Мазмұнға өту

Жаңа

Еңбек заңнамасы және жұмыспен қамту мәселелері бойынша бас бостандығынан айыру орындарындағы жас адамдарды ақпараттандыруға бағытталған іс-шаралар

2016 жылы Павлодар облысы жастар саясаты мәселелері жөніндегі басқармасының тапсырысы бойынша Павлодар облысы бойынша қылмыстық-атқару жүйесі департаментімен өзара ынтымақтасу туралы меморандумы шеңберінде «TANDAU» қоғамдық қоры бас бостандығынан айыру орындарындағы жас адамдардың әлеуметтенуіне және бейімделуіне бағытталған іс-шаралар топтамасын өткізеді.

Психологиялық бейімделу және оңалту, репродуктивті денсаулық бойынша өткізілген 10 тәжірибелік семинарлардан басқа, тамыздың 2-ші он күндігінде жұмыспен қамту орталығының мамандарымен еңбек заңнамасы және жұмыспен қамту мәселелері бойынша 3 консультациялық семинар өткізілді.

Семинарларды өткізген кезде жас адамдар жұмысқа орналастыру, қайта оқыту және әлеуметтік көмек түрлері бойынша қолданыстағы бағдарламалар туралы жалпы ақпарат алды:

- қайта даярлау және кәсіптік оқытудың тегін курстарында жаңа мамандық алу мүмкіндігі туралы түсіндірулер;

- бос жұмыс орындарына орналасу шарттару туралы түсіндірулер;

- әлеуметтік көмек түрлері және жәрдемақы төлеу тәртібі туралы түсіндірулер;

- әлеуметтік бейімделу орталықтарына қабылдау және онда тұру ережелері туралы түсіндірулер;

- жұмыссыз ретінде есепке тұру ережелері және т.б. туралы түсіндірулер.

Семинарлардың барлық қатысушылары консультациялық бөлімнен басқа, Павлодар қаласынының жұмыспен қамту және әлеуметтік бағдарламалар бөлімінің және Павлодар ауданының жұмыспен қамту және әлеуметтік бағдарламалар бөлімінің қолдауымен құрылып, арнайы әзірленген бүктемелер мен кітапшаларды алды.

0
0
558

Мемлекеттік қызметтерді сапалы түрде көрсету – азаматтардың сенімінің негізі

А.ж. 8 қазанында Есіл ауданының орталық ауруханасында «Адалжол – Честный путь» облыстық жемқорлыққа қарсы марафоны аясында «Мемлекеттік қызметтерді сапалы көрсету – азаматтардың сенімінің негізі» тақырыбында дөңгелек үстел өткізілді.

Бас дәрігердің ішкі аудит жөніндегі орынбасары, «Нұр Отан»партиясының сыбайлас жемқорлыққа қарсы комиссияның төрағасы О.Қ.Қайсарбеков өз сөзінде Қазақстан Республикасының заңнамалық актілерімен, сыбайлас жемқорлыққа қарсы күреске бағытталған бағдарламалық құжаттармен таныстырды. Сонымен қатар, ол Қазақстанның әр азаматы жемқорлыққа қарсы күресті азаматтық борышы ретінде қарау керек, сол жолмен ғана оң тиімділікке қол жеткізе аламыз деп атап өтті.

Дөңгелек үстел аяқталған соң, баяндамашыға бірқатар сұрақтар қойылып, оған нақты, түсінікті жауаптар берілді.

Департамент госслужбы

0
0
348

Комплекс жайлы не білеміз?

Комплекс жайлы не білеміз?


Заман ілгері қадам басқан сайын айналадағы адамдардың психологиясы сан түрлі өзгеріске ұшырап жатыр. Соның бірі қазіргі қоғамда кең талқылауға салынып отырған жастардың бойындағы комплекс. Комплекс жайлы не білеміз?

