Мазмұнға өту

Жаңа

Н.Назарбаев «Нұрлы жол» тұрғын үй құрылысының бірыңғай бағдарламасын әзірлеуге тапсырма берді

«Нұрлы жол» тұрғын үй құрылысының бірыңғай бағдарламасын әзірлеу, қолданыстағы бағдарламалардың барлық меншік мәселелерін интеграциялау тапсырмасын Президент Нұрсұлтан Назарбаев ҚР Үкіметінің кеңейтілген отырысында берді.

«Үкіметке «Нұрлы жол» тұрғын үй құрылысының бірыңғай бағдарламасын әзірлеуге тапсырма беремін. Бізде ипотека және тұрғын үй құрылыс жинақтары бар. Ешкандай тұрғын үй жәйдан жәй құрылып, таратылмауы тиіс. Біз нарық экономикасында тұрамыз», - деді Н.Назарбаев.

Мемлекет басшысының айтуы бойынша, BI-Group құрылыс компаниясы Алматы мен Астанада бірқатар ауылдар құруда.

«Мүмкін осы бөлім бойынша жүреміз? Яғни, құрылысшаларға ақша береміз, халыққа: «Сіздер 10 соттық жер алғыларыңыз келді ғой, онда міне қандай да бір архитекторлық жобамен құрылған, сатып алыңыздар» деу керек. Бұндай мәселеде несие беріледі немес басқа да көмек жолдары болады. (...). Әкімдер ауыл шаруашылық министрлігімен бірге жер қорына анықтама жүргізуі тиіс және негізгі жоспарға өзгерістер енгізу бойынша өз ұсыныстарын енгізу керек», - деді Президент.

Н.Назарбаев сөз барысында коммерциялық банктермен құнды төмендету және ипотекалық несиелендіруге жәрдемдесу шараларын әзірлеу қажеттігін атап өтті.

Сонымен қатар, бағдарламаның компоненттері тұрғын үй құрылыс жинақ жүйесі арқылы несиенің тұрғын үй құрылысын жалғастыру қажет.

«Нұрлы жол» инфрақұрылымды дамытудың 2015-2019 жылдарға арналған мемлекеттік бағдарламасы (бұдан әрі – Бағдарлама) Мемлекет басшысының 2014 жылғы 11 қарашадағы «Нұрлы жол – болашаққа бастар жол» Жолдауын іске асыру мақсатында әзірленді.

Бағдарлама  Қазақстанның ұзақ мерзімді экономикалық өрлеуін қамтамасыз ету мақсатында  хаб қағидатында тиімді инфрақұрылым құру негізінде елдің  макроөңірлерін ықпалдастыру арқылы бірыңғай экономикалық нарық қалыптастыруға, сондай-ақ сыртқы нарықта конъюктураның нашарлауы  жағдайында экономиканың жекелеген секторларын қолдау жөніндегі дағдарысқа қарсы шараларды іске асыруға   бағытталған.

Атап айтқанда, «Бәйтерек» ұлттық басқарушы холдингі» АҚ  мемлекеттік бағдарламаның мына бағыттарының  іске асырылуына жауап береді: шағын және орта кәсіпкерлікті қолдау, тұрғын үй инфрақұрылымын нығайту, отандық өндірушілерді  қолдау.

Тұтас алғанда, инфрақұрылымды дамыту арқылы  мемлекеттік инвестицияларды  ұлғайту және кәсіпкерлікті қолдау арқылы Бағдарламаны іске асыру қысқа мерзімде экономикалық өсімге ықпал етіп қана қоймай, болашақта   тұрақты өрлеуге  алғышарт болады.

Ақпарат көзі: strategy2050.kz

0
0
442

«Ұлт жоспары – қазақстандық арманға бастайтын жол» тақырыпта дөңгелек үстел өткізілді

2016 жылғы 9 қыркүйекте «Ұлт жоспары – қазақстандық арманға бастайтын жол» тақырыбында мемлекеттік органдардың, үкіметтік емес және қоғамдық ұйымдардың, мемлекеттік мекемелердің, БАҚ-ның өкілдері қатысуымен «Мәңгі Қазақ елі» қоғамдық бірлестігі «Ұлт жоспары – қазақстандық арманға бастайтын жол» тақырыпта дөңгелек үстел өткізді.

Ұлт жоспарының «Кәсіби мемлекеттік аппарат құрудың» маңыздылығын түсіндіру мақсатында, ҚР Мемлекеттік қызмет істері министрлігінің БҚО бойынша департаментінің басқарма басшысы В.Масимова баяндама жасады.

Бұндай шаралардан күтілетін нәтиже осы Ұлт жоспарының Қазақстанның әрбір азаматына насихатталуы, жеткізілуі, түсіндірілуі – осы дөңгелек үстелді ұйымдастырушылардың алдына қойылған басты міндет.

 
0
0
595

Сот жюриінің біліктілік комиссиясы Павлодар облысы соттарының судьяларының кәсіби қызметіне бағалау жүргізді

Кәсіби қызметі бағаланатын Павлодар облысы соттарының судьяларына, еңбек өтілі 5 жылдан 20 жылға дейінгі аралықта болатын судьялар кіреді.

Облыстағы соттардың 55 судьясының кәсіби қызметін бағалау нәтижесі бойынша 53 судья атқаратын лауазымына сай деп танылды. Екі судьяға кәсіби біліктілігін арттыруға және бір жыл өткеннен кейін кәсіби қызметіне қайта бағалау жүргізу жөнінде ұсыным жасалды.

