Мазмұнға өту

Жаңа

Бюджеттік қаражаттардың қатаң бақылануын қамтамасыз ету қажет – Әбдіқалықова

Қазақстан Республикасының Мемлекеттік хатшысы Г.Н.Әбдіқалықованың төрағалығымен Қазақстан Республикасы Президентінің жанындағы Сыбайлас жемқорлыққа қарсы іс-қимыл мәселелері жөніндегі комиссияның отырысы өтті, деп хабарлады Ақорданың баспасөз қызметі.

Комиссия отырысын ашқан Гүлшара Әбдіқалықова Мемлекет басшысы дағдарысқа қарсы жоспардан стратегиялық дамудың міндеттерін орындауға көшу жөніндегі Қазақстан Республикасы Үкіметінің 2016 жылғы 9 қаңтарда өткен кеңейтілген отырысында берген тапсырмаларын әске асыру аясында сыбайлас жемқорлық көріністерінің жүйелі алдын алуды күшейту және мемлекеттік бағдарламаларды іске асыруға бөлінетін бюджеттік қаражаттардың қатаң бақылануын қамтамасыз ету қажет екенін атап өтті.

Отырыс барысында бірқатар мемлекеттік орган мен «Атамекен» Ұлттық кәсіпкерлер палатасының баяндамалары тыңдалды. Сәулет, қала құрылысы және құрылыс салаларындағы сыбайлас жемқорлыққа қарсы күрес, сондай-ақ мемлекеттік индустриалдық-инновациялық даму бағдарламаларын іске асыруға бөлінген бюджеттік қаражатты игеру жөніндегі шаралар талқыланды.

Г. Әбдіқалықова осы саладағы сыбайлас жемқорлық қатерлерін азайтатын тетіктерді жасауға ерекше назар аудару қажет екенін атап өтті. Олардың тиімділік дәрежесіне экономиканың ахуалы ғана емес, мемлекеттің инвестициялық тартымдылығы да қатысты болмақ.

Сондай-ақ, мемлекет тарапынан индустриалдық-инновациялық дамудың 2010-2014 және 2015-2019 жылдарға арналған бағдарламаларын орындауға елеулі бюджет қаражатының бөлінетіні айтылды. Талдау көрсеткендей, оларды іске асыру кезінде бюджет қаражатын пайдалануда көптеген бұзушылықтармен қатар жүретінін көрсетті. Индустрияландырудың алғашқы бағдарламасы іске асырылғалы бері ақшалай қаражатты жымқыру фактілері бойынша мемлекетке 13 млрд. теңгеден астам зиян келтірілген.

Мемлекеттік хатшы Елбасының тапсырмаларына сәйкес, жергілікті жерлерде бағдарламалардың тиімді орындалуын, әрбір инвестициялық жобаның іске асырылуын, сондай-ақ халыққа мемлекеттік қызметтерді көрсету кезінде электрондық ресурстардың мүмкіндіктерін кеңінен пайдаланылуын қамтамасыз етудің маңыздылығын атап көрсетті.

Комиссияның шешімі бойынша мемлекеттік органдарға заңдылықты бұзуға орын берілген оқиғалар бойынша реттеу және алдағы қызметте оларға жол бермеудің шараларын әзірлеу тапсырылды.

Комиссия отырыс қорытындысы бойынша мемлекеттік органдарға нақты ұсынымдар мен тапсырмалар берді.

Ақпарат көзі: strategy2050.kz

0
0
291

Ақтөбе облысы Канадамен ынтымақтастықты кеңейтеді

Бердібек Сапарбаев Канаданың Қазақстан Республикасындағы Төтенше және өкілетті елшісі Шон Перри Стайлмен өзара тиімді ынтымақтастықтың келешегін талқылады, деп хабарлады облыс әкімдігінің баспасөз қызметі.

2015 жылы өңірдің Канадамен тауар айналымы 2,6 млн. долларды құрады. Олардың негізін сырттан әкелетін ауылшаруашылық және орман шаруашылығы машиналары, қыздырылған резеңкеден жасалған бұйымдар құрайды. Облыстың сыртқа шығаратын құрлымына өлшеу және бақылау аспаптары құрал-жабдықтар мен машиналар кіреді.