Әзірше бұл ұғымға қазақ тілінде нақты балама табылған жоқ. Кемшілік, кембағалылық мәніне  сәйкес болса да, толығымен үйлеспейді. Сөздің түп қазығы  латынның байланыс, түйісу, қиюласу)- психологияда (оның ішінде психоанализде) адамның тәлім-тәрбиесіне, тұлғасына, психологиялық ілгері дамуына елеулі ықпалы бар  санасыз қалыптасатын эмоционалды  боялған түсініктер жиынтығы деген мағына береді.

Өзгелерден өзін кем сезіну  белгіленген параметрлерге ( түр әлпеті) сәйкес келмеу адам бойында өзін кем сезіну ( комплекс неполноценности) комплексінің пайда болуына ықпал етеді. Орынсыз ұялу, босқа күйгелектену, үнемі аландау комплекстін нышаны. Әйгілі психологтардың тұжырымдамасы бойынша адам бойында қандай да бір комплекстің пайда болуы тікелей тәлім- тәрбиеге тіреледі. Ата- бабамыз ерте кезден бастап бала тәрбиесіне көп мән бергені айтпасақ та белгілі. «Балаң жетіге келгенше патшадай сыйла, жеті жастан бастап құлыңдай жұмса, он жеті жасынан досындай сырлас» деген нақыл сөзден аңғаруға болады. Дегенмен, қазіргі қоғамда отбасылық құндылықтарға, әсіресе бала тәрбиесіне селқос қарайтын ата- аналар баршылық. Ең бірінші тәрбиедегі жіберілетін өрескел қателік жұрттың балаларымен салыстыру. Ой осы пәленшенің баласы, ай! Бұндай салыстыруды естімеген қазақ баласы жоқ шығар, сірә. Тағы бір қателік баланы жастайынан тым еркелетіп, асыра мақтап, бетінен қақпай айтқанына көне беру. Үнемі ата-анасы тарапынан көрсетілетін  қамқорлықтан әрі шыға алмай, болашақта,  есейген тұста, бала әлжуас, өзіне сенімсіз әрі тұйық болып өсуі әбден мүмкін. Беймарал көнгіштік ақыры соңында үлкен қателіктерге бой алдырады.  Тағы бір зерттеу нәтижелерінде көп балалы отбасында дүниеге келген сәби, нақтырақ айтсақ, ортаншы балалар ата-ана махаббатына үлкені мен кенжесіне қарағанда аз бөленетіндігі екен. Бұл да баланың тұла бойында түрлі комплекстің туындауына әсер етпей қоймайды.

Құрметті оқырман егер сіздің бойынызда комплекстің қандай да бір түрі кездессе, сізге  оны  жоюдың келесі  жолдарын ұсынамын.

1. Ең алдымен бойынызда туындаған комплекстің себеп-салдарын анықтап алыңыз. Балалық шағынызда орнаған жағымсыз естеліктерінізді еске түсірініз.  Қазіргі жағдайынызды ескере отырып, балалық шақта естіген түкке тұрғысыз өзгелердің ойын жадыныздан өшіріп тастаныз. Әрбір кемшілігінізден өзінізге ғана тән жағымды жақтарын алуға тырысыныз.

2. Ойынызды бақылауда ұстаныз. Жағымсыз ойларынызды  дереу позитивті ойға алмастыруға күш салыныз. Өзініз жайлы жақсы жайларды ойлауды әдетке айналдырыныз. Өзініз жайлы ойды  өзгерту арқылы, комплекстен арылу оңай әрі тез іске асады.

3. Өзінізге үңіліп қараныз. Күшті және әлсіз жақтарынызға талдау жасап, жазып алыныз. Өзінізді жақсы танып-білу  арқылы  сынға төтеп беру қабілетінізді арттыра аласыз.

4. Әлсіз жақтарынызды мойынданыз. Мінсіз адам болмайды.

5. Сынға көп мән берменіз. Бұл өзгелердің субъективтік пікірі ғана. Айтылған сындағы шыңдық үлесін тұлғалық келбетінізбен байланыстырманыз.

6.  Серпімді, көңілді адамдармен достық қатынас  орнатқаныз  дұрыс. Қарым-қатынастың бұл түрі сізді шабыттандырып, өмірінізге жағымды өзгерістер әкеледі.

