Мазмұнға өту

Жаңа

Павлодарлық «Ертіс» қостанайлық «Тобылды» жеңді

АСТАНА. BNews.kz

Павлодарлық «Ертіс» премьер-лиганың 20-шы бөлімінің ойынында қостанайлық «Тобыл» командасын 1:0 есебімен жеңді, деп хабарлайды BNews.kz тілшісі.

Павлодарлық «Ертіс» Еуропа Лигасының екінші квалификациялық раундында босниялық «Широки Бриегті» 3:2 есебімен жеңгеннен кейін ішкі чемпионатта да қостанайлық «Тобылдан» 1:0 есебімен басым түсті. 80-ші минуттағы жалғыз голдың иесі – Қуаныш Бегадин.

 
0
0
330

Лондон Олимпиадасы тек бір жылдан кейін шығынын өтеді

ЛОНДОН BNews.kz

Осыдан бір жыл бұрын өткен Лондондағы жазғы Олимпиада ойындары Ұлыбританияға 9,9 млрд фунт стерлинг ($15,05 млрд) табыс әкеліп, осылайша өзіне кеткен шығынды толық өтеді, деп жазады «ЭК».

Сондай-ақ лондондық Олимпиада ойындарына байланысты табыстар жыл сайын еселене түсіп, 2020 жылы 28–40 млрд фунт стерлингке жететін болады.

Британия үкіметінің Олимпиада және Паралимпиада ойындарына жұмсаған шығыны 8,9 млрд фунт стерлингті құрған болатын. 2012 жылдың 27 шілдесі мен 12 тамызы аралығында өткен лондондық жазғы Олимпиада ойындары тек бірегей спорттық мереке болып қана қоймай, сондай-ақ ең табысты қаржылық шара деп танылды.

   
0
0
424

Астанада теннистен ҚР Президентінің кубогы басталды

АСТАНА BNews.kz

Бүгін Астанада ерлер арасында Challenger ATP және әйелдер арасында ITF сериясында теннистен жыл сайынғы «Президент кубогы» Халықаралық турнирі басталды. Бұл туралы  astana.kz сайтына елордалық Туризм, дене шынықтыру және спорт басқармасының баспасөз қызметі хабарлады.

Турнирге әлемнің 20 елінен келген танымал спортшылар қатысады. Соның ішінде,Дуди Села (Израиль, ATP рейтингінде 88-орын), Теймураз Габашвили (Ресей, 137), Иван Сергеев (Украина, 177), Константин Кравчук (Ресей, 179), Марсель Ильхан (Түркия, 180), Мария Жоао Кохлер (Португалия, 106 рейтинг WTA), Луксика Кумкум (Тайланд,107), Нина Братчикова (Ресей, 139), Тамарин Танасугарн (Тайланд, 165) және Надя Киченок (Украина,171).

Кортта Андрей Голубев, Михаил Кукушкин, Зарина Дияс, Ксения Первак және басқа да жас теннисшілер Қазақстанның намысынқорғайды.

Турнирдің жалпы жүлде қоры 225 000 АҚШ долларын құрайды.

Негізгі матчтар 22 шілдеден бастап күн сайын сағат 10.00 «Дәулет» Ұлттық теннис орталығының ашық корттарында өтеді. Доданың финалы және жартылай финалы сенбі және жексенбі күндері сағат 12.00 белгіленген.

28 шілдеде сағат 11.30 отбасылық спорттық мереке, теннисшілердің қатысуымен эстафеталар ұйымдастырылады.

Халықаралық турнир бағдарламасы

22 шілде, дүйсенбі

10:00

Негізгі жеке кездесулер (1-айналым)

Жұптық кездесулер (1-айналым)

23 шілде, сейсенбі

10:00

Негізгі жеке кездесулер (1-айналым)

Жұптық кездесулер (1-айналым)

24 шілде, сәрсенбі

10:00

Негізгі жеке кездесулер (2-айналым)

Жұптық кездесулер (2 -айналым)

25 шілде, бейсенбі

10:00

Негізгі жеке кездесулер (Ширек финал)

Жұптық кездесулер (Ширек финал)

26 шілде, жұма

10:00

Негізгі жеке кездесулер(Ширек финал- ерлер)

Негізгі жеке кездесулер(Ширек финал- әйелдер)

Жұптық кездесулер (Жартылай финал — ерлер)

Жұптық кездесулер (Жартылай финал — әйелдер)

27 шілде, сенбі

12:00

Жұптық кездесулер (Финал — ерлер)

Жұптық кездесулер (Финал — әйелдер)

Негізгі жеке кездесулер (Жартылай финал — ерлер)

Негізгі жеке кездесулер (Жартылай финал — әйелдер)

28 шілде, жексенбі

12:00

Негізгі жеке кездесулер(Финал — әйелдер)

Негізгі жеке кездесулер(Финал — ерлер).

 

«www.bnews.kz».

