Мазмұнға өту

Жаңа

Шекара қызметінде дөңгелек үстел өткізілді

Ағымдағы жылдың 9 қараша күні Қазақстан Республикасы Ұлттық қауіпсіздік комитеті әскери полиция департментінің 11 бөлімі, шекара қызметі әскери бөлімдерінің жеке құрамында сыбайлас жемқорлыққа қарсы саясат және осы саладағы заңнаманы түсіндіру бойынша дөңгелек үстел өтті.

Дөңгелек үстелге Мемлекеттік қызмет істері және сыбайлас жемқорлыққа қарсы іс-қимыл Агентігі Батыс Қазақстан облысы бойынша департаментінің қызметкері Е.Т.Төлепқалиев, ҚР Ұлттық қауіпсіздік комитеті әскери полиция департменті 11 бөлімінің аға анықтаушысы С.Б.Болатов, 2029 әскери бөлімінің жеке құрамы қатысты.

Отырыс барысында Департамент қызметкерімен ҚР 2015-2025 жылдарға арналған сыбайлас жемқорлыққа қарсы Стратегиясының орындалуы, «Сыбайлас жемқорлыққа қарсы іс-қимыл» Заңы, қылмыстық Кодексіндегі өзгерістер туралы баяндама оқылды.

Сонымен бірге, жеке құрамға жемқорлық профилактикасы бағытында және call-center 1424 жұмысы туралы видеороликтер көрсетілді.

   
0
0
455

«Зергірлік бұйымдардың орындаушылар және сатып алушылар назарын аудару»

 

2016 жылдың 6 ақпаннан Қазақстан Республикасының «Бағалы металдар мен асыл тастар туралы» Заңы (2016 жылғы 14 қаңтардағы № 444-V ҚРЗ) (бұдан әрі – Заң) бағалы тастар мен бағалы металдарды асыл тастармен, зергерлік және басқа да бұйымдарға (бұдан әрі – зергерлік және басқа да бұйымдар) операцияларды саласындағы реттейтін қатынастары күшіне енгізілді. Осы Заң бағалы металдарды өндіру және бағалы металдар мен асыл тастардың, құрамында бағалы металдар бар шикізат тауарларының, бағалы металдар мен асыл тастардан жасалған зергерлік және басқа да бұйымдардың айналымы саласында туындайтын қоғамдық қатынастарды реттейді.

Заңның талаптарын орындау мақсатында 2016 жылдың 17 шілдесінен «Атаулы таңбаны уәкілетті ұйымда міндетті тіркеу және уәкілетті органға тіркелген атаулы таңбалар туралы мәліметтерді ұсыну қағидаларын бекіту туралы» (Қазақстан Республикасы Инвестициялар және даму министрінің 2016 жылғы 29 наурыздағы № 299 бұйрығы) және «Асыл тастарға, бағалы металдар мен асыл тастардан жасалған зергерлік және басқа да бұйымдарға сараптама жүргізу қағидаларын бекіту туралы» (Қазақстан Республикасы Инвестициялар және даму министрінің 2016 жылғы 28 сәуірдегі № 401 бұйрығы) күшіне енгізілді.

Зергерлік бұйымдарды сатып алған кезде назарларыңызды бұйымда Қазақстан Республикасының рәмізі «Барыс басы» бірегей сынама таңбасы, және «КZ» Қазақстанның халықаралық аббревиатурасын бейнесі болуы тиіс. Егер, осы талаптар бұйымда болмаса, бұйым заңсыз өндірілген тауар болып есептеледі.