7. Луйза Хей, Джозафа Мерфи, Александр Свияш, Робин Шарм, Брайн Трейс, Энтони Робинс секілді жағымды, оң әсерін тигізер кітаптарды оқу арқылы, өзінізге деген сенімділікті арттыра аласыз.

8. Міндетті түрде жеке күнделік  жүргізініз. Өткен күндерінізде орын алған оқиғаларынызды, жетістіктерінізді үнемі жазып жүруінізге болады.

Тарихи мәліметтерге көз жүгіртіп қарайтын болсақ әлемге әйгілі басшылардың басым көпшілігінде комплекстің өзіндік түрі болған. Ол бойдың аласалығына байланысты комплекс. Кейбір тарихшылардың есептеуінше Напалеон  Бонопарт тарихтағы ең атақты аласа бойлы билеушілердің бірі. Сондықтан  ол «Кішкентай капрал» лақаб атына ие болды. Көршілес Ресей елінің премьер-министрі Дмитрий Медведевтің бойының ұзындығы ресми мәліметтерге сәйкес 162 см. 1930- 1974 жылдары Эфиопияны басқарған Хайли Селассидің бойының ұзындығы 158 см болған. Бұл тізімде  бес рет президенттік қызмет атқарған Мексикандық Бенито Хуарес көш бастады. Оның бойының ұзындығы 135 см болған. Иә, бойдың аласылығы,  комплекстің әйгілі түрі. Алайда, белгілі тарихи тұлғаларға  әскер, ел билеуге кедергі болмағанын байқадық. Кемшілік кез- келген адамның бойында бар екенің жоққа шығара алмаймыз. Кемшілік және адамзат егіз ұғым іспеттес. Комплекс тұлға бойына мәңгілікке тұрақтап қалмау үшін кесапатпен достасып немесе күресіп өмір сүруге бойнызды үйрете берініз.

 
0
0
2817

ҚР СІМ: Қазақстан тәуелсіздігінің 25 жылы ішінде әлемнің 180 мемлекетімен дипломатиялық қарым-қатынас орнатты

Мемлекет басшысының стратегиялық болжамы мен дипломатиялық талантының және оның шет мемлекеттердің көшбасшыларымен сенімді қарым-қатынасының арқасында қазақстандық дипломатия әлемнің барлық елдерімен өзара қарым-қатынастың сенімді жүйесін құрды. Қазақстан тәуелсіздігінің 25 жылы ішінде әлемнің 180 мемлекетімен дипломатиялық қарым-қатынас орнатты, деп хабарлады ҚР Сыртқы істер министрі Ерлан Ыдырысов.

«Тарихи өлшеммен алғанда, осы қысқа кезең ішінде Қазақстан сыртқы алаңда маңызды жетістіктерге қол жеткізді. Біз өзіміздің халықаралық аренадағы субъектілігімізді біржолата бекіттік,  әлемнің 180 мемлекетімен дипломатиялық қарым-қатынас орнаттық, негізгі халықаралық ұйымдарға кірдік. Құрлықтағы мемлекеттік шекараларымызды толық белгіледік, еуразиялық кеңістікте интеграциялық процестер локомотиві болды», - деп мәлімдеді министр экономикалық дипломатия Қазақстанның сыртқы саясатының басты векторы ретінде тақырыбына өткен Үкімет сағатының барысында.

Ведомство басшысы 25 жыл ішінде Қазақстан ЕҚЫҰ, ИЫҰ, ЕАЭО, ШЫҰ, ТМД, ҰҚШҰ, АӨСШК және Түрік кеңесінде төрағалық еткенін атап өтті.

«Мемлекет әлемдік және дәстүрлі дін көшбасшыларының съездерін тұрақты өткізу процесін бастады, ДСҰ-ға кірді, даулы жағдайларды шешуге тиімді араға жүрді, «ЭКСПО-2017» халықаралық көрмесін өткізу құқығын алды, БҰҰ Бас ассамблеясының «Ядролық қарудан азат бейбітшілік құрудың жалпы декларациясына» бастама жасады, 2017-2018 жылдарға БҰҰ ҚК тұрақты емес мүшелік етуін алды», - деді министр.

