Қазақстан Телеарнасы

Құлақ естігенді - көз көреді. Қостанай облысының Көктерек ауылында арқасында «Аллаһ» деген жазуы бар қозы туды. Мал иесі мен жергілікті дін қызметкерлері бұған нық сенімді. Алайда, облыстық мешіттегілер бұл жай ғана ала қозылардың бірі дейді. Яғни, оның арқасындағы белгілер «Аллаһ» деген жазуға мүлде ұқсамайды. Дәурен Нуркин Көктеректегі төрт түлікпен күнелтіп отырған тұрғындардың бірі. Мал төлінен өсетіні мәлім. Иесіне әкелер табысы да сол. Сондықтан, қаңтар айында көк саулығы қоздағанда Дәурен қойының саны көбейгеніне қуанған да қойған. Кейін ауылдағы қариялардың бірі қошақанның арқасындағы белгі жай ғана алабажақ емес, «Аллаһ» деген жазу екенін айтады. Дәурен Нуркин, Көктерек ауылының тұрғыны: Сол кісі айтты мешітке апар деп. Сосын, имамға звондадым. Ол кісі өзі келіп көріп, суретке тү…

Өзіне тиесілі пәтерге қолы жетпей, әркімнің босағасында жүрген қызылордалық жетім қыздың тауқыметі жайлы Ұлттық арнадан бір емес, бұған дейін бірнеше рет айтқан едік. Қоғамдық пікір туғызған бұл мәселені түпкілікті шешу үшін облыстық Сот актілерін орындау департаменті жергілікті сотқа ұсыныспен шықты. Осылай деп департаменттің бөлім бастығы Нұрғали Құттыбаев бүгін біздің тілшілерімізге арнайы сұхбат берді. Естеріңізде болар, Гүлмира Алмағамбетованы өз пәтерінен заңсыз айырғандардың іс-әрекеті сотта қаралып, мәселе бұрынғы пәтер иесінің пайдасына шешілген еді. Бірақ пәтерді иесіне қайтарып алып беру үшін сот орындаушылары қайтадан сот шешіміне жүгінуге мәжбүр болып отыр. Нұрғали Құттыбаев, Қызылорда облыстық сот актілерін орындау департаментінің бөлім бастығы: Ондай соттың шешімі жоқ бізде…

Бүгін Алматы қаласының әкімі қала тұрғындарымен кездесіп, өткен жылдың есебін берді. Алып қаланың 2011 жылы жеткен жетістіктері баршылық. Халықаралық деңгейдегі дүбірлі жарыстарды абыроймен атқарып, әлем жұртшылығы алдында еліміздің туристік әлеуетін көтерді. Өнеркәсібі 14 пайызға өсіп, салық түсімдері 25 пайызға көбейген. Әрі осы жыл Алматыда «Мәдениет жылы» деп жарияланды. Осыған орай шаһарда жаңа мәдени нысандар салынып, ескі ғимараттардың көбі қайта жаңғыртылады. Сондай-ақ, қаланың шеткері аудандарындағы инфрақұрылымға қомақты қаржы бөлініп, шағын аудандар абаттандырылады. Қала тұрғыны: Біздің білгіміз келгені, Шаңырақ ықшам ауданындағы Алпамыс, Қаратау, Қобыланды, көшелерінде ауызсу құбыры және кәріз жүйесінің қашан тартылатынын білгіміз келеді. Ахметжан Есімов, Алматы қаласының әкім…

Кентаулықтар ғана емес, көкшеліктер де ақырған ақпанда қалтырап отыр. Облыс орталығындағы көпқабатты үйдің тұрғындары қыстың көзі қырауда пәтерлерінің мұздап кеткенін айтып шағымдануда. «Мәселе тұрғын үйді модернизациялау жұмысы сапасыз жүргізілгендігінде» дейді көкшетаулықтар. Дина Иназарова - екі баланың анасы. Нәрестелері балабақшаға барады. Екі жылдан бері осы үйде тұрып жатқан жас отбасы биыл қыста қатты қиналып отыр. Арқадағы сары аяз жығылғанға жұдырық болғандай. Бірінші қабаттағы пәтердің қабырғаларына мұз құрсауланып, бұрыш-бұрышын қырау басқан. Дина Иназарова, Көкшетау қаласының тұрғыны: Аяз қалай көтерілді, пәтеріміз солай суытты. Қазір үйдің іші ызғар. Балалар киімдерін шешпейді. Жаңа жылға дейін жылы болды, тіпті әйнектерді ашып қойған кездеріміз де бар, ал қазір неге екенін…

