Мазмұнға өту

Жаңа

2016 жылы Қазақстан темір жолының жүк айналымын пайдалану көлемі 1,5 млрд тонна-шақырымға артты

Ұлттық тасымалдаушы 2016 жылдың 9 айының қорытындысын шығарды. Биылғы қаңтар қыркүйек аралығында жүк айналымы пайдалану көлемі артқан. Көрсеткіш 136,9 млрд деңгейінде болса, ол өткен жылдың сәйкес мерзімімен салыстырғанда 1,5 млрд. тонна-шақырымға көп, деп хабарлады Қазақстан темір жолы баспасөз қызметі.

Осы аралықта Қытайдан Еуропаға бағытталған контейнерлік пойыздар саны екі есеге артқан. Бұл бағдарға 528 пойыз қатынаған. Кері қарайғы бағдарға «Еуропа-Қытайға» 252 пойыз өткен. Бұл көрсеткіш өткен жылы Қытайдан-Еуропаға -250 кері қарай 115 пойызды құраған. Барлығын қосқанда контейнерлік пойыздар саны 1260-қа жетіп отыр.

Жыл басынан бері пойыздарға 156,2 миллион тонна жүк тиелсе, оның 5,6 млн тоннасын астық өнімдері, - 1,9 млн тоннасын ұн құрайды.

Атап өтерлігі, қыркүйекте астық тасымалы 713 мың тоннаға жеткізілді.

Оның 436,7 мың тоннасы ішкі нарыққа жіберілсе, ол жоспарлы көрсеткіштің 87 % астамын құрайды. Астықтың негізгі экспортқа шығарылатын бағдарлары – басым бөлігі Орталық Азия елдері (64%), Ресей (17%), Ауғанстан (8%), Иран (5%), Қытай (5%), Беларусь және Балтық жағалауы елдері (1%) болып табылады.

Компанияның көрсеткіштерінің өсуі Қазақстанның көлік әлеуетін арттырудың стратегиялық тапсырмасының нәтижелі орындалуынан көрініс тауып отыр. Белгіленген межеге жетудің мүмкіндігі көлік нарығына қатысушылардың күш қуатын шоғарыландырылған және мақсатты түрде Қазақстанның жүк вагон паркінің ірі операторы «Қазтеміртранс» АҚ, мультимодальдық көлік логистикалық «KTZ Express» АҚ компаниясы, ауыл шаруашылығы жүктерін теміржолмен тасымалдаушы Қазақстан-Ресей бірлескен «Астық Транс» АҚ кәсіпорны ұжымдасып атқаруынан көрінді.
Компанияның алдындағы басым бағыттарының бірі жүктерді бұған дейінгі бағдарлардан тыс қосымша бағдарларға да тартуды ұйымдастыру өмір талабы болып отыр. Бұл мақсат ішкі және сыртқы бәсекелес ортадағы тасымалдың күшеюінен де көрініс табады.

Ақпарат көзі: strategy2050.kz

0
0
478

Батыс Қазақстан облысы білім басқармасында онлайн кеңес өтті

Ағымдағы жылдың 18 қазан күні Батыс Қазақстан облысы білім басқармасында сыбайлас жемқорлықтың алдын-алу бойынша онлайн режимде семинар өткізілді.

Іс-шараға БҚО білім басқармасы аппаратының қызметкерлері мен басшылары, бағынысты мекемелердің басшылары және аудандық білім беру бөлімі қызметкерлері қатынасты.

Семинар барысында Департамент басшысының орынбасары ҚР сыбайлас жемқорлыққа қарсы 2015-2025 жылдарған арналған Стратегиясының орындалуы және білім беру ұйымдарында сыбайлас жемқорлыққа қарсы мәдениетті қалыптастыру бойынша баяндама жасады.
Сонымен қатар, мектеп, колледж директорлары, Орал қаласы мен аудандық білім беру бөлімдерінің басшылары сыбайлас жемқорлыққа қарсы өткізілген шаралар туралы және сыбайлас жемқорлыққа қарсы мәдениетті қалыптастыру бойынша тәжірибелерімен бөлісті

 
0
0
389

Батыс Қазақстан облысында сыбайлас жемқорлыққа қарсы іс-қимыл жағдайын талқылады

2016 жылдың 19 қазанда ҚР Мемлекеттік қызмет істері және сыбайлас жемқорлыққа қарсы іс-қимыл Агенттігі төрағасының орынбасары Алик Шпекбаевтың Батыс Қазақстан облысына қызметтік сапары өтті.