Е. Ыдырысовтың айтуы бойынша, Қазақстанның халықаралық аренадағы барлық жеңістері мен жетістіктері біздің еліміздің Бірінші Президентінің есімімен тығыз байланысты.

«Мемлекет басшысының стратегиялық болжай алуының, ерекше дарындылығының, дипломатиялық талантының және оның шет мемлекеттердің басшыларымен сенімді қарым-қатынасының арқасында  қазақстандық дипломатия әлемнің барлық елдерімен өзара қарым-қатынастың сенімді жүйесін құрды. Біздің халықаралық аренадағы барлық күшіміз біздің мемлекетіміздің ұлттық мүдделерін қорғау үшін ел ішіндегі терең саяси, экономикалық және әлеуметтік өзгерістер үшін қолайлы сыртқы жағдайлар жасауға бағытталған», - деп түйіндеді министр.

Ақпарат көзі: strategy2050.kz

0
0
728

Т.Дүйсенова мұнай-сервистік кәсіпорындарда жұмыскерлерді қолдау шаралары туралы айтты

Укіметтің кезекті отырысында ҚР Денсаулық және әлеуметтік даму министрі Тамара Дүйсенова мұнай-сервистік кәсіпорындарда жұмыскерлерді қолдау шаралары айтты.

«Арнайы жұмыс тобы өткізген зерттеу шаралары нәтижесінде 99 мұнай-сервистік компанияда жұмыстан босату қаупі бар екені анықталды. Бұл мекемелерде 44 мыңға жуық адам жұмыс істейді. Бүгінде министрліктің қолдауын қажет ететін жұмысшылардың үш тобы анықталып отыр. Бірінші топта 1239 адам бар. Олар 52 кәсіпорында қызмет етіп, биыл жұмыстан шығарылған болатын. Аталған жұмысшылардың басым бөлігі Ақтөбе мен Маңғыстау облыстарында», - деді Т.Дүйсенова.

Министрдің сөзіне қарағанда, осы уақытқа дейін сан алуан бағдарламалар бойынша жұмыссыз қалған 325 адам тұрақты жұмыс тапты. 355-сі қайта даярлау курстарынан өтті. Олардың ішінде уақытша жұмысқа тұрғандар да бар. Тағы 100 адам өздігімен жұмыс тауып алды. Қазіргі кезде қалған 500 адамды жұмысқа орналастыру жұмыстары жалғасып жатыр.

Үшінші топ  - қызметкерлердің қысқарылуы болжануда.

«Әкімдіктердің мәліметінше, жақын арадағы перпективада  Атырау облысынан басқа ешқандай өңірде  мұнай сервистік  кәсіпорындарда қысқартылу қарастырылмай отыр. Бұл салада биыл және алдағы жылда  3 мың 804 адам босатылады,  оның ішінде  22 кәсіпорында  2 мың  490 қызметкерді шығару қарастырылған. 2017 жылы 14 кәсіпорында  1 мың  314 жұмыскерді құрайды», - деді Т.Дүйсенова.

Министрдің айтуынша, екі топқа тиесілі  жұмыскерлерді қамту үшін  министррлік орталық мемлекеттік органдармен  екі әдісті әзірледі.

«Екінші топқа 22 кәсіпорынның жұмысшылары кірді. Себебі олардың жұмысы тұрақсыз кестеге ауыстырылды. Ондай жұмысшылар саны 3 200 адамды құрап отыр. Олардың 1316-сы жұмыс істемейді. Өйткені кәсіпорындардың жұмысы тоқтаған. 1290-ы мерзімсіз демалысқа жіберілсе, 594-і толыққанды жұмыс істеп жатқан жоқ. Ал үшінші топқа алдағы уақытта жұмыссыз қалады-ау деген азаматтар еніп отыр. Олардың барлығы – Атырау облысындағы кәсіпорындардың жұмысшылары. Алдағы екі жылда аталған облыста 3 804 адам жұмыссыз қалады деген болжам бар.алдағы уақытта Теңізшевройлды кеңейту жобасы аясында қосымша 20 мың жаңа жұмыс орнын ашу жоспарланып отыр. Осының есебінен жұмыссыз қалған азаматтарды қызметке тұрғызу жоспарланған. Бұдан бөлек, индустриялдық-инновациялық бағдарлама мен жұмыспен қамтудың басқа да шараларын қолдану қарастырылып отыр», - деді ол.