Сот жюриі біліктілік комиссиясының мүшелері ұсыным жасады. Павлодар облысы соттары судьяларының кәсіби қызметін бағалау барысында Екібастұз қалалық сотының судьясы мен кәмелетке толмағандар істері жөніндегі мамандандырылған ауданаралық сотының судьясын жоғары тұрған сатыдағы соттың лауазымына кадр резервіне қою туралы

Облыстағы 9 судьяның сот әділдігін жүзеге асыру барысында жұмыс көрсеткіштерінің, сонымен қатар материалдық және процессуалдық құқық нормаларын меңгеруде біліктіліктері төмен болғандықтан, ескерту жасау арқылы өткендігі атап өтілді.

http://sud.gov.kz/kaz/news/sot-zhyuriinin-biliktilik-komissiyasy-pavlodar-oblysy-sottarynyn-sudyalarynyn-ksibi-kyzmetine

 
0
0
548

Халықаралық көрмелер бюросының бас хатшысын ЭКСПО-2017 кешенінің сәулеті тамсандырды – СІМ

Қазақстан Республикасының Сыртқы істер министрі Ерлан Ыдырысов Астанадағы«ЭКСПО-2017» көрмесіне дайындық барысын инспекциялау үшін келген Халықаралық көрмелер бюросының бас хатшысы Висенте Лоссерталеспен кездесті, деп хабарлады ведомство.

Кездесу барысында Е. Ыдырысов көрменің халықаралық қатысушыларын тарту бойынша жұмыстың қорытындылары туралы айтты. Бүгінгі күнде 103 мемлекет және 17 халықаралық ұйым «ЭКСПО-2017» көрмесіне өз қатысуларын растады, ұлттық секциялардың 92 комиссарлары тағайындалды, шет елдермен 71 қатысу шарттарына қол қойылды.

«Тараптар көрмеге қатысушы елдердің ұлттық күндерін өткізуге дайындық  шеңберінде жүргізілген табысты жұмысты атап өтті. Қазіргі таңда осындай іс-шараларды ұйымдастыруға 61 өтінім келіп түсті», - делінген хабарламада.

Е. Ыдырысов «ЭКСПО-2017» көрмесінің шетелдік қонақтары үшін қолайлы жағдай жасау тұрғысында Қазақстан шет елдермен визасыз режимді құру жұмысын жандандырудаекенін атап өтті. Қазіргі таңда біздің елімізге 20 дамыған елдердің азаматтары визасыз келе алады, ал 2017 жылдың басынан бастап Экономикалық ынтымақтастық және даму ұйымына мүше барлық мемлекеттердің, сондай-ақ Малайзия, Монако, Біріккен Араб Әмірліктері мен Сингапур азаматтары үшін (30 күнге дейін) визасыз режим күшіне енеді.

«ЭКСПО-2017» көрмесіне қатысушы елдерді тарту бойынша жұмыс барысын жоғары бағалай келе, В. Лоссерталес Қазақстан Үкіметі мен Халықаралық көрме бюросының арасында қол қойылған жеңілдіктер мен артықшылықтар туралы келісімнің аса маңыздылығын басып айтты.

Кездесу қорытындысы бойынша тараптар Астанадағы «ЭКСПО-2017» көрмесін сәтті өткізу мақсатында тығыз байланыстарды жалғастыруға уағдаласты.

Ақпарат көзі: strategy2050.kz

0
0
296

Сыбайлас жемқорлық тәуекелдерін талдау қорытындысы іс үстінде

А.ж. 13 қыркүйегінде ҚР Мемлекеттік қызмет істері министрлігі Ақмола облысы бойынша департаментінің қызметкері Қ. Уажанов                                Ақмола облысының   энергетика және тұрғын үй-коммуналдық шаруашылық басқармасы ұжымымен кездесу өткізді.

Кездесу барысында дәріскер Қазақстан Республикасының 2015-2025 жылдарға арналған сыбайлас жемқорлыққа қарсы стратегиясының,                      «ҚР Мемлекеттік қызмет туралы», «Сыбайлас жемқорлыққа қарсы іс-қимыл туралы» ҚР Заңдарының негізгі бағыттары мен түйінді  тұстарын түсіндірді. Өз сөзінде Департамент қызметкері Ақмола облысының мемлекеттік мекемелері жүргізген сыбайлас жемқорлық тәуекелдерінің ішкі талдауларының 2016 жылдың 1-ші жартыжылдығындағы нәтижелері, жүргізілген талдаулардың қорытындылары бойынша анықталған негізгі сыбайлас жемқорлық тәуекелдері, сондай-ақ, мемлекеттік органдардың қызметінде сыбайлас жемқорлық тәуекелдерді болдырмауға бағытталған тиімді шаралар туралы айтты.

Кездесудің соңында Басқарманың қызметкерлеріне сыбайлас жемқорлыққа қарсы заңнаманы қолдануға қатысты қойылған сұрақтарына жан-жақты  жауап берілді.

Іс-шараға 10-нан астам адам қатысты.

Департамент госслужбы

0
0
767

Қазақстан Гонконгтың қаржы индустриясындағы тәжірибесін зерделеуге мүдделі - Ыдырысов

Қазақстан Республикасының Сыртқы істер министрі Ерлан Ыдырысов Қазақстанға алғаш рет келген Гонконгтың қаржы жөніндегі хатшысы (қаржы министрі) Джон Цангпен кездесті, деп хабарлады ҚР СІМ Баспасөз қызметі.