Заңын 7 бап 4 тармағына сәйкес, Бағалы металдар мен асыл тастарды, зергерлік және басқа да бұйымдарды, құрамында бағалы металдар бар шикізат тауарларын Еуразиялық экономикалық одаққа кірмейтін елдерден Қазақстан Республикасының аумағына әкелуді және Қазақстан Республикасының аумағынан осы елдерге әкетуді жүзеге асыру үшін дара кәсіпкерлер мен заңды тұлғалар өз қызметінің басталғаны немесе тоқтатылғаны туралы «Рұқсаттар және хабарламалар туралы» Қазақстан Республикасының Заңында белгіленген тәртіппен уәкілетті органға хабар беруге міндетті. Бағалы металдар мен асыл тастарды, зергерлік және басқа да бұйымдарды, құрамында бағалы металдар бар шикізат тауарларын Еуразиялық экономикалық одаққа кірмейтін елдерден Қазақстан Республикасының аумағына әкелуді және Қазақстан Республикасының аумағынан осы елдерге әкетуді жүзеге асыру үшін дара кәсіпкерлер мен заңды тұлғалар өз қызметінің басталғаны немесе тоқтатылғаны туралы «Рұқсаттар және хабарламалар туралы» Қазақстан Республикасының Заңында (2014 жылғы 16 мамырдағы № 202-V ҚРЗ) белгіленген тәртіппен уәкілетті органға хабар беруге міндетті. Қызметтің басталғаны туралы хабарлама негізінде Заңның нормасында,аталған тұлғаларға уәкілетті орган Комитеттің аумақтық департаментімен арнайы есепке қойылғаны туралы құжат береді.

Мемлекеттік бақылау, зергерлік және басқа да бұйымдарды өткізу саласында тексеріс формасы Қазақстан Республикасының Кәсіпкерлік кодексіннің 6 мақаласына сәйкес және бекітілген тәуекел дәрежесін бағалау.

Заңның талаптарын бұзушылығы әкімшілік жаупакершілікке жатады және әкімшілік бұзушылық Кодексімен қарастырылады:

- Бап 190-1 - бағалы металдар мен асыл тастардан жасалған зергерлік және басқа да бұйымдарды өндіру субъектісі өздері өндірген бағалы металдар мен асыл тастардан жасалған зергерлік және басқа да бұйымдарға қоятын сынамалау таңбасынсыз, сондай-ақ атаулы таңба бедерінсіз бағалы металдар мен асыл тастардан жасалған зергерлік және басқа да бұйымдарды өткізу түрінде жасалған бұзушылық елуден жүз елу есептік көрсеткіш мөлшерінде айыппұл салуға әкеп соғады. - Бап 297-1 - Қазақстан Республикасының заңнамасын бұза отырып, бағалы металдарды, асыл тастарды, құрамында бағалы металдар бар шикізат тауарларын, бағалы металдар мен асыл тастардан жасалған зергерлік және басқа да бұйымдарды Қазақстан Республикасының аумағына әкелу және Қазақстан Республикасының аумағынан әкету – отыздан бір мың айлық есептік көрсеткіш мөлшерінде айыппұл салуға әкеп соғады.

Жоғарыда айтылғандарды ескере отырып, көзделген шаралардың мақсатында зергерлік бұйымдарды нарығын дұрыстатады және адал кәсіпкерлерді қолдайтын болады, сондай-ақ Қазақстан Республикасында зергерлік саласының дамуына өз үлесін қосады.

«ҚР ИДМ Техникалық реттеу және

метрология Комитетінің Павлодар облысы

бойынша департаменті» РММ

Бөлімнің басшысы К.Е. Кәрімова

 
0
0
636

XII Ұлттық Дельфий ойындарының жеңімпаздары оралды

Бүгін Жастар бастамаларын дамыту орталығында XXII Ұлттық Дельфий ойындарының жеңімпаздарымен пресс- брифингі өтті.

Қазақстан Республикасы тәуелсіздігінің 25 жылдығына орай  1-5 қараша күндері Степногорск қаласында  ХІІ ұлттық дельфи ойындары өтті.  Дельфи ойындары – талай жас талантарды бір арнаға тоғыстырып, классикадан бастап қазіргі заманға дейінгі өнердің барлық түрін қамтитын байқау.  Байқау мақсат – талантты жастарды насихат­тау, мәдени әлеуетті сақтап, дамыту, мәдениет пен өнердің озық үлгілерінде тәрбиелеу, жастар шығармашылық ұжымдарының кәсіби деңгейлерін арттыру. Аталмыш жарысқа  жастар 19 аталым бойынша сынға түскен. Олар: Фортепиано, Скрипка, Баян/ Аккордеон, Ұлттық аспаптар (Домбыра, Прима-қобыз, қыл-қобыз), академиялық ән айту, дәстүрлі ән айту, халық биі, заманауи би, фотосурет, тележурналистика, қысқаметражды кино-бейнероликтер, өнертапқыш, киім дизайны, сәндік-қолданбалы өнер, ыммен ән орындау шеберлігі, ди-джей.

