Мазмұнға өту

Жаңа

Ауыл шаруашылығы астық мәдениетін өңдеу әдісін өзгертуді жоспарлауда

ҚР Ауыл шаруашылығы министрлігі Ақмола облысына баспасөз-турын ұйымдастырды. Шара барысында 2016 жылдың егін жинау науқаны көрсетілді. ҚР Ауыл шаруашылығының бірінші вице-министрі Қайрат Айтуғанов сөз сөйледі.

«Ағымдағы жылы ауыл шаруашылығы дақылдарының егіс алқабы шамамен 21,7 млн га құрады. Бұл алдыңғы жылғы көлемнен 445,1 мың га артық. Жалпы егіс алқаптарының өлшемінде дәнді дақылдардың үлесі – 15,4 млн. га, майлы дақылдар – 2,0 млн. га, бақшалық өнімдер мен картоп – 426,7 млн га», – деп атап өтті Қ.Айтуғанов.

Оның айтуынша, қант қызылшасы 12,9 мың га, мақта 109,6 мың га аумаққа егілген.

Бүгінде еліміздің барлық аймағында жаппай егін ору науқаны жүріп жатыр. Айталық, 15 қыркүйектегі жағдай бойынша 9667,1 мың га орылып, 14,4 млн. тонна өнім бастырылды.

Еліміздің астықты облыстарында (Қостанай облысы, Ақмола облысы, СҚО) 7 млн. га аса аумақ орылды және де жинау науқаны жалғастырылуда.

Қазіргі таңда ауыл шаруашылығы өндірушілері 290,4 мың тонна жанар-жағармайды пайдалануда. Жалпылай алғанда, күздік орым жұмыстарына 391,6 мың тонна жанар-жағармай жұмсау жоспарланған.

«ҚазАгро» холдингінің несие ресурстарына 2016 жылы 6,8 млн. га алаңда көктемгі-егіс және жинау жұмыстары жүргізілді. Бұл осы жылы республикадағы барлық өңделген алаңның шамамен жартысына жуық. Аграрларға қаржылай қолдау 60 млрд. теңге көлеміндегі бюджеттік несие есебінен, сондай-ақ «ҚазАгро» ұлттық холдингінің бюджеттен тыс көздерінің есебінен көрсетіледі. Осы уақытқа дейін Холдинг республиканың ауылшаруашылық тауар өндірушілерін 85,4 млрд. теңгеге қаржыландырды. Несиелеуден басқа ауыл шаруашылығының лизингі сияқты құрал белсенді іске қосылған. Бұл бағдарлама шеңберінде ағымдағы жылы фермерлер жалпы 31,6 млрд.теңге сомасына 1,7 мың бірліктен астам техника сатып алды.

Биылғы жылғы қолайлы ауа-райы егіннің бітік шығуына әсер етті. Алдын ала болжам бойынша жалпы ауыл шаруашылығы дақылдарының жиын-терімі 22 млн. тоннадан асуға тиіс.

«Азық-түлік келісім шарт корпорациясы» ұлттық компаниясы» акционерлік қоғамы өкілдері астықты сатып алу бағаларын жариялаған болатын.

Компанияның коммерциялық ресурстары келесідей бағаларды белгілеп отыр: 3 сыныпты бидайдың бір тоннасы үшін 41 000 теңгеден 50 000 теңге, 4 сыныптысы үшін 34 000 теңгеден 36 000 теңге, 5 сыныптысы үшін 30 000 теңге, ал арпаның 2 сыныптысы үшін 25 000 теңге.

Бір айта кетерлік жайт, ағымдағы орым маусымында Азық-түлік келісім шарт корпорациясы бидайды сатып алудың құнын өнімнің сапасына қарай белгіледі.