 
0
0
362

«Қайрат» академиясы шақырады

Академияға балаларды іріктеу үшін ашық есік күндері өтіп, клубта балаларға арнап селекциялық тексеру өтеді. Тексеру нәтижесі бойынша дарынды жеткіншектер «Қайрат» академиясында тәлім алуға мүмкіндік алады..

 

Алматыда «Қайрат» футбол клубының балалар академиясы ашылды. Қала әкімдігі баспасөз қызметініңхабарлауынша, футбол құрамасының бұрынғы базасынан ашылған академияда 8 бен 13 жас аралығындағы балалар тәлім алады.

—  Біз балаларды кішкентай күнінен спортқа баулу мақсатында Каблуков көшесіндегі танымал базамызды қалпына келтіріп, іске қосып отырмыз. Мақсатымыз – алдағы уақытта әлемдік ареналарға шығу. Бұған біздің қаламыздың мүмкіндігі жетеді және осы мақсатқа жетеміз деп ойлаймын», – деді академияның ашылу салтанатында сөз алған қалаәкімі Ахметжан Есімов.

Мәлімдемеге сүйенсек, академияға балаларды іріктеу үшін ашықесік күндері өтіп, клубта балаларға арнап селекциялық тексеру өтеді. Тексеру нәтижесі бойынша дарынды жеткіншектер «Қайрат» академиясында тәлім алуға мүмкіндік алады..

Екі гектардан астам аумақты алып жатқан нысанда үш ойын алаңы орналасқан. Сонымен қатар онда қысқы манеж бен себезгі бөлмелері, оқузалдары, екі медициналық қосын, гимнастика және жаттығу залдары бар.

Ашық есік күндері тамыздың 10-ы мен 11-іне жоспарланған. Бірінші күні 2001-2003 жылғы жеткіншектер арасында іріктеу жүргізілсе, екінші күні 2004-2007 жылғы балдырғандар арасында селекциялық іріктеу өтеді. Толық мәліметті білу үшін «Қайрат» футбол клубының баспасөз қызметіне хабарласқандарыңыз жөн.

 

Абылайхан ҚЫЛЫШБАЕВ

 
0
1
3427

«Барселонаға» жаңа бапкер келді

Каталондық «Барселона» клубын аргентиналық маман Херардо Мартино жаттықтыратын болды. Бұл туралы испандық Marca басылымы хабарлап отыр.

Испандық клуб 50 жастағы Херардо Мартиномен 3 жылдық келісім-шартқа қол қойды. Енді «Барселонаның» бапкерлік құрамында аргентиналық маманның көмекшілері Эльвио Паолороссо мен Хорхе Паутассо да бірге қызмет атқаратын болады.

 

Бұған дейін «Барсаның» жаңа бапкері аргентиналық «Ньюэллс Олд Бойз» командасын жаттықтырғаны белгілі. Сонымен қатар, Парагвай ұлттық құрамасымен 2010 жылғы әлем чемпионатының ширек финалына дейін, 2011 жылғы Америка Кубогында ақтық сынға дейін жеткен.

Естеріңізге сала кетейік, «Барселонаның» бас бапкері 44 жастағы Тито Виланова денсаулық жағдайының нашарлауына байланысты өткен аптада өз еркімен қызметінен кеткен болатын.

Дайындаған: Өмірбек Сансызбай

 
0
0
522

Қаржы полициясы агенттігінде жұмыс істейтін ұлты қазақ емес өкілдерінің арасында шығармашылық сайыс өткізілді

Астана күнін мерекелеуге байланысты және мемлекеттік тілді дамыту бойынша мәселелерді шешу мақсатында Қаржы полициясы агенттігінде жұмыс істейтін ұлты қазақ емес қызметкерлердің арасында шығармашылық сайыс өткізілді.
Шығармашылық сайыстың жеңмпаздарын анықтау барысында сайысқа қатысқан қызметкерлердің жазған шығармалары ғана қаралмай, 2013 жылғы қаңтардан бастап қазіргі уақытқа дейінгі кезеңде мемлекеттік тілде әзірлеген құжаттарына талдау жасалды.
Нәтижесінде, Агенттіктің Сыбайлас жемқорлық туралы істерді ашу және оның алдын алу департаментінің инспекторы Илья  Скуб – 1 орынды, Ұйымдастыру-бақылау департаменті-инспекциясы кезекші бөлімінің аса маңызды істер жөніндегі аға инспекторы Денис Водилов – 2 орынды, Арнайы департаменттің аса маңызды істер жөніндегі аға инспекторы Роман Лагутин мен Экономикалық және қаржылық қылмыстарды ашу департаменттінің инспекторы Леонид Ким – 3 орынды иеленді.

Жоғарыда көрсетілген қызметкерлерді шығарма жазуда жүлделі орындарға ие болғаны, мемлекеттік тілде көп құжат дайындағаны үшін, «Астана күнін» мерекелеуге байланысты олар Агенттік Төрағасының құқығымен грамоталармен марапатталады.