Бірнеше күн бойына сарышұнақ аяз бен қаһарлы суықтың құрсауында қалған біздің Кентау қаласына бүгін кешкісін жылу беріле бастады. «ЖылуЭнергоОрталығындағы» істен шыққан бес қазандықтың үшеуі қайта қосылды. Қазір мамандар тағы да апат бола қалған жағдайда пайдалану үшін қосалқы бір қазандықты іске қосып жатыр. Жылу жүйелерін жөндеу, қалпына келтіру жұмыстарымен 8 авариялық-техникалық топ айналысуда. Оның құрамында 48 маман мен 13 дәнекерлеуші бар. Сондай-ақ бесінші «ЖылуЭнергоОрталықтағы» жеткілікті отын қоры да жасақталды. 60 тонна мазут, 15 тонна қысқы дизель отыны жеткізілді. Кенеттен қажет болып қалған жағдайға 14,5 тонна көмір де түсіріліп қойды. Қаладағы төтенше жағдайға байланысты құрылған арнайы штаб өз жұмысын тоқтатқан жоқ. Тәулік бойына кезекшілік ұйымдастырылған. Сондай-ақ бүгі…

Бүгінде сапасыз өнімге тап болып, сан соғып қалатындар жетерлік. Алайда көп жағдайда тұтынушы өз құқын даулап, кінәліні іздеп жатпайды. Болған жайды жылы жаба салуды жеңіл көреді. Содан да болар, дүкен сөрелерінде талапқа сай келмейтін өнім азаймай тұр. Өткен жылы Семейде техникалық реттеу және метрология бөлімі тексерген тұтыну тауарларының 80 пайызы талап үддесінен шықпаған. Сараптамаға ілікпей саудаланып кеткені қаншама. Сондықтан мамандар күмәнді өнімдердің жолын кесу үшін жұртшылықты жұмыла күресуге шақыруда. Сапасыз зат алып, артынан саусағын тістеп қалғандардың бірі - семейлік зейнеткер Альбина Чумачек. Қаладағы дүкендердің бірінен сатып алған төсек-орын жабдығы сапасыз болып шыққан. Альбина Чумачек, қала тұрғыны: Жақында төсек-орын жабдығын сатып алған едім, 15 күн өтпей жатып-ақ…

Бұл Кентау қаласындағы түске дейінгі жағдай. Түс ауа шаһардағы бірқатар нысандарға жылу беріле бастады. Қазір 6 денсаулық сақтау нысаны, 11 мектеп, 11 балабақша автономды жылу беру жүйесіне қосылды. Облыстық әкімдік жылыту жүйелерін бақылау және тұрғындардың талаптарын ескеру үшін мемлекеттік ұйымдардың 190 қызметшісін жұмылдырды. Қазір жылу электор орталығында 60 тонна мазут, 15 тонна қысқы дизель отын бар. Қаладағы жылу құбырларын қалпына келтіру жұмыстары үзіліссіз жалғасуда. Жағдай қазір бір қалыпқа түсті. Бұл туралы бүгін ҚР Төтенше жағдайлар министрлігінде өткен брифингте мәлімделді. Любовь Шапошникова, ҚР Төтенше жағдайлар министрлігінің ресми өкілі: Қазіргі кезде 5-інші қазандықтың қоректендіру жүйесін қыздыру жұмысы жүргізіліп жатыр. 7-інші қазандық іске қосылуға дайындалуда. Ал…

Жаңаөзенде қазір жаңа өмір. қаланың бұйығы қалыптан арылғаны қашан. Тұрғындар күнделікті кәсіптеріне кірісіп, тұрмыс жалғасып жатыр. Қазір қаладағы жиырмадан астам мекеме жол полицийлерімен бірігіп апта сайын көшедегі қауіпсіздікті бақылауға шығады. Жол ережесін өрескел бұзып, техникалық қауіпсіздікті сақтамайтын жүк көліктерін тәртіпке салу мақсат болып тұр. Қазір осы шараға дайындық қызу жүріп жатыр.Қай мекеме қай уақытта жұмыс істейтіндігін жол полициясындағылар бекітіп, арнайы кесте әзірледі. Жаңаөзен қаласында жұмыс істейтін мекемелердің денінде жол қауіпсіздік қызметі деген бөлім бар. Мақсаты - мекемеге тиесілі көліктер мен техникалардың жол ережесін бұзбауын және техникалық қауіпсіздіктің сақталуын қадағалау. Жаңаөзен қаласында өндіріс орындары көп болғандықтан сәйкесінше жүк көлік…

Мектеп бітіруші түлектердің білімін бағалайтын кешенді тестілеу күні алыс емес. Осыған орай Білім және ғылым министрлігі өкілдері аймақтарда ұлттық бірыңғай тестілеуді өткізуге орай түсіндіру жұмыстарын жүргізіп жатыр. Жаңа талаптар мен өзгерістерден хабардар ететін осындай басқосу Таразда өтті. Биыл тестілеуді өткізу барысы бірқатар өзгеріске ұшырамақ. Алайда, бұл тек ұйымдастыру шараларына қатысты болып отыр. Тесттің негізгі форматы сол қалпында қалады. Тек бақылау күшейтіледі, тест өтетін орындар бейнебақылау, ұялы байланыс сигналдарын өшіру қоңдырғыларымен жабдықталмақ. Ауылдық, аудандық өткізу орындарында кезекшілер болмайды, тестілеу барысын 1 аудиторияда бір адам, яғни, министрлік өкілі қадағалайтын болады. Және ол тәртіп бұзған оқушыны тесттен шеттетуге, жауап қорытындысын жою тур…