Кездесу барысында Е. Ыдырысов Қазақстанның негізгі сыртқы саяси басымдықтары және елімізде инвестициялық климатты жақсарту мен  арнайы экономикалық аймақтарды құру үшін қолданылып жатқан шаралар туралы айтып берді. Ол Қазақстан Гонконгтың қаржы индустриясындағы тәжірибесін зерделеуге мүдделі екенін атап өтті. Осы тұрғыда сұхбаттасушылар «Астана» халықаралық қаржы орталығы қызметкерлерінің Гонконг қаржы мекемелерінде арнайы тренингтерді өту мүмкіндігін талқылады.

Джон Цанг өз кезегінде, Гонконгтың іскерлік топтары Қазақстандағы сауда, логистика және қызмет көрсету салаларындағы инновациялық жобаларды қаржыландыруға дайын екенін мәлімдеді.

Сонымен қатар тараптар Қазақстан мен Гонконг арасындағы инвестицияларды өзара қорғау және көтермелеу, қосарланған салық салуды болдырмау, сондай-ақ салааралық және ведомствоаралық екі жақты құжаттарды қабылдау мәселелерін қарастырды.

Ақпарат көзі: strategy2050.kz

0
0
378

Өзара іс-қимылымыз Қазақстан мен Гонконг арасындағы достық қарым-қатынастың аясында ілгерілеп келеді – Назарбаев

Нұрсұлтан Назарбаев Гонконг арнайы әкімшілік ауданының қаржы министрі Джон Цангпен кездесті, деп хабарлады Ақорданың баспасөз қызметі.

Кездесуде «Астана» халықаралық қаржы орталығын құру барысындағы өзара іс-қимыл мәселелері жан-жақты талқыланды.

Мемлекет басшысы сапардың жоғары маңыздылығын, сондай-ақ Гонконгтың қаржы, инновация және технология салаларындағы тәжірибесінің құндылығын атап өтті.

«Гонконг әлемдік жетекші қаржы орталықтарының бірі болғандықтан, сіздердің тәжірибелеріңіз бізге аса қажет. Қазіргі уақытта біз қалыптасу кезеңін бастан өткерудеміз. Жалпы, өзара іс-қимылымыз Қазақстан мен Қытай арасындағы достық қарым-қатынастың аясында ілгерілеп келеді», – деді Қазақстан Президенті.

Д.Цанг Нұрсұлтан Назарбаевқа көрсеткен қонақжайлығы үшін алғыс айтып, бұған дейінгі өткен келіссөздердің табысты болғанын атап өтті.

«Қазақстан мен Қытай арасындағы берік серіктестік байланыстар ынтымақтастығымыздың негізі болып саналады. Делегациямыздың құрамында 20-ға жуық іскер топ өкілі бар. Біз Қазақстан тарапымен жемісті келіссөздер жүргізіп, оның барысында талқыланған күн тәртібіндегі барлық мәселелер жөнінде өзара түсіністікке қол жеткізе білдік», – деді Д.Цанг.

Бұдан бөлек, Гонконгтың қаржы министрі Назарбаев университетінің студенттерімен әңгімелесуден зор әсер алғанын атап өтті.

Соңында Елбасы Нұрсұлтан Назарбаев пен Д.Цанг Қазақстан мен Гонконгтың одан әрі ынтымақтастығы табысты болатынына сенім білдірді.

Ақпарат көзі: strategy2050.kz

0
0
441

2017-2019 жылдарға арналған Ұлттық қордан кепілдендірілген трансферттің мөлшері 8, 6 трлн теңгені құрайды

ҚР Парламенті Мәжілісінде Ұлттық экономика министрі Қуандық Бишімбаев 2017-2021 жылдарға арналған елдің әлеуметтік-экономикалық даму болжамын, «Қазақстан Республикасының Ұлттық қорынан 2017 – 2019 жылдарға арналған кепілдендірілген трансферт туралы» және «Республикалық және облыстық бюджеттер, республикалық маңызы бар қала, астана бюджеттері арасындағы 2017 – 2019 жылдарға арналған жалпы сипаттағы трансферттердің көлемі туралы» Заң жобаларын ұсынды.

Өз сөзінде Қ.Бишімбаев 2017 – 2021 жылдарға арналған еліміздің    әлеуметтік – экономикалық даму болжамы 2016 жылға арналған жалпы ішкі өнімді бағалауды нақтылау,  кейіннен 2021 жылға қарай бір АҚШ долларына 340 теңгеге дейін нығайтумен, 2017 – 2019 жылдары бір АҚШ долларына   360 теңге деңгейінде алынған есептік бағамы негізінде әзірленгенін атап кетті.

Сонымен қатар құжатты әзірлеу барысында халықаралық ұйымдардың әлемдік экономиканың өсуі мен тауар нарықтарындағы әлемдік бағалардың өзгеру үрдісі бойынша жаңартылған болжамдары ескерілді. Осыны негізге ала отырып,  әлемдік тауар нарықтарындағы бағалардың түрлі өзгеруі кезіндегі  Қазақстан экономикасын дамытудың үш ықтимал сценарийі қаралды.

Сонымен қатар, 2017-2021 жылдарға арналған әлеуметтік-экономикалық даму болжамы мен 2017-2019 жылдарға арналған республикалық бюджет параметрлерін қалыптастырудың негізіне базалық сценарий алынды.

