Мазмұнға өту

Жаңа

Қазақстанда ақбөкендердің көші-қонын спутник арқылы бақылайтын болады

Қазақстанда жануарлардың көші-қон жолының өзгеруін білу үшін 25 ақбөкенге спутниктік қарғабау тағылады, деді АШМ орман және аң шаруашылығы комитеті төрағасы орынбасарының қызметін атқарушы Нариман Жүнісов Астанадағы брифингте.

Қазақстанда ақбөкендерді қорғау бойынша жұмыстар жүргізіліп жатыр.  Елде  аталмыш жануардың  3 түрі шоғырланған,  олардың  жалпы саны  108 мыңды құрап отыр.

«Олардың қырылуының басты себебі пастереллез болған,  себептерді анықтау жұмыстары жалғасуда.  Шетелдік және отандық интитуттар  қазанның соңына дейін  есепті тапсыратынын айтып отыр», - деді Н.Жүнісов.

Оның айтуынша, Орман шаруашылығы комитеті ақбөкендерді радиошамшырақпен қамтуды көздеп отыр.

«Біз биологиялық сынаманы алып,  25 ақбөкенге радио қарғабауын тағуды жоспарлап отырмыз. Бұл олардың орын ауыстыруын бақылап отыруға мүмкіндік береді», - деді ол.

Ақпарат көзі: strategy2050.kz

0
0
401

Әдеп кодексінің басты аспектілері туралы

А.ж. 20 қыркүйегінде Қазақстан Республикасының Мемлекеттік қызмет істері министрлігі Ақмола облысы бойынша департаментінің қызметкері А. Сайдалин Ақмола облысының қаржы басқармасында «Әдеп кодексінің басты аспектілері туралы» тақырыбында семинар  өткізді.

Кездесу барысында дәріскер Әдеп кодексінің талаптарын түсіндірді.

Сонымен қатар, Әдеп кодексінің талаптарын бұзған тұлғаларға қатысты қарастырылған тәртіптік істер туралы айтылды.

Кездесудің соңында Ақмола облысының қарғы басқармасының қызметкерлеріне Әдеп кодексің талптарына қатысты қойылған сұрақтарына жан-жақты  жауап берілді.

Іс-шараға 20 адам қатысты.

Департамент госслужбы

0
0
384

«Жас қанат» жастар ұйымымен саяхатқа шықты

Қазақстан халқы Ассамблеясының жанынан құрылған «Жас қанат» жастар ұйымы және «Жас Отан» жастар қанаты Қазақстан Республикасының 25 жылдығына орай өзге ұлт өкілдерін Маңғыстаудың тарихи мәдени орындарына саяғатын ұйымдастырды. Шара мақсаты: «Жас қанат» жастар ұйымының мүшелеріне, өзге ұлт өкілдеріне Маңғыстау облысындағы тарихи мәдени орындарын көрсету, өлке тарихын таныстыру арқылы олардың туған жерге сүйіспеншілігін арттыру, Тарихы тереңде жатқан қазақ елінің құнды жәдігерлерін көрсетіп, патриоттылыққа дәріптеу.

Саяхат 18 қыркүйек күні өткізіліп,  оған 30 адам қатысты. Ақтау қаласынан бастап экскурсия кезінде таныстыру жұмысын үздіктіксіз жүргізіп отырған «Отпан» мекемесінің қызметкері қатысушыларға толық ақпарат жеткізе білді. Жастардың қызығушылықтары артып, Маңғыстаудың тарихы туралы мәлімет алды.

Саяхаттың бірінші орны танымал «Шарқала» тауынан басталды. Ертеде бұл тауда адайлар мен түркімендер арасында қырғын соғыс болған. Түрікпен-қазақ қырғынында осы ұшпаға түрікпендер орналасып алып, жаугершілік жасаған. Бұл ұшпаның жан-жағы тегіс тас, өтетін жері, жолы болмаған. Тек бір ғана жолы ішінде су алатын түрікпендердің тіршілік еткен көзі үлкен шыңырауы болған. Жоғарыдағы жауға ештеңе істей алмай, құруға жақын қалған қазақтар ақыры амалын тауып¬ты. Олар шыңыраудан қауіпсіздеу бір шетін тесіп, сол жерден түрікпендердің су алуға түсірген қауға, шелегін кесіп тастап тұрған. Ақырында шөлден қырылып, қаталаған түрікпендердің жартылай қолы «Шерқаланы» тастап қолға түскен екен. «Шерқаланы» түрікпенше алынбайтын қамал дегенді білдіреді екен. «Шерқала» тауы - Маңғыстау қазақтарының «киелі» деп санайтын жерінің бірі. Жастар таудың тарихымен толық танысып, естелік суретке түсті.