«Ақтөбе облысы елдің мұнай-газ, хром рудасын, ферроқорытпа және құрылыс материалдарын өндіретін индустриалды дамыған өңір болып табылады. Облыста хромның барлық отандық қоры, оның ішінде 340 пайдалы қазбалар кен орындарымен қосқанда бірегей минералдық-шикізат базасы бар. Канаданың тау-кен саласы бойынша әлемнің көш басында тұрғанын ескере отыра, бізді облысымыздағы пайдалы қазбаларды барлау және өндіру мәселелері бойынша ынтымақтастық қызықтырады», - деді Бердібек Сапарбаев.

Ауылшаруашылығын дамыту - Ақтөбе облысы экономикасының басым бағыттарының бірі. Өңірде сүт және ет өнімдерін беретін ірі қараларды көбейту үшін белсенді жұмыстар атқарылуда. Қазіргі таңда ірі қара малдың саны 443,1 мың басқа өсті.

«Біздің мал өсіретін кәсіпорындарымыз канадалық компаниялармен жұмыс жасауда оң нәтижеге ие. Біз осы саланы әрі қарай дамытуға ынталымыз. Сіздің елдің бизнес қоғамына ұсынуға дайын нақты жобаларымыз бар. Ресей, Қытай және Орталық Азия нарығына кіруді қамтамасыз ететін тиімді географиялық жағдай – бұл біздің облыстың инвесторларға деген бірден бір басымдығы болып табылады. Бұған қоса, қолайлы инвестициялық климатты орнатуға жағдай жасалуда. «Бір терезе» қағидасы бойынша индустриалдық аймақ салынып, инвесторларға қызмет көрсету орталығы жұмыс жасайды. Біз салынған қаржының сақталып, тиімді пайдаланылуына кепілдік береміз», - деді облыс әкімі.

Өңір басшысы ынтымақтастық жасаудағы тағы бір әлеуетті бағыттардың бірі - білім және ғылым саласы, сонымен қатар жабық хоккей модулінің құрылысы, балалар арасында спортты дамыту болып табылатынын атап өтті

Елші өз кезегінде Канаданың келешекте ынтымақтастыққа дайын екендігін жеткізді.

«Ақтөбе облысының географиялық жағдайы расымен де тиімді. Және біз бұдан үлкен артықшылық көріп тұрмыз. Сонымен қатар, өңірдің және осы елдің мал шаруашылығын дамытуда алда екенін айта кеткім келеді. Сондай-ақ, біз ірі қара мал етін өңдеу туралы әңгіме қозғағанда Бразилияны еске аламыз. Мен Қазақстанның осындай ірі өндірушілер қатарына кіруіне барлық мүмкіндіктері бар екендігіне сенімдімін. Тау-кен өнеркәсібіндегі ынтымақтастық та - өзекті. Келесі жылы мен осы жерге ауылшаруашылығы тау-кен өндірісі және спорт саласындағы канадалық кәсіпкерлерді тартуға ниеттімін», - деді дипломатиялық өкілдіктің басшысы.

Ақпарат көзі: strategy2050.kz

0
0
309

Мәжіліс Қазақстан мен Тәжікстан арасындағы стратегиялық әріптестік туралы келісімді ратификациялады

ҚР Парламенті Мәжілісінің жалпы отырысы барысында депутаттар Қазақстан мен Тәжікстан арасындағы стратегиялық әріптестік туралы келісімді бекітуді мақұлдады.

«Қазақстан Тәжікстанды бауырлас мемлекет ретінде қарастырады. Біздің елдеріміз ТМД, ҰҚШҰ мен ШЫҰ кеңістігінде интеграциялық бірлестіктер шеңберінде оңтайлы ынтымақтасады»,-деді ҚР  Сыртқы істер министрінің бірінші орынбасары Мұхтар Тілеуберді.