Дельфийлік ойындар біздің эрамызға дейін, 582 жылы  Овидия және Плутарха заманында басталған. Бұл ежелгі ұлы антикалық бәйгелердің шығу тегі мен дамуына анық жауап жоқ. Дегенмен, 1600 жыл бұрын бұл ойынның өткізілуіне тыйым салынған. Жүздеген жылдарды артқа тастап қана ежелгі дәстүр жаңарып ойын қайта Грекия мемлекетінде өте бастады.

Дельфий ойындарының Жаңа кезеңі 1994 жылы Халықаралық Дельфилік кеңес құрылған кезде басталды. 19 елдің өкілдері штаб – пәтері Берлинде орналасқан, халықаралық үкіметтік емес ұйым ашуды шешті. Кейінгі жылдары әлемнің көптеген елдерінде ұлттық Дельфиилік кеңестер құрылды.  Ал, 2000 жылы 27 мемлекеттің өкілдерінің қатысуымен Мәскеу қаласында бірінші Бүкіләлемдік  Дельфий ойындары өтті. Ол ойында 18 аталым бойынша 938 адам  бағын сынады. 2005  жылдың маусым айында Қазақстанның Дельфиилік комитеті заңды тіркеуден өтті.

Павлодар өңірінен қатысқан өнерпаздар екі алтын бір қолаға қол жеткізді. Олар: Тұрсынбаева Сая «Қобыз» номинациясында алтынды қанжығасына байласа,  «Баян/аккордеон» номинациясында  Абай Мадияр тағы бір алтынға қол жеткізді.  «Джем» заманауи би тобы болса қола медалдерге қол жеткізді.


     
0
0
996

Н.Нығматулин: Үш жылдық бюджет Елбасының мемлекетімізді әлеуметтік жаңғырту жолындағы маңызды тапсырмаларын орындауға бағытталған

Мәжіліс Төрағасы Нұрлан Нығматулиннің төрағалығымен өткен жалпы отырыста Мәжіліс еліміздің бас қаржы құжаты - «2017-2019 жылдарға арналған республикалық бюджет туралы» заң жобасын мақұлдады.

Жалпы отырысқа Премьер-Министр Б.Сағынтаев пен басқа да Үкімет мүшелері қатысты.

Мәжілісте хабарлағандай, біраз уақытқа созылған талқылаудан кейін Мәжіліс Спикері депутаттар тарапынан мақұлданған алдағы үш жылдық бюджет жобасының Елбасымыз Нұрсұлтан Әбішұлы Назарбаевтың мемлекетімізді әлеуметтік жаңғырту бағытын толықтай қамтығандығын атап өтті.

Одан әрі Парламенттің, Үкіметтің, Есеп комитетінің бюджеттік көрсеткіштерге қол жеткізуді бақылауды бірлесе қамтамасыз ету керектігін алға тарта келіп, Н. Нығматулин: «Бұл еліміздің негізгі қаржы құжаты. Оны толықтай орындау Үкіметтің, Парламенттің басты міндеті. Сондықтан, ендігі жылы Парламентте біз бюджеттің орындалу нәтижесін қарайтын боламыз»,-деді.

Республикалық бюджеттің жобасы республикалық және облыстық бюджеттер, республикалық маңызы бар қала, астана бюджеттері арасындағы жалпы сипаттағы трансферттердің көлемдері мен Ұлттық қордан бөлінетін кепілдендірілген трансферт туралы заңдардың жобаларымен үндестірілген.

