Жаңа

Алматыдағы бір балабақшада бүлдіршін басқа балалардан таяқ жеп, ауруханаға түсіп қалған еді. Енді оның ата-анасының полицияға шағымданғаны мәлім болды.

Алматыдағы балабақшалардың бірінде бүлдіршінді ұрып-соққан балалардың ата-анасы мен мекеме қызметкерлері жауапқа тартылуы мүмкін. 

Алматы қалалық Полиция департаментінің мәліметінше, аяусыз соққыға жығылған баланың ата-анасынан полицияға арыз түсті. 

«3 жастағы баланың ата-анасының арызы бойынша Жетісу аудандық полиция басқармасы тексеру жұмыстарын жүргізді. Балабақша қызметкерлерін, сондай-ақ балалардың ата-аналарын жауапкершілікке тарту мәселесі шешілуде», - деп хабарлады Алматы қалалық полиция департаментінің баспасөз қызметінен.

Kaz.inform.kz осылай деп хабарлап отыр.

Ал біз бұл туралы осылай жаздық.

Алматыдағы балабақшада бақылау камерасына түсіп қалған видео жұрттың жағасын ұстатты. Онда бір бүлдіршінді басқалары ұрып, тепкілеп жатыр.

Таяқ жеген баланың ата-анасының айтуынша, бұл жағдай 21 ақпанда болған.

«Біздің ұлымызды балалар аяусыз ұрып-соғып жатыр. Бұл жағдай үздіксіз 5 минуттай болды. Тәрбиеші жоқ. Ол өз шаруасымен кетіпті. Баламыздың миы шайқалып, ауруханаға жатып қалды», – деп жазады бейнежазбаны әлеуметтік желіге жолдаған ата-ана.  

Осыдан кейін тәрбиешіге қатаң сөгіс берілген. Осындайға жол бергені үшін оның барынша жазаланғаны дұрыс, әрине.

Бірақ бұл жерде басқа да мәселе бар. Құйтақандай балалар неге қатыгез болып кеткен? Үйдегі тәрбиеден бе, ғаламтордағы видеодан ба?  

Бейнежазбаны мына жерден көруе болады.

Елімізде жыл басынан бері коммуналдық қызметтердің тарифі орташа 20-25 пайыз өскен. Бүгін Ұлттық экномика министрінің бірінші орынбасары Тимур Жақсылықов бұл салада неге қымбатшылық болып жатқанын түсіндірді.

Оның айтуынша, негізі, баға қызмет саласына, аймақтарға қарай әртүрлі болып тұр.

«Кей тариф көбірек, кей тариф азырақ өседі. Кей өңірде көбірек, кей өңірде азырақ өседі. Егер бізге дені дұрыс сумен қамту жүйесі, дені дұрыс жылу жүйесі, сенімді энергетика жүйесі қажет болса, біз оған ақша салуымыз керек. Әрине, тариф өсе береді. Бірақ оның қаншалықты қарқында болатынын мен айта алмаймын», – деді Тимур Жақсылықов.

Бүгін Алматыда сағат 10:00-де дабыл қағылған еді. Мұны төтенше жағдай қызметінің өкілдері жер сілкінісіне қарсы жаттығу деп кеше ескертті.

Коллаж: Ulysmedia

Қызық болғанда, содан кейін 8 миут өткенде Алматыда шынымен жер сілкінісі тіркелді ғой.

"ҚР ТЖМ "Сейсмологиялық бақылаулар және зерттеулер ұлттық ғылыми орталығы" ЖШС сейсмикалық станциялар желісімен 23 ақпанда 10 сағ. 08 мин. 33 сек. жер сілкінісі тіркелді, эпицентрі Алматы қаласынан оңтүстік-шығысқа қарай 259 шақырым жерде орналасқан Қытай аумағында - афтершок.

Сезгіштігі туралы мәліметтер: Алматы қаласында 2 балл. Зардап шеккендер мен қиратулар туралы ақпарат болған жоқ.
Жағдай тұрақты.
ТЖМ азаматтарға сабыр сақтап, дүрбелеңге берілмеуге кеңес береді", - деп жазды @press_TJM.

Армения Ұжымдық қауіпсіздік шарты ұйымына (ҰҚШҰ) мүшелігін уақытша тоқтатты. Бұл туралы France 24 агенттігіне сілтеме жасап ҚазТАГ хабарлады.

Фото: overclockers.ru

Армения премьер-министрі Никол Пашиян аталған агенттікке берген сұхбатында бұл ұйымның өз еліне қатысты дұрыс әрекет жасамай отырғанын айтқан.

«Біздіңше, Арменияға қатысты ұжымдық қауіпсіздік шарты орындалған жоқ. Әсіресе, 2021-2022 жылдары. Бұған біз бей-жай қарай алмадық. Сөйтіп, осы шартқа қатысуды уақытша тоқаттық. Ары қарай не боларын көрерміз», – деді Пашинян.

Ал «Армениядағы Ресей әскери базасы жабылуы мүмкін бе?» деген сұраққа ол «бұл жайында әңгіме болған жоқ» деп жауап берді.

Айта кетейік, ҰҚШҰ құрамына Армениядан бөлек Қазақстан, Қырғызстан, Тәжікстан, Беларусь және Ресей кіреді.  

