Мазмұнға өту

Жаңа

ШҚО-да медицина қызметкерлерінің спартакиадасы аяқталды

 

ШҚО-да медицина қызметкерлері арасында өткен спартакиадаға өңірдегі медицина мекемелерінің қызметкерлері белсенді қатысты. Спорттық сайыстың қорытындысы белгілі болды, деп хабарлайды BNews.kz тілшісі.

«Саламатты Қазақстан» бағдарламасы аясында және Медицина қызметкері күніне орайластырылып ұйымдастырылған спартакиада үлкен қарбаласпен өтті. Жалпыкомандалық есеп бойынша жүлделі орын иелері анықталды: 1 орын – ШҚО Ана мен бала орталығы, 2 орын – жедел медициналық көмек стансасының өкілдері, 3 орын – Шығыс Қазақстан облыстық онкодиспансер», – деді ШҚО Денсаулық сақтау басқармасы «Шығыс Қазақстан облыстық саламатты өмір салтын қалыптастыру орталығы» МКҚК бөлімінің меңгерушісі Руслан Карпович.

Сонымен қатар, спартакиададағы ойын түрлері бойынша жекелей орындар да берілді.

Үздік сәлемдесу:

1 орын – Жедел медициналық көмек стансасы.

2 орын – ШҚ облыстық аурухана.

3 орын – Өскемен қаласы №1 қалалық аурухана

Жүгіру

Ерлер

1 орын – Нәсілов Амангелді (ШҚО түберкулезге қарсы диспансер)

2 орын – Керімхан Бақдәулет (Жедел медициналық көмек стансасы)

3 орын – Жақыпов Рауан (Ана мен бала орталығы)

Әйелдер

1 орын – Павлицкая Татьяна (ШҚО Қан орталығы)

2 орын – Кваша Алина (Жедел медициналық көмек стансасы)

3 орын – Балабанова Анна (МСЧ-2)

Армрестлинг

Ерлер

1 орын – Блажин Алексей (Өскемен қаласы №2 емхана)

2 орын – Блажин Игорь(ШҚО ауруханасы)

3 орын – Қалымов Ескендір (Жедел медициналық көмек стансасы)

Әйелдер

1 орын – Ақылбекова Индира (ШҚО онкодиспансер)

2 орын – Балабанова Анна (МСЧ-2)

3 орын – Гельблинг Наталья (Өскемен қаласы №1 қалалық аурухана)

Қанат тарту

1 орын – Ана мен бала орталығы

2 орын – Жедел медициналық көмек стансасы

3 орын – ШҚО онкодиспансер

Кір көтеру

70 кг дейін:

1 орын – Әлімжанов Адай (ШҚО наркологиялық диспансер)

2 орын – Сәкеев Әсет (ШҚО онкодиспансер)

3 орын – Рамазанов Бауыржан (Ана мен бала орталығы)

80 кг дейін:

1 орын – Ұсабаев Асқар (ШҚО наркологиялық диспансер)

2 орын – Нәсілов Амангелді (ШҚО түберкулезге қарсы диспансер)

3 орын – Шевченко Сергей (ШҚО онкодиспансер)

80 кг жоғары:

1 орын – Қизатуллин Серік (Ана мен бала орталығы)

2 орын – Фоминых Александр (Жедел медициналық көмек стансасы)

3 орын – Егоров Владимир(Жедел медициналық көмек стансасы)

Мини-футбол

1 орын – Жедел медициналық көмек стансасы

2 орын – Ана мен бала орталығы

3 орын – ШҚО СӨС қалыптастыру орталығы


 
0
0
631

Қазақстан Қорғаныс министрлігінде қазақстан-беларусь әскери-техникалық ынтымақтастығы талқыланды

Қазақстан Қорғаныс министрлігінде Қазақстан мен Беларусь арасындағы әскери-техникалық ынтымақтастық мәселелері талқыланды. Астанада Қазақстан Республикасы Қорғаныс министрінің орынбасары Сергей Громовтың Беларусь Республикасы Мемлекеттік әскери-өнеркәсіп комитетінің төрағасы Сергей Гурулевпен кездесуі өтті.

Кездесуге Қорғаныс министрлігі Әскери-техникалық саясат департаментінің мамандары мен Беларусь қорғаныс-өнеркәсіп кешені кәсіпорындарының басшылары қатысты.
Кездесу барысында екі мемлекет арасындағы әскери-техникалық ынтымақтастық сұрақтары, сондай-ақ Кедендік Одақ пен Евразия экономикалық кеңістігіндегі оның даму қызметінің келешегі талқыланды.
Тараптар ағымдағы жылы қыркүйек айында әскери-техникалық ынтымақтастық жөнінде Астана қаласында өткізуді жоспарлаған қазақстан-белорусь арасындағы сауда-экономикалық ынтымақтастық бойынша Шағын комиссия отырысының күн тәртібін талқылады.
Әңгіме барысында екіжақты байланыстың өзара тиімділігі мен жаңа жобалар бойынша бірлесіп жұмыс істеуге мүмкіндіктердің бар екендігі аталып өтті.
ҚР ҚМ Баспасөз қызметі

0
0
269

Алматыда «Астана» командасының қатысуымен веложарыс өтті

 

«Астана» командасының велоспорт жұлдыздары Алматыда өткен жарысқа қатысты, деп хабарлайды BNews.kz қала әкімінің баспасөз қызметіне сілтеме жасап.

