Мазмұнға өту

Жаңа

ҚР Қаржы министрлігі Кедендік бақылау комитеті төрағасының орынбасары Аманияз Ержановтың сұхбаты

14 Маусым 2013

Шекараның қандай қатысушыларына баса назар аударылады және басқа қызметтермен, оның ішінде шетелдік қызметтермен жедел ақпарат алмасыла ма?

Шекараның бір бөлігіне барлық назарымызды аударамыз да, кедендік шекараның екінші бөлігі қараусыз қалады деп айту қате.Күштерді дұрыс орналастыру, өзіміздің қолымызда бар және басқа да құқыққорғау органдарынан алынатын оперативті мәліметтер шекараның кез-келген жеріндегі тәуекел факторларын анықтауға мүмкіндік береді.

Сөз жоқ, бұл саладағы құқық бұзушылықпен күресті жалғыз іске асыру мүмкін емес, сондықтан да мұнда бірлескен жұмыстар жүргізіліп тұрады. Бүгінгі күні шекараның Қазақстан-Қытай және Қырғыз телімдері сыбайластық жемқорлық және қылмыстық бағыттар бойынша қауіпті болуда, сондықтан онда ведомствоаралық оперативті топтар құрылған, олардың құрамына кеденшілерден басқа Бас прокуратураның, ҰҚК, ІІМ және қаржы полициясының қызметкерлері енген. Олардың міндеті - «сұр» көлік-логистикалық компанияларды құқық алаңына шығару, кедендік процедуралардың ашықтығын қамтамасыз ету. Қызметтердің мұндай өзара әрекеттестігі жоғары тиімділікті көрсетіп отыр және одан әрі де Қазақстан Республикасының, сондай-ақ Кедендік Одақ бойынша біздің серіктестеріміздің күш-қуат құрылымдарымен бірлескен шаралар іске асырыла беретін болады.

Кеденшілер анықтайтын есірткінің үлкен партиялары кездейсоқ оқиғалар ма әлде жоспарлы жұмыстың нәтижесі ме?

Бүкіл әлемде есірткі трафигінің жағрапиялық орналасуы көлік инфрақұрылымына байланысты, себебі ол есірткіні есірткі курьерлеріне жеткізу мерзімін анағұрлым қысқартады. Сондықтан Кедендік Одақтың сыртқы шекарасының есірткілік заттардың контрбандасы болуы мүмкін өткізу пункттеріне біз заманауи инспекциялық-қарау кешендерін орнаттық, бұл қымбат бағалы сканерлік қондырғы көлік құралдарындағы жақсы жасырылған құпия орындардың өзін анықтауға мүмкіндік береді. «Героин» мен «апиынның» соңғы үлкен партиясын ұстау осы ИҚК арқылы іске асырылды. Жасыру тәсілдері өте шеберлікпен ойластырылады, олардың кейбіреуін біз бірінші рет анықтадық.

Өткен жылы кедендік қызмет заңсыз айналымнан 422 кг астам түрлі есірткілік заттарды шығарды (2011 жылы - 276 кг), оның ішінде «героина» – 47 кг астам, «апиын» – шамамен 183 кг, «гашиш» – 12 кг астам, «марихуана» – 180 кг бар, 84 қылмыстық іс қозғалды.

Биылғы жылдың басынан бері алынған есірткілік заттардың жалпы салмағы 46 кг астам, оның 21 кг - «героин» және 24 кг - «марихуана», 25 қылмыстық іс қозғалды.

Біз есірткімен күрес барысында тиімді болып келген кинологиялық қызметті дамытуды жалғастырудамыз, кедендік бекеттерді заманауи техникалармен қосымша жарақтандырудамыз, елімізге есірткіні кіргізудің алдын алуға мүмкіндік беретін оперативтік мәліметтерді жинап, талдау жасаймыз. Біз бәрін болып қалуы мүмкін кездейсоқтықтан күтіп отырмаймыз, керісінше, кәсіпқойлықққа, тәжірибеге, есірткіні тасудың тәуекелді аймақтарын анықтай білушілікке сүйенеміз, тек осылар ғана табысты нәтижеге қол жеткізе алады.