Сапар барысында ол Агенттіктің аймақтық департаменттерінің ұжымымен кездесті. А.Шпекбаев өз сөзінде мемлекеттік қызмет істері және сыбайлас жемқорлыққа қарсы іс-қимыл органдарының алдында тұрған басым міндеттерін және қызметтегі жаңа тәсілдері туралы айтты. Сондай-ақ, ол мемлекеттік қызметшілердің өз-өздерін жетілдіруді, бастама білдіруді, кәсіби деңгейін көтеру және халықтың игілігі үшін қызмет қылуды ұсынды.

Содан, «Нұр Отан» партиясының БҚОФ-ның ғимаратында облыс активі, азаматтық қоғам институттарының және БАҚ өкілдерінің қатысуымен «Қазақстанның заманауи сыбайлас жемқорлыққа қарсы саясаты» тақырыбында семинар өткізілді.

Шараны облыс әкімі А.Көлгінов ашып, өз сөзінде сыбайлас жемқорлықтың алдын-алу бойынша аймақта жүргізіліп жатырған жұмыстарға тоқталды.

Өз кезегінде, А.Шпекбаев елде сыбайлас жемқорлыққа қарсы жүргізіліп жатырған саясат жөнінде презентация жасап, сыбайлас жемқорлықпен күрестегі әлемдік тәжірибемен ақпараттандырып, заң нормаларын, жазалау шараларын және құқықбұзушылық болған жағдайдағы оның жолын кесу жөнінде түсіндірді.

«Біз бұрын жемқорлықтың салдарымен күресетін едік, ал енді оның алдын-алу шараларына үлкен екпін жасайтын боламыз. Біздің міндет – мемлекеттік қызметшілердің арасында, сондай-ақ халықтың сыбайлас жемқорлыққа қарсы мәдениетін көтеру» - деп нақтылады А.Шпекбаев.

Сөз сөйлеу барысында «Мемлекеттік қызмет туралы» Заңында және мемлекеттік қызметшілердің Әдеп Кодексінде көрсетілген мемлекеттік қызметшілердің қызметтік әдепті сақтауға үлкен назар аударылды. Әдеп Кодексін сақтау халықтың мемлекетке деген сенімін көтеруге, мемлекеттік қызметтегі қарым-қатынас мәдениетін көтеруді қалыптастыруға, сонымен қатар, сыбайлас жемқорлыққа қарсы және қызметтік әдеп нормаларының бұзылуын ескертуге ықпалын тигізетін болады. Қызметтен тыс уақыттағы мінез-құлықтың да маңызды рөлі бар, өйткені мемлекеттік қызметшілер жалпы қабылданған моральдық-этикалық нормаларды сақтауы, қоғамға қарсы мінез-құлық жағдайларына жол бермеуі тиіс.

Сонымен қатар, А.Шпекбаев мемлекеттік қызметшілерге, сондай-ақ, жауапты мемлекеттік қызмет лауазымындағы тұлғаларға қызметтік міндеттерін атқару кезінде сыйлықтар алуға тыйым салынатындығы жөнінде қатысушыларға ескертті. Сыйлықты алған жағдайда 7 күн мерзім ішінде арнайы мемлекеттік қорға өтеусіз тапсыру қажет. Қор сыйлықтан түскен ақшаны республикалық бюджетке аударады.

Шара барысында өңірлер бөлінісінде құқықтық статистика келтіріліп, білім беру, құрылыс және денсаулық сақтау секілді коррупциогендік салалар аталды.  Осыған орай, облыстық Мемлекеттік қызмет істері және Сыбайлас жемқорлыққа қарсы Ұлттық бюросы департаменттеріне аталған салаларда сыбайлас жемқорлық тәуекелдеріне сапалы талдау жасап, нақты ұсыныстар әзірлеумен оларды жою, кейіннен аталған органдардың ұжымына кеңінен түсіндіру жұмыстарын жүргізуді ұйымдастыру жөнінде тапсырмалар берілді.

Шара аяқталған соң, А.Шпекбаев «Нұр Отан» партиясының облыстық хатшылығында құқық қорғау және жергілікті атқару органдарының бірінші басшыларымен азаматтарды қабылдау шеңберінде аймақ тұрғындарының өтініштерін тыңдады. Қабылдау барысында, ол бірде-бір өтініш қараусыз қалмайтындығын атап өтті.