«Базалық сценарий 2017-2019 жылдары мұнайдың бағасы бір барреліне       35 АҚШ доллары консервативті деңгейінде қалыптасып, 2021 жылы бір барреліне 45 АҚШ долларына дейін өседі. 2021 жылы металл бағасы        2016 жылғы деңгейге қарағанда 11%-ға дейін өсуді көрсетеді» - деп хабарлады Бишімбаев.

Мұнай өндіру көлемі кейіннен 2021 жылы 86,5 млн. тоннаға дейін ұлғаюмен, 2017 жылы 79,5 млн. тонна деңгейінде болады деп күтілуде. Жалпы ішкі өнімнің нақты өсуі 2017 жылы 1,9%, 2018 жылы 2,1%, 2019 жылы 2,7%,    2020 жылы 2,9% және 2021 жылы 3,1% деңгейінде болжанып отыр.

Халықтың жан басына шаққандағы жалпы ішкі өнім 2021 жылы 10,0 мың АҚШ долларына дейін ұлғаюмен 2017 жылы 7,5 мың АҚШ доллары деңгейінде кейіннен болжанады. Жылдық орташа өсу қарқыны өнеркәсіпте 2,1%-ды, ауыл шаруашылығындағы жалпы өнімде -  3,0%-ды, құрылыс саласында - 3,6%-ды құрайды.

Экспорт кейіннен 2021 жылы 53,3 млрд. АҚШ долларына дейін ұлғаюмен 2017 жылы  40,2 млрд. АҚШ доллары деңгейінде болжанады, импорт       2017 жылы 29,1 млрд. АҚШ долларынан 2021 жылы 38,2 млрд. АҚШ долларына дейін өседі. Инфляцияның орташа жылдық деңгейі 2017 жылы 6,0-8,0% шегінде болады, кейіннен 2021 жылға қарай 3,0-4,0%-ға дейін  төмендейді.

«Орта мерзімді перспективада экономикалық саясаттың мақсаты әлеуметтік-экономикалық тұрақтылықты сақтау, өнімді жұмыспен қамтуды қамтамасыз ету, сондай-ақ бәсекелестік пен жеке капиталды дамыту болып табылады» - деп атап өтті Бишімбаев.

Республикалық бюджеттің кірістері (трансферттерді есепке алмағанда)    2017 жылы 4 338,2 млрд.теңге, 2018 жылы – 4 562,3 млрд.теңге, 2019 жылы – 4 877,2 млрд.теңге сомасында болжанып отыр.

«2017-2019 жылдарға арналған Ұлттық қордан кепілдендірілген трансферттің мөлшері белгіленіп тіркелген 8 млрд. АҚШ доллары мөлшері мен АҚШ долларының 360 теңгемен есептелу бағамын негізге ала отырып, жыл сайын 2 880 млрд. теңге сомасында айқындалды» - деді Бишімбаев, тиісті заң жобасын ұсына отыра.

«2017 жылы бюджет тапшылығын 578,1 млрд. теңгеге немесе ЖІӨ-ге қатысты 1,2 %-ға дейін төмендету жоспарлануда. 2018-2019 жылдары тапшылықты ЖІӨ-ге қатысты 1,0%-ға дейін одан әрі төмендету жоспарлануда. Бұл 2017-2019 жылдары мемлекеттік борышты ЖІӨ-ге қатысты 22%-дан аспайтын деңгейде ұстауға мүмкіндік береді. Тұтастай алғанда, республикалық бюджет шығыстары 2017 жылы 8 564,4 млрд. теңге, 2018 жылы –  8 370,6 млрд. теңге және 2019 жылы – 8 751,2 млрд. теңге көлемінде айқындалды» - деп толықтырды Қ.Бишімбаев.

«Республикалық және облыстық бюджеттер, республикалық маңызы бар қала, астана бюджеттерi арасындағы 2017 – 2019 жылдарға арналған жалпы сипаттағы трансферттердiң  көлемі туралы» Заң жобасы өңірлердің бюджеттік қамтамасыз ету деңгейін теңестіруге және мемлекет кепілдік берген қызметтерді көрсетуде тең фискалдық мүмкіндіктерді қамтамасыз етуге бағытталған.

Ақпарат көзі: strategy2050.kz

0
0
362

Н.Назарбаев: ҚР халқының өмір сүру сапасын арттыру – мемлекеттің басты мақсаты

Мемлекет басшысының төрағалығымен Үкіметтің кеңейтілген отырысы өтті, деп хабарлады Ақорданың баспасөз қызметі.

Отырыс барысында елдің әлеуметтік-экономикалық даму мәселелері қаралды, сондай-ақ экономикалық өсімді қамтамасыз ету жөніндегі алдағы шаралар айқындалды.

Елбасы жиналғандарға арнаған сөзінде бүгін мемлекет алдында тұрған негізгі міндет – тұрғындардың өмір деңгейін арттыру екенін атап өтті.

«Күрделі жағдайларға қарамастан, біз 2016 жылғы 1 қаңтардан бастап бюджеттік қызметкердің орташа жалақысын 30%-ға, стипендиялар мен жәрдемақыларды – 25%-ға арттырып, зейнетақыны 9%-ға индексацияладық. 673 мың адамға мүгедектігі және асыраушысынан айырылған жағдайда төленетін әлеуметтік жәрдемақылар көлемін 25%-ға арттырдық», – деді Қазақстан Президенті.