Құқыққорғау органдарына белгілі бір «сыйақы» үшін қылмыскерлермен ауыз жаласуға дайын, погон таққан «құбыжықтар» кіріп кеткен жағдайлар да болған.Бұл проблема сіздің ведомствоны да айналып өткен жоқ. Сіздер мұнымен қалай күресесіздер?

Құқыққорғау блогындағы кәсіпқойлардың негізін қалыптастыруға кезектен тыс аттестация ықпал етті. Аттаестацияланушылардың шамамен 18% одан өте алмады, бірқатары фискалды блокқа ауыстырылды немесе лауазымы төмендетілді, ал 60 шақты қызметкерлер (7%) жұмыстан босатылды.

Біз сыбайлас жемқорлықпен күрес жолдарының жолдары қарастырылды, олар сыбайластық іс-әрекеттер жасауғы ынталандыратын және жағдай жасайтын шарттылықтарды және одан әрі оның салдарын жоюға бағытталған.

Бұл жағдайда салдар дегеніміз – пара алу дерегінің өзі, яғни бір адамды жұмыстан шығара отырып, біз ертең орнына келген екінші біреу қылмыстық жолмен баюға қызығушылық танытпайтынына сене алмаймыз. Ал шарт кеден қызметкеріне берілген өз бетімен шешім қабылдау мүмкіндігінде жатыр. Осы екі факторды жою арқылы біз сыбайлас жемқорлықты азайтуға қол жеткіземіз.

Біз әр қызметкердің жұмысын нақты реттестіре отырып, барлық пороцессті барынша автоматтандыруды көздеудеміз. Қазірні қолданылып жүрген автоматтандырылған ақпараттық жүйе кеденшіні сыртқыэкономикалық жүк тасуға қатысушыға қосымша талаптар қою арқылы оны пара беруге итермелеу мүмкіндігінен айырады. Енгізіліп жатқан электрондық декларациялау жүйесі мен экспорт-импорт операциялары бойынша Бірыңғай терезе құру да кедендік тазалау үрдісін оңайлатып, шешім қабылдау барысындағы адам факторын жояды.

Біз әзірлеп жатқан шоғырландырылған кедендік тариф кәсіпкерлерге кеденнің құқықтық базасын қолжетімді етеді, сөйтіп трейдерлердің құқықтық мәдениетінің деңгейін арттырады. Тәуекелердерді басқарудың іріктеу ұстанымы мен ақпараттық талдау жүйесіне негізделген автоматтандырылған жүйесін дамыту - жоспарланған «тәуекел аймақтары» бойынша нақты шаралар қабылдауға мүмкіндік береді. Кадр әлеуетін нығайтуға бағытталған институционалдық бағдарламаларды жетілдірумен қатар, мұның бәрі, менің ойымша, сыбайлас жемқаорлыққа қарсы жұмыстарды күшейтуде және халықтың кеден органдарына деген сенімін арттыруда шешуші рөл ойнайды.

Ерлан  Қамбаров

 
0
0
432

Вена құжатының шеңберінде сенім шараларын бекіту

2013 жылғы 10-12 маусым аралығында АҚШ, Түркия және Италия инспекциялық топтары ЕҚЫҰ әскери-саяси өлшемінің шеңберіндегі Сенім мен қауіпсіздікті нығайту шаралары туралы 2011 жылғы Вена құжатының шеңберінде Қазақстан Қарулы Күштерінің әскери бөлімдері мен бөлімшелерін тексерді.

Инспекция Алматы, Талдықорған және Гвардия гарнизондарында өтті.