0
0
477

«31 арна» 22 және 28 шілде аралығында көрсетілетін фильмдерге шолу жасайды

Әлемдік кинонарық күн өткен сайын көрермендерді тың технологияларымен һәм жаңа идеяларымен таң қалдыру үстінде. Елдің көңіліндегісін көз алдына келтіріп, қолмен ұстағандай әсер беру күнделікті дүниеге айналып келе жатыр. «31 арна» да кино саласындағы қалың өнімнің арасынан іріктеп, таңдап, ең қызықты, ең тұщымды дегендерін өз көрермендеріне сыйлауын жалғастырады.

Дүйсенбі. 22 шілде. 22.30

Сіз Макстың кім екенін білесіз бе? Әне, олар да білмейді. Боливияның қалың орманының ортасында қалған, «екі түйе сүйкенсе, шыбын өледінің» кебін киген Орталық барлау басқармасының арнайы бөлімі өздерін өлдіге санаған әлгі Макстан кек алмаққа бел буады.

«Лузеры» - тек фильмнің ғана емес, қосақта кеткен, құрдымға батты саналған команданың да атауы. Ал кімнің жолы болып, кімнің сәтсіздікке ұшырағанын өзіңіз қараңыз.

Сейсенбі. 23 шілде. 22.30

Әй қайдам, фэнтези-вестерн дегенді естімеген шығарсыз. Джош Бролин, Меган Фокс, Джон Малкович, Майкл Фассбендер секілді Голливудтың байлығы мен шайлығын үріп ішіп, шайқап төгіп жүргендер «31 арна» көрермендеріне Джона Хэксатты антиқаһарман туралы аттас фильмді ұсынады. Квентин Тернбалл атты әлдекімнің соңына түскен бас кейіпкеріміз «басымызға бермесін» дегізетін оқиғаларға тап болады.

Сәрсенбі. 24 шілде. 22.30

Айс Кьюб дейтін жігіт бар. Қанды қыздырып, делебеңді қоздырар фильмдерге түсуді жақсы көреді. Міне, сол азаматтың «Крутящий момент» атты туындысын ұсынамыз.

Туған қаласына келіп, жасамаған қылмысты жасадың деген айыпқа ұшыраған Кери Форд екі оттың ортасында қалады. Бір жағынан кек қайтарамын деп тулаған жәбірленуші жақ, екінші жағынан қыспаққа алған Федералды тергеу бюросының қызметкерлері әбден қинайды. Әділетке ұмтылған бас кейіпкер күрес жолына шығады.

Бейсенбі. 25 шілде. 22.30

Шон Веттер атты агенттің рөлін ойнайтын Вин Дизель Мексикадан келетін есірткі саудасына қарсы күресін тоқтатар емес. Алайда бүкіл трафикті өз қолына алған Дьябло атты қылмыскер пайда болған кезде, оған өзінің бар күш-қайратын сарп етуге тура келеді.

Өлген әйелінің кегін қайтармақшы болып қылмыстық картельге енген агент туралы «Одиночка» драмасын көріңіздер.

Жұма. 26 шілде. 00.00

Ертең демалыс, олай болса асықпай жатып кино қарағанға не жетсін...

Пирс Броснан, Сальма Хайек, Вуди Харрельсон, Дон Чидл, Наоми Харрис секілді ығай мен сығай түскен «После заката» фильмі «Судың да сұрауы бар» деген сөздің ақиқат екенін көрсетеді.

Аса табысты істен кейін, өткенімен қоштаспақшы болып, жұмаққа бергісіз аралға қоныс тепкен кәсіби ұры Федералды тергеу бюросы қызметкерінің қырына ілінеді. «Мысық-тышқан» ойынына көшкен екеудің ертеңі не болды, оны өздеріңіз қараңыздар:)

Сенбі. 27 шілде. 23.00

Жадыраған күндердің бірінде, саяхатқа шыққан бір топ жасөспірім үлкен қайғыға ұшыраймыз деп ойлап па?! Үйлеріне қайтқан олар әлдебір белгісіз жаудың туған жерлерін басып алғанын, ал туғандары мен жақындары оққа ұшып, тірі қалғандарының кепілдікке алынғанын көреді. Қайтпек керек? «31 арнада» «Вторжение: Битва за рай» фантастикалық триллері.

Жексенбі. 28 шілде. 23.30

«Естімеген елде көп» айдарынан. Айдалада жүріп американдықтар АҚШ президентінің ұшағына шабуыл жасаған қазақстандық лаңкес-коммунистер туралы кино түсіріпті дегенде «қайсы-қайсы» деп іздеген жұрт біраз еді. Ендеше қарсы алыңыздар! Гари Олдман ойнаған қылмыскер Коршунов пен Харрисон Фордсомдаған АҚШ президентінің арасындағы әуедегі шайқасты тамашалаңыздар!

Сөзсіз, «Самолет президента» өткен күндердің белгісіндей болып, демалыстың кешінде сізге жақсы күй сыйлайды.

Біздің шолуға бағдарламамыздағы барлық фильмдер енген жоқ. Ал көрермендердің «31 арнадан» көңілдеріне жағар қалаған фильмін көре алатынан біз сенеміз.

1
0
709