ҚЫТЫҚ ҚАЙДАН ШЫҒАДЫ?

Оспанхан ӘУБӘКIРОВ

ҚЫТЫҚ ҚАЙДАН ШЫҒАДЫ?

Жабақ бiр күнi таң атпай тұрып алып жылады. Осы кезде апасы оянып:

– Неге жылап отырсың, алтыным? – деп сұрап едi, баласы:

– Қытығым келiп отыр, а-а-а, – деп әндете бердi

– Қытығы келсе жылай ма екен, күлмей ме, көкесi  деп таң қалды апасы.

– Қытығым әлi келген жоқ, бiрақ келетiн уақыт болды. Қытығым келгенде қатты күлем. Содан қорқып жылап отырмын, – дедi Жабақ одан әрi дарылдап.

«Ұйқысырап отыр ма, әлде бiрдеңе сұраудың ыңға-йын таба алмай отыр ма» деп ойланды да, апасы:

– Не iстеймiз ендi? Бiрдеңе жесең, қытығың кете ме екен? – деп сұрады.

– Бiр-екi кәмпит болса, қытығым келмес едi, а-а-а, деп үдете жылады Жабақ.

Апасы не күлерiн бiлмей, не ұрсарын бiлмей, кәмпит әкелiп берiп едi, Жабақ күлiп жiбердi. Шамасы қытығы келсе керек.