Одан кейін «Ақмыш» бағына келді. Ақмыш демалыс орны жұртқа мәлім Орталық Қаратаудың солтүстігіндегі жасыл желекке бөленген ең көрікті жер. Себебі мұнда жерасты бұлақ көздері мол. Қалың өскен сан ­алуан ірі бұталы шөп түрлері өскен ұзындығы бірнеше шақырымға созылған жылға бойы Иірдің ойына дейін созылып жатыр.

Ақмыштан кейін өзге ұлт өкілдері «Көгез» этноауылына барды. Ол Маңғыстау ауданының Шетпе ауылына жақын жерде орналасқан. Ол ауыл қазақы дәстүрмен жасалып, 6 ағаш үйі тігілген. Қонақтар саяхаттап осы орында тынығып орналасуына болады. Бұл жердің де болашағы зор екенін білген өзге ұлт өкілдері жиі келіп тұратындықтарын жеткізді.

Саяхаттың соңғы нүктесі «Отпан тау» тарихи мәдени демалыс кешенінен аяқталды. Ол жерде саяхатшылар көптеген мәліметтерді алып, музейді тамашалады. Отпан тау - Маңғыстаудың ең биік шоқысы. Жаугершілік заманда ел іргесіне жау тигенде адайлар Отпан тау басына от жағып белгі берген. Оны көрген батырлар келісімді жерге жиылып, бас біріктіріп, жауға соққы берген. Сондықтан Отпан тау ел бірлігінің символы болып келді.

Саяхатшылар үлкен әсермен Маңғыстаудың керемет орындарын таныды. «Жас қанат» жастар ұйымы өзге ұлт өкілдерінің жастары арасында осындай шараларды жүргізіп отыратынын жеткізді.

 
0
0
1112

Мәжіліс ХҒТО қызметін жалғастыру келісімін ратификациялау туралы заң жобасын мақұлдады

Бүгiн Мәжiлiстiң жалпы отырысында «Халықаралық ғылыми-техникалық орталықтың қызметін жалғастыру туралы келісімді ратификациялау туралы» заң жобасы мақұлданды.

«Келiсiмге сәйкес Қазақстан орталыққа қызметтiк орын-жай бередi, сонымен қатар осы орын-жайға қызмет көрсетудi, коммуналдық және күзет қызметтерiн төлеудi қамтамасыз етедi. Орталық қызметiн жалғастыру туралы келiсiм әлi күнге дейiн ратификацияланбаған. Дегенмен, бұл орталық қазiргi уақытта Назарбаев университетiнiң ғимаратында тегiн орналасқан. Шығындарды Назарбаев университетi төлеп отыр. Жылына 18 млн теңге жұмсалады. Қазiргi кезде министрлiк Астана ЭКСПО-2017 компаниясымен және Астана қаржы орталығымен бiрлесiп, орталықтың штаб-пәтерiн көрме өткен соң ЭКСПО ғимаратының бiрiне орналастыру мәселесiн қарастыруда», - деп баяндады ҚР Білім және ғылым министрі Ерлан Сағадиев.

Келiсiмге сәйкес орталықтың негiзгi мiндетi - жаппай жою қару саласындағы ғалымдар мен инженерлерге өз бiлiмiн бейбiт мақсатқа пайдалануға мүмкiндiк беру. Орталық қызметiн екi бағыт бойынша iске асырады - ғылыми-техникалық жобаларға грант бөлу және конференция, семинар өткiзу. Әр жоба бойынша орталық бөлетiн грант ғылыми ұйымның сұраған сомасына байланысты.

Әр жоба бойынша орташа сома - 100 мыңнан 600 мың АҚШ долларына дейiн болады. Жобалардың жалпы ұзақтығы 2-3 жыл. Өткен 20 жылдың iшiнде Қазақстанның ғалымдарына орталық бөлген гранттар көлемi - 75 млн долларды немесе гранттардың жалпы сомасының 13 пайызын құрады. Осы кезеңде 206 грант 5 мыңдай қазақстандық ғалымға бөлiнген.