Ақпарат көзі: strategy2050.kz

0
0
283

Т.Дүйсенова: Атырау облысының босатылған жұмысшылары ТШО және ЖЖК арқылы жұмысқа орналастырылады

Атырау облысындағы мұнай сервисі кәсіпорындарындағы жұмысшылар босатылған жағдайда оларды одан әрі жұмысқа орналастыру үшін «Теңгізшевройл» (ТШО) қол қойылған меморандумдар, сондай-ақ «Жұмыспен қамтудың жол картасы 2020» тетіктері қолданылады, деді Денсаулық сақтау және әлеуметтік даму министрі Тамара Дүйсенова ҚР Үкіметінің отырысы барысында.

«Теңгізшевройл» және ҚР Үкіметі, сондай-ақ Атырау және Маңғыстау облыстарының әкімдіктері арасында жасалған, осы жобаларды іске асыру бойынша өзара түсіністік туралы меморандумдарды ескере отырып, әкімдіктерге ТШО-мен бірлескен, жылдар бойынша және жұмыс түрлері бойынша бөлінген және жұмысшылардың босатылу тәуекелі бар мұнай сервисі компаниялары жобаларының жұмыс көлемі ұсынылған, босатылатын жұмысшыларды жұмысқа, соның ішінде мердігерлік және қосалқы мердігерлік ұйымдар іске асыратын жұмысқа орналастыру жөніндегі іс-қимыл жоспарын әзірлеу қажет деп санаймыз», - деді Т. Дүйсенова.

Сонымен бірге, ол осы жобаның іске асырылуы бәсеңдеген жағдайда, Атырау облысында босатылған жұмысшыларды жұмысқа орналастырудың екінші нұсқасы әзірленгенін атап өтті.

2016 жылы іске асырылатын даму жоспары шеңберінде босатылуы болжанған 2 мың 490 жұмысшының ішінен 1 мың 223 адам индустрияландыру бағдарламасы, «Бизнестің жол картасы» және «Агробизнес 2020» шеңберіндегі жобаларға тұрақты жұмыс орындарына жұмысқа орналастырылады. 2017 жылы орталық органдармен және ЖАО-мен бірлесіп, 1 мың 314 жұмысшының ішінен 641 жұмысшыны тұрақты жұмыс орындарына орналастыруды жоспарлап отырмыз», - деп қосты Т. Дүйсенова.

Министрдің айтуы бойынша, осылайша, жұмысшылардың босатылу тәуекелі туындаған жағдайда, 20 мыңнан астам жұмыс орны құрылатын өңірлерде «ТШО» қол қойылған меморандумдар қолданылады. Сонымен бірге, мемлекеттік және салалық бағдарламалар шеңберінде іске асырылатын жобалар, кәсіптік оқыту, қайта даярлау мен уақытша жұмыс орындарына жіберу және шағын несиелер беру бөлігінде «Жұмыспен қамтудың жол картасы 2020» тетіктері.

Ақпарат көзі: strategy2050.kz

0
0
506

ҚК ӘҚК әскери авиация ұшу тактикасын сәтті аяқтады

«Сарышаған» полигонында Қазақстан Республикасы Әскери-әуе күштері екіжақты ұшу тактикалық оқу-жаттығуларының соңғы фазасы өтті, деп хабарлады Қорғаныс министрлігі.