Ақпарат көзі: strategy2050.kz

0
0
262

Универсиада-2017-ні өткізу — Қазақстанның айрықша жетістігінің бірі — FISU

Алматыға Халықаралық студенттер спорты федерациясы (FISU) президенті Олег Матыцин бастаған делегация мен АҚШ, Ресей, ҚХР, Жапония, Ұлыбритании, Германия, Италия, Франция, Канада, Корея Республикасы, Швеция, Польша және тағы басқа елдердің студенттер спорты федерациясының басшылары келді. Олар 2017 жылғы 28-ші Дүниежүзілік қысқы Универсиадаға дайындықпен танысады, деп хабарлады Универсиаданы ұйымдастыру дирекциясы.

Алматыда 2017 жылғы 28-ші Дүниежүзілік қысқы Универсиадаға қатысушы мемлекеттер делегациялары басшыларының жұмыс кездесуі өтуде. Жиын барысында халықаралық жарысқа дайындық пен оны өткізудегі мәселелер талқылануда.

Кездесуді аша отырып, қала әкімі Бауыржан Байбек жарыстарға дайындық жақсы жүруде деп атап өтті, сондай-ақ, спорт нысандары мерзімінен 1,5 ай бұрын тапсырылып, алдағы уақытта шағын жөндеулер жүргізіледі, ұйымдастырушылар алдағы төрт айда осы іспен белсенді айналысатын болады деп жеткізді ол. «Осы үш күн Қазақстан үшін аса үлкен маңызға ие, делегаттар Алматының бүкіл инфрақұрылымын көре алатын болады, - деді өз сөзінде әкім. - Біз атлеттердің қаламызда өзін барынша жайлы сезінуі үшін барлық жағдайларды жасамақпыз, сонымен бірге, бүгін қауіпсіздікпен байланысты басқа да мәселелерге жіті көңіл бөлудеміз. Қазірдің өзінде 58 елдің спортшысы Ойындарға қатысатынын растады».

Халықаралық студенттер спорты федерациясының (FISU) президенті Олег Матыцин Қазақстанның Универсиадағы дайындығына қатысты жылы пікірін білдірді. «Универсиаданы өткізу – Қазақстан үшін ерен жетістік. Қазақстанның барлық азаматтары көлемі жағынан Олимпиададан кейін екінші орында тұрған спорт іс-шарасының осында өткізіліп жатқандығын шынымен де мақтан тұтуы тиіс. Сонымен бірге сіздер бұл іске үлкен дайындықпен келдіңіздер. Тарихты жасау – оңай жұмыс емес, алайда сіздер бәрін ойдағыдай жасай алдыңыздар», - деп атап өтті  FISU  президенті.

Алдағы 3 күнде, 15 мен 18 қыркүйек аралығында, шетелдік меймандар Дүниежүзілік қысқы ойындар өтетін спорттық нысандарға инспекторлық етеді.  Атап айтсақ: «Сұңқар» Халықаралық трамплиндер кешені, Балуан Шолақ атындағы спорт және мәдениет сарайы  «Алматы арена» (жаңа нысан), «Халық арена» (жаңа нысан), «Медеу» мұз шатқалы, «Шымбұлақ» тау-шаңғы кешені, Алатау» шаңғы-биатлон кешені және «Табаған» ойын-сауық кешені.

Делегаттар жаңа Атлеттер қалашығындағы спортшылардың жарыс кезіндегі орналасатын жерін аралап, өздерін толғандырған сауалдарға жауап ала алады.  Сондай-ақ, делегация мүшелері командалық жарыстардың жеребе тарту рәсіміне, «Алматы арена» мұз кешенінің ресми ашылу салтанатына, сол нысанда өтетін қаланың 1000 жылдығына арналған  гала-концертке қатыса алады. Шетелдік спорттық делегаттармен қоса, 2019 жылғы Красноярск қаласында өтетін  29-шы Дүниежүзілік қысқы Универсиадның ұйымдастыру комитетінің өкілдері «Observer» бағдарламасының қатысушылары да аралайды. Өйткені, дәл осы қалаға, 2017 жылғы қысқы Универсиаданың жабылу салтанатында студентер ойындарының туы табысталады.