Аэромобиль әскерлері, «Оңтүстік» өңірлік қолбасшылығы  және Әуе қорғанысы күштерінің өкілдері өз бөлімшелерінің мақсаты, құрылымы және күнделікті қызметтері туралы қысқаша брифингтер ұсынды.

Шетел әскери инспекторларына бөлімдердің негізгі техникасы мен қару-жарағының жаңа үлгілерімен, жеке құрамның оқу процесімен және күнделікті  қызметімен танысуға мүмкіндік берілді.

Шетел бақылаушылары тексерген бөлімдер мен жеке құрамның кәсібилігінің жоғарғы деңгейде екендігін және Қазақстан ЕҚЫҰ әскери-саяси өлшемі шеңберінде өзінің халықаралық міндеттемелерін толық орындап отырғандығын атап өтті.

 

ҚР ҚМ Баспасөз қызметі

0
0
434

Нақтырақ Ұлттық қорғаныс университетінің магистранттары диплом алды

Қазақстан Республикасы Ұлттық қорғаныс университетінің 115 офицеріне оқуларын бітіргендігі туралы диплом салтанатты түрде табыс етілді.

 

 

Ұлттық қорғаныс университеті Қазақстан армиясы әскери ақыл ойының шоғырланған орталығы болып саналады. Мұнда ең үздік мамандардан құралған оқытушы-педагог профессорлар құрамы жұмыс істейді. Олардың басты мақсаты әскери экономиканы, әскери өндірісті және әскери ғылым мен жаңа технологияны жетілдіретін, жоғары дәрежелі оқыған білімді офицерлерді, әскери-ғылыми және ғылыми-педагогикалық кадрларды, дайындау болып табылады.

   

Қорғаныс министрі Әділбек Жақсыбековтің берген бағасы бойынша Ұлттық қорғаныс университетінің оқытушы-профессорлар құрамы кадрлар дайындауды жетілдіру жүйесінде өзіндік үлестерін қосуда. Олардың өлшеусіз еңбектері Қарулы күштердің дамуына, мемлекет басшысының әскери білімнің сапасын халықаралық стандарттарға сай арттыру жөніндегі қойған тапсырмаларын орындауға мүмкіндік тудыруда.

   

Тыңдаушы офицерлердің оқу бітіру салтанатына қатысу үшін Ұлттық қорғаныс университетіне Қорғаныс министрінің бірінші орынбасары – Қазақстан Қарулы күштері Бас штабының бастығы генерал-полковник Сәкен Жасұзақов келді.

   

Ұлттық қорғаныс университетінің қабырғасынан 2011 жылы әскери және мемлекеттік басқару факультетіне түскен офицерлер магистратураны биыл тұңғыш бітіріп шықпақ. Бұл биылғы жылдың бір ерекшелігі болып қалмақ.

   

Әскери және мемлекеттік басқару факультеті Қазақстанның әскери білім жүйесінде жоғары бағаланады. Себебі  факультет жедел-стратегиялық деңгейдегі мамандарды дайындауды жүзеге асырады. Ол құрылғанға дейін қазақстандық офицерлер мен генералдардың шетелде білім алуларына тура келді.

   

– Қазақстанда әскери және мемлекеттік басқару факультетінің ашылуымен үш деңгейлі әскери білім жүйесін құру аяқталды. Демек Қарулы күштерді взводтан бастап Қарулы Күштер түрлері мен тектерін, Бас штаб пен Қорғаныс министрлігін кадрлармен толықтыру толықтай жүзеге асырылды,- деп атап өтті салтанаттқа сап түзеген сардарлар алдында Қарулы Күштер Бас штабының бастығы генерал-полковник Сәкен Жасұзақов.

   

Екі жыл бойы магистранттар стратегия теориясын, жедел өнер, әскер түрлері мен тектерін, барлық қамтамасыз ету түрлерін жауынгерлік қолданудың әдіс тәсілдерін үйреніп шықты.