Дәстүрлі веложүріске салауатты өмір салтын ұстанған қала тұрғындарымен қатар Алматы әкімі Ахметжан Есімов, «Джиро д’Италия-2013» көпкүндігінің жеңімпазы – «Астана» капитаны Винченцо Нибали, Олимпиада чемпионы Александр Винокуров пен клуб велошабандоздары: Андрей Зейц, Дмитрий Груздев, Валерио Аньоли, Паоло Тиралонго және Алессандро Ванотти қатысты.

А.Есімов көпкүндікте жоғары жетістіктерге қол жеткізген «Астана» командасын құттықтай келе, велошабандоздар мен жаттықтырушыларға алғыс айтып, қазақстандық спортшылар бұдан кейін де халықаралық ареналарда еліміздің беделін арттыра түседі деген сенімін жеткізді.

«Велоспорт – спорттың командалық түрі. Сондықтан Винченцо Нибалидің жеңісі – тұтас команданың жеңісі. «Астана» велоклубы – Қазақстанның брендтерінің бірі. Біздің спортшылардың жетістіктері елімізді әлемге таныта түседі. Алматылықтардың атынан мен сіздерге болашақта да жарқын жеңістер тілеймін», — деді әкім.

Ахметжан Есімов «Астана» командасына естелік сыйлықтар тапсырды. Клуб капитаны Винченцо Нибали Алматы әкімінің арнайы сыйлығына ие болды.

Веложүрістің жеңімпаздары мен белсенді қатысушылары да жүлделер мен сыйлықтармен марапатталды. 2,5 жастағы Марк Акулов ең жас велошабандоз атанды.

Ұйымдастырушылардың айтуынша, веложүріске екі мыңға тарта адам қатысқан.


 
0
0
576

Қазақтың бағына біткен Байсейітов

 

Өміріме оң өзгеріс әкелген 1998 жылды ұмытпаймын. Өйткені, Швецияда өткен әлем чемпионатында кубалық қарсыласымды алып ұрып, 76 келіде чемпион атандым. Қазағымның көк байрағын желбіретіп, Әнұранын шырқатқан сол сәт мәңгі есімде. Ол – менің ең бақытты кезім.

Олимпиада бағдарламасына енген күрес түрлерінің тарихына зер салсақ, қазақ балуандары арасынан небәры бес әлем чемпионы шыққанын білеміз.

Олар – Қажымұқан Мұңайтпасов, Шәміл Серіков, Жақсылық Үшкемпіров, Дәулет Тұрлыханов және Бақтияр Байсейітов. Бүгінгі әңгімеміз осы Бақтияр жайында болмақ.

Бақтияр Бағашарұлы Байсейітов

КСРО Халықтары спартакиадасының күміс жүлдегері (Запорожье, 1991);

Грек-рим күресінен Азия чемпионатының қола жүлдегері (Хиросима, 1993; Гуанчжоу, 1996)

Әлем чемпионатының күміс жүлдегері (Прага, 1995);

Азия ойындарының (Бангкок, 1998) чемпионы;

Азия және Тынық мұхиты елдері чемпионатының жеңімпазы (Бангкок, 1997);

Грек-рим күресінен әлем  чемпионы (Евле, 1998);

Азия чемпионатының жеңімпазы (Филиппин, 1995; Сеул, 2000)

КСРО-ның спорт шебері (1989)

ҚР Еңбек сіңірген спорт шебері (1995).

Жыл спортшысы (1998)

ҚР Тәуелсіздігінің 10 жылдығы құрметіне орай ҚР Президентінің құрмет грамотасымен (2001) марапатталған. «Дарын» жас­тар сыйлығыныңлауреаты (1999).

2010 жылдан бері грек-рим ҚР Ұлттық құрама командасының аға жаттықтырушысы.

Бақтияр 1971 жылы 29 қыркүйекте Алматы облысы, Жамбыл ауданы Фабричный кентінде дүниеге келген. Әкесі Бағашар Байсейітов ауыл шаруашылығы институтында білім алған. Кезінде Қарасай ауданының Қайнар деген ауылында инженер-механик болып қызмет атқарыпты. Анасы Людмила Яковлевна Талдықорған облысы, Көксу ауданы, Мұқыры ауылының тумасы.

Сол уақытта «Қарғалы» шұға комбинатына жас мамандарды жұмысқа ала бастайды. Жас мамандармен қатар  Бақтиярдың анасы да 1963 жылы осы комбинатқа тігінші болып жұмысқа орналасқан. Оларға арнайы жатақхана беріліп, сол жерде қызмет жолына кіріседі. Анасы үйінің тұңғышы болатын, одан кейін 5 сіңлісі мен 1 інісі бар-тын. Сол ауылда 1966 жылы кәріс қызы қазақтыңБағашар атты жігітімен қөңіл қосып, шаңырақ көтереді.