Оның айтуы бойынша, халықаралық күн тәртібіндегі өзекті мәселелер бойынша біздің елдеріміздің ұстанымдары сәйкес келеді. Осылайша, Қазақстан мен Тәжікстан халықаралық бастамаларына өзара қолдауды қамтамасыз етуде, көбінесе, Душанбе Қазақстанның 2017-2018 жылдарға БҰҰ Қауіпсіздік Кеңесінің тұрақты емес мүшелігіне кандидатурасын, ЭКСПО-2017 халықаралық көрмесін Астанада өткізу кандидатурасын қолдады.

«Қазақстан Тәжікстанның ірі сауда әріптестерінің бірі болып табылады. Біз Тәжікстанға бидай, минералды өнімдер, машина-техникалық жабдықтарды жеткіземіз. Ал Тәжікстаннан ҚР-ға шикізат, жемістер, жаңғақтар, көкөністер экспортталады. Сыртқы факторлардың әсерінен екіжақты сауданың төмендеуі байқалады. Алайда, егер тауар айналымы басқа елдермен 30 пайызға төмендесе, Тәжікстанмен аталмыш көрсеткіш 17 пайызға төмендейді»,-деді ол.

М.Тілеубердінің айтуы бойынша, физикалық көлемінің талдау 2015 жылы Қазақстан мен Тәжікстан арасындағы экспорттық және импорттық жүктерді тасымалдау 2 млн тоннаны құраған және ол 2014 жылмен салыстырғанда 30 мың тоннаға артқан.

Айта кетейік, Қазақстан Республикасы мен Тәжікстан Республикасы арасындағы стратегиялық әріптестік туралы келісім Душанбеде 2015 жылдың 14 қыркүйегінде жасалды. Келісімнің шарттарына сәйкес, тараптар теңдік, өзара сенім, стратегиялық әріптестік негізінде қарым-қатынас орнататын болады.

Келісімге сәйкес, тараптар азаматтық қорғаныс, әскери және әскери-техникалық салада ынтымақтастық жасайды, сонымен қатар ғылым мен техника, денсаулық сақтау, білім беру, мәдениет, туризм және спорт саласында ынтымақтастықты көтермелеуде.

Ақпарат көзі: strategy2050.kz

0
0
251

Ұлт жоспары: Таразда жастарға қызмет көрсету орталығы ашылды

Қазіргі таңда 5 институциональды реформаны жүзеге асыру бойынша, «100 нақты қадам» бағдарламасының 99 қадам аясында жаңа заң қабылданып, жастарға қызмет көрсету кеңесі құрылған.

«Жамбыл облысы жастар ұйымдарының қауымдастығы» заңды тұлғалар бірлестігінің президенті Исламбек Дастанның хабарлауынша, «Жамбыл облысы жастар ұйымдарының Қауымдастығы» заңды тұлғалар бірлестігі 2002 жылы құрылды. Қауымдастықтың басты мақсаты: жастар ұйымдарының консолидациясы болып табылады.

Осы күнге дейін он бестен астам мемлекеттік тапсырыс орындалып, қауымдастықтың «Темірқазық» жастар қозғалысы, мемлекеттік «Операция Марс» секілді үлкен жобалар жүзеге асырылды. 2012 жылы қауымдастықтың мүшелігінде он жеті бірлестік болса, қазіргі таңда отыздан астам ұйымның басы біріктірілді. Оның жетпіс пайызы облыс, қала, аудан аумақтарында белсенді жұмыстар жүргізуде. Қауымдастық тарапынан жастар қоғамдық бірлестігінің ашылуы мен тіркелуіне, мемлекеттік тапсырысқа қатысуына консультативтік көмек беруде -, деп мәлімдеді спикер.

2015 жылы Жамбыл облысы әкімдігі ішкі саясат басқармасының мемлекеттік әлеуметтік тапсырысы бойынша, «Интернет кеңістігінде тұрғындар арасында мемлекеттік саясатты түсіндіру бойынша ақпараттық қызмет орталығын ұйымдастыру» тақырыбы және Тараз қаласы әкімдігі ішкі саясат бөлімінің мемлекеттік әлеуметтік тапсырысы бойынша «Сыбайлас жемқорлыққа төзбеушілік мәдениетін қалыптастыруға бағытталған іс-шаралар ұйымдастыру» атты жобалар жүзеге асырылды.