«Орталық ұсынған ғылыми бағыттар - биотехнология, экология, ядролық реакторлар, материалтану, химия және физика. Сонымен қатар, 2014 жылы Қазақстан ғалымдарына орталық ең көп грант - 1,5 млн доллар бөлдi. 2014 жылғы жалпы қаржыландыру көлемiнен 45 пайыз алдық. Ендi 2015-2016 жылдарға Қазақстанға қаржы бөлiнген жоқ. Ратификациялау қажет болып тұр. Қазiргi уақытта қазақстандық тапсырылған жобалардың саны 50 пайызды құрады. Ендi ғалымдар жұмыс iстеуге дайын», - дедi министр.

Қаржыландыру процесi үш кезеңде өтедi. Ең алдымен, тапсырылған қазақстандық жобалар өзiмiздiң ведомствоаралық ғылыми-техникалық кеңесте қаралады. Аталған кеңестiң құрамына қазақстандық мемлекеттiк және тиiстi органдардың өкiлдерi кiредi.

Барлығы 11 адам. Сол кеңестi министрлiк өзi басқарып отыр. Екiншi кезеңде таңдалған жобалар орталықтың ғылыми-техникалық комитетiне ұсынылады.

«Онда дауыс беретiн қазақстандық бiр ғалым болады. Екiншi кезеңнен өткен жобалар орталықтың басқарушылық кеңесiне қарауға түседi. Бес дауыстың iшiнде бiздiң бiр дауысымыз болады. Келiсiм ратификациядан өткенше дейiн Қазақстанның екiншi-үшiншi кезеңде дауыс беруге құқығы жоқ», - дедi Е.Сағадиев.

Халықаралық ғылыми-техникалық орталық - үкiметаралық ұйым. Орталық ядролық қаруды таратпау мақсатында Еуропалық одақ, Ресей, АҚШ және Жапония арасындағы келiсiм негiзiнде 1992 жылы құрылған.

Қазақстан Республикасы орталыққа 1995 жылы қосылған. Орталықтың қызметiн жалғастыру туралы келiсiмге 2015 жылы Астана қаласында қойылды. Келiсiмде орталықтың штаб-пәтерiн Ресейден Қазақстанға көшiру қарастырылған.

Ақпарат көзі: strategy2050.kz

0
0
388

Шетелдік делегаттар Алматы ауруханаларының Универсиадаға дайындығымен танысты

2017 жылғы қысқы Универсиада аясында жұмыс сапарымен келген шетелдік делегаттар Алматы ауруханаларына арнайы барып, ондағы жағдаймен жақынырақ танысты. Қазір қаладағы барлық ауруханалар 2017 жылғы қысқы Универсиадаға тыңғылықты дайындалып жатыр.

Шетелдік делегация тобы Алматы қаласындағы №4 қалалық ауруханаға, Қалалық жедел-жәрдем ауруханасына бас сұқты. Бұл ауруханалар Барлық озық технологиямен жабдықталып, шетелдерде тәжірибеден өткен білікті мамандар қызмет атқарады. Аталған емдеу мекемелері жоғары мамандандырылған. Алматы қаласының тұрғындары және республиканың әр түкпірінен келгендерге шұғыл және жоспарлы түрде медициналық көмек көрсетеді. Медициналық көмектер келесі бағыттар бойынша көрсетіледі: хирургия, травматология нейрохирургия, гинекология, урология, терапия, неврология, инсульттық орталық, токсикология және тб. Ауруханалар озық үлгідегі құралдармен жабдықталған. Ең күрделі операциялар жасаумен және аз кездесетін ауруларды емдеумен айналысады.

Ұлыбритания ұлттық студенттер спорты федерациясының медициналық комитетінің жетекшісі Эджэи Абосидэ Олугбоинва ауруханадағы жабдықтарды көріп, жоғарғы бағасын берді.

«Біз қаладағы ауруаналарды көріп, жақсы ойда қалдық. Барлық палаталар озық үлгідегі техникалармен жабдықталыпты. Ал мамандардың біліктілігі жоғары екеніне көз жеткіздік. Жарыс кезінде спортшылар үшін барлық көмек көрсетілетініне сенімдімін», - деп өзін ойын білдірді Эджэи Абосидэ Олугбоинва.