Алғашында Бағашардың анасы жалғыз ұлының өзге ұлт өкілінің қызымен шаңырақ көтеруіне үрке қарайды. Дегенмен де, алғашында қазақша білмейтін Людмила Яковлевна енесінің айтуымен тілді де тез меңгеріп, әулеттіңшаңырағын биікке көтеріп, ағайын-туыстың арасындағы сыйластықтың жібек жібін жалғайды. Светлана атты тұңғыштарынан кейін Руслан, Бақтияр аттыұлдары дүниеге келеді.

Бақтияр өзінің ағасы Русланға еліктеп өсті. Мектептегі сабақ үлгерімі жоғары болмаса да, география пәнін қатты қызығушылықпен оқитын. Сонымен қатар, дене шынықтыру сабағында алдына жан салмайтын. «Руслан мен Бақтиярдыңкішкентай кездерінен бастап достары өте көп болатын. Ойнап жүріп, топырлапүйге келеді де,  бәрі бірге тамақтанатын. Одан қалды, үйде өзара күресіп, асыр салатын» деп еске алады анасы – Люда әжей.

Бақтиярдың  спортқа деген ынтасы осылай оянады. Оның алғаш спортқа бет бұрып, спорт мектебіне оқуға келуіне ағасы Руслан себепші болды. Ағасы оқып жүрген мектепке барып, күрес үйірмесіне жазылу Бақтиярдың ізгі арманы еді. Арманын орындау мақсатында әкесімен келісіп, батасын алған Бақтияр 6-ы сыныпта Алматыдағы Қажымұқан Мұңайтпасов атындағы спорт мектебінеқабылданады.  Алайда, күрес үйірмесінде орын қалмаған соң, конькеге жазылуға мәжбүр болады.

Конькишілерді дайындайтын үйірмеде Бақтияр бір жылдай жаттығады. Бірақ, сол кездің өзінде бала Бақтияр интернат бөлмесінде қатарластарымен белдесіп,өзінен үлкендерді алып ұрып жүретін. Күнде таңғы сағат 6-да тұрып, Медеу мұз айдынына барып жаттығатын ол сол уақытта ұйықтап жататын күрес үйірмесініңбалаларына қатты қызыға қарайтын. Себебі, күреске қатысатын балалар таңғы 8-де тұратын еді. Күреске деген қызығушылығы басылмаған Бақтияр арағаәкесін салып,  грек-рим күресі үйірмесіне ауысады.

«Жігітке өнер серік» деп әкем үнемі айтып отыратын. Содан болар, белдесіп,қарсыласымнан әдіс-айланы асыруға талпындым. Өз салмағымда түрлі сайыстырға қатыстым. Тәжірибе жинақтадым, кәсіби шеберлігімді шыңдадым десем де болады», — дейді Бақтияр өз сөзінде.

1993 жылы спорт мектебін аяқтаған соң ол әскери борышын өтеуге аттанады. Одан кейін Қазақ мемлекеттік спорт және туризм академиясына оқуға түседі.

«Өміріме оң өзгеріс әкелген 1998 жылды ұмытпаймын. Өйткені, Швецияда өткенәлем чемпионатында  кубалық қарсыласымды алып ұрып, 76 келіде чемпион атандым. Қазағымның көк байрағын желбіретіп, Әнұранын шырқатқан сол сәт мәңгі есімде. Ол – менің ең бақытты кезім» деп еске алады балуан. «Сол жылы Бангкок қаласындағы жазғы Азия ойындарының жеңімпазы атандым. Соныменқатар, «Дарын» жастар сыйлығын иеленген 1999 жыл да тағдырымның жарқын беттері. Қазір жастарға тәлімгер ретінде ізбасарларымды дайындау үстіндемін», – дейді жеңімпаз жігіт ағасы.

Бақтияр бүгінде Маржан есімді жұбайымен үш бала тәрбиелеп отыр. Тұңғыштары – 1994 жылы туған  Санжар. Алматыда жоғарғы оқу орындарыныңбірінде ағылшын тілі мамандығы бойынша білім алуда. Әке жолын қуып, ол да грек-рим күресімен айналысады. Бүгінде спорт шеберінің нормативтерін орындаған. Жақында Қызылордада өткен Ж.Үшкемпіровтің жүлдесіне арналған грек-рим күресінен республикалық турнирде 84 келі салмақ дәрежесінде бас жүлдені иеленді. Одан кейінгісі 1996 жылы туған – Сәлім. Ол да спорттан алшақемес, бокс үйірмесіне қатысады. Кенжесі Інжу – 9 жаста. Інжу гандбол үйірмесінеқатысады. Ағалары орыс мектебінде оқыса, Інжу тек қазақша сөйлеп, қазақмектебінде білім алып жатыр.

Әкесінің дүниеден озғанына 20 жылға таяу уақыт болса да, қара шаңырақтыңтүтінін түтетіп отырған анасы – Людмила әжей тұратын Қайнар ауылына барып, демалып, таза ауамен тыныстағанды ұнатады екен. Әкесі Бағашар Жылқайдарұлы жүрек ауруынан қырық бес жасында дүниеден озған. Оныңарманы бауыр еті баласы Бақтиярдың чемпион болғанын көру еді. Бірақ, амалқанша. Жазмыштан озмыш жоқ, ол күнге жете алмай кетті. Дегенмен, Бақтиярәке арманын орындады…

Қазіргі таңда Светлана әпкесі мен  Нұрлан жездесі екі бала тәрбиелеп өсіруде. Темірлан атты жиендері Алматы қаласындағы кеден ісі саласында қызмет атқарады. Ал Еркебұлан 3-сынып оқушысы. Олар соңғы екі жылдан бері отбасымен жұмыс бабы бойынша Сауд Арабиясында тұрып жатыр.