Ақпарат көзі: strategy2050.kz

0
0
296

Қазақстанда гендерлік бюджетті енгізу жоспарланған

Астанада 2030 жылға дейін отбасы және гендерлік саясаттың жаңа тұжырымдамасы мен гендерлік бюджетті енгізу таныстырылды.

«Биыл Қазақстан Республикасында гендерлік теңдік стратегиясын іске асыру аяқталады. Мемлекет басшысы Әйелдер істері және отбасылық-демографиялық саясат бойынша Ұлттық комиссияға ҚР Үкіметімен бірге 2030 жылға дейінгі кезеңге еліміздің отбасы және гендерлік саясат тұжырымдамасының жобасын әзірлеуге тапсырма берді»,-деп ҚР Президенті жанындағы Әйелдер істері және отбасылық-демографиялық саясат бойынша Ұлттық комиссия төрағасының орынбасары Елена Тарасенко мәлімдеді.

Жобаны дайындау жұмысымен Денсаулық сақтау және әлеуметтік даму министрлігі жанындағы арнайы комиссия айналысты.

«Аталмыш тұжырымдамада Мемлекет басшысымен «Қазақстан-2050» Стратегиясында, Ұлт жоспары «100 нақты қадамында» қойылған тапсырмалар үйлестірілген»,-деді ДСӘДМ вице-министрі Светлана Жақыпова.

Таныстырылған тұжырымдама заңнамалық базаға ЭЫДҰ стандартына сәйкес отбасылық гендерлік қатынастарды реттейтін өзгерістер енгізуді қарастырады.

Айта кетейік, гендірлік бюджеттеу жоба тұжырымдамасына сәйкес, мемлекеттік жоспарлау жүйесінде гендерлік әсерді бағалауды таныстырады.

«Бұл жоба туралы айта келе, гендерлік бюджеттеу мағынасын анықтап, оны гендерлік бағдарланған бюджеттеу деген атауға ауыстыруды ұсынамын»,-деді Қазақстанның іскер әйелдер қауымдастығының президенті Раушан Сәрсенбаева.

Ақпарат көзі: strategy2050.kz

0
0
760

2017-2019 жылдарға арналған Ұлттық қордан кепілдендірілген трансферттің мөлшері 8, 6 трлн теңгені құрайды

ҚР Парламенті Мәжілісінде Ұлттық экономика министрі Қуандық Бишімбаев 2017-2021 жылдарға арналған елдің әлеуметтік-экономикалық даму болжамын, «Қазақстан Республикасының Ұлттық қорынан 2017 – 2019 жылдарға арналған кепілдендірілген трансферт туралы» және «Республикалық және облыстық бюджеттер, республикалық маңызы бар қала, астана бюджеттері арасындағы 2017 – 2019 жылдарға арналған жалпы сипаттағы трансферттердің көлемі туралы» Заң жобаларын ұсынды.

Өз сөзінде Қ.Бишімбаев 2017 – 2021 жылдарға арналған еліміздің    әлеуметтік – экономикалық даму болжамы 2016 жылға арналған жалпы ішкі өнімді бағалауды нақтылау,  кейіннен 2021 жылға қарай бір АҚШ долларына 340 теңгеге дейін нығайтумен, 2017 – 2019 жылдары бір АҚШ долларына   360 теңге деңгейінде алынған есептік бағамы негізінде әзірленгенін атап кетті.

Сонымен қатар құжатты әзірлеу барысында халықаралық ұйымдардың әлемдік экономиканың өсуі мен тауар нарықтарындағы әлемдік бағалардың өзгеру үрдісі бойынша жаңартылған болжамдары ескерілді. Осыны негізге ала отырып,  әлемдік тауар нарықтарындағы бағалардың түрлі өзгеруі кезіндегі  Қазақстан экономикасын дамытудың үш ықтимал сценарийі қаралды.

Сонымен қатар, 2017-2021 жылдарға арналған әлеуметтік-экономикалық даму болжамы мен 2017-2019 жылдарға арналған республикалық бюджет параметрлерін қалыптастырудың негізіне базалық сценарий алынды.