Делагаттарға жедел медициналық көмек көрсету станциялары да көрсетілді. Олар автоматтандырылған жүйе мен жаңа жедел жәрдем машиналарымен танысты. АҚШ студенттер спорты федерациясы медициналық комитетінің жетекшісі Рональд Олсон Универсиада кезінде шұғыл көмектің аса қажет екенін айтады.

«Кез-келген сәтте спортшы құлап, жарақат алуы мүмкін. Ал, оған, шұғыл көмек көрсету аса маңызды. Медицина қызметкерлерін көріп, олардың ақжарқын жандар екеніне көзім жетті. Бұл да аса қажетті фактор. Меніңше, бәрі ойдағыдай болады», - деді доктор Олсон.

Универсиадаға дайындық дирекциясы хабарлағандай, Алматы қаласы әкімдігінің шешімімен Универсиадаға 40 жедел-жәрдем көліктері жұмылдырылмақ. Оның 8-і реанимобиль көліктері. Медициналық көмек көрсету үшін Алматы қаласының 8 стационары жұмылдырылады.

«Біздің медицина қызметкерлері Универсиадаға сақадай-сай дайын. Барлық бағытта шұғыл көмек көрсете алатын деңгейде. Олардың дені ағылшын тілін меңгеріп, біліктілігін арттырып жатыр. Ауруханаларымыз барлық озық үлгідегі медициналық құралдармен жабдықталған. Біз Универсиада кезінде дәрігерлерді ғана емес, сондай-ақ медициналық колледже оқитын студенттерімізді де еріктілер ретінде пайдаланамыз», - деді Алматы қаласы денсаулық сақтау басқармасының басшысы Уәлихан Ахметов.

Ойындарды өткізу уақытында Алматы қаласының Денсаулық сақтау басқармасының, Спорттық медицина және оңалту орталығының, «Катастроф» медицина орталығының, «КазАвиоСпас» оңтүстік аймақтық филиалының медициналық мамандары, сондай-ақ ағылшын тілін білетін еріктілер ретінде медицина уиверситеттерінің студенттері мен түлектері тартылатын болады.

Атлетикалық ауылда спортшылар мен аккредтелген тұлғаларға  амбулаторлық көмек көрсету үшін медициналық орталық (спорттық дәрігерлер, травматолог-дәрігерлер және басқа мамандар, зертханалық-диагностикалық блок, изолятор, дәріхана) және сауықтыру-оңалту іс-шаралары (физиотерапия, ЛФК, массаж) жұмыс істейтін болады. Шұғыл науқастар үшін Универсиаданың ресми ауруханаларына кедергісіз қабылдау ұйымдастырылатын болады.

Құтқарушы дәрігерлер үшін спорттың қысқы түрлері үшін медициналық көмек көрсету және тау дайындығы бойынша оқыту, сонымен қатар медициналық қызметкерлер үшін спорттық медицина және допингке қарсы кодекс бойынша оқытатын тренинг-семинарлар жүргізілетін болады.

Медициналық көмек көрсету жағдайларын тіркеу ағылшын тілінде арнайы формада (анықтама карточкасы) толтырылуы керек. Қазіргі уақытта медициналық қызметкерлердің 130 астам қызметкерлері ағылшын тілін оқиды.

Әрбір спорттық жарыс нысанында және Атлетикалық ауылда допинг-бақылау станциялары ұйымдастырылатын болады. 2017 жылғы Универсиада дирекциясы FISU медициналық комитетімен бірлесе отырып, Алматы қаласындағы 2017 жылғы Дүниежүзілік қысқы Универсиаданың допинг-бақылау рәсімдерін, сондай-ақ спортшыларды тестілеуді бөлудің жоспарын әзірледі. Допинг бақылау рәсімдері тестілеуге арналған Дүниежүзілік допингке қарсы күрес кодекстің және Халықаралық стандарттың ережелеріне сәйкес жүргізіледі.

Ақпарат көзі: strategy2050.kz

0
0
359

Ақмола облысында ет өндірісі 8,3%-ға артты

Ақмола облысында өткен жылмен салыстырғанда ет өндіру 8,3 пайызға артты.