Бес жыл бұрын марқұм болып кеткен ағасы Русланның жұбайы Наташа келін де сол ауылда тұрады. «Қашанда қолынан келген көмегін аямай, жанашырлықтанытып, сыйлап жүретін жақсы көретін келінім» деп ағынан жарылды Людмилаәжей. Русланның артында қалған Ескендір атты ұлы бар. Құқық мамандығы бойынша білім алған. Ол да Алматыда қызмет істейді.


 
0
0
1572

Ярослава Шведова WTA рейтингісінде 21-інші сатыдан түсіп қалды

 

Қазақстандық Ярослава Шведова Әйелдер теннисі қауымдастығының (WTA) рейтингісінде 21-інші сатыдан түсіп қалды. Бұл туралы Vesti.kz. жазады.

Францияның ашық чемпионатында («Ролан Гаррос») екінші айналымға жеткен отандасымыз аталмыш бәсекенің қорытындысы бойынша тізімнің 52-інші сатысына жайғасты.

Ал еліміздің тағы бір теннисшісі Юлия Путинцева жеті сатыға көтеріліп, 91-інші орынды иеленді. Галина Воскобоеваның да жағдайы жақсарды. Спортшы тізімнің 123-інші сатысынан 94-ке көтерілді. Айта кеткен жөн, екі қазақстандық теннисші де «Ролан Гарростың» екінші айналымына өте алмады.

Ксения Первак екі саты төмен түсіп, 114-інші орынға тұрақтады. Ал Сесиль Каратанчева бірден 10 сатыға — 129-ға дейін «құлады».


 
0
0
442

«Қазақстан Барысы»

Енді бірер аптадан соң қазақ күресінің жанкүйерлері еліміздің бас барысын анықтайды. 30 маусым күні «Сарыарқа» велотрегінде сайдың тасындай іріктелген 33 жігіт «Қазақстан Барысы» атану үшін кілемге шығады. Биылғы доданың басты қаһармандары кімдер? Үшінші рет ұйымдастырылатын турнирде бұл жолы қандай өзгерістер болуы мүмкін? Бүгін сол сұрақтарға жауап іздеп көрелік.

Қазақ күресінен ұйымдастырылатын «Қазақстан Барысы» турнирі биыл үшінші рет шымылдығын түрді. Бүкілхалықтық сипат алған дода алғаш рет 2011 жылы Астанадағы «Дәулет» спорт кешенінде өткен еді. Тұңғыш рет еліміздің әр аймағынан жиналған 64 балуан еліміздің бас батыры атану үшін барын салды. 9 сағатқа созылған белдесулер нәтижесінде қызылордалық Ұлан Рысқұлдың бағы да, бабы да қатар келген болатын. Финалда тараздық Бейбіт Ыстыбаевты тізе бүктірген Ұлан турнирдің тұңғыш жеңімпазы ретінде тарихта қалды.

2012 жылы турнирдің финалдық сыны «Сарыарқа» велокешенінде дүркіреп өтті. Бұл жолы балуандар саны қысқартылып, финалға 33 балуан жолдама алды. Ал Лондон Олимпиадасына қатысып қайтқан Ержан Шынкеев ешқандай іріктеу сынына қатыспай, ақтық сынға 34-і балуан болып қосылды. Өте тартысты өткен кездесулер нәтижесінде «Тараз арланы» Бейбіт Ыстыбаевтың мерейі үстем болды. Былтыр Ұлан мен Бейбіттің жолы түйіскен жоқ. Бірақ, қатарынан екінші жыл финалға жеткен Ыстыбаев шешуші белдесуде шығыс балуаны Шалқар Жоламановты таза жеңіп, «Қазақстан Барысы» атанды.

Әне-міне дегенше үшінші маусым да басталып кетті. Ақпан айынан бастап іріктеу кезеңдеріне еліміздің бар аймағынан жүз мыңнан аса спортшы қатысқан. Ауыл-аймақ, аудан, облыс көлемінде өткен іріктеу сайыстарында сүрінбеген спортшылардың өнерін енді «Сарыарқа» велотрегінде өтетін финалдық сында таразылаймыз.

Финалда Ақмола облысының намысын қорғайтын Нұрлан Жамалов турнирдің финалына осымен үшінші рет қатысып отыр. Үш мәрте өз облысында қамшы салдырмаған ол бүгінде ішкі істер басқармасында қызмет етеді. Самбодан әлем чемпионатында үздік үштікке ілінген Нұрлан «Екпін» оқырмандарымен өз ойымен бөліскен болатын.

Нұрлан Жамалов, «Қазақстан Барысының» финалына жолдама алған балуан:

- Ең бірінші рет «Қазақстан Барысына» қатысқанымда аз-кем жарақатым болды да, бірінші айналымда-ақ қатардан шығып қалдым. Былтырғы турнирде екі белдесу өткізіп, Руслан Әбдіразақовтан ұпай санымен ұтылдым. Биыл енді үшінші рет бағымды сынап көрмекпін. Әрбір жарыс үлкен тәжірибе сыйлайды емес пе?! Мен де «көре-көре көсем» болып қалдым. Шеберлігімді шыңдадым. Енді биылғы финалда алысқа шапсам деген тілегім бар.