   

Өздерінің теориялық білімдерін әртүрлі сала бойынша жетілдіру үшін Ұлттық қорғаныс университетінің магистранттары Қытайдың Ұлттық қорғаныс университетінде, Ұлыбританияның Корельдің әскери колледжінде болып қайтты. Университеттің магистранттарына лекция оқу үшін Бундесвер Әскери академиясынан, НАТО-ның «Бейбітшілік үшін серіктестік» дайындық Орталығынан, Қытай мен АҚШ-тың Ұлттық қорғаныс университеттерінен профессорлар келді.

   

Сондай-ақ биыл Ұлттық қорғаныс университетінде тұңғыш рет ішкі әскерлер факультетінің де оқу бітіру салтанаты өткізілгендігін атап өткен жөн.

   

Ұлттық қорғаныс университеті Орталық-Азия аймағындағы ҰҚШҰ-ға мүше мемлекеттердің әскери қызметшілері оқып білім алатын бірден бір оқу орны. Мұнда Қырғыз республикасы мен Тәжікстан Республикасынан әскери қызметшілер білімдерін шыңдауда.

   

Ұжымдық қауіпсіздік шарты ұйымы Қорғаныс Министрлері Кеңесінің 2005 жылдың 30 қарашадағы шешіміне сәйкес Ұлттық қорғаныс университеті Ұжымдық  қауіпсіздік шарты ұйымына мүше-мемлекеттердің Қарулы Күштеріне әскери кадрларды бірігіп дайындайтын оқу орындардың тізіміне қосылған.

   

ҚР ҚМ Баспасөз қызметі

0
0
482

Instagram: Шетелде оқитын қазақ студенттері

Соңғы кезде смартфоны бар қазақстандықтардың басым бөлігі Instagram желісін пайдалануда. Заманауи студенттер, аналар, бизнесмендер, дизайнер, фотограф, журналист, әнші, маркетолог және т.б. мамандық иелері бұл mobile app арқылы суреттерімен бөлісіп, инстаграмсыз күн көре алмайды. Бүгінгі материалда шетелде оқып жүрген қазақ студенттерімен Instagram арқылы таныс боламыз.

Арман Сүлейменов @armansu

Арман Princeton Университетін 12-маусымда тәмамдады. Өз инстаграмында АҚШ-тың көрікті пейзаждарын ғана емес, түрлі IT конференциялар мен дөңгелек үстелдерден, танымал тұлғалармен түскен суреттерін де қойып отырады.

Biking down Sand Hill Road with the wind blowing in your face. What can be better ;)?

International Academy of Business: from Almaty to Berkeley!

Ақбота Меңдіғарина @b_mendigara

Вашингтондағы Америкалық Университеттің түлегі. Оқуымен қатар Ақбота халықаралық Әйелдер қауымдастығында волонтерлық қызмет атқарып жүрді.

Golden Gate Bridge, San-Francisco

Азиз Муссилимов @azizmussilimov

University of California, Berkeley. Азиздің инстаграмы әрдайым қызықты суреттер мен түрлі ғимараттар мен детальдардан тұрады. 

Кампустағы көктем

Тойлап біттік

@Aizek_kz

Вашингтондағы Вашингтон Университетін тәмамдады.

#gwu #commencement #classof2013#seas

Камила Тұяқбаева @t_kamilka

Аризона Университетінің студенті. Камиланың инстаграмынан оның үздік оқуы мен әрдайым алға ғана қадам басатынын көруге болады.

Материалды дайындаған: Айжан Кәрібаева


Ұқсас материал: Инстаграмдағы қазақ дизайнерлері

8
4
2167

Таиландтағы жасөспірімдер арасындағы Азия чемпионатында Қазақстан құрамасы 4 алтын еншіледі

 

Күрес түрлерінен Таиландта жасөспірімдер арасындағы Азия чемпионаты аяқталды. Жарысты алдымен грек рим күресінің шеберлері бастаған. Олардың арасынан Әбунасыр Өмірзақ Азия чемпионы атанды.