Аймақ әкімдігінде хабарлағандай, шаруашылықтың барлық санатында жыл басынан бастап  61,2 мың тонна ет өндірілді, өткен жылдың сәйкес кезеңімен салыстырғанда өсім 8,3 пайызға жеткендігі байқалады. Сонымен қатар, 260,9 мың тонна сүт өндірілді, 4,2 пайызға артты және жұмыртқа    саны 499,4 млн данаға жетті.

Сондай-ақ, жыл басынан бері  ірі қара мал саны 2,9 пайызға артты және 432,3 мың тонна басты  құрады. Олардың ішінде: сиыр-6,0 пайыз (203,8 мың бас), жылқы – 4,5 пайыз (167,9 мың бас), қой мен ешкі-2,9 пайыз (582,7 мың бас), құс-0,3 пайыз (5,2 млн).

«Астана қаласы   маңындағы азық-түлік белдеуі бойынша ағымдағы жылы жалпы сомасы 8,9 млрд теңгенің 10 жобасы іске асырылуда. Олардың ішінде 1,8 млрд теңгенің 2 жобасы іске асыты»,-делінген хабарламада.

Сонымен қатар, облыстың ауыл шаруашылығы тауар өндірушілерімен елордалық нарыққа 49 мың тонна сүт өнімдері, ет-15,5 мың тонна және ет өнімдері, 149,1 млн дана жұмыртқа жеткізілді.

Облыстық статистика департаментінде хабарлағандай, Павлодар облысында  2016 жылдың қаңтар-тамыз айларында  өндірістік өнеркәсіп  көлемінің өсімі 856,4 млрд теңгені құрады,  ол 2015 жылмен салыстырғанда  1,1 пайызға жоғары.

Өңдеу өнеркәсібі көлемінің төмендеуі  3,1 пайызға төмендеді, электрмен қамту, газ беру бойынша – 4,8 пайызға, суды реттеу мен өңдеуде  2,8 пайызға, қалдықтарды жою – 4,2 пайызға төмендеді.

Металлургиялық өнеркәсіп өндірісі, дайын метал өнімдерін өндіру көрсеткіші айтарлықтай өсті.

Облыста өсімдік шаруашылығы өнімін дамытудың маңызды бағыттарының бірі астық өсіру болып табылады. Ай сайынғы мониторинг жұмысына сәйкес, 2016 жылдың 1 қыркүйектегі  жағдайы бойынша, облыста дәнді- дақылдар 121,1 мың тоннаны құрады.

Жыл басынан бастап 1025,1 мың тонна астық кіріске алынды, оның ішінде сатылым – 943,4 мың тонна, тұқымға – 8,5 мың тонна мен жем-шөпке-73,2 мың тонна. Олардың негізгі үлесі 89,3 пайыз.

Департаментте ағымдағы жылдың басынан бастап облыстан 92,4 мың тонна дәнді- дақыл экспортталғаны айтылды,  ол өткен жылғымен салыстырғанда 12,1 пайызға көп. Астық Өзбекстан Республикасына экспортталды. Ал астықтың импорты 0,1 тмың тоннаны құрады, астық Ираннан әкелінді.

Ақпарат көзі: strategy2050.kz

0
0
413

Көксу қант зауыты 200 мың тоннадан астам қант қызылшасын өндіруді жоспарлауда

Көксу қант зауытына қант қызылшасының биылғы жылғы алғашқы легі жеткізілді, деп хабарлады Алматы облысының әкімдігі.

Көксу қант зауытына осы жылы алғаш 200 тонна қант қызылшасын жеткізген Сарқан ауданындағы «Мадияр» шаруа қожалығы болды. Бұл қожалық ағымдағы жылы 200 гектар аумаққа қант қызылшасын еккен. Орташа өнімділігі гектарынан 500 – 550 центнерді құрады. Жалпы диқандар қызылша алқабынан 8 мың тонна тәтті түбір жинауды жоспарлауда, ал бүгінгі зауытқа жеткізгені соның тек бір бөлігі ғана.

«Көксу қант зауытының директоры Нұрлан Тлеубаев пен осында жиналған қонақтар зауытқа өнімнің алғашқы легінің жеткізілуіне байланысты қалыптасқан дәстүр бойынша салтанатты түрде зауыттың  қызыл лентасын қиды. Осылайша, қант қызылшасын өңдеуге ресми түрде рұқсат берілді. Ендігі кезекте зауытқа өңірдің қант қызылшасын өсіруге бағытталған барлық аудандарынан біртіндеп қант қызылшасы келе бастайды»,-деп хабарламада айтылған.