Сондай-ақ, Нұрсұлтан Назарбаев жаңа шынайылық қосымша нақты шаралар қабылдауды талап ететін айтты.

Осыған байланысты, Мемлекет басшысы алдағы кезеңге келесі бағыттар жөнінде бірқатар нақты міндеттер қойды.

Жаппай кәсіпкерлікті ынталандыру және жұмысбастылықпен қамту

Қазақстан Президенті Үкіметтің басты жұмыс бағытының бірі болып жаппай кәсіпкерлік мәселелері табылатынын атап өтіп, тиісті бағдарламаларды одан әрі дамытуды жүзеге асыруды және қолдау құралдарын жетілдіруді тапсырды.

«Үкімет бүгінде шағын несие беру аясын одан әрі кеңейту жөнінде шаралар қабылдауы тиіс. Өзін-өзі жұмыспен қамтитындардың 60%-ы ауылда тұрады. Осыған байланысты, «Жұмыспен қамту жол картасы» аясында біз 5 өңірде пилоттық режімде «Ауылдағы жұмысбастылық» жаңа жобасын іске асыруды бастадық. Оған 10 миллиард теңге бөлінді. Бұл жұмысты жүргізу барысында кооперацияларды дамыту ісіне айрықша көңіл бөлу қажет. Тиісті «Кооперациялар туралы» Заң қабылданды. Енді жер-жерлерде үлкен ұйымдастыру және түсіндіру жұмыстары күтіп тұр. Үкіметке әкімдермен бірлесіп, елді-мекендерде ауыл шаруашылығы өнімдерін өткізу және қайта өңдеуді қамтамасыз ететін кооперативтер ұйымдастыру жөніндегі шаралар қабылдауды тапсырамын», – деді Нұрсұлтан Назарбаев.

Мемлекет басшысы «Барлығына тегін кәсіби-техникалық білім беру» жобасы аясында жұмысты жалғастыру қажеттігіне тоқталды.

Бұдан бөлек, Қазақстан Президенті Үкіметке және әкімдерге еңбек мобильділігін қамтамасыз ету және жұмыс берушілер мен жұмыскерлердің бірін-бірі табуға ықпал ету жөніндегі жұмыстарды бақылауды ұстауды тапсырды.

Сонымен бірге, Нұрсұлтан Назарбаев кәсіпкерлер қызметі мен мемлекет-жекеменшік серіктестігінің тетіктерін белсенді қолдану үшін шекараны кеңейтудің маңыздылығын атап өтті.

«Бүгінде барлық жағдайлар жасалып, құқықтық алаң қалыптасты. Қазірдің өзінде жағымды мысалдар бар. Мектепке дейінгі білім беруде мемлекет бизнеспен бірлесіп мемлекеттік тапсырыс жеке мектепке дейінгі білім беру мекемелеріне орналастыру арқылы тиімді жұмыс жасай бастады. Бұл жағдайда бизнес өзінің инвестициясын құрылысқа салады», – деді Қазақстан Президенті.

Елбасы министрліктер мен ведомстволардың ведомствоға бағынысты ұйымдарына оларды бәсекелік ортаға немесе жергілікті деңгейге беру мақсатымен қайта инвентаризация өткізу қажеттігін атап өтті.

Экономиканы әртараптандыру

Нұрсұлтан Назарбаев жыл соңында мемлекеттік қазынаның 830 миллиард теңге қосымша кіріске толығуы күтіліп отырғанын айтты. Бұл биылдың өзінде дағдарысқа қарсы жоспардан шығуға және стратегиялық даму міндеттерін орындау үшін қазіргі проблемаларды шешуге мүмкіндік береді.

Осыған байланысты, Қазақстан Президенті негізгі үш міндетке тоқталды.

Агроөнеркәсіп кешені

Мемлекет басшысы «Агробизнес 2020» бағдарламасының аясында жыл соңына дейін АӨК дамытудың мемлекеттік бағдарламасын әзірлеуді ұсынды.

«Бағдарламаның басымдықтары болып нарыққа неғұрлым қажетті өнім түрлеріне назар аудара отырып, ауыл шаруашылығы өнімдерінің көлемін ұлғайту және әртараптандыру, өңделген ауыл шаруашылығы өнімдерін экспорттау, ауыл шаруашылығы өндірушілер үшін бірінші кезекте ұзақ мерзімді қол жетімді несиелендіру, қызмет көрсету-дайындау кооперативтерін, бастапқы қайта өңдеудің, өнімді сақтау мен өткізудің инфрақұрылымын құру, сондай-ақ суармалы жердің айналымын енгізу табылуы тиіс. Алдағы бес жыл ішінде кемінде 600 мың гектар суармалы жерді айналымға енгізу керек. Ауыл шаруашылығы министрлігі мен әкімдер ауыл шаруашылығы жерлерін тиімді пайдалануға қатаң бақылау жүргізуі тиіс. Бұл жерлерді апатты жағдайдағы су қоймаларын жөндеу және жаңасын салу есебінен қажетті су көлемімен қамтамасыз ету керек», – деді Нұрсұлтан Назарбаев.

Қазақстан Президенті агроөнеркәсіп кешеніндегі субсидиялау жүйесін жетілдіру, тиімсіз субсидиялауды доғару және өнімділікті арттыруға назар аудару қажеттігін атап өтті.

Елбасы ветеринарлық қауіпсіздік мәселелерін қозғай отырып, Үкіметке биыл АӨК-ні қолдауға қажетті қосымша 97 миллиард теңге қаражат бөлуді тапсырды.