Кейін кілемге қыздарымыз шықты. 67 келіде Ирина Казулинанаға шақ келер қарсылас табылмады. Ол алдымен Хуанг Чен Чи (КХДР) мен үндістандық Сииманы жарыстан шығарды. Ал финалда оңтүстік кореялық Ким Чо Лиден басым түсті.

 

63 келіде Екатерина Ларионова да Азия үздігі. Ол финалда кытайлық Тангты жеңді.

59 келіде Аяулым Қасымова қола жүлдеге ие болды. Ол кіші финалда кореялық Куон Ионг Жуды ұтты.

72 келіде Гүлмарал Еркебаева, аса жеңіл салмақта Залина Жапарова да қола жүлде алды.

Ал еркін күрестен аса ауыр салмақта Олег Болтин қоржынға тағы бір күміс салып берді. Ол финалда Абдулла Гоми Абелиден ұтылып қалды.

66 келіде Болат Сақаев Азия чемпионы атанды. Ол алдымен Вьетнам балуаны Зе Сао Нго (10:2), Қытай спортшысы Хай лонг Гуо (7:0) және ирандық

Рахмади Пейманды (7:0) оңай жеңді. Ал финалда үндіс Викасты ұтты — 8:0.

84 келіде Азамат Дәулетбеков тәжік Салим Ходжаевты (12:0), кейін жапон Окаджиманы (9:2) ұтып, финалға шыққан. Бірақ шешуші белдесуде иран Каримачиани Алиреза одан басым түсті (2:10).

 

96 келіде Ермұхамед Інкәр да күмісті еншіледі. Ол алдымен қытайлық Аи Хангты 7:0 есебімен, одан әрі кәріс Хан Кел Кимді 8:0 есебімен жеңіп финалға шыққанымен, үндістандық Сумиттен таза ұтылды (0:7).

74 келіде Сәкен Айтжановты жартылай финалда ирандық Шека Мостафа сүріндірді. Ал кіші финалда моңғолиялық Улзисайхан Ваасаншотты жеңіп, қоланы қанағат тұтты.

Осылайша, Қазақстан құрамасы биылғы сыннан 4 алтын, 3 күміс, 7 қола жүлдемен Азияның үштігіне енді, деп жазады «Аламан».


 
0
0
255

Бейбіт Шүменов қарсылас таппай жүр

 

WBA тұжырымының жартылай ауыр салмақ дәрежесіндегі әлем чем­пионы Бейбіт Шүменов өзіне қар­сы­лас таппай жүр. Естеріңізге сала кетейік, Бейбіт Шү­ме­новтің кәсіпқой шаршы алаңдағы соңғы жекпе-жегін өткізгеніне бір жыл­дан асып кетті.

WBA тұжырымының жартылай ауыр салмақ дәрежесіндегі әлем чем­пионы Бейбіт Шүменов өзіне қар­сы­лас таппай жүр.

Бұл туралы Boxingscene сайтына сілтеме жасаған Қазақстан боксының«Вконтактедегі» желісі хабарлады.

Мәселен, Шүменовпен кезде­су­ден қашқақтап жүргендердің бірі WBO тұжырымының әлем чемпионы ұлыбританиялық Натан Клеверли екен.

– Өзінің сұхбаттарында әрдайым мен туралы айта бергеннен кейін Кле­вер­лимен жекпе-жек өткізбек болып хабарласқанбыз. Олардың про­моу­тер­лері де Клеверлидің менімен жұдырықтасқысы келетіндіктерін ашық айтты. Бірақ кейін Бернард Хоп­кинспен жұдырықтасуды жөн көріп, біздің ұсынысымызды қабылдамады. Алайда Хопкинс бұл кезде басқа бокс­шымен келісіп қойған екен. Соны білдік те, Клеверлимен қайта хабар­ласқан едік, ізім-қайым жоқ болып кетті. Егер шаршы алаңда жолығар бол­сақ, қуана жұдырықтасар едім, – депті Шүменов аталмыш сайтқа бер­ген сұхбатында.