Осы ретте, 2017 жылға арналған республикалық бюджет кірістерінің болжамы (трансферттердің түсімдерін есепке алмағанда) 4 338 млрд. теңге сомасында айқындалды немесе 138,1 млрд немесе 138,1 млрд. теңгеге артық орындала отырып, ағымдағы жылғы бағалауға қатысты 103,3 %-ды құрайды.  2018 жылға арналған республикалық бюджет кірістерінің болжамы 4 562,3 млрд. теңге сомасында немесе 2017 жылдың болжамына қарағанда 224 млрд. теңгеге немесе 5,2 %-ға өсе отырып,  2019  жылға – 2018  жылға қарағанда 314,9 млрд. теңгеге немесе 6,9 %-ға өсе отырып, 4 877,2 млрд. теңге сомасында белгіленген.

Ал, шығыстардың жалпы көлемі 2017 жылы –8 564 млрд. теңге, 2018 жылы – 8 370,6 млрд. теңге, 2019 жылы  8 751,2 млрд. теңге сомасында жоспарланып отыр.

Мемлекет басшысының берген тапсырмаларын ескере отырып, экономикалық өсу мен өнімді жұмыспен қамтуды қамтамасыз ету мақсатында 2017 – 2019 жылдарға арналған республикалық бюджет жобасы шығыстарының негізгі басымдықтары болып аграрлық секторды үдемелі дамыту, индустрияландыру мен шағын және орта бизнесті дамыту, көлік инфрақұрылымы мен әлеуметтік саланы дамыту көзделген.

Мемлекеттің әлеуметтік міндеттемелерін орындауға арналған шығыстар толық көлемде қарастырылып, инфляцияның болжанатын деңгейінен 2%-ға оза отырып, зейнетақы төлемдерін ұлғайту қағидаты сақталды.

Ақпарат көзі: strategy2050.kz

 
0
0
661

Мәжіліс 2017-2019 жылдарға арналған республикалық бюджет туралы заң жобасын мақұлдады

Бүгін Мәжілісте «2017-2019 жылдарға арналған республикалық бюджет туралы» заңының жобасы мақұлданды.

«2017-2019 жылдарға арналған республикалық бюджет туралы» заңының жобасы 2021 жылға дейінгі экономиканың даму болжамына сәйкес алдағы үш жылдыққа арналған елдің әлеуметтік және экономикалық саясатын іске асырудың негізгі бағыттарын көрсетеді.

«Бүгін қабылданған  үш жылдық бюджет жобасы Президенттің барлық тапсырмаларын орындауға  жәрдемдеседі. Тура бір ай бұрын Елбасы  Үкіметтің кеңейтілген отырысында  үкімет алдына  жаңа міндеттер қойып, негізгі басымдылықтарды анықтап,  жақын арада бірнеше бағдарлама дайындауды тапсырды. Оның ішінде  ШОБ-қа өзін-өзі жұмыспен қамтығандарды  тарту бойынша арнайы бағдарлама –  ол 2017-2021 жылдарға арналған  АӨК-ні жаңғыртудың жаңа  бағдарламасы, «Нұрлы жер» бағдарламасы. Біз аталмыш бағдарламаларды жүзеге асыру бойынша негізгі әдістерді дайындап қойдық», - деді Премьер-Министр Бақытжан Сағынтаев.

Республикалық бюджет кiрiстерiне келсек, 2017 жылы 138,1 млрд теңгеге немесе 3,3 пайызға артып, 4 338,2 млрд теңгеге жетті. Бұл көрсеткiш 2018 жылы – 4 562,3 млрд, 2019 жылы – 4 877,2 млрд теңге болады.

Республикалық бюджет шығыстары 2017 жылы 8 564,4 млрд теңге немесе жалпы iшкi өнiмнің 17,7 пайызы. 2018 жылы 8 370,6 млрд теңге немесе жалпы iшкi өнiмнің 16,2 пайызы, 2019 жылы 8 751,2 млрд теңге немесе жалпы iшкi өнiмнің 15,8 пайызы. Республикалық бюджет жобасында әлеуметтiк салаға арналған жалпы шығыстар 11 662,3 млрд теңгенi, оның iшiнде 2017 жылы 3 567,3 млрд теңгенi құрайды.

