақпарат министрлігінің ұйымдастыруымен Қазақстанның Халық артисі, «Отан», «Халықтар достығы», «Құрмет белгісі» ордендерінің иегері Зәмзәгүл Нүсіпбайқызы Шәріпованың 80 жасқа толуына арналған «Қазақ театрының Қарагөзі» атты шығармашылық кеш өтті. Зәмзәгүл Нүсіпбайқызы Қазақтың М.Әуезов атындағы мемлекеттік академиялық драма театрында жарты ғасырдан астам уақыт қызмет етіп, ұлттық драматургия мен дүниежүзілік классикадан сан қырлы 100-ден аса бейне сомдады. З.Шәріпова жасаған сан қилы сахналық бейнелердің ішінде ерекше тұлғаланғаны М.Әуезовтің «Қарагөз» трагедиясындағы Қарагөз бейнесі. Бұл бейне актриса шығармашылығының ең жарқын кезеңі болды. Оның талантының лирика-драмалық қырын мейлінше ашты…

Солтүстік қазақстандықтар да Елбасының биылғы Жолдауын асыға күтті.  Теріскейлік диқандар өткен жылы қамбаға 9 миллион тоннаға жуық астық құйған болатын. Мемлекет басшының нұсқаған биылғы бағыты да шаруаларды жаңа істерге жігерлендіріп отыр. Шағын қалаларда, елді- мекендерде   тұратын жұрт   әсіресе, бірсалалы қалаларды дамыту жөнінде жаңа жоспар жасалатынына қуанып отыр.

Бұрынғы кездерде болған осындай кішігірім қалаларда өңдеу кәсіпорындары болса, өз өнімімізді жақын жерге апарып, сол жерден дайын тауар ретінде шығарсақ, оны шетелге де шығаруға болады. Ал кішігірім қалаларды көтеру - Президентіміздің Жолдауында айтылған өте бір керекті нәрсе деп ойлаймын.