«Биыл сібір қараталағы бірнеше өңірде орын алып, адамдар да өлді. Біз ауруды емдеуге қаражатты көбейтудің орнына, оны түбегейлі жоюымыз қажет. Әкімдер ветеринарлық қауіпсіздікті сақтауға жеке жауапты болады. Бұл мәселелер 2014 жылдан бастап жергілікті биліктің құзыретіне жатады», – деді Нұрсұлтан Назарбаев.

Экспорттық әлеуетті индустрияландырудың жаңа кезеңі есебінен әртараптандыру

Қазақстан Президенті барлық экономика мен экспорттың әртараптануы оның тұрақтылығының кепілі болатынын, нәтижесінде Үкімет пен әкімдер экспортты ынталандыру және дамытуға бағытталуы тиіс екенін айтты.

«Біз индустриялық бағдарламаның екінші бесжылдығына көштік. Таңдалатын жобалардың сапасын арттыру өте маңызды. Жаңа бесжылдықта шикізаттық емес  экспорттық өнімге бағыт алу қажет екенін басып айтамын. Экспорттық әлеует, жоғары өнімділік, жаңашылдық таңдалатын жобалардың негізгі өлшемдері болуы тиіс. Үкіметке бұл бағдарламаны қолдауға қажетті қосымша 112 миллиард теңге көлемінде қаражат бөлуді тапсырамын», – деді Мемлекет басшысы.

Бұдан бөлек, Нұрсұлтан Назарбаев экономиканы әртараптандырудың маңызды бағыты болып Қытаймен «Жібек жолының экономикалық белбеуі» бастамасының аясындағы келісімді іске асыру табылатынын атап өтті.

«Қазақстан мен Қытайдың 51 жобасынан тұратын тізім құрылды. Бұл жобалар осы кезеңде айрықша өзекті болып саналатын қосымша құн мен жаңа жұмыс орындары түріндегі жақсы экономикалық әсер береді. Үкімет «Жібек жолының экономикалық белбеуі» бастамасының аясында белгіленген жобалардың уақытылы іске асырылуын қамтамасыз етуі тиіс», – деді Қазақстан Президенті.

Көлік инфрақұрылымын дамыту

Мемлекет басшысы «Нұрлы Жол» мемлекеттік бағдарламасы бүгінде көлік инфрақұрылымын дамыту мен экономиканы қолдаудың басты құралы болып отырғанына назар аударды.

«Көлік әлеуетін дамыту мен өңірлік көлік-логистика хабын құру жөнінде міндеттер тұр. Азия-Еуропа бағытындағы контейнерлік көлік тасымалының көлемі қарқынды өсуде. Биылғы жеті айдың ішінде ғана ол былтырғы осы кезеңмен салыстырғанда 2,5 есеге артты. Бұл жұмысты биыл жалғастырып, жыл соңына дейін «Алматы-Шу» темір жолы желісінің алғашқы іске қосылатын кешенін, Құрық портындағы паром кешенін іске қосуды, 920 шақырым қашықтықтағы автомобиль жолының құрылысы мен қайта құруды аяқтау қажет», – деді Нұрсұлтан Назарбаев.

Қазақстан Президенті көлік инфрақұрылымын дамыту жөніндегі басталған жобалардың іске асырылуын жеделдетуге биыл қосымша 74 миллиард теңге бөлуді тапсырды.

Макроэкономикалық тұрақтылықты қамтамасыз ету

Мемлекет басшысы Үкімет пен Ұлттық банкке алдағы уақытта бірінші кезекте іске асырылуға тиіс бірқатар міндеттер қойды. Мәселен, Нұрсұлтан Назарбаев Ұлттық қордан алынатын трансферттерді қатаң регламентеуді тапсырды.

«Тағы бір мәселе – бюджетаралық қатынастар. Соңғы 10 жылда республикалық бюджеттен мақсатты трансферттер есебінен қаржыландыру көлемі едәуір артып, қаржыландырылатын салалар да айтарлықтай көбейді.  Оның мөлшері 2016 жылы жергілікті бюджеттерден түсетін қаражаттың 36%-ына  жетті. Жергілікті маңызы бар жобаларды республикалық бюджет есебінен қаржыландыруды тоқтату қажет. Бұл мәселені әкімдіктер өздері дербес шешуге тиіс. Үкіметке бюджетаралық қатынастарды жетілдіру жөнінде келісілген ұсыныстар әзірлеп, енгізуді тапсырамын», – деді Қазақстан Президенті.

Сондай-ақ Мемлекет басшысы 2016 және 2017 жылдары инфляция деңгейін 6-8%-ке дейін төмендету макроэкономикалық тұрақтылықты қамтамасыз ету үшін қажетті маңызды шарт екенін атап өтті.

«Еркін айырбас бағамына көшу арқылы біз өнім өндірушілеріміздің бәсекеге қабілеттілігін арттыруға қол жеткіздік. Өңдеу өнеркәсіптеріндегі өсім қарқыны қалпына келе бастады. Бірақ теңге бағамына түзету енгізу инфляциялық үдерістердің белең алуына әкеп соқтырды. Бізге инфляция деңгейін  биылғы жылдың соңына шейін бір таңбалы санға дейін төмендетуге қол жеткізу маңызды. Халықтың әлеуметтік бақуаттылығы үшін бұл аса қажет. Сондықтан бағаның тұрақтылығын қамтамасыз ету үшін мен тиісті шаралар қабылдап, табиғи монополиялар қызметінің тарифтерінің өсуіне биыл жол бермеуді тапсырамын», – деді Нұрсұлтан Назарбаев.