- «Қазақстан Барысында» салмақтың ескерілмегенін білесіз. Аса ауыр
салмақтағылармен белдесу қиын соқпайды ма?

- «Күш атасын танымайды» деген сөз бар ғой. Байқасаңыз, биылғы іріктеу сындарында салмағы жеңіл балуандар алыптардың біраз жығып кетті. Мәселен, қызылордалық Айбек Серікбаевтың салмағы 90 келі ғана. Бірақ ол өзінен салмағы ғана емес, атақ-дәрежесі де үлкен Ұлан Рысқұлды ұтып алды. Мен өзім де салмағы ауырлар қатарынан емеспін. Сондықтан, жеңіл балуандардың бабы мен бағы жанса екен деп ойлап жүремін. Себебі, салмағы ауыр жігіттердің жеңіл салмақтағы балуандарды аздап бағаламай қоятыны бар. Барлығын да кілем көрсетеді.

- Турнирдің жеңімпазына берілетін сыйақы қоры да қомақты. Сізді турнирдің атағы қызықтырады ма, әлде жүлде қорының молдығы...

- Білесіз бе, «Қазақстан Барысы» деген атақты 150 мың АҚШ долларына сатып алу мүмкін емес. Мен үшін ғана емес, финалға шыққан барлық балуанның осылай ойлайтынына сенімім мол! Ұлттық күресімізді ұлықтаған жобаның жеңімпазы болуды қазақ күресімен шұғылданатын кез-келген адам армандайды. Сондықтан, жеңімпаз атанудың ақшасынан бұрын, сыйлайтын абыройы мол.

Сөз соңында финалда белдесетін балуандар ерекшелігіне бір тоқталып өтсек:

Ең салмағы ауыр балуан — Жұманазар Ерсұлтанов (Оңтүстік Қазақстан облысы). Оның салмағы — 160 келі

Ең жеңіл салмақты балуан — Дәулетхан Жақыпов (Жамбыл облысы). Оның салмағы — 81 келі

Ең бойы ұзын балуан — Рүстем Жұмаев (Солтүстік Қазақстан облысы). Рүстемнің бойы — 198 см.

Ең аласа бойлы балуан — Сұңғат Махамбетов (Батыс Қазақстан облысы).

Сұңғаттың бойы — 173 см.

Ең жасы кіші балуан — Мейрамбек Жаңабай (Маңғыстау облысы). 18 жаста.

Турнирдің ең жасы үлкен қатысушысы — Мұрат Кеңтонов (Қостанай облысы). 42 жаста

Финалға жолдама алған спортшылардың ішінде 2 балуан Олимпиада ойындарына қатысқан. Атап айтар болсақ, Ринат Ибрагимов (БҚО) Бейжің және Лондон Олимпиадаларына қатысқан. Сондай-ақ, қарағандылық Ержан Шынкеев те төртжылдық ойындарына табаны тиген спортшы.

Ақырыс Сейітқазы

«Қазақстан Барысы» қазақ күресін дамыту қоры

3
1
3068

Болашақ не болмақ?

Болашақ не болмақ?

Дүниенің бүкіл экономикалық және интеллектуалды қауымдастығы Үнділік экономист Амартия Сенді ұйып тұрып, құлағын түріп қойып тыңдайды. Әлемнің ең озық интеллектуалдарының бірі болып саналатын Амартия Сен сияқты біздің қазақтан неге сондай тұлғалар шықпайды деп ойлайсың. Ойласаң оның себебі бар. Қандай? Бүкіл ғылымның дені Америкадан келеді. Америка біз ойлағандай мешкей ел емес. Ол жақта 2+2 деп санасып, тиынды тиынға соққан орта тұрады. Ал біз ше? Бізден Амартиядай ғалым шықпайды емес, шығады. Шыққанмен ол адам сөз айтса, дүниежүзілік қауымдастық не дейді? "Қарағым, сенің еліңде 7 емес, 200 жұртқа берілмеген байлық бар, бірақ елің болса тоз-тозы шығып, елден ерекше кедейлікте отыр, сен керемет экономист болсаң, алдымен еліңді түзеп ал" - дер еді біздің экономистке. Біздің мырқымбайлар тек мылжыңдасқанды біледі... Қолға күрек алу жоқ, бізде күрек те шықпайды...

Қарап отырсаң, докторларды санамағанда, елімізде 5000-нан аса экономика ғылымдарының кандидаты бар екен... Атын айтпай-ақ қояйын, атағы жер жарған бір боксер да экономика ғылымынын кандидаты...