Ал, 2016 жылы Жамбыл облысы әкімдігінің ішкі саясат басқармасының мемлекеттік әлеуметтік тапсырысы бойынша «Интернет кеңістігінде мемлекеттік саясатты түсіндіру жұмысын  ұйымдастыру» және «Жергілікті өзін-өзі басқаруды дамыту бойынша кешенді іс-шаралар ұйымдастыру», Шу ауданы әкімдігінің ішкі саясат бөлімі «Қоғамның сыбайлас жемқорлыққа қарсы құқықтық сауаттылығын арттыру мақсатында кешенді іс-шаралар» атты жобалардың жеңімпазы атанып, алдағы жұмыстары жүргізілді. Барлығы 4,0 млн теңгеден астам келісім-шартқа қол қойылған.

Спикердің айтуынша, 2016 жылы облыстық, қалалық мәслихаттарға сайлау кезінде қауымдастық белсенділері 20 наурыз күні сайлауға бақылаушы қызметін атқарып, бұқаралық ақпарат құралдарына және әлеуметтік желілерге өз бағаларын беріп отырды. Қазіргі таңда 5 институциональды реформаны жүзеге асыру бойынша, «100 нақты қадам» бағдарламасының 99 қадам аясында жаңа заң қабылданып, бүгінгі кеңес құрылған. Кеңеске конкурс негізінде «Жамбыл облысы жастар ұйымдарының қауымдастығы» ЗТБ президенті сайланған болатын, қоғамдық кеңес мүшесі ретінде Тараз қаласында орналасқан «Жастарға қызмет көрсету орталығы» орын алуға себепші болды. Ашықтық пен жариялықты сақтай отырып, әлеуметтік желілерде белсенді жұмыс жүргізілуде. Айтар кетерлік жәйт, 2017 жылға «Экспо-2017» көрмесіне еріктілерді даярлау және ақылы түрде жұмыс жасауға келіссөздер жүргізілуде.

«Биыл жазда белсенді жастар мен жас журналистерге, Тараз қаласында сәуір мен шілде айларында аптасына бес күн бойы 2 сағат және шілде мен осы күнге дейін аптасына 2 күн «Тараз-Арена» спорт кешенінің футбол ойнауға арналған спорттық алаңшаларда, салауатты өмір салтын қалыптастыруға және бұқаралық спортпен айналысуға үлестерін қосуда-, деп сөзін түйіндеді Исламбек Дастан.

Ақпарат көзі: strategy2050.kz

0
0
743

Қазақстан Украина АЭС-іне жанармай шығаруды жоспарлауда — Қазатомөнеркәсіп

Украинаның энергетика және көмір өнеркәсібі министрлігі мен «Қазатомөнеркәсіп» ҰАК» АҚ басшыларының кездесуі Киевте өтті, деп хабарлады Ұлттық компанияның баспасөз қызметі.

«Қазатомөнеркәсіп» ҰАК» АҚ басқарма төрағасы Асқар Жұмағалиев Украинаның энергетика және көмір өнеркәсібі министрі Игорь Насаликпен кездесті. Бұл министрлік делегациясының Қазақстанға жасаған сапарынан кейінгі екінші кездесу болды.

«Қазақстанның атом компаниясы мен Украинаның энергетикалық мекемесінің басшылары ынтымақтастық векторларын анықтап берген бұрынғы кездесудің тиімділігін атай отырып, атом энергетикасы саласындағы бұдан былайғы ынтымақтастық мәселелерін талқылады», -  делінген хабарламада.