Оқу-жаттығулар 2016 жылға арналған ҚР ҚК ӘҚК Әскери-әуе күштерін даярлау жоспарына сәйкес 2016 жылғы қыркүйектің 30-ы мен қазанның 7-і аралығында әскери авиация ұшу аппараттарының барлық типтерін тарта отырып, «Қазақстан», «Қызылағаш», «Сарышаған» полигондарында өткізілді.

Оқу-жаттығу барысында ӘҚК ӘӘК-нің әскери бөлімдерін жауынгерлік әзірліктің жоғары дәрежесіне келтіру, жедел әуеайлақтарға авиацияны қайта орналастыра отырып, әуеайлақтарды күзету мен қорғауды ұйымдастыру мәселелері пысықталды. Оқу-жаттығуды өткізу кезінде жеке құрам жедел және жауынгерлік құжаттарды әзірлеуде өздерінің практикалық машықтарын жетілдірді. Оқу-жаттығу шынайы жауынгерлік ахуалға жақындатылған жағдайда орындалды.

Оқу-жаттығудың міндеттері:

- қабылданған жауынгерлік шешімнің сәтті іске асырылуын қамтамасыз ететін қажетті моральдық-жауынгерлік қасиеттерді қалыптастыра отырып, үйренушілердің тактикалық ойлау қабілетін дамыту;

- жойғыш-бомбалаушы және армиялық авиацияның болжалды қарсыласының нысандары бойынша топтық авиациялық соққы жасау, әуе ұрысын жүргізу, сондай-ақ, жойғыш авиация қарсыласының әуеден шабуылдауы мен әуеден барлауы құралдарының соққыларынан әскерлер мен нысандарды тасалау.

«Аталған оқу-жаттығу әртүрлі авиабазаларда екі аралас авиациялық топтаманың құрылуымен ерекшеленді. Онда командирлер, олардың штабтары мен жеке құрамы іс жүзінде өздерінің білімдерін, тәжірибелері мен ұшу дағдыларын қолдана отырып, әуеде бір-біріне қарсы жауынгерлік іс-қимылдарды жүргізді. Аталмыш ұшу тактикалық оқу-жаттығу 2016 оқу жылында Әскери-әуе күштерінің жауынгерлік әзірлігі мен жауынгерлік қабілеттілігін тексеруге негіз болды», - деп ӘӘК қолбасшысы авиация генерал-майоры Дәурен Қосанов атап өтті.

Оқу-жаттығуды өткізу барысында «әуе-әуе» класындағы зымырандардан орындалған әуе нысаналары сынамадан ойдағыдай өтіп, қолданылды. Зымырандардың аталған типі жарақтандырудан алынды және жаңғырту бойынша белгілі бір жұмыстарды орындағаннан кейін жойғыштардан басқарылатын зымырандардың іске қосылуын пысықтау үшін әуе межелері ретінде пайдаланылады.

Ақпарат көзі: strategy2050.kz

0
0
825

Қазақстан, Әзірбайжан және Грузия Халықаралық ТХКБ қауымдастығын құруда

Астанада Транскаспий халықаралық көлік бағдарын (ТХКБ) дамыту бойынша Үйлестіру комитетінің кезекті отырысы өткізілді, деп хабарлады «Қазақстан темір жолы» ҰК» АҚ баспасөз қызметі.

Отырысқа Қазақстан, Әзірбайжан, Грузия, Украина темір жол әкімшіліктерінің жетекшілері, Ақтау, Баку халықаралық сауда портының, Әзербайжан Каспий теңіз пароходы, Батуми теңіз порты, «Укрферри» компаниясы, TranslogisticSRL, Халықаралық Транскаспий көлік консорциумының өкілдері қатысты.

Отырыста «Халықаралық Транскаспий халықаралық көлік бағдары қауымдастығын» құру жайы талқыланды.

Талқылауға «ҚТЖ» ҰК» АҚ –дан Қ. Алпысбаев, «ГТЖ» АҚ басшысы М. Бахтадзе, «ӘТЖ» ЖАҚ-нан Д. Гуранов, «АҚТП» ЖАҚ-на Р. Велиев, «БХМКП» ЖАҚ-нан Т. Зиядов қатысты.