Солар нені қорғады? Соларды ақтарсақ бола ма? Нені ашып, нені тапты бұлар? Ел неге баяғы жартас бір жартас? Әлем жоқтан бар жасағанда, біз бардан жоқ жасаймыз... Сосын дүниеге қарап тұрып масаттанамыз. Дүние бізге ақымақ болғансып, ептеп бізді жеп жатыр. Ертен Чжен Минь дегендер бастаған фирмалардың дәурі басталады. Елімізде мыңдаған шаруашылық кәсіпорындары ашылып, еліміз бұрын-соңды көрмеген экономикалық дамуды бастан кешеді. Юань теңгені ығыстырады. Премьер-министр Сяолун (мағынасы жылан) деген болады, оның үстінде қуыршақ қазақ президенті болады. Дүние бізді жеп болған соң, біздің бұлшық етімізден басқа түк қалмайды. Содан соң халқымыз өзбек құсап үй салады, жұбайларымыз егін егеді. Бұны істей алмағандар Мәскеуге қайыр сұрап кетеді. Ол күн алыс емес...тек осы күнгі жолымыздан жаңылмасақ болғаны...

P.S. Суреттегі африкандықтарды көріп тұрсыз ба? Африкадағы мынау қытайлық бизнесмен жайында "The Economist" журналынан оқығанмын қателеспесем. Осы бизнесмен африкада бизнес жасайды. Африкандықтар өз жерінде бұған қызмет етеді... Бұндай жағдайдың бізде орын алуын елестетіп көріңізші... 
Мысалы мыналардың орнында қазақтар тұрса...Қандай қорқынышты...

Ержан Алаш

1
0
802

Жапонияда жасалған — Panasonic KX-TPG500 iD Phone настройкама

Кұрметті мырзалар мен ханумдар, а также други и  братия мои, спешу поделиться настройками  аппаратуры прибывшей прямо из страны самураев,  сакуры, саке, сумо, суши и восходящего сонца  (у  этих супостатов все на "с"  начинается)  под  названием  Panasonic KX-TPG500 - чисто IP-  телефон. Но  все  выглядит как старый добрый  Dect-вский Панас.

В данном случае, мне досталась балалайка заточенная под рынок России и Украины. Кроме русского языка и украинской мовы, другие не поддерживаются. Собственно коробки:

Дополнительную слухавку, доставать не стал, ни к чему она мне. Открываем box:

Сверху трубка и батарейки, вытаскиваем, смотрим дальше:

вынимаем все это дело. Два блока питания, трубка, батарейки, ethernet-кабель, Руководство пользователя, основной блок и блок под трубку:

Дизайн трубки японцы мало изменили. Он практически такой-же, как у обычного дектовского телефона, видно чтоб не пугать простого пользователя:

Слева старый Panasonic, которому года как 3-4 уже, справа новый. В новом, чуть больше дисплей, есть разъем для наушников, по центру джойстик вместо кнопки, вот и все отличия. По ширине, высоте и толщине, все один в один практически:

Подключаем все это дело к электричеству. Ethernet-кабель от основной базы к свободному порту на модеме/роутере. Узнаем ip-адрес, тыкаем на джойстик -> Сервис IP -> Настройка сети -> Настройки IP -> видим ip.

Но, по умолчанию, web-интерфейс настроек выключен. Включаем. Опять же, тык на джойстик -> Сервис IP -> Настройка сети -> Встроенный Web -> выбираем Вкл.

Небольшое примечание - после перезагрузки и как мне показалось, после энного промежутка времени, веб-интерфейс отключается.

Ок. Включили. Открыли браузер, в адресной строке указали ip-адрес. Логин - admin,

пароль - adminpass.

Переходим в Voip -> Линия 1, указываем данные как на картинке:

и далее:

Напомню, Линия/порт, логин и пароль доступны в Личном кабинете iD Phone https://cabinet.idphone.kz ->

Адрес Отправляющего прокси-сервера - это Outbound Proxy. Для работы через открытый Интернет - 92.46.61.21. Порт - 5061. Для pvc 0/41, в Алматы он 10.0.0.12, для других городов, список здесь http://idphone.kz/?page_id=1010

Т.е. если вы работаете через pvc 0/41, сначала настраиваете аппарат, а затем переключаете его в соответствующий порт на вашем модеме.

Собственно все. Что еще. Еще можно настроить время, чтобы оно правильно отображалось на трубе. Опять же через меню. Джойстик тыц -> Начальная настройка -> Дата/Время.

Что еще №2. 3-х сторонняя конференция, перевод вызова без консультации и с оной поддерживаются. Все очень просто. Во время вызова, достаточно нажать на волшебный ддджжойстик. Появится вот такое меню:

Т.е. достаточно выбрать, то действие, которое вам нужно, донабрать номер и еще раз нажать кнопку вызова (зеленая кнопка).

Что еще №3. Обновите прошивку. Находится здесь http://panasonic.net/pcc/support/sipphone/download/TGP/ru.html

Скачали на свой РС. Перешли в веб-интерфейсе в Техническое обслуживание -> Локальное обновление внутреннего ПО -> выбрали прошивочный файл -> нажали -> Обновление микропрограммного обеспечения:

Не пугаемся, аппарат перезагружается и веб-интерфейс недоступен. Не забываем его включить.

Panasonik KT-TGP500 прошел суровейшие тесты в лабораториях Казахтелекома,

(http://idphone.kz/acts/Panasonic_KX_TG500B09.pdf) и Broadsoft (http://idphone.kz/docs/BW_Interop_Summary_dec2011.pdf)

Подробное описание всего функционала на сайте производителя: csj.psn-web.net/sipphone_net/download/TGP/manual/RU/TGP500_550_551_AG_Russian_VA.pdf

Спасибо за внимание. Пожалуйста, пользуйтесь.