Кездесуде негізінен украиналық реакторларға арнап ядролық отын өндіру мәселелеріне назар аударылды. Игорь Насалик украиналық АЭС-тер қажетін қанағаттандыру үшін Қазақстан аумағында жылу бөлгіш құрамалар (ЖБҚ) шығаруды өзара тиімді ұйымдастыруға мүдделі және оған дайын екендігін айтты. Өз кезегінде Асқар Жұмағалиев бұл саладағы ынтымақтастықтың өндірісті әртараптандыру бойынша компанияның стратегиялық міндеттеріне сәйкес Қазатомөнеркәсіп үшін үмітті қадам екенін атап өтті. Сондай-ақ, тараптар осы мәселені қос тарап үшін де аталмыш жобаның экономикалық тиімділігі тұрғысынан бірлескен жұмысшы тобы аясында егжей-тегжейлі үйреніп шығуға уағдаласты.

Министр И. Насалик Украина алдында ядролық отын және оның құрамдас бөліктерін жеткізуді әртараптандыру міндеті тұрғанын, сол себепті Қазақстан байытылған уран түріндегі уран өнімдерін жеткізіп беру бойынша сенімді серіктес болуы мүмкіндігін атап көрсетті.

Сонымен қатар, кездесуде өнім өндіру және ион алмастырушы шайыр жеткізіп беру саласындағы ынтымақтастықтың мүмкіндіктері сөз болды.

Еске сала кетсек, тамыз айында Украинаның энергетика және көмір өнеркәсібі министрі Игорь Насалик басшылығындағы делегация Қазатомөнеркәсіп кеңсесіне келген болатын. Ұлттық атом компаниясының басқарма төрағасы Асқар Жұмағалиев қатысқан кездесу аясында тараптар атом энергетикасы саласындағы ынтымақтастық мәселелерін кеңінен талқылады. Кездесу қорытындысы бойынша ынтымақтастық жөніндегі ұсыныстарды терең талдаумен шұғылданатын жұмысшы тобы құрылған.

Ақпарат көзі: strategy2050.kz

0
0
263

WorldSkills жеңімпаздары Түркияда тағылымдамадан өтеді

WorldSkills жеңімпазы тағылымдадан өтуге Түркияға барады, деді ҚР Президенті жанындағы ОКҚ-да «Кәсіпқор» холдингі» КЕАҚ-ның Басқарма Төрағасының м.а. Нұрғали Аршабеков.

WorldSkills әдістемесі кәсіби шеберлікті бағалау және дамыту үшін әлемдегі ең озық әдістердің бірі болып табылады. Осылай аталатын «Чемпионаттық білім» салалар бойынша шеберліктің жоғары көрсеткішін анықтауға және оны әлемдік ең үздік тәжірибемен салыстыруға мүмкіндік береді. 2014 жылы осы қозғалысқа енген Қазақстан Республикасы оны еліміздің барлық көлемінде алға жүргізуде». WorldSkills – мақсаты жұмысшы мамандығының мәртебесін арттыру және дәріптеу болып саналатын халықаралық қозғалыс. Қазіргі таңда оның құрамына 75 мемлекет кіреді. Қазақстан 2014 жылы WorldSkills Ассоциациясының құрамына 70-ші мемлекет болып енді. Алғашқы WorldSkills Kazakhstan Ұлттық чемпионаты өткен жылы өткізілді.  Оған ҚР 14 облысынан, Астана және Алматы қалаларынан келген 70 астам қатысушылар қатысты», - деді Н.Аршабеков.

Баспасөз конференциясында ҚР БҒМ ұйымдастырылған  WorldSkills Kazakhstan Ұлттық чемпионатының нәтижесін қорытындылады. Ұлттық біріншілік Елбасының «100 нақты қадам» Ұлт Жоспарын жүзеге асыру шеңберінде және ел Президентінің жалпыға ортақ еңбек қоғамын құру және жұмысшы мәртебесін арттыру тапсырмасын орындау мақсатында өткізілді.

Жарыс 15 құзыреттілік бойынша өтті: мейрамхана ісі (аспазшы), мейрамхана сервисі (даяшы), кондитер ісі,  шаштараз ісі, желілік және жүйелік басқару, веб-құрастыру, мехатроника, құрғақ құрылыс пен сылақ жұмыстары, кірпіш қалау, дәнекерлеу жұмыстары, сырлау және декоративтік жұмыстар, плиткамен қаптау, мектепке дейінгі тәрбие, киім дизайны, электр монтаждау жұмыстары бойынша жүргізілді. Жеңіске өңірлік жарыстар барысында іріктелген барлық облыстардан, Астана және Алматы қалаларынан келген 140 үміткер таласты.

