«Алдаспан» ақындар клубы Алаш сыйлығының иегерімен кездесу өткізді
Бүгін Павлодар облысы «Жастар бастамаларын дамыту орталығы» КММ-сі және «Алдаспан» жас ақындар клубының мұрындық болуымен шындықтан туған шынайы поэзияның иесі, қазақ поэзиясына өзгеше рең, өшпес бояу беріп, тірі аңызға айналған ақын, Алаш Халықаралық сыйлығының иегері Арман Қани Бақтанұлына арналған «Егіз дүние» атты жыр кеші өтті. Әдеби кешке өңірдің әдебиет майталмандары, Арман Бақтанұлы оқыған Ы.Алтынсарин атындағы дарынды балаларға арналған гимназия шәкітттері, ЖОО және колледж студенттері қатысты. Арман Қани Бақтанұлы жақында Кереку өлкесінің әдебиет өкілдерінің арасында тұңғыш болып «Сен және мен» кітабы үшін Халықаралық Алащ әдеби сыйлығын алған болатын. Шара «Жастар бастамаларын дамыту орталығы» КММ-сі директоры орынбасары С.Б.Жүсіпбаевтың құттықтау сөзімен басталып, Орталық атын…