Қауымдастық құрылтайшылары құрылтайшылық келісімге қол қойып, Жарғысын қабылдады. Қауымдастықтың офисі Астана қаласында орналасатын болып шешілді.

Қауымдастықтың қызметі ТХКБ бағдарына ықпалдасқан логистикалық өнім жасауды дамыту мақсатында транзиттік және сыртқы сауда жүктерін тартуға бағытталады.

Сондай-ақ, Қауымдастық – тиімді тариф саясатын, ықпалдасқан қызмет бағасы мен үнемдеу, тасымалдау үдерісіндегі бірыңғай технология құру, шекаралық және кедендік ресімдеулердегі және жүктерді өңдеу, түйісу станцияларындағы портта контейнерлерді өңдеудегі әкімшілік кедергілерді төмендетуді көздейді.

Барлық шаралар ТХКБ баламалы бағдарлармен бәсекелестікті күшейтуге арналады.

Оның сыртында, Қауымдастық отырысында офистің бақылаушысы мәртебесі «ТРАСЕКА-ға берілді.

ТХКБ үйлестіру комитетінің отырысында «ҚТЖ» ҰК» АҚ басшысы Қанат Алпысбаев Еуразия көлік дәлізін бәсекелестікке сай етіп дамытуда ТХКБ-ның маңызы зор екендігін атап өтті.

«Үйлестіру комитеті құрылған кезден бастап, тиімді тарифтік жүйе жасалды. Жүк тасымалдаудың бірыңғай технологиясы және бірлескен ықпалдасқан логистикалық Nomad Express өнімін жасауға қол жеткізілді. Контейнерлік пойыздар жіберілді. Халықаралық транскаспий көлік консорциумы құрылды»,-деп хабарлады Қ. Алпысбаев.

Отырыс барысында қазақстан тарабы қатысушыларды «Құрық паром құрылысы кешені және жүк жолаушылар тасымалдау әмбебап паромын пайдалану» жобасын жүзеге асырып жатқандығы мен Құрық порты алғашқы кезеңін пайдалануға беру 2016 жылдың аяғында атқарылатындығын хабарлады.

Үйлестіру комитеті Құрық порты мен Алят порты арасында сынақтық вагон тасымалдау паромын ұйымдастыру туралы шешім қабылдады.

Отырыс барысында ТХКБ мөлшерлемесін бәсекелестікке сай етіп белгілеу жайы талқыланды. Тараптар Қазақстаннан экспортқа шығарылатын бірқатар жүктергді тасымалдауға, оның ішінде астық, мұнай өнімдері және түсті металл бар, ТХКБ қатысушы елдерде тарифтік жеңілдіктер жасауға келісті.

Ақпарат көзі: strategy2050.kz

0
0
411

Қазақстан Республикасы Қаржы министрлігінің өкілдері электрондық мемлекеттік сатып алу бойынша Сеул қаласындағы (Оңтүстік Корея) 2-ші Азия-Тынық мұхиты аймағының Конференциясына қатысты

Қазақстан Республикасының мемлекеттік сатып алу жүйесін жетілдіру кезінде Оңтүстік Кореяның озық тәжірибесі ескерілетін болады

Қазақстан Республикасы Қаржы министрлігінің өкілдері электрондық мемлекеттік сатып алу бойынша Сеул қаласындағы (Оңтүстік Корея) 2-ші Азия-Тынық мұхиты аймағының Конференциясына қатысты. Ағымдағы жылдың 10-11 қазан аралығында өтетін конференцияның ұйымдастырушылары Азия Даму Банкі (АДБ) және Оңтүстік Кореяның мемлекеттік сатып алу жөніндегі қызметі болып табылады.

Қазақстан делегациясын ҚР Қаржы вице-министрі Руслан Бекетаев және ҚР Қаржы министрлігінің Мемлекеттік сатып алу әдіснамасы департаментінің директоры Сабит Ахметов бастады.