 
1
1
1565

Иран-Орталық Азия байланыстары

Орталық Азия Иранның сыртқы саясатындағы маңызды векторлардың бірі. Иран аймақ елдерімен қарым-қатынасты жандандырып, аймақтың геосаяси маңызына жете мән беруде. Иранның аймаққа лидер боларлық АҚШ, Ресей, Қытай немесе ЕО сияқты державалық қуаты жоқ, дегенмен Тегеран этникалық және діни жақындықты пайдаланып аймақта белгілі бір дәрежеде болсын өз ықпалының болғанын қалайды. Өйткені Иранның аймақтағы жағымды имиджі оның халықаралық аренадағы беделіне оң сипат береді, әрі өз мүддесін қорғауға көмектеседі.[1] Иран Орталық Азия елдері үшін энергетика тасымалдауға, мұхитқа шығуға мүмкіндік беретін ара ел рөлін атқара алады. Алайда оның Батыс елдерімен арадағы қатынасы қиын болғандықтан бұл территория арқылы логистиканы дамыту Орталық Азия елдерінен үлкен тәуекелділікті талап етеді. Сондықтан кей жағдайларда мұндай жобалардан бас тартып жатады, ал Тегеран болса оларды өз территориясын тасымал ретінде пайдалануға үгіттеуге күш салумен келеді.

Бастапқыда 1990-1991 жылдары Орталық Азия елдері егемендігін, тәуелсіздігін жариялап жатқанда, бұл елдермен діни және этникалық жақындығы бар Иран мен Түркия әлі де болса Мәскеудің ықпалынан қорқып, бұл үдеріске белсене араласып кете қоймады.[2] Тек қана КСРО-ның ыдырап, енді қалпына келмейтініне көзі жеткеннен кейін ғана екі ел де Орталық Азияға қарай ашылды. Діни, этникалық (тәжіктермен), тарихи және мәдени жақындықты пайдаланып Орталық Азия елдерімен тығыз қарым-қатынас орнатуға ұмтылды. Алайда бұл қатынастар олар ойлағандай тереңдей қоймады. Тәуелсіздігін жаңа алған елдердің кейбірі жақын ықпалдастықтан қауіптенсе, екіншілеріне геосаяси жағдай мен Вашингтон мен Мәскеудің қысымын ескеріп қатынастарды тереңдетуден бас тартты. Иранның діни қоғамы мен Орталық Азияның зайырлы қауымы да тез тіл табысып кете алмады.

Орталық Азия елдері ішіндегі Иранмен ең терең байланыс жасап отырған ел әзірге Түркіменстан болып тұр. Оған екі елдің шекаралас болуы үлкен әсер етті. Әрі, Түркіменстан тәуелсіздігін алған алғашқы жылдары осыған дейін басқа Одақтас елдерден әкелінетін тұтыну тауарларының жолы кесіліп, елдің мұқтаждығы артқан болатын. Сол жылдары Иран тонналап ұн мен басқа да тауарлар жіберген еді. [3] Осылай өзара түсіністікпен басталған ықпалдастық кейінгі жылдары да тереңдеп отырды. Иран жағы Түркіменстандағы көптеген жобаларға инвестиция салып, бұл елде қызмет көрсетуші фирмаларының саны артты. Құбыр төсеу, темір жол салу сияқты түрлі ірі құрылыс салаларында Ирандық фирмалардың белсенділігі жоғары. Иран тарапы Түркіменстанмен газ сатып алу туралы да келісім жасасты. Осылайша екіжақты сауда-экономикалық байланыстар кеңейді. Тіпті, Түркіменстанға ықпал ету жағынан Тегеран Мәскеу мен Анкара сияқты басты бәсекелестерін артқа тастады деп те айтуға болады.

Аймақтағы парсы тілдес бір ғана ел Тәжікістан мен Иран арасындағы саяси-дипломатиялық қатынастар жақсы дамыған. Тәжікістанның тәуелсіздігін алғашқылардың бірі болып таныған ел де Иран еді. Содан бері екі елдің арасындағы мәдени байланыстар да артты, парсы тілі мен мәдениетіне қатысты түрлі іс-шаралар көбейді. Иран тарапы тәжік жастарына түрлі гранттар бөліп, өз елінде оқытуға да көңіл бөліп отыр. Алайда екі елдің арасындағы сауда-экономикалық байланыстар салыстырмалы түрде төмендеу. Себебі екі елдің арасы алшақ жатыр, бұл алшақтық үлкен мәселе болмас па еді, егер Ауғанстан болмаса. Яғни, Тәжікістан мен Иранды бөліп жатқан тұрақсыз Ауғанстан екіжақты сауда айналымының артуына үлкен кедергі болып отыр. Сонда да Иран жағы Тәжікістан экономикасына инвестиция салудан алдыңғы қатардағы елдердің арасында келеді. Түрлі ірі жобаларға, әсіресе су электр станциясын салуға қатысты құрылыстарға Иран фирмалары қаржы салып отыр. Егер Ауғанстандағы жағдай тұрақтанса, онда Иран-Тәжікістан арасындағы экономикалық байланыстардың қарқынды дамитыны анық.