 
0
0
373

Қазақстан тәуелсіздігінің 25 жылдығын тойлау жылында әлемнің жаһандық трендіне салмақты үлес қосады – сарапшы

Қазақстан Тәуелсіздігінің 25 жылдығын тойлау жылында экономиканы дамыту, азаматтардың өмір сүру сапасын арттыру және әлемнің жаһандық трендіне салмақты үлес қосу үшін зор ресурс табады, деді «Жасыл экономика және G-Global дамыту коалициясы» ЗТБ басқарма төрағасы Салтанат Рахымбекова Strategy2050.kz АА берген сұхбатында.

«Осы жылы Қазақстанның Тәуелсіздігіне 25 жыл және еліміздің «жасыл» экономикаға көшуі тұжырымдамасы бойынша өмір сүріп келе жатқанымызға тағы 3 жыл толып отыр. Бұл ел тарихының болашағы бар, жаңа беттері. Біз еліміздің өте күшті әрі ашық әлеуеті туралы айтып отырмыз», - деп мәлімдеді С. Рахымбекова.

Оның айтуы бойынша, еліміз ұсынып отырған сынақтан өткізілген «жасыл» технологиялар ауылдағы өмір сүру сапасына тікелей әсер етуі мүмкін.

«Біздің технологияларымыз жылу, жарық және су алуға жұмсалатын шығыстарды бірнеше есе үнемдеуге мүмкіндік береді. Біздің барлық әлеуметтік объектілеріміз энергия тиімді болуы және оған қоса бюджет шығыстарын да үнемдеуі мүмкін. Осы үш жыл ішінде жинақталған энергия үнемдеу, ресурс үнемдеу және «жасыл» технологияларды қолдану мәселелеріндегі актив еліміздің жақсы әлеуеті бар екенін және бұл әлеуеттің төменнен қолдау алатынын көрсетеді, бұл өте маңызды, себебі «жасыл» технологиялар бойынша жобаларға шағын бизнес тартылған», - деп түсіндірді ол.

Коалиция төрағасы атап өткендей, бұл күрделі экономикалық қиындықтар кезеңіндегі әлеуметтік объектілер өздерінің бюджеттік жүктемесін өсірмей, керісінше, МЖӘ және энергосервистік келісімшарттарды дамыту есебінен азайта алатын өте жақсы ұсыныс.

«Қазақстанның 25 жылдығын тойлау жылында еліміз экономиканы дамыту, азаматтардың өмір сүру сапасын арттыру және әлемнің жаһандық трендіне салмақты үлес қосу үшін зор ресурс табады, яғни барлық «жасыл» технологияларды дамыту есебінен біз тасталымдарды азайтамыз, энергия тиімділігін арттырамыз, жаңартылатын энергия үлесін ұлғайтамыз», - деді С. Рахымбекова.

«Қазақстан-2050» стратегиясында және басқа да бағдарламалық құжаттарда 2025 жылға дейін электроэнергетика саласында баламалы және жаңартылатын электр энергиясы үлесінің 50%-ына қол жеткізу міндеттері қойылғанын атап өту қажет. Энергия тиімділігі саласында 2020 жылға дейін ЖІӨ энергия сыйымдылығын 2008 жылғы бастапқы деңгеймен салыстырғанда 25%-ға төмендету міндеті тұр.

Ақпарат көзі: strategy2050.kz

0
0
484

Қазақстан мемлекеттік сатып алу бойынша ДСҰ келісімін бақылаушы мәртебесіне иеленді

ДСҰ мемлекеттік сатып алу Комитетінің кезекті отырысы аясында бірауыздан дауыс беру арқылы Қазақстан Республикасының ресми өтінімі мұндай мәртебе алуға мақұлданды, деп хабарлады Қаржы министрлігінің баспасөз қызметі.

Отырыс (Швейцария) Женева қаласында өтуде. ДСҰ комитетінің отырысында Қазақстан Республикасына бақылаушы мәртебесін беру туралы ҚР Қаржы вице-министрі Руслан Бекетаев сөз сөйледі. Елімізді Қазақстандық делегацияның құрамында ҚР Қаржы министрлігінің Мемлекеттік сатып алу заңнамасы департаментінің директрі Сәбит Ахметов, сондай-ақ Ұлттық экономика министрлігінің өкілдері ұсынады.

ДСҰ-ның келісімі бойынша мемлекеттік сатып алу Қазақстан бақылаушы мәртебесін алу Қазақстан Республикасы ДСҰ-ға кіру кезіндегі міндеттемелердін бірі болып табылады, - деп түсіндірді Руслан Бекетаев. Қазақстанның мемлекеттік сатып алу жүйесі халықаралық озық стандарттарға сәйкестігнің айқын дәлелі болып табылады.