І орынды Ақмола облысы алды, олардың қоржынында 1 алтын, 1 күміс және 5 қола медальдары бар. ІІ орында Астана және Алматы қалаларының өкілдері, олардың қоржынында 6 медаль. Одан кейін Қарағанды облысы - 5, Шығыс Қазақстан облысы - 4, Оңтүстік Қазақстан, Солтүстік Қазақстан және Маңғыстау облыстары – 3 медальдан, Алматы, Қостанай және Павлодар облыстары – 2 медальдан, Атырау және Батыс Қазақстан облыстары – 1 медальдан.

«WorldSkills Kazakhstan-2016» чемпионатының жеңімпазы Олжас Жүсіпназар. Ол Астана қаласындағы «Қоғамдық тамақтандыру және сервис колледжі» МКҚК білім алуда. Ол Мейрамхана сервисі (даяшы) құзыреттілігі бойынша бірінші орын алды.

Жеңімпаздар Сан-Паулу (Бразилия) қаласында өткен «WorldSkills Competition – 2015» 43 чемпионатында Қазақстан атынан шыққан еліміздің ұлттық құрамасына енді.

2016 жылы Қазақстан Халықаралық чемпионатының мүшесі болды және 2016 жылғы 30 қараша мен 5 желтоқсан аралығында Швецияның Гетеборг қаласында өтетін Еуропа чемпионатына жолдама алды.

Ақпарат көзі: strategy2050.kz

0
0
547

Банкроттық туралы заңға енген өзгерістер кәсiпорындарға бизнесiн оңалтуға бағытталған жолдарды анықтады

Банкроттық туралы заңға енген өзгерістер кәсiпорындарға бизнесiн оңалтуға бағытталған жолдарды анықтады. Бұл туралы ҚР Қаржы министрлiгi Мемлекеттiк кiрiстер комитетi Салықтық бақылау департаментiнiң директоры Ерлан Нұрланбаев Орталық коммуникациялар қызметiнде өткен брифинг барысында мәлiмдедi.

«100 нақты қадам» шеңберiнде «Оңалту және банкроттық мәселелер туралы» жаңа заң қабылданды. Сол арқылы банкрот деп танылған кәсiпкерлер үшiн дағдарыстан шығудың жаңа жолдарын айқындап отырмыз. Бiрiншiден, заңда төлем қабiлетсiздiгiн реттеу қарастырылған. Кәсiпорын қарызға батқан жағдайда, ол банкроттыққа баруға мiндеттi емес. Заң борышкерге кредиторлармен қарыздарды қайтару жолдары мен мерзiмi туралы келiсiмге келуге мүмкiндiк бередi. Бұған 2 ай уақыт қарастырылған. Бұл ретте тұрақсыздық айыбын есептеу тоқтатылады және ешкiм борышкердi банкрот деп тани алмайды. Келiсiмді сот бекітедi және борышкер әдеттегi қызметiне кiрiседi. Кредиторларға төлемдер кестеге сәйкес жүргiзiледi», - дедi Е.Нұрланбаев.

Оның айтуынша, келiсiм бекiтiлген сәттен бастап, тұрақсыздық айыбы мен сыйақы есептеу тоқтатылады, борышкердiң шоттарындағы шектеулер алынады, атқарушылық iс жүргiзу тоқтатылады, борышкердiң мүлкi мен шоттарына қайта тыйым салуға жол берiлмейдi.

«Банкрот компанияны сату және меншiк иесiн ауыстыру қарастырылған. Бұған қоса, Заң оңалту және банкроттық рәсiмдердi өткiзу мерзiмдерiн қысқартуға бағытталған нормаларды қамтиды», - дейдi Е.Нұрланбаев.

Сондай-ақ, заңның арқасында кәсiпкер банкроттық рәсiмiнен оңалтуға көшiп, бiтiмгершiлiк келiсiмге келе алады.

