Бразилияда футболдан әлем чемпионатының 1/8 финалында жолдары түйiскен Мексика мен Нидерланды өзара кiм мықты екенін анықтады.

Бұл матчта фаворит деп танылған Нидерланды сенсациялық жағдайда матч бойы мексикалықтарға 0:1 есебiмен жол берiп келе жатқан болатын.

Джованни Дос Сантос 48-ші минутта голландиялықтардың қақпасына гол салған-тын.

Нидерландықтар оқтын-оқтын шабуылға шығып отырғанымен, Мексика құрамасының қақпашысы Очоа бар қауiптiң бетiн сәттi алып отырды. Дегенмен соңғы минуттарда алдымен Уэсли Снейдер, кейiн пенальтиден Хунтелаар есептi 2:1-ге жеткiздi.

Осылайша Нидерланды 1/4 финалға өттi.

АСТАНА. ҚазАқпарат

Футболдан әлем чемпионатының 1/8 финалында өткен Коста-Рика-Грекия матчы пенальти сериясында 1:1 (5:3) есебiмен орталықамерикалықтардың пайдасына шешiлдi. Ойынның 52-ші минутында Брайан Руис костарикалықтарды алға шығарған болатын. 66-шы минутта костарикалық қорғаушы Оскар Дуарте екiншi сары қағаз алып, алаңнан қуылды. Осы сәттi пайдаланып, гректер қарсыластар қақпасына шабуылдарды үдете түстi және бұл еңбектерi 90+1 минутта ақталды. Сократис Папастатопулос шабуылдардың бiрiнде есептi теңестірiп, ойынды овертаймға ойыстырды. Дегенмен жеңiмпаз ол сында да анықталмады. Пенальтилер сериясында қарсыластар алма-кезек доп тепкен. Бұнда Коста-Рика қақпашысы Навас бiр пенальтидi қайтарып, командасына жеңiс әкелдi. Ендi Коста-Рика құрамасы 5 шiлде күнi ширек финалда Нидерландымен кездесетiн болады…

Бүгiн Бразилияда футболдан әлем чемпионатында Португалия құрамасы Гананы 2:1 есебiмен тiзе бүктiрдi.

30-шы минутта Бойе португалдықтардың алғашқы голын салды. Дегенмен 57-ші минутта Асамоа Гьян есептi теңестiрдi. Матчтың 80-ші минутында Криштиано Роналду мундиальдағы алғашқы голын салып, өз құрамасын алға шығарды.

G тобында Португалия мен Гана топтан шыға алмады. 7 ұпай жинаған Германия мен 4 ұпайға ие болған АҚШ 1/8 финалға жолдама алды.

Автор: Жасұлан Жолдыбаев

Бүгін елордадағы «Хан Шатыр» сауда ойын-сауық орталығында «Қазақстан барысы» турнирінің ақтық сайысына қатысушылардың салмағын өлшеу рәсімі өтеді. Бұл туралы шараны ұйымдастырушылар хабарлайды. «Барлық жанкүйерлерімізді 27 маусым күні сағат 19:00-де «Хан Шатыр» сауда ойын-сауық орталығына шақырамыз. Бұл жерде «Қазақстан барысы» ақтық жекпе-жегіне қатысушылардың салмағын өлшеу рәсімі өткізіледі. Келіңіздер, палуандарымызбен жүздесіңіздер», — делінген хабарламада. Спортшылармен кездесуден соң көрермен қауым «Алдаспан» тобының өнерін тамашалай алады. Айта кетейiк, 2011 жылдан берi өткiзiлiп келе жатқан ұлттық жоба халықтың сүйiктi турнирлердiң бiрiне айналды. Былтыр доданың жеңiмпазы болып Шығыс Қазақстан облысының өкiлi Айбек Нұғымаров атанған болатын. Биыл турнирдiң бас жүлдесiне 28 палуан…

Бүгiн Бразилияда футболдан әлем чемпионатында Германия құрамасы АҚШ-ты 1:0 есебiмен тiзе бүктiрiп, плей-офф сынына өттi.

Ойындағы жалғыз голды 55-ші минутта Мюллер салды. Осы жеңiсiнен кейiн «немiс машинасы» G тобында бiрiншi орын алып, 1/8 финалға өттi.

4 ұпайы болған АҚШ екiншi орынмен финалдық кезеңдерге жолдама алды.

Ал Португалия мен Гана жарыстан тыс қалып отыр.

Автор: Жасұлан Жолдыбаев

Бүгiн Бразилияда футболдан әлем чемпионатында Бельгия құрамасы Оңтүстiк Корея футболшыларын 1:0 есебiмен тiзе бүктiрдi.

Ойындағы жалғыз голды Ян Вертонген матчтың 77-ші минутында салды.

Осы жеңiсiнен кейiн 9 ұпай жинаған Бельгия Н тобында бiрiншi орын алып, плей-оффқа шықты. 4 ұпай еншiлеген Алжир екiншi орынмен 1/8 финал жолдамасына ие болды. Ал Ресей мен Оңтүстiк Корея мундиальдағы жарысты аяқтады.

Автор: Жасұлан Жолдыбаев

Бүгiн Бразилияда әлем чемпионатында өткен Босния және Герцеговина-Иран кездесуi 3:1 есебiмен аяқталды. Осы жеңiлiсiнен кейiн 1 ұпайы болған Иран құрамасы плей-оффқа шығар жолдамадан қағылды. Босния және Герцеговина ойын барысында 2 жауапсыз доп салған болатын. Алдымен 23-ші минутта Эдин Джеко есеп ашса, екiншi таймда Миралем Пьянич есептi еселедi. Матчтың 82-ші минутында Реза ирандықтардың мундиальдағы алғашқы голын салып, есептi 2:1-ге жеткiздi. Дегенмен бiр минуттан соң Авдия Вршаевич босниялықтардың үшiншi добын салды. F тобында Аргентина 9 ұпаймен көш бастап, плей-оффқа шықты. 4 ұпайы болған Нигерия құрамасы да 1/8 финалға жолдама алып отыр. Ал Босния және Герцеговина (3 ұпай) мен Иран құрамалары (1 ұпай) жарысты осымен тәмамдады. Автор: Жасұлан Жолдыбаев Басты сөздер: Футболдан Әлем…

Бүгiн Бразилияда әлем чемпионатында өткен Аргентина-Нигерия кездесуi 3:2 есебiмен аяқталды.

Бұл матчта аргентиналықтар сапынан Лионель Месси дубль авторы (3, 45+1 минуттарда) атанса, Маркес Рохо мундиальдағы алғашқы голын (50 минут) салды.

Ал нигериялықтардан Ахмед Мұса 4-ші және 47-шi минуттарда Аргентина қақпасына екi гол тоғытты.

Осы жеңiсiнен кейiн Аргентина F тобында 9 ұпаймен көш бастап, плей-оффқа шықты. Нигерия құрамасы да 4 ұпаймен 1/8 финалға жолдама алып отыр.

Ал Босния және Герцеговина мен Иран құрамалары плей-оффқа шығар мүмкiндiктен қағылды.

Автор: Жасұлан Жолдыбаев