Женева қаласындағы сапар шеңберінде ДСҰ бас диреторының орынбасары Сяньжун Йи және мемлекеттік сатып алу бойынша ДСҰ комитетінің төрағасы Джон Ньхамом және оның орынбасары Роб Андерсон мен келіссөздер жүргізілді. 2016 жылдың 7 – 8 қарашасында Астанада Ұлттық семинар өткізу туралы тараптар келісімшілікке қол жеткізді. Семинар барысында ДСҰ сарапшылары мемлекеттік органдарға, бизнес-қоғамдастық өкілдеріне ДСҰ талаптарын түсіндіретін болады.

Сондай-ақ Қазақстандық делегация Еуропалық Қайта құру және Даму Банкінің (ЕҚДБ) өкілдерімен жұмыс барысында қатысты, нәтижесінде Қазақстандық мемлекеттік сатып алу жүйесін одан әрі жетілдіру мақсатында ЕҚДБ өкілдерімен бағалау бойынша келісімшілікке қол жеткізілді.

Комитетін отырыс барысында Қазақстан бақылаушы мәртебесін алуға қатысты АҚШ-тың, Еуропа одағының, ҚХР, Тәжікістан өкілдері құтықтау сөз сөйледі.

Ақпарат көзі: strategy2050.kz

0
0
792

Қазақстанның тау-кен саласындағы даму перспективасы Рио-де-Жанейродағы XXIV Дүниежүзілік тау-кен конгресінде таныстырылды

ҚР Инвестициялар және даму министрлігінің Жауапты хатшысы Замир Сағынов бастап келген Қазақстанның ірі тау-кен компанияларының, «Атамекен» Ұлттық кәсіпкерлер палатасының, ғылыми-зерттеу институттарының, «Iteca» көрме компаниясының өкілдерінен тұратын қазақстандық делегация Рио-де-Жанейро қаласында өтіп жатқан XXIV Дүниежүзілік тау-кен конгресінің жұмысына қатысуда.

Іс-шараға 34 елдің 2000 астам өкілдері, оның ішінде үкімет мүшелері, ғылыми қайраткерлер, халықаралық мамандандырылған ұйымдардың қызметкерлері, тау-кен кәсіпорындарының басшылары, Бразилияда аккредиттелген дипломатиялық корпустың өкілдері бар, деп хабарлады Инвестициялар және даму министрлігі.

Тау-кеншілер съезінің бағдарламасы халықаралық ұйымдастырушы комитеті отырысының, конгресс пленарлық отырысының, тау-кен саласындағы соңғы жетістіктерді тамашалайтын көрменің, ғылыми-техникалық жұмыстар мен жобалар конкурсының өткізілуін көздейді. Қатысушылар пайдалы қазбалар кен орындарын барлау, тау-кен және жерасты жұмыстарын жүргізу, автоматтандыру және роботты техниканы пайдалану, тау-кен өнеркәсібі саласындағы инновациялар секілді маңызды мәселелерді талқылайтын болады.

Конгрестің бірінші күнінде ҚР ИДМ-нің Жауапты хатшысы пленарлық отырыс барысында қазақстандық тау-кен өнеркәсібінің негізгі бағыттары мен оның даму болашағы туралы хабарлап, халықаралық ұйымдастырушы комитетінің мүшелерін XXV Дүниежүзілік тау-кен конгресін дайындау бойынша Қазақстанда жүргізіліп жатқан жұмыс туралы баяндады.

«KAZNEX INVEST» экспорт және инвестициялар ұлттық агенттігі» АҚ көрме барысында тау-кен-металлургиялық кешеніне, еліміздің инвестициялық саясатына, экспорттық әлеуетіне, сондай-ақ  «ЭКСПО-2017» көрмесіне арналған ұлттық стендты ұсынды.

21 қазанда конгрестің қорытындылары бойынша қазақстандық тарапқа 2018 жылғы 19-22 маусымда Астанада өтетін келесі конгресті өткізу құқығына иелендіретін «май шамын» тапсыру рәсімі жоспарланып отыр.

Ақпарат көзі: strategy2050.kz

0
0
681

Мемлекеттік қызметтегі конкурстан тыс тағайындаулар 25 есе қысқарған – Шаимова

Мемлекеттік қызметте ауыстыру арқылы конкурстан тыс тағайындаулар 25 есе қысқарған, деді ҚР Мемлекеттік қызмет істері және сыбайлас жемқорлыққа қарсы күрес агенттігі төрағасының орынбасары Айгүл Шаимова Орталық коммуникациялар қызметінде өткен «100 нақты қадам» ұлт жоспарының Мемлекеттік аппаратты жаңарту атты І бағытын іске асыру туралы баспасөз конференциясы барысында.