«Базалық сценарий 2017-2019 жылдары мұнайдың бағасы бір барреліне       35 АҚШ доллары консервативті деңгейінде қалыптасып, 2021 жылы бір барреліне 45 АҚШ долларына дейін өседі. 2021 жылы металл бағасы        2016 жылғы деңгейге қарағанда 11%-ға дейін өсуді көрсетеді» - деп хабарлады Бишімбаев.

Мұнай өндіру көлемі кейіннен 2021 жылы 86,5 млн. тоннаға дейін ұлғаюмен, 2017 жылы 79,5 млн. тонна деңгейінде болады деп күтілуде. Жалпы ішкі өнімнің нақты өсуі 2017 жылы 1,9%, 2018 жылы 2,1%, 2019 жылы 2,7%,    2020 жылы 2,9% және 2021 жылы 3,1% деңгейінде болжанып отыр.

Халықтың жан басына шаққандағы жалпы ішкі өнім 2021 жылы 10,0 мың АҚШ долларына дейін ұлғаюмен 2017 жылы 7,5 мың АҚШ доллары деңгейінде кейіннен болжанады. Жылдық орташа өсу қарқыны өнеркәсіпте 2,1%-ды, ауыл шаруашылығындағы жалпы өнімде -  3,0%-ды, құрылыс саласында - 3,6%-ды құрайды.

Экспорт кейіннен 2021 жылы 53,3 млрд. АҚШ долларына дейін ұлғаюмен 2017 жылы  40,2 млрд. АҚШ доллары деңгейінде болжанады, импорт       2017 жылы 29,1 млрд. АҚШ долларынан 2021 жылы 38,2 млрд. АҚШ долларына дейін өседі. Инфляцияның орташа жылдық деңгейі 2017 жылы 6,0-8,0% шегінде болады, кейіннен 2021 жылға қарай 3,0-4,0%-ға дейін  төмендейді.

«Орта мерзімді перспективада экономикалық саясаттың мақсаты әлеуметтік-экономикалық тұрақтылықты сақтау, өнімді жұмыспен қамтуды қамтамасыз ету, сондай-ақ бәсекелестік пен жеке капиталды дамыту болып табылады» - деп атап өтті Бишімбаев.

Республикалық бюджеттің кірістері (трансферттерді есепке алмағанда)    2017 жылы 4 338,2 млрд.теңге, 2018 жылы – 4 562,3 млрд.теңге, 2019 жылы – 4 877,2 млрд.теңге сомасында болжанып отыр.

«2017-2019 жылдарға арналған Ұлттық қордан кепілдендірілген трансферттің мөлшері белгіленіп тіркелген 8 млрд. АҚШ доллары мөлшері мен АҚШ долларының 360 теңгемен есептелу бағамын негізге ала отырып, жыл сайын 2 880 млрд. теңге сомасында айқындалды» - деді Бишімбаев, тиісті заң жобасын ұсына отыра.

«2017 жылы бюджет тапшылығын 578,1 млрд. теңгеге немесе ЖІӨ-ге қатысты 1,2 %-ға дейін төмендету жоспарлануда. 2018-2019 жылдары тапшылықты ЖІӨ-ге қатысты 1,0%-ға дейін одан әрі төмендету жоспарлануда. Бұл 2017-2019 жылдары мемлекеттік борышты ЖІӨ-ге қатысты 22%-дан аспайтын деңгейде ұстауға мүмкіндік береді. Тұтастай алғанда, республикалық бюджет шығыстары 2017 жылы 8 564,4 млрд. теңге, 2018 жылы –  8 370,6 млрд. теңге және 2019 жылы – 8 751,2 млрд. теңге көлемінде айқындалды» - деп толықтырды Қ.Бишімбаев.

«Республикалық және облыстық бюджеттер, республикалық маңызы бар қала, астана бюджеттерi арасындағы 2017 – 2019 жылдарға арналған жалпы сипаттағы трансферттердiң  көлемі туралы» Заң жобасы өңірлердің бюджеттік қамтамасыз ету деңгейін теңестіруге және мемлекет кепілдік берген қызметтерді көрсетуде тең фискалдық мүмкіндіктерді қамтамасыз етуге бағытталған.