2017 жылға арналған республикалық бюджет шығыстарының жалпы көлемiне қарағанда әлеуметтiк блок 41,7 пайызды құрайды. Яғни, бюджет жобасы барлық әлеуметтiк мiндеттемелердi, сондай-ақ азаматтарды әлеуметтiк қолдау бойынша бiрқатар жаңа шараны орындауды қамтамасыз етедi. 2018 жылы 42,8 млрд теңге, 2019 жылы – жыл сайын 1,4 млн адамды қамтып, 45 млрд теңге шығыстарымен жаңа форматта атаулы әлеуметтiк көмек енгiзу.

Әлеуметтiк осал топтарға берiлетiн мемлекеттiк әлеуметтiк жәрдемақы мөлшерi 15,6 пайызға көтерiледі, осы мақсаттарға қосымша қажеттiлiк 2018 жылы 29,3 млрд теңгенi, 2019 жылы 31,3 млрд теңгенi құрайды.

Ұлттық қордан кепілдендірілген трансферт үш жылға 2 880,0 млрд. теңге немесе қолданыстағы тұжырымдамаға сәйкес оны қалыптастыру және пайдалану 8 млрд. АҚШ доллары мөлшерінде айқындалды.

Ұлттық қордан нысаналы трансферт 2017 жылы 441,6 млрд. теңгені (1,2 млрд АҚШ долларын) құрайды, ол 720 млрд. теңге (2 млрд. АҚШ доллары) сомада Ұлттық қорды басқару кеңесі бұрын мақұлдаған көлемінен 278,4 млрд. теңгеге азайтылған.

Ақпарат көзі: strategy2050.kz

0
0
640

Сыбайлас жемқорлық тақырыбына арналған карикатуралар конкурсы

2016 жылдың 7 қарашасы күні «Нұр Отан» партисы «Сыбайлас жемқорлықсыз ел – өркендеуші ел» жобасын іске асыру шеңберінде Сыбайлас жемқорлық тақырыбында облыстық карикатуралар конкурсының қорытындысы шығарылды.

Конкурстың басты мақсаты сыбайлас жемқорлыққа қарсы бағытталған карикатуралар салу арқылы халықты сыбайлас жемқорлыққа қарсы тәрбиелеу мен құқықтық мәдениетін жоғарылату, ҚР іске асырылатын сыбайлас жемқорлыққа қарсы мемлекеттік саясатты насихаттау, қоғамда сыбайлас жемқорлық көріністеріне «мүлдем төзбеушілік» қағидатын қалыптастыру болып табылады.

Аталмыш шараның комиссия мүшесі ретінде департамент тарапынан Нұртазин Мирболат Сүйеуұлы қатынсты.

Конкурыс ережесіне сәйкес жеңімпаздар облыстық БАҚ беттері мен «Нұр Отан» партиясының сайтында орналастырылады.

 
0
0
626

Үш тілдік білім

Білім министрлігінін мақсаты бүкіл әлемдік тілді қазақ баласына үйрету. Қазақ халкы басқа елдерден кем болмас үшын. Қазыр енды министрлер ауысты, жаңа қадағалау мәнерімен, тіл енгізіп ол тілдін мақсатын анықтап, елге белгілі мақсатпен еңгізбекшы. Мақсат: елды жаңа даму сатысына көтеріп, әлем тілін тек байланыс құралы ретынде пайдалану. Ойткені, қазіргі өзгерістер заманында, экологиялық ахуал күрделеніп, көші-қон үдерісі күшейген, адамдардың денсаулығы төмендеп, отбасы құрылымы өзгерген, шиеленіс пен лаңкестік актілер көбейген, ақпараттық технологиялар жаппай таралып, еңбек нарығы жаңа дағдыларды талап етіп жатқан заманда аталған жобаны іске асыру жоғары жауапкершілікті талап етеді. Осындай сын-тегеуріндерге уақытта төтеп беру үшін білім беру саласын барынша даяр болуы тиіс. Қоғамымыз бен экономикамызға бүгін ғана емес, алдағы да қажет болатын дағдыларды балалардың бойында дамыту мақсатында білім беру бағдарламаларын жетілдіру қажет етеді. Соның бірі үш тілдік білім.