Брифинг барысында Айгүл Шаимова хабарлағандай, «100 нақты қадам» ұлт жоспарының мемлекеттік қызметті жаңартуға қатысты 15 қадамының 11-і орындалған. «Ағымдағы жылдан бастап Қазақстанда меритократия және ашық конкурстық іріктеу қағидаттарына негізделген мемлекеттік қызметтің мансаптық моделі жұмыс істей бастады. Бұл ауыстыру арқылы конкурстан тыс тағайындауларды 25 есе (5300-ден 226-ға дейін) қысқартуға мүмкіндік берді. Енді қызметшілер жоғарғы лауазымдарға конкурс арқылы және төменгі сатыда жұмыс тәжірибесі болған жағдайда ғана тағайындала алады», - деді спикер.

Оның айтуы бойынша, жыл басынан бері мемлекеттік қызметтің бастапқы сатысынан жұмысқа           5 215 азамат (орталық мемлекеттік органдарда – 1984, жергілікті атқарушы органдарда – 3231) кіріскен. Осы жылы мемлекеттік қызметке әр түрлі салалардан үш сатылы іріктеу жүйесінен өткен 1392 адам қабылданған.

«Іріктеу жүйесі заңнаманы білуге арналған тестілеуді, жеке қасиеттерін бағалауды және конкурс жариялаған мемлекеттік органда әңгімелесуден өтуді қамтиды. Бірінші екі кезең Агенттік жүйесінде орталықтандырылған, бұл оның мемлекеттік аппарат қалыптастырудағы рөлін күшейте түсті», - деп атап өтті А. Шаимова.

Бірінші кезеңге келетін болсақ, 2016 жылы заңдарды білуге арналған тестілерді 38 мың адам тапсырып, оның 46%-ы оң баға алған. Бұл көрсеткіш өткен жылғы көрсеткіштен 12%-ға жоғары (2015 жыл - 33,6%).

Жағдай бастапқы көрсеткішті қалыптастыру тәртібін қайта қарау есебінен жақсартылған. Егер бұрын балдар әр заң бойынша қойылған болса, қазір барлық заңдар бойынша ортақ балл қойылады.

Екінші кезең – жеке қасиеттерін бағалау. Бұл үміткерлердің жеке қасиеттері мен қабілеттерін, соның ішінде адамдармен жұмыс істей алуын, олардың ұйымдастырушылық қабілеттерін анықтауға бағытталған тест. Үшінші кезеңде 18,5 мың әңгімелесу өткізілген, олардан 12 мың адам өткен.

Осы ретте, спикердің айтуы бойынша, бірінші рет түскен және іріктеуден сәтті өткен адамдар үшін тәлімгердің бекітілуімен және бейімделу жоспарының құрылуымен 3 ай сынақ мерзімі белгіленген. Осы жылы мұндай сынақтан 2 273 адам өткен.

«Сондай-ақ, осы жылы бірінші рет «Б» корпусының қызметшілерін екі аралық бағалау өткізілген. Ол 64,5 мың мемлекеттік қызметші. Олардың қорытындылары бойынша «өте жақсы» деген бағаны - 10,8%, «тиімді» деген бағаны - 63,2%, «қанағаттанарлық» деген бағаны – 26% және «қанағаттанарлықсыз» деген бағаны 0,01 % алған.

Жыл сайынғы келісім басымдықтарын іске асыруға негізделген «А» корпусының қызметшілерін бағалау ағымдағы жылғы желтоқсанда күтілуде», - деді А.Шаимова.

Ақпарат көзі: strategy2050.kz

0
0
878

Таңғажайып хайуанаттар және олардың мекені. Кіріспе (2)