Ақпарат көзі: strategy2050.kz

0
0
522

Астананың коммуналдық қызметтері алдағы жылыту маусымына 100 пайыз дайын

Астана әкімі Әсет Исекешев қалалық коммуналдық кәсіпорындар басшыларының, аудан әкімдерінің, білім, денсаулық сақтау, мәдениет және спорт басқармаларының алдағы жылыту маусымына дайындық мәселелері бойынша есептерін тыңдады, деп хабарлады қала әкімдігі.

«Теплотранзит» АҚ мәліметінше, қалалық денсаулық сақтау, білім және мәдениет нысандары 100%, тұрғын үй қоры 97%-ға дайын.

«Алматы» ауданындағы 1070 үйдің 1050-і немесе жалпы санының 98% дайын. «Есіл» ауданындағы 258 үйдің 239-ында (93%) дайындық жұмыстары аяқталды, «Сарыарқа» ауданында 927 үйдің 914-і (99%) қысқа дайын.

Елорданың үш ауданындағы қалған үйлерде тұрғындардың ықылассыздығынан, сондай-ақ, мақсатты қаржыны жинау қарқынының төмендігінен жұмыстар кестеден кешіктіріліп жатыр. «Астана Теплотранзит» АҚ және «Астана қаласының тұрғын үй инспекциясы басқармасы» ММ бірлесіп осы нысандар бойынша жиналыстар өткізіп, тұрғындарға жылу тораптарын жөндеуге мақсатты қаржы жинау қажеттілігі туралы түсіндіруде.

Елорданың тіршілікті қамтамасыз ету нысандарының негізгі және қосалқы жабдықтарын жөндеу бекітілген кестеге сай жүргізіліп жатыр. Бүгінгі таңда «Астана - Энергия» АҚ – 95%, «Астана - Теплотранзит» АҚ - 92%, «Астана - РЭК» АҚ - 80,8%, аудандық қазандықтар – 100% дайын.

Айта кетейік, жылыту маусымына дейін энергия қуаты көздерінде отынның 20 тәуліктік нормативтік қоры жасалады.

Сонымен қатар, биылғы жылдың әр айға бөлінген көмір жеткізу кестесі бекітілді.

Кәсіпорындардың 2016-2017 жж. жылыту маусымына дайындық төлқұжаттары жөндеу кампаниясы аяқталған соң ү.ж. 1 қазанына дейін беріледі.

Отырыс қорытындысы бойынша Әсет Исекешев жауапты тұлғаларға барлық қалалық нысандарды жылыту маусымына дайындауды уақытылы аяқтауды және 1 қазанда балабақшаларға, мектептерге, ауруханаларға жылу беруді тапсырды. Қалған нысандарды, соның ішінде тұрғын үйлерді жылумен жабдықтау ауа райының өзгеруіне (ауа температурасының төмендеуі) байланысты болады.

Ақпарат көзі: strategy2050.kz

0
0
398

ҚР ҚК әскери полигондарының инфрақұрылымын дамыту оң нәтижелер беруде

ҚР Қарулы Күштерінде ірі әскери полигондардың инфрақұрылымын дамыту мен жөндеу және әскери нысандарды қайта құру жөнінде белсенді жұмыс жүргізілуде, деп хабарлады Қорғаныс министрлігінің баспасөз қызметі.

Биылғы жылы Қазақстан аумағында алғаш рет өткен Армия халықаралық ойныдарына дайындалу шеңберінде ең алдымен, жұмыс инфрақұрылымды қалпына келтіруге бағытталды.

Электр қуатының үздіксіз берілуі, трансформаторларды орната отырып, екінші резервтік тораптың салынуы қамтамасыз етілді, ауылдық елді мекенде, облыстық маңызы бар жолда орташа күрделі жөндеу, республикалық маңызы бар жолда ағымдағы жөндеу жұмыстары жүргізілді Гвардейск кентінде 10 мың шаршы метр асфальт төселді.