2015 жылы қант қызылшасының алқабы 3,8 мың гектар болса, биылғы жылы қант қызылшасының алқабы 6,8 мың гектарға жетті. Жоспар бойынша қайта өндеуге тәтті түбірдің 224 мың тоннасының өткізілуі күтілуде. Атқарылып жатқан жұмыстардың барлығы Мемлекет басшысының Алматы облысына қант қызылшасын өсіруші аймақ атағын қайтару туралы тапсырмасын орындауға бағытталған.

Ақпарат көзі: strategy2050.kz

0
0
789

Түркістанға жақын аймақта түркі тілдес халықтарының қалашығын салу жоспарланып отыр

Түркістан қаласына 60 шақырым кіре беріс жерге түркі тілдес халықтардың қалашығын салу жоспарланып отыр, деп хабарлады ОҚО-ның қала құрылысы мен сәулет басқармасы.

Сәніне сәулеті келіскен жобалардың басым бөлігі, яғни 40-тан астам ірі жоба, соңғы алты жылда – 2009-2015 жылдар аралығында іске асырылып, бой көтерген.

Атап айтқанда, «Жер ана» монументі, Ордабасы алаңындағы субұрқақ, Жібек Жолы аллеясы,Көркемөнер галереясы, Абай мұражайы, Диуани Хикмет аллеясы (Түркістан қ.), «Даңқ» мемориалы, Дендросаябақты қайта жөндеу, «Шәмші әлемі» сквері, спортшылар аллеясы, Неке сарайы, Жастар орталығы, Қабанбай батыр ескерткіші, Босанғанға дейінгі орталық, Облыстық филармония, «Қызғалдақ» субұрқағы жобалары болып жалғасып кете береді.

«Облыстың сәулеттік сәнін арттырып, көркейтуге бағытталған жұмыстар мұнан әрі жалғасын таба береді. Мәселен, Түркістан қаласына 60 шақырым кіре беріс жерге түркі тілдес халықтардың қалашығын салу жоспарланып отыр. Шығыс халықтарына берілетін этно қаланы әр ұлт өздігінше әсемдейтін болады. Мұнан бөлек, таяуда өңіріміздің Қызылорда және Жамбыл облыстарымен шектесетін бөлігінде «Оңтүстік» символикалық қақпасы бой көтермек»,-деді Е.Жүсіпов.

Тұрғындар саны бес мыңнан асатын елді мекендерді бас жоспармен қамтамасыз ету жайы 98,1 пайызды құрайтынын жеткізді. Жұмыстардың атқарылуы жөнінен республика бойынша екінші орында тұрған аймағымызда 2020 жылға дейін бұл нәтиже 99,6 пайызға шықпақ.

Ақпарат көзі: strategy2050.kz

0
0
344

Мақта шаруашылығы: бүгін және болашақ

Кеше Мақтарал ауданы әкімінің аппаратында мақта шаруашылығының бүгіні және болашағы мәселесінде бейресми жиналыс болып өтті. Жиынға аудан әкімі Ғалым Исмаилов, ОҚО Ауыл шаруашылығы басқармасының басшысы Серік Тұрбеков және Қазақ мақта шаруашылығы ғылыми-зерттеу институтының басшылары, мақта зауыттары мен пункттерінің өкілдері қатысты.

Мақтарал ауданы аумағында мақта тұқымы шаруашылығын дамыту, мақта өнімін ұлғайту мәселелері қарастырылған жиында Қазақ мақта шаруашылығы ғылыми-зерттеу институтының басшысы Ибадулла Үмбетаев мақта тұқымы шаруашылығын ұйымдастырудағы негізгі кемшіліктерді атап көрсетті. Оның айтуынша, тұқым егілетін егістіктердің бытыраңқылығы, тұқымдық алқаптарда агротехникалық талаптардың сақталмауы, мақта қабылдау кезінде зауыттарда элиталық және репродукциялық дайындалған мақтаның белгісіз тауарлық мақталармен араласуы – мақта сортының келешегін жояды екен. Сонымен қатар, көп сорттылық (тұқымның зауытта араласып кетуі), мақта зауыттарының себілетін тұқымды дайындауға және дайындауға арналған арнайы жабдықтармен жабдықталмауы да тұқым шаруашылығын дамытуда кедергі жасап жатқанын ғалым атап өтті.