Қазақстан Президенті валюта нарығындағы ахуалдың тұрақталуы қазірдің өзінде оң нәтиже бере бастағанын айтты.

«Долларсыздану үдерісі басталды. Теңгемен салынған депозиттер өсіп келеді, бұл банк қорын толықтырудың теңгелік базасын ұлғайтуға мүмкіндік береді. Теңгемен салынған депозиттер үлесі 2016 жылдың басындағы 31%-дан 1 тамыздағы 41%-ға дейін артты. Соған орай несие беру мөлшері қайтадан көбейе түсуде. Биылғы жеті айда шағын бизнеске берілген несие портфелі 2,1 триллион теңгеден 2,8 триллион теңгеге дейін ұлғайды, өсім 740 миллиард  теңге немесе 36% болды. Дегенмен, қарқынды экономикалық даму үшін бұл жеткіліксіз», – деді Мемлекет басшысы.

Осы ретте Нұрсұлтан Назарбаев Ұлттық банкке Үкіметпен бірге ұзақ мерзімді несиелік белсенділікті қалпына келтірудің қосымша шараларын қабылдауды тапсырды.

Қазақстан Президенті экономикаға инвестиция тартудың елеулі жолының бірі  халықаралық қаржы ұйымдарынан қаражат алу екенін айтты.

«Халықаралық қаржы ұйымдарымен ынтымақтастық жөніндегі бағдарлама  2014 жылы мақұлданған болатын. Сол себепті, осы бағдарлама бойынша халықаралық қаржы ұйымдары, оның қатарында Дүниежүзілік банк, ЕҚДБ, АДБ, ИДБ 5 жылда Қазақстанға 7 миллиард доллар бөлуді жоспарлап отыр. Үкімет пен әкімдер осы бағдарламаның аясын кеңейту және экономикаға қосымша қаражат тарту мүмкіндігін қарастыруы қажет», – деді Мемлекет басшысы.

Бұдан бөлек, Нұрсұлтан Назарбаев тұрғын үй мәселесіне арнайы тоқталды.

«Тұрғын үй құрылысын дамытуға біз зор көңіл бөліп отырмыз. Былтырдың өзінде республикада 9 миллион шаршы метр тұрғын үй пайдалануға берілді. Бұл – еліміз үшін рекордтық көрсеткіш. Тұрғын үй құрылысының көлемі 2016 жыл қорытындысында 10 миллион шаршы метрден асады деп болжануда. Халықты қолжетімді тұрғын үймен қамтамасыз ету міндетін орындау үшін 2005 жылдан бері тиісті мемлекеттік бағдарламалар жүзеге асырылып келеді. Дегенмен, көпшіліктің тұрғын үйге мұқтаждығы әлі де айтарлықтай жоғары. Жұртты тұрғын үймен қамтамасыз ету міндетін орындау ісі кешенді жаңа шараларды талап етеді», – деді Қазақстан Президенті.

Осы орайда Мемлекет басшысы Үкіметке бірыңғай «Нұрлы Жер» тұрғын үй құрылысы бағдарламасын әзірлеуді, оған қазіргі қолданыстағы бағдарламалардың барлық мәселесін кіріктіруді тапсырды.

«Жаңа бағдарламада мына мәселелерді ескеру керек. Тұрғын үй құрылысын тікелей қаржыландырғаннан гөрі жекеменшік құрылысшыларды ынталандыру ісіне баса ден қойған жөн. Олардың тұрғын үй салу кезіндегі шығындарын азайтып, мемлекет өз ресурстарын инженерлік және әлеуметтік инфрақұрылымдар әзірлеуге жұмылдыруы керек. Бұл бюджеттен қаржыландырудың үлесін азайтып, жеке инвестицияны көбірек тартуға мүмкіндік тудырады. Сондай-ақ төлем қабілеті бар тұрғындар тарапынан сұранысты жандандыру керек. Коммерциялық банктердің ипотекалық несие беруін жандандырып, пайыздық мөлшерлемені субсидиялауға қоса өзге де арзандату бағытындағы шараларды ойластыру қажет», – деді Нұрсұлтан Назарбаев.

Қазақстан Президенті бағдарламаның тағы бір компоненті тұрғын үй құрылысы жинағы жүйесі арқылы несиелік тұрғын үй құрылысын жалғастыру болуы тиістігін  атап өтті.

«Бұл ретте несиелік тұрғын үй құрылысын бюджеттен тыс қаржыландыру жүйесіне көшіру керек, ал бюджеттен займдық ресурстар құнын төмендету үшін субсидиялау түрінде ғана қолдау көрсеткен жөн. Жеке тұрғын үй құрылысын дамыту қажет. Бұл міндеттің орындалуы мемлекеттің бөлінетін жерлерді инженерлік инфрақұрылыммен қамтамасыз ету мүмкіндігімен тікелей байланысты. Сондықтан Үкімет мұндай инфрақұрылым қалыптастыруға жұмсалған қаражаттың қайтарылу механизмін ойластыруы тиіс. Бұл оны қайтарымды негізде ұдайы қайтадан пайдалануға мүмкіндік береді», – деді Мемлекет басшысы.

Нұрсұлтан Назарбаев әкімдерге Ауыл шаруашылығы министрлігімен бірге қолда бар жер қорына талдау жүргізіп, бас жоспарларды тиісінше өзгерту жөнінде ұсыныс беру міндетін қойды.