 
0
0
731

Форма мәселесі

Формада жүрген оқушылар өзге адамдардан өзгеше ретті тұратындықтан,бейне мемілекет қызметкерлері секілді жат ниетті қылмыскерлер адамдардың сеніміне су себеді. Мектеп формасын сақтаудың және бір пайдасы мектеп оқушылларына жұғысуына кедергі келтіреді. Яғни, тез көзге түседі. Формада жүрген оқушыларға бүкіл дүние жүзі қызыға да,тамсана да қарайды. Өте жарасымды,өте көркем. Хиджап мәселесіне әлі ерте, ол үшін мемілекет діні ретінде мұсылман діні қабылдануы тиіс және бүкіл мектеп формасы сол қазақи хиджап формасына өтуге тиіс, ал қазіргідей кішкентай қызды кемпір секілді көрсететін жалған намысқойлықтың көрінісі іспетті формалардың керегі жоқ шығар. Адамның ары да,тақуалығы да киімде дейтін көзғарас жоғалады болашақта. Мектеп өмірі де адам өмірі секілді өте қысқа сол бір бақытты шақтың куәсі іспетті мектеп формасы біркелкі, арнайы болса есте калғаны.

 
0
0
375

Қазақ тілі мәртебесі

Қазақ тілі мәртебесі күннен күнге көтеріліп келеді. Еліміздің құндылығы ол тіліміз, дініміз, жеріміз, егемендігіміз, елдің ауыз біршілігі, осы аталмыш құндылықтарды сақтап келеміз. Тілімізді жоғалтпадық және жоғалту мүлдем мақсатта жоқ. Бұл жайт ескеріле отырып елімізде 3 тілдік білім алу стратегиясы ұстанып келеді. Қазақ тілі – үш тілдің біреуі болып қалмайды. Үш тілдің біріншісі, негізгісі, бастысы, маңыздысы бола береді. Қазақ тілі – біздің рухани негізіміз. Біздің міндетіміз – оны барлық салада белсенді қолданып, дамыту. Ал мемлекет өз тарапынан тілді дамытуға барынша қажетті жағдай жасауда. Соның ішінде мемлекеттік тілді оқытуға негізгі мектептің оқу жоспарында аптасына 5 сағат берілуі – осының бір айғағы. Сондай-ақ мемлекеттік тілді ұсынудағы білім мазмұны мен оны оқыту технологиясы да өзгертілді. Білім мазмұны да оны оқыту әдістері де халықаралық стандарттарға, технологияларға жақындатылып, теориядан тәжірибелік сөйлеу әрекеттеріне көшіріліп, жеңілдетілген, бейнелік, креативтік сипатқа келтірілуде.

0
0
1831

Бізге қандай мамандар қажет?

Биыл еліміздегі жалпы орта мектептерді 86 999 түлек тәмамдады. Оның ішінде 84 079 бітіруші ҰБТ-ны сәтті тапсырып шықты. Яғни, осынша жас талапкер өз жолдарын таңдап, болашақ ел мүддесі үшін білім алуға бет бұрмақ. Маңызды қадам жасау кезінде мамандық таңдау    мәселесі бірінші кезекте екені сөзсіз. Жастарға бағыт-бағдар беруде ата-ана мен ұстаздар қауымының атқарар қызметі зор. Таңдауды қалай жасау керек? Елімізде қандай мамандар тапшы? Сарапшы мамандар даярлаған тізімді болашаққа қадам басқан жастардың бір кәдесіне жарап қалар деген оймен ұсынып отырмыз.

Сонымен, болашақта қандай мамандарға сұраныс бар?

Бүгінгі күні әлемдік сарапшылар болашақта қажет етілетін 10 мамандықтың тізімін жасады. Мамандық таңдау сатысында тұрған жастар үшін мұны біліп жүрудің де маңызы бар.