ОҚО Ауылшаруашылығы басқармасының басшысы Серік Тұрбеков «Мақта шаруашылығын кооперациялау механизмі» жобасын ұсынды. Жоба бойынша мақта зауыттары мен шаруаларды біріктіріп «Акционерлік қоғам (АҚ)» құру керектігі айтылды және осы арқылы зауытта акциясы бар шаруалардың зауытты басқару мүмкіндіктері ашылады. «Ұсынылып отырған мақта шаруашылығын кооперациялау механизмінің арттықшылығы шаруалар зауытпен бірігіп түпкілікті нәтижеге қол жеткізуге ынталы болады және қайта өңдеу кәсіпорындары қажетті шикізатпен тұрақты түрде қамтамасыз етіледі. Әрі қарай ОҚО тоқыма өндірісі кәсіпорындарымен өзара тиімді кооперациялау мүмкіндігі бар» - дейді Серік Тұрбеков.

   

(с) Мақтарал ауданы әкімінің баспасөз қызметі

 
0
0
766

Қайрат Мәми «Zakon.kz» порталында интернет-конференция өткізді

Бүгін «Zakon.kz» порталында Жоғарғы Сот Төрағасы Қ.Мәмидің қатысуымен интернет-конференция өтті. Онлайн-режимде өткен конференцияда ол интернет-тұтынушылардан түскен 29 неғұрлым рейтингтьік сұрақтарға жауап берді.

Айталық, соттарға сенім туралы сұраққа жауап беру барысында Жоғарғы Сот Төрағасы қазақстандық қоғамның сот жүйесіне деген көзқарасының неғұрлым шынайы сипатын БАҚ-тағы жарияланымдар мен интернеттегі комментарийлер емес, әлеуметтік сауалнамалар көрсете алады. Ол 2012 жылы «Транспаренси Казахстан», 2015 жылы – БҰҰДБ және 2016 жылы өткізілген онлайн-сауалнама нәтижелелерін мысалға келтірді. Осы зерттеулер барысында респонденттердің сәйкесінше 75%, 71,3 % және 74,4% сотқа сенім білдірген.

Қылмыстық жазалауға баламалы шараларды енгізу туралы сұраққа жауап беру барысында Қ.Мәми жазалардың қудалаушылығын азайту мен жазалаудың баламалы шараларын енгізу бойынша жүргізілген жұмыстардың нәтижесін атап өтті. Соңғы үш жылда түрме халқының саны шамамен үш есеге азайды.

Ағымдағы жылдың 8 айында бас бостандығын шектеу жазасы көбірек (шамамен 30 пайыз) қолданылды. Айыппұлдар салу алты есе, қоғамдық жұмысқа тарту төрт есе жиірек тағайындалды.

Еселеп айыппұл салу түріндегі жазаны қолдануға келер болсақ, 2015 жылы 6 811 адам айыппұл төлеуге сотталды. Олар 5 млрд. теңгеден астам қаражат төледі. Осылайша, сыбайлас жемқорлық қылмыстары салдарынан мемлекетке келген шығынның өтемі еселеп толтырылуда.

Адвокаттарды сот ғимараттарына жіберу туралы неғұрлым көп дауыс жинаған сұраққа да жауап берілді. Жоғарғы Сот Төрағасы соттар ғимараттарына кіруді қадағалауды күшейту шаралары сот процестеріне қатысушылардың қауіпсіздігін қамтамасыз етуге бағытталғандығын атап өтті. Олар қолданыстағы заңнамаға толығымен сәйкес келеді. Сот ғимараттарына ұялы байланыс құралдарын кіргізуге шектеу барлығына, соның ішінде судьялар мен сот қызметкерлеріне де қатысты.

Интернет аудитория тарапынан сот шешімдерінің жазалаушылық сипаты мен ақтау үкімдерінің аздығы туралы сұрақ қойылды. Оған жауап бере отырып, Жоғарғы Сот Төрағасы ағымдағы жылы бас бостандығынан айырумен байланысты жаза тек сотталғандардың 26,6 пайызына қатысты қолданылғандығын атап өтті. Жазалаудың баламалы түрлері қолданылған адамдардың үлес салмағы 1,7 пайызға артты.