«Міндетті талап: жалақы бойынша алдын ала қарыздар жабылуы керек. Бейбіт келісімді  сот мақұлдаған соң  борышкерді банкрот деп тану ескерілмейді», - деді ол.

Ақпарат көзі: strategy2050.kz

0
0
393

Қазақстанда ҚЖА-ны анықтау бойынша тексерумен 880 мыңнан астам адам қамтылды

Қазақстанда 19-28 қыркүйек аралығында қан айналымы жүйесі ауруларының (әрі қарай - ҚЖА) профилактикасы бойынша онкүндік басталды. Ол жыл сайын қыркүйек айының соңғы жексенбісінде өтетін Дүниежүзілік жүрек күнінің қарсаңында ұйымдастырылып отыр.

ҚР Денсаулық сақтау және әлеуметтік даму министрлігінің баспасөз қызметі хабарлағандай, онкүндік аясында алғашқы медициналық-санитарлық көмек ұйымдарында бейінді мамандардың кеңес беруін қамтамасыз ететін ашық есік күндері ұйымдастырылады. Денсаулық мектептерінде артерия гипертониясы, жүректің ишемиялық ауруы, сонымен қатар, қауіп-қатердің мінез-құлық факторлары бар пациенттер үшін сабақтар өткізілетін болады. Халық көп шоғырланған жерлерде (базарлар, супермаркеттер, вокзалдар және т.б.) адамдардың артериалды қан қысымы тексеріліп, аудиороликтер көрсетіледі.

Статистика бойынша қан айналымы жүйесінің аурулары өлімге әкелетін аурулардың ішінде алдыңғы орында. Сондықтан, оны ерте кезеңде анықтау, алдын алу мен емдеу – ҚР ДСӘДМ-нің ерекше бақылауында.

Ұлттық скринингтік бағдарламаны жүзеге асыру аясында ҚЖА-ны анықтау бойынша тексерумен 2016 жылдың бірінші жартыжылдығында 886 мың 615 ересек адам қамтылды. Скрининг жасау барысында 60 мың 625 адамда қан айналымы жүйесінің ауруы анықталып, оның ішінде 55 мың 885 адам диспансерлік есепке алынды.

Сонымен қатар, Қазақстанда негізгі әлеуметтік маңызы бар, жұқпалы емес аурулар мен елдің демографиялық ахуалына айтарлықтай әсері бар аурулар: миокардтың жіті инфаркті, мидағы қан айналымының ауыр ауытқулары (инсульт), қатерлі ісік аурулары, сынықтар, жүктілік және босандыру бойынша медициналық көмек көрсетудің  біріктірілген моделін енгізіледі. Әрбір бағыт бойынша қызметтің барлық түрлері: алдын алу, емдеу шаралары, оның ішінде оңалту, диспансерлік бақылау, медициналық және әлеуметтік қызметтер көрсетілетін болады.

Медициналық көмек көрсетудің  біріктірілген моделін енгізу ҚЖА-дан болатын өлім-жітім көрсеткішін төмендетіп, сырқаттанған адамдар өмірінің сапасын арттыруға мүмкіндік береді.

Ақпарат көзі: strategy2050.kz

0
0
776

Қазақстанда банкротқа ұшыраған кәсіпорынды атауы және тауар белгісімен сатып алуға болады

Банкроттық туралы заңға енгізілген түзетулерге сәйкес, банкрот-кәсіпорынды толық меншіктік кешенмен атауы және тауарлық белгісімен сатып алуға болады, сонымен қатар, оның жаңа меншік иесі атануына болады, деп хабарлады ОКҚ-дегі баспасөз-конференциясында ҚР ҚМ МКК Салықтық бақылау департаментінің директоры Ерлан Нұрланбаев.