Малдунның ізбасары Эльфрида Клагг ханым басқа сиқырлы жаратылыстармен жақынырақ байланыстар орнату үмітімен «жаратылыс» ұғымына жаңа анықтама берген. «Жаратылыс» деп ендігәрі адам тілінде сөйлей алатындарды атаймыз», - депті ол. Кеңес мүшелерімен тілдесе алатындардың барлығы келесі жиналысқа шақырылды. Және тағы да қателік кетті. Гоблиндерден бір-екі қарапайым сөйлем үйреніп алған тролльдар қайта келіп, алдындағыдай залды қирата бастады. Бейпілдектер ауыздары жеткен тобықты тістемек болып, орындықтардың астында жортып жүрді. Сонымен қатар аруақтардың үлкен тобы келіп (Малдунның кезінде оларды аяқпен жүрмей, ұшып жүреді деп кіргізбей қойған), «Кеңес тек тірілерді ғана ойлап, өлілердің мұқтаждығын елемейді» деген сөздерімен жұртты жиіркендіріп кетті. Малдунның кезінде «хайуандарға» жатқызылған, ал Клагг ханымның билігінде «жаратылыстар» деп мойындалған кентаврлар Кеңеске қатысудан бас тартты. Өйткені су перілер халқы құрлыққа шыққанда тек өз тілдерінде ғана сөйлей алатын болып, оларды Кеңестен шығару туралы шешім қабылданғанда, кентаврлар бұны әділетсіздік деп көрді.

1811 жылға дейін сиқыршылар қауымының барлығын дерлік қанағаттандыратын анықтаманы ешкім таба алмады. Жаңа тағайындалған министр Гроган Стамп "жаратылыс" ол "сиқырлы қауымдастықтың заң-ережелерін түсініп, оларды ұстану жауапкершілігін мойнына алуға ақыл-ойы жеткілікті кез келген тіршілік иесі" деп тұжырымдады. Тролльдар гоблиндерсіз сұxбатталып, оларға айтылған нәрседен дым да түсінбейтіні анықталған; яғни, олар екі аяқты болғанына қарамастан, "xайуандар" тобына жатқызылды. Су xалқы аудармашылар арқылы "жаратылыстар" қатарына қосылуға алғашқы рет шақырылды. (Тек аруақтар "жаратылыстар" қатарына жатқызылғандарын құрметсіздік деп санап, қарсы шықты, себебі олардың жаратылысы тамамдалып қойған. Сондықтан Стамп Сиқырлы жаратылыстарды бақылау департаментін қазірге дейін сақталып келе жатқан үш бөлімшеге бөлді: Хайуандар бөлімшесі, Жаратылыстар бөлімшесі және Аруақтар бөлімшесі). Елфтер, феялар және гномдар адами кейіптеріне қарамастан үзілді-кесілді "xайуандар" қатарына жатқызылды.

Әрине, мәселе бұнымен шешіліп біткен жоқ. Маглдарды «хайуандарға» жатқызуды көздеген бүлікшілер бар; кентаврлардың «жаратылыс» атағынан бас тартып, қайтадан «хайуандар» қатарына оралғанын білеміз. (Кентаврлар  жезтырнақтар мен қанішерлердің «жаратылыстар» қатарына жатқызылғанына қарсы шығып, өз шаруаларын сиқыршылардан бөлек реттеуді шешті. Біраз жылдардан соң су халқы да солай бөлініп кетті. Сиқыр министрлігі олардың шешімдерін лаж жоқтан қабылдады. Сиқырлы жаратылыстарды бақылау департаментінде Кентаврлармен байланысу басқармасы бар болғанымен, ешбір кентавр онда әлі күнге дейін жүгінбеген. Содан бері «Біреуді Кентаврлар басқармасына жіберу» деген сөз Департамент ішінде әзілге айналған, яғни ол әзіл кімге айтылса, сол адам жұмыстан шығарылмақ дегенді білдіретін). Құбылтектер болса әлі де "Хайуандар" бөлімшесі мен "Жаратылыстар" бөлімшесінің арасында көшіп жүр. Бұл кітаптың жазылу сәтінде Жаратылыстар бөлімшесінде Құбылтектерді қолдау басқармасы бар, ал Хайуандар бөлімшесінде Құбылтектер тізілімі мен Құбылтектерді есепке алу басқармасы бар. Жоғары саналы бірнеше тіршілік иесі өзінің жыртқыш табиғатын бағындара алмайтындықтан "xайуандар" санатына жатқызылған. Акромантулдар мен Мантикорлар саналы сұxбатқа қабілетті болғанмен, кез келген жақындаған адамды жұта салуға дайын. Сфинкс тек жұмбақпен сөйлейді, ал дұрыс жауап алмаса, қаһарына міне бастайды. 
Келесі беттерде біз xайуанаттарды топтастырудағы дәлсіздіктерді талқылауды жалғастыратын болғандықтан, оларға қатысты кіріспе бөлімде айтып кетуді жөн көрдім.
Енді Магизоология туралы сөз болған кезде мыстандар мен сиқыршылардың ең жиі қоятын сұрағына көшейік: бұл xайуанаттарды маглдар неге байқамайды?