Ақтау үкімдерінің саны 20,2 пайызға өсті. Ағымдағы жылдың 8 айында соттар 554 адамды ақтады. Сотталған кәмелет жасына толмаған адамдардың саны 2 есе азайды.

Соттар бас бостандығын шектеу мен айыппұл салу секілді жазаларды, ал қосымша жазалар бойынша мүлікті тәркілеу, белгілі бір лауазымды атқару құқығынан айыру жазасын жиі қолдана бастады. Сондықтан, әрбір іс айыптау үкімімен аяқталып жатыр десек, қате пікір болып саналады. Дегенмен, мәселе жоқ емес, Жоғарғы Сот соттарды ақтау үкімдерін шығаруға бағыттап отыр.

Интернет-конференция барысында Қ.Мәми республика судьяларының алдағы VII съезі туралы да айтып өтті. Бұл форум 2016 жылдың 7 қазанында елордадағы Тәуелсіздік сарайында өтеді. Оған 800-ден астам делегат пен съезд қонақтары қатысады. Іс-шара Мемлекет басшысының қатысуымен өтеді.

Съезд шеңберінде судьялардың қызметтегі және одан тыс жүріп-тұру қағидаларын регламеттейтін судьялардың жаңа Әдеп кодексін талқылау мен қабылдау жоспарлануда. Әдеп кодексінің жобасында судьялар қауымдастығының пікірлері көрініс тапқан және «Судьялар мінез-құлқының Банголор ережесінің» қағидаттары ескерілген. Кодекс жобасы бойынша Венеция комиссиясының оң қорытындысы алынған.

Сұрақтарға жауап бере отырып, Жоғарғы Сот Төрағасы сыбайлас жемқорлықпен күрес бағытында қандай жұмыстар атқарылып жатқандығын айтып өтті.

2000 жылдан бастап соттарда істерді автоматты түрде бөлу жүйесі қолдануда. Жоғарғы Сотта Байланыс орталығы жұмыс істейді. Жоғары сот органының сайтында Жоғарғы Сот Төрағасының жеке блогы жұмыс істейді. Аппарат құрылымында Ішкі қауіпсіздік және соттардағы жемқорлықтың алдын алу бойынша арнайы бөлім қызмет атқарады. Оның міндеті – осы бағытта, соның ішінде судьяларды ықтимал арандатушылықтардан қорғау бойынша жүйелі жұмыс жүргізу.

Сыбайлас жемқорлықтың алдын алу бойынша жүргізілген жүйелі шаралардың нәтижесінде судьяларды қылмыстық жазалау әрекеттерін жасағаны үшін қылмыстық жауаптылыққа тартудың азаюы бойынша оң үрдіс байқалып отыр. Мәселен, егер 2014 жылы 6 судья сотталған болса, 2015 жылы – 4, 2016 жылы тек 1 судья сотталды.

Судьяларды тәртіптік жауаптылыққа тарту бойынша да жағымды динамика байқалады. 2014 жылы 52 судья, 2015 жылы – 48, ал 2016 жылы – 34 судья түрлі тәртіптік шараларға тартылды.

Соттардағы сыбайлас жемқорлықтың алдын алу шараларының тиімділігін арттыруға электронды сот төрелігін кеңінен енгізу ықпал етуде. Бұл аудио-бейнетіркеу арқылы барлық процестерді 100 пайыз деңгейінде таспаға жазу, «Сот кабинеті» сервистері арқылы құжаттарды қабылдау және т.б.

Апта ішінде барлығы интернет аудиториядан 1041 сұрақ келіп түсті. Тұрғындар оларға белсенді дауыс берді. Олардың басым бөлігі нақты сот шешімдеріне қатысты болды. Бұған қатысты Қ.Мәми: «Жоғарғы Сот Төрағасы ретінде мен оларға түсініктеме бере алмаймын, себебі олар кассациялық сатының қарауына келуі мүмкін. Дегенмен, олардың барлығы менің бақылауыма алынды. Келіп түскен түйіткілді сұрақтарда баяндалған ахуал мұқият зерделенетін болады. Тиісті жауаптар 1 ай ішінде «Zakon.kz» сайтында жарияланатын болады», - деді.

http://sud.gov.kz/kaz/news/kayrat-mmi-zakonkz-portalynda-internet-konferenciya-otkizdi

 
0
0
522