23 ақпан сағат 09:30-дағы жағдай бойынша ауа-райының қолайсыздығына байланысты 3 облыста республикалық маңызы бар 3 автожолда көлік қозғалысына шектеу енгізілді.Фото: ҚазАвтоЖолЖетісу облысында - жалпы ұзындығы 100 шақырымды құрайтын 1 автожол (шектеулі көрініс, боран)1. Үшарал-Достық, Көктума бекетінен Достық бекетіне дейін (барлық көліктер үшін)Қостанай облысында – жалпы ұзындығы 83 шақырымды құрайтын 1 автожол (Ұлытау облысындағы ауа райының қолайсыздығына байланысты) 1. «Жезқазған-Петропавл» - Ұлытау обл. шек.-Арқалық қ. (көліктің барлық түрлері үшін)Ұлытау облысында  – жалпы ұзындығы 115 шақырымды құрайтын 1 автожолда(екпінді жел, ауа температурасының төмендеуі) 1. «Жезқазған-Петропавл» - Ұлытау к.-Қостанай обл.шек. (барлық көлік түрлері үшін) ,Ағымдағы сағатта республ…

Кеше түнде екі ер адам полицияға телефон шалып, Абай облысындағы Шабақ қыстауынан 4 шақырым жерде адасып кеткенін айтқан.

Олар трактормен жолға шыққан екен. Далада 40 градус аяз. Содан көліктің жанармайы қатып қалған соң, екеуі жаяу қайтуға бел буған. Бірақ олар адасып, телефондары да суықта өшіп қалады.

Трактордың ізімен жаяу жүгірген полицейлердің өздері үсіп қалыпты. Алайда тракторшыларды тауып алған.
Адасқандарды көлікке әрең жеткізіпті. Өйткені аяқтары қатып қалған. Соған қарамастан құтқару операциясы сәтті өтті.

«Бейнежазба скриншоттары мен сот-медициналық сараптамасының қорытындыларын жариялауыма Бишімбаевтың адвокаттарының өтірік сөздері мәжбүрледі... Скриншоттарда оның Салтанатты теуіп те, ұрып та жатқаны анық көрініп тұр... Бишімбаевтың адвокаттарының сұхбатын көріңіздерші! «Ұрған жоқ» дейді. Бізде әр тұстағы камераға түсіп қалған видеолар бар. Онда ұрып жатқаны, теуіп жатқаны көрсетіледі. Медициналық сараптама қорытындысы бар. Онда сараптамашылар басының өзіне кемінде 13 соққы берілгені туралы ұйғарым жасаған!» – деп жазыпты марқұмның ағасы Айтбек Амангелді Instagram-дағы парақшасында.Айта кетейік, былтыр қараша айында бұрынғы ұлттық экономика министрі Қуандық Бишімбаев әйелі Салтанат Нүкенованы өлтірді деген күдікпен ұсталып, қамауға алынған еді. Сұмдық оқиға Астанадағы мейрамханада болған.…

Ұлттық қауіпсіздік комитеті мемлекеттік шекарадағы көлік кептелісіне қатысты түсініктеме берді.

ҰҚК баспасөз қызметінің хабарлауынша, елдің солтүстік облыстарында ауа райының бұзылуына байланысты республикалық және облыстық деңгейдегі жолдарда көліктердің қозғалысы уақытша шектелген.
Бірақ қазір жағдай тұрақтандырылыпы.
Көлік жолдарының ашылуына байланысты, жекелеген бағыттарда:
- Қазақстан-Қырғыз учаскесі («Қарасу» өткізу пункті);
- Қазақстан-Өзбекстан учаскесі («Тәжен», «Қазығұрт» өткізу пункттері);
- Қазақстан-Ресей учаскесінде («Сырым» өткізу пункті) көлік құралдарының кептелісі байқалады.
Сонымен бірге ҰҚК Шекара қызметі қазақстандық өткізу пункттері штаттық режимде жұмыс істейтінін хабарлады.
Көлік жүргізушілеріне қалыптасқан ахуалды ескере отырып, қозғалыс бағыттарын түзету ұсынылған.

Алматы қалалық мәслихатының депутаты Тимур Елеусізовтің кеше жиында баяндама оқып отырып боқтап жібергенін жазғанбыз.Ол бүгін әлеуметтік желіде сол үшін жазасын алғанын хабарлады. Полицияға өзі барып, түсініктеме жазыпты. Сөйтіп, Әкiмшiлiк құқық бұзушылық туралы кодекстің 434-бабы (ұсақ бүзақылық) бойынша жауапқа тартылған.Бұл бап бойынша, қоғамдық орында былапыт сөз айтқан адамға жиырма айлық есептiк көрсеткiш мөлшерiнде айыппұл салынады немесе ол бестен он бес тәулiкке дейiнгi мерзiмге әкiмшiлiк қамауға алынады. Еркіндікте жүргеніне қарағанда, депутат тек айыппұл төлеген. Ол – қазіргі АЕК мөлшері бойынша 73 840 теңге.«Жіберген қателігің үшін жауап беруің керек. Бұл – заң алдында бәріміздің тең екендігіміздің жарқын үлгісі», – деді Тимур Елеусізов Instagram-ға салған видеосында.Айта…