 
3
0
744

Қазақстан мен Мажарстан фармацевтикалық зауыт өндірісін кеңейту туралы меморандумға қол қойды

Қазақстан мен Мажарстан 5 млн долларға Қарағандыда түпнұсқалық дәрілік препараттар шығару жөніндегі фармацевтикалық зауыт өндірісін кеңейту бойынша меморандум жасасты, деп хабарлады «Фитохимия» холдингі басқармасының төрағасы Серғазы Адекенов қазақстан-мажарстан бизнес форумы шеңберінде.

«Kaznex Invest» АҚ, «Фитохимия» халықаралық ғылыми-өндірістік холдингі» АҚ және «PannonPharma LTD» мажарстан компаниясы қазақстан-мажарстан бизнес форумы аясында Қарағанды қаласында өсімдік заттары негізінде түпнұсқалық дәрілік препараттар өндірісін ұйымдастыру және кеңейту туралы меморандумға қол қойды.

«Біз бүгінгі таңда дәрілік нысанның 2 млн-ға жуық ампуласын, 150 млн-ға жуық таблетка мен капсула, қатты дәрілік нысандар, түпнұсқалық дәрілік препараттар шығарамыз, бірақ халықаралық, атап айтқанда, PannonPharma LTD-мен ынтымақтастық жасау бойынша еуропалық нарыққа шығу Қарағанды қаласында экстракция бойынша қосымша учаске құрылысын талап етеді, қазір біз өндірісті кеңейту бойынша жұмыс жүргізіп жатырмыз. Бізде субстанция өндірісі болады, ал Еуропа үшін дайын өнім шығарылымы қаптамасын Мажарстандағы «PannonPharma LTD» компаниясы жүзеге асыратын болады. Біз сәуір айынан бастап бірлескен жұмыс бастап, оны келісімшарттық өндіріс бойынша одан әрі жалғастырдық», - деп хабарлады С. Адекенов.

Одан басқа, «арглобин» ісікке қарсы түпнұсқалық қазақстандық препараты да Қарағанды фармацевтикалық зауытында шығарылады, ал еуропалық нарық үшін дайын дәрілік нысандар шығару «PannonPharma LTD» зауытында жүзеге асырылады.

«Қазіргі кезде тәжірибелі партиялар шығарылып жатыр және жақын уақытта ол нарыққа шығу үшін бір жылға жуық уақыт алады деп ойлаймыз. Біз Қазақстаннан экспортқа жұмыс істейміз – бұл қазақстандық түпнұсқалық өнім», - деп атап өтті ол.

Сондай-ақ, елдер арасында «КТZ Ехргеss» АҚ мен «Rail Cargo Hungaria Zrt.» арасындағы халықаралық интермодальдық тасымалдарды дамыту туралы меморандумға, «АБЫЛАЙХАН» компаниялар тобы мен «Лакич» ЖШҚ машина жасау компаниясы арасындағы жел электр станцияларын өндіру және сату туралы келісімге, сондай-ақ, «ОЛИМП» клиникалық-диагностикалық зертханасы мен «77 Электроника» ЖШҚ арасындағы өзара түсіністік туралы меморандумға қол қойылғанын атап өту қажет.

Еске сала кетейік, Астанада Қазақстан Республикасы мен Мажарстанның сауда-экономикалық және инвестициялық ынтымақтастығын жалғастыру мен нығайтуға бағытталған қазақстан-мажарстан бизнес форумы өтуде. Форум шеңберінде қазақстан және мажарстан кәсіпкерлері арасында дәстүрлі екіжақты кездесулер өткізіледі, онда экономиканың фармацевтика, медициналық жабдық, ауыл шаруашылығы, машина жасау, тамақ өнеркәсібі, логистика, АКТ және тағы басқа салаларындағы ынтымақтастық болашағын талқылау жоспарланып отыр.

Ақпарат көзі: strategy2050.kz

0
0
549

Партия комиссиялары «Нұрлы жол» бағдарламасын іске асырудағы негізгі мәселелерді талқылады

«Нұрлы жол» инфрақұрылымды дамытудың мемлекеттік бағдарламасын іске асыру барысына арналған, партия төрағасының бірінші орынбасары Мұхтар Құл-Мұхаммедтің қатысуымен өткен «Нұр Отан» фракциясының кеңейтілген жиналысы барысында депутаттар «Нұрлы жол» бағдарламасын іске асырудағы бірқатар проблемалар мен бұзушылықтар туралы сөз қозғады.