Ойындардың өткізілуі жүздеген адамды жұмыспен қамтып қана қоймай, сонымен бірге, өңірдің әлеуметтік-экономикалық дамуына елеулі қарқын берді. Құрылыс жұмыстарына 50 бірлік арнайы техника және 800-ден аса жұмысшы тартылды.

Гвардейск қалашығында барлығы дерлік инженерлік желілер ауыстырылды, қаланың жарықтандырылуының күрделі жөндеу жұмысы атқарылды, казармалардың, асханалардың, қонақ үй мен хауыздың (бассейннің) жөнделуі жүргізілді.

Тікелей сайыс өткізілген полигон аумағында біршама жұмыс атқарылды. Жаңа ғимарат тұрғызылды, вип-мінбер жөнделді, көрермендерге арналған 2 мыңнан аса отыратын орын орнатылды, сондай-ақ, жарыстарға арналған екі тас жол салынды. Бұл 2 шақырымға созылды және мәре мен сәре сызықтары секілді элементтерді, «Змейка» кедергісін, төбешік, сорап көпірі, мина-жарылғыш қоршаулар, танк оқшашарынан оқ ату учаскелері және т.б. қамтиды.

Тас жолдар толық жабдықталып, тегістеліп, қиыршық тас төселді. Одан басқа, осы жылы қайта құрастыру Қазақстан Қарулы Күштерінің оқу-жаттығу орталықтарында жүргізіледі. Онда ұдайы негізде республикалық және халықаралық деңгейдегі ірі ауқымды іс-шаралар өткізіледі. «Спасск» оқу-жаттығу орталығында танк айлағы,  тактикалық алаң, әскери жарақтандыру пункттері, бақылау-өткізу пункті, казармалар, сондай-ақ, әскери қызметшілердің тұрмысына қажетті нысандар ауқымды жөндеу жұмысынан өтеді.

Сондай-ақ, Астана маңында орналасқан 68665 әскери бөлімінде барлық аумақ пен әкімшілік-казармалық аймақ нысандары абаттандырылады.  Қазіргі уақытта 120 пәтерлі екі түрғын үйдің құрылысы жүргізілуде. Одан өзге, бөлім аумағында палаткалы лагерьге арналған аймақ қарастырылған. Онда далалық шығулар мен практикалық сабақтар кезінде әскери қызметшілерді орналастыру жоспарлануда. Бір сөзбен айтқанда, лагерь қазіргі заманғы талаптарға сай болады.

Алайда, жағдай жауынгерлікке барынша жақындатылады. Бұдан басқа, жақын арада Алматы қаласындағы Құрлық әскерлері Әскери институты оқу полигонының объектілері қалпына келтіріледі. Инфрақұрылымның ірі жөндеуден өтуі «Кадекс» халықаралық көрмесі қарсаңында Астана маңындағы авиациялық базада жүргізілгенін естеріңізге сала кетейік. Әлемдік стандарттарға сәйкес демонстрациялық алаң жасау үшін бұл іс-шараға орай авиабазада арнайы қайта жаңғырту жүргізілді.

Ақпарат көзі: strategy2050.kz

0
0
233

Ұсақ жемқорлық немесе жасаған жақсылық үшін алғыс

А.ж. 13 қыркүйекте Егіндікөл ауданында Сыбайлас жемқорлыққа қарсы «Адал жол –Честный путь» марафоны аясында    «Ұсақ  жемқорлық немесе жасаған жақсылық үшін алғыс» тақырыбында дөңгелек үстел өтті. Іс-шараның мақсаты: қоғамдық санада қалыптасқанстереотиптерді өзгерту, сыбайлас жемқорлықтың кез келген жағдайына төзбеушілік мәдениетін қалыптастыру. Осы маңызды және көкейтесті тақырыпты талқылауға аудандық кітапхана оқырмандары және   10-11-сынып оқушылары  қатысты. Ұсақ жемқорлық деген не? Ұсақ жемқорлар жегеніміз кімдер?  Жиналғандар ұсақ жемқорлықты жеңуге бола ма? - деген сұрақтар бойынша барынша пікір таластыруға тырысты.