Инженерлер

Қазірдің өзінде көп елдерде мықты инженерлердің жетіспеушілігі байқалады. Елдегі өндіріс пен техника саласының дамуында бұл мамандардың орны ерекше.

IT (ақпараттық технологиялар) саласының мамандары

Әрине, бұл саланың қызметкерлері тамырын тереңге жайып үлгерді. Бірақ, бұл болашақта IT саласының мамандары керексіз болады деген сөз емес. Өйткені, күнделікті өміріміз ақпараттық технологияларға барынша бейімделіп жатқан соң бұл мамандар қанша көп болса, сонша жақсы болып тұр.

Нанотехнология саласының мамандары

Әлемдік мамандардың болжауынша нанотехнология саласы болашақта ғарыш, машина жасау, тамақ өндірісі, медицина сияқты ірі салаларда үлкен рөл атқаратын болады.

Электроника және биотехнология мамандары

Бұл салалардың әлемдік кеңістікте өзіндік үлкен орны бар. Болашақта жаңа қуат көздері, электроникалық жаңалықтар мен жүйелер, молекулярлық медицинада өз еңбегін сіңіргісі келетін жастарға қажетті мамандық деп айтуға әбден болады.

Маркетологтар

Маркетологтар басқару, бизнес, шаруашылық, тіпті мемлекеттік жүйеге де өте қажетті болған. Бүгінгі күні де сұранысқа ие және бола бермек. Болашақта өндіруші мен тұтынушының ортасындағы ортақ көзқарастармен тығыз жұмыс жасап жетістікке жетуде бұл мамандардың ерекше орны болатыны сөзсіз.

Қызмет көрсету бойынша мамандар

Адам баласы күннен күнге көбеюде, елдердің жағдайы жақсаруда. Уақыт өткен сайын қызмет көрсету бойынша сапаның жақсарғаны олар үшін ең басты дүниелердің бірі. Ба- тыс елдері мен АҚШ-тың өмір сүру қалпына қарап бұл мамандық иелеріне деген сұраныстың күн сайын артып жатқанын ұғуға болады.

Логистика мамандары

Мемлекетті әлемдік нарықпен интеграция жасауда бұл мамандардың қажеттілігі айқын көрінеді. Өнімдерді шетелге шығару мен ішке кіргізуде, халықаралық және ішкі тұтынушыларды іздеуді жоғарғы сапада атқаратын мамандар тапшы болғандықтан, дәл қазір әлемдік нарыққа шығуда осал тұстарымыздың жоқ еместігін жасырудың қажеті жоқ.

Экологтар

Қалалар көркейіп, өндірістер көбейген сайын өте ауқымды экологиялық мәселелер пайда болатыны рас. Оларды шешу үшін жоғарғы дәрежелі мамандар да қажет-ақ. Үлкен қалалардағы кептелістер секілді тағы да басқа мәселелерде экологтардың жоғары үлесі болады деп күтілуде.

Дәрігерлер

Адам баласы кез келген уақытта медицинаға жүгінеді. Бұл процесc тіршілік біткенше жалғасатыны сөзсіз. Әсіресе, «сауатты» дәрігерлердің сұранысқа ие екендігін еске саламыз.

Химиктер

Әрине, мұнай сарқылатын өндіріс көзі болғандықтан, болашақтағы химиктердің негізгі міндеті алтернативті өндіріс пен энергия көздерін табу болып тұр. Бірақ қазірдің өзінде жақсы химиктеріміз тапшы болғандықтан мұнайды өз ішімізде өндіре алмай отырмыз.

Ел болған соң кез-келген маман иесі маңызды. Ең бастысы білікті маман болса, қай кезде де сұранысқа ие. Сәйкесінше, үш университет бітірсе де мамандығын жарытпайтындар «Дипломың болса да жұмысқа алмайды» деп сылтау іздейді.