Осы Конференцияны Оңтүстік Кореяда өткізу кездейсоқ емес, электрондық сатып алу осы елде де жоғары даму деңгейімен ұйғарылады. Қазіргі кезде Оңтүстік Кореяның электрондық мемлекеттік сатып алуды жүргізу жөніндегі тәжірибесі әлемдегі ең алдыңғы қатарлы болып табылады.

Оңтүстік Кореядағы мемлекеттік сатып алудың барлық рәсімдері, сауда-саттықты, келісім-шарт жасауды, тауар жеткізуді және оған ақы төлеуді коса алғанда KONEPS (Korean on-line electronic Procurement Service) жүйесі арқылы өткізіледі.

Конференция аясында ҚР Қаржы вице-министрі Руслан Бекетаев Оңтүстік Кореяның мемлекеттік сатып алу жөніндегі қызметінің басшысы Чугун Янху мырзамен электрондық мемлекеттік сатып алуды дамыту мәселелерін талқылады.

Оңтүстік Кореяның электрондық сатып алулар жүйесін егжей-тегжейлі зерделеу мақсатында тараптар тығыз ынтымақтастық жасау туралы уағдаластыққа қол жеткізді.

ҚР Қаржы вице-министрі Руслан Бекетаевтың сөзіне қарағанда, Азия-Тынық мұхиты аймағының, оның ішінде Оңтүстік Кореяның электрондық сатып алулар өткізу тәжірибесі Қазақстан Республикасының мемлекеттік сатып алу жүйесін жетілдіру кезінде ең үздік тәжірибесін қолдануға мүмкіндік береді.

0
0
672

Көркем сөз шеберлерінің сайысы өтті

Павлодар Мемлекеттік Педогогикалық Институтының белсенді студенттерінің бастамасымен,  Жастар бастамаларын дамыту орталығының қолдауымен  Тәуелсіздігіміздің 25 жылдығына орай ұйымдастырылған «Еркіндігім – елдігім, Тәуелсіздік – теңдігім » атты көркем сөз шеберлерінің сайысы өтті. Берілген ереже бойынша әр қатысушы белгілі бір автордың немесе өз туындысын мәнерлеп, көркемдеп оқып қана қоймай, сахналық көрініс және бейне клиптарды қолдану арқылы әсерлі жеткізуіне де шектеу қойылмады.

Байқаудың шарттары мен талаптарына сәйкес, қаламыздың барлық оқу орындарының студенттері мен оқушылары қатысуға мүмкіндік алды.Көркемсөз оқу шеберлері прозалық, драмалық шығармалардан үзінді оқу мен мәнерлеп өлең оқу тапсырмалары бойынша үздіктер анықталды.

Байқау қатысушыларының өнерлерін білікті мамандардан құралған қазылар алқасы бағалады. Жастар бастамаларын дамыту орталығының директорының орынбасары Жүсіпбаев Саят және азулы ақын, Республикалық айтыстардың жеңімпазы Абзал Қабдраш, орталық инспекторы Ғабит Хафиз, «Алдаспан» ақындар клубының төрағасы Алтынбек Мақсатхан қазылық етті. Қазылар тарапынан үміткерлердің өнерлерін бағалау кезінде олардың көркем мәтінді оқу шеберлігіне, дауыс мәнеріне және тіл тазалығына, көркем мәтінді таңдау талғамына,  сахнада өзін-өзі ұстауына, сахналық киім үлгісіне баса назар аударылды.

Әділ-қазылар алқасының шешімімен  Павлодар Мемлекеттік Педогогикалық Институтының студенті Қрықбаева Аружан  байқаудың бас жүлдесін І орынды қанжығасына байлады. Сондай-ақ, байқау қорытындысы бойынша Павлодар Мемлекеттік Педогогикалық Институтының студенті Мамырова Ұлжан  ІІ орынды, Павлодар Технологиялық колледжінің студенті Шойбек Ақниет  ІІІ орынды  иеленді. Ал, қалған қатысушыларға арнайы номинациялар беріліп, әділ-қазылардан кеңестер ұсынылды.

Байқау жеңімпаздары дипломдармен, бағалы сыйлықтармен марапатталды.

 
0
0
2670