Іс-шараға 13 адам қатысты.

Департамент госслужбы

0
0
423

Мемлекеттік сатып алудағы айқындық

А.ж. 13 қыркүйекте сыбайлас жемқорлыққа қарсы «Адалжол – Честный путь» марафоны аясында «Мемлекеттік сатып алуды өткізу кезіндегі тазалық» тақырыбына семинар өткізілді.

Іс-шараны Егіндік өлауданының экономика және қаржы бөлімі ұйымдастырды. Семинарға аудан әкімінің орынбасарлары З.Жұматова, Ж.Жақанов, аудандық қызмет басшылары мен мамандары қатысты.

Экономика және қаржы бөлімінің басшысы С.Придан қатысушыларды «Мемлекеттік сатып алу туралы» Қазақстан Республикасы Заңының тиісінше орындалуы, мемлекеттік сатып алуды өткізу кезінде бұзушылықтарға жолбермеу туралы түсінікті түрде ақпараттандырды. С.Придан семинар барысында туындаған барлық сұрақтарға жауап берді.

Департамент госслужбы

0
0
395

Астанада WorldSkills Kazakhstan Ұлттық чемпионатының жеңімпаздары анықталды

Астанада WorldSkills Kazakhstan ұлттық чемпионат жеңімпаздарының марапаттау рәсімі өтті.

«Қазақстан» орталық концерт залында  WorldSkills Kazakhstan Ұлттық чемпионатының салтанатты түрде жабылу рәсімі өтті. Жарыстың қорытындысы бойынша Қазақстанның жұмысшы мамандықтары бойынша ұлттық құрамасы құрылды. Олар 1-3 желтоқсан айында Швецияның Гетеборг қаласында өтетін EuroSkills чемпионатына алғаш рет қатысады, деп xабарлайды Bnews.kz тілшісі.

Байқауға еліміздің 14 өңірінен және Астана, Алматы қалаларынан келген 140 үміткер қатысты. Олар 3 күн бойы WorldSkills Kazakhstan Ұлттық чемпионатында 15 құзыреттілік бойынша сайысқа түсті.

Қатысушылар сынға түскен мамандықтарды атап өтсек: мейрамхана ісі (аспазшы), мейрамхана сервисі (даяшы), кондитер ісі,  шаштараз ісі, желілік және жүйелік басқару, веб-құрастыру, мехатроника, құрғақ құрылыс пен сылақ жұмыстары, кірпіш қалау, дәнекерлеу жұмыстары, сырлау және декоративтік жұмыстар, плиткамен қаптау, мектепке дейінгі тәрбие, киім дизайны, электр монтаждау жұмыстары.

«Веб дизайн» номинациясы бойынша 2-орынға ие болған 19 жастағы Қарағанды облысынан келген жас маман Константин Жуков өзінің сүйікті ісімен айналысып жүргендігін қуана айтты.

«Аталған номинация 4 этаптан тұрды. Алғашқы екі этап редакциялық дизайннан өтті. Ал қалғаны теxникалық этап болды. Мұнда қатысушылардан программалық бағдарламалау тілін қаншалықты жетік меңгергені тексерілді. Осы байқауға қатысқаныма өте қуаныштымын. Өз сүйікті ісіммен айналысып, осындай жетістікке жеттім», - дейді жас маман.

Аталған шара Елбасы Н.Ә.Назарбаевтың «100 нақты қадам» Ұлт Жоспарын жүзеге асыру аясында жалпы еңбек қоғамын құру және жұмысшы мәртебесін арттыру жөніндегі тапсырмаларын орындау мақсатында қолға алынып отыр.

Биыл өткізілген Ұлттық чемпионаттың негізгі мақсаты – жастарды жұмысшы мамандығын меңгеруге тарту. WorldSkills қозғалысы еліміздің жас мамандарына кәсіби дағдыларын шыңдай түсуге мүмкіндік береді.