Сондай-ақ жерлесімізбен жекпе-жекке шығудан америкалық боксшы Чед Доусон да бас тартқан көрінеді. Естеріңізге сала кетейік, Бейбіт Шү­ме­новтің кәсіпқой шаршы алаңдағы соңғы жекпе-жегін өткізгеніне бір жыл­дан асып кетті.

Соңғы рет өткен жыл­дың 2 маусымында рингке көте­ріл­ген қандасымыз мексикалық Энрике Орнеласты жеңген болатын.


 
0
0
646

Астана кубогын астаналықтар иеленді

 

Сайыс жекелей-командалық есепте швейцариялық жүйесі бойынша 7-турда өткізілді. Жарыс 3 жас ерекшелігіне сәйкес, яғни 9, 11 және 14 жас арсындағы жасөспірім ұлдар және қыздар арасында бөлек өтті.

Жақында тоғызқұмалақтан Астана қаласының кубогына арналған «Жасүміт» жасөспірімдердің республикалық сайысы өтті. Астана, Алматықалаларының және 13 облыстан келген 25 команда, 156 спортшы 4 күн бойы дүбірлі бәсекелердің куәсі болды. Олардың арасында 20-ға жуық спорт шеберлігінен үміткерлер және Қазақстан республикасының жеңімпаздары мен жүлдегерлері бар

Сайыс жекелей-командалық есепте швейцариялық жүйесі бойынша 7-турдаөткізілді. Жарыс 3 жас ерекшелігіне сәйкес, яғни 9, 11 және 14 жас арсындағы жасөспірім ұлдар және қыздар арасында бөлек өтті.

Бәсекенің алғашқы күндері командалық есепте Қызылорда, Алматы, ОңтүстікҚазақстан және Астана қаласының командалары тәуір нәтиже көрсетсе, одан кейінгі уақытта бұл командаларға Батыс Қазақстан құрамасы қосылды. 5-турөткенде 19 ұпаймен Астана және Оңтүстік Қазақстан командалары алда болса, одан кейінгі 17 ұпаймен Батыс Қазақстан орналасты. Жарыстың 6-шы және 7-тур ойындарын жақсы өткізген астаналықтар 30 ұпаймен бас жүлдені иеленсе, 2-орынды 28 ұпаймен ОҚО, ал 3-орынды 27 ұпаймен Батыс Қазақстан иеленді.

Әр жас дәрежесі бойынша жеңімпаздар мен жүлдегерлер:

9 ЖАС:

Ұлдар:

1-орын – Ж.Акбар – 6 ұпай, (ОҚО)

2-орын – Ж.Беркімбаев – 6 ұпай, (ОҚО)

3-орын – Е.Қазым – 5 ұпай, (Павлодар)

 

9 ЖАС:

Қыздар:

1-орын – А.Оралбекова – 6 ұпай, (Семей)

2-орын – М.Сейлова – 5.5 ұпай, (Қостанай)

3-орын – А.Рахматуллаева – 5 ұпай, (Алматы қ.)

 

11 ЖАС:

Ұлдар:

1-орын – А.Жағапаров – 6 ұпай, (Семей)

2-орын – А.Тұрлығұл – 5.5 ұпай, (Алматы қ.)

3-орын – Р.Шоқанов – 5.5 ұпай, (Павлодар)

11 ЖАС:

Қыздар:

1-орын – Г.Нұрлыбекова – 6 ұпай, (Ақтөбе)

2-орын – Ж.Смайлова– 6 ұпай, (Алматы қ.)

3-орын – Қ.Есіркеп – 5 ұпай, (Астана қ.)