«Заңға сәйкес, банкрот-кәсіпорынды толық меншіктік кешенмен атауы және тауарлық белгісімен сатып алуға болады және оның жаңа меншік иесі атануына болады. Барлық кредит берушілермен есептескеннен кейін, кәсіпорынның банкроттық статусы алынып тасталынады», - деп мәлімдеді Е.Нұрланбаев. Оның айтуынша, заңның іске асырылуы қарызы бар компаниялардың бизнесін сақтап қалуға үлкен мүмкіндіктер береді.

«Бұл жұмыс орындарының, салық салынатын негіздің сақталуы. Сондай-ақ, заң оңалту мен банкроттық рәсімдерін өткізу мерзімін қысқартуға мүмкіндік береді», - деді Е.Нұрланбаев.

«Бұл жұмыс орындарының сақталуы. Заң оңалу мен банкроттық үрдістерін өткізу уақытын қысқартты», - деді Е.Нұрланбаев.

Оның айтуынша, Дағдарысқа қарсы жоспарды  орындау аясында оңалту мен банкроттық және салық төлеудің  жаңа әдістері анықталды.

100 нақты қадам» шеңберiнде «Оңалту және банкроттық мәселелер туралы» жаңа заң қабылданды.

2247 банкротқа ұшыраған кәсіпорын банктерге 286 млрд теңге қарыз. Бұл туралы ҚР Қаржы министрлiгi Мемлекеттiк кiрiстер комитетiнің қарызбен жұмыс істеу жөніндегі басқарма жетекшісі Айгүл Уәлиева ОКҚ брифингінде мәлімдеді.

«Бүгінде 2247 банкрот кәсіпорын бар, олардың банктерге қарызы 286 млрд теңгені құрады. Бұл банктердің борышкерлерге берген несиелері. Бұл 1 қыркүйектегі жағдай бойынша  статистика көрсеткіші», - деді А.Уәлиева.

Оның айтуынша, қарыздың көп бөлігі салыққа тиесілі. Банкроттықтың бастамашы үрдісіне келетін болсақ, бюджет алдында  45 пайыздық көрсеткіште  мемкірістер органдары қарыз болса, 30 пайыздан астамы қарызгерлердің өздері, 20 пайызы борышкерлердің несиесі», - деді ол.

Ақпарат көзі: strategy2050.kz

0
0
1214

Қазақстан мен Ұлыбритания әскери-техникалық ынтымақтастық туралы меморандумға қол қойылды

ҚР Қорғаныс министрлігінде Ұлыбритания Құрама Корольдігі және Солтүстік Ирландия Қорғаныс министрлігінің кеңейтілген Еуропа жөніндегі департаментінің бастығы Саймон Лоның сапары шеңберінде Қазақстан мен Ұлыбритания қорғаныс ведомстволарының әскери-техникалық ынтымақтастығы туралы меморандумға қол қойылды.

Қорғаныс министрлігінің баспасөз қызметі  хабарлағандай, меморандумға қол қоюға өзара тиімді әскери-техникалық ынтымақтастықты жүзеге асыру үшін  негіз құрудағы екі мемлекеттің қорғаныс ведомстволарының ниет білдіруі арқау болды.

Қол жеткізілген уағдаластықты іске асыру қазақстандық қорғаныс-өнеркәсібі кешенін дамыту және қару-жарақ пен әскери техниканы жаңғырту мақсатында екіжақты байланысты кеңейтуге ықпал етеді.

Ұлыбритания Құрама Корольдігі мен Солтүстік Ирландияның Қорғаныс министрлігімен әскери ынтымақтастық 1996 жылдан бастап екіжақты әскери ынтымақтастықтың жыл сайынғы жоспары бойынша жүргізіліп жатқанын айта кетейік.

Ынтымақтастықтың негізгі бағыты «Қазбриг» әскери қызметшілеріне Британдық әскери консультативтік-жаттықтыру тобы нұсқаушыларының «Дала қыраны» оқу-жаттығуы мен тренингтердің өткізілуін қамтитын бітімгершілік дайындық болып табылады.

Одан басқа, Ұлыбританияның әскери оқу орындарында қазақстандық кадрларды даярлау және әскери білім беру саласындағы өзара іс-қимыл жүзеге асырылуда.

Ақпарат көзі: strategy2050.kz

0
0
329