Қазақ еліне қажет мамандықтар

Сарапшы мамандардың пікірінше бүгінде елімізде маркетолог, web-дизайнер, химик, ақпараттық технолог, өнеркәсіп саласының мамандары жетіспейді. Ал астроном, астрофизик сынды ғарыш саласының мамандары мен механик, геодезист картогроф, сынды мамандарға еліміз аса зәру. Бұл мамандықтарды таңдаушылар қатары жоқтың қасы, сәйкесінше қажеттілік жыл санап артып келеді.
Қазіргі таңда заманауи технологиялардың сан түрі шығарылуда. Ғажайып ғарыш әлемін де адамзат баласы зерттеу үстінде.  Яғни төрткүл дүние техникаға телмірген заман болды. Осыған байланысты еліміз экономиканың басты бағдары болып отырған мұнай-газ және энергетикалық салаға ерекше назар аударып отыр. Бірақ бұл мамандыққа деген сұраныстың артуы жоғары болғанымен, оған жастардың қызығушылығы төмен.

2016 жылғы ең көп сұранысқа ие мамандықтардың қатарына жалпы практика дәрігері, терапевтер, акушер-гинекологтар, анестезиолог, реаниматолог, балалар дәрігері еніп отыр. Биылғы статистикалық мәліметтер бойынша қалалық медициналық мекемелерге 154 жалпы практика дәрігері қажет болса, ауылдарда 147 маманның орны бос тұр. Қалалық жерлерде 140 терапевт  жетіспесе, ауылға 68 маман керек. Сондай-ақ, әйелдер денсаулығына жауап беретін 124 маман қала мекемелеріне, 79 маман ауыл мекемелеріне керек. Қалалар бойынша 140, ауылдарда  44 анестезиолог маманы жетіспейді. Қалалық мекемелерде 114 балалар дәрігерінің, ауылда 38 дәрігердің орны бос тұрған көрінеді. Сонымен қатар, ауыл шаруашылығы, мал шаруашылығы секілді салаларға да жас мамандардың аса қажет екенін көріп жүрміз. Әсіресе, ауылдық аймақтарда мұндай мамандарға сұраныс жоғары. Жас мамандардың ауылдарға барып жұмыс істеуіне мемлекет тарапынан да қолдаулар көп. Бүгінде оқу бітірген жас маман мемлекеттік бағдарламалар арқылы тәжірибе жолын ауылдан бастай алады.

 

Кім болам?

«Кім болам?» деген сауал кез келген жеткіншектің көкейінен орын алады. Мамандардың айтуынша, ен­ді он жылдан кейін мал шаруашылығы мен аграрлық шаруашылықтың тізгінін ұстар маман таппай қалуымыз мүмкін. Ал біздегі жоғары оқу орындарында заман тала­бы­на сай қаржы, кеден, салық саласының ма­­ман­дары даярлануда. Бұл мамандықты таңдайтындар саны артып, бір орынға 30 адамнан таласып жүр. Ал, шындап келгенде, еліміз мұн­дай мамандарға зәру емес. Осы орайда қажеттілік туындатқан кәсіпке икемделіп кеткен абзал.

Ерте заманда аң­шылық та кәсіп болған. Қазір бұл аң аулауға қы­зығушылардың хоббиіне ай­налды. Сол секілді келешекте екінші кезекке ысырылатын ма­ман­дықтар да бар. Бұл жөнінде мамандар: «Мә­селен, биржа маклерлерi, көлiк сату­шы дилерлер, пошташылар, сақтандыру агент­терi және қозғалмайтын мүлiк жөнiн­дегi агенттердің қажеттілігі азаяды» дейді. Бұ­лардың қызметін интернет тез әрі тиімді ат­қара алады. Әлемдік өркениеттің бәрі тек адам еңбегінің жемісі екенін ешкім жоққа шығармайды.  Біздің міндет - қоғамға лайықты қызмет ету. Оқыған мамандығымызбен жұмысқа орналаса алмай, әр есікке телміріп жүрмес үшін мамандыққа деген көзқарасымызды өзгерткен абзал. Яғни, мамандық дегеніміздің сән еместігін, оның біздің өмірімізде, ел экономикасының дамуында маңызды рөл атқаратындығын жадымызда ұстаған жөн.

0
0
24729