 

14 ЖАС:

Ұлдар:

1-орын – С.Жандарбек – 6 ұпай, (ОҚО)

2-орын – А.Қайржанов – 6 ұпай, (БҚО)

3-орын – Ш.Бітімбай– 5 ұпай, (Қызылорда)

 

14 ЖАС:

Қыздар:

1-орын – Қ.Әбілда – 6 ұпай, (Семей)

2-орын – Г.Ерімова – 6 ұпай, (Жамбыл)

3-орын – Г.Базаралиева – 5.5 ұпай, (Астана қ.)

Жарыстың жабылу салтанатында Астана қаласының туризм, дене тәрбиесі және спорт басқармасы басшысының орынбасары Самат Амангелдіұлы жеңімпаздар мен жүлдегерлерді медаль, диплом және бағалы сыйлықтармен марапаттады. Бас жүлдеге берілген соңғы үлгідегі планшеттер тоғызқұмалақшылардың жарысқа дайындығын жеңілдетіп, олардың партияларды сақтауға, талдауға, бағдарламалармен ойнауға көп көмегі тиетін болды. Командалық есепте жеңімпаз болған Астана, ОҚО және БҚО командаларына кубоктар берілді.


 
0
0
441

М.Кукушкин Кошице челленджерін ұтып алды

 

«Vesti.kz» сайты қазақстандық теннисші Михаил Кукушкин Словакияның Кошице қаласындағы челленджерде жеңіске жеткендігі туралы хабарлайды.

Финалда Кукушкин Босния және Герцеговина өкілі Дамир Джумхурмен кездесті. Бірінші сетте қазақстандық теннесші 6:4 есебімен басым түссе, ал қарсыласы 6:1 есебімен екінші сетті ұтты. Дегенмен жерлесіміз шешуші кезеңде 6:2 есебімен жеңіске жетті. Жалпы ойын 1 сағат 49 минутқа созылды. М.Кукушкин 4 мың 300 еуро мен ATP рейтингісінде 80 ұпай алды. Айта кетейік, ол қазір рейтингіде 324-орында.

 
0
0
293

Винокуров атындағы спорт сарайы салынады

Жазғы Лондон Олимпиадасының чемпионы Александр Винокуровтың Қызылжар өңіріндегі ізбасарлары жыл санап көбейіп келеді. Бүгінде велоспортты серік еткен 23 солтүстікқазақстандық еліміздің құрама командасында облыс намысын қорғап жүр, деп жазады Егемен Қазақстан.

Аймақ басшысы Самат Ескендіров есімі әлемге әйгілі велошабандозды қабылдап, жергілікті жердегі спортты дамыту, кәсіби деңгейін көтеру, жастарды саламатты өмір салтына бейімдеу төңірегінде әңгімелесті. Сөзін байрақты бәсеке жеңімпазының атында спорт сарайы тұрғызылатыны туралы қуанышты жаңалықпен түйіндеп, оған Алғыс хат, велоспорт бойынша балалар және жасөспірімдер мектебінің директоры Владимир Парахинге «Қазақстан Республикасының еңбек сіңірген жаттық­тырушысы» атағын тапсырды.

А.Винокуровтың жүлдесі үшін өткен республикалық жарыс 36 шақырымға созылып, петропавлдық Кирилл Пролубников топ жарды. Жалпыкомандалық есепте де жерлестеріміз жеңістің ең биік тұғырынан көрінді. Павлодарлықтар екінші, қостанайлықтар үшінші орынды иеленді.


0
0
503

Заттыбек Көпболсынұлының ән кеші

Астана қаласы, Тәуелсіздік сарайында әнші Заттыбектің ән кеші өткелі жатқан кез. Халық жиналып жатыр.

Көптің қошеметіне бөленген Заттыбек. Ән кешінде суретке түсіп үлгеруде.

Залдағы көрермендер Заттыбек ағамызбен қосыла ән шырқап отыр.

Заттыбектің ән кешін Әсел Ергеш жүргізді.

Заттыбектің Қыз ұзату әніне билейтін бишілер.

Бұл кештен жасалған видео репортаж біздің порталда бар. Көріңіздер)

 
0
0
1511