« Сонымен қатар, әкімдерге мемлекет мұқтажы, соның ішінде жеке тұрғын үй құрылысы үшін жер сатып алуға қосымша құқы бер керек. Көлікке қатысты шешімдерді, қандай әлеуметтік инфрақұрылым қажеттігін алдын ала ойластыру қажет. Бұл бағдарламаның елеулі әлеуметтік әсері болатынына сенімдімін. Жаңа жұмыс орындарына қоса, миллиондаған қазақстандықтар тұрмыс жағдайларын айтарлықтай жақсарта алады. Жаңа бағдарламаның маңызды әлеуметтік мәнін ескере отырып, Үкіметке «Нұр Отан»партиясымен бірлесіп, оны халықпен, жұртшылықпен және бизнес өкілдерімен бірге егжей-тегжейлі талқылауды тапсырамын», – деді Қазақстан Президенті.

Мемлекет басшысы отырысты қорытындылай келіп, айтылған міндеттерді орындау үшін Үкіметке биылғы республикалық бюджетті нақтылау жұмысын жүргізуді тапсырды.

« Басымдығы бар жобалар мен іс-шараларды жүзеге асыруға қосымша 380 миллиард теңге, оның 280 миллиард теңгесін мен бүгін айтқан шаралар іске асыруға, ал 100 миллиард теңгесін қауіпсіздікті қамтамасыз етуге, Астанадағы білім беру және инфрақұрылым нысандары құрылысына бағытталған және өзге де шығыстарға бөлу қажет. Ұлттық қордың қаражатын сақтап, одан әрі жинақтау мақсатымен 2016 жылы кепілдендірілген трансферт көлемін 400 миллиард теңгеге қысқартуды, сондай-ақ мақсатты трансфертті 50 миллиард теңгеге азайтуды тапсырамын. Үкімет менің тапсырмаларымды жүзеге асыру үшін 2017-2019 жылдарға арналған республикалық бюджет жобасында алдағы үшжылдық кезеңнің шығыстарын қарастыруы қажет, – деді Нұрсұлтан Назарбаев.

Отырыс барысында Премьер-Министрдің орынбасары – Ауыл шаруашылығы министрі А.Мырзахметов, Денсаулық сақтау және әлеуметтік даму министрі Т.Дүйсенова, Ұлттық экономика министрі Қ.Бишімбаев, Қаржы министрі Б.Сұлтанов, Ұлттық банк төрағасы Д.Ақышев, бірқатар облыстардың әкімдері, «Самұрық-Қазына» ұлттық әл-ауқат қоры» АҚ басқармасының төрағасы Ө.Шөкеев, сондай-ақ «ҚазМұнайГаз» ҰК» АҚ басқармасының төрағасы С.Мыңбаев, баяндама жасады.

Ақпарат көзі: strategy2050.kz

0
0
542

ОҚО-да «Ауыл тұрғындарын жұмыспен қамту» бағдарламасы іске қосылды

Мемлекет басшысы тапсырмаларының орындалу барысына арналған селекторлық мәжілісте облыс әкімі аудандар мен қалаларда кәсіпкерлік пен кооперацияларды жаппай дамыту мәселесіне ерекше тоқталды. Осыған орай, «Жұмыспен қамтудың жол картасы» аясында Оңтүстік Қазақстан облысында «Ауыл тұрғындарын жұмыспен қамту» жобасы қолға алынып отыр, деп хабарлады облыс әкімдігі.

«Мемлекет басшысы Үкіметке облыс әкімдерімен бірлесе елді мекендерде кооперативтер желісін ұлғайтуды тапсырып отыр. Бұл өз кезегінде ішкі нарықты жергілікті ауылшаруашылық өнімдерімен қамтып, қайта өңдеу кәсіпорындарының желісін ұлғайтпақ. Бұл жұмыстарды Мақтарал, Қазығұрт, Ордабасы, Төлеби, Сарыағаш аудандарында белсенді атқаруды тапсырамын», - деді өңір басшысы.

Сонымен қатар, көрші облыстарда сүт өнімдеріне деген сұраныстың жоғары екенін айтқан облыс әкімі аталған өңірлермен әріптестік байланыс орнатуды жүктеді.

Мәжілісті қорытындылаған Б.Атамқұлов алға қойған міндеттердің барлығы тұрғындарды жұмыспен қамту екендігін қадап айтты.

Жиында Үкіметтің 2016 жылғы 9 қыркүйектегі кеңейтілген мәжілісінде Мемлекет басшысы тарапынан берілген бірқатар тапсырмалардың орындалуы  бойынша атқарылған жұмыстар талқыланды.

Осы ретте аймақ басшысы егістікті ағын сумен толық қамтамасыз ету үшін облыстық ауыл шаруашылығы басқармасына аудан әкімдіктерімен бірлесе отырып су қоймаларын салудың жоспарын әзірлеуді тапсырды.

«Егістік алқаптарды суландыру мәселесін шешуде су қоймаларын салудың маңызы айрықша. Бүгінде үлкен су қоймасы Бәйдібек пен Отырар ауданында салынып жатыр. Биыл оның құрылысы аяқталуы тиіс. Облыстық басқарма барлық аудандарда осындай мүмкіндіктерді зерттеп, жоспар әзірлеуі тиіс, ─  деді Б. Атамқұлов.

Ақпарат көзі: strategy2050.kz

0
0
390