Аймақтағы халық саны ең жоғары мемлекет Өзбекстан мен Иран арасындағы қатынастар нашар дамыған. Қандай да бір сыртқы елдермен жақындасуға, одақтасуға қырын қарайтын ресми Ташкент Тегеранмен де терең ықпалдастыққа бармай отыр. Оның бір себебін Өзбекстанның діни қозғалыстар мен ұйымдардың жұмысын қатал бақылап, сыртқы елдерден келетін ағымдарға тосқауыл қоюға тырысуында жатыр. Әғни, Өзбекстан Иранның фундаменталистік режимінің өз еліндегі діншіл халыққа үлгі болуынан қауіптенеді. Екінші бір себебі, Өзбекстанның құрамында саны өте көп тәжік, яғни парсы тілдес этникалық топтарға Иранның ықпалы артуы мүмкін деп күдіктенеді. Тегераннан келген түрлі ұйымдардың, адамдардың тәжіктердің мәдениеті мен ұлтшылдығын көтеруге әсер етуінен қорқады. [4] Дегенмен бір аймақта жатқан елдердің ешқандай барыс-келіссіз жатуы қиын. Сондықтан Иран мен Өзбекстан арасындағы саяси-экономикалық байланыстарды жоқ деп айтуға болмайды. Иран-Өзбекстан арасында құрылыс, ауыл шаруашылығы, энергетика, транспорт пен логистика және фармацевтика салаларында әріптестік дамыған. Дегенмен екі елдің арасындағы экономикалық қатынастар мемлекеттердің бұл саладағы мүмкіндіктерінен төмен қалып отыр.

Иран-Қырғызстан арасындағы қатынастар да төмен деңгейде. Себебі Қырғызстанның экономикалық мүмкіндігі шағын ел, әрі бұл елде соңғы жылдары орын алған саяси тұрақсыздықтар кері әсерін тигізуде. Әйтсе де Қырғызстанның Ирандағы елшісі М. Шерімқұловтың айтуынша «170-тен аса Иран немесе Иран-Қырғыз біріккен компаниялары жол, үй салу сияқты құрылыс саласында Қырғызстанда қызмет көрсетіп жүр». [5]

Көріп отырғанымыздай Иранның Орталық Азиямен байланысы айтарлықтай жоғары емес. Оған себеп Иранның бәсекелестерінің көп болуы. Бұл аймақтың геосаяси маңызы артып АҚШ, Қытай, Түркия және Араб елдерінің мұнда белсенділігінің артуы, жергілікті саясаткерлерге сенімділік берді, олар өздеріне әріптес пен жасалған ұсыныстарды таңдауға көшті, мұндай жағдайда Иранның мүмкіндігі шектеулі болатын. [6] Бәрібір бәсекелестерінен қалмауды көздейтін Тегеран мұндағы байланыстарын тереңдетудің түрлі жолдарын қарастыруда. Тек қана саяси-экономикалық қарым-қатынастармен шектеліп қалмай, мәдени және үкіметтік емес ұйымдардың байланыстарының да артуына көңіл бөліп отыр. Жастарға гранттар беріп, жергілікті ЖОО-да Иран мәдени орталықтарын ашып, университеттер арасындағы ынтымақтастықтарды арттыруға күш салуда.

Ал, «Иранның уран байыту саясатына Орталық Азия елдерінің көзқарасы қандай?»,- деген мәселеге келсек, әзірге Орталық Азия елдерінің көбісінің бұл туралы ұстанымының ашық емес екендігін көреміз. Орталық Азия елдерінің лидерлері бұл мәселеде бейтараптық танытып келеді. Олар түсінеді, «Иран уран байытуды меңгеріп, ядролық қару жасай алғанның өзінде оны өздеріне қарсы қолданбайтындығын»... [7] Сондықтан бұл проблема Орталық Азия-Иран қатынастарына кедергі келтіріп тұрған жоқ.

Әдебиеттер

  1. Mohammad Mohaddesin, Islamic fundamentalism. Washington. Seven Locs Press, 2001. 67-бет.
  2. Bayram Sinkaya. Turkey-Iran Geopolitical Competition Over Central Asia and the Caucasus. http://www.academia.edu/1002007/Turkey-Iran_Geopolitical_Competition_Over_Central_Asia_and_the_Caucasus
  3. Feruza Jani. Relations between Iran and Central Asia (Synopsis). http://enews.fergananews.com/articles/2520
  4. Feruza Jani. Relations between Iran and Central Asia (Synopsis). http://enews.fergananews.com/articles/2520
  5. Dozens of Iranian companies operating in Kyrgyzstan: ambassador. http://www.tehrantimes.com/economy-and-business/2112-dozens-of-iranian-companies-operating-in-kyrgyzstan-ambassador-
  6. Nikolay Kozhanov. Iran Struggles Unsuccessfully for Influence in Central Asia. http://www.washingtoninstitute.org/policy-analysis/view/iran-struggles-unsuccessfully-for-influence-in-central-asia
  7. Sébastien Peyrouse. The Iranian Nuclear Crisis as Seen from Central Asia. http://www.centralasiaprogram.org/images/GMFUS-Iran_seen_from_CA.pdf
 
0
0
2480