Мемлекет басшысының тапсырмасы бойынша «Нұр Отан» мемлекеттік және үкіметтік бағдарламалардың орындалуының тұрақты мониторингін жүргізеді, солардың ішінде «Нұрлы жол» бағдарламасына ерекше көңіл бөлінеді. Бағдарламаның іске асырылуы ел экономикасына және халықты жұмыспен қамту мәселелеріне едәуір ықпал етеді. Жиналыс барысында «Нұрлы жол» бағдарламасының партиялық мониторингінің аралық нәтижелері айтылды.

Отырыс барысында партия комиссиялары «Нұрлы жол» бағдарламасын іске асырудағы бірқатар проблемаларды анықтағаны белгілі болды. Депутат Омархан Өксікбаев қаржылай көмекті алып, бюджетке салық төлемеген кәсіпкерлерге несие беру фактілері тіркелгенін хабарлады.

«Мұндай 55 жағдайдың орын алғаны белгілі, төлемеу себептері  ретінде компаниялардың қаржылық қиындықтары, ағымдағы қызметтерінің тоқтатылуы көрсетілген. Яғни көмек жұмыс істеу қабілеті жоқ кәсіпорындарға көрсетілген», - деп атап өтті ол.

Депутат Берік Оспанов ТКШ жаңғырту проблемасын көтерді. Атап айтқанда, «Нұрлы жол» бағдарламасы шеңберінде 2016 және 2017 жылдар ішінде 1182 шақырым коммуналдық желі салу жоспарланған. Оның 170 шақырымы - осы жылы, ал 1000-нан астам шақырымы - келесі жылы. Парламент мүшелері құрылысшылардың мұндай үлкен жұмыс көлемін белгіленген мерзімінде орындай алатынына күмәнданды.

Депутат Нұртай Сабильянов партия комиссиясы 8 млрд 900 млн теңге сомасына жеңілдікті несиелердің нысаналы пайдаланылмауы бойынша күрделі бұзушылықтарды анықтағаны туралы ақпарат берді, ал мәжіліс депутаты Серік Құсайынов «Қорғас – Шығыс қақпасы» арнайы экономикалық аймағындағы жағдай туралы айтты, оның құны  83 млрд теңгеден асады, бірақ 17 аяқталмаған жоба орын алады, үш негізгі объектінің тек біреуі ғана жұмыс істейді.

Фракцияның кеңейтілген жиналысында автомобиль магистральдарын дамыту мәселелеріне ерекше көңіл бөлінді. Жолдарға «Нұрлы жол» бағдарламасы бюджетінің жартысына жуығы (2 трлн 400 млрд теңге) бағытталған.

Сонымен бірге, «Орталық-Оңтүстік» жобасы шеңберінде «Астана-Теміртау» учаскесінде жоспарланған 171 шақырымның 12 шақырымы немесе 7%-ы ғана пайдалануға берілген. Осы учаскедегі жұмыстарды аяқтау үшін не бары 3 ай ғана қалған.

Сондай-ақ, жиналыс барысында білім беру, әлеуметтік инфрақұрылым, жалға және несиеге берілетін тұрғын үй құрылысы мәселелері де талқыланды.

Мұхтар Құл-Мұхаммед «Нұр Отан» фракциясының кеңейтілген жиналысын қорытындылай келе, Мемлекет басшысы әлемдік экономиканың өсуінің едәуір бәсеңдеуіне және жаһандық қаржы дағдарысына қарамастан, осы бірегей бағдарламаны іске асыруға едәуір қаражат бөліп жатқанын атап өтті.

«Осы жоба партияның тұрақты мониторингінде болады. Әрбір теңге халық игілігіне жұмсалуы тиіс. Мен барлық партия ұйымдарына және депутат-әріптестерге «Нұр Отан» атынан бұл мәселені қатаң бақылауда ұстауды тапсырамын. Бұл бағдарлама Мемлекет басшысының ерекше бақылауында екенін ұмытпаған жөн», - деп қорытты «Нұр Отан» партиясы төрағасының бірінші орынбасары.

Мәжіліс вице-спикері Гүлмира Исимбаева атап өткендей, фракция жиналысының қорытындылары бойынша «Нұрлы жол» бағдарламасын іске асыру бойынша жүргізіліп жатқан жұмысты жетілдіру үшін Үкіметтің, орталық мемлекеттік және жергілікті атқарушы органдардың, сондай-ақ квазимемлекеттік сектор субъектілерінің мекенжайларына ұсынымдармен қаулы қабылданды.

Ақпарат көзі: strategy2050.kz

0
0
414