Жұмысшы мамандықтары бойынша Ұлттық чемпионат алғаш рет 2015 жылы өткізілген. Оған еліміздің түк-түкпірінен келген 70 маман қатысқан.

Айта кетейік, EuroSkills байқауында жеңіске жеткен жас мамандар WorldSkills Ұлттық чемпионатына қатысуға мүмкіндік беріледі. Халықаралық байқау Дубай қаласында өтеді.

Айта кетейік, WorldSkills International (WSI) — xалықаралық коммерциялық емес қауымдастық. Бұл қауымдастық 1953 жылы әлемде жұмысшы мамандықтарын насиxаттау мақсатында құрылды. Бүгінде ұйымның құрамына 72 мемлекет кіреді.+

WorldSkills чемпионаты екі жылда бір рет өткізіледі. Халықаралық байқауды «Жұмысшылар олимпиадасы» деп те атайды. Чемпионатқа жұмысшы мамандығын меңгерген жасы 22-ден аспаған жас маман қатыса алады.

Ақпарат көзі: strategy2050.kz

0
0
861

«Өңірлерді дамыту-2020»: Биыл Жамбыл облысында 80 пәтерлік тұрғын үй пайдалануға берілмек

«Өңірлерді дамыту-2020» бағдарламасы аясында биыл Жамбыл облысында 80 пәтерлік тұрғын үйді пайдалануға беру жоспарланған, деп хабарлады облыс әкімдігі.

Құжаттарға сәйкес, осы өңірде құрылыс салу  және 6 көппәтерлі тұрғын үйді пайдалануға беру жоспарланып отыр. Ол жалпы аумағы 37 мың шаршы метрлі 480 пәтер. Олар салынып біткен соң,   1  шаршы метрі үшін  116 мың теңгемен өткізіледі және  2017 жылдың тамыз айында беріледі.

«Өңірлерді  дамытудың  2020 жылға дейінгі бағдарламасы аясында Тұрғын үй құрылыс жинақ банкі мен әкімдік арасында «Халықтың барлық санаты үшін тұрғын үй» бағыты бойынша 7 көппәтерлі тұрғын үйге арналған  Ынтымақтастық туралы  келісімге қол қойылды. Қазіргі таңда, олардың жалпы аумағы 31,6 мың ш.м.  құрайтын 399 пәтерлі  6 тұрғын үйі  беріліп те қойды.

Спикердің айтуынша ағымдағы жылдың  4-ші тоқсанында «Арай» алқабынан жалпы аумағы   6,179 мың ш.м. қүрайтын 80 пәтерлі тұрғын үйді пайдалануға беру жоспарланып отыр.  Қазіргі таңда осы нысандар бойынша пәтерлерді сатып алушылар  құны құрылып та қойды  және банк салымшылары пәтерлерді сатып алу үшін, қажет құжаттарды дайындау үстінде.

Сонымен қатар «Халықтың барлық санаты үшін тұрғын үй» бағыты бойынша   жалпы аумағы 28,8 мың м2    құрайтын  465  пәтерлі  6 тұрғын үйдің салынуы және өткізілуі бойынша ынтымақтастық туралы келісімге қол қойылды. Барлық пәтерлер  кейінгі сатып алу механизмі арқылы өткізілді.  Жалпы Жамбыл облысындағы Тұрғын үй құрылыс жинақ   банкі 2005 жылдан бері жұмыс істеп келеді.

Қазіргі таңда, осы өңірде ҚТҚЖБ-ның 22 мың салымшысы тұрып жатыр. Олардың Банктегі жинағының жалпы сомасы 7 811 млн. теңгеден асады. Осы жылдың басынан бері  4 027  жаңа ТҚЖ шарты  жасалған. Ал, алдыңғы жылы 2,5  миллиард теңге көлемінде кредит берілген - деп мәлімдеді  спикер.

Ақпарат көзі: